പി​റ​ന്ന നാ​ടി​നു വേ​ണ്ടി… യു​ദ്ധ​വീ​ര​ന്മാ​രു​ടെ സ്മ​ര​ണ​ക​ളി​ര​മ്പുന്ന അ​മ​ർ ജ​വാ​ൻ സ്മാ​ര​കം മു​ഖം മി​നു​ക്കു​ന്നു; തുറക്കുന്നത് ആ ദിനത്തിൽ…

സ്വ​ന്തം ലേ​ഖ​ക​ൻ
അ​യ്യ​ന്തോ​ൾ: പി​റ​ന്ന നാ​ടി​നു വേ​ണ്ടി യു​ദ്ധം ചെ​യ്ത് വീ​ര​ച​ര​മം പ്രാ​പി​ച്ച ധീ​ര സൈ​നി​ക​രു​ടെ ഓ​ർ​മ​ക​ൾ തു​ടി​ക്കു​ന്ന അ​മ​ർ ജ​വാ​ൻ സ്മാ​ര​ക​ത്തി​ന്‍റെ മു​ഖം മി​നു​ക്കു​ന്നു. അ​യ്യ​ന്തോ​ളി​ൽ ക​ള​ക്ട​റേ​റ്റി​നു മു​ന്നി​ലാ​ണ് അ​മ​ർ ജ​വ​ൻ പാ​ർ​ക്ക്.

ജി​ല്ല സൈ​നി​ക ബോ​ർ​ഡി​ന്‍റെ നേ​തൃ​ത്വ​ത്തി​ലാ​ണ് അ​മ​ർ ജ​വാ​നി​ൽ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത്. ഇ​ന്ത്യ-​പാ​ക്കി​സ്ഥാ​ൻ യു​ദ്ധ​ത്തി​ന്‍റെ വാ​ർ​ഷി​ക ദി​ന​ത്തി​ൽ സ്മാ​ര​കം തു​റ​ന്നു​കൊ​ടു​ക്കാ​നാ​ണു തീ​രു​മാ​നം.

പ​ഴ​യ ഹാ​ൻ​ഡ് റെ​യി​ലു​ക​ളെ​ല്ലാം മാ​റ്റു​ന്നു​ണ്ട്. അ​മ​ർ ജ​വാ​ൻ സ്മാ​ര​ക​ത്തെ കൂ​ടു​ത​ൽ ആ​ക​ർ​ഷ​ക​മാ​ക്കാ​നാ​ണു പ​ദ്ധ​തി.
നി​ല​വി​ൽ ക​റു​ത്ത മാ​ർ​ബി​ൾ കൊ​ണ്ടു നി​ർ​മി​ച്ചി​രി​ക്കു​ന്ന സ്മാ​ര​ക​ത്തി​ന്‍റെ മു​ക​ളി​ൽ ന​ടു​വി​ലാ​യി 7.62 എം​എം എ​സ്എ​ൽ​ആ​ർ റൈ​ഫി​ളും അ​തി​ന്‍റെ ബാ​ര​ൽ താ​ഴേ​ക്കു വ​രും​വി​ധം ഉ​റ​പ്പി​ച്ചി​ട്ടു​മു​ണ്ട്.

അ​തി​നു മു​ക​ളി​ലാ​യി ഒ​രു ആ​ർ​മി ഹെ​ൽ​മ​റ്റും സ്ഥാ​പി​ച്ചി​ട്ടു​ണ്ട്.കാ​ല​പ്പ​ഴ​ക്കം കൊ​ണ്ടും മ​ഴ​യും വെ​യി​ലു​മേ​റ്റു​മു​ണ്ടാ​യ കേ​ടു​പാ​ടു​ക​ളെ​ല്ലാം ശ​രി​യാ​ക്കു​ന്നു​ണ്ട്.

സ്മാ​ര​ക​ത്തി​ൽ തെ​രു​വു​നാ​യ്ക്ക​ളും ക​ന്നു​കാ​ലി​ക​ളും ക​യ​റാ​തി​രി​ക്കാ​നു​ള്ള ക്ര​മീ​ക​ര​ണ​ങ്ങ​ളും ചെ​യ്യു​ന്നു​ണ്ട്.