ചേർത്തല: ദേശീയപാതയിൽ നിർത്തിയിട്ടിരുന്ന ലോറിക്കുപിന്നിൽ മറ്റൊരു ലോറിയിടിച്ച് രണ്ടുപേർ മരിച്ചു. വടകര ചെന്പോല വലിയപറന്പത്ത് ഭാസ്കരന്റെ മകൻ ജിജി (34), കണ്ണൂർ പയ്യന്നൂർ പുതുമനതെക്കേതിൽ തങ്കപ്പന്റെ മകൻ മനോജ് (46) എന്നിവരാണ് മരിച്ചത്. അപകടത്തിൽ ഒരാൾക്ക് ഗുരുതര പരിക്കേറ്റു. എസ്എൻ കോളജിനു തെക്ക് ഇന്നു പുലർച്ചെ 5.30ഓടെയായിരുന്നു അപകടം. ടയർ പഞ്ചറായതിനെ തുടർന്ന് ദേശീയപാതവക്കിൽ നിർത്തി ടയർ മാറ്റുന്നതിനിടെ പുറകെ വരികയായിരുന്ന ലോറി ഇടിച്ചുകയറുകയായിരുന്നു. ഇടിച്ച ലോറിയുടെ ഡ്രൈവറും നിർത്തിയിട്ടിരുന്ന ലോറിയുടെ ക്ലീനറുമാണ് മരിച്ചത്. ലോറിയുടെ അടിയിൽപെട്ടുപോയ ക്ലീനറെയും കാബിനിൽ കുടുങ്ങിയ ഡ്രൈവറെയും മാരാരിക്കുളം പോലീസും ഹൈവേ പോലീസും ചേർത്തല അഗ്നിശമനസേനയും ചേർന്നാണ് പുറത്തെടുത്തത്. അപ്പോഴേക്കും ഇവർ മരിച്ചിരുന്നു.
Read MoreCategory: Alappuzha
വീടുകയറി ആക്രമണം; സാരമായി പരിക്കേറ്റ ദമ്പതികളെ ആശുപത്രിയിൽ പ്രവേശിപ്പിച്ചു; രണ്ടുപേര് പിടിയില്
ചേര്ത്തല: വീടുകയറി ആക്രമണത്തില് ദമ്പതികള്ക്ക് പരിക്ക്. സംഭവുമായി ബന്ധപ്പെട്ട് രണ്ട് പേരെ പോലീസ് അറസ്റ്റ് ചെയ്തു. നഗരസഭ എട്ടാം വാര്ഡില് തകിടിവെളി സലേഷ്കുമാര് (36), ഭാര്യ ജ്യോതിലക്ഷ്മി (31) എന്നിവരാണ് പരുക്കേറ്റ് ഗവ. താലൂക്ക് ആശുപത്രിയില് ചികിത്സയില് കഴിയുന്നത്. ആക്രമണവുമായി ബന്ധപ്പെട്ട് നഗരസഭ 22-ാം വാര്ഡില് ചെറുവീട്ടില് രതീഷ് (35), പുത്തന്പുരയ്ക്കല് അരുണ് (30) എന്നിവരെയാണ് പോലീസ് പിടികൂടിയത്. ഇന്നലെ ഉച്ചകഴിഞ്ഞ് ഓട്ടോറിക്ഷയില് സലേഷ്കുമാറിന്റെ വീട്ടിലെത്തിയ ഇവര് സലേഷുമായി വാക്കുതര്ക്കമുണ്ടാക്കുകയും തുടര്ന്ന് ആക്രമിക്കുകയും വീടിന്റെ ജനാലകളും കസേരകളും തല്ലിത്തകര്ക്കുകയുമായിരുന്നു. തടയാനെത്തിയ ജ്യോതിലക്ഷ്മിയെ അക്രമി സംഘം തള്ളി വീഴ്ത്തി. മടങ്ങിയ സംഘം പിന്നീട് അനുരഞ്ജന ചര്ച്ചയ്ക്ക് എന്ന പേരില് ആഞ്ഞിലിപ്പാലത്തിന് സമീപത്തേക്ക് എത്താന് സലേഷിനോട് ആവശ്യപ്പെട്ടു. വിവരം പോലീസിനെ അറിയിച്ചതോടെ മഫ്തിയില് പോലീസ് ഉദ്യോഗസ്ഥര് ഇവരെ പിടികൂടാന് ഇവിടെ എത്തിയെങ്കിലും ഉദ്യോഗസ്ഥരെ കൈയേറ്റം ചെയ്യാന് ശ്രമമുണ്ടായി. തുടര്ന്ന് കൂടുതല്…
Read Moreപോലീസുകാരിയെ അപമാനിക്കാൻ ശ്രമം: സിവിൽ പോലീസ് ഓഫീസർക്കും സഹോദരനും ജാമ്യം
ഹരിപ്പാട്: പോലീസുകാരിയെ അപമാനിക്കാൻ ശ്രമിച്ചെന്ന കേസിൽ പ്രതികൾക്കു ജാമ്യം. ആലപ്പുഴ എ.ആർ ക്യാന്പിലെ സിവിൽ പോലീസ് ഓഫീസർ കരുവാറ്റ തെക്ക് ബ്രദേഴ്സ് ഭവനത്തിൽ ജി. പത്മകുമാർ (39), സഹോദരൻ ജി. നന്ദകുമാർ (42) എന്നിവർക്കാണ് ഹരിപ്പാട് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി ജാമ്യം അനുവദിച്ചത്. കഴിഞ്ഞദിവസം രാത്രി ഏഴോടെ ഡ്യൂട്ടി കഴിഞ്ഞ് വീട്ടിലേക്ക് മടങ്ങുകയായിരുന്ന പോലീസുകാരി ഫോണ് വന്നതിനെ തുടർന്ന് വഴിയരികിൽ വണ്ടിയൊതുക്കി സംസാരിക്കുകയായിരുന്നു. ഇവരുടെ അടുത്ത് മറ്റൊരു സ്കൂട്ടറിൽലെത്തിയ നന്ദകുമാർകൈയിൽ കടന്നുപിടിച്ച് അസഭ്യം പറഞ്ഞു. വനിതാ പോലീസാണെന്നു പറഞ്ഞപ്പോൾ സമീപത്തുണ്ടായിരുന്ന പത്മകുമാറിനെ വിളിച്ചു വരുത്തുകയും സ്ഥലത്തെത്തിയ പത്മകുമാറും അസഭ്യം പറഞ്ഞുവെന്നാണ് കേസ്. സർവീസിൽ നിന്ന് അവധിയെടുത്ത് വിദേശത്തായിരുന്ന പത്മകുമാർ അടുത്തിടെയാണ് നാട്ടിലെത്തിയത്.
Read Moreചോദിച്ചിട്ട് കയറിയിട്ടും..! കണ്ടക്ടർ നിരന്തരം ആവശ്യപ്പെട്ടിട്ടും പാതിരാത്രിയിൽ ബസ് നിർത്തിയില്ല: കെഎസ്ആർടിസി ഡ്രൈവർക്കെതിരേ പരാതി
ഹരിപ്പാട്: പാതിരാത്രിക്ക് ബസ് നിർത്താതെ യാത്രക്കാരനെ ബുദ്ധിമുട്ടിച്ച കെഎസ്ആർടിസി ബസ് ഡ്രൈവർക്കെതിരേ പരാതി. സാമൂഹ്യനീതി വകുപ്പിൽ നിന്ന് ജില്ലാ പ്രൊബേഷൻ ഓഫീസറായി വിരമിച്ച കരുവാറ്റ ആഞ്ഞിലിവേലിൽ ചന്ദ്രബാബുവാണ് ഗതാഗത മന്ത്രി, കഐസ്ആർടിസി മാനേജിംഗ് ഡയറക്ടർ, ചീഫ് വിജിലൻസ് ആൻഡ് സെക്യൂരിറ്റി ഓഫീസർ എന്നിവർക്ക് പരാതി നൽകിയത്. എറണാകുളം- തിരുവനന്തപുരം റൂട്ടിലെ ലോഫ്ളോർ ബസിൽ കഴിഞ്ഞദിവസം രാത്രിയിലായിരുന്നു സംഭവം. രാത്രി എറണാകുളത്തു നിന്ന് കയറുംമുന്പ് കരുവാറ്റയിൽ ഇറക്കാമോയെന്ന് കണ്ടക്ടറോട് ചോദിച്ചിട്ടാണ് ഇദ്ദേഹം ബസിൽ കയറിയത്. രാത്രി 12.30 ഓടെയാണ് ഇറങ്ങേണ്ട കരുവാറ്റ കടുവൻ കുളങ്ങരയിൽ എത്തിയത്. കണ്ടക്ടർ നിരന്തരം ആവശ്യപ്പെട്ടിട്ടും സ്റ്റോപ്പിൽ ബസ് നിർത്തിയില്ല. ബസ് നിർത്തണമെന്ന് ആവശ്യപ്പെട്ട മറ്റു യാത്രക്കാർക്കെതിരേ ഡ്രൈവർ തട്ടിക്കയറുകയും ആക്ഷേപിച്ച് സംസാരിക്കുകയും ചെയ്തു. മിനിറ്റുകൾനീണ്ട തർക്കത്തിനൊടുവിൽ ഹരിപ്പാട് കഐസ്ആർടിസി ഡിപ്പോയിലാണ് ചന്ദ്രബാബുവിനെ ഇറക്കിയത്. ജഐൻ 410 ഇകെ നന്പർ ബസിലെ ഡ്രൈവർക്കെതിരേയാണ് ചന്ദ്രബാബു…
Read Moreലോകസഭ തെരെഞ്ഞെടുപ്പിന് സിപിഎം ഒരുങ്ങി; സോഷ്യൽ ഡവലപ്മെന്റ് ഓർഗനൈസർമാർ രംഗത്ത്
മാന്നാർ: ലോകസഭാ തെരെഞ്ഞെടുപ്പിനുള്ള മുന്നൊരുക്കങ്ങൾ സിപിഎമ്മിൽ തുടങ്ങി. ചെങ്ങന്നൂർ മോഡൽ തെരെഞ്ഞെടുപ്പ് പ്രചാരണം നടത്താനാണ് സിപിഎം ശ്രമം. ചെങ്ങന്നൂർ ഉപതെരെഞ്ഞെടുപ്പിൽ ഒരോ ലോക്കൽ കമ്മിറ്റികൾക്കും മറ്റ് ജില്ലകളിൽ നിന്നുള്ളവർക്ക് പ്രത്യേക ചുമതല നൽകിയാണ് പ്രവർത്തനങ്ങൾ നടത്തിയിരുന്നത്. അത്തരത്തിൽ തന്നെ സംസ്ഥാനത്തെ എല്ലാ ലോക്കൽ കമ്മിറ്റികളിലും മറ്റിടങ്ങളിൽ നിന്നുള്ള ചുമതലക്കാരെ നിയമിച്ച് പ്രവർത്തനങ്ങൾ നടത്തുവാനാണ് പദ്ധതി തയാറാക്കിയിരിക്കുന്നത്. അതനുസരിച്ച് പ്രത്യേകം പരിശീലനം ലഭിച്ച യുവാക്കൾ ഒരോ ലോക്കൽ കമ്മിറ്റികളിലുമെത്തി പ്രവർത്തനങ്ങൾ ആരംഭിച്ചു. സിപിഎം പ്രവർത്തകർ എന്ന രീതിയിലല്ല ഇവർ ഒരോത്തരെയും സമീപിക്കുന്നത്. സോഷ്യൽ ഡവലപ്മെന്റ് ഓർഗനൈസർ (എസ്ഡിഒ) എന്ന തരത്തിലാണ് ഇവർ ജനങ്ങളുടെ ഇടയിൽ പ്രവർത്തിക്കുന്നത്. ഈ പേരിൽ ഫോട്ടോ പതിച്ച തിരിച്ചറിയൽ കാർഡും ധരിച്ചാണ് ഇവർ രംഗത്തിറങ്ങുന്നത്. ആദ്യഘട്ടത്തിൽ കുടുംബശ്രീ, തൊഴിലുറപ്പ്, ആശാ പ്രവർത്തകർ, പട്ടികജാതി, ന്യൂനപക്ഷ പ്രൊമോട്ടർമാർ എന്നിവയുടെ പ്രവർത്തകരെ നേരിൽ കണ്ട് പൊതുവിഷയങ്ങളും അവരുടെ…
Read Moreആർഎസ്എസ് പ്രവർത്തകർ ഡിവൈഎഫ്ഐ പ്രവർത്തകരെ ആക്രമിച്ചതായി പരാതി; സംഭവത്തിൽ രണ്ടു പേർ അറസ്റ്റിൽ
മാവേലിക്കര: ചെട്ടികുളങ്ങരയിൽ ആർഎസ്എസ് പ്രവർത്തകർ ഡിവൈഎഫ്ഐ പ്രവർത്തകരെ അക്രമിച്ചാതായി പരാതി. വ്യാഴാഴ്ച രാത്രി ഒന്പതരയോടെ ഡിവൈഎഫ്ഐ ചെട്ടികുളങ്ങര വടക്ക് മേഖലാ പ്രസിഡന്റും സിപിഎം ബ്രാഞ്ച് സെക്രട്ടറിയുമായ, കരിപ്പുഴ കടവൂർ കല്ലിട്ട കടവിൽ വീട്ടിൽ വിനീഷിന്േറയും (30) ഡിവൈഎഫ്ഐ പേള യൂണിറ്റ് സെക്രട്ടറി, പേള പള്ളിയന്പിൽ അരുണിന്റെയും (21) നേർക്കാണ് ആക്രമണം ഉണ്ടായത്. ഈരേഴ വടക്ക് കന്പനിപ്പടിയിൽ പോയി മടങ്ങുകയായിരുന്ന ഇരുവരും സഞ്ചരിച്ചിരുന്ന സ്കൂട്ടറിനെ പിന്തുടർന്ന് ബൈക്കുകളിലെത്തിയ എട്ടുപേരടങ്ങുന്ന ആർഎസ്എസ് സംഘം, സുശ്രീമ സൂപ്പർമാർക്കറ്റ് ജംഗ്ഷനിൽ നിന്ന് പടിഞ്ഞാറോട്ടുള്ള റോഡിൽ വച്ച് ഇവരെ ആക്രമിക്കുകയായിരുന്നുവെന്ന് പരിക്കേറ്റവർ പറയുന്നു. കന്പിവടിയും മുള്ളുവേലിച്ചുരുളുകൾ ചുറ്റിയ പൈപ്പും ഉപയോഗിച്ചാണ് ആക്രമിച്ചതെന്ന് മാവേലിക്കര ജില്ലാ ആശുപത്രിയിൽ ചികിത്സയിൽ കഴിയുന്ന വിനീഷും അരുണും പറഞ്ഞു. ശരീരമാസകലം മർദ്ദനമേറ്റ പാടുകളുണ്ട്. സ്കൂട്ടർ തല്ലിത്തകർക്കുകയും ഹെൽമെറ്റ് കൊണ്ട് തലക്കടിക്കുകയും ചെയ്തു. ശബ്ദം കേട്ട് സമീപവാസികൾ ടോർച്ചടിക്കുന്നത് കണ്ട് ആക്രമികൾ…
Read Moreസിനിമാമേഖലയിൽ ജോലിവാഗ്ദാനം ചെയ്ത് പണം തട്ടിയതായി പരാതി; 13ഓളം യുവാക്കൾ തട്ടിപ്പിനിരയായി; യുവാക്കളുടെ ആധാർകാർഡും പാസ്പോർട്ട് കോപ്പിയും വാങ്ങിയായിരന്നു കബളിപ്പിക്കൽ
ആലപ്പുഴ: സിനിമ മേഖലയിൽ ജോലി വാഗ്ദാനം ചെയ്ത് യുവാക്കളിൽ നിന്ന് പണം തട്ടിയതായി പരാതി. പാതിരപ്പള്ളി ഓമനപ്പുഴ സ്വദേശിയായ യുവാവിനെതിരെയാണ് കബളിപ്പിക്കപ്പെട്ടവർ മണ്ണഞ്ചേരി, ആലപ്പുഴ നോർത്ത്, പുന്നപ്ര പോലീസ് സ്റ്റേഷനുകളിൽ കഴിഞ്ഞദിവസം പരാതി നൽകിയത്. ആലപ്പുഴ ജില്ലക്കാരായ 13 ഓളം പേരിൽ നിന്ന് 5000 മുതൽ 10,000 രൂപ വരെയുള്ള തുകയാണ് ഇയാൾ കബളിപ്പിച്ചെടുത്തത്. ദുബായിൽ ആരംഭിക്കുന്ന സിനിമ ചിത്രീകരണവുമായി ബന്ധപ്പെട്ട ആർട്ട് ജോലികൾക്ക് ആളെ ആവശ്യമുണ്ടെന്ന് പറഞ്ഞായിരുന്നു തട്ടിപ്പ്. പുന്നപ്ര സ്വദേശിയായ യുവാവുമായി പരിചയപ്പെട്ട ഇയാൾ യുവാവിന്റെ സുഹൃത്തുക്കളടക്കമുള്ളവരെയാണ് കബളിപ്പിച്ചത്. പണം വാങ്ങിയതിനൊപ്പം ഇയാൾ യുവാക്കളിൽ നിന്ന് ആധാർകാർഡ്, പാസ്പോർട്ടിന്റെ കോപ്പി, തിരിച്ചറിയൽ കാർഡ് എന്നിവയും വാങ്ങിയിരുന്നു. കഴിഞ്ഞ 11ന് വിദേശത്തേക്ക് പോകണമെന്നായിരുന്നു പണം നൽകിയവരോട് പറഞ്ഞിരുന്നത്. തിരുവനന്തപുരത്തുനിന്നുമെത്തുന്ന സ്വകാര്യ ബസിൽ താനുണ്ടാകുമെന്നും ഇവരെ വിശ്വസിപ്പിച്ചു. ഇതനുസരിച്ച് യുവാക്കൾ കൊമ്മാടിയിൽ കാത്തുനിൽക്കുകയും ചെയ്തു. ഇതിനിടയിൽ ഇയാളുമായി…
Read Moreവാഹന പരിശോധനയ്ക്കിടെ പോലീസുകാരനെ ഇടിച്ചുതെറിപ്പിച്ച് ബൈക്ക് യാത്രികൻ ; ഇടതു തോളെല്ലിന് പരിക്കേറ്റ സത്യപ്രസാദിനെ ആശുപത്രിയിൽ പ്രവേശിപ്പിച്ചു
ചേർത്തല: വാഹന പരിശോധനക്കിടെ പോലീസുകാരനെ ഇടിച്ചു തെറിപ്പിച്ച് ബൈക്കു യാത്രക്കാരൻ കടന്നു. ചേർത്തല സ്റ്റേഷനിലെ ഡ്രൈവർ സത്യപ്രസാദാണ് ഇടതു തോളെല്ലിന് പരുക്കേറ്റ് ഗവ. താലൂക്ക് ആശുപത്രിയിൽ ചികിത്സ തേടിയത്. ഇന്നലെ വൈകുന്നേരം നാലോടെ വാരനാട് മാക്ഡവൽ കന്പനിക്ക് സമീപമായിരുന്നു സംഭവം. ബൈക്കിലെത്തിയവരോട് പോലീസ് സംഘം വാഹനം നിർത്താൻ ആവശ്യപ്പെട്ടു. ബൈക്ക് നിർത്തി പിന്നിലിരുന്നയാൾ ഇറങ്ങിയ ഉടനെ ബൈക്ക് ഓടിച്ചിരുന്നയാൾ വേഗത്തിൽ മുന്നോട്ട് എടുക്കുകയായിരുന്നു. ജീപ്പിന് അരുകിൽ നിൽക്കുകയായിരുന്ന സത്യപ്രസാദിനെ തട്ടിയതോടെ ഇയാൾ റോഡിൽ വീണാണ് തോളെല്ലിന് പൊട്ടലുണ്ടായത്. ബൈക്ക് യാത്രക്കാരനെ കുറിച്ച് സൂചന ലഭിച്ചതായും ഉടൻ പിടികൂടുമെന്നും എസ്ഐ ജി. അജിത്ത്കുമാർ പറഞ്ഞു.
Read Moreലോക്സഭ തെരഞ്ഞെടുപ്പിന് സിപിഎം ഒരുങ്ങുന്നു; സോഷ്യൽ ഡവലപ്മെന്റ് ഓർഗനൈസർമാർ രംഗത്ത്; തെരഞ്ഞെടുപ്പ് തന്ത്രങ്ങൾ ഇങ്ങനെ…
മാന്നാർ: ലോക്സഭാ തെരഞ്ഞെടുപ്പിനുള്ള മുന്നൊരുക്കങ്ങൾ സിപിഎമ്മിൽ തുടങ്ങി. ചെങ്ങന്നൂർ മോഡൽ തെരെഞ്ഞെടുപ്പ് പ്രചാരണം നടത്തുവാനാണ് സിപിഎം ശ്രമം. ചെങ്ങന്നൂർ ഉപതെരഞ്ഞെടുപ്പിൽ ഒാരോ ലോക്കൽ കമ്മിറ്റിക്കും മറ്റ് ജില്ലകളിൽ നിന്നുള്ളവർക്ക് പ്രത്യേക ചുമതല നൽകിയാണ് പ്രവർത്തനങ്ങൾ നടത്തിയിരുന്നത്. അത്തരത്തിൽ തന്നെ സംസ്ഥാനത്തെ എല്ലാ ലോക്കൽ കമ്മിറ്റികളിലും മറ്റിടങ്ങളിൽ നിന്നുള്ള ചുമതലക്കാരെ നിയമിച്ച് പ്രവർത്തനങ്ങൾ നടത്തുവാനാണ് പദ്ധതി തയാറാക്കിയിരിക്കുന്നത്. അതനുസരിച്ച് പ്രത്യേകം പരിശീലനം ലഭിച്ച യുവാക്കൾ ഒരോ ലോക്കൽ കമ്മിറ്റിയിലും എത്തി പ്രവർത്തനങ്ങൾ ആരംഭിച്ചു. സിപിഎം പ്രവർത്തകർ എന്ന രീതിയിലല്ല ഇവർ ഒാരോരുത്തരെയും സമീപിക്കുന്നത്. സോഷ്യൽ ഡവലപ്മെന്റ് ഓർഗനൈസർ(എസ്ഡിഒ)എന്ന തരത്തിലാണ് ഇവർ ജനങ്ങളുടെ ഇടയിൽ പ്രവർത്തിക്കുന്നത്. ഈ പേരിൽ ഫോട്ടോ പതിച്ച തിരിച്ചറിയൽ കാർഡും ധരിച്ചാണ് ഇവർ രംഗത്തിറങ്ങുന്നത്. ആദ്യഘട്ടത്തിൽ കുടുംബശ്രീ, തൊഴിലുറപ്പ്, ആശാ പ്രവർത്തകർ, പട്ടികജാതി, ന്യൂനപക്ഷ പ്രൊമോട്ടർമാർ എന്നിവയുടെ പ്രവർത്തകരെ നേരിൽ കണ്ട് പൊതുവിഷയങ്ങളും അവരുടെ പ്രശ്നങ്ങളും…
Read Moreസത്യം വിളിച്ചുപറയുന്നതിൽ ഭയമില്ല; ഹിന്ദുക്കളെ ഭിന്നിപ്പിക്കാൻ ചില ക്ഷുദ്രജീവികൾ ഇറങ്ങിയിട്ടുണ്ട്; താൻ പിണറായിയുടെ ചിലവിലല്ല കഴിയുന്നതെന്ന് പി.സി. ജോർജ് എംഎൽഎ
കായംകുളം: ശബരിമല സ്ത്രീപ്രവേശന വിധിക്കെതിരെ ഇന്ന് സുപ്രീംകോടതിയിൽ പുനഃപരിശോധന ഹർജി നൽകുമെന്ന് പി.സി ജോർജ് എംഎൽഎ. കായംകുളത്ത് അയ്യപ്പ ധർമ സംരക്ഷണ സമിതി സംഘടിപ്പിച്ച അയ്യപ്പനാമ സങ്കീർത്തന പദയാത്രയ്ക്ക് സമാപനം കുറിച്ച് നടന്ന സമ്മേളനത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം. സവർണന്റെയും അവർണന്റെയും പേരുപറഞ്ഞ് ഹിന്ദുക്കളെ ഭിന്നിപ്പിക്കാൻ ഇപ്പോൾ ചില ക്ഷുദ്രജീവികൾ ഇറങ്ങിയിട്ടുണ്ട്. സത്യം വിളിച്ചുപറയുന്നതിൽ ഭയമില്ലെന്നും താൻ പിണറായിയുടെ ചിലവിലല്ല കഴിയുന്നതെന്നും പിസി ജോർജ് എംഎൽഎ പറഞ്ഞു. ഭരണകർത്താവ് എന്ന നിലയിൽ പിണറായി ഭേദമാണ് കളവും മോഷണവും കുറവാണ് എന്നാൽ ശബരിമല വിഷയത്തിൽ മുഖ്യമന്ത്രിസ്ഥാനത്തിരുന്നുകൊണ്ട് ചെയ്യേണ്ട കാര്യം ചെയ്തില്ലെന്ന് പിസി ജോർജ് കുറ്റപ്പെടുത്തി.
Read More