ആ​ല​പ്പു​ഴ മെ​ഡി​ക്ക​ൽ കോ​ള​ജ് ആശു​പ​ത്രി; അ​നാ​സ്ഥ​യു​ടെ​യും ചി​കി​ത്സപ്പി​ഴ​വിന്‍റെയും കേ​ന്ദ്ര​മാ​യി മാ​റു​ന്നു​വോ ?

അ​മ്പ​ല​പ്പു​ഴ: അ​നാ​സ്ഥ​യു​ടെ​യും ചി​കി​ത്സ​പ്പി​ഴ​വി​ന്‍റെയും കേ​ന്ദ്ര​മാ​യി ആ​ല​പ്പു​ഴ മെ​ഡി​ക്ക​ൽ കോളജ് ആ​ശു​പ​ത്രി മാ​റു​ന്നു​വോ ? അ​നാ​സ്ഥ തു​ട​ർ​ക്ക​ഥ​യാ​യി​ട്ടും ന​ട​പ​ടി​ക​ൾ ക​ട​ലാ​സി​ലൊ​തു​ക്കി.

കു​റ്റ​ക്കാ​രെ സം​ര​ക്ഷി​ക്കു​ന്ന റി​പ്പോ​ർ​ട്ടു​ക​ൾ മാ​ത്രം. ആ​ശു​പ​ത്രി​യി​ൽ ഡോ​ക്s​ർ​മാ​രു​ടെ അ​നാ​സ്ഥ മൂ​ലം നി​ര​വ​ധി ജീ​വ​നു​ക​ൾ പൊ​ലി​യു​ന്ന​ത് നി​ത്യ സം​ഭ​വ​മാ​യി മാ​റി​ക്ക​ഴി​ഞ്ഞു.​

ല​ക്ഷ​ങ്ങ​ൾ ശ​മ്പ​ളം കൈ​പ്പ​റ്റു​ന്ന ഡോ​ക്ട​ർ​മാ​ർ നോ​ൺ പ്രാ​ക്ടീ​സിം​ഗ് അ​ല​വ​ൻ​സും കൈ​പ്പ​റ്റി വീ​ടു​ക​ളി​ൽ സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന​ത് പ​തി​വാ​ണെന്ന് ആക്ഷേപമുണ്ട്.

​മെ​ഡി​ക്ക​ൽ കോ​ളേ​ജാ​ശു​പ​ത്രി​യി​ൽ ഒ.​പി സ​മ​യം പൂ​ർ​ത്തി​യാ​കു​ന്ന​തി​ന് മു​ൻ​പു ത​ന്നെ ഭൂ​രി​ഭാ​ഗം ഡോ​ക്ട​ർ​മാ​രും ഒ.​പി പൂ​ർ​ത്തി​യാ​ക്കി വീ​ടു​ക​ളി​ൽ അ​ർ​ധ​രാ​ത്രി വ​രെ​യാ​ണ് സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന​ത്.​

മെ​ഡി​ക്ക​ൽ കോ​ളേ​ജാ​ശു​പ​ത്രി​യി​ൽ ഡോ​ക്ട​ർ​മാ​ർ കൃ​ത്യ​മാ​യി ജോ​ലി ചെ​യ്യു​ന്നു​ണ്ടോ​യെ​ന്ന് പ​രി​ശോ​ധി​ക്കാ​നു​ള്ള സം​വി​ധാ​നം പോ​ലു​മി​ല്ല.

ഗ​ർ​ഭി​ണി​ക​ളും ശ​സ്ത്ര​ക്രി​യ ആ​വ​ശ്യ​മാ​യ മ​റ്റ് രോ​ഗി​ക​ളും വീ​ടു​ക​ളി​ലെ​ത്തി ഡോ​ക്ട​ർ​മാ​ർ​ക്ക് കൈ ​നി​റ​യെ പ​ണം ന​ൽ​കാ​റു​ണ്ടെ​ങ്കി​ലും പ്ര​സ​വ സ​മ​യ​ത്തോ ശ​സ്ത്ര​ക്രി​യാ സ​മ​യ​ത്തോ ഈ ​ഡോ​ക്ട​ർ​മാ​ർ ആ​ശു​പ​ത്രി​യി​ൽ കാ​ണാ​റി​ല്ലെന്നും ആരോപണമുണ്ട്.

പി.​ജി വി​ദ്യാ​ർ​ത്ഥി​ക​ളും ഹൗ​സ് സ​ർ​ജ​ൻ​മാ​രും മാ​ത്ര​മാ​ണ് ആ​ശു​പ​ത്രി​യി​ൽ കാ​ണാ​റു​ള്ള​ത്.

കുറ്റക്കാരെ ശിക്ഷിക്കാതെ…
വ​കു​പ്പ് മേ​ധാ​വി​ക​ളോ മു​തി​ർ​ന്ന ഡോ​ക്ട​ർ​മാ​രോ ആ​രും വാ​ർ​ഡു​ക​ളി​ലെ​ത്തി പ​രി​ശോ​ധ​ന ന​ട​ത്താ​റി​ല്ലെ​ന്ന പ​രാ​തി​ക്ക് പ​ഴ​ക്ക​മേ​റെ​യു​ണ്ട്.

ആ​വ​ശ്യ​പ്പെ​ടു​ന്ന പ​ണം ന​ൽ​കി​യി​ല്ലെ​ങ്കി​ൽ ശ​സ്ത്ര​ക്രി​യ നീ​ട്ടി​വയ്ക്കു​ന്ന​തും ആ​ല​പ്പു​ഴ മെ​ഡി​ക്ക​ൽ കോ​ളേ​ജാ​ശു​പ​ത്രി​യി​ൽ പ​തി​വാ​ണ്.

ചി​കി​ത്സാ​പ്പി​ഴ​വ് മൂ​ലം നി​ര​വ​ധി മ​ര​ണ​ങ്ങ​ളാ​ണ് ആ​ശു​പ​ത്രി​യി​ൽ സം​ഭ​വി​ക്കു​ന്ന​ത്.​ സം​ഘ​ർ​ഷ​ങ്ങ​ളും വി​വാ​ദ​ങ്ങ​ളും പ​രാ​തി​ക​ളു​മു​ണ്ടാ​കു​മ്പോ​ൾ ഇ​വ ത​ണു​പ്പി​ക്കാ​ൻ വ​കു​പ്പു ത​ല അ​ന്വേ​ഷ​ണം പ്ര​ഖ്യാ​പി​ച്ച് ത​ടി ത​പ്പു​ക​യാ​ണ് സ​ർ​ക്കാ​രും ആ​രോ​ഗ്യ വ​കു​പ്പും.​

ചി​കി​ത്സപ്പി​ഴ​വ് മൂ​ലം ആ​ശു​പ​ത്രി​യി​ൽ നി​ര​വ​ധി മ​ര​ണ​ങ്ങ​ളു​ണ്ടാ​യി​ട്ടും ഇ​തി​ലെ കു​റ്റ​ക്കാ​ർ​ക്കെ​തി​രെ പേ​രി​നു പോ​ലും ഒ​രു ന​ട​പ​ടി സ്വീ​ക​രി​ക്കാ​ൻ സ​ർ​ക്കാ​ർ ത​യാ​റാ​യി​ട്ടി​ല്ല.

ഇ​തു വ​രെ ഒ​രു അ​ന്വേ​ഷ​ണ റി​പ്പോ​ർ​ട്ടും വെ​ളി​ച്ചം ക​ണ്ടി​ട്ടു​മി​ല്ല. ഇ​താ​ണ് ചി​കി​ത്സപ്പി​ഴ​വ് മൂ​ലം ഇ​ത്ത​രം ദു​ര​ന്ത​ങ്ങ​ൾ ആ​വ​ർ​ത്തി​ക്കാ​ൻ കാ​ര​ണ​മാ​കു​ന്ന​ത്.

വിദഗ്ധ ഡോക്ടർമാർ എവിടെ?
അ​ത്യാ​ഹി​ത വി​ഭാ​ഗ​ത്തി​ല​ട​ക്കം ആ​ശു​പ​ത്രി​യി​ൽ പ​ല വി​ഭാ​ഗ​ങ്ങ​ളി​ലും വി​ദ​ഗ്ധ ഡോ​ക്ട​ർ​മാ​രു​ടെ സേ​വ​നം ല​ഭി​ക്കാ​ത്ത​താ​ണ് ഇ​വി​ടെ​യെ​ത്തു​ന്ന രോ​ഗി​ക​ൾ നേ​രി​ടു​ന്ന പ്ര​ധാ​ന പ്ര​ശ്നം.

കാ​ല​ങ്ങ​ളാ​യി ഉ​യ​രു​ന്ന ഈ ​പ്ര​ശ്ന​ത്തി​ന് പ​രി​ഹാ​രം കാ​ണാ​ൻ സ​ർ​ക്കാ​ർ ത​ല​ത്തി​ൽ യാ​തൊ​രു ഇ​ട​പെ​ട​ലും ഇ​തു​വ​രെ ഉ​ണ്ടാ​യി​ട്ടി​ല്ല.