ചേർത്തല: വനിതാ പഞ്ചായത്തംഗത്തിന്റെ വീടിനുനേരെ നടന്ന ആക്രമണത്തിൽ മാതാവിന് പരിക്ക്. അക്രമികൾ വീടിന്റെ വേലി പെട്രോളൊഴിച്ചു കത്തിക്കുകയും വീടിനു മുന്നിലുണ്ടായിരുന്ന സ്കൂട്ടർ തല്ലിതകർക്കുകയും ചെയ്തിട്ടുണ്ട്. തണ്ണീർമുക്കം പഞ്ചായത്ത് അഞ്ചാം വാർഡംഗം സി.എൻ സനജയുടെ വീടിനുനേരെ ഇന്നലെ രാത്രി 7.30 ഓടെയാണ് അക്രമമുണ്ടായത്. അക്രമത്തിൽ പരിക്കേറ്റ അമ്മ സരസമ്മയെ താലൂക്ക് ആശുപത്രിയിൽ പ്രവേശിപ്പിച്ചു. പ്രകടനമായെത്തിയ ബിജെപി പ്രവർത്തകരാണ് അക്രമം നടത്തിയതെന്ന് ഇവർ പോലീസിനു മൊഴി നൽകിയിട്ടുണ്ട്. വാർഡിൽ നീർച്ചാലുനികത്തി നടത്തുന്ന സ്വകാര്യ റോഡുനിർമാണത്തിനെതിരേ നിലപാടെടുത്തതാണ് പ്രകോപനത്തിനു കാരണമെന്ന് ഗ്രാമപ്പഞ്ചായത്തംഗം സി.എസ് സനജ പറഞ്ഞു. സംഭവമറിഞ്ഞ് ചേർത്തല സിഐ പി. ശ്രീകുമാറിന്റെ നേതൃത്വത്തിലുള്ള പോലീസ് സംഘം സംഭവസ്ഥലത്ത് എത്തി.
Read MoreCategory: Alappuzha
ചെക്കിൽ കൃത്രിമം കാണിച്ച് ആറു ലക്ഷം രൂപയുടെ തട്ടിപ്പ്; ഗ്രാമപഞ്ചായത്ത് മുൻ പ്രസിഡന്റ് അറസ്റ്റിൽ
അടൂർ: ചെക്കിൽ കൃത്രിമം കാണിച്ച് ആറു ലക്ഷം രൂപയുടെ തട്ടിപ്പു നടത്തിയ കേസിൽ ഗ്രാമപഞ്ചായത്ത് മുൻ പ്രസിഡന്റ് അറസ്റ്റിൽ. പന്തളം തെക്കേക്കര പൊങ്ങലടി മാമൂട് മാക്കാടയ്യത്ത് എം.എൻ. വിശാഖ് കുമാറി (54)നെയാണ് അടൂർ പോലീസ് അറസ്റ്റ് ചെയ്തത്. പന്തളം തെക്കേക്കര ഗ്രാമപഞ്ചായത്ത് മുൻ പ്രസിഡന്റും കോണ്ഗ്രസ് പ്രാദേശിക നേതാവുമായിരുന്ന വിശാഖ് കുമാർ പത്തനംതിട്ട ജില്ലാ സഹകരണ ബാങ്ക് അക്കൗണ്ടന്റ് കൂടിയാണ്. അടൂർ ടൗണിലെ സണ്ഷൈൻ ജ്വല്ലറിയിൽനിന്നും 2017 ജനുവരിയിൽ 198 ഗ്രാം സ്വർണം വാങ്ങി ആറു ലക്ഷം രൂപയുടെ വെട്ടിത്തിരുത്തിയ ചെക്ക് നൽകി കബളിപ്പിച്ചതായാണ് പരാതി. വിശാഖ് കുമാർ ജ്വല്ലറിയിൽ നൽകിയ ചെക്കിൽ തിരുത്തലുകളുണ്ടെന്ന പേരിൽ ബാങ്കിൽനിന്നു മടങ്ങുകയും ജ്വല്ലറി ഉടമ ഈ വിവരം ഇയാളെ അറിയിക്കുകയും ചെയ്തിരുന്നു. 40,000 രൂപ പണമായി നൽകിയെങ്കിലും സ്വർണവിലയായി ലഭിക്കേണ്ടിയിരുന്ന ആറു ലക്ഷം രൂപ നൽകാൻ തയാറായില്ല. പണം നൽകാൻ…
Read Moreശബരിമല സ്ത്രീപ്രവേശനം; പ്രതിഷേധം ശക്തം; ശരണമന്ത്രവുമായി തെരുവിലിറങ്ങി ഭക്തസഹസ്രങ്ങൾ
ആലപ്പുഴ: ശബരിമലയിലെ സ്ത്രീ പ്രവേശനം സംബന്ധിച്ച് സുപ്രിം കോടതി വിധിയിൽ പ്രതിഷേധിച്ച് ശരണമന്ത്രങ്ങളുമായി തെരുവിലിറങ്ങി ഭക്തജനസഹസ്രങ്ങൾ. ഇന്നലെ ജില്ലയുടെ വിവിധ ഭാഗങ്ങളിൽ നടന്ന നാമജപഘോഷയാത്രകളിലും സമ്മേളനങ്ങളിലും പതിനായിരങ്ങളാണ് അണിനിരന്നത്. അന്പലപ്പുഴയിൽ വിവിധ ഹൈന്ദവ സംഘടനകളും ക്ഷേത്ര ഭരണ സമിതികളുമുൾപ്പെടുന്ന സേവ് ശബരിമല കൂട്ടായ്മയുടെ നേതൃത്വത്തിലാണ് നാമജപഘോഷയാത്ര നടത്തിയത്. വൈകുന്നേരം 4.30 ഓടെ ഇരട്ടക്കുളങ്ങര ക്ഷേത്രത്തിന് സമീപത്തുനിന്നും ആരംഭിച്ച ഘോഷയാത്രയിൽ സ്ത്രീകളടക്കം ആയിരക്കണക്കിന് ഭക്തരാണ് പങ്കെടുത്തത്. അന്പലപ്പുഴ ശ്രീകൃഷ്ണ സ്വാമി ക്ഷേത്രത്തിന്റെ കിഴക്കേ നടയിൽ ഘോഷയാത്ര സമാപിച്ചതിനെത്തുടർന്ന് സമ്മേളനവും നടന്നു. നഗരത്തിൽ മുല്ലയ്ക്ക്ൽ ക്ഷേത്രാങ്കണത്തിൽ നിന്ന് പഴവീട് ഭഗവതി ക്ഷേത്രത്തിലേക്കാണ് നാമജപ ഘോഷയാത്ര സംഘടിപ്പിച്ചത്. പഴവീട് അയ്യപ്പഭക്തകൂട്ടായ്മ, അയ്യപ്പസേവാസമാജം, അയ്യപ്പസേവാ സംഘം, എൻഎസ്എസ് കരയോഗങ്ങൾ എന്നിവയുടെ നേതൃത്വത്തിലായിരുന്നു പരിപാടി സംഘടിപ്പിച്ചത്. കലവൂരിൽ 15 ക്ഷേത്രങ്ങളിൽ നിന്നെത്തിയ ഭക്തജനകൂട്ടായ്മകളുടെ ഘോഷയാത്ര കലവൂർ ജംഗ്ഷനിൽ സംഗമിച്ച് ചെറിയ കലവൂർ ക്ഷേത്രത്തിലെത്തി സമാപിച്ചു.…
Read Moreമഹാപ്രളയത്തിൽ വീടുകൾ നഷ്ടപ്പെട്ടവരുടെ കണക്കെടുപ്പ് പാതിവഴിയിൽ ; നിർമാണം അനിശ്ചിതമായി വൈകും
പത്തനംതിട്ട: മഹാപ്രളയത്തിൽ വീടുകൾ നഷ്ടപ്പെട്ടവർ പെരുവഴിയിലായി. കയറിക്കിടക്കാൻ ഇടമില്ലാത്ത നൂറുകണക്കിനു കുടുംബങ്ങൾക്ക് വീട് നിർമിച്ചു നൽകുമെന്ന സർക്കാർ പ്രഖ്യാപനം നടപ്പാക്കുന്നതിനു മുന്പുള്ള പ്രാഥമിക നടപടികൾ പോലും പൂർത്തീകരിച്ചിട്ടില്ല.ജില്ലയിൽ വീടു നഷ്ടപ്പെട്ടവരുടെ കണക്കുകൾ ഇപ്പോഴും അവ്യക്തം. പ്രാഥമിക കണക്കെടുപ്പിൽ 724 വീടുകൾ പൂർണമായും 32370 വീടുകൾ ഭാഗികമായും നഷ്ടപ്പെട്ടുവെന്ന കണക്കാണ് റവന്യുവകുപ്പ് നൽകിയത്. പിന്നാലെ തദ്ദേശസ്ഥാപനങ്ങളിലെ എൻജിനിയർമാരെ ഉപയോഗിച്ച് കണക്കെടുപ്പ് നടത്താൻ തീരുമാനിച്ചു. ഇവരുടെ റിപ്പോർട്ട് സമയബന്ധിതമായി വാങ്ങിയെങ്കിലും അവ്യക്തതകൾ ബാക്കിയാണ്. ഇവരുടെ കണക്കെടുപ്പിനെതിരെ പരാതികളുമായി എംഎൽഎമാർ അടക്കം രംഗത്തെത്തി. അർഹരായ പലരെയും പട്ടികയിൽ നിന്നൊഴിവാക്കിയെന്ന പരാതി ഏറിയതോടെ വീടു നഷ്ടമായവരുടെ പേരുവിവരം വെബ്സൈറ്റിൽ നൽകാനുള്ള തീരുമാനവും മരവിപ്പിച്ചു. 10,000 രൂപ ധനസഹായവിതരണം പോലും ഇതേവരെ പൂർത്തീകരിക്കാനാകാത്ത സാഹചര്യത്തിൽ വീടുകളുടെ നിർമാണം എങ്ങനെ നടത്തുമെന്നത് അധികൃതർക്കു മുന്പിൽ ചോദ്യചിഹ്നമാകുന്നു.വീട് നിർമാണം സംബന്ധിച്ച് സർക്കാർതലത്തിലും നിർദേശങ്ങളുണ്ടായിട്ടില്ല. പ്രളയത്തേ തുടർന്ന് താമസിക്കാനിടമില്ലാതെ…
Read Moreവനിതാ ഡോക്ടറെ അപമാനിക്കാൻ ശ്രമിച്ച കേസിൽ എഐവൈഎഫ് നേതാവ് പിടിയിൽ; സംഭവം ഇങ്ങനെ…
ചാരുംമൂട്: വനിതാ ഡോക്ടറെ അപമാനിക്കാൻ ശ്രമിച്ചെന്ന കേസിൽ എഐവൈഎഫ് നേതാവിനെ പോലീസ് പിടികൂടി. എഐവൈഎഫ് ചെങ്ങന്നൂർ മണ്ഡലം പ്രസിഡന്റ് വെണ്മണി ഏറം തുണ്ടത്തിൽ മേലത്തതിൽ സന്തോഷിനെ (38) യാണ് നൂറനാട് പോലീസ് അറസ്റ്റ് ചെയ്തത്. ഇന്നലെ ഉച്ചകഴിഞ്ഞു 2.30നു നൂറനാട് എസ്ബിഐ ബാങ്കിനു സമീപം കച്ചവട സ്ഥാപനത്തിനു മുന്നിലായിരുന്നു സംഭവം. യുവവനിതാ ഡോക്ടറും കൂടെയുണ്ടായിരുന്ന സ്ത്രീയും കടയിൽ സാധനം വാങ്ങാനെത്തിയതായിരുന്നു. ഇവർ സാധനങ്ങൾ വാങ്ങുന്നതിനിടയിൽ കടയിൽ കയറിയ ഇയാൾ ഡോക്ടർ കടയിൽ നിന്നു സാധനം വാങ്ങി പുറപ്പെടാൻ തുടങ്ങുന്പോൾ കടയുടെ മുന്പിൽവച്ചു ശരീരത്തിൽ സ്പർശിച്ച് അപമാനിക്കാൻ ശ്രമിച്ചതായാണു പരാതി. ഇതേത്തുടർന്ന് ഇവർ ബഹളംവയ്ക്കുകയും കടയുടമ പോലീസിനെ അറിയിക്കുകയായിരുന്നു. പോലീസെത്തി എഐവൈഎഫ് നേതാവിനെയും ഇയാൾ വന്ന ബൈക്കും കസ്റ്റഡിയിലെടുത്തു. ഡോക്ടറുടെ മൊഴിയെടുത്ത പോലീസ് ഇയാളുടെ അറസ്റ്റ് രേഖപ്പെടുത്തി ഇന്നലെ ഉച്ചയോടെ മാവേലിക്കര കോടതിയിൽ ഹാജരാക്കി. ഇയാളെ കോടതി 14…
Read Moreശബിരമല സ്ത്രീവിഷയം; പുനഃപരിശോധന ഹർജി നൽകണമെന്ന് ആവശ്യപ്പെട്ട് എ. പത്മകുമാറിന്റെ വീട്ടിലേക്ക് യുവമോർച്ച മാർച്ച്
പത്തനംതിട്ട: ദേവസ്വം ബോർഡ് പ്രസിഡന്റ് എ. പത്മകുമാറിന്റെ വീട്ടിലേക്ക് യുവമോർച്ച മാർച്ച്. ശബരിമലയിൽ എല്ലാ പ്രായത്തിലുമുള്ള സ്ത്രീകൾക്ക് പ്രവേശിക്കാൻ അനുമതി നൽകിയ സുപ്രീംകോടതി ഭരണഘടനാ വിധിക്കെതിരെ പുനഃപരിശോധന ഹർജി നൽകണമെന്ന് ആവശ്യപ്പെട്ടായിരുന്നു മാർച്ച്. മാർച്ച് പത്മകുമാറിന്റെ വീടിന് മുന്നിൽ ബാരികേഡ് ഉപയോഗിച്ചു പോലീസ് തടഞ്ഞു. ഇതോടെ പ്രദേശത്ത് സംഘർഷം ഉടലെടുത്തു. പോലീസും പ്രവർത്തകരും തമ്മിൽ ചെറിയ തോതിൽ ഉന്തും തള്ളുമുണ്ടായി. സുപ്രീംകോടതി വിധിക്കെതിരേ പുനഃപരിശോധന ഹർജി നൽകില്ലെന്ന് പത്മകുമാർ നേരത്തെ വ്യക്തമാക്കിയിരുന്നു. എല്ലാ വിഭാഗങ്ങളുടെയും അഭിപ്രായങ്ങൾ കേട്ട ശേഷമാണ് ഭരണഘടനാ ബെഞ്ച് ഇത്തരമൊരു വിധി പ്രസ്താവിച്ചത്. അതിനാൽ പുനഃപരിശോധന ഹർജി കൊടുത്താലും വിധിയിൽ മാറ്റമുണ്ടാകാൻ സാധ്യതയില്ല. കോടതി എന്ത് പറഞ്ഞുവോ അത് ചെയ്യുക എന്നതാണ് ദേവസ്വം ബോർഡിന്റെ ചുമതലയെന്നും പത്മകുമാർ പറഞ്ഞിരുന്നു.
Read Moreപ്രളയത്തിൽ നഷ്ടമായതു തിരികെപ്പിടിക്കാൻ ഒരുമയോടെ പ്രവർത്തിക്കണമെന്ന് മാത്യു ടി. തോമസ്
പുറമറ്റം: പ്രളയത്തിൽ നഷ്ടമായതെല്ലാം തിരികെപിടിക്കുന്നതിൽ ഒരുമയോടെ പ്രവർത്തിക്കണമെന്ന് മന്ത്രി മാത്യു ടി. തോമസ്. പുറമറ്റം ഗവണ്മെന്റ് വൊക്കേഷണൽ ഹയർ സെക്കൻഡറി സ്കൂളിന്റെ പുതിയ കെട്ടിടത്തിന്റെ ശിലാസ്ഥാപനം നിർവഹിച്ച് പ്രസംഗിക്കുകയായിരുന്നു അദ്ദേഹം. സർക്കാർ സ്കൂളുകളും എയ്ഡഡ് സ്കൂളുകളും ഒരുപോലെ മെച്ചപ്പെടുത്തണമെന്നാണ് സർക്കാർ നയമെന്നു മന്ത്രി പറഞ്ഞു. അടുത്ത വർഷം മധ്യവേനൽ അവധിക്ക് കുട്ടികൾ പോകുന്പോൾ തന്നെ തുടർവർഷത്തെ പുസ്തങ്ങൾ കുട്ടികൾക്ക് നൽകാനാണ് സർക്കാർ ലക്ഷ്യമെന്നും അദ്ദേഹം പറഞ്ഞു. നബാർഡ് ഫണ്ടിൽ നിന്നും അനുവദിച്ച 98.40 ലക്ഷം രൂപ ഉപയോഗിച്ച് നിർമിക്കുന്നതാണ് പുതിയ കെട്ടിടം. ഓഫീസ് മുറി ഉൾപ്പെടെ അഞ്ച് മുറികളുള്ള കെട്ടിടമാണ് ആദ്യഘട്ടത്തിൽ നിർമിക്കുക. മൂന്ന് നില കെട്ടിടമാണ് സ്കൂളിന്റെ സുഗമമായ പ്രവർത്തനത്തിന് ആവശ്യം. തുടർ പ്രവർത്തനങ്ങൾക്ക് ആവശ്യമായ സഹായവും ഉറപ്പ് നൽകിയാണ് മന്ത്രി മടങ്ങിയത്. വൊക്കേഷണൽ ഹയർസെക്കണ്ടറി വിഭാഗത്തിന്റെ അഞ്ച് ക്ലാസ് മുറികളിൽ രണ്ടെണ്ണം കഴിഞ്ഞ വർഷം…
Read Moreപ്രളയ ബാധിതരായ വ്യാപാരികൾക്കുള്ള ബാങ്ക് വായ്പ വേഗത്തിലാക്കാൻ ധാരണ
റാന്നി: മഹാപ്രളയത്തിലായ വ്യാപാരികൾക്ക് സർക്കാർ പ്രഖ്യാപിച്ച 10 ലക്ഷം രൂപയുടെ ബാങ്ക് വായ്പയുമായി ബന്ധപ്പെട്ട നടപടിക്രമങ്ങൾ വേഗത്തിലാക്കാൻ ജില്ലാ കളക്ടർ വിളിച്ചുചേർത്ത ബാങ്കിംഗ്, വ്യാപാര മേഖല പ്രതിനിധികളുടെ യോഗത്തിൽ ധാരണ.വായ്പ നൽകുന്നതിലെ കാലതാമസം പരമാവധി ഒഴിവാക്കാൻ ജില്ലാ കളക്ടർ നിർദേശിച്ചതനുസരിച്ചാണ് ഇന്നലെ ലയണ്സ് ക്ലബ് ഹാളിൽ യോഗം നടന്നു. നഷ്്ടം സംഭവിച്ച വ്യാപാരികൾക്ക് വൈദ്യുതി ചാർജിൽ സ്ലാബടിസ്ഥാനത്തിൽ ഇളവും നൽകുന്ന കാര്യം അനുഭാവപൂർവം പരിഗണിക്കാമെന്ന് ചർച്ചയിൽ പങ്കെടുത്ത കെഎസ്ഇബി ഉദ്യോഗസ്ഥർ പറഞ്ഞു. പ്രളയത്തേ തുടർന്നുള്ള വ്യാപാരിനഷ്ടം കണക്കാക്കുന്നതിന് വ്യവസായ വകുപ്പ് ബിൽഡ് കേരള എന്ന വെബ്സൈറ്റ് മുഖേന പദ്ധതി തയാറാക്കിയിട്ടുള്ളതായും നഷ്ടം കണക്കാക്കി രേഖപ്പെടുത്തുന്നതിനുള്ള പ്രക്രിയ ഉടൻ ആരംഭിക്കുമെന്നും യോഗത്തിൽ അറിയിച്ചു. വ്യാപാരികൾക്കു നേരത്തെ വായ്പ നൽകിയിരുന്ന ബാങ്കുകൾ വാഗ്ദാനം പാലിക്കാത്തതുമൂലം ഇൻഷ്വറൻസ് കവറേജ് ലഭിക്കാത്ത സ്ഥിതിയുണ്ടെന്ന പരാതി ഉണ്ടായി. മതിയായ രേഖകളോടെ വായ്പയെടുത്ത വ്യാപാരികളെ ഇൻഷ്വറൻസ്…
Read Moreആറന്മുളയിലെ പുരാശില്പങ്ങൾ സംരക്ഷിക്കാൻ മ്യൂസിയം ഒരുക്കുമെന്ന് മന്ത്രി കടന്നപ്പള്ളി രാമചന്ദ്രൻ
ആറന്മുള: ആറന്മുളയിലെ പുരാശിൽപങ്ങൾ സംരക്ഷിക്കാൻ മ്യൂസിയം ഒരുക്കുമെന്ന് മന്ത്രി കടന്നപ്പള്ളി രാമചന്ദ്രൻ. ആറന്മുള വാസ്തുവിദ്യാ ഗുരുകുലത്തിൽ സൂക്ഷിച്ചിരിക്കുന്ന ആഞ്ഞിലിമൂട്ടിൽ കടവ് പാലത്തിന് സമീപം കണ്ടെത്തിയ പുരാശിൽപങ്ങളുടെ ശേഖരങ്ങൾ കണ്ടതിന് ശേഷം സംസാരിക്കുകയായിരുന്നു അദ്ദേഹം. പ്രളയജലമൊഴുകി വന്നതിനു ശേഷം സംസ്ഥാനത്ത് ലഭ്യമായ വിശിഷ്ടമായ സൃഷ്ടികളാണ് ആറന്മുളയിൽ നിന്നും ലഭിച്ചത്. ഒരു കാലഘട്ടത്തിന്റെയും പാരന്പര്യത്തിന്റെയും പ്രദേശത്തിന്റെയും മുഖമുദ്ര കൂടിയാണ് ഈ ശിൽപങ്ങളെന്ന് മന്ത്രി അഭിപ്രായപ്പെട്ടു. വലിയ വെള്ളപ്പൊക്കത്തെ പോലും അതിജീവിച്ച ഈ ശിൽപങ്ങളുടെ നിർമാണ രീതി ശാസ്ത്രീയ പഠനങ്ങൾക്ക് വിധേയമാക്കണം. നിലവിൽ പുരാവസ്തു വകുപ്പിന്റെ ഒരു സംഘം സ്ഥലത്തെത്തി പരിശോധന നടത്തിയിരുന്നു. ഇവരുടെ പ്രാഥമിക റിപ്പോർട്ടിന്റെ കൂടി അടിസ്ഥാനത്തിൽ തുടർനടപടിയെടുക്കുമെന്ന് മന്ത്രി അറിയിച്ചു. ശിൽപങ്ങൾ കണ്ടെത്തിയ പ്രദേശം പൊതു സ്ഥലമായതിനാൽ വ്യക്തികൾ വന്ന് ഇവ ഖനനം ചെയ്യുന്നത് ഒഴിവാക്കുന്നതിനായി ആഭ്യന്തര വകുപ്പിനോട് സ്ഥലം സീൽ ചെയ്ത് സംരക്ഷിക്കുന്നതിനുള്ള നടപടികൾക്കായി മന്ത്രി…
Read Moreപത്തനംതിട്ട ജില്ലയിൽ മഴ ശക്തം; അതീവ ജാഗ്രതാ നിർദേശം; കളക്ടറേറ്റിൽ കൺട്രോൾ റൂം തുറന്നു
പത്തനംതിട്ട: ഇന്നും നാളെയും ജില്ലയിൽ മഞ്ഞ അലർട്ടും ഏഴിന് അതിശക്തമായ മഴയ്ക്കും സാധ്യതയുണ്ടെന്ന നിർദേശത്തോടുകൂടി കാലാവസ്ഥാനിരീക്ഷണ കേന്ദ്രം ഓറഞ്ച് അലർട്ടും പ്രഖ്യാപിച്ച സാഹചര്യത്തിൽ ജില്ലയിൽ അീവജാഗ്രതാ നിർദേശം. ഇതുമായി ബന്ധപ്പെട്ട് അടിയന്തര സാഹചര്യങ്ങൾ നേരിടുന്നതിന് എല്ലാ താലൂക്ക് ഓഫീസുകളിലും വില്ലേജ് ഓഫീസുകളിലും 24 മണിക്കൂറും പ്രവർത്തിക്കുന്ന കണ്ട്രോൾ റൂമുകൾ തുറന്നു. അടിയന്തര സാഹചര്യങ്ങളിൽ പൊതുജനങ്ങൾക്ക് വില്ലേജ് ഓഫീസുകളിലും താലൂക്ക് ഓഫീസുകളിലും കളക്ടറേറ്റിലും പ്രവർത്തിക്കുന്ന കണ്ട്രോൾ റൂമുകളമായി ബന്ധപ്പെടാം. പോലീസ്, ഫയർ ആൻഡ് റസ്ക്യു, പൊതുമരാമത്ത്, പഞ്ചായത്ത് ഡെപ്യൂട്ടി ഡയറക്ടർ, ജില്ലാ മെഡിക്കൽ ഓഫീസർ, ജില്ലാ സപ്ലൈ ഓഫീസർ തുടങ്ങിയ വകുപ്പ് മേലധ്യക്ഷ·ാർക്ക് മഴക്കെടുതിയുമായി ബന്ധപ്പെട്ട അടിയന്തര സാഹചര്യങ്ങൾ നേരിടുന്നതിന് ആവശ്യമായ എല്ലാ മുൻകരുതലുകളും സ്വീകരിക്കാൻ ജില്ലാ കളക്ടർ നിർദേശം നൽകി. കണ്ട്രോൾ റൂം നന്പരുകൾ: ജില്ലാ കളക്ടറേറ്റ് – 0468 2322515, 2222515, 8078808915.
Read More