തേനീച്ചക്കൂട്ടത്തിന്‍റെ ആക്രമണത്തിൽ നാലും ആറും വയസുള്ള രണ്ട് ആൺകുട്ടികൾ മരിച്ചു. ആക്രമണത്തിൽ പരിക്കേറ്റ മുത്തശ്ശിയെ ആശുപത്രിയിൽ പ്രവേശിപ്പിച്ചിരിക്കെയാണ് കുട്ടികൾ മരിക്കുന്നത്.
യുപിയിലെ മങ്കാപൂർ മേഖലയിലെ മദ്‌നാപൂർ ഗ്രാമത്തിലാണ് സംഭവം. ഉത്തമ തന്‍റെ പേരക്കുട്ടികളായ യുഗ്, യോഗേഷ് എന്നിവരോടൊപ്പം പുറത്തുപോയ സമയത്താണ് സംഭവം നടന്നത്.
തേനീച്ചക്കൂട്ടം അവരെ ആക്രമിച്ചതായി പ്രാദേശിക എസ്എച്ച്ഒ സുധീർ കുമാർ സിംഗ് പറഞ്ഞു. എല്ലാവരേയും കമ്മ്യൂണിറ്റി ഹെൽത്ത് സെന്‍ററിൽ എത്തിച്ചു, അവിടെ വച്ചാണ് യുഗ് മരിച്ചത്.
യോഗേഷിനെയും ഉത്തമയെയും ജില്ലാ ആശുപത്രിയിൽ പ്രവേശിപ്പിച്ചു. ചികിത്സയിലിരിക്കെ യോഗേഷും മരിച്ചിരുന്നു. ഉത്തമയുടെ ആരോഗ്യനില തൃപ്തികരമാണെന്ന് ഉദ്യോഗസ്ഥർ കൂട്ടിച്ചേർത്തു.
