ദുബായ്: ഐസിഎല് ഗ്രൂപ്പ് പുതിയ കോര്പറേറ്റ് ആസ്ഥാനം ദുബായിലെ ഊദ് മെഹ്തയില് പ്രവര്ത്തനമാരംഭിച്ചു. ഓഫീസ് കോര്ട്ട് കെട്ടിടത്തിലെ വിശാലമായ നിലകളിലായി ഏകദേശം 10,000 ചതുരശ്ര അടി വിസ്തീര്ണത്തില് സജ്ജീകരിച്ചിരിക്കുന്ന ഈ ആസ്ഥാനമന്ദിരം കരീബിയന് രാജ്യങ്ങളുടെ ഗുഡ്വില് അംബാസഡറും ഐസിഎല് ഗ്രൂപ്പ് ചെയര്മാനും മാനേജിംഗ് ഡയറക്ടറുമായ അഡ്വ. കെ.ജി. അനില്കുമാര് ഉദ്ഘാടനം ചെയ്തു. 2018ല് ദുബായില് പ്രവര്ത്തനമാരംഭിച്ച ഐസിഎല് ടൂര്സ് ആന്ഡ് ട്രാവല്സ് ഇപ്പോള് എട്ടാം വര്ഷത്തിലേക്കു കടക്കുകയാണ്.
200 ലധികം ജീവനക്കാരുള്ള പുതിയ കോര്പറേറ്റ് ഓഫീസില് ഐസിഎല് ഇന്വെസ്റ്റ്മെന്റ് സര്വീസസിനു പുറമെ ഐസിഎല് ഗോള്ഡ് ട്രേഡിംഗ്, ഐസിഎല് റിയല് എസ്റ്റേറ്റ് ആന്ഡ് പ്രോപ്പര്ട്ടീസ്, ഐസിഎല് ലാമ ഡെസേര്ട്ട് സഫാരി, ഐസിഎല് മറൈന് ടൂറിസം, ഐസിഎല് ട്രാവല് ആന്ഡ് ടൂറിസം, ഐസിഎല് ബാങ്കിംഗ് ചാനല് പാര്ട്ണര് സേവനങ്ങള്, ഐസിഎല് ഹോസ്പിറ്റാലിറ്റി വിഭാഗം തുടങ്ങിയ വിവിധ ബിസിനസ് മേഖലകളും പ്രവര്ത്തിക്കുന്നു.
ദുബായ് ആസ്ഥാനമാക്കി യുകെ, സൗദി അറേബ്യ തുടങ്ങിയ രാജ്യങ്ങളിലേക്കും ബിസിനസ് വ്യാപിപ്പിക്കാനാണ് ഇപ്പോഴത്തെ ലക്ഷ്യമെന്ന് അഡ്വ. കെ. ജി. അനില് കുമാര് പറഞ്ഞു.
