കൊച്ചി: ശബരിമല സ്വര്ണ്ണക്കൊള്ളയില് എന്ഫോഴ്സ്മെന്റ് ഡയറക്ടറേറ്റ് (ഇഡി) കേസില് പ്രതികളുടെ അറസ്റ്റ് വൈകും. ഉണ്ണികൃഷ്ണന് പോറ്റി അടക്കമുള്ളവരെ ചോദ്യം ചെയ്യുക അടുത്തയാഴ്ചയാകുമെന്നാണ് ലഭ്യമാകുന്ന വിവരം.
പൂര്ണമായി വിവര ശേഖരണം നടത്തിയ ശേഷം പ്രതികളെ വിളിച്ചുവരുത്താനാണ് ഇഡി തീരുമാനമെന്ന സൂചനകളാണ് പുറത്തുവരുന്നത്. പ്രതിപ്പട്ടികയില് ഇല്ലാത്ത സാക്ഷികളുടെ ചോദ്യം ചെയ്യല് തുടരും.
ഉണ്ണികൃഷ്ണന് പോറ്റിയുടെ സാമ്പത്തിക ഇടപാടുകളുടെ രേഖകള് ഇഡി വിശദമായി പരിശോധിച്ചു. 2017 മുതല് 2025 വരെയുള്ള സാമ്പത്തിക ഇടപാടാണ് പരിശോധിച്ചത്. തിരുവനന്തപുരത്ത് അടക്കം ഭൂമികള് വാങ്ങിയതിന്റെ വിശദാംശങ്ങളും ഇ ഡിക്ക് ലഭിച്ചു.
പോറ്റിയുടെ 1.3 കോടി രൂപയുടെ ആസ്തി വകകള് നേരത്തെ ഇഡി മരവിപ്പിച്ചിട്ടുണ്ട്.
