അന്പലപ്പുഴ: അന്പലപ്പുഴ ക്ഷേത്രത്തിലെ പതക്കം നഷ്ടപ്പെട്ട കേസിലെ പ്രതിയെ പിടികൂടാത്തതിൽ പ്രതിഷേധിച്ച് പോലീസ് സ്റ്റേഷൻ മാർച്ചു സംഘടിപ്പിയ്ക്കുന്നു. സമരസമിതിയുടെ നേതൃത്വത്തിൽ തിങ്കളാഴ്ച രാവിലെ 10ന് അന്പലപ്പുഴ സിഐ ഓഫീസിലേയ്ക്ക് മാർച്ചു നടത്തുന്നു. ക്ഷേത്രത്തിൽ നിന്ന് നഷ്ടപ്പെട്ട പതക്കം ലഭിച്ച് ഒരു മാസം കഴിഞ്ഞിട്ടും പ്രതിയെ പിടികൂടാൻ അന്വേഷണ ഉദ്യോഗസ്ഥർക്ക് കഴിഞ്ഞിട്ടില്ല. യഥാർഥ കുറ്റവാളിയെ കണ്ടെത്തുന്നതു വരെ സമരം തുടരാനാണ് സമരസമിതിയുടെ തീരുമാനം. നഷ്ടപ്പെട്ട തിരുവാഭരണം രൂപഭാവം വരുത്തിയത് പുനർ നിർമിച്ച് ഭഗവാന് ചാർത്തുക, ഗുരതരകൃത്യവിലോപം കാട്ടിയ ക്ഷേത്ര ജീവനക്കാരെ സസ്പെൻഡ് ചെയ്യുക, വർഷങ്ങളായി തുടരുന്ന ക്ഷേത്ര ജീവനക്കാരെ സ്ഥലം മാറ്റുക, ജീവനക്കാർക്ക് തിരിച്ചറിയൽ കാർഡ് ഏർപ്പെടുത്തുക, ക്ഷേത്രത്തിൽ കൂടുതൽ ഗാർഡുകളെ നിയമിക്കുക എന്നീ ആവശ്യങ്ങളും സമരസമിതി ഉന്നയിച്ചിട്ടുണ്ട്.
Read MoreCategory: Alappuzha
നാടിന്റെ പേര് കളയാനായി ഒരോരുത്തൻമാർ..! തകഴിയിൽ ഭാര്യയുടെ ആദ്യ വിവാഹത്തിലുള്ള മകനെ പ്രകൃതി വിരുദ്ധ ലൈംഗിക പീഡനത്തിനിരയാക്കിയ രണ്ടാനച്ഛനെ അറസ്റ്റുചെയ്തു
അന്പലപ്പുഴ: പ്രകൃതി വിരുദ്ധ ലൈംഗിക പീഡനത്തിരയാക്കിയ രണ്ടാനച്ഛനെ പോലീസ് അറസ്റ്റു ചെയ്തു. തകഴി സ്വദേശി രാജേഷി(40) നെയാണ് അന്പലപ്പുഴ സിഐ ബിജു വി. നായരുടെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. രാജേഷിന്റെ ഭാര്യയുടെ ആദ്യ വിവാഹത്തിലുള്ള മകനെയാണ് ഇയാൾ പ്രകൃതി വിരുദ്ധ ലൈംഗിക പീഡനത്തിനിരയാക്കിയത്. കുട്ടിയുടെ പെരുമാറ്റത്തിലുണ്ടായ മാറ്റം ശ്രദ്ധയിൽപ്പെട്ടതിനെ തുടർന്ന് നടത്തിയ അന്വേഷണത്തിലാണ് വിവരം പുറത്തറിഞ്ഞത്.
Read Moreകൺമണി നീയെൻ കരം പിടിച്ചാൽ..! മനുവി ന്റെ കൈപിടിച്ച് ജൂലി വീട്ടിലേക്ക് തിരിച്ചത് കൊമ്പില് കിലുക്കം കെട്ടിയ കാളവണ്ടിയിൽ; ആർപ്പുവിളികളുമായി സുഹൃത്തുക്കളും നാട്ടുകാരും
മങ്കൊന്പ്: വിവാഹശേഷം വധൂവരൻമാർക്ക യാത്രചെയ്യാൻ വിലകൂടിയതും, മോടിയുമുള്ള ആഡംബര കാറുകൾ തേടുന്ന കാലത്ത് പഴമയെ ഓർമപ്പെടുത്തുന്ന വിവാഹയാത്ര കൗതുകമായി. കാവാലത്ത് ഇന്നലെ നടന്ന വിവാഹത്തിൽ ചടങ്ങുകൾക്കുശേഷം വധുവും വരനും പള്ളിയിൽ നിന്ന് വീട്ടിലേക്കു പോയത് പഴയകാലത്തെ വാഹനമായ കാളവണ്ടിയിലായിരുന്നു. കാവാലം കിഴക്കേ കുന്നുമ്മ ചെന്പിലായിൽ, പേരൂർ വീട്ടിൽ ടോമിച്ചന്റെ മകൻ മനു വർഗീസിന്റെ വിവാഹമാണ് നാട്ടുകാർക്കും ബന്ധുക്കൾക്കും എക്കാലവും ഓർമയിൽ സൂക്ഷിക്കാനൊരു കൗതുകക്കാഴ്ച സമ്മാനിച്ചത്. മനുവിന്റെയും കോട്ടയം കുറുപ്പന്തറ സ്വദേശിയായ ജൂലിയുടെയും വിവാഹം കാവാലം സെന്റ് തെരേസാസ് പള്ളിയിൽ വച്ചാണ് നടന്നത്. വിവാഹശേഷം വിരുന്നൊരുക്കിയിരുന്ന പള്ളിഹാളിലേക്കു നവദന്പതികളെ ആനയിച്ചതും വാദ്യമേളങ്ങളുടെ അകന്പടിയോടെയായിരുന്നു. മനുവിന്റെ സുഹൃത്തുക്കളായിരുന്നു പതിവിനു വിപരീതമായ ആചാരങ്ങളൊരുക്കിയത്. സൽക്കാരച്ചടങ്ങുകൾക്കു ശേഷം നവദന്പതിമാരെ സുഹൃത്തുക്കൾ കാളവണ്ടിയിൽ കയറ്റി. തുടർന്ന് പുളിങ്കുന്ന്കാവാലം റോഡിലൂടെ ഒരു കിലോമീറ്ററോളം വരുന്ന വീട്ടിലേക്കുള്ള യാത്ര. ചെണ്ടമേളത്തിന്റെ അകന്പടിയോടെ. പച്ചിലക്കന്പുകളും കൈയിലേന്തി ആർപ്പുവിളികളുമായി സൃഹൃത്ത്…
Read Moreപറപ്പിക്കും ഞങ്ങൾ..! ‘ഹോംമെയ്ഡ് ’ കാറുമായി എൻജിനിയറിംഗ് വിദ്യാർഥികൾ കാറോട്ട മത്സരത്തിന്; അടൂർ എൻജിനിയറിംഗ് കോളജിലെ വിദ്യാർഥികളാണ് ദില്ലിയിൽ നടക്കുന്ന മത്സരത്തിൽ പങ്കെടുക്കുന്നത്
അടൂർ: സ്വന്തമായി നിർമിച്ച കാറുമായി അടൂർ എൻജിനിയറിംഗ് കോളജ് വിദ്യാർഥികൾ ദേശീയ തല കാറോട്ട മൽസരത്തിന്. 26 ന് ദില്ലി ബുഡ് അന്താരാഷ്ട്ര ട്രാക്കിൽ നടക്കുന്ന കാറോട്ട മൽസരത്തിലാണ് ടീം ദ്രുത എന്ന പേരിൽ 25 അംഗ വിദ്യാർഥികൾ പങ്കെടുക്കുന്നത്.കോളജ് അധ്യാപകനും പൂർവ വിദ്യാർഥിയും കൂടിയായ ടി.ആർ. അനുരാജിന്റെ നേതൃത്വത്തിൽ വിദ്യാർഥികൾ പൂർണമായി നിർമിച്ച കാറാണ് നിരത്തിലിറക്കി കാറോട്ട മൽസരത്തിന് സജ്ജമാക്കിയിരിക്കുന്നത്. 390 സി സി എൻജിനിൽ മറ്റ് ഇതരഭാഗങ്ങളെല്ലാം തന്നെ ഭാരം കുറച്ച് നിർമിച്ചിരിക്കുന്ന കാർ നല്ല പ്രകടനം മൽസരത്തിൽ കാഴ്ചവയ്ക്കുമെന്നാണ് പ്രതീക്ഷ. കേരളത്തിൽ നിന്നും മൽസരിക്കുന്ന മൂന്ന് ടീമുകളിൽ ഒന്നായ ദ്രുത ടീം ഇതു വരെ ബുദ്ധ് രാഷ്ട്ര ട്രാക്കിൽ കാറോടിച്ചിട്ടുള്ള ഏകടീമാണ് . എല്ലാത്തര സുരക്ഷ ടെസ്റ്റുകളും പാസായതിന് ശേഷമാണ് കാർ ട്രാക്കിൽ മൽസരത്തിൽ പങ്കെടുക്കാനുള്ള യോഗ്യത നേടിയത്. അഞ്ച് ലക്ഷത്തോളം രൂപയാണ്…
Read Moreഅവരുടെ സന്തേഷം എന്റേയും..!10 വർഷമായി നീട്ടിവളർത്തിയ മുടി കാൻസർ രോഗികൾക്കു ദാനം നൽകി; കായംകുളം ജനസേവന കേന്ദ്രം ഡയറക്ടറും സാമൂഹ്യപ്രവർത്ത കനുമായ ഷാജിയാണ് മാതൃകയായത്
കായംകുളം: പത്തു വർഷമായി നീട്ടിവളർത്തിയ മുടി കാൻസർ രോഗികൾക്കു വിഗ് നിർമിക്കാനായി ദാനം നൽകി ഷാജിയുടെ കാരുണ്യ മാതൃക. കായംകുളം ജനസേവന കേന്ദ്രം എന്ന സന്നദ്ധ സംഘടനയുടെ ഡയറക്ടറും സാമൂഹ്യ പ്രവർത്തകനുമായ കൊറ്റുകുളങ്ങര ഇടശ്ശേരി ജംഗ്ഷനിൽ നവാസ് ഷാജി ഹുസൈനാ(ഷാജി)ണ് മറ്റുള്ളവർക്കു മാതൃകയായത്. മലങ്കര സുറിയാനി കത്തോലിക്കാ സഭയുടെ സാമൂഹ്യ ക്ഷേമ വിഭാഗമായ കായംകുളം ചേതനയുടെ കേശദാന പദ്ധതിയിലേക്കാണ് മുടി ദാനം നടത്തിയത്. ജനസേവന കേന്ദ്രത്തിലൂടെ കഴിഞ്ഞ 20 വർഷത്തിലേറെയായി ഷാജിയുടെ നേതൃത്വത്തിൽ കായംകുളം പ്രദേശത്തെ കിടപ്പുരോഗികൾക്കു സാന്ത്വനം പകർന്ന് പെയിൻ ആൻഡ് പാലിയേറ്റിവ് കെയർ പ്രവർത്തനം നടത്തി വരികയാണ്. ജില്ലാ പാലിയേറ്റിവ് കെയർ യൂണിറ്റ് അംഗവുമാണ്. ചേതന ഡയറക്ടർ ഫാ. ബിന്നി നെടുംപുറത്ത്, ബ്ലഡ് ഡൊണേഷൻ സെൽ ചെയർമാൻ മുഹമ്മദ് ഷമീർ, ഷൈനി ആൻഡ്രൂസ് എന്നിവരും പങ്കെടുത്തു.
Read Moreകിടക്കണ കിടപ്പുകണ്ടിട്ട് സഹിക്കാൻ പറ്റണില്യാ..! പ്രഖ്യാപനങ്ങളല്ലാതെ രോഗികൾക്കായി സർക്കാർ ഒന്നും ചെയ്യുന്നില്ല; പനി ബാധിതർക്കു സർക്കാർ ആശുപത്രികളിൽ കൂടുതൽ സൗകര്യം ഒരുക്കണമെന്ന് എംപി
ചെങ്ങന്നൂർ: പനി കൂടുതൽ ആളുകളിലേക്ക് പടർന്നു പിടിക്കുന്ന സാഹചര്യത്തിൽ സർക്കാർ ആശുപത്രികളിൽ കൂടുതൽ സൗകര്യങ്ങളും ജീവനക്കാരേയും ഏർപ്പെടുത്തണമെന്ന് കൊടിക്കുന്നിൽ സുരേഷ് എംപി. ചെങ്ങന്നൂർ സർക്കാർ ജില്ലാ ആശുപത്രി സന്ദർശിച്ച ശേഷം സംസാരിക്കുകയായിരുന്നു അദ്ദേഹം. രോഗികളുടെ എണ്ണം ക്രമാതീതമായി വർദ്ധിക്കുന്പോഴും സർക്കാരും ആരോഗ്യവകുപ്പും നിസംഗത പാലിക്കുകയാണ്. പ്രഖ്യാപനങ്ങളല്ലാതെ രോഗികൾക്കായി സർക്കാർ ഒന്നും ചെയ്യുന്നില്ല. ചെങ്ങന്നൂർ ജില്ലാ ആശുപത്രിയിലേക്കു കൂടുതൽ ഡോക്ടർമാരേയും ജീവനക്കാരേയും നിയമിക്കണമെന്ന് എംപി. ടെലിഫോണിലൂടെ ആരോഗ്യവകുപ്പ് ഡയറക്ടർക്ക് നിർദേശം നൽകി. ഇതേത്തുടർന്ന് നാല് ഡോക്ടർമാരെ അടിയന്തിരമായി നിയമിക്കാൻ ഡയറക്ടർ ഡിഎംഒ യെ ചുമതലപ്പെടുത്തിയതായും എംപി പറഞ്ഞു. ആശുപത്രിയിലെ പനിബാധിതരെ എംപി സന്ദർശിച്ചു. ആശുപത്രി മാനേജ്മെന്റ് കമ്മിറ്റിയിൽ എംപിയുടെ പ്രതിനിധി കെ. ഷിബുരാജൻ, ആശുപത്രി സൂപ്രണ്ട് ഗ്രേസി ഇത്താക്ക്, ഹെൽത്ത് ഇൻസ്പെക്ടർ ഇ.വി. പ്രമോദ്, ഗോപു പുത്തൻ മഠത്തിൽ എന്നിവർ എംപിയോടൊപ്പം ഉണ്ടായിരുന്നു.
Read Moreഒന്നല്ല നമ്മൾ രണ്ട്..! സിപി ഐയിൽ നിന്നുകൊണ്ട് സിപിഎമ്മുമായുള്ള അടുത്ത ബന്ധം; പാർട്ടി വിരുദ്ധ പ്രവർത്തനത്തിൽ സിപിഐ അസിസ്റ്റന്റ് ലോക്കൽ സെക്രട്ടറിയെ പാർട്ടിയിൽനിന്ന് പുറത്താക്കി
ചേർത്തല: ചേർത്തല തെക്ക് പഞ്ചായത്തിൽ സിപിഎം-സിപിഐ പോര് രൂക്ഷം. സിപിഎമ്മിൽ ചേർന്നു പ്രവർത്തിക്കാൻ ആഗ്രഹം പ്രകടിപ്പിച്ചു കത്തു നല്കിയ ലോക്കൽ കമ്മിറ്റി അസിസ്റ്റന്റ് സെക്രട്ടറിയെ സിപിഐയിൽ നിന്നും പുറത്താക്കി. 28 വർഷമായി സിപിഐയിൽ പ്രവർത്തിക്കുന്ന കുറുപ്പംകുളങ്ങര ലോക്കൽ കമ്മിറ്റി സെക്രട്ടറി അനിൽ ടി. നായരെയാണ് ഇന്നലെ പാർട്ടിയിൽ നിന്നും പുറത്താക്കാൻ തീരുമാനമെടുത്തത്. പാർട്ടി വിരുദ്ധ പ്രവർത്തനങ്ങൾ നടത്തിയതിനെ തുടർന്നാണു പുറത്താക്കലെന്നാണ് സിപിഐ കുറുപ്പൻകുളങ്ങര ലോക്കൽ സെക്രട്ടറി സി.വി. സതീശൻ വാർത്താകുറുപ്പിൽ അറിയിച്ചിരിക്കുന്നത്. ഇയാൾക്കെതിരെ ആരോപണങ്ങളും ഉയർത്തിയിട്ടുണ്ട്. മന്ത്രി പി. തിലോത്തമന്റെ സ്വന്തം ലോക്കൽ കമ്മിറ്റിയാണ് കുറുപ്പൻകുളങ്ങര. ഏറെ നാളായി സിപിഐയിൽ ഉയർന്ന തർക്കങ്ങളെ തുടർന്നാണു സംഭവങ്ങളെന്നാണു വിവരം. പ്രശ്ന പരിഹാരത്തിനുള്ള ശ്രമങ്ങൾ അടഞ്ഞതിനെ തുടർന്നാണു നടപടി ഉണ്ടായിരിക്കുന്നത്. ഇരു പാർട്ടികളും തമ്മിൽ നിരന്തരം തർക്കങ്ങൾ നടക്കുന്ന സ്ഥലമാണ് ചേർത്തല തെക്ക് പ്രദേശം.
Read Moreഇതാണ്ടാ ഓട്ടോക്കാർ..! പണം അടങ്ങിയ പഴ്സ് തിരിച്ച് നൽകി ഓട്ടോ ഡ്രൈവർമാർ മാതൃകയായി; പരുമല ദേവസ്വംബോർഡ് സ്കൂളിലെ അധ്യാപിക ശശികലയുടെ പഴ്സാണ് നഷ്ടപ്പെട്ടത്
മാന്നാർ: കളഞ്ഞ് കിട്ടിയ പണവും രേഖകളും അടങ്ങിയ പഴ്സ് തിരികെ നൽകി ഓട്ടോ ഡ്രൈവർമാർ മാതൃകയായി. കഴിഞ്ഞ ദിവസം മാന്നാർ സ്റ്റോർ ജംഗ്ഷനിൽ നിന്നുമാണ് ഓട്ടോ റിക്ഷാ ഡ്രൈവർമാരായ അനിൽ,സുഗതൻ,അരുണ്ദേവ് എന്നിവർക്ക് പഴ്സ് ലഭിച്ചത്. ഇവർ ഉടൻ തന്നെ മാന്നാർ പോലീസ് സ്റ്റേഷനിലെത്തി എസ്ഐ ശ്രീജിത്തിനെ പേഴ്സ് ഏൽപ്പിക്കുകയായിരുന്നു. പണം അടങ്ങിയ പേഴ്സും വിലപിടിപ്പുള്ള രേഖകളും നഷ്ടപ്പെട്ട പരുമല ദേവസ്വംബോർഡ് സ്കൂളിലെ അധ്യാപിക ശശികല ദേവി ഇത് പോലീസ് സ്റ്റേഷനിൽ ലഭിച്ചിട്ടുണ്ടെന്ന് അറിഞ്ഞ് എത്തി. തുടർന്ന് എസ്ഐ ഓട്ടോ ഡ്രൈവർമാരുടെ സാന്നിധ്യത്തിൽ ഇവ തിരികെ നൽകുകയായിരുന്നു.
Read Moreജനത്തിനായി ഖദറിൽ ചെളിപറ്റട്ടെ..! പനി യുടെ കാര്യത്തിൽ സർക്കാരിനു നിസംഗതയെങ്കിൽ എല്ലാ യുഡിഎഫ് ജനപ്രതിനിധി കളും ശുചീകരണ പ്രവർത്തന ങ്ങളിലേർപ്പെട്ട് പ്രതിഷേധിക്കണമെന്ന് രമേശ് ചെന്നിത്തല
ആലപ്പുഴ: പനി നിയന്ത്രിക്കുന്ന കാര്യത്തിൽ സംസ്ഥാന സർക്കാർ നിസംഗത പുലർത്തുകയാണെന്ന് പ്രതിപക്ഷ നേതാവ് രമേശ് ചെന്നിത്തല. രാഷ്ട്രീയം നോക്കാതെ എല്ലാ യുഡിഎഫ് ജനപ്രതിനിധികളും ശുചീകരണ പ്രവർത്തനങ്ങൾക്ക് മുന്നിട്ടിറങ്ങണമെന്നും അദ്ദേഹം പറഞ്ഞു. ഹരിപ്പാട് മാധവ ജംഗ്ഷനിൽ യുഡിഎഫ് നേതൃത്വത്തിൽ നടത്തിയ ശുചീകരണ പ്രവർത്തനങ്ങൾക്ക് നേതൃത്വം നൽകുകയായിരുന്നു അദ്ദേഹം. കേരളത്തിലെ കൊതുകുകളുടെ വ്യാപനത്തെക്കുറിച്ച് കേന്ദ്ര സംഘം പഠനം നടത്തണമെന്നും അദ്ദേഹം പറഞ്ഞു. പകർച്ചപ്പനി പ്രതിരോധിക്കുന്നതിൽ സർക്കാരിനുണ്ടായ വീഴ്ചയാണ് സ്ഥിതിഗതികൾ രൂക്ഷമാക്കിയതെന്ന് കെപിസിസി പ്രസിഡന്റ് എം.എം. ഹസൻ പറഞ്ഞു. യുഡിഎഫും കോണ്ഗ്രസും ശുചീകരണ പ്രവർത്തനങ്ങളിലേർപ്പെട്ടാണ് ഇതിനെതിരെ പ്രതിഷേധിക്കുന്നതെന്നും അദ്ദേഹം പറഞ്ഞു. ഹരിപ്പാട് യുഡിഎഫ് നേതൃത്വത്തിൽ ശുചീകരണ പ്രവർത്തനങ്ങൾ നടത്തിയ സ്ഥലങ്ങൾ സന്ദർശിച്ചശേഷം സംസാരിക്കുകയായിരുന്നു അദ്ദേഹം.
Read Moreപറ്റിയ അബദ്ധം തിരുത്താതെ പോലീസ്..! കേസിൽ ആൾമാറിപ്പോയ വിവരം അറിഞ്ഞിട്ടും നിരപരാധിയെ പോലീസ് വേട്ടയാടുന്നത് യഥാർഥ പ്രതിയെ രക്ഷിക്കാനെന്ന്
അടൂർ : കേസിൽ ആൾമാറിപ്പോയ വിവരം അറിഞ്ഞിട്ടും നിരപരാധിയെ പോലീസ് വേട്ടയാടുന്നുവെന്നു പരാതി. അടൂർ പന്നിവിഴ രാജീവ് ഭവനിൽ കെ. ആർ. രാജീവാണ് ചെയ്യാത്ത കുറ്റത്തിന് കോടതി കയറാൻ വാറണ്ടുമായി പോലീസ് നടക്കുന്നത്. യഥാർഥ പ്രതിയെ തിരിച്ചറിഞ്ഞിട്ടും പോലീസ് നടപടി സ്വീകരിക്കാതെ തങ്ങൾക്ക് പറ്റിയ അബദ്ധം വീണ്ടും നിരപരാധിക്കുമേൽ അടിച്ചേല്പിക്കാനുള്ള ശ്രമമാണ് പോലീസ് നടത്തുന്നതെന്നാണ് ആക്ഷേപം. ഇന്നു കോടതിയിൽ ഹാജരാകണമെന്ന് ശനിയാഴ്ചയും പോലീസ് വീട്ടിൽ എത്തി അന്ത്യശാസനം നൽകിയതോടെ അറസ്റ്റ് വാറണ്ടിൽ നിന്നും എങ്ങനെ രക്ഷപ്പെടാൻ കഴിയുമെന്ന ചിന്തയിലാണ് വർക്ക് ഷോപ്പ് ജീവനക്കാരനായ രാജീവ്.യഥാർഥ പ്രതിയെ മറച്ചുവച്ച് പോലീസ് നടത്തിയ ഒത്തുകളിയാണ് ചെയ്യാത്ത കുറ്റത്തിന്റെ പേരിൽ രാജീവ് പ്രതിയായത്. തന്റെ നിരപരാധിത്വവും യഥാർഥ പ്രതിയെ സംബന്ധിച്ച വിവരങ്ങളും രേഖപ്പെടുത്തി സംസ്ഥാന മുഖ്യമന്ത്രി, ചീഫ് സെക്രട്ടറി, ആഭ്യന്തരവകുപ്പ് സെക്രട്ടറി, ഡിജിപി, മനുഷ്യാവകാശ കമ്മീഷൻ, പത്തനംതിട്ട ജില്ലാ പോലീസ് ചീഫ്…
Read More