അ​രു​ണ്‍ ജെ​യ്റ്റ്‌ലി​യു​ടെ സം​സ്കാ​ര ച​ട​ങ്ങി​നി​ടെ പോക്കറ്റടി; 11 മൊബൈൽ ഫോൺ നഷ്ടമായി; ഫോ​ൺ ന​ഷ്ട​പ്പെ​ട്ട​വ​രി​ൽ കേ​ന്ദ്ര- സം​സ്ഥാ​ന മ​ന്ത്രി​മാ​രും

ന്യൂ​ഡ​ൽ​ഹി: ക​ഴി​ഞ്ഞ ദി​വ​സം അ​ന്ത​രി​ച്ച മു​ൻ കേ​ന്ദ്ര​മ​ന്ത്രി അ​രു​ണ്‍ ജെ​യ്റ്റ്‌ലി​യു​ടെ സം​സ്കാ​ര ച​ട​ങ്ങി​നി​ടെ വ്യാ​പ​ക​മാ​യി മൊ​ബൈ​ൽ ഫോ​ണ്‍ മോ​ഷ​ണം പോ​യ​താ​യി പ​രാ​തി. കേ​ന്ദ്ര മ​ന്ത്രി​യു​ടെ​യും സം​സ്ഥാ​ന മ​ന്ത്രി​യു​ടെ​യും അ​ട​ക്കം 11 പേ​ർ​ക്ക് ത​ങ്ങ​ളു​ടെ മൊ​ബൈ​ൽ ഫോ​ണ്‍ ന​ഷ്ട​പ്പെ​ട്ടെ​ന്നാ​ണ് റി​പ്പോ​ർ​ട്ട്. നി​ഗം​ബോ​ധ​്ഘ​ട്ടി​ൽ ന​ട​ന്ന സം​സ്കാ​ര ച​ട​ങ്ങി​നി​ടെ​യാ​യി​രു​ന്നു സം​ഭ​വം.

കേ​ന്ദ്ര മ​ന്ത്രി സോം ​പ്ര​കാ​ശ്, മ​ന്ത്രി ബാ​ബു​ൽ സു​പ്രി​യോ, സു​പ്രി​യോ​യു​ടെ സെ​ക്ര​ട്ട​റി എ​ന്നി​വ​രു​ടെ ഫോ​ണു​ക​ൾ ന​ഷ്ട​പ്പെ​ട്ടു. പ​ത​ഞ്ജ​ലി വ​ക്താ​വി​ന്‍റെ ഫോ​ണും മോ​ഷ്ടി​ച്ചി​ട്ടു​ണ്ട്. ജെ​യ്റ്റ്‌ലി​ക്ക് അ​ന്തി​മോ​പ​ചാ​രം അ​ർ​പ്പി​ക്കു​ന്ന​തി​നി​ടെ​യു​ണ്ടാ​യ തി​ര​ക്കി​നി​ടെ​യാ​ണ് മോ​ഷ​ണം അ​ര​ങ്ങേ​റി​യ​ത്.

“നമ്മൾ എ​ല്ലാ​വ​രും അ​രു​ണ്‍ ജെ​യ്റ്റ്‌ലി​ക്ക് അ​ന്തി​മോ​പ​ചാ​രം അ​ർ​പ്പി​ക്കു​ക​യാ​യി​രു​ന്നു, എ​ന്നാ​ൽ ഈ ​ഫോ​ട്ടോ​യെ​ടു​ത്ത ഫോ​ണ്‍ ആ ​ച​ട​ങ്ങി​നി​ടെ എ​ന്നോ​ട് അ​വ​സാ​ന ഗു​ഡ് ബൈ ​പ​റ​ഞ്ഞു’ എ​ന്നാ​യി​രു​ന്നു പ​ത​ഞ്ജ​ലി വ​ക്താ​വ് എ​സ്.​കെ തി​ജ്രാ​വാ​ല​യു​ടെ പ്ര​തി​ക​ര​ണം. ട്വി​റ്റ​റി​ലാ​യി​രു​ന്നു പ​ത​ഞ്ജ​ലി വ​ക്താ​വ് ഇ​ക്കാ​ര്യം വ്യ​ക്ത​മാ​ക്കി​യ​ത്. കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ, ​ഡ​ൽ​ഹി പോ​ലീ​സ് എ​ന്നി​വ​രെ​യും അ​ദ്ദേ​ഹം പോ​സ്റ്റി​ൽ ടാ​ഗ് ചെ​യ്തി​ട്ടു​ണ്ട്.

ബാ​ബു​ൽ സു​പ്രി​യോ തി​ജാ​ര​വാ​ല​യെ അ​നു​കൂ​ലി​ച്ച് മ​റു​പ​ടി​യു​മാ​യെ​ത്തി. ’മോ​ഷ​ണ​മ​ല്ല ദാ​ദാ, പോ​ക്ക​റ്റ​ടി​യാ​ണ് ന​ട​ന്ന​ത്, ആ​റോ​ളം പേ​ർ​ക്ക് ഒ​രേ സ​മ​യ​മാ​ണ് ഫോ​ണ്‍ ന​ഷ്ട​മാ​യ​ത്, അ​യാ​ളു​ടെ കൈ​യി​ൽ ക​ട​ന്നു പി​ടി​ച്ചെ​ങ്കി​ലും നി​ല​വി​ട്ട് വീ​ണ​തി​നാ​ൽ അ​വ​ൻ ര​ക്ഷ​പ്പെ​ട്ടു. ഫോ​ണ്‍ പോ​ക്ക​റ്റ​ടി​ച്ച​താ​യി 35 പേ​ർ എ​ന്നോ​ട് പ​രാ​തി പ​റ​ഞ്ഞു.’

ഇ​ക്കാ​ര്യ​ത്തി​ൽ പോ​ലീ​സി​നെ കു​റ്റ​പ്പെ​ടു​ത്താ​നാ​കി​ല്ല. ഹാ​ളി​ൽ കൂ​ടു​ത​ൽ സി​സി​ടി​വി കാ​മ​റ​ക​ൾ സ്ഥാ​പി​ക്കേ​ണ്ടി​യി​രു​ന്നു. എ​ന്താ​യാ​ലും ഒ​രു​ക​ലാ​കാ​ര​നെ​ന്ന നി​ല​യി​ൽ പോ​ക്ക​റ്റ​ടി​ക്കാ​ര​നെ ഞാ​ൻ അ​ഭി​ന​ന്ദി​ക്കു​ക​യാ​ണെ​ന്നും മ​ന്ത്രി പ​റ​ഞ്ഞു.

സം​ഭ​വ​ത്തെ​ക്കു​റി​ച്ച് അ​ന്വേ​ഷ​ണം തു​ട​ങ്ങി​യ​താ​യി പോ​ലീ​സ് പ​റ​ഞ്ഞു. സ്ഥ​ല​ത്ത് സി​സി​ടി​വി കാ​മ​റ​ക​ൾ കു​റ​വാ​യ​താ​ണ് പോ​ക്ക​റ്റ​ടി​ക്കാർ​ക്ക് സ​ഹാ​യ​ക​മാ​യ​തെ​ന്നാ​ണ് റി​പ്പോ​ർ​ട്ട്.

Related posts