തലശേരി: പാനൂർ മൊകേരിയിൽ മുസ്ലിം ലീഗ് നേതവിനെ അക്രമിച്ച സംഭവത്തിൽ മൂന്ന് സിപിഎം പ്രവർത്തകർ അറസ്റ്റിൽ. യൂത്ത് ലീഗ് പഞ്ചായത്ത് കമ്മിറ്റി സെക്രട്ടറി കുറ്റികണ്ടി അഷ്റഫിനെ മാരകയുധങ്ങൾ ഉപയോഗിച്ച് ആക്രമിച്ച സംഭവത്തിലാണ് സിപിഎം പ്രവർത്തകരായ മുത്താറിപീടികയിലെ കല്ലുവെച്ച പറമ്പത്ത് സുബിൻ ( ചിക്കു ), വള്ളിൽ വിധു കൃഷ്ണ, ആദർശ് വലിയാണ്ടി എന്നിവരെ പാനൂർ പോലീസ് അറസ്റ്റ് ചെയ്തത്.
തലശേരി കോടതിയിൽ ഹാജരാക്കിയ പ്രതികളെ 14 ദിവസത്തേക്ക് റിമാൻഡ് ചെയ്തു. ഏപ്രിയിൽ 21ന് രാത്രിയാണ് അക്രമം നടന്നത്. മുത്താറി പീടികയിൽ സുഹൃത്തുകളുമായി സംസാരിച്ച് കൊണ്ടിരിക്കെയാണ് അഷ്റഫിനെ പ്രതികൾ അക്രമിച്ചത്. അക്രമത്തിൽ ഗുരുതരമായി പരിക്കേറ്റ അഷ്റഫ് ഇപ്പോഴും ചികിത്സയിലാണ്.
