ഓ​രോ കാ​ര്യ​ത്തി​നും ഈ​ടാ​ക്കു​ന്ന​ത് തോ​ന്നു​ന്ന ചാ​ർജ്‌ ​! അ​ക്ഷ​യ കേ​ന്ദ്ര​ങ്ങ​ൾ അ​മി​തസ​ർ​വീസ് ചാ​ർ​ജ് ഈ​ടാ​ക്കു​ന്നെന്ന്; പാ​ൻ കാ​ർ​ഡി​ന് ഈ​ടാ​ക്കു​ന്ന​ത് 250 മു​ത​ൽ 325 വ​രെ​

തു​റ​വു​ർ: സ​ർ​ക്കാ​രി​ന്‍റെ വി​വി​ധ ഓ​ഫീ​സു​ക​ളി​ലൂ​ടെ ല​ഭി​ക്കു​ന്ന സേ​വ​ന​ങ്ങ​ൾ ജ​ന​ങ്ങ​ൾ​ക്ക് ഒ​രു കേ​ന്ദ്ര​ത്തി​ലൂ​ടെ ല​ഭി​ക്കു​ന്ന​തി​ന് ന​ട​പ്പി​ലാ​ക്കി​യ അ​ക്ഷ​യ കേ​ന്ദ്ര​ങ്ങ​ളി​ൽ പ​ല​തും അ​മി​ത​മാ​യ സ​ർ​വീ​സ് ചാ​ർ​ജ് ഈ​ടാ​ക്കു​ന്ന​താ​യി പ​രാ​തി.

ലോ​ക്ക് ഡൗ​ണി​ൽ മ​റ്റ് കം​പ്യൂ​ട്ട​ർ സെ​ന്‍റ​റു​ക​ൾ​ക്കോ ഫോ​ട്ടോ​സ്റ്റാ​റ്റ് ക​ട​ക​ൾ​ക്കോ തു​റ​ക്കാ​നാ​കാ​ത്ത സാ​ഹ​ച​ര്യ​ത്തി​ൽ ജ​ന​ങ്ങ​ൾ​ക്ക് ഏ​ക ആ​ശ്ര​യം അ​ക്ഷ​യ സെന്‍റ​റു​ക​ളാ​ണ്.​

ഇ​ത് അ​വ​സ​ര​മാ​യി ക​ണ്ട് പ​ല അ​ക്ഷ​യ സെ​ന്‍ററു​ക​ളും തോ​ന്നു​ന്ന ചാ​ർ​ജാ​ണ് ഓ​രോ കാ​ര്യ​ത്തി​നും ഈ​ടാ​ക്കു​ന്ന​ത്. ലോ​ക്ക് ഡൗ​ണി​ൽ യാ​ത്ര ചെ​യ്യാ​നു​ള്ള ബു​ദ്ധി​മു​ട്ടു​ ക​ാര​ണം സാ​ധാ​ര​ണ​ക്കാ​രാ​യ ജ​ന​ങ്ങ​ൾ ഇ​ല​ക്ട്രി​സി​റ്റി, വാ​ട്ട​ർ അ​തോ​റി​റ്റി ബി​ല്ലു​ക​ൾ അ​ടു​ത്തു​ള്ള അ​ക്ഷ​യ സെ​ന്‍റ​ർ മു​ഖേ​ന​യാ​ണ് അ​ട​ച്ച​ത്.

ബി​ൽ തു​ക കൂ​ടാ​തെ 30 രൂ​പ വ​രെ ചി​ല സെ​ന്‍റ​റു​ക​ൾ അ​ധി​ക​മാ​യി വാ​ങ്ങി​യെ​ന്ന് പ​രാ​തി​യു​ണ്ട്.​ ചോ​ദി​ച്ച​പ്പോ​ൾ സ​ർ​വീ​സ് ചാ​ർ​ജും ടാ​ക്സു​മാ​ണെ​ന്നാ​ണ് അ​ക്ഷ​യ സെ​ന്‍റ​ർ നടത്തിപ്പുകാർ പറഞ്ഞ​ത്.

പാ​ൻ കാ​ർ​ഡി​ന് 250 മു​ത​ൽ 325 വ​രെ​യാ​ണ് പ​ല അ​ക്ഷ​യ സെ​ന്‍ററു​ക​ളും ഈ​ടാ​ക്കു​ന്ന​ത്. മു​ൻ​പ് വി​ല്ലേ​ജ് ഓ​ഫീ​സി​ൽ വ​സ്തു ഉ​ട​മ​ക​ൾ നേ​രി​ട്ടെ​ത്തി അ​ട​ച്ചി​രു​ന്ന വ​സ്തു​ക​രം ഇ​പ്പോ​ൾ അ​ക്ഷ​യ വ​ഴി​യാ​ണ് അ​ട​ക്കേ​ണ്ട​ത്.

ഒ​രു ആ​ർ വ​സ്തു​വി​ന് പ​ത്തു​രൂ​പ വെ​ച്ച് സ​ർ​ക്കാ​രി​ന് അ​ട​യ്ക്കു​മ്പോ​ൾ മൂ​ന്നും ചി​ല സ്ഥ​ല​ത്ത് നാ​ലും രൂ​പ സ​ർ​വീ​സ് ചാ​ർ​ജാ​യി ന​ൽ​കേ​ണ്ടി വ​രു​ന്നു.

12 സെ​ന്‌റ് സ്ഥ​ലം ഉ​ള്ള ഒ​രു സാ​ധാ​ര​ണ​ക്കാ​ര​ൻ വി​ല്ലേ​ജ് ഓ​ഫീ​സി​ൽ 30 രൂ​പ അ​ട​ക്കു​മ്പോ​ൾ അ​ക്ഷ​യ​യി​ൽ 50 ചി​ല സ്ഥ​ല​ത്ത് 55 ഉം ​അ​ട​ക്കേ​ണ്ടി വ​രു​ന്നു.

കൂ​ടാ​തെ അ​ക്ഷ​യ സെ​ന്‍റ​റി​ൽ നി​ന്നും വി​ല്ലേ​ജ് ഓ​ഫീ​സ​ർ​ക്ക് അ​യ​ച്ചു​കൊ​ടു​ത്ത് അ​ദ്ദേ​ഹം സൈ​ൻ ചെ​യ്ത് തിരികെ സെ​ന്‍ററി​ൽ എ​ത്തി​യാ​ലേ അ​പേ​ക്ഷ​ന് ര​സീ​ത് കി​ട്ടൂ. ഇ​ത് പ​ല​പ്പോ​ഴും ഒ​ന്നി​ല​ധി​കം ദി​വ​സം വൈ​കാ​റു​ണ്ട്.

ചു​രു​ക്ക​ത്തി​ൽ ജ​ന​ത്തി​ന് സൗ​ക​ര്യ​പ്ര​ദ​മെ​ന്ന് വ്യാ​ഖ്യാ​നി​ച്ച് ന​ട​പ്പി​ലാ​ക്കി​യ പ​ദ്ധ​തി മൂ​ലം അ​ധി​ക പ​ണ ന​ഷ്ട​വും സ​മ​യ​ന​ഷ്ട​വും മാ​ത്രം. അ​ക്ഷ​യ സെന്‍ററുക​ളി​ൽ ഓ​രോ​ന്നി​നും ഈ​ടാ​ക്കു​ന്ന സ​ർ​വീ​സ് ചാ​ർ​ജ് പ്ര​ദ​ർ​ശി​പ്പി​ക്ക​ണ​മെ​ന്ന് ച​ട്ട​മു​ണ്ടെ​ങ്കി​ലും ഒ​രു സ്ഥ​ല​ത്തു​പോ​ലും അ​ത് കാ​ൺ​മാ​നി​ല്ല.​

പു​തി​യ ഇ-​റേ​ഷ​ൻ കാ​ർ​ഡ്, റേ​ഷ​ൻ കാ​ർ​ഡി​ൽ തി​രു​ത്ത​ൽ വ​രു​ത്തു​ന്ന​തി​നു​ള്ള അ​പേ​ക്ഷ, ക​ർ​ഷ​ക​രു​ടെ വി​വ​ര​ങ്ങ​ൾ, അ​ഗ്രി​ക​ൾ​ച്ച​ർ ഡി​പ്പാ​ർ​ട്ടു​മെ​ന്‍റിന്‍റെ പോ​ർ​ട്ട​റി​ൽ രേ​ഖ​പ്പെ​ടു​ത്ത​ൽ, വ്യാ​പാ​രി​ക​ൾ​ക്ക് വാ​റ്റ് റി​ട്ടേ​ൺ​സ് ഫ​യ​ൽ ചെ​യ്യ​ൽ, വി​ദ്യാ​ർ​ഥിക​ളു​ടെ സ്കോ​ള​ർ​ഷി​പ്പ് അ​പേ​ക്ഷ, ക്ഷേ​മ​നി​ധി ബോ​ർ​ഡ് അം​ശാ​ധാ​രം അ​ടയ്​ക്ക​ൽ, എ.​പി.​എ​ൽ / ബി.​പി.​എ​ൽ ആ​രോ​ഗ്യ ഇ​ഷ്യു​റ​ൻ​സ് പു​തു​ക്ക​ൽ എ​ന്നി​ങ്ങ​നെ നി​ര​വ​ധി കാ​ര്യ​ങ്ങ​ൾ​ക്ക് ജ​നം ആ​ശ്ര​യി​ക്കു​ന്ന അ​ക്ഷ​യ സെ​ന്‍ററു​ക​ളു​ടെ ചൂഷ​ണ ന​ട​പ​ടി​ക്കെ​തി​രെ സ​ർ​ക്കാ​ർ ഉ​ണ​ർ​ന്നു പ്ര​വ​ർ​ത്തി​ക്ക​ണമെന്ന ആ​വ​ശ്യം ശ​ക്ത​മാ​ണ്.

Related posts

Leave a Comment