കായംകുളം: നിരീശ്വര വാദിയായ പിണറായിക്ക് ഹൈന്ദവ ശക്തിയെ തടയാൻ കഴിയില്ലന്ന് ബിജെ പി സംസ്ഥാന പ്രസിഡന്റ് പി.എസ.് ശ്രീധരൻപിള്ള. എൻഡിഎ നയിക്കുന്ന ശബരിമല സംരക്ഷണയാത്രയുടെ ആലപ്പുഴ ജില്ലയിലെ പര്യടനത്തിന് സമാപനം കുറിച്ച് കായംകുളത്ത് നടന്ന സമ്മേളനത്തിൽ സംസാരിക്കുകയായിരുന്നു അദ്ദേഹം. ശബരിമല സ്ത്രീ പ്രവേശന വിഷയത്തിൽ കേഡർ പാർട്ടിയെന്ന് വീന്പിളക്കുന്ന സിപിഎം ഹൈന്ദവ ശക്തിയിൽ ഇപ്പോൾ അന്പരക്കുകയാണ്. അന്ധതയുടേയും, അഹങ്കാരത്തിന്േറയും പ്രതീകങ്ങളായി സിപിഎം നേതാക്ക·ാർമാറി. ഹൈന്ദവ ശക്തി നാടെങ്ങും അലയടിയ്ക്കുകയാണ്. ആര് എതിർത്താലും ഇതിനെ തകർക്കാൻ കഴിയില്ലന്നും ശ്രീധരൻ പിള്ള പറഞ്ഞു. ശോഭാ സുരേന്ദ്രൻ, കെ സുരേന്ദ്രൻ, എ.എൻ.രാധാകൃഷ്ണൻ, എൻ.ശിവരാജൻ, ബി.ഗോപാലകൃഷണൻ, കെ.സോമൻ, കെ.പൊന്നപ്പൻ, രാജൻ കണ്ണാട്ട്, സുഭാഷ് വാസു, വി.ടി. രമ, ഗോപകുമാർ, ഡി. അശ്വനിദേവ്, പാലമുറ്റത്ത് വിജയകുമാർ തുടങ്ങിയവർ പ്രസംഗിച്ചു.
Read MoreCategory: Alappuzha
എടിഎം കാർഡ് അപഹരിച്ച് പണംതട്ടിപ്പ്; ഇരുപത്തിമൂന്നുകാരിയും സുഹൃത്തുക്കളും പോലീസ് പിടിയിൽ; പരാതിക്കാരിയോടൊപ്പം എത്തിയ യുവതിയെ പോലീസ് കുടുക്കിയതിങ്ങനെ…
കായംകുളം: യുവതിയുടെ എടിഎം കാർഡ് കൈക്കലാക്കി പണം തട്ടിയെടുത്ത കേസിൽ കായംകുളം പോലീസ് അറസ്റ്റ് ചെയ്ത മൂന്നു പ്രതികളെ കോടതി 14 ദിവസത്തേക്ക് റിമാൻഡ് ചെയ്തു. ഓച്ചിറ സ്വദേശിനിയായ നസീന (23), കൃഷ്ണപുരം നിഷാദ് മൻസിലിൽ നിഷാദ്(22), പെരുങ്ങാല കണ്ടിശ്ശേരി തെക്കതിൽ മുഹമ്മദ് കുഞ്ഞ് (അനി-28) എന്നിവരെയാണ് കോടതി റിമാൻഡ് ചെയ്തത്. എടിഎം കാർഡ് നഷ്ടപ്പെട്ടത് സംബന്ധിച്ച് പരാതി നൽകാൻ യുവതിക്കൊപ്പം പോലീസ് സ്റ്റേഷനിലെത്തിയ കൂട്ടുകാരിയായ നസീനയെ പോലീസ് നടത്തിയ അന്വേഷണത്തിൽ കൈയോടെ പിടികൂടുകയായിരുന്നു. പണം തട്ടാൻ കൂട്ടാളികളായി ഇവർക്കൊപ്പം ഉണ്ടായിരുന്നവരാണ് അറസ്റ്റിലായ മറ്റ് രണ്ടുപേർ. സംശയം തോന്നാതിരിക്കാനും അന്വേഷണം വഴി മാറ്റി വിടാനുമാണ് പരാതിക്കാരിക്കൊപ്പം കൂട്ടുകാരിയായ നസീനയുമെത്തിയതെന്ന് പോലീസ് പറഞ്ഞു. എന്നാൽ പോലീസ് അന്വേഷണം നടത്തിയപ്പോൾ മുഖ്യ പ്രതി നസീന ഉൾപ്പടെ വലയിലായി. കായംകുളം എസ്ഐ രാജൻബാബുവും സംഘവുമാണ് തന്ത്രപരമായി ഇവരെ പിടികൂടിയത്. പോലീസ് പറയുന്നത്…
Read Moreപ്രധാന പ്രതി എക്സൈസ് മുൻ ഗാർഡ്! അടൂരിൽ വൻ വ്യാജമദ്യ വേട്ട, സ്പിരിറ്റും വിദേശമദ്യവും കണ്ടെടുത്തു; കെട്ടിടം ഉടമ കസ്റ്റഡിയിൽ
അടൂർ: മണക്കാല താഴത്തുമണ്ണിൽ വീടിനോടു ചേർന്ന പഴയകെട്ടിടത്തിൽ പ്രവർത്തിച്ചുവന്ന വ്യാജവിദേശമദ്യ നിർമിത യൂണിറ്റിൽ നിന്നും വൻമദ്യശേഖരവും ഇത് നിർമിക്കുന്നതിനുള്ള അനുബന്ധ സാമഗ്രികളും പോലീസ് കണ്ടെടുത്തു. എക്സൈസിലെ മുൻ ഉദ്യോഗസ്ഥന്റെ നേതൃതത്തിൽ നടന്നുവന്ന വ്യാജമദ്യനിർമാണശാലയിലായിരുന്നു റെയഡ്. വീട്ടുടമ പിടിയിലായി. ജില്ലാ പോലീസ് മേധാവി ടി. നാരായണനു ലഭിച്ച രഹസ്യ സന്ദേശത്തെ തുടർന്ന് ഷാഡോ പോലീസ് അടൂർ പോലീസിന്റെ സഹായത്തോടെയാണ് റെയ്ഡ് നടത്തിയത്. ഇന്നലെ വൈകുന്നേരം ആറോടെയായിരുന്നു റെയ്ഡ്. രാത്രി വൈകിയും റെയ്ഡ് തുടരുകയാണ്. ഒരു ലിറ്റർ വീതമുള്ള 165 ബോട്ടിൽ വ്യാജ ജവാൻ റമ്മും, 840 ലിറ്റർ സ്പിരിറ്റും കുപ്പികളിൽ നിറയ്ക്കാനായി വലിയ കന്നാസിൽ തയാറാക്കിയ 200 ലിറ്ററോളം മദ്യവും കണ്ടെടുത്തു. സ്പിരിറ്റിനെ ജവാൻ മദ്യമാക്കി മാറ്റുന്നതിന് ഉപയോഗിച്ചുവന്ന കെമിക്കൽ, എസൻസ്, കുപ്പികൾ സീൽചെയ്യുന്നതിനുള്ള യന്ത്രങ്ങൾ, വ്യാജലേബലുകൾ എന്നിവും കണ്ടെത്തിയിട്ടുണ്ട്. സംഭവുമായി ബന്ധപ്പെട്ട് വീട്ടുടമ താഴത്തുമൺ ചുണ്ടോട്ട് എബി…
Read Moreശ്രദ്ധിക്കുക! വിദ്യാർഥികളെ ലക്ഷ്യമിട്ട് മയക്കുമരുന്ന് ലോബി ; ജാഗ്രത പാലിക്കാൻ എക്സൈസ് വകുപ്പ്
പത്തനംതിട്ട: സ്കൂൾ, കോളജ് വിദ്യാർഥികൾക്കിടയിൽ മയക്കുമരുന്നിന്റെയും മറ്റു ലഹരിവസ്തുക്കളുടെയും വ്യാപനം ഗുരുതരമാകുന്നതായി എക്സൈസ് വകുപ്പ്. ജില്ലയിൽ എക്സൈസ് വകുപ്പ് കണ്ടെടുത്ത മയക്കുമരുന്നു കേസുകളിൽ ഭൂരിഭാഗവും സ്കൂൾ, കോളജ് വിദ്യാർഥികളെ ലക്ഷ്യവച്ചുകൊണ്ടാണെന്ന് ഡെപ്യൂട്ടി കമ്മീഷണർ കെ. ചന്ദ്രപാലൻ അറിയിച്ചു.വിദ്യാർഥികളെ ലഹരിമരുന്നിന്റെ വാഹകരാക്കി വൻതോതിൽ ലഹരിമരുന്ന് കള്ളക്കടത്ത് വ്യാപകമാക്കാൻ മയക്കുമരുന്ന് ലോബി ഗുഢതന്ത്രങ്ങൾ തയാറാക്കിയിട്ടുണ്ട്. റാന്നിയിലും മല്ലപ്പള്ളിയിലും കഴിഞ്ഞദിവസങ്ങളിൽ പാഴ്സൽ സർവീസുകൾഡ പരിശോധിച്ചതിൽ വൻതോതിലുള്ള മയക്കുമരുന്നിന്റെ വിപണനം നടക്കുന്നത് ശ്രദ്ധയിൽപെട്ടിട്ടുണ്ടെന്ന് എക്സൈസ് വകുപ്പ് അധികൃതർ അറിയിച്ചു. സ്കൂളുകളിലും കോളജുകളിലും എക്സൈസ് വകുപ്പ് ഇടപെടൽ ശക്തമാക്കിയിട്ടുണ്ടെന്നും ഡെപ്യൂട്ടി കമ്മീഷണർ അറിയിച്ചു. ലഹരിവിരുദ്ധ ക്ലബുകൾ എല്ലാ വിദ്യാലയങ്ങളിലും സ്ഥാപിക്കും. സ്കൂളുകളും കോളജുകളും നിരീക്ഷിക്കാൻ എക്സൈസ് ഉദ്യോഗസ്ഥനെ വീതം നിയോഗിച്ചിട്ടുണ്ട്. ആഴ്ചയിൽ ഒരുദിവസം ഈ ഉദ്യോഗസ്ഥൻ വിദ്യാലയങ്ങളുമായി ബന്ധപ്പെട്ട് വിവരശേഖരണം നടത്തും. സ്കൂൾ കോളജ് അധികൃതർ മയക്കുമരുന്ന് ലോബിക്കെതിരെ ജാഗരൂകരാകണമെന്നും നിയോഗിക്കപ്പെട്ടിട്ടുള്ള ഉദ്യോഗസ്ഥരുടെ വിവരങ്ങൾ…
Read Moreശബരിമല യുവതി പ്രവേശനം; ഒറ്റയാൾ പ്രതിഷേധവുമായി യുവതി
രാമങ്കരി: ശബരിമലയിൽ ഏതു പ്രായത്തിലുള്ള സ്ത്രീകൾക്കും പ്രവേശിക്കാമെന്ന സുപ്രീംകോടതി വിധിക്കെതിരേ പ്ലക്കാർഡും കൈയിലേന്തി നടുറോഡിലൂടെ യുവതിയുടെ ഒറ്റയാൾ പ്രതിഷേധം. മുഹമ്മ വള്ളിക്കുന്ന് കൃഷ്ണകൃപയിൽ കവിത കൃഷ്ണ(30)യാണ് കാൽനടയായി നിലയ്ക്കൽവരെ ഒറ്റയാൾ പ്രതിഷേധവുമായി ഇന്നലെ രംഗത്തെത്തിയത്. മുഹമ്മയിൽനിന്നും ആലപ്പുഴ വഴി എസി റോഡിലൂടെ പ്ലക്കാർഡും പിടിച്ചാണ് യുവതി പ്രതിഷേധസമരം നടത്തിയത്. പത്തിനും 55നും ഇടയിൽ പ്രായമുള്ള സ്ത്രീകളെ ഒരു കാരണവശാലും ശബരിമലയിൽ പ്രവേശിക്കാൻ അനുവദിക്കരുതെന്ന ഹിന്ദു സംഘടനകളുടെ നിലപാട് തന്നെയാണ് തനിക്കുമുള്ളത്. ഹിന്ദുമതത്തിന്റെ വിശ്വാസ പ്രമാണങ്ങളിൽ ഒരുകോടതിയും ഇടപെടാൻ പാടില്ല, വിശ്വാസം നിലകൊള്ളുന്നത് ഒരു കോടതിയുടേയും കൈയിലല്ലെന്നും അവർ പറഞ്ഞു.
Read Moreനാട്ടുകാരുടെ പ്രിയങ്കരൻ ഗജരത്നം മാവേലിക്കര ഉണ്ണികൃഷ്ണൻ ചെരിഞ്ഞു; ഉദരസംബന്ധമായ അസുഖത്താൽ ചികിത്സയിലായിരുന്നു
മാവേലിക്കര: ഗജരത്നം മാവേലിക്കര ഉണ്ണികൃഷ്ണൻ ചെരിഞ്ഞു. ഇന്ന് പുലർച്ചെ 2.04 ഓടെയായിരുന്നു അന്ത്യം. കഴിഞ്ഞ നാലുമാസമായി ഉദരസംബന്ധമായ അസുഖത്താൽ ചികിത്സയിലായിരുന്ന ഉണ്ണികൃഷ്ണൻ ഇന്നലെ വൈകുന്നേരം 5.30 ഓടെ കുഴഞ്ഞു വീഴുകയായിരുന്നു. 1992 മാർച്ച് 15ന് അന്നത്തെ ദേവസ്വം ഭരണസമിതിയുടേയും നാട്ടുകാരുടെയും ശ്രമഫലമായി ബോർഡ് പ്രസിഡന്റ് രാമൻ ഭട്ടതിരിപ്പാട് ആണ് ആനയെ നടക്കിരുത്തിയത്. തിരുവിതാംകൂർ ദേവസം ബോർഡിലെ തലയെടുപ്പുള്ള ആനകളിൽ മൂന്നാം സ്ഥാനക്കാരനായിരുന്നു. തൃശൂർപൂരം ഉൾപ്പടെയുള്ള പുരങ്ങളിലും. ശബരിമലയിലും നിരവധി തവണ എഴുന്നള്ളിച്ചിട്ടുള്ള ശാന്തനായതും ലക്ഷണം ഒത്തതുമായ ആനയായിരുന്നു ഉണ്ണികൃഷ്ണൻ. കളഭ കേസരി, ഗജരത്നം തുടങ്ങിയ പട്ടങ്ങളും ലഭിച്ചിട്ടുണ്ട്. കേരള ഫോറസ്റ്റ് കോടനാട് ഡിവിഷനിൽ നിന്നാണ് ഉണ്ണികൃഷ്ണനെ വാങ്ങിയത്. ഗജരാജൻ ഉണ്ണികൃഷ്ണന്റെ വേർപാട് നാടിനെ കണ്ണീരിലാഴ്ത്തി. ആനയുടെ വേർപാട് അറിഞ്ഞതുമുതൽ സ്ത്രീകളും കുട്ടികളും ഉൾപ്പടെ നിരവധി പേരാണ് ക്ഷേത്രത്തിലേക്ക് എത്തിക്കൊണ്ടിരിക്കുന്നത്. ക്ഷേത്രാങ്കണത്തിൽ പെതു ദർശനത്തിന് വച്ച ജഡത്തിൽ ദേവസ്വം…
Read Moreഫുട്പാത്തുകൾ കൈയേറി വാഹനങ്ങളും ഫ്ളെക്സ് ബോർഡുകളും; നഗരത്തിൽ കാൽനടയാത്രികർ ദുരിതത്തിൽ
ആലപ്പുഴ: കാൽനടയാത്രക്കാർക്ക് സുരക്ഷിത സഞ്ചാരം ഉറപ്പുവരുത്തുന്നതിനായി നിർമിച്ച ഫുട്പാത്തുകളിൽ അനധികൃത വാഹനപാർക്കിംഗും ഫ്ളെക്സ് ബോർഡുകൾ സ്ഥാപിക്കുകയും ചെയ്തതോടെ കാൽനടയാത്രക്കാർ വലയുന്നു. നഗരത്തിന്റെ വിവിധ ഭാഗങ്ങളിൽ ഫുട്പാത്തുകളിൽഇരുചക്രവാഹനമടക്കമുള്ളവ യാത്രക്കാരുടെ സഞ്ചാരം തടസപ്പെടുത്തുന്ന നിലയിലാണ് പാർക്ക് ചെയ്യുന്നത്. തിരക്കേറിയ ഇടങ്ങളിൽപോലും ഇത്തരത്തിൽ വാഹനങ്ങൾ പാർക്ക് ചെയ്തിട്ടുണ്ടെങ്കിലും ഇത് പരിശോധിച്ച് നടപടിയെടുക്കേണ്ട അധികൃതർ കണ്ടില്ലെന്ന് നടിക്കുകയാണ്. ഇതോടൊപ്പം കാൽനടയാത്ര തടസപ്പെടുത്തുന്ന തരത്തിൽ ഫുട്പാത്തിനോടു ചേർന്നുള്ള ഇലക്ട്രിക് പോസ്റ്റുകളിലും മറ്റും ഫ്രെയിമോടുകൂടിയ വലിയ ഫ്ളെക്സ് ബോർഡുകൾ സ്ഥാപിക്കുകയും ചെയ്തതോടെ കാൽനടയാത്രക്കാർ നിലവിൽ റോഡിലിറങ്ങി സഞ്ചരിക്കേണ്ട അവസ്ഥയാണ്. പാതയോരങ്ങളിൽ അനധികൃതമായി സ്ഥാപിച്ചിട്ടുള്ള ഫ്ളെക്സ് ബോർഡുകളടക്കം നീക്കം ചെയ്യാനുള്ള നടപടി സ്വീകരിക്കണമെന്ന് സർക്കാർ ഉത്തരവുണ്ടെങ്കിലും ഇത് നടപ്പാക്കാൻ വേണ്ട നടപടികൾ നഗരസഭ സ്വീകരിക്കാത്തതാണ് കാൽനടയാത്രക്കാർക്ക് ഫുട്പാത്തുകൾ അന്യമാകാൻ ഇടയാക്കിയതെന്നാണ് ആക്ഷേപമുയർന്നിട്ടുള്ളത്.
Read Moreതെരുവുനായ നിയന്ത്രണപദ്ധതി കടലാസിൽ മാത്രം! ആലപ്പുഴ നഗരത്തിലെ വീഥികൾ കീഴടക്കി തെരുവുനായകൾ: കടി പേടിച്ച് നാട്ടുകാർ , ബീച്ചിൽ നായശല്യം രൂക്ഷം
ആലപ്പുഴ: പൊതുജനങ്ങൾക്കും വാഹനയാത്രക്കാർക്കും ഒരുപോലെ ഭീഷണിയാകുന്ന തെരുവ് നായകളെ നിയന്ത്രിക്കുന്നതിനായുള്ള എബിസി (ആനിമൽ ബർത്ത് കണ്ട്രോൾ) പദ്ധതി കടലാസിൽ ഒതുങ്ങി. മാസങ്ങൾക്കുമുന്പുവരെ പദ്ധതിപ്രകാരം തെരുവുനായ്ക്കളെ പിടികൂടി വന്ധ്യംകരിക്കുന്ന നടപടികൾ സജീവമായി നടന്നിരുന്നെങ്കിലും പ്രളയത്തിനുശേഷം ഈ പ്രവർത്തനങ്ങളിൽ ഇഴച്ചിലുണ്ടായതോടെ ആലപ്പുഴ നഗരത്തിലെ പ്രധാന കേന്ദ്രങ്ങളിലും വീഥികളുമെല്ലാം തെരുവുനായ്ക്കൾ നിറഞ്ഞ നിലയിലാണ്. ആലപ്പുഴ നഗരസഭ, കല്ലുപാലത്തിന് തെക്കുവശം, പ്രൈവറ്റ് ബസ് സ്റ്റാൻഡ് പരിസരം, ജില്ലാ കോടതി പാലം പരിസരം, ബീച്ച് തുടങ്ങിയിടങ്ങളിലൊക്കെ പകൽസമയങ്ങളിൽപ്പോലും തെരുവുനായകൾ പൊതുജനങ്ങൾക്ക് ഭീഷണിയുയർത്തുകയാണ്. ഈ പ്രദേശങ്ങളിലൂടെ പ്രഭാത സവാരി നടത്തുന്നവർക്ക് തെരുവ്നായകൾ ഭീഷണിയായി മാറിയിട്ടുണ്ട്. ഒറ്റപ്പെട്ട കാൽനടയാത്രക്കാരെ തെരുവുനായകൾ കൂട്ടംകൂടി ആക്രമിച്ച സംഭവങ്ങളും നഗരത്തിൽ സമീപകാലത്തുണ്ടായിട്ടുണ്ട്. സൈക്കിളിൽ സഞ്ചരിക്കുന്ന സ്കൂൾ കുട്ടികൾ അടക്കമുള്ളവർക്കും ഇരുചക്രവാഹനയാത്രക്കാർക്കും നായകൾ ഭീഷണിയാണ്. രാത്രികാലങ്ങളിലും പുലർച്ചെയും നായകൾ റോഡിന് കുറുകെ ചാടുന്നതുമൂലം നിരവധി ഇരുചക്രവാഹനയാത്രക്കാരാണ് അപകടത്തിൽപ്പെട്ടിട്ടുള്ളത്. നഗരത്തിൽ പ്രഭാത സവാരിക്കായി ഏറെയാളുകൾ…
Read Moreസർക്കാർ പരിപാടിയെന്ന് തെറ്റിധരിപ്പിച്ച് വനിതകളെ സ്ത്രീ അവകാശ സംരക്ഷണ സംഗമത്തിൽ പങ്കെടുപ്പിച്ചെന്ന് ആക്ഷേപം; അന്വേഷണം ആവശ്യപ്പെട്ട് ഡിസിസി പ്രസിഡന്റ് ബാബു ജോർജ്
മല്ലപ്പള്ളി: വിശ്വാസികളായ കുടുംബശ്രീ, തൊഴിലുറപ്പ് പ്രവർത്തകരെ തെറ്റിധരിപ്പിച്ച് പത്തനംതിട്ട യിൽ കഴിഞ്ഞദിവസം ജനാധിപത്യ മഹിള അസോസിയേഷന്റെ സ്ത്രീ അവകാശ സംരക്ഷണ സംഗമത്തിൽ പങ്കെടുപ്പിച്ച മല്ലപ്പള്ളി ഗ്രാമപഞ്ചായത്തിന്റെ നടപടി പ്രതിഷേധാർഹമാണെന്ന് കോൺഗ്രസ് മണ്ഡലം കമ്മിറ്റി അഭിപ്രായപ്പെട്ടു. സർക്കാരിന്റെ ഔദ്യോഗിക പരിപാടിയാണെന്ന് തെറ്റിധരിപ്പിച്ചാണ് പഞ്ചായത്ത് ഭരണസമിതി സ്ത്രീകളെ പങ്കെടുപ്പിച്ചത്. ഇതിനെതിരെ ബന്ധപ്പെട്ടവർക്ക് പരാതി നല്കാനും മണ്ഡലം കമ്മിറ്റി തീരുമാനിച്ചതായി പ്രസിഡന്റ് റെജി പണിക്കമുറി അറിയിച്ചു. തൊഴിലുറപ്പ് തൊഴിലാളികളെ പങ്കെടുപ്പിച്ചത് അന്വേഷിക്കണം: ബാബു ജോർജ് പത്തനംതിട്ട: കുടുംബശ്രീ പ്രവർത്തകരെയും സിഡിഎസ് അംഗങ്ങളെയും തൊഴിലുറപ്പ് തൊഴിലാളികളെയും തെറ്റിധരിപ്പിച്ച് സിപിഎമ്മിന്റെ ജനാധിപത്യ മഹിളാ അസോസിയേഷൻ നടത്തിയ വനിതാ സംഗമത്തിൽ പങ്കെടുപ്പിച്ചതു സംബന്ധിച്ച് അന്വേഷണം നടത്തണമെന്നാവശ്യപ്പെട്ട് ഡിസിസി പ്രസിഡന്റ് ബാബു ജോർജ് ജില്ലാ കളക്ടർക്കു പരാതി നൽകി. വനിതകളെ പാർട്ടിയോഗങ്ങളിൽ കുടുംബശ്രീ ഉൾപ്പെടെയുള്ള പഞ്ചായത്തു തലത്തിലുള്ള വിവിധ ഏജൻസികളിൽ പ്രവർത്തിക്കുന്ന വനിതകളെ ഭീഷണിപ്പെടുത്തിയും തെറ്റിധരിപ്പിച്ചും പാർട്ടി…
Read Moreനേത്രദാന സമ്മതപത്രം ഇനി ഓൺലൈനായി നൽകാം; കണ്ണുകൾ ദാനമായി നല്കാൻ തയാറുള്ള ആർക്കും സൗജന്യമായി ഇതിൽ അംഗത്വം നേടാം
റാന്നി: അന്ധത ഇരുൾ നിറച്ച ജീവിതങ്ങൾക്ക് വെളിച്ചം പകരാൻ ഓൺലൈനായി ഇനിമുതൽ കണ്ണുകൾ ദാനം ചെയ്യാനുള്ള സമ്മതപത്രം നല്കാം. മരണശേഷം കണ്ണുകൾ ദാനമായി നല്കുന്നവരുടെ കൂട്ടായ്മയായ കാഴ്ച നേത്രദാനസേനയാണ് ഓൺലൈൻ സമ്മതപത്രത്തിനു സൗകര്യമൊരുക്കുന്നത്. കാഴ്ചയുടെ വെബ്സൈറ്റായ www.kazhcha.org എന്ന വെബ്സൈറ്റ് വഴി ഇനി ഏതൊരു വ്യക്തിക്കും കണ്ണുകൾ ദാനമായി നല്കാനുള്ള സമ്മതപത്രം രജിസ്റ്റർ ചെയ്യാം. ലോക കാഴ്ചദിനത്തോടനുബന്ധിച്ചാണ് കാഴ്ചയുടെ ഈ സംരംഭം. 2010 ഫെബ്രുവരിയിൽ രൂപീകൃതമായ കാഴ്ച സംഘടനയിൽ മരണശേഷം കണ്ണുകൾ ദാനം നല്കാൻ തയാറായി സമൂഹത്തിലെ പ്രമുഖരടക്കം 6000 ൽപരം അംഗങ്ങൾ പ്രവർത്തിക്കുന്നുണ്ട്. കാഴ്ചയിൽ അംഗമായി മരണമടഞ്ഞ 12 പേരുടെ കണ്ണുകൾ 24 അന്ധരായ മനുഷ്യർക്ക് ഇന്നു വെളിച്ചമേകുന്നു. കാഴ്ചയിലെ അംഗങ്ങൾ മരണമടയുന്പോൾ എല്ലാ ജില്ലകളിലും പ്രവർത്തിക്കുന്ന അന്ധതാ നിവാരണ സമിതിയുടെ നേതൃത്വത്തിലുള്ള ഡോക്ടർമാരുടെ സംഘം മൂന്നു മണിക്കൂറിനകം വീട്ടിലോ ആശുപത്രിയിലോ എത്തി നേത്രപടലം ശേഖരിച്ച്…
Read More