അ​മ്മ​യ​റി​യാ​തെ കു​ഞ്ഞി​നെ ദ​ത്ത് ന​ൽ​കി​യ സം​ഭ​വം; കു​ഞ്ഞി​നെ ല​ഭി​ച്ച​ത് അ​മ്മത്തൊട്ടി​ലി​ൽ നിന്ന്; ശി​ശു​ക്ഷേ​മ സ​മി​തി​യെ​യും സെ​ക്ര​ട്ട​റിയേും  ന്യാ​യീ​ക​രി​ച്ചു ആനാവൂർ നാഗപ്പൻ

സ്വ​ന്തം ലേ​ഖ​ക​ൻ
തി​രു​വ​ന​ന്ത​പു​രം: അ​മ്മ​യ​റി​യാ​തെ കു​ഞ്ഞി​നെ ദ​ത്ത് ന​ൽ​കി​യ സം​ഭ​വ​ത്തി​ൽ ശി​ശു​ക്ഷേ​മ സ​മി​തി​യെ​യും സ​മി​തി സെ​ക്ര​ട്ട​റി ഷി​ജു ഖാ​നെ​യും ന്യാ​യീ​ക​രി​ച്ച് സി​പി​എം ജി​ല്ലാ സെ​ക്ര​ട്ട​റി ആ​നാ​വൂ​ർ നാ​ഗ​പ്പ​ൻ രം​ഗ​ത്ത്.

കു​ഞ്ഞി​നെ ദ​ത്ത് ന​ൽ​കി​യ​തി​ൽ ശി​ശു​ക്ഷേ​മ സ​മി​തി നി​യ​മ​വി​രു​ദ്ധ​മാ​യി ഒ​ന്നും ചെ​യ്തി​ട്ടി​ല്ലെ​ന്നു പ​റ​ഞ്ഞ ആ​നാ​വൂ​ർ നാ​ഗ​പ്പ​ൻ, കു​ഞ്ഞി​നെ ല​ഭി​ച്ച​ത് അ​മ്മത്തൊട്ടി​ലി​ൽ നി​ന്നാ​ണെ​ന്നും വെ​ളി​പ്പെ​ടു​ത്തി.

കു​ഞ്ഞി​നെ ദ​ത്ത് ന​ൽ​കി​യ​തു​മാ​യി ബ​ന്ധ​പ്പെ​ട്ട എ​ല്ലാ കാ​ര്യ​ങ്ങ​ളും വെ​ളി​പ്പെ​ടു​ത്താ​ൻ ശി​ശു​ക്ഷേ​മ സ​മി​തി സെ​ക്ര​ട്ട​റി ഷി​ജു ഖാ​നു ക​ഴി​യി​ല്ല. ഈ ​പ​രി​മി​തി വെ​ച്ചു​കൊ​ണ്ടാ​ണ് ഷി​ജു ഖാ​നെ വേ​ട്ട​യാ​ടു​ന്ന​ത്.

കു​ഞ്ഞി​ന്‍റെ വി​വ​ര​ങ്ങ​ൾ‌ പ​ത്ര​ങ്ങ​ളി​ല​ട​ക്കം ന​ൽ​കി​യി​രു​ന്നു. ന​ട​പ​ടി ക്ര​മ​ങ്ങ​ൾ എ​ല്ലാം പാ​ലി​ച്ചാ​ണ് കാ​ര്യ​ങ്ങ​ൾ ചെ​യ്ത​ത്. ഏ​ഴ് മാ​സ​ങ്ങ​ൾ കൊ​ണ്ടാ​ണ് ദ​ത്ത് ന​ട​പ​ടി​ക​ൾ പൂ​ർ​ത്തി​യാ​ക്കി​യ​ത്.

അ​തു​വ​രെ ശി​ശു​ക്ഷേ​മ സ​മി​തി​ക്കു മു​ന്പാ​കെ ആ​രും എ​തി​ർ​പ്പ് അ​റി​യി​ച്ചി​ട്ടി​ല്ലെ​ന്നും നാ​ഗ​പ്പ​ൻ പ​റ​ഞ്ഞു.കു​ഞ്ഞി​നെ ദ​ത്ത് ന​ൽ​കി​യ കാ​ര്യ​ത്തി​ൽ എ​തി​ർ​പ്പു​മാ​യി അ​നു​പ​മ​യോ ഭ​ർ‌​ത്താ​വോ ശി​ശു​ക്ഷേ​മ സ​മി​തി​യെ സ​മീ​പി​ച്ചി​ട്ടി​ല്ല.

പി​താ​വി​നെ ആ​രും പൂ​ട്ടി​യി​ട്ടി​രു​ന്നി​ല്ല​ല്ലോ. ഇ​പ്പോ​ൾ ശി​ശു​ക്ഷേ​മ സ​മി​തി​യു​ടെ വി​ശ്വാ​സ്യ​ത ചോ​ദ്യം ചെ​യ്യു​ക​യാ​ണ് മാ​ധ്യ​മ​ങ്ങ​ൾ.

ശി​ശു​ക്ഷേ​മ സ​മി​തി​ക്കെ​തി​രേ ഉ​ന്ന​യി​ക്കു​ന്ന ആ​രോ​പ​ണ​ങ്ങ​ൾ അ​ടി​സ്ഥാ​ന​മി​ല്ലെ​ന്നു ബോ​ധ്യ​പ്പെ​ട്ടാ​ൽ അ​ത് തി​രു​ത്താ​ൻ മാ​ധ്യ​മ​ങ്ങ​ൾ ത​യാ​റാ​കു​മോ​യെ​ന്നും ആ​നാ​വൂ​ർ നാ​ഗ​പ്പ​ൻ ചോ​ദി​ച്ചു.