കരിക്കോട്ടക്കരി: വീട്ടില് ജോലിക്കു നിന്ന 16കാരിയായ ആദിവാസി പെണ്കുട്ടിയെ പീഡിപ്പിച്ച കേസില് വീട്ടുടമയെ പോലീസ് അറസ്റ്റ് ചെയ്തു. കെ.ഫിലിപ്പിനെയാണ് ഇരിട്ടി ഡിവൈഎസ്പി പ്രജീഷ് തോട്ടത്തില് അറസ്റ്റ് ചെയ്തത്. വീട്ടില് കുട്ടിയെ നോക്കാന് നിർത്തിയ പെണ്കുട്ടിയെ കാണാനില്ലെന്ന വീട്ടുടമയുടെ തന്നെ പരാതിയാണ് പീഡനം പുറത്തറിയാൻ ഇടയാക്കിയത്. കഴിഞ്ഞ ദിവസം രാത്രി പെണ്കുട്ടിയെ കാണാനില്ലെന്നു ചൂണ്ടിക്കാട്ടി ഫിലിപ്പ് കരിക്കോട്ടക്കരി പോലീസില് പരാതി നല്കി. പോലീസ് നടത്തിയ അന്വേഷണത്തില് പെണ്കുട്ടി സ്വന്തം വീട്ടില് തിരിച്ചെത്തിയതായി കണ്ടെത്തി. തുടര്ന്ന് പോലീസ് നടത്തിയ അന്വേഷണത്തില് ഫിലിപ്പ് തന്നെ നിരന്തരം പീഡിപ്പിക്കുന്നതായും ഇതില് ഭയന്ന് താന് വീട്ടിലേക്ക് ഓടിരക്ഷപ്പെടുകയായിരുന്നുവെന്നും പെണ്കുട്ടി പോലീസിന് മൊഴി നല്കുകയായിരുന്നു. തുടര്ന്നാണ് ഫിലിപ്പിനെ അറസ്റ്റ് ചെയ്തത്. ഓട്ടോറിക്ഷാ ഡ്രൈവറാണ് ഫിലിപ്പ്. പോക്സോ നിയമപ്രകാരം കേസെടുത്ത പ്രതിയെ കോടതി റിമാൻഡ് ചെയ്തു.
Read MoreCategory: Kannur
ഹോം ഗാർഡുകൾക്ക് വയര്ലെസ് സെറ്റില്ല; ഇരിട്ടി പാലത്തിലെ ഗതാഗത നിയന്ത്രണം വല്ലാത്ത പൊല്ലാപ്പ് തന്നെ
ഇരിട്ടി: ഇരിട്ടി പാലത്തിലെ ഗതാഗത കുരുക്കഴിക്കാന് നിയമ പാലകര്ക്ക് സാധിക്കുന്നില്ലന്നിരിക്കെ ഹോം ഗാര്ഡുകള്ക്ക് ലഭിച്ചിരുന്ന വയര്ലെസ് സെറ്റും ഇപ്പോള് ലഭിക്കുന്നില്ല. മുന്കാലങ്ങളില് പാലത്തില് ഡ്യൂട്ടിയിലുള്ള ഹോംഗാര്ഡുകള് വയര്ലെസ് സെറ്റുകള് ഉപയോഗിച്ച് ഗതാഗത തടസം പരിഹരിക്കാന് ഉപകരിച്ചിരുന്നു. പാലത്തിന്റെ ഇരുകരകളിലും നിന്ന് പരസ്പരം ഉദ്യോഗസ്ഥര് വയര്ലെസില് കൂടി സംസാരിച്ചായിരുന്നു ബസുകള് ഉള്പ്പെടെ വലിയ വാഹനം ഒരേ സമയം ഇരുകരകളില് നിന്നും പാലത്തില് കയറുന്നത് തടയാന് പരസ്പരമുള്ള വയര്ലെസ് സന്ദേശം വളരെ ആശ്വാസമായിരുന്നു. എന്നാല് സ്കൂള് തുറക്കാനായതോടെ നിലവിലുള്ള വയര്ലെസും ഹോംഗാര്ഡുകളില് നിന്ന് അപ്രത്യക്ഷമായി. ഇതോടെ ഹോം ഗാര്ഡിന്റെ സേവനം പലപ്പോഴും ഫലപ്രദമാകുന്നില്ല. ഓരോ ദിവസവും പാലത്തിലെ ഗതാഗത കരുക്ക് മൂലം ഇരിട്ടി ടൗണ് സ്തംഭിക്കുന്നത് മണിക്കൂറുകളാണ്. ബലക്ഷയം സ്തംഭിച്ച പാലത്തിലൂടെ കടന്ന് പോകുന്നത് ടണ് കണക്കിന് ഭാരം കയറ്റിയ വാഹനങ്ങളും. ബലക്ഷയം സംഭിച്ച ഇരിട്ടി പാലത്തിലൂടെ പത്ത് ടണ്ണിലധികം…
Read Moreഈ കടമ്പ കടക്കാൻ ഫയർഫേഴ്സിനും വേണം സഹായം; റോഡിലെ അശാസ്ത്രീയ ടാറിംഗ് ഫയർഫോഴ്സിനു ദുരിതമാകുന്നു
കൂത്തുപറമ്പ്: എന്തെങ്കിലും ഒരു അത്യാഹിതമോ അപകടമോ ഉണ്ടായാൽ നമ്മൾ ആദ്യം വിളിക്കുക ഫയർ ഫോഴ്സിനെയാവും. കോൾ അറ്റൻറ് ചെയ്തു കഴിഞ്ഞാൽ പിന്നെയുള്ള ഓരോ നിമിഷവും ഇവർക്ക് നിർണായകമാണ്. കാരണം, കേവലമൊരു നിമിഷത്തെ താമസം മതിയാകും ചെറിയൊരു സംഭവം വലിയൊരു ദുരന്തത്തിന് വഴിമാറാൻ. എന്നാൽ ഇതിനിടെ വലിയൊരു കടമ്പ കടന്നാണ് കൂത്തുപറമ്പിലെ ഫയർഫോഴ്സിന് സംഭവസ്ഥലത്ത് എത്താനാവുക. വാഹനം ഗാരേജിൽ നിന്നും എടുത്ത് റോഡിലേക്ക് ഇറക്കണമെങ്കിലുള്ള പാട് ചെറുതൊന്നുമല്ല. കൂത്തുപറമ്പ്- വലിയ വെളിച്ചം റോഡ് ടാറിംഗ് ചെയ്തതാണ് അടിയറപാറയിലെ ഫയർഫോഴ്സിന് വിനയായത്. റോഡ് അല്പം ഉയർത്തി ടാറിംഗ് ചെയ്താലും റോഡരികിലെ ഗാരേജിൽ നിന്നും ഫയർഫോഴ്സ് വാഹനത്തിന് റോഡിലേക്ക് സുഗമമായി കടക്കാൻ പറ്റുന്ന രീതിയിൽ ടാറിംഗ് ചെയ്തു കൊടുക്കണമെന്ന കാര്യമാണ് ഇവിടെ നടക്കാതെ പോയത്. അതു കൊണ്ട് തന്നെ ഏറെ സാഹസപ്പെട്ടാണ് വെള്ളം നിറച്ച ഭാരവാഹനത്തിന് റോഡിലേക്ക് ഇറക്കാനാവുന്നത്. ഈ കാര്യം…
Read Moreഎട്ടിക്കുളം പള്ളിയിൽ നിസ്കാരത്തെചൊല്ലി എപി വിഭാവും ഇകെ വിഭാഗവും തമ്മിൽ സംഘർഷം; മൂന്ന് പോലീസുകാർക്ക് പരിക്ക്; 347 പേര്ക്കെതിരേ കേസ്
പയ്യന്നൂര്: നിസ്കാര പ്രശ്നത്തെ ചൊല്ലി എട്ടിക്കുളം തഖ്വാ പള്ളിയിലുണ്ടായ സംഘര്ഷത്തില് 347 പേര്ക്കെതിരെ കേസ്. എപി-ഇകെ വിഭാഗം സുന്നികള് തമ്മിലുള്ള സംഘര്ഷത്തില് രണ്ട് എസ്ഐമാര്ക്കും ഒരു പോലീസുകാരനുമുള്പ്പെടെ പരിക്കേറ്റിരുന്നു. പോലീസ് വാഹനം തകര്ക്കുകയും പോലീസ് ജീപ്പുള്പ്പെടെ രണ്ടു ജീപ്പുകളും രണ്ട് കാറും തകര്ത്തിരുന്നു. മൂന്ന് സംഭവങ്ങളിലായാണ് പയ്യന്നൂര് പോലീസ് കേസെടുത്തത്. ഇന്നലെ ഉച്ചയോടെയാണ് സംഭവങ്ങള്ക്ക് തുടക്കം. എപി വിഭാഗം സുന്നികളുടെ പള്ളിയില് പുതുതായി ജുമു അ തുടങ്ങാനുള്ള നീക്കം ഇകെ വിഭാഗം തടഞ്ഞതാണ് സംഘര്ഷത്തിനിടയാക്കിയത്. വാക്കേറ്റം മൂര്ഛിച്ചപ്പോള് പരിഞ്ഞ് പോകാനാവശ്യപ്പെട്ട പോലീസിനു നേരെ കല്ലേറുണ്ടായതോടെ പോലീസ് ലാത്തിച്ചാര്ജും ഗ്രനേഡ് പ്രയോഗവും നടത്തിയാണ് അക്രമികളെ തുരത്തിയത്. ഇതിനിടയിലുണ്ടായ അക്രമത്തില് പയ്യന്നൂര് എസ്ഐ കെ.പി.ഷൈന്, പഴയങ്ങാടി എസ്ഐ പി.എ.ബിനുമോഹന്, പഴയങ്ങാടി സിപിഒ അനില്കുമാര് എന്നിവര്ക്ക് പരിക്കേറ്റിരുന്നു. ഇവര്ക്ക് പയ്യന്നൂര് താലൂക്ക് ആശുപത്രിയിലാണ് ചികിത്സ നല്കിയത്.ചികിത്സ തേടിയില്ലെങ്കിലും നിരവധി പോലീസുകാര്ക്കും കല്ലേറില്…
Read Moreഎല്ലാം ശരിയാക്കുന്നുണ്ട്! ഇല്ലത്തുതാഴയിൽ പോലീസിന്റെ യൂണിഫോം വലിച്ചുകീറി മുഖത്തടിച്ചു, സിപിഎം പ്രവർത്തകൻ അറസ്റ്റിൽ
തലശേരി: ഇല്ലത്തുതാഴയിൽ പോലീസിനുനേരേ അക്രമം. പിക്കറ്റ് പോസ്റ്റിലുണ്ടായിരുന്ന പോലീസുകാരന്റെ യൂണിഫോം വലിച്ചുകീറി മുഖത്തടിച്ചു. സംഭവത്തിൽ മൂന്ന് സിപിഎം പ്രവർത്തകർക്കെതിരേ ടൗൺ പോലീസ് കേസെടുത്തു. ഒരാൾ അറസ്റ്റിൽ. സിപിഎം പ്രവർത്തകനായ ഇല്ലത്തുതാഴെ സ്വർണ നിവാസിൽ സജുവി (38) നെയാണ് പോലീസ് അറസ്റ്റ് ചെയ്തത്. ജുഡീഷൽ ഫസ്റ്റ്ക്ലാസ് മജിസ്ട്രേട്ട് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു. ഇന്നലെ വൈകുന്നേരമാണ് സംഭവം. ഗതാഗത തടസമുണ്ടാക്കുന്ന വിധത്തിൽ ബൈക്ക് റോഡിൽ നിർത്തിയിട്ടപ്പോൾ മാറ്റി നിർത്താൻ പിക്കറ്റ് പോസ്റ്റിലെ പോലീസ് ഉദ്യോഗസ്ഥൻ ആവശ്യപ്പെട്ടതോടെയാണ് സംഭവങ്ങളുടെ തുടക്കം. പോലീസിനോട് തട്ടിക്കയറിയ പ്രതികൾ പോലീസ് പോലീസിന്റെ പണിയെടുത്താൽ മതി, ബാക്കി ഞങ്ങൾ നോക്കിക്കൊള്ളാമെന്ന് പറഞ്ഞ് ഡ്യൂട്ടിയിലുണ്ടായിരുന്ന സീനിയർ പോലീസ് ഓഫീസർ വടകര സ്വദേശി സജീവിന്റെ യൂണിഫോം വലിച്ചുകീറുകയും മുഖത്തടിക്കുകയും ചെയ്തതായി പോലീസ് പറഞ്ഞു. വിവരമറിഞ്ഞ് കൂടുതൽ പോലീസ് സ്ഥലത്തെത്തുകയും പ്രതികളിൽ ഒരാളെ അറസ്റ്റ് ചെയ്യുകയുമായിരുന്നു.…
Read Moreമകനെതിരേ പെൺകുട്ടിയൊക്കെണ്ട് കള്ളക്കേസിൽ കുടുക്കുകയായിരുന്നു ; കേസ് കൊടുക്കാനുണ്ടായ കാര്യത്തെപ്പറ്റി മാതാപിതാക്കൾ പറയുന്നതിങ്ങനെ…
ചെറുപുഴ: മകനെ കേസില് കുടുക്കിയ സംഭവത്തിലെ ഗൂഢാലോചന അന്വേഷിക്കണമെന്നാവശ്യപ്പെട്ടു മാതാപിതാക്കള് രംഗത്തെത്തി. പോക്സോ കേസില് പ്രതിചേര്ക്കപ്പെട്ട് റിമാന്ഡില് കഴിയുന്ന ചെറുപുഴ മഞ്ഞക്കാട്ടെ അഖിലേഷ് മോന് എന്ന വിശാഖിന്റെ മാതാപിതാക്കളാണു മകനെ കേസില് കുടുക്കിയതാണെന്ന ആക്ഷേപവുമായി പത്രസമ്മേളനം നടത്തിയത്. അടുത്തു തന്നെ റിലീസാകാനിരിക്കുന്ന സിനിമയിലും ഏതാനും ഷോര്ട്ട് ഫിലിമുകളിലും അഭിനയിച്ചിട്ടുള്ള വിശാഖ് സിനിമയില് അവസരം നല്കാമെന്നു പ്രലോഭിപ്പിച്ചു 17 കാരിയെ തൃശൂരിലെത്തിച്ചു ചൂഷണം ചെയ്തുവെന്നായിരുന്നു കേസിനാസ്പദമായ പരാതി. പരാതിക്കാരിയായ പെണ്കുട്ടിയുള്പ്പെടെ ഏതാനും കുട്ടികള് വിശാഖും സുഹൃത്തുക്കളും നിര്മിക്കുന്ന സിനിമയുടെ ഓഡിഷനു തൃശൂരില് പങ്കെടുത്തിരുന്നു. പിന്നീട് സിനിമ നിര്മിക്കുന്നതുമായി ബന്ധപ്പെട്ടു വിശാഖും സുഹൃത്തുക്കളും തമ്മില് അഭിപ്രായ ഭിന്നതയുണ്ടായി. ഇതു സംബന്ധിച്ച തര്ക്കത്തിനു പിന്നാലെ വിശാഖിനെ ഒരു സംഘം അക്രമിച്ചു പരിക്കേല്പ്പിച്ചു. ഇതു കേസാവുകയും ചെറുപുഴ പോലീസ് വിപിന് എന്നയാളെ പ്രതിയാക്കി കേസെടുക്കുകയും ചെയ്തു. ഈ കേസ് പിന്വലിക്കാനാവശ്യപ്പെട്ടു വിശാഖിനുമേല് സമ്മര്ദമുണ്ടായിരുന്നു.…
Read Moreകൂത്തുപറന്പ് ടൗണിലെ കടവരാന്തകളിൽ രക്തപ്പാടുകൾ; പോലീസ് അന്വേഷണം ആരംഭിച്ചു
കൂത്തുപറമ്പ്: കൂത്തുപറമ്പ് ടൗണിലെ ചില കടവരാന്തകളിൽ രക്തപ്പാടുകൾ കണ്ടെത്തി. തലശേരി റോഡിലെ ഒരു ടെക്സ്റ്റയിൽ ഷോപ്പിന്റേയും സമീപത്തെ ചില കടവരാന്തകളിലുമാണ് ഇന്ന് രാവിലെ രക്തപ്പാടുകൾ കണ്ടെത്തിയത്. ടെക്സ്റ്റയിൽ ഷോപ്പിന്റെ തൂണിൻമേലും റോഡിലുമായി രക്തംപറ്റിപ്പിടിച്ചിട്ടുണ്ട്. വിവരമറിഞ്ഞ് കൂത്തുപറമ്പ് എസ്ഐ കെ.വി. നിഷിത്തിന്റെ നേതൃത്വത്തിൽ പോലീസ് സ്ഥലത്തെത്തി അന്വേഷണം നടത്തി. അക്രമ സംഭവമാകാം ഇതിനു പിന്നിലെന്നാണ് പോലീസിന്റെ സൂചന. എന്നാൽ ഇതു സംബന്ധിച്ച യാതൊരു വിവരവും പോലീസിന് ലഭിച്ചിരുന്നുമില്ല. പരിക്കേറ്റയാൾ ആശുപത്രിയിൽ എത്തിയിട്ടുണ്ടോ എന്നത് സംബന്ധിച്ചും പോലീസ് അന്വേഷിക്കുന്നുണ്ട്.
Read Moreനൊമ്പരങ്ങള് കടിച്ചമര്ത്തി ഒരു യാത്രയയപ്പ്; മണല് മാഫിയയുടെ അക്രമത്തില് പരിക്കേറ്റു ജീവച്ഛവമായ എസ്ഐ രാജന്റെ വിരമിക്കൽ ചടങ്ങ് എല്ലാവർക്കും നൊമ്പരമായി
പരിയാരം: മനസില് അടക്കിപ്പിടിച്ച നൊമ്പരങ്ങള് കടിച്ചമര്ത്തി ഒരു യാത്രയയപ്പ്. 34 വര്ഷത്തെ സേവനത്തിനു ശേഷം വിരമിക്കുന്ന പരിയാരം പോലീസ് സ്റ്റേഷനിലെ ഗ്രേഡ് എസ്ഐ കെ.എം.രാജനാണു സഹപ്രവര്ത്തകര് ഹൃദയവേദന കടിച്ചമര്ത്തി യാത്രയയപ്പ് നല്കിയത്. 2015 മേയ് 16 ന് മണല് മാഫിയയുടെ അക്രമത്തില് പരിക്കേറ്റു ജീവച്ഛവമായ പരിയാരം പോലീസ് സ്റ്റേഷനിലെ എസ്ഐ രാജന് കിടപ്പിലായിട്ടു മൂന്നുവര്ഷവും 15 ദിവസവുമായിരുന്നു. പരിക്കേറ്റതിനു ശേഷം ഇന്നലെ യാത്രയയപ്പ് ചടങ്ങുകള്ക്കു വേണ്ടിയാണു വീണ്ടും അദ്ദേഹം പരിയാരം മെഡിക്കല് കോളജ് പോലീസ് സ്റ്റേഷനിലെത്തിയത്. വീട്ടില് നിന്നും പോലീസ് വാഹനത്തില് ഭാര്യയോടും മക്കളോടുമൊപ്പം സ്റ്റേഷനിലെത്തിയ അദ്ദേഹത്തെ സ്വീകരിക്കാന് റിട്ടയര് ചെയ്ത സഹപ്രവര്ത്തകരോടൊപ്പം തളിപ്പറമ്പ് ഡിവൈഎസ്പി കെ.വി.വേണുഗോപാലും സ്റ്റേഷനിലെത്തിയിരുന്നു. പഴയ സഹപ്രവര്ത്തകരോട് അവ്യക്തമായവാക്കുകളില് കുശലം പറഞ്ഞ ശേഷമാണ് അദ്ദേഹം സ്റ്റേഷനകത്തേക്കു കയറിയത്. എല്ലാവരുടേയും കൈപിടിച്ചു സ്നേഹാഭിവാദ്യങ്ങള് നേര്ന്നാണു യാത്രയയപ്പ് വേദിയായ പരിയാരം മെഡിക്കല് കോളജ് പബ്ലിക് സ്കൂളിലെത്തിയത്.…
Read Moreമദ്യത്തിന് വേണ്ടി പാതിരാത്രിയില് പയ്യന്നൂരിലെ ബാര് ഹോട്ടലില് അക്രമം; 7 പേര്ക്ക് പരിക്ക് ;4 പേര് അറസ്റ്റില്
പയ്യന്നൂര്: മദ്യത്തിന് വേണ്ടി പാതിരാത്രിയില് ബാര് ഹോട്ടലില് അക്രമം. ഏഴുപേര്ക്ക് പരിക്ക്. 4 പേര് അറസ്റ്റില്. ഇന്നു പുലർച്ചെ 12.30 ഓടെയായിരുന്നു സംഭവം. പയ്യന്നൂര് വൈശാഖ് ഇന്റര്നാഷണല് ഹോട്ടലിലാണ് അക്രമമുണ്ടായത്. സ്ഥാപനത്തിലെ ജീവനക്കാരുള്പ്പെടെയുള്ളവർക്കാണ് പരിക്കേറ്റത്. മാനേജരുടെ പരാതിയില് പയ്യന്നൂര്പോലീസ് നാല് പേരെ അറസ്റ്റ് ചെയ്തു.അക്രമത്തില് പരിക്കേറ്റ താലൂക്ക് അശുപത്രി റോഡില് പ്രവര്ത്തിക്കുന്ന വൈശാഖ് ഇന്റർ നാഷണല് ഹോട്ടല് ജീവനക്കാരായ ഏലാന്തിക്കുളങ്ങര പ്രദീഷ്കുമാര് (21), കൊട്ടത്ത് വീട്ടില് രമേശന് (42), വള്ളിക്കാട്ട് മേച്ചേത്തി പറമ്പില് ദിലീപ് (35) എന്നിവരെ പയ്യന്നൂര് സഹകരണ ആശുപത്രിയില് പ്രവേശിപ്പിച്ചു. ഹോട്ടല് മാനേജര് വിവരമറിയിച്ചതിനെ തുടര്ന്ന് സംഭവ സ്ഥലത്തെത്തിയ പോലീസ് പരിക്കേറ്റ നിലയില് ഹോട്ടല് മുറിയില് താമസിച്ച നാലുപേരെ കസ്റ്റഡിയിലെടുത്തു.പഴയങ്ങാടിയിലെ സുനീഷ് (34),പയ്യന്നൂര് കേളോത്ത് സ്വദേശികളായ മിഥുന്(27), ഹരികൃഷ്ണന് (25), പി.വിഷ്ണു(25)എന്നിവരെയാണ് കസ്റ്റഡിയിലെടുത്തത്. ഹോട്ടലില് മുറിയെടുത്തവരാണ് അക്രമം നടത്തിയതെന്ന മാനേജര് വി.എം.ദിലീപ് പോലീസില് നല്കിയ…
Read Moreഇത്തവണയും മഴ ചതിച്ചു; കവ്വായിക്കായലോരത്ത് കല്ലുമ്മക്കായ കർഷകർക്ക് കണ്ണീർ
തൃക്കരിപ്പൂർ: കവ്വായിക്കായലോരത്തെ കല്ലുമ്മക്കായ കർഷകർക്ക് ഇത്തവണയും കണ്ണീർതന്നെ. നിനച്ചിരിക്കാതെ എത്തിയ മഴയിൽ വിളവെടുക്കാറായ കല്ലുമ്മക്കായ കായലിൽ ഉതിർന്നു വീണാണ് വ്യാപക നാശമുണ്ടായത്. കഴിഞ്ഞ വർഷങ്ങളെ അപേക്ഷിച്ചു ഇത്തവണ വലിയ നഷ്ടമാണ് കർഷകർക്ക് ഉണ്ടായിട്ടുള്ളത്. കല്ലുമ്മക്കായ കൃഷി ചെയ്ത വലിയപറന്പ്, പടന്ന, തൃക്കരിപ്പൂർ പഞ്ചായത്തുകളിലെ നൂറുകണക്കിന് സംഘങ്ങൾക്കും വ്യക്തികൾക്കും മഴപെയ്തിറങ്ങിയതാണ് ദുരിതമായത്. വിളവെടുപ്പിന് ഒരുങ്ങിയ കല്ലുമ്മക്കായ വായ പിളർന്നു കുലകളിൽ നിന്നും ഉതിർന്നു വീണാണ് നശിച്ചു പോയത്. ഒരാഴ്ചയായി പെയ്ത മഴ മൂലം കവ്വായിക്കായലിൽ ഒഴുകിയെത്തിയ പുതുവെള്ളമാണ് ഇത്തവണ വില്ലനായത്. കയറുകളിൽ മിക്കതിലും നാലും അഞ്ചും കായപോലും അവശേഷിച്ചിട്ടില്ല. 15 ചാക്ക് വിത്തിറക്കി നാലു ചാക്ക് കല്ലുമ്മക്കായ തികച്ചു തിരിച്ചു കിട്ടാത്ത സ്ഥിതിയിലാണ് ഇത്തവണയെന്ന് കഴിഞ്ഞ തവണ സംസ്ഥാനത്തെ മികച്ച കല്ലുമ്മക്കായ കൃഷി ചെയ്ത സംഘത്തിനുള്ള അവാർഡ് നേടിയ ഇടയിലെക്കാടിലെ ഉദയ വനിതാ സ്വയം സഹായ സംഘത്തിന്റെ ഭാരവാഹികൾ…
Read More