#MeToo കൊടുങ്കാറ്റ്! കേ​ന്ദ്ര വി​ദേ​ശ സ​ഹ​മ​ന്ത്രി​ക്കെ​തി​രേ വീ​ണ്ടും ആ​രോ​പ​ണം; എം.ജെ. അക്ബർ തെറിച്ചേക്കും; അക്ബറിനെതിരെ മേനക ഗാന്ധിയും

ന്യൂ​ഡ​ൽ​ഹി: കേ​ന്ദ്ര വി​ദേ​ശ സ​ഹ​മ​ന്ത്രി​യും മു​ൻ മാ​ധ്യ​മ​പ്ര​വ​ർ​ത്ത​ക​നു​മാ​യ എം.​ജെ. അ​ക്ബ​റി​നെ​തി​രേ വീണ്ടും ലൈം​ഗി​ക ആ​രോ​പ​ണ​ം.ഏ​ഷ്യ​ൻ ഏ​ജ് ദി​ന​പ​ത്ര​ത്തി​ന്‍റെ റ​സി​ഡ​ന്‍റ് എ​ഡി​റ്റ​റാ​യി​രു​ന്ന സു​പ​ർ​ണ ശ​ർ​മ​യാ​ണ് അ​ക്ബ​റി​നെ​തി​രേ ഒ​ടു​വി​ൽ ആ​രോ​പ​ണ​വു​മാ​യി രം​ഗ​ത്ത് എ​ത്തി​യ​ത്. പ​ത്ര​ത്തി​ന്‍റെ പേ​ജ് ചെ​യ്തു കൊ​ണ്ടി​രു​ന്ന സ​മ​യ​ത്ത് അ​ക്ബ​ർ പു​റ​കി​ലൂ​ടെ​യെ​ത്തി മോ​ശ​മാ​യി പെ​രു​മാ​റി​യെ​ന്നാ​ണ് സു​പ​ർ​ണ​യു​ടെ ആ​രോ​പ​ണം.

അ​ക്ബ​റി​നെ​തിരേ രം​ഗ​ത്തെ​ത്തു​ന്ന ആ​റാ​മ​ത്തെ സ്ത്രീ​യാ​ണ് സു​പ​ർ​ണ. ഇതോടെ അകബറിന്‍റെ മന്ത്രിപദം തെറിച്ചേക്കുമെന്നാണ് റിപ്പോർട്ട് . അതേസമയം സം​ഭ​വ​ത്തി​ൽ അ​ന്വേ​ഷ​ണം ഉ​ണ്ടാ​വ​ണ​മെ​ന്ന് മേനക ഗാ​ന്ധി ആ​വ​ശ്യ​പ്പെ​ട്ടു. വെ​ളി​പ്പെ​ടു​ത്ത​ൽ വ​ന്ന ശേ​ഷം ആ​ദ്യ​മാ​യാ​ണ് ഒ​രു ബി​ജെ​പി നേ​താ​വ് വി​ഷ​യ​ത്തി​ൽ പ്ര​തി​ക​രി​ക്കു​ന്ന​ത്.

അ​ന്വേ​ഷ​ണം തീ​ർ​ച്ച​യാ​യും ഉ​ണ്ടാ​വ​ണം. അ​ധി​കാ​ര​ത്തി​ൽ ഇ​രി​ക്കു​ന്ന പു​രു​ഷ​ൻ​മാ​ർ എ​പ്പോ​ഴും ചെ​യ്യു​ന്ന കാ​ര്യ​മാ​ണി​ത്. മാ​ധ്യ​മ രം​ഗ​ത്തും രാ​ഷ്ട്രീ​യ മേ​ഖ​ല​യി​ലും ക​ന്പ​നി​ക​ളി​ലും ഇ​തു​ണ്ട്. ഇ​പ്പോ​ൾ സ്ത്രീ​ക​ൾ പ്ര​തി​ക​രി​ക്കാ​ൻ ത​യ്യാ​റാ​വു​ന്നു​ണ്ട്. നാ​മ​ത് ഗൗ​ര​വ​ത്തി​ൽ ത​ന്നെ എ​ടു​ക്ക​ണം.

മ​റ്റു​ള്ള​വ​ർ എ​ന്ത് ക​രു​തും, സ്വ​ഭാ​വ​ശു​ദ്ധി​യെ സം​ശ​യി​ക്കു​മോ എ​ന്നെ​ല്ലാ​മു​ള്ള ഭ​യം കാ​ര​ണ​മാ​ണ് സ്ത്രീ​ക​ൾ ഇ​ക്കാ​ര്യ​ങ്ങ​ൾ പു​റ​ത്തു പ​റ​യാ​ൻ മ​ടി​ക്കു​ന്ന​ത്. ഇ​പ്പോ​ൾ പു​റ​ത്ത് വ​രു​ന്ന ഓ​രോ ആ​രോ​പ​ണ​ത്തി​ലും ന​ട​പ​ടി എ​ടു​ക്കാ​ൻ നാം ​ത​യ്യാ​റാ​വ​ണ​മെ​ന്നും മ​ന്ത്രി വ്യ​ക്ത​മാ​ക്കി.

എ​ന്നാ​ൽ വി​ദേ​ശ​കാ​ര്യ വ​കു​പ്പ് മ​ന്ത്രി സു​ഷ​മ സ്വ​രാ​ജ് വി​ഷ​യ​ത്തി​ൽ പ്ര​തി​ക​രി​ക്കാ​ൻ ത​യ്യാ​റാ​യി​ല്ല. താ​ങ്ക​ൾ ഒ​രു വ​നി​താ മ​ന്ത്രി​യാ​ണ്, സ​ഹ​മ​ന്ത്രി​ക്കെ​തി​രാ​യ ഗു​രു​ത​ര​മാ​യ ആ​രോ​പ​ണ​ങ്ങ​ളി​ൽ അ​ന്വേ​ഷ​ണം ന​ട​ത്തു​മോ എ​ന്ന മാ​ധ്യ​മ​പ്ര​വ​ർ​ത്ത​ക​യു​ടെ ചോ​ദ്യ​ത്തി​ന് മ​റു​പ​ടി പ​റ​യാ​തെ സു​ഷ​മ ന​ട​ന്നു പോ​യി. നൈ​ജീ​രി​യ​യി​ൽ സ​ന്ദ​ർ​ശ​ന​ത്തി​നു പോ​യ എം.​ജെ. അ​ക്ബ​ർ ആ​രോ​പ​ണ​ങ്ങ​ളോ​ടു പ്ര​തി​ക​രി​ച്ചി​ട്ടി​ല്ല.

പാ​ർ​ട്ടി പ​രി​പാ​ടി​ക​ളെ കു​റി​ച്ച് പ്ര​തി​ക​രി​ക്കാ​നാ​യി വാ​ർ​ത്താ സ​മ്മേ​ള​നം വി​ളി​ച്ച ബി​ജെ​പി വ​ക്താ​വ് സാം​ബി​ത് പാ​ത്ര എം.​ജെ അ​ക്ബ​റു​മാ​യി ബ​ന്ധ​പ്പെ​ട്ട ചോ​ദ്യ​ങ്ങ​ളി​ൽ നി​ന്ന് ഒ​ഴി​ഞ്ഞു​മാ​റി. ത​ന്നെ ചു​മ​ത​ല​പ്പെ​ടു​ത്തി​യ​ത് മ​റ്റ് വി​ഷ​യ​ങ്ങ​ൾ സം​സാ​രി​ക്കാ​നാ​ണെ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​തി​ക​ര​ണം.

ലൈ​വ് മി​ന്‍റ് നാ​ഷ​ണ​ൽ ഫീ​ച്ചേ​ഴ്സ് എ​ഡി​റ്റ​ർ പ്രി​യ ര​മ​ണി​യാ​ണ് മ​ന്ത്രി എം.​ജെ. അ​ക്ബ​റി​നെ​തി​രെ ആ​ദ്യ​മാ​യി ട്വി​റ്റ​റി​ലൂ​ടെ ആ​രോ​പ​ണ​മു​ന്ന​യി​ച്ച​ത്. 1997ൽ ​ന​ട​ന്ന സം​ഭ​വ​മാ​ണ് അ​വ​ർ ഭാ​ഗിക​മാ​യി പ​രാ​മ​ർ​ശി​ച്ച​ത്. ടെ​ല​ഗ്രാ​ഫ് പ​ത്ര​ത്തി​ന്‍റെ സ്ഥാ​പ​ക എ​ഡി​റ്റ​ർ കൂ​ടി​യാ​യ അ​ക്ബ​ർ മാ​ധ്യ​മ മേ​ഖ​ല​യി​ൽ തി​ള​ങ്ങി നി​ന്നി​രു​ന്ന സ​മ​യം, ആ ​രം​ഗ​ത്ത് പു​തു​മു​ഖ​മാ​യി​രു​ന്ന പ്രി​യ, അ​ക്ബ​ർ വി​ളി​ച്ച​തു പ്ര​കാ​രം മും​ബൈ​യി​ലെ ഹോ​ട്ട​ലി​ൽ രാ​ത്രി ഏ​ഴി​നു ചെ​ന്നു. ജോ​ലി​ക്കു​ള്ള അ​ഭി​മു​ഖ​ത്തി​നെ​ന്ന് പ​റ​ഞ്ഞാ​യി​രു​ന്നു പ്രി​യ​യെ വി​ളി​ച്ച​ത്. എ​ന്നാ​ൽ, അ​ക്ബ​റി​ൽ​നി​ന്നു മോ​ശ​മാ​യ അ​നു​ഭ​വ​മാ​ണ് ഉ​ണ്ടാ​യ​തെ​ന്നും ത​നി​ക്ക് മ​ദ്യം വാ​ഗ്ദാ​നം ചെ​യ്തെ​ന്നും പ്രി​യ ആ​രോ​പി​ച്ചു.

പ്രി​യാ ര​മ​ണി ഒ​രു വ​ർ​ഷം മു​ന്പ് ഒ​രു മാ​സി​ക​യി​ൽ ഈ ​സം​ഭ​വ​ത്തെ​പ്പ​റ്റി എ​ഴു​തി​യി​രു​ന്നെ​ങ്കി​ലും അ​ക്ബ​റു​ടെ പേ​ര് പ​റ​ഞ്ഞി​രു​ന്നി​ല്ല. തി​ങ്ക​ളാ​ഴ്ച​യാ​ണു പേ​ര് വെ​ളി​പ്പെ​ടു​ത്തി​യ​ത്. അ​തോ​ടെ പ്രേ​ര​ണാ​സിം​ഗ് ബി​ന്ദ്ര, സു​ജാ​ത ആ​ന​ന്ദ​ൻ, ഷു​മ രാ​ഹ, ഹ​രീ​ന്ദ​ർ ബ​വേ​ജ എ​ന്നീ മാ​ധ്യ​മ​പ്ര​വ​ർ​ത്ത​ക​ർ അ​ക്ബ​റി​ൽ നി​ന്നു​ള്ള മോ​ശം അ​നു​ഭ​വ​ങ്ങ​ൾ വി​വ​രി​ച്ചു രം​ഗ​ത്തു​വ​ന്നു.

സ​ൺ​ഡേ വാ​രി​ക, ടെ​ല​ഗ്രാ​ഫ് ദി​ന​പ​ത്രം, ഏ​ഷ്യ​ൻ ഏ​ജ് ദി​ന​പ​ത്രം തു​ട​ങ്ങി​യ​വ​യു​ടെ പ​ത്രാ​ധി​പ​ർ ആ​യി​രു​ന്നു അ​ക്ബ​ർ. 1989-ൽ ​ബി​ഹാ​റി​ലെ കി​ഷ​ർ​ഗ​ഞ്ജി​ൽ നി​ന്നു കോ​ൺ​ഗ്ര​സ് ടി​ക്ക​റ്റി​ൽ ലോ​ക്സ​ഭ​യി​ലെ​ത്തി. 1991ൽ ​പ​രാ​ജ​യ​പ്പെ​ട്ടു. ഏ​താ​നും വ​ർ​ഷം മു​ന്പ് ബി​ജെ​പി​യി​ൽ ചേ​ർ​ന്നു. മ​ധ്യ​പ്ര​ദേ​ശി​ൽ നി​ന്നു​ള്ള രാ​ജ്യ​സ​ഭാം​ഗ​മാ​ണ് അ​റു​പ​ത്തേ​ഴു​കാ​ര​നാ​യ അ​ക്ബ​ർ. ഏ​താ​നും ഗ്ര​ന്ഥ​ങ്ങ​ളു​ടെ ക​ർ​ത്താ​വ് കൂ​ടി​യാ​ണ്.