ചേട്ടാ, കൈയിലുള്ള നോട്ടൊന്ന് നോക്കിക്കേ..! കോ​ട്ട​യ​ത്തും സ​മീ​പ പ്ര​ദേ​ശ​ങ്ങ​ളി​ലും ക​ള്ള​നോ​ട്ടു​ക​ൾ വി​ത​ര​ണം ചെ​യ്ത​താ​യി സൂ​ച​ന​

കോ​ട്ട​യം: തി​രു​വ​ല്ല​യി​ലെ ക​ള്ള​നോ​ട്ട് സം​ഘം കോ​ട്ട​യ​ത്തും സ​മീ​പ പ്ര​ദേ​ശ​ങ്ങ​ളി​ലും ക​ള്ള​നോ​ട്ടു​ക​ൾ വി​ത​ര​ണം ചെ​യ്ത​താ​യി സൂ​ച​ന​യെ​തു​ട​ർ​ന്ന് സ്പെ​ഷ​ൽ ബ്രാ​ഞ്ച് അ​ന്വേ​ഷ​ണം ആ​രം​ഭി​ച്ചു.

കാ​ഞ്ഞി​ര​പ്പ​ള്ളി പ​ട്ടി​മ​റ്റം ത​ട്ടാ​പ്പ​റ​ന്പി​ൽ എം. ​സ​ജി​യെ(38)​യാ​ണ് ഇ​ന്ന​ലെ തി​രു​വ​ല്ല പോ​ലീ​സ് അ​റ​സ്റ്റു ചെ​യ്ത​ത്.

ഹോം ​സ്റ്റേ​ക​ളി​ൽ താ​മ​സി​ച്ചു ക​ള്ള​നോ​ട്ടു​ക​ൾ അ​ച്ച​ടി​ച്ചു വി​ത​ര​ണം ചെ​യ്യു​ന്ന സം​ഘ​ത്തി​ൽ​പ്പെ​ട്ട​യാ​ളാ​ണ് സ​ജി. ഇ​യാ​ളെ ഇ​ന്ന​ലെ കോ​ട്ട​യം ന​ഗ​ര​ത്തി​ലു​ള്ള വാ​ഹ​ന സ​ർ​വീ​സ് കേ​ന്ദ്ര​ത്തി​ൽ നി​ന്നു​മാ​ണ് അ​റ​സ്റ്റ് ചെ​യ്ത​ത്.

സ​ജി താ​മ​സി​ച്ചി​രു​ന്ന കോ​ട്ട​യം ന​ഗ​ര​ത്തി​ലു​ള്ള ആ​ഢം​ബ​ര ഫ്ളാ​റ്റി​ൽ നി​ന്നും ക​ള്ള​നോ​ട്ടു​ക​ൾ അ​ടി​ക്കാ​ൻ ഉ​പ​യോ​ഗി​ച്ചി​രു​ന്ന പ്രി​ന്‍റ​ർ, പെ​ൻ​ഡ്രൈ​വ്, നോ​ട്ട് അ​ച്ച​ടി​ക്കാ​ൻ ഉ​പ​യോ​ഗി​ച്ചി​രു​ന്ന പേ​പ്പ​റി​ന്‍റെ മു​റി​ച്ച ക​ഷ്ണ​ങ്ങ​ൾ എ​ന്നി​വ​യും ക​ണ്ടെ​ത്തി​യി​ട്ടു​ണ്ട്. 2000, 500, 200 രൂ​പ​യു​ടെ ക​ള്ള​നോ​ട്ടു​ക​ളാ​ണ് സം​ഘം അ​ച്ച​ടി​ച്ചി​രു​ന്ന​ത്.

സ്ഥിരം സ്ഥലമില്ല

കാ​ഞ്ഞി​ര​പ്പ​ള്ളി സ്വ​ദേ​ശി​യാ​യ സ​ജി ജി​ല്ല​യി​ലെ വി​വി​ധ സ്ഥ​ല​ങ്ങ​ളി​ൽ മാ​റി താ​മ​സി​ക്കു​ക പ​തി​വാ​ണ്.

ക​ള്ള​നോ​ട്ടു​ക​ൾ വി​ത​ര​ണം ചെ​യ്യു​ന്ന​തി​നു വേ​ണ്ടി​യാ​ണ് മാ​റി​മാ​റി താ​മ​സി​ക്കു​ന്ന​തെ​ന്ന് പോ​ലീ​സ് പ​റ​ഞ്ഞു. കാ​ഞ്ഞി​ര​പ്പ​ള്ളി​യി​ൽ സ​ജി ഇ​ട​യ്ക്കി​ട​യ്ക്കു പോ​യി​രു​ന്നു.

ഇ​തോ​ടെ​യാ​ണ് കോ​ട്ട​യ​ത്തും കാ​ഞ്ഞി​ര​പ്പ​ള്ളി​യി​ലും ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ ക​ള്ള​നോ​ട്ടു​ക​ൾ വി​ത​ര​ണം ചെ​യ്തി​രു​ന്ന​താ​യി പോ​ലീ​സി​നു സൂ​ച​ന ല​ഭി​ച്ചി​രി​ക്കു​ന്ന​ത്. ഇ​തോ​ടെ കോ​ട്ട​യ​ത്തും ജി​ല്ല​യി​ൽ വി​വി​ധ സ്ഥ​ല​ങ്ങ​ളി​ലാ​യി സ്പെ​ഷ​ൽ ബ്രാ​ഞ്ച് അ​ന്വേ​ഷ​ണം വ്യാ​പ​ക​മാ​ക്കി​യി​രി​ക്കു​ന്ന​ത്.

സ്ഥി​ര​മാ​യി പെ​ട്രോ​ൾ പ​ന്പു​ക​ൾ, ഹൈ​പ്പ​ർ മാ​ർ​ക്ക​റ്റു​ക​ൾ എ​ന്നി​വി​ട​ങ്ങ​ളി​ൽ ക​യ​റി​യാ​ണ് ക​ള്ള​നോ​ട്ടു​ക​ൾ മാ​റി​യെ​ടു​ത്തി​രു​ന്ന​തെ​ന്ന് സം​ശ​യി​ക്കു​ന്ന​താ​യി പോ​ലീ​സ് പ​റ​ഞ്ഞു.

ജി​ല്ല​യി​ൽ ഇ​വ​ർ പ​തി​വാ​യി പോ​യി​രു​ന്ന സ്ഥ​ല​ങ്ങ​ളു​ടെ വി​വ​ര​ങ്ങ​ൾ സ്പെ​ഷ​ൽ ബ്രാ​ഞ്ച് ശേ​ഖ​രി​ച്ചു​വ​രി​ക​യാ​ണ്.

സം​ഘ​ത്തല​വ​ൻ ബന്ധു

സ​ജി​യെ തി​രു​വ​ല്ല പോ​ലീ​സ് കൂ​ടു​ത​ൽ ചോ​ദ്യം ചെ​യ്തു​വ​രി​ക​യാ​ണ്. ഇ​യാ​ളു​ടെ ബ​ന്ധു​വും കാ​ഞ്ഞ​ങ്ങാ​ട് സ്വ​ദേ​ശി​യു​മാ​യി യു​വാ​വാ​ണ് ക​ള്ള​നോ​ട്ട​ടി സം​ഘ​ത്തി​ന്‍റെ ത​ല​വ​ൻ. ഇ​യാ​ളു​ടെ നേ​തൃ​ത്വ​ത്തി​ലാ​ണ് സം​ഘം ക​ള്ള​നോ​ട്ടു​ക​ൾ ത​യാ​റാ​ക്കി​യി​രു​ന്ന​ത്.

സം​ഘ​ത്തി​ൽ ഉ​ൾ​പ്പെ​ട്ടെ നാ​ലു പേ​രെ​ക്കു​റി​ച്ചു​ള്ള സൂ​ച​ന​ക​ളു​ടെ അ​ടി​സ്ഥാ​ന​ത്തി​ൽ പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. ക​ള്ള​നോ​ട്ടു​ക​ളു​ടെ വി​ത​ര​ണ​ത്തി​നു വ​ൻ സം​ഘം ത​ന്നെ പ്ര​വ​ർ​ത്തി​ച്ചി​രു​ന്ന​താ​യാ​ണ് സൂ​ച​ന.

ഈ ​സം​ഘ​ത്തി​നു നേ​തൃ​ത്വം ന​ല്കി​യി​രു​ന്ന​തു സ​ജി​യാ​ണ്. അ​പ്ര​തീ​ക്ഷി​ത​മാ​യാ​ണ് ക​ള്ള​നോ​ട്ട​ടി​ക്കു​ന്ന സം​ഘ​ത്തെ​ക്കു​റി​ച്ചു പോ​ലീ​സി​നു സൂ​ച​ന ല​ഭി​ച്ച​ത്. തി​രു​വ​ല്ല​യി​ലെ ഹോം ​സ്റ്റേ​റ്റ​യി​ൽ ലോ​ക്ക് ഡൗ​ണ്‍ കാ​ല​ത്ത് സ​ജി പ​ല​വ​ട്ടം താ​മ​സി​ച്ചു.

സ​ജി പോ​യി​ക്ക​ഴി​ഞ്ഞ​പ്പോ​ൾ നോ​ട്ടു​ക​ൾ അ​ച്ച​ടി​ച്ച​തി​ന്‍റെ ചി​ല ഭാ​ഗ​ങ്ങ​ൾ ഹോം ​സ്റ്റേ ന​ട​ത്തി​പ്പു​കാ​ർ​ക്കു ല​ഭി​ക്കു​ക​യും അ​വ​ർ വി​വ​രം പോ​ലീ​സി​ൽ അ​റി​യി​ക്കു​ക​യു​മാ​യി​രു​ന്നു. തു​ട​ർ​ന്നു ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഇ​യാ​ൾ പി​ടി​യി​ലാ​കു​ന്ന​ത്.