തോ​ക്കും യൂ​ണി​ഫോ​മും ക​ണ്ട് വി​ശ്വ​സി​ച്ചു! അ​മീ​റി​ന്‍റെ ത​ട്ടി​പ്പി​ൽ യു​വാ​ക്ക​ൾ​ക്ക് ന​ഷ്ട​മാ​യ​ത് ല​ക്ഷ​ങ്ങ​ൾ; അ​മീറിന്റെ തട്ടിപ്പിന്റെ രീതി കേട്ട് ഞെട്ടരുത്….

തൃ​പ്പൂ​ണി​ത്തു​റ: വ്യാ​ജ ഓ​ഫീ​സ​റു​ടെ പ്രൗ​ഢി​യി​ലും ന​യ​ചാ​തു​ര്യ​ത്തി​ലും ആ​കൃ​ഷ്ട​രാ​യി ജോ​ലി പ്ര​തീ​ക്ഷി​ച്ച് എ​ത്തി​യ യു​വാ​ക്ക​ൾ​ക്ക് ന​ഷ്ട​മാ​യ​ത് ല​ക്ഷ​ങ്ങ​ൾ.

കോ​സ്റ്റ് ഗാ​ർ​ഡ് അ​സി. ക​മാ​ൻ​ഡ​ന്‍റ് ച​മ​ഞ്ഞ് പ​ണം ത​ട്ടി​യ കേ​സി​ൽ മ​ല​പ്പു​റം കൈ​നോ​ട് ഹാ​ജി​യാ​ർ പ​ള്ളി പി​ലാ​ക്ക​ൽ അ​മീ​ർ സു​ഫി​യാ​നെ( 25)യാ​ണ് ഹി​ൽ​പാ​ല​സ് പോ​ലീ​സ് അ​റ​സ്റ്റു ചെ​യ്ത​ത്.

ഇ​ന്ത്യ​ൻ കോ​സ്റ്റ് ഗാ​ർ​ഡി​ൽ അ​സി​സ്റ്റ​ന്‍റ് ക​മാ​ൻ​ഡ​ന്‍റാ​ണെ​ന്നും ഇ​ന്ത്യ​ൻ നേ​വി​യി​ലും കോ​സ്റ്റ് ഗാ​ർ​ഡി​ലും പ​രി​ശീ​ല​ന കേ​ന്ദ്ര​ങ്ങ​ൾ വ​ഴി ആ​ളെ എ​ടു​ക്കു​ന്നു​ണ്ടെ​ന്നും നി​യ​മ​നം വാ​ങ്ങി​ത്ത​രാ​മെ​ന്നും വി​ശ്വ​സി​പ്പി​ച്ചാ​ണ് ഇ​യാ​ൾ നി​ര​വ​ധി പേ​രെ ത​ട്ടി​പ്പി​ന് ഇ​ര​യാ​ക്കി​യ​ത്.

പ​രാ​തി​ക്കാ​ര​നാ​യ ആ​ലു​വ സ്വ​ദേ​ശി ഫി​റോ​സ് മു​ഹ​മ്മ​ദി​ൽ​നി​ന്നും സു​ഹൃ​ത്തു​ക്ക​ളി​ൽ​നി​ന്നും പ​ല​പ്പോ​ഴാ​യി ആ​റു ല​ക്ഷ​ത്തി​ല​ധി​കം രൂ​പ​യാ​ണ് ത​ട്ടി​യെ​ടു​ത്ത​ത്.

ത​ട്ടി​പ്പി​നി​ര​യാ​യ യു​വാ​ക്ക​ളെ വി​ശ്വ​സി​പ്പി​ക്കാ​ൻ പ്ര​തി യൂ​ണി​ഫോം ധ​രി​ച്ചു നി​ൽ​ക്കു​ന്ന ഫോ​ട്ടോ​ക​ളും പി​സ്റ്റ​ളി​ന്‍റെ ഫോ​ട്ടോ​യും കോ​സ്റ്റ് ഗാ​ർ​ഡി​ന്‍റെ പേ​രി​ൽ വ്യാ​ജ​മാ​യി ഉ​ണ്ടാ​ക്കി​യ അ​ഡ്മി​റ്റ്‌ കാ​ർ​ഡും അ​യ​ച്ചു കൊ​ടു​ത്തി​രു​ന്നു.

കൊ​ച്ചി​യി​ലെ എ​യ​ർ​ലൈ​ൻ ക​മ്പ​നി​യി​ൽ ജോ​ലി ചെ​യ്തി​രു​ന്ന പ​രാ​തി​ക്കാ​രും സു​ഹൃ​ത്തു​ക്ക​ളും തൃ​പ്പൂ​ണി​ത്തു​റ എ​രൂ​രി​ൽ താ​മ​സി​ക്കു​ന്ന​തി​നി​ടെ മ​റ്റൊ​രു സു​ഹൃ​ത്ത് വ​ഴി​യാ​ണ് അ​മീ​റി​നെ പ​രി​ച​യ​പ്പെ​ട്ട​ത്.

തു​ട​ർ​ന്ന് ഇ​യാ​ളെ വി​ശ്വ​സി​ച്ച യു​വാ​ക്ക​ൾ ക​ഴി​ഞ്ഞ മാ​ർ​ച്ചി​ലാ​ണ് ഇ​യാ​ൾ​ക്ക് പ​ണം ന​ൽ​കി​യ​ത്.

എ​രൂ​രി​ലെ ഹോ​ട്ട​ലി​ൽ മു​റി​യെ​ടു​ത്താ​ണ് പ​ല​പ്പോ​ഴാ​യി പ്ര​തി പ​ണം കൈ​പ്പ​റ്റി​യ​ത്. ജോ​ലി ല​ഭി​ക്കാ​തെ വ​ന്ന​തോ​ടെ ത​ട്ടി​പ്പി​നി​ര​യാ​യ​വ​ർ ക​ഴി​ഞ്ഞ​യാ​ഴ്ച പോ​ലീ​സി​ൽ പ​രാ​തി ന​ൽ​കു​കയാ​യി​രു​ന്നു. ഇയാൾ കൂടുതൽ പേരെ തട്ടിപ്പി നിരയാക്കിയിട്ടുണ്ടോ എന്ന് പോലീസ് പരിശോധിക്കുന്നുണ്ട്.

തൃ​പ്പൂ​ണി​ത്തു​റ ഹി​ൽ​പാ​ല​സ് ഇ​ൻ​സ്‌​പെ​ക്ട​ർ കെ.​ജി. അ​നീ​ഷി​ന്‍റെ നേ​തൃ​ത്വ​ത്തി​ൽ എ​സ്ഐ​മാ​രാ​യ കെ. ​അ​നി​ല, എ​സ്. ശി​വ​പ്ര​സാ​ദ്, ര​മേ​ശ​ന്‍, എ​എ​സ്ഐ​മാ​രാ​യ കെ.​കെ. സ​ജീ​ഷ്, ജെ. ​സ​ജി, എം.​ജി. സ​ന്തോ​ഷ്, സി​പി​ഒ ശ്യാം ​ആ​ര്‍. മേ​നോ​ന്‍ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ എ​രൂ​രി​ൽ നി​ന്ന് അ​റ​സ്റ്റ് ചെ​യ്ത​ത്.

പ്ര​തി ത​ട്ടി​പ്പി​നാ​യി ഉ​പ​യോ​ഗി​ച്ച യൂ​ണി​ഫോം, എ​യ​ർ പി​സ്റ്റ​ൽ എ​ന്നി​വ​യും പി​ടി​ച്ചെ​ടു​ത്തു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.