തളിപ്പറമ്പ്: കീഴാറ്റൂരിൽ ഇന്നും സ്കൂള് ബസ് തടഞ്ഞുവെച്ചു. മൗലികാവകാശ നിഷേധത്തിനെതിരെ കീഴാറ്റൂരില് ആക്ഷന് കമ്മറ്റി രൂപീകരിച്ച് നാട്ടുകാര് രംഗത്തിറങ്ങുന്നു. കീഴാറ്റൂര് പ്രദേശത്തു നിന്നും വിദ്യാര്ഥികള് മറ്റ് സ്കൂളുകളിലേക്ക് പഠിക്കാന് പോകുന്നതില് പ്രതിഷേധിച്ച് സിപിഎം നേതൃത്വത്തിലുള്ള കീഴാറ്റൂര് ഗവ.എല്പി സ്കൂള് സംരക്ഷണ സമിതി പ്രവര്ത്തകര് തളിപ്പറമ്പ് പുളിമ്പറമ്പില് പ്രവര്ത്തിക്കുന്ന സാന്ജോസ് ഇംഗ്ലീഷ് മീഡിയം സ്കൂളിന്റെ സ്കൂള് ബസാണ് ഇന്ന് രാവിലെ ഒന്പതോടെ തടഞ്ഞുവെച്ചത്. കീഴാറ്റൂര് പ്രദേശത്തുള്ള കുട്ടികള് കീഴാറ്റൂര് ഗവ.എല്പി സ്കൂളില് തന്നെ പഠിക്കണമെന്നും മറ്റ് സ്കൂളുകളില് ചേര്ത്ത കുട്ടികളെ കയറ്റാന് വരുന്ന സ്കൂള് വാഹനങ്ങള് തടയാനുമാണ് സ്കൂള് സംരക്ഷണ സമിതിയുടെ തീരുമാനം. തോട്ടാറമ്പ് റോഡില് വെച്ചാണ് കുട്ടികളെ കയറ്റാന് പോകുന്ന വാഹനം തടഞ്ഞുവെച്ചത്. വിവരമറിഞ്ഞ് തളിപ്പറമ്പ് പോലീസ് സ്ഥലത്തെത്തിയാണ് വാഹനം പോകാന് സൗകര്യമൊരുക്കിയത്. നാളെമുതല് ശക്തമായ രീതിയില് വാഹനങ്ങള് തടയുമെന്ന് സംരക്ഷണ സമിതി മുന്നറിയിപ്പ് നല്കിയിട്ടുണ്ട്. ഈ…
Read MoreCategory: Kannur
സിപിഎമ്മുകാർക്കും അനുഭാവികൾക്കും സർക്കാർ സഹായങ്ങളും മറ്റുള്ളർക്ക് ചവിട്ടും നൽകുന്ന സർക്കാരണ് കേരളം ഭരിക്കുന്നതെന്ന് സതീശൻ പാച്ചേനി
കണ്ണൂർ: പെൻഷൻകാർക്ക് സൗജന്യ ചികിത്സാ പദ്ധതി നടപ്പിലാക്കുക, കുടിശികയായ രണ്ടുഗഡു ക്ഷാമബത്ത അനുവദിക്കുക തുടങ്ങിയ ആവശ്യങ്ങൾ ഉന്നയിച്ച് കേരള സ്റ്റേറ്റ് സർവീസ് പെൻഷനേഴ്സ് അസോസിയേഷന്റെ നേതൃത്വത്തിൽ കളക്ടേറ്റിലേക്ക് മാർച്ചും ധർണയും നടത്തി. ഡിസിസി പ്രസിഡന്റ് സതീശൻ പാച്ചേനി ധർണ ഉദ്ഘാടനം ചെയ്തു. സിപിഎമ്മുകാർക്കും അനുഭാവികൾക്കും മാത്രം സർക്കാരിന്റെ സഹായങ്ങൾ ലഭിക്കുകയും മറ്റുള്ളവർക്ക് ചവിട്ടുകൊടുക്കുകയും ചെയ്യുന്ന സർക്കാരാണ് കേരളം ഭരിക്കുന്നതെന്ന് അദ്ദേഹം പറഞ്ഞു. ഖജനാവിൽ പണമില്ലെന്ന് മന്ത്രിമാർ പാടിനടക്കുകയും അതേസമയം സർക്കാരിന്റെ വാർഷികാഘോഷങ്ങൾ ലക്ഷക്കണക്കിന് പണം ചെലവഴിച്ച് ധൂർത്തടിക്കുകയുമാണ് ചെയ്യുന്നതെന്നും അദ്ദേഹം പറഞ്ഞു. ജില്ലാ പ്രസിഡന്റ് കെ. രാമകൃഷ്ണൻ അധ്യക്ഷത വഹിച്ചു. കെ. സുധാകരൻ, പി. അബൂബക്കർ, കെ.വി. ഭാസ്കരൻ, അപ്പു കണ്ണാവിൽ, രവീന്ദ്രൻ കൊയ്യോടൻ, പി.സി. വർഗീസ്, സി.പി. ചന്ദ്രാംഗദൻ, തങ്കമ്മ വേലായുധൻ, കെ.എൻ. പുഷ്പലത തുടങ്ങിയവർ പ്രസംഗിച്ചു.
Read Moreനിങ്ങളുടെ കുട്ടികൾ സുരക്ഷിതരാണോ..? കണ്ണൂർ മുൻ എസ്പിയുടെ പുസ്തകം ടെലിഫിലിമാകുന്നു ; ചിത്രത്തിന്റെ ആദ്യ പ്രദർശനം ഒൻപതിന്
കണ്ണൂർ: സൈബർ ബോധവത്കരണവുമായി പോലീസുകാർ അഭിനയിക്കുന്ന ടെലിഫിലിം ഒരുങ്ങുന്നു. മുൻ കണ്ണൂർ എസ്പിയും കെഎപി നാലാം ബറ്റാലിയൻ കമാൻഡന്റുമായ സഞ്ജയ് കുമാർ ഗരുഡിൻ എഴുതിയ നിങ്ങളുടെ കുട്ടികൾ സുരക്ഷിതരാണോ എന്ന പുസ്തകം അതേ പേരിൽ തന്നെയാണ് സിനിമയായി പിറവിയെടുത്തിരിക്കുന്നത്. പോലീസുകാരുടെ സഹായത്തോടെ റിജു കന്പിൽ സംവിധാനവും അഷറഫ് പിലാത്തറ തിരക്കഥയും സംഭാഷണവും നിർവഹിക്കുന്ന ചിത്രത്തിന്റെ കാമറ വിജേഷ് കുട്ടിപ്പറന്പിൽ ആണ്. ഗുഡ്വിൽ ക്രിയേഷൻസിന്റെ ബാനറിൽ ബിന്ദു അഗസ്റ്റിൻ നെല്ലംകുഴിയിൽ, നാദം മുരളി, നീരജ അനൂപ് എന്നിവരാണ് ചിത്രം നിർമിക്കുന്നത്. അനശ്വര മുരളി, കെഎപി അസി. കമാണ്ടന്റ് സുധീർകുമാർ, എസ്ഐ എൻ.വി. അഗസ്റ്റിൻ, എസ്ഐ സോമരാജൻ, രാധാകൃഷ്ണൻ കാവുന്പായി, അനൂപ്, നാദം മുരളി, അനിറ്റ അഗസ്റ്റിൻ, അലി, മാസ്റ്റർ ആഷിഫ് എന്നിവർ പ്രധാന വേഷങ്ങളിൽ എത്തുന്ന ഈ ചിത്രത്തിന്റെ ടീസർ പ്രകാശനം ജില്ലാ കളക്ടർ മിർ മുഹമ്മദലി നിർവഹിച്ചു.…
Read Moreപരിസ്ഥിതി ദിനത്തിൽ പുഴയ്ക്ക് ചരമഗീതം രചിച്ച് പുഴയോരത്തെ മരങ്ങൾ വ്യാപകമായി മുറിച്ചുമാറ്റി; പഞ്ചായത്തിൽ വിളിച്ചറിയിച്ചിട്ടും നടപടിയുണ്ടായില്ലെന്ന് നാട്ടുകാർ
ആലക്കോട്: പരിസ്ഥിതി ദിനത്തിൽ ആലക്കോട് പുഴയ്ക്ക് ചരമഗീതം രചിച്ച് പുഴയോരത്തെ മരങ്ങൾ വ്യാപകമായി മുറിച്ചുമാറ്റി. നാടെങ്ങും വൃക്ഷതൈ നട്ടും പരിപാലിച്ചും പരിസ്ഥിതി ദിനം ആഘോഷിക്കുന്പോഴാണ് പുഴയെ കൊല്ലുന്ന രീതി ആലക്കോട് സ്വീകരിച്ചത്. സ്വകാര്യ വ്യക്തിയുടെ നേതൃത്വത്തിലാണ് പുഴയോരത്തെ മരങ്ങൾ വ്യാപകമായി മുറിച്ചത്. ആലക്കോട് പാലത്തിനു താഴെയായിട്ടാണ് വ്യാപകമായി മരംമുറിച്ചത്. പുഴയിൽ പല ഭാഗത്തായി മരം മുറിച്ചിട്ട നിലയിലാണ്. സംഭവം ശ്രദ്ധയിൽപ്പെട്ടതിനെ തുടർന്ന് നാട്ടുകാരിലൊരാൾ പഞ്ചായത്തിൽ വിളിച്ച് വിവരം പറഞ്ഞപോൾ പഞ്ചായത്ത് അധികൃതർ സംഭവം മുഖവിലക്കെടുത്തില്ലെന്നും നാട്ടുകാർ ആരോപിച്ചു. പഞ്ചായത്തിൽനിന്നും വന്നുനോക്കാൻ വാഹനമില്ലെന്ന മറുപടിയാണ് ലഭിച്ചത്. പരിസ്ഥിതി ദിനത്തിൽ തന്നെ പരിസ്ഥിതിയെ കൊല്ലുന്ന ഗുരുതരമായ സംഭവമാണ് ആലക്കോട് പുഴയിൽ നടന്നിരിക്കുന്നത്.
Read Moreബസ് കാത്തുനിന്ന പതിനഞ്ചുകാരിയെ മാനഭംഗപ്പെടുത്താൻ ശ്രമിച്ച കേസിൽ 18കാരൻ അറസ്റ്റിൽ
കൂത്തുപറമ്പ്: വിദ്യാർഥിനിയായ പതിനഞ്ചു വയസുകാരിയെ മാനഭംഗപ്പെടുത്താൻ ശ്രമിച്ച 18കാരൻ അറസ്റ്റിൽ. പറമ്പായി ചേരിക്കമ്പനി സ്വദേശിയായ യുവാവിനെയാണ് കൂത്തുപറമ്പ് സിഐ ജോഷി ജോസഫിന്റെ നേതൃത്വത്തിൽ പോലീസ് അറസ്റ്റു ചെയ്തത്. ഞായറാഴ്ചയായിരുന്നു സംഭവം. മമ്പറത്ത് ബസ് കാത്തു നില്ക്കുകയായിരുന്ന പെൺകുട്ടിയെ ബൈക്കിലെത്തിയ ഇയാൾ മാനഭംഗപ്പെടുത്താൻ ശ്രമിച്ചെന്നായിരുന്നു കേസ്. പോക്സോ വകുപ്പു പ്രകാരമാണ് കേസെടുത്തത്. പെൺകുട്ടിയിൽ നിന്നും ഇന്നലെ കൂത്തുപറമ്പ് ജുഡീഷൽ ഫസ്റ്റ് ക്ലാസ് മജിസ്ട്രേട്ട് മൊഴിയെടുത്തിരുന്നു. പ്രതിയെ ഇന്ന് കോടതിയിൽ ഹാജരാക്കും.
Read Moreസിപിഎം നേതാവ് ബാബു വധം; മൂന്ന് ആർഎസ്എസ് പ്രവർത്തകർകൂടി അറസ്റ്റിൽ; അറസ്റ്റിലായവരുടെ എണ്ണം ഏഴായി
മാഹി: പള്ളൂരിലെ സിപിഎം ലോക്കൽ കമ്മറ്റി അംഗം കണ്ണിപ്പൊയിൽ ബാബുവിനെ കൊലപ്പെടുത്തിയ കേസിൽ മൂന്ന് ആർഎസ്എസ് പ്രവർത്തകർ കൂടി അറസ്റ്റിൽ. ആർഎസ്എസ് പ്രവർത്തകരായ പള്ളൂരിലെ ഒ.പി. രജീഷ്, കരീക്കുന്നുമ്മൽ സുനിൽ, പാനൂരിലെ അരുൺ ഭാസ്കർ എന്നിവരെയാണ് ഇന്നലെ രാത്രി പ്രത്യേക അന്വേഷണ സംഘം അറസ്റ്റ് ചെയ്തത്. അറസ്റ്റിലായവരെ ഇന്ന് വൈകുന്നേരം മാഹി കോടതിയിൽ ഹാജരാക്കും. മംഗളൂരുവിൽ വച്ചാണ് ഇവർ പിടിയിലായത്. കഴിഞ്ഞ മാസം 12ന് കൊലയാളി സംഘത്തിലെ പാനൂർ ചെണ്ടയാടെ ജെറിൻ സുരേഷ്, ശ്യംജിത്ത്, ഈസ്റ്റ് പള്ളൂർ സ്വദേശി പി.കെ.നിജേഷ്, പന്തക്കൽ വയലിൽ പീടികയിലെ പി.കെ. ശരത്ത് എന്നിവരെ പോലീസ് അറസ്റ്റ് ചെയ്തിരുന്നു. ഇതോടെ അറസ്റ്റിലായവരുടെ എണ്ണം ഏഴായി. ബാബുവിനെ കൊലപ്പെടുത്തിയ സംഘത്തിൽ 12 പേരുണ്ടെന്നാണ് അന്വേഷണ സംഘത്തിന് ലഭിച്ച സൂചന. കഴിഞ്ഞ മാസം ഏഴിന് രാത്രിയായിരുന്നു ബാബു കൊല്ലപ്പെട്ടത്. രണ്ട് സ്ക്വാഡുകൾ ആയി തിരിഞ്ഞാണ് അന്വേഷണം…
Read Moreപരിയാരത്തെ നഴ്സിംഗ് വിദ്യാർഥിനിയുടെ മരണം; മകള്ക്ക് ആത്മഹത്യചെയ്യേണ്ട യാതൊരുകാര്യവുമില്ല; അന്വേഷണം നടത്തണമെന്ന് മാതാപിതാക്കൾ
പരിയാരം: പരിയാരം മെഡിക്കല് കോളജില് നഴ്സിംഗ് വിദ്യാര്ഥിനി തൂങ്ങിമരിച്ച സംഭവത്തില് ദുരൂഹതയേറുന്നു. മരണത്തില് അന്വേഷണം നടത്തണമെന്നാവശ്യപ്പെട്ട് മരിച്ച ശ്രീലയയുടെ അച്ഛൻ പുറായില് ജയരാജന് ജില്ലാ കളക്ടര്ക്കും പോലീസ് മേധാവിക്കും പരാതികള് നല്കി. മകള്ക്ക് ആത്മഹത്യചെയ്യേണ്ട യാതൊരുകാര്യവുമില്ലെന്നും ശ്രീലയ എഴുതിവെച്ചുവെന്ന് പറയുന്ന കത്തിലെ കൈയക്ഷരം അവളുടേതല്ലെന്നും ഇവർ നൽകിയ പരാതിയിൽ പറയുന്നു. മികച്ച നിലയില് പ്ലസ്ടു പാസായ ശ്രീലയ സ്വന്തം താത്പര്യപ്രകാരമാണ് നഴ്സിംഗ് തെരഞ്ഞെടുത്തത്. എല്ലാ വിവരങ്ങളും തങ്ങളുമായി പങ്കുവയ്ക്കുന്ന സ്വഭാവമാണ് മകൾക്കുള്ളത്. മകള് എഴുതിവെച്ചുവെന്ന് പറഞ്ഞ് തങ്ങളെ പോലീസ് കാണിച്ച കത്തിലെ കൈയക്ഷരങ്ങള് പരിശോധനക്ക് വിധേയമാക്കണമെന്നും മകളുടെ ആത്മഹത്യയുടെ കാരണങ്ങള് കണ്ടെത്തണമെന്നും പരാതിയില് ആവശ്യപ്പെട്ടിട്ടുണ്ട്. പരാതിയുടെ അടിസ്ഥാനത്തില് വിശദമായ അന്വേഷണം ആരംഭിച്ചതായി പരിയാരം പോലീസ് അറിയിച്ചു.
Read Moreവെട്ടിപ്പ് തടയാൻ ഇ-പോസ്; വെട്ടിലായതു ജനങ്ങൾ; മെഷീൻ പലപ്പോഴും പണിമുടക്കുന്നതിനാൽ റേഷൻ വാങ്ങാനാവാതെ കാർഡുടമകൾ
കണ്ണൂർ: റേഷന് കടകളിലെ വെട്ടിപ്പും പൂഴ്ത്തിവയ്പും തടയുന്നതിനായി സ്ഥാപിച്ച ഇ-പോസ് മെഷീനുകൾ മൂലം വെട്ടിലായതു ജനങ്ങൾ. മെഷീൻ തകരാറുകൾ തന്നെയാണു പ്രശ്നം. മെഷീനുകൾ പലപ്പോഴും പണിമുടക്കുന്നതിനാൽ റേഷൻ വിതരണം മുടങ്ങുന്നതും പതിവായിരിക്കുകയാണ്. ഉപയോക്താക്കൾ റേഷൻ കടകളിലെത്തുന്പോഴാണു മെഷീൻ തകരാറിലാണെന്ന വിവരം അറിയുന്നത്. മണിക്കൂറുകളോളം കാത്തിരുന്നാലും ശരിയാകാതെ വരുന്നതോടെ ഉപയോക്താക്കൾക്ക് അടുത്തദിവസം വീണ്ടും റേഷൻ കടകളിലേക്കു വരേണ്ടതായി വരും. കടയുടമകളും കാർഡ് ഉടമകളും തമ്മിലുള്ള വാക്കുതർക്കത്തിനും ഇതു കാരണമാകുന്നു. വൈദ്യുതി മുടങ്ങിയാലും ഇ-പോസ് മെഷീനിന്റെ കാര്യങ്ങൾ കുഴങ്ങും. റേഷൻ കടകളിൽ നിലവിൽ സ്ഥാപിച്ചിട്ടുള്ള ബാറ്ററിയിൽ ഏതാനും മണിക്കൂറുകൾ മാത്രമേ മെഷീൻ പ്രവർത്തിക്കുകയുള്ളൂ. ഇ- പോസ് (ഇലക്ട്രോണിക് പോയിന്റ് ഓഫ് സെയിൽ) മുഖേന ഉപയോക്താക്കളുടെ ആധാർ വിവരങ്ങൾ മെഷീനുമായി ബന്ധിപ്പിച്ചാണു റേഷൻ വിതരണം ചെയ്യുന്നത്. റേഷൻ കടയിലെത്തുന്ന ഉപയോക്താവ് മെഷീനിൽ വിരലടയാളം നൽകുമ്പോൾ ആധാർ ഡേറ്റാബേസിൽനിന്ന് അർഹമായ വിഹിതം സംബന്ധിച്ച…
Read Moreകണ്ണൂർ റെയിൽവേ സ്റ്റേഷനിൽ ജയിംസ് മാത്യു എംഎൽഎയുടെ ഭാര്യയ്ക്കുനേരേ അസഭ്യവർഷം; പാർക്കിംഗ് ഫീ പിരിക്കുന്ന യുവാവിനെതിരേ കേസ്
കണ്ണൂർ: തളിപ്പറന്പ് എംഎൽഎ ജയിംസ് മാത്യുവിന്റെ കാർ പാർക്ക് ചെയ്യാൻ അനുവദിക്കാതിരിക്കുകയും ഭാര്യയും സിപിഎം നേതാവുമായ സുകന്യയെ അസഭ്യം പറയുകയും ചെയ്തതായി പരാതി. ഇന്നലെ രാത്രി 7.30നാണ് സംഭവം. തിരുവനന്തപുരത്തെ നിയമസഭാ സമ്മേളനത്തിൽ പങ്കെടുക്കാൻ തളിപ്പറന്പിൽനിന്നും കാർ മാർഗം കണ്ണൂർ റെയിൽവേ സ്റ്റേഷനിൽ എത്തിയതായിരുന്നു എംഎൽഎയും ഭാര്യയും രണ്ടുകുട്ടികളും. റെയിൽവേ സ്റ്റേഷന്റെ മുൻഭാഗത്തുള്ള പാർക്കിംഗ് സ്ഥലത്തേക്ക് കാർ മാറ്റിയിടാൻ ശ്രമിക്കവെ പാർക്കിംഗിലെ വാഹനങ്ങൾ നിയന്ത്രിക്കുന്ന സലിം ക്ഷുഭിതനാകുകയും ഇവിടെ പാർക്കിംഗിന് സ്ഥലമില്ലെന്നും കാർ എടുത്തു മാറ്റണമെന്നും ആവശ്യപ്പെട്ടു. എന്നാൽ എംഎൽഎ തിരുവനന്തപുരത്തു പോകാനായി ട്രെയിനിൽ കയറാൻ വന്നതാണെന്നും കുറച്ചു സമയത്തിനുള്ളിൽ കാർ മാറ്റുമെന്ന് സുകന്യ അറിയിച്ചെങ്കിലും സലീം ബഹളംവയ്ക്കുകയും ചീത്ത പറയുകയാണ് ഉണ്ടായതെന്ന് ടൗൺ പോലീസിൽ നൽകിയ പരാതിയിൽ പറയുന്നു. സുകന്യയുടെ പരാതി പ്രകാരം ടൗൺ പോലീസ് കേസെടുത്തു.
Read Moreകീഴാറ്റൂര് സമരനേതാവ് ജാനകിയുടെ പശുക്കൾക്ക് നേരേ ബോംബെറിഞ്ഞതായി വ്യാജ പ്രചാരണം; പോലീസ് കേസെടുത്തു
തളിപ്പറമ്പ്: കീഴാറ്റൂര് സമരനേതാവ് നമ്പ്രാടത്ത് ജാനകിയമ്മയുടെ പശുക്കള്ക്ക് നേരെ ബോംബെറിഞ്ഞതായി വ്യാജ പ്രചാരണം. സംഭവത്തിൽ തളിപ്പറന്പ് പോലീസ് കേസെടുത്ത് അന്വേഷണം ആരംഭിച്ചു. ഇന്നലെ രാത്രി പതിനൊന്നോടെയാണ് ഇത്തരത്തില് രണ്ട് പോസ്റ്റുകള് ഫേസ്ബുക്കില് പ്രത്യക്ഷപ്പെട്ടത്. സുരേഷ് കീഴാറ്റൂരാണ് ആദ്യം പോസ്റ്റിട്ടതെന്നും ആളുകള് പ്രതികരിച്ചുകൊണ്ടിരിക്കെ പോസ്റ്റ് പിന്വലിക്കുകയായിരുന്നുവെന്നും പോലീസ് പറഞ്ഞു. പിന്നീട് ജോയ്മോന് എന്ന പേരിലുള്ള ഫേസ്ബുക്ക് പ്രൊഫൈലില് ഇതേ പോസ്റ്റ് കണ്ട് പലരും സ്റ്റേഷനില് ബന്ധപ്പെട്ടതോടെ തളിപ്പറമ്പ് ഇന്സ്പെക്ടര് കെ.ജെ.വിനോയി വസ്തുതകള് അറിയുന്നതിന് സുരേഷ് കീഴാറ്റൂര് ഉള്പ്പെടെയുള്ളവരുമായി ഫോണില് ബന്ധപ്പെട്ടുവെങ്കിലും സ്വിച്ച് ഓഫ് ചെയ്ത നിലയിലായിരുന്നു. തുടര്ന്ന് രാത്രി പോലീസ് കീഴാറ്റൂരിലെത്തി അന്വേഷണം നടത്തിയപ്പോഴാണ് വ്യാജപ്രചാരണമാണെന്ന് വ്യക്തമായത്. അന്വേഷണത്തില് ജോയ്മോന് എന്ന പേരിലുള്ള പ്രൊഫൈലും വ്യാജമാണെന്ന് വ്യക്തമായിട്ടുണ്ട്. ു
Read More