തിരുവനന്തപുരം: കെഎസ്ആർടിസി പെൻഷൻ വർധിപ്പിക്കില്ലെന്ന് സംസ്ഥാന സർക്കാർ. പെൻഷൻ പരിഷ്കരിക്കണമെന്ന ഹൈക്കോടതി നിർദേശം സർക്കാർ തള്ളി. പെൻഷൻ വർധിപ്പിച്ചാൽ 12 കോടി രൂപയുടെ അധിക സാമ്പത്തിക ബാധ്യതയുണ്ടാകുമെന്ന വിലയിരുത്തലിന്‍റെ അടിസ്ഥാനത്തിലാണ് നടപടി.
നിലവിൽ കെഎസ്ആർടിസി കടുത്ത സാമ്പത്തിക പ്രതിസന്ധിയിലാണെന്നാണ് സർക്കാരിന്‍റെ വിശദീകരണം. വരുമാനനഷ്ടം തുടരുന്നതിനാൽ സ്ഥാപനത്തിന്‍റെ ദൈനംദിന ചെലവുകൾ കണ്ടെത്തുന്നതുപോലും വെല്ലുവിളിയാണെന്നും സർക്കാർ ചൂണ്ടിക്കാട്ടുന്നു.
പെൻഷൻ വർധിപ്പിക്കേണ്ടതില്ലെന്ന തീരുമാനം സർക്കാർ ഉത്തരവായും പുറത്തിറക്കി. ഇതോടെ വർഷങ്ങളായി പെൻഷൻ വർധന ആവശ്യപ്പെട്ടുകൊണ്ടിരിക്കുന്ന കെഎസ്ആർടിസി പെൻഷൻകാരുടെ പ്രതീക്ഷകൾക്ക് തിരിച്ചടിയായി.
കെഎസ്ആർടിസിയുടെ സാമ്പത്തിക സ്ഥിതി മോശമായതിനാലാണ് പെൻഷൻ വർധിപ്പിക്കാത്തതെന്ന് മന്ത്രി സി.പി. ജോൺ വ്യക്തമാക്കി. പെൻഷൻ വർധിപ്പിക്കുന്നത് കെഎസ്ആർടിസിക്ക് വലിയ സാമ്പത്തിക ബാധ്യതയാകുമെന്നും സ്ഥാപനത്തിന്‍റെ സാമ്പത്തിക നില മെച്ചപ്പെടുന്ന മുറയ്ക്ക് പെൻഷൻ വർധിപ്പിക്കുന്ന കാര്യം പരിഗണിക്കുമെന്നും മന്ത്രി പറഞ്ഞു.
സാമ്പത്തിക പ്രതിസന്ധി ചൂണ്ടിക്കാട്ടി സർക്കാർ പെൻഷൻ വർധന മാറ്റിവച്ചതോടെ പെൻഷൻകാർക്ക് ആശ്വാസം ലഭിക്കാൻ ഇനിയും കാത്തിരിക്കേണ്ടിവരും.
