വൈശാഖിന്റെ സംവിധാനത്തിൽ പൃഥ്വിരാജ് സുകുമാരൻ നായകനായെത്തുന്ന ആക്ഷൻ ത്രില്ലർ ബിഗ് ബഡ്ജറ്റ് ചിത്രം ഖലീഫയിലെ നായികയെ തെരഞ്ഞ് സോഷ്യൽ മീഡിയ. തെന്നിന്ത്യൻ താരം മാളവിക ശർമയാണ് പൃഥ്വിരാജിന്റെ നായികയായി എത്തുന്നത്. ചിത്രത്തിലെ അസലായവളേ… എന്ന ഗാനത്തിന്റെ ലിറിക്കൽ വീഡിയോ പുറത്തുവിട്ടുകൊണ്ടാണ് മാളവികയെ അണിയറ പ്രവത്തകർ പരിചയപ്പെടുത്തിയത്.
ജേക്സ് ബിജോയ് സംഗീതം പകർന്ന ഗാനത്തിന്റെ വീഡിയോ നേരത്തെ തന്നെ അണിയറ പ്രവർത്തകർ റിലിസ് ചെയ്തിരുന്നു. ജേക്സ് ബിജോയ്-സിദ് ശ്രീറാം കൂട്ടുകെട്ടിൽ പിറന്ന ഗാനത്തിന് വരികൾ രചിച്ചത് മുത്തുവാണ്. സിദ് ശ്രീറാമും മഖ്ബൂൽ മൻസൂറും ചേർന്ന് ആലപിച്ച ഗാനം ഇതിനോടകം മൂന്നു മില്യണിലധികം വ്യൂവ്സാണ് കരസ്ഥമാക്കിയത്. ഗാനം റീൽസുകളിലും വൻ ട്രെൻഡിംഗ് ആയി തുടരുകയാണ്. പതിനായിരത്തോളം റീൽസുകൾ ഇതിനോടകം തന്നെ പുറത്തിറങ്ങി.
കൂടാതെ, സ്പോട്ടിഫൈയിലും ദിവസേന ഒരു ലക്ഷത്തിന് മുകളിൽ വ്യൂസ് ലഭിക്കുന്നുണ്ട്. ഓണം റിലീസായി 20ന് ചിത്രം തിയറ്ററുകളിലെത്തും. ജിനു ഏബ്രഹാമിന്റേതാണ് തിരക്കഥ. 2018ൽ പുറത്തിറങ്ങിയ നേല ടിക്കറ്റ് എന്ന തെലുങ്ക് ചിത്രത്തിലൂടെയാണ് മാളവിക ശർമ അഭിനയ രംഗത്ത് ചുവട് വയ്ക്കുന്നത്. അതിന് ശേഷം തമിഴ് ചിത്രം “കോഫി വിത്ത് കാതൽ’ലും 2024ൽ തെലുങ്ക് ആക്ഷൻ ഡ്രാമ “ഹരോം ഹര’യിലും സുപ്രധാന വേഷങ്ങളിലെത്തി. “ഖലീഫ’ മാളവികയുടെ ആദ്യ മലയാള സിനിമയാണ്. അഭിനയത്രി എന്നതിന് പുറമെ മാളവിക ശർമ ഒരു അഭിഭാഷക കൂടിയാണ്.
മാമ്പറയ്ക്കൽ ആമിർ അലി എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. മാമ്പറയ്ക്കൽ അഹമ്മദ് അലിയായ് അതിഥി വേഷത്തിൽ മലയാളത്തിന്റെ ലെജൻഡ് മോഹൻലാലും എത്തുന്നു. ജിനു ഇന്നോവേഷൻസിന്റെ ബാനറിൽ ജിനു വി. ഏബ്രഹാമാണ് ചിത്രം നിർമിക്കുന്നത്. സൂരജ് കുമാർ, ശ്രീലാൽ സൂരപാണി, സിജോ സെബാസ്റ്റ്യൻ എന്നിവരാണ് സഹനിർമാതാക്കൾ.
പോക്കിരി രാജയ്ക്കു ശേഷം വൈശാഖും പൃഥ്വിരാജും ഒന്നിക്കുന്ന ഈ ചിത്രം ലണ്ടൻ, ദുബായ്, കേരളം, നേപ്പാൾ എന്നിവിടങ്ങളിലെ വിവിധ ലൊക്കേഷനുകളിൽ ആയാണ് ചിത്രീകരിച്ചത്. ആദം ജോൺ, ലണ്ടൻ ബ്രിഡ്ജ്, മാസ്റ്റേഴ്സ്, കടുവ എന്നീ സിനിമകൾക്കു ശേഷം ജിനു ഏബ്രഹാം-പൃഥ്വിരാജ് ടീം ഒന്നിച്ച ചിത്രം കൂടിയാണ് ഖലീഫ.
ഛായാഗ്രഹണം-ജോമോൻ ടി. ജോൺ, സംഗീതം-ജേക്സ് ബിജോയ്, എഡിറ്റിംഗ്-ചമൻ ചാക്കോ, പ്രൊഡക്ഷൻ ഡിസൈനർ-മോഹൻദാസ്, ആക്ഷൻ-യാനിക്ക് ബെൻ, ഫീനിക്സ് പ്രഭു, ചേതൻ ഡിസൂസ, കോ ഡയറക്ടർ-സുരേഷ് ദിവാകർ, എക്സിക്യൂട്ടീവ് പ്രൊഡ്യൂസർ-ഷൈൻ വർഗീസ്, കോസ്റ്റ്യൂംസ്-മഷർ ഹംസ, കലാസംവിധാനം-വിശ്വനാഥ് അരവിന്ദ്, മേക്കപ്പ്-അമൽ ചന്ദ്രൻ, സൗണ്ട് ഡിസൈൻ-സിങ്ക് സിനിമ, അഡീഷണൽ മ്യൂസിക്-ജാബിർ സുലൈം, ഫൈനൽ മിക്സ്-എം.ആർ. രാജാകൃഷ്ണൻ, പ്രൊഡക്ഷൻ കൺട്രോളർ-റെനി ദിവാകർ, വിനോഷ് കൈമൾ, കളറിസ്റ്റ്-ശ്രീക്ക് വാര്യർ, പോസ്റ്റർ ഡിസൈൻ-എയ്സ്തെറ്റിക്ക് കുഞ്ഞമ്മ, ഡിഐ-കളർ പ്ലാനറ്റ്, വിഎഫ്എക്സ്-പ്രശാന്ത് നായർ (3ഡിഎസ്), പ്രൊമോഷൻസ് ആൻഡ് മാർക്കറ്റിംഗ്-വിപിൻ കുമാർ പൊഫാറ്റിയോ, സ്റ്റിൽസ്-സിനറ്റ് സേവ്യർ, പിആർഒ-ശബരി.
