തിരുവനന്തപുരം: ആരോഗ്യമന്ത്രി വീണാ ജോര്ജിനെ കെഎസ് യു പ്രവര്ത്തകര് ആക്രമിച്ചുവെന്ന് പറയുന്നത് പച്ചക്കള്ളമാണെന്ന് പ്രതിപക്ഷ നേതാവ് വി.ഡി. സതീശന്. കെഎസ് യു പ്രവര്ത്തകര് മന്ത്രിയുടെ അടുത്തേക്ക് എത്തിയിട്ടില്ല.
മന്ത്രിയുടേത് അഭിനയമാണ്. സ്പീക്കര് ചെയ്തത് പദവിക്ക് നിരക്കാത്തത്. മന്ത്രിയുടെ കൈയിലെ മുറിവ് നേരത്തെയുള്ളത്. എം.വി. ഗോവിന്ദന് കലാപത്തിന് ആഹ്വാനം നല്കുകയാണ്. പച്ചക്കള്ളം പറഞ്ഞ് സിപിഎം അണികളെ അക്രമത്തിന് പ്രേരിപ്പിക്കുന്ന നിലപാടാണ് എം.വി. ഗോവിന്ദന്റേത്.
മന്ത്രിയെ കെഎസ് യു പ്രവര്ത്തകര് ആക്രമിച്ചുവെന്ന് കള്ളം പറഞ്ഞ് കലാപത്തിന് ആഹ്വാനം ചെയ്ത ഗോവിന്ദനെതിരെ കേസെടുക്കണം. സിപിഎം വ്യാപക അക്രമം അഴിച്ചുവിടുന്നു. ഇതില് ഭയപ്പെടില്ല.
നവയുഗയാത്രയെ തകര്ക്കാനുള്ള നീക്കങ്ങളാണ് സിപിഎം നടത്തുന്നത്. ഇതിലൊന്നിലും കോണ്ഗ്രസ് ഭയപ്പെടില്ല. സ്പീക്കര് തയാറാക്കിയ തിരക്കഥയാണ് ഇതിന് പിന്നിലെന്നും പ്രതിപക്ഷ നേതാവ് ആരോപിച്ചു.
