തലശേരി: കോടികൾ മുടക്കി റോഡ് നവീകരിച്ച നഗരസഭ അപകടക്കെണി ഒരുക്കി കാൽനട യാത്രക്കാരെ വരവേൽക്കുന്നു. കരാറുകാർ തമ്മിലുള്ള അതിർത്തി തർക്കത്തെ തുടർന്ന് സ്ലാബിടാത്ത ഓവുചാലിൽ വീണ് കാൽനടയാത്രക്കാരന് സാരമായി പരിക്കേറ്റു. ഒ.വി റോഡിൽ നിന്നും പുതിയ ബസ് സ്റ്റാൻഡിലേക്ക് പോകുന്ന എൻ.സി.സി റോഡിലാണ് അർബൻ ബാങ്കിന് മുന്നിലായി ഒരു ഭാഗത്ത് മാത്രം സ്ലാബിടാത്തതിനെ തുടർന്ന് കാൽനടയാത്രക്കാരൻ അപകടത്തിൽപെട്ടത്. കോടികൾ മുടക്കിയാണ് എൻ.സി.സി റോഡ് ഇന്റർലോക്ക് ചെയ്തും കൈവരികൾ തീർത്തും നടപ്പാത ഒരുക്കിയും നവീകരിച്ചിട്ടുള്ളത്. ഓവുചാലുകൾക്ക് ചെറിയൊരു ഭാഗമൊഴിച്ച് സ്ലാബിടുകയും ചെയ്തിട്ടുണ്ട്. എൻ.സി.സി റോഡിന്റെ ഓവുചാലിന്റെ സ്ലാബിടൽ പ്രവൃത്തി രണ്ടുഭാഗത്ത് രണ്ട് കരാറുകാരാണ് എടുത്തിരുന്നത്. ഇവർ തമ്മിലുള്ള അതിർത്തി തർക്കമാണ് ചെറിയൊരു ഭാഗം മാത്രം സ്ലാബിടാത്തതിനു കാരണമെന്നാണ് പരിസരവാസികൾ പറയുന്നത്. കൈവരികൾ തീർത്ത ഭംഗിയുള്ള നടപ്പാതയിലൂടെ നടന്നു വരുമ്പോഴാണ് അപ്രതീക്ഷിതമായി സ്ലാബില്ലാത്ത ഭാഗത്തേക്കെത്തുക. ഇതിനകം നിരവധി പേർക്ക് ഇവിടെ…
Read MoreCategory: Kannur
വിജയത്തിൽ ആഹ്ലാദിക്കാൻ അശ്വിനില്ല; ഹൃദയംതകർന്ന് കുടുംബവും സഹപാഠികളും
ഇരിട്ടി: പ്ലസ്ടു പരീക്ഷാഫലം അറിഞ്ഞപ്പോൾ കോളിക്കടവ് പട്ടാരത്തിലെ മാമൂട്ടിൽ ഷാജിയും ഭാര്യ ഷീജയും മകന്റെ ഓർമയിൽ പൊട്ടിക്കരയുകയാണ്. കഴിഞ്ഞ എപ്രിൽ 28നാണ് കിളിയന്തറ സെന്റ് തോമസ് ഹയർ സെക്കൻഡറി സ്കൂൾ പ്ലസ്ടു വിദ്യാർഥിയായിരുന്ന മൂത്ത മകൻ അശ്വിൻ (17) വിടിനടുത്തെ പട്ടാരംപുഴയിൽ കൂട്ടുകാരുമൊത്ത് കുളിക്കുന്നതിനിടെ മുങ്ങി മരിച്ചത്. കരൾപിളർക്കുന്ന വേദനയിൽ കഴിയുന്പോഴാണ് അശ്വിന്റെ പ്ലസ്ടു പരീക്ഷയുടെ റിസൾട്ട് ഇന്നലെയെത്തിയത്. സയൻസ് ഗ്രൂപ്പിൽ നാല് എ പ്ലസും രണ്ടു എയുമാണ് അശ്വിൻ നേടിയത്. മകന്റെ മികച്ച വിജയമറിഞ്ഞ് പൊട്ടിക്കരയുന്ന മാതാപിതാക്കളെയും സഹോദരങ്ങളെയും ആശ്വസിപ്പിക്കാൻ കുടുംബാംഗങ്ങൾക്കും ബന്ധുക്കൾക്കും നാട്ടുകാർക്കും വാക്കുകളില്ല. തങ്ങളുടെ വിജയത്തിൽ ആഹ്ളാദിക്കാനാവാതെ നൊന്പരപ്പെടുകയാണ് പ്രിയ കൂട്ടുകാരന്റെ ദുരന്തത്തിൽ വിറങ്ങലിച്ചുപോയ സഹപാഠികൾ. പഠനത്തിൽ മാത്രമല്ല ശാസ്ത്രാഭിരുചിയിലും മികവു തെളിയിച്ച വിദ്യാർഥിയായിരുന്നു അശ്വിൻ. ശാസ്ത്രമേളകളിൽ നിരവധി സമ്മാനങ്ങൾ വാരിക്കൂട്ടിയിരുന്നു.
Read Moreമാഹിയിലെ ഇരട്ടക്കൊലപാതകം; ‘ബാബുവധം; ഉന്നതതല ഗൂഢാലോചന, ഷമേജ് വധം; പ്രാദേശിക ഗൂഢാലോചന
തലശേരി/മാഹി: പള്ളൂരിലെ സിപിഎം ലോക്കൽ കമ്മിറ്റിയംഗം കണ്ണിപ്പൊയിൽ ബാബുവിന്റെ കൊലയ്ക്ക് പിന്നിൽ പ്രഫഷനൽ കൊലയാളി സംഘമെന്നാണ് അന്വേഷണസംഘത്തിനു ലഭിച്ചിരിക്കുന്ന സൂചന. ഇതിനു പിന്നിൽ ഉന്നതതല ഗൂഢാലോചനയുണ്ടെന്ന നിഗമനവും അന്വേഷണ സംഘത്തിനുണ്ട്. അതേസമയം പെരിങ്ങാടി ഈച്ചിയിലെ ആർഎസ്എസ് പ്രവർത്തകൻ കെ.പി. ഷമേജിന്റെ കൊലപാതകത്തിന് പിന്നിൽ പ്രാദേശിക സിപിഎം പ്രവർത്തകരാണെന്ന പ്രാഥമിക നിഗമനത്തിലാണ് അന്വേഷണ സംഘം. തിങ്കളാഴ്ച രാത്രി ഒമ്പതോടെയാണ് പള്ളൂർ കൊയ്യോടൻ ക്ഷേത്രത്തിനു സമീപത്തെ റോഡിൽ ബാബു വെട്ടേറ്റു മരിച്ചത്. ബാബു കൊല്ലപ്പെട്ട് അരമണിക്കൂറിനകം ന്യൂമാഹിയിൽ ഷമേജും ആക്രമിക്കപ്പെടുകയും പിന്നീട് മരിക്കുകയും ചെയ്തു. ബാബു കൊല്ലപ്പെട്ട സംഭവത്തിന്റെ തിരിച്ചടിയാണ് ഷമേജിന്റെ കൊലപാതകമെന്നാണ് എഫ്ഐആറിലുള്ളത്. ഉന്നതതല ഗൂഢാലോചന നടത്തി ഷമേജിനെ കൊലപ്പെടുത്താനുള്ള സമയം ലഭിക്കാനിടയില്ലെന്നതാണ് ഈ കൊലയിൽ പ്രാദേശിക സിപിഎം പ്രവർത്തകരെ കേന്ദ്രീകരിച്ച് അന്വേഷണം നടത്താൻ പ്രേരിപ്പിക്കുന്നത്. ഇക്കാരണത്താൽ പരിസര പ്രദേശങ്ങളിലെ പ്രവർത്തകരെ പ്രധാനമായും കേന്ദ്രീകരിച്ചാണ് തലശേരി സിഐ കെ.ഇ.…
Read Moreഗായകൻ ജോയി പീറ്റർ ട്രെയിൻ തട്ടി മരിച്ചനിലയിൽ; വ്യാഴാഴ്ച രാത്രി 8.30 ഓടെ മാക്കൂട്ടത്താണ് സംഭവം.
തലശേരി: പ്രമുഖ ഗായകനും മെലഡി മെയ്ക്കേഴ്സ് ഓർക്കസ്ട്ര സ്ഥാപക അംഗവും ചാലിൽ സ്വദേശിയുമായ ഈങ്ങയിൽ പീടികയിലെ ജോയി പീറ്റർ (55) ട്രെയിൻ തട്ടിമരിച്ചു. ഇന്നലെ രാത്രി 8.30 ഓടെ മാക്കൂട്ടത്താണ് സംഭവം. മൃതദേഹം മാഹി ഗവ. ആശുപത്രി മോർച്ചറിയിൽ. വിദേശത്തും സ്വദേശത്തുമായി നൂറുകണക്കിനു വേദികളിൽ ഗാനമേള അവതരിപ്പിച്ചിട്ടുണ്ട്. ഭാര്യ: റാണി (ഗായിക). മക്കൾ: ജിതിൻ, റിതിൻ.
Read Moreകണ്ണൂർ-കാസർഗോഡ് ജില്ലകളിലെ മലയോര മേഖലകളെ ബന്ധിപ്പിച്ച് കെഎസ്ആർടിസി മംഗളൂരു സർവീസ്
പെരുമ്പടവ്: കണ്ണൂർ-കാസർഗോഡ് ജില്ലകളിലെ മലയോര മേഖലയെ ബന്ധിപ്പിച്ച് കെഎസ്ആർടിസി മംഗളൂരു സർവീസ് ആരംഭിച്ചു. മലയോര മേഖലയിൽ കൂടി മംഗളൂരുവിലേക്ക് സർവീസ് ആരംഭിച്ച കെഎസ്ആർടിസി ബസിന് വിവിധ സ്ഥലങ്ങളിൽ നാട്ടുകാർ ഊഷ്മളമായ സ്വീകരണം നൽകി. ചപ്പാരപ്പടവ്, എടക്കോം, തലവിൽ, പെരുമ്പടവ്, പച്ചാണി, തിമിരി, ചെറുപാറ എന്നിവിടങ്ങളിലാണ് വ്യാപാരികളുടെയും ജനപ്രതിനിധികളുടെയും സാമൂഹ്യ സംഘടനകളുടെയും നാട്ടുകാരുടെയും നേതൃത്വത്തിൽ സ്വീകരണം ഒരുക്കിയത്. ജയിംസ് മാത്യു എംഎൽഎ ഇടപെട്ടാണ് ദീർഘദൂര ബസ് സർവീസ് അനുവദിച്ചത്. ചപ്പാരപ്പടവിൽ നടന്ന സ്വീകരണ യോഗം പഞ്ചായത്ത് പ്രസിഡന്റ് എം.മൈമൂനത്ത് ഉദ്ഘാടനം ചെയ്തു. വികസനകാര്യ സ്റ്റാൻഡിംഗ് കമ്മിറ്റി ചെയർമാൻ പി.കെ.സത്യൻ അധ്യക്ഷത വഹിച്ചു. പെരുമ്പടവിൽ നടന്ന സ്വീകരണ യോഗം എരമം -കുറ്റൂർ പഞ്ചായത്ത് പ്രസിഡന്റ് കെ.സത്യഭാമ ഉദ്ഘാടനം ചെയ്തു. പഞ്ചായത്ത് അംഗങ്ങളായ കെ.പി.കുഞ്ഞികൃഷ്ണൻ, ജോസഫ് കോട്ടത്തറ, ടി.വി.അനീഷ്, മലയോര ബസ് പാസഞ്ചേഴ്സ് അസോസിയേഷൻ കൺവീനർ എം.വി.രാജു എന്നിവർ പ്രസംഗിച്ചു. ജയിംസ്…
Read Moreകണ്ണൂരിൽ അക്രമ രാഷ്ട്രീയത്തിന് തുടക്കമിട്ടത് പിണറായി; രാഷ്ട്രീയ കൊലപാതക പരമ്പര ആരംഭിച്ചിട്ട് 40 വര്ഷത്തേളമായെന്ന് മുല്ലപ്പള്ളി
തലശേരി: കണ്ണൂര് ജില്ലയിലെ അക്രമ രാഷ്ട്രീയത്തിന് തുടക്കമിട്ടത് മുഖ്യമന്ത്രി പിണറായി വിജയനെന്ന് മുല്ലപ്പള്ളി രാമചന്ദ്രന്. ഇത് ആര്ക്കും തന്നെ നിഷേധിക്കാനാവില്ല. അതുകൊണ്ട് അദ്ദേഹം തന്നെസമാധാനത്തിന് മുന്കകൈയെക്കണമെന്നും അദ്ദേഹം പറഞ്ഞു. തലശേരിയില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. മുഖ്യമന്ത്രിയുടെ ആത്മ സുഹൃത്തായ കുമ്മനം രാജശേഖരനുമായി ഫോണില് ബന്ധപ്പെട്ടാലും ഈ പ്രശ്നത്തിന് പരിഹാരം കാണാന് സാധിക്കും. എന്നിട്ടും തീരുന്നില്ലെങ്കില് കമ്യൂണിസ്റ്റ് മാര്ക്സിസ്റ്റു പാര്ട്ടിയുടെയും ബിജെപിയുടെയും പശ്ചിമ ബംഗാള് ഘടകവുമായി ബന്ധപ്പെട്ടാല് സാധി ക്കുമെന്നും മുല്ലപ്പള്ളി പരിഹസിച്ചു. കണ്ണൂര് ജില്ല തികച്ചും രാഷ്ട്രീയ ക്രിമിനലുകളുടെ കേന്ദ്രമായി മാറിയിരിക്കുകയാണ്. കൊലപാതകത്തെക്കുറിച്ച് സംസാരിക്കുന്ന സിപിഎമ്മും ബിജെപിയും ഒരു പോലെ ഉത്തരവാധികളാണ്. രണ്ടു പാര്ട്ടികളെയും ഒരു നാണയത്തിന്റെ ഇരു വശങ്ങളായി മാത്രമെ കാണാന് സാധിക്കുകയുള്ളൂവെന്നും മുല്ലപ്പള്ളി പറഞ്ഞു. ഇനിയെങ്കിലും ആയുധമെടുത്തുള്ള രാഷ്ട്രീയം ഇരു വരും അവസാനിപ്പിക്കേണ്ട സമയം അതിക്രമിച്ചിരിക്കുകയാണ്. ഇരു പാര്ട്ടിയിലും പെട്ട നേതാക്കളുടെ കുടുംബത്തിലെ കുട്ടികള്…
Read Moreഉഭയകക്ഷി സമാധാന ചർച്ച ജനങ്ങളെ വിഢികളാക്കുന്ന പൊറാട്ട് നാടകം: സതീശൻ പാച്ചേനി
കണ്ണൂർ: മാഹിയിലെ ഇരട്ടക്കൊലപാതകത്തിന്റെ പശ്ചാത്തലത്തിൽ ജില്ലാ കളക്ടർ വിളിച്ച് ചേർക്കുന്ന ഉഭയകക്ഷി സമാധാന ചർച്ച ജനങ്ങളെ വിഢികളാക്കുന്ന വെറും പൊറാട്ട് നാടകമാണെന്ന് ഡിസിസി പ്രസിഡന്റ് സതീശൻ പാച്ചേനി. കൊലപാതകം നടക്കുമ്പോഴൊക്കെ ജനങ്ങളുടെ കണ്ണിൽ പൊടിയിടാനുള്ള ഈ നാടകം ഭരണകൂടത്തിന്റെ ഭാഗത്ത് നിന്ന് വഴിപാട് പോലെ ഉണ്ടായിക്കൊണ്ടിരിക്കുന്നു. കൊലപാതകങ്ങൾക്ക് മാത്രം യാതൊരു ശമനവുമില്ല. സിപിഎമ്മിനെയും ആർഎസ്എസിനെയും കൊണ്ട് ആയുധം ഉപേക്ഷിപ്പിക്കാൻ ഇത്തരം ഗിമ്മിക്കുകൾ കൊണ്ടൊന്നും സാധ്യമാവുന്നുമില്ല.ജില്ലാ കളക്ടർ തന്റെ അധികാരം ഉപയോഗിച്ച് കില്ലർ സംഘങ്ങളെയും കൊലപാതകത്തിന് നിർദ്ദേശം നല്കുന്ന കില്ലർ സംഘങ്ങളുടെ സംരക്ഷകരെയും ജയിലിടക്കാൻ നിയമത്തിന്റെ വഴി ഉപയോഗിക്കുന്നതാണ് കൂടുതൽ അഭികാമ്യമായിട്ടുള്ളത്. ക്രിമിനലുകളെ അമർച്ച ചെയ്യാൻ സ്വതന്ത്രമായി പ്രവർത്തിക്കാൻ പോലീസിനെ വിടാതെ കില്ലർ സ്ക്വാഡുകളുടെ സംരക്ഷകരെന്ന് ജനം വിശ്വസിക്കുന്നവരെ ഉഭയകക്ഷി സമാധാനത്തിന് വിളിക്കുന്ന സമയത്ത് ക്രിമിനലുകളെ പിടികൂടാനും പാർട്ടി ഗ്രാമങ്ങളിലെ ആയുധസംഭരണ കേന്ദ്രങ്ങൾ റെയ്ഡ് ചെയ്യാനും പോലിസിന് നിർദ്ദേശം…
Read Moreബാബുവിനെ കൊന്നത് പുതുച്ചേരി പോലീസിന്റെ ഒത്താശയോടെ: കോടിയേരി ബാലകൃഷ്ണൻ
മാഹി: പുതുച്ചേരി പോലീസിന്റെ ഒത്താശയോടെയാണ് ബാബുവിനെ കൊന്നതെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. പള്ളൂരിൽ കൊല്ലപ്പെട്ട സിപിഎം ലോക്കൽ കമ്മിറ്റിയംഗം കണ്ണിപ്പൊയിൽ ബാബുവിന്റെ വീട് സന്ദർശിച്ച ശേഷം മാധ്യമ പ്രവർത്തകരോട് സംസാരിക്കുകയായിരുന്നു കോടിയേരി. കണ്ണൂരിൽ തുടരുന്ന സംഘർഷാവസ്ഥ മാഹിയിലേക്കും വ്യാപിപ്പിക്കാൻ ആർഎസ്എസ് ശ്രമം നടത്തുകയാണെന്നും കോടിയേരി പറഞ്ഞു. ഇതിനെതിരേ സർക്കാർ ശക്തമായ നടപടി സ്വീകരിക്കണം. സിപിഎം നേതാക്കന്മാരുടെ വീടുകൾക്കുനേരേ വ്യാപകമായ അക്രമം ആർഎസ്എസുകാർ നടത്തുകയാണ്. ഇത് നൽകുന്ന സന്ദേശം നേതാക്കന്മാർപോലും സുരക്ഷിതരല്ലയെന്നതാണ്. എത്രതന്നെ പ്രകോപനം ഉണ്ടായാലും വീടുകൾക്കുനേരേ അക്രമമുണ്ടാകാൻ പാടുള്ളതല്ല. അത് ഏത് പാർട്ടി നടത്തിയാലും തെറ്റാണ്. മാഹി മേഖലയിൽ നിലനിൽക്കുന്ന സംഘർഷാവസ്ഥയ്ക്ക് ചർച്ച നടത്തി ജനങ്ങളുടെ വിശ്വാസം വീണ്ടെടുക്കണം. അതിന് സിപിഎം മുൻകൈയെടുക്കും. പുതുച്ചേരി ഗവർണറെ തങ്ങൾക്ക് വിശ്വാസമില്ല. അവിടെ നടക്കുന്നത് ഗവർണർ ഭരണമല്ല. പുതുച്ചേരി മുഖ്യമന്ത്രി നാരായണസ്വാമി പ്രശ്നത്തിൽ ഇടപെട്ട് സമാധാനത്തിന് പരിഹാരം…
Read Moreഅഡ്മിറ്റാവുന്ന രോഗികളുടെ കുറവ് ; പരിയാരം മെഡിക്കല് കോളജില് എംബിബിഎസ് അഡ്മിഷന് തുലാസിൽ
പരിയാരം: പരിയാരം മെഡിക്കല് കോളജില് എംബിബിഎസ് അഡ്മിഷന് തുലാസില്. ഇന്ത്യന് മെഡിക്കല് കൗണ്സില് (ഐഎംസി) അഡ്മിറ്റാവുന്ന രോഗികളുടെ കുറവ് മൂലം രണ്ട് തവണ നിഷേധിച്ച അംഗീകാരം പുനഃസ്ഥാപിച്ചു കിട്ടുന്നതിന് മെഡിക്കല് കോളജ് അധികൃതര് ഇതുവരെ യാതൊരു നടപടികളും സ്വീകരിച്ചിട്ടില്ലെന്ന് ബന്ധപ്പെട്ട കേന്ദ്രങ്ങള് പറഞ്ഞു. രോഗികളുടെ കുറവ് പരിഹരിക്കുന്നതിന് ഒരവസരം കൂടി ഐഎംസി നല്കിയിട്ടുണ്ടെങ്കിലും അത് സംബന്ധിച്ച് വ്യക്തമായി ഒരു കത്ത് നല്കാന് പോലും മെഡിക്കല് കോളജ് അധികൃതര് ഇതുവരെ തയാറായിട്ടില്ല. ഉടന് ഐഎംസി അംഗീകാരം ലഭിക്കാത്തപക്ഷം ഈ വര്ഷം ജൂണില് 100 സീറ്റുകളിലേക്കുള്ള എംബിബിഎസ് അഡ്മിഷന് നടക്കില്ലെന്നാണ് സൂചന. കഴിഞ്ഞ രണ്ടുതവണയും ഐഎംസി പ്രതിനിധികള് പരിശോധനക്ക് എത്തിയപ്പോള് ഉണ്ടായിരുന്നതിനേക്കാള് രോഗികളുടെ കുറവാണ് ഇപ്പോള് ആശുപത്രിയില് അനുഭവപ്പെടുന്നത്. സര്ക്കാര് ഏറ്റെടുത്തു എന്ന് പ്രഖ്യാപനം നടത്തിയെങ്കിലും യാതൊരുവിധ ചികിത്സാ ആനുകൂല്യങ്ങളും ലഭിക്കാത്തതിനാല് രോഗികള് ആശുപത്രിയെ കൈയൊഴിയുന്ന അവസ്ഥയാണിപ്പോള്. നേരത്തെ പരാതികള്…
Read Moreലേഡീസ് കംമ്പാർട്ടുമെന്റിൽ പുരുഷൻമാർ; പരശുറാമിൽ വാക്കേറ്റം; വാതിൽപ്പടിയിൽ നിന്ന് കയറുകയും ഇറങ്ങുകയും ചെയ്യുന്ന സ്ത്രീകളെ ശല്യം ചെയ്യുന്നത് സ്ഥിരം പരിപാടിയെന്ന് സ്ത്രീകൾ
കണ്ണൂർ: പരശുറാം എക്സ്പ്രസിലെ സ്ത്രീകളുടെ കന്പാർട്ടുമെന്റിൽ പുരുഷൻമാർ കയറിയതിനെ തുടർന്ന് വാക്കേറ്റവും ബഹളവും. ഇന്ന് രാവിലെയാണ് സംഭവം. തിരുവനന്തപുരത്തേക്ക് പുറപ്പെട്ട ട്രെയിൻ കണ്ണൂരിൽ എത്തിയപ്പോൾ 10 യാത്രക്കാർ ഏഴാമത്തെ കോച്ചിൽ കയറുകയായിരുന്നു. ഇതേത്തുടർന്ന് യാത്രക്കാരായ സ്ത്രീകൾ തലശേരിയിൽ എത്തിയപ്പോൾ പരാതി പറഞ്ഞു.എന്നിട്ടും യാത്രക്കാർ കന്പാർട്ട്മെന്റിൽ നിന്ന് മാറാൻ തയ്യാറായില്ല. ഇതോടെ സീസൺ യാത്രക്കാരായ പുരുഷൻമാർ രംഗത്തെത്തി മാഹി റെയിൽവെ സ്റ്റേഷൻ മാസ്റ്ററോട് പരാതിപ്പെട്ടു. ഇതോടൊപ്പം സ്ത്രീകൾ ഒറ്റക്കെട്ടായി പ്രതിഷേധം ഉയർ ത്തുകയും ചെയ്തതോടെ പുരുഷൻമാർ ഓരോരുത്തരായി കന്പാർട്ടുമെന്റിൽ നിന്നും മാറി. വിവരമറിഞ്ഞ് റെയിൽവേ പോലീസ് എത്തി പരിശോധന നടത്തി. ട്രെയിൻ പുറപ്പെടുന്ന നേരംനോക്കി ലേഡീസ് കന്പാർട്ടുമെന്റിൽ കയറുകയും സോറി പ്രകടിപ്പിച്ച് തൊട്ടടുത്ത സ്റ്റേഷൻ വരെ യാത്ര ചെയ്യുകയും ഇപ്പോൾ പതിവാണെന്ന് യാത്രക്കാർ പറഞ്ഞു. വാതിൽപ്പടിയിൽ കയറി നിന്ന് കയറുകയും ഇറങ്ങുകയും ചെയ്യുന്ന സ്ത്രീ യാത്രക്കാരെ ശല്യപ്പെടുത്തുന്നതും പതിവാണ്.
Read More