നി​ര​വ​ധി വാ​ഹ​ന​ങ്ങ​ൾ വി​ളി​ച്ചെ​ങ്കി​ലും ആ​രും വ​ന്നി​ല്ല! കാ​ലി​നു പ​രി​ക്കേ​റ്റ വി​ദ്യാ​ർ​ഥി​യെ ബൈ​ക്കി​ൽ ആ​ശു​പ​ത്രിയി​ൽ എ​ത്തി​ച്ച് എ​സ്ഐ

കാ​യം​കു​ളം: ദു​രി​താ​ശ്വാ​സ ക്യാ​മ്പി​ലേ​ക്കു പോ​കു​ന്ന​തി​നി​ട​യി​ൽ കാ​ലി​നു പ​രി​ക്കേ​റ്റ വി​ദ്യാ​ർ​ഥി​യെ ആ​ശു​പ​ത്രി​യി​ൽ എ​ത്തി​ക്കാ​ൻ വാ​ഹ​ന​ങ്ങ​ൾ കി​ട്ടാ​താ​യ​തി​നെ തു​ട​ർ​ന്ന് ബൈ​ക്കി​ൽ ആ​ശു​പ​ത്രി​യി​ൽ എ​ത്തി​ച്ച് എ​സ്ഐ​യു​ടെ കാ​രു​ണ്യ മാ​തൃ​ക.

തോ​ട്ട​പ്പ​ള്ളി തീ​ര​ദേ​ശ പോ​ലീ​സ് സ്റ്റേ​ഷ​നി​ലെ എ​സ്ഐ എ. ​മ​ണി​ലാ​ലാ​ണ് വെ​ള്ളം ക​യ​റി​യ വീ​ട്ടി​ൽ നി​ന്നും ദു​രി​താ​ശ്വാ​സ ക്യാ​മ്പി​ലേ​ക്കു പോ​കു​ന്ന​തി​നി​ട​യി​ൽ പ​രി​ക്കേ​റ്റ ആ​റാ​ട്ടു​പു​ഴ വ​ലി​യ​ഴീ​ക്ക​ൽ കു​ന്നും​പു​റ​ത്ത് വീ​ട്ടി​ൽ പ്ര​താ​പ​ന്‍റെ മ​ക​ൻ നി​ര​ഞ്ജ(14 )നെ ​പു​ല്ലു​കു​ള​ങ്ങ​ര​യി​ലെ സ്വ​കാ​ര്യ ആ​ശു​പ​ത്രി​യി​ൽ ബൈ​ക്കി​ൽ എ​ത്തി​ച്ച് ശു​ശ്രൂ​ഷ ന​ൽ​കി​യ​ത്.

സ​ന്ന​ദ്ധ സം​ഘ​ട​ന​യു​ടെ പ്ര​വ​ർ​ത്ത​ക​നാ​യ വ​ലി​യ​ഴീ​ക്ക​ൽ പു​ത്ത​ൻ​പ​റ​മ്പി​ൽ ആ​ദ​ർ​ശും എ​സ്ഐ​യ്ക്കൊ​പ്പം ഉ​ണ്ടാ​യി​രു​ന്നു. വീ​ടി​നു​സ​മീ​പ​ത്തെ വെ​ള്ള​ക്കെ​ട്ടി​ൽ നി​ന്നും കു​പ്പി​ച്ചി​ല്ല് കാ​ലി​ൽ തു​ള​ച്ചു​ക​യ​റി​യാ​ണ് വി​ദ്യാ​ർ​ഥി​ക്ക് പ​രി​ക്കേ​റ്റ​ത്.

ആ​ശു​പ​ത്രി​യി​ൽ പോ​കാ​ൻ നി​ര​വ​ധി വാ​ഹ​ന​ങ്ങ​ൾ വി​ളി​ച്ചെ​ങ്കി​ലും ആ​രും വ​ന്നി​ല്ല. ക​ട​ൽ ക്ഷോ​ഭം മൂ​ലം റോ​ഡു​ക​ൾ വെ​ള്ള​ത്തി​ലാ​കു​ക​യും ക​ല്ലും മ​റ്റും റോ​ഡി​ൽ നി​റ​യു​ക​യും ചെ​യ്യു​ന്ന സാ​ഹ​ച​ര്യ​മാ​ണ്.

ഇ​തേ​ത്തു​ട​ർ​ന്നാ​ണ് ബൈ​ക്കി​ൽ വി​ദ്യാ​ർ​ഥി​യെ ആ​ശു​പ​ത്രി​യി​ൽ എ​ത്തി​ക്കാ​ൻ എ​സ്ഐ രം​ഗ​ത്തെ​ത്തി​യ​ത്.

ആ​ശു​പ​ത്രി​യി​ൽ എ​ത്തി​ച്ച്ശു​ശ്രൂ​ഷ ന​ൽ​കി​യ​ശേ​ഷം ബൈ​ക്കി​ൽ ത​ന്നെ വി​ദ്യാ​ർ​ത്ഥി​യെ വ​ലി​യ​ഴീ​ക്ക​ലു​ള്ള ദു​രി​താ​ശ്വാ​സ ക്യാ​മ്പി​ൽ എ​ത്തി​ച്ചി​ട്ടാ​ണ് എ​സ്ഐ മ​ട​ങ്ങി​യ​ത്.