കൊച്ചി: മുഖ്യമന്ത്രിക്കെതിരെ വ്യാജ വിവാഹ ആരോപണം ഉന്നയിച്ച കേസില് റിപ്പോര്ട്ടര് ടിവി മാനേജിംഗ് എഡിറ്റര് ആന്റോ അഗസ്റ്റിനെ ചോദ്യം ചെയ്യാന് പൊലിസ് നോട്ടീസ് നല്കി. കേസിൽ ഒന്നാം പ്രതിയായ ആന്റോ അഗസ്റ്റിനോട് കളമശേരി പൊലിസ് സ്റ്റേഷനിൽ ഹാജരാകാൻ പൊലിസ് നിർദ്ദേശം നൽകി. കോണ്ഗ്രസ് നേതാവ് രാജു പി. നായര് നല്കിയ പരാതിയിലാണ് കേസ് എടുത്തത്. തൃക്കാക്കര എസിപിയുടെ മേൽനോട്ടത്തിലാണ് അന്വേഷണം പുരോഗമിക്കുന്നത്.
തിരുവനന്തപുരത്താണ് ഈ കേസ് ആദ്യം രജിസ്റ്റര് ചെയ്തിരുന്നത്. പിന്നീട് ഇത് കളമശേരിയിലേക്ക് കൈമാറുകയായിരുന്നു. കളമശേരി പൊലിസ് രാജു പി. നായരെ വിളിച്ച് മൊഴിയെടുത്തതിന് ശേഷമാണ് മറ്റ് നടപടികളിലേക്ക് നീങ്ങുന്നത്.
