മാഹി: സിപിഎം മാഹി ലോക്കൽ കമ്മിറ്റിയംഗം പള്ളൂർ നാലുതറ കണ്ണിപ്പൊയിൽ ബാബു (45), ആർഎസ്എസ് പ്രവർത്തകൻ പെരിങ്ങാടി ഈച്ചി ഉന്പാറക്കചെള്ളയിൽ ഷമേജ് (41) എന്നിവർ കൊല്ലപ്പെട്ട സംഭവത്തിൽ പോലീസ് അന്വേഷണം ഊർജിതമാക്കി. ഇരുവരെയും കൊലപ്പെടുത്തിയത് വിദഗ്ധ പരിശീലനം നേടിയവരെന്നാണ് പോസ്റ്റ്മോർട്ടം റിപ്പോർട്ട് നൽകുന്ന സൂചനകൾ. സിപിഎം നേതാവ് കണ്ണിപ്പൊയിൽ ബാബുവിന്റെ മരണകാരണമായ ആഴത്തിലുള്ള രണ്ട് മുറിവുകളാണ് വിദഗ്ധ പരിശീലനം നേടിയവരിലേക്ക് വിരൽചൂണ്ടുന്നത്. കൊലപ്പെടുത്തണമെന്ന ഉദ്യേശത്തോടെ കൃത്യമായതും ആഴത്തിലുള്ളതുമായ പ്രധാനമായ രണ്ട് വെട്ടുകളാണ് ബാബുവിന്റെ ശരീരത്തിലുള്ളതായാണ് പോസ്റ്റ്മോർട്ടം റിപ്പോർട്ടിലുള്ളത്. കണ്ണൂരിൽ നിന്നുള്ള രാഷ്ട്രീയ ക്രിമിനൽസംഘങ്ങളിലേക്കാണ് അന്വേഷണം. പുതുച്ചേരി ഡിജിപി സുനിൽ കുമാർ ഗൗതം, എസ്എസ്പി അപൂർവ ഗുപ്ത എന്നിവർ ഇന്ന് മാഹിയിൽ എത്തുന്നുണ്ട്. മാഹി സിഐ ഷൺമുഖത്തിനാണ് അന്വേഷണ ചുമതല. എട്ടംഗ ആർഎസ്എസ് പ്രവർത്തകർക്കെതിരേയാണ് നിലവിൽ കേസെടുത്തിരിക്കുന്നത്. മാഹി എസ്പി ആർ.രാധാകൃഷ്ണ അവധിയിൽ ആയതിനാൽ പകരക്കാരനായി പുതുച്ചേരിയിൽ നിന്ന…
Read MoreCategory: Kannur
മാഹിയില് കൊലയ്ക്കു പകരം കൊല ഇതു രണ്ടാംതവണ; സമാന കൊലപാതകം നടന്നത് ഒന്പത് വര്ഷങ്ങള്ക്ക് മുമ്പ്; 2009 ജനുവരി 18 നായിരുന്നു ആ സംഭവം….
മാഹി: ഒൻപത് വർഷങ്ങൾക്ക് മുന്പു നടന്ന രാഷ്ട്രീയ ഇരട്ടക്കൊലയ്ക്കു സമാന കൊലപാതകം നടന്നതിന്റെ ഞെട്ടലിലാണ് മാഹിയും പരിസരവും. കൊലയ്ക്കു പകരം കൊലയെന്ന രീതി മാഹിയിൽ ഇതു രണ്ടാം തവണയാണ് നടക്കുന്നത്. സിപിഎം പ്രവർത്തകനായ കണ്ണിപ്പൊയിൽ ബാബുവിനും ബിജെപി പ്രവർത്തകനായ ഷമേജിനും ജീവൻ നഷ്ടപ്പെട്ടതിനു സമാനമായിരുന്നു ഒൻപതു വർഷം മുന്പ് നടന്ന കൊലപാതകങ്ങളും. 2009 ജനുവരി 18നായിരുന്നു ആ സംഭവം. മാഹി പന്തക്കലിലെ സിപിഎം പ്രവർത്തകൻ ഇ.പി. രവീന്ദ്രൻ, ബിജെപി പ്രവർത്തകനായ പന്തക്കാട്ടിൽ പറന്പത്ത് സുരേഷ് ബാബു എന്നിവർക്കായിരുന്നു അന്നു ജീവൻ നഷ്ടപ്പെട്ടത്. ഹോട്ടൽ വ്യാപാരിയായിരുന്ന ഇ.പി. രവീന്ദ്രനെ രാത്രി 7.30ഓടെ ഹോട്ടലിൽ കയറി ഒരു സംഘം വെട്ടിക്കൊലപ്പെടുത്തുകയായിരുന്നു. ഇതിനു പകരമെന്നോണമാണ് മണിക്കൂറുകൾക്കകം സുരേഷ് ബാബുവിനെ കൊലപ്പെടുത്തിയത്. രാത്രി 9.30 ഓടെ സുരേഷ് ബാബുവിന്റ വീട്ടിൽ എത്തിയ അക്രമിസംഘം വാതിലുകൾ തകർത്ത് അകത്തുകടന്ന് വെട്ടിക്കൊല്ലുകയായിരുന്നു. ഈ കേസിന്റെ വിചാരണ…
Read Moreകണ്ണൂരിൽ ബിജെപി ഓഫീസിന് തീവച്ചു; പിന്നിൽ സിപിഎം പ്രവർത്തകരാണെന്ന് ബിജെപി
കണ്ണൂർ: മാഹിക്ക് സമീപം പള്ളൂരിൽ ബിജെപി ഓഫീസിന് നേരെ അജ്ഞാതരുടെ ആക്രമണം. ഓഫീസ് കെട്ടിടത്തിന് അക്രമി സംഘം തീവച്ചു. ഫയർഫോഴ്സ് സ്ഥലത്തെത്തി തീയണച്ചു. ഓഫീസിന് മുന്നിൽ നിർത്തിയിട്ടിരുന്ന പോലീസ് ജീപ്പും അക്രമി സംഘം അടിച്ചു തകർത്തു. സംഭവത്തിന് പിന്നിൽ സിപിഎം പ്രവർത്തകരാണെന്ന് ബിജെപി പ്രാദേശിക നേതാക്കൾ ആരോപിച്ചു. തിങ്കളാഴ്ച രാത്രി കൊല്ലപ്പെട്ട സിപിഎം നേതാവ് ബാബുവിന്റെ വിലാപയാത്രയ്ക്കെത്തിയ സംഘമാണ് ആക്രമണത്തിന് പിന്നിലെന്നാണ് സംശയിക്കുന്നത്. സ്ഥലത്ത് പോലീസ് സംഘം ക്യാന്പ് ചെയ്യുന്നുണ്ട്.
Read Moreബാബുവിനെ വെട്ടിയത് പത്തംഗ ആർഎസ്എസ് സംഘം; പ്രതികാരത്തിനിറങ്ങിയത് സിപിഎമ്മിന്റെ എട്ടംഗ സംഘം
മാഹി: സിപിഎം നേതാവ് പള്ളൂർ നാലുതറ കണ്ണിപ്പൊയിൽ ബാബുവിനെ വെട്ടിയത് പത്തംഗ ആർഎസ്എസ് സംഘമാണെന്ന് പോലീസ് സ്ഥിരീകരിച്ചു. ഇതിൽ നാല് ആർഎസ്എസ് പ്രവർത്തകരുടെ പേര് വിവരങ്ങളും പോലീസിന് ലഭിച്ചിട്ടുണ്ട്. ഒ.പി.രജീഷ്, രാജേഷ്, മകനീഷ്, കരിക്കുന്നിൽ സുനി എന്നിവരെയാണ് പോലീസ് തിരിച്ചറിഞ്ഞത്. ഇവരെ കണ്ടെത്താനും ബാക്കിയുള്ളവരെ തിരിച്ചറിയാനുമുള്ള ഊർജിത അന്വേഷണമാണ് പുരോഗമിക്കുന്നത്. 2010-ൽ പെരിങ്ങാടിയിൽ രണ്ടു ആർഎസ്എസ് പ്രവർത്തകർ കൊല്ലപ്പെട്ട സംഭവത്തിന് പിന്നിൽ ഗൂഢാലോചന നടത്തിയത് ബാബുവാണെന്ന് ആരോപിച്ചാണ് കൊലപാതകമെന്ന് പോലീസ് പറഞ്ഞു. ഒരു വർഷം മുൻപും ബാബുവിനെതിരേ വധശ്രമമുണ്ടായെങ്കിലും രക്ഷപെടുകയായിരുന്നു. തിങ്കളാഴ്ച രാത്രി വീട്ടിലേക്ക് പോവുകയായിരുന്ന ബാബുവിനെ വീടിന് തൊട്ടടുത്ത് വച്ച് പതുങ്ങിയിരുന്ന് പത്തംഗ സംഘം ആക്രമിക്കുകയായിരുന്നു. കഴുത്തിന് ആഴത്തിൽ വെട്ടേറ്റ ബാബു ആശുപത്രിയിൽ എത്തുന്നതിന് മുൻപ് മരണത്തിന് കീഴടങ്ങി. ബാബുവിനെ വെട്ടി വീഴ്ത്തിയ ശേഷം അക്രമി സംഘം ബൈക്കുകളിലാണ് രക്ഷപെട്ടതെന്നും പോലീസിന് വിവരം ലഭിച്ചിട്ടുണ്ട്. ബാബു…
Read Moreആർഎസ്എസിന്റെ കണ്ണിൽച്ചോരയില്ലായ്മയുടെ ഏറ്റവും ഒടുവിലെ ഉദാഹരണം; ആർഎസ്എസിനെതിരേ രൂക്ഷ വിമർശനവുമായി തോമസ് ഐസക്
കണ്ണൂർ: മാഹിയിൽ സിപിഎം നേതാവിന്റെ കൊലപാതകത്തിൽ ആർഎസ്എസിനെതിരേ രൂക്ഷ വിമർശനവുമായി മന്ത്രി തോമസ് ഐസക്. കൊലക്കത്തിയേന്തിയ ഭീകര രാഷ്ട്രീയത്തിൽ നിന്നു പിന്മാറാൻ തങ്ങൾ തയ്യാറല്ല എന്ന ആർഎസ്എസിന്റെ കണ്ണിൽച്ചോരയില്ലായ്മയുടെ ഏറ്റവും ഒടുവിലെ ഉദാഹരണമാണ് കണ്ണിപ്പോയിൽ ബാബുവിന്റെ കൊലപാതകമെന്ന് അദ്ദേഹം ഫേസ്ബുക്ക് പോസ്റ്റിൽ കുറിച്ചു. സമാധാന അന്തരീക്ഷം തകർത്ത് സംഘർഷത്തിന്റെ പെരുന്തീയാളുന്ന തെരുവുകളിൽ ചോരയിൽ കുളിച്ച കൊലക്കത്തിയുമേന്തി താണ്ഡവം ചവിട്ടുകയാണ് സംഘപരിവാറിന്റെ ലക്ഷ്യം. അവസാന സിപിഎം പ്രവർത്തകനും വീഴുന്നതുവരെ ഹിംസയുടെ ഈ രാഷ്ട്രീയത്തെ എന്തുവില കൊടുത്തും ചെറുത്തു നിൽക്കേണ്ടതുണ്ടെന്നും തോമസ് ഐസക് പറഞ്ഞു.
Read Moreകണ്ണൂരിലെ രാഷ്ട്രീയ കൊലപാതകങ്ങൾ: പ്രതികളെ തിരിച്ചറിയാനുണ്ടെന്ന് പോലീസ്
കണ്ണൂർ: ജില്ലയിൽ കഴിഞ്ഞ ദിവസം നടന്ന രാഷ്ട്രീയ കൊലപാതങ്ങളിലെ പ്രതികളെ തിരിച്ചറിയാനുണ്ടെന്ന് പോലീസ്. സിപിഎം ലോക്കൽ കമ്മറ്റിയംഗവും മുൻ മാഹി നഗരസഭാ അംഗവുമായിരുന്ന ബാബു കണ്ണിപ്പൊയിൽ, ആർഎസ്എസ് പ്രവർത്തകൻ ഷമേജ് പറമ്പത്ത് എന്നിവരാണ് തിങ്കളാഴ്ച രാത്രി കൊല്ലപ്പെട്ടത്. ഷമേജിനെ എട്ടംഗ സംഘമാണ് കൊലപ്പെടുത്തിയതെന്നു പറഞ്ഞ പോലീസ് നാലംഗ സംഘമാണ് ബാബുവിനെ ആക്രമിച്ചതെന്നും സൂചിപ്പിച്ചു. എന്നാൽ രണ്ട് സംഭവങ്ങളിലെയും പ്രതികളെ സംബന്ധിച്ച് ചില സൂചനകൾ മാത്രമേ ലഭിച്ചിട്ടുള്ളുവെന്നും പോലീസ് വ്യക്തമാക്കി. ബൈക്കിൽ വീട്ടിലേക്ക് പോകുബോൾ പള്ളൂർ കോയ്യോടൻ കോറോത്ത് റോഡിൽ വെച്ചാണ് ഒരു സംഘം ബാബുവിനെ ആക്രമിച്ചത്. ഇതിന് തുടർച്ചയെന്നോണമാണ് മാഹിയിലെ പള്ളൂരിൽ ഷമേജിന് വെട്ടേറ്റത്. മാഹി, പളളൂർ, തലശേരി മേഖലകളിൽ കനത്ത സുരക്ഷയാണ് സംസ്ഥാന പോലീസും പുതുച്ചേരി പോലീസും ഒരുക്കിയിരിക്കുന്നത്. ബാബുവിന്റെ മൃതദേഹം പരിയാരത്തും ഷമേജിന്റെ മൃതദേഹം കോഴിക്കോട് മെഡിക്കൽ കോളജ് മോർച്ചറിയിലുമാണ് സൂക്ഷിച്ചിരിക്കുന്നത്. അതിനിടെ, ബാബുവിന്റെ…
Read Moreകോഴിഫാം ഉടമയെ തെങ്ങിൽ കെട്ടിയിട്ടു മർദിച്ച സംഭവം: പോലീസ് അന്വേഷണം തുടങ്ങി; ഫാം തുറന്നു പ്രവർത്തിക്കരുതെന്നു പറഞ്ഞായിരുന്നു മർദനമെന്നാണു പരാതിക്കാരൻ
മട്ടന്നൂർ: കോഴിഫാം ഉടമയെ തെങ്ങിൽ കെട്ടിയിട്ടു മർദിച്ച സംഭവത്തിൽ മട്ടന്നൂർ പോലീസ് കേസെടുത്ത് അന്വേഷണം ആരംഭിച്ചു. കൊളപ്പയിൽ കോഴിഫാം നടത്തുന്ന ഏച്ചൂർ മുണ്ടേരിയിലെ ഫാത്തിമ മൻസിലിൽ ഒ.കെ. ഫരീദി (30) നെയാണു കെട്ടിയിട്ടു മർദിച്ചത്. പരിക്കേറ്റ ഫരീദ് കണ്ണൂർ ജില്ലാ ആശുപത്രിയിൽ ചികിത്സയിലാണ്. ഇന്നലെ ഉച്ചയ്ക്ക് ഒന്നരയോടെയായിരുന്നു സംഭവം. ഫരീദ് കോഴികൾക്കു തീറ്റ നൽകി വീട്ടിലേക്കു പോകാനിരിക്കെ ഫാമിലെത്തിയ ആറംഗ സംഘം അക്രമം നടത്തിയെന്നാണു പരാതി. ഫരീദ് ധരിച്ച മുണ്ടഴിച്ചാണു ഫാമിനു സമീപത്തുള്ള തെങ്ങിൽ കെട്ടിയിട്ടത്. ഒരു മണിക്കൂറോളം കെട്ടിയിട്ടു മർദിക്കുകയും ഇരുമ്പുപൈപ്പും കല്ലും ഉപയോഗിച്ചു തലയ്ക്കും കാലിനും അടിക്കാൻ ശ്രമിച്ചതായും ഫരീദ് പറയുന്നു. ഒരു മണിക്കൂറിനു ശേഷം സംഘം പോയതിനു ശേഷമാണു കെട്ടഴിച്ചു രക്ഷപ്പെട്ടതെന്നും ആശുപത്രിയിൽ ചികിൽസ തേടിയതെന്നും ഫരീദ് പറഞ്ഞു. കഴിഞ്ഞ ദിവസം കോഴിഫാമിലെത്തിയ സംഘം ഫാമിലെ തൊഴിലാളികളെ മർദിക്കുകയും ഫാം പൂട്ടിയിടുകയും ചെയ്തിരുന്നുവെന്നാണും…
Read Moreയുവാവിനെ പുഴയിൽ മരിച്ചനിലയിൽ കണ്ടെത്തിയ സംഭവം: ദുരൂഹതയെന്ന് പിതാവ്; മൃതദേഹത്തിന്റെ കഴുത്തിൽ തോർത്ത് ചുറ്റിയ നിലയിൽ
ആലക്കോട്: യുവാവിനെ പുഴയിൽ മരിച്ചനിലയിൽ കണ്ടെത്തിയ സംഭവത്തിൽ ദുരൂഹതയെന്ന് പിതാവ്. രയറോം പുളിയിലം കുണ്ട് സ്വദേശി ചിറയിൽ ശ്യാംകുമാറി (23)ന്റെ മൃതദേഹമാണ് രയറോം പുഴയിലെ ചെകുത്താൻ കയത്തിൽ ഇന്നലെ രാവിലെ പത്തോടെ കണ്ടെത്തിയത്. പെയിന്റിംഗ് തൊഴിലാളിയായ ശ്യാമിനെ ശനിയാഴ്ച വൈകുന്നേരത്തോടെ കാണാതായിരുന്നു. നാട്ടുകാർ തെരച്ചിൽ നടത്തുന്നതിനിടെയാണ് ഇന്നലെ വെള്ളത്തിൽ പൊങ്ങി കിടക്കുന്ന നിലയിൽ മൃതദേഹം കാണുന്നത്. പുഴക്കരയിൽ നിന്നും ചെരിപ്പും മൊബൈൽ ഫോണും കണ്ടെത്തിയിരുന്നു. സമീപത്തെ മരത്തിൽ തോർത്ത് കെട്ടിയിരുന്നു. തോർത്തിന്റെ ബാക്കിഭാഗം മൃതദേഹത്തിന്റെ കഴുത്തിലും കണ്ടെത്തി. മരണത്തിൽ ദുരൂഹത ആരോപിച്ചതിനെ തുടർന്ന് പിതാവ് ബാബുവിന്റെ മൊഴി പോലീസ് വിശദമായി രേഖപ്പെടുത്തി. എന്നാൽ, ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. പോസ്റ്റുമോർട്ടത്തിനു ശേഷം മാത്രമേ കൂടുതൽ വിവരങ്ങൾ വ്യക്തമാകുകയുള്ളൂവെന്ന് പോലീസ് അറിയിച്ചു. ആലക്കോട് സർക്കിൾ ഇൻസ്പെക്ടർ ഇ.പി സുരേശനും സംഘവും സ്ഥലത്തെത്തി പരിശോധന നടത്തി.
Read Moreനന്മയുടെ അടയാളപ്പെടുത്തലാവണം രാഷ്ട്രീയ പ്രവർത്തനം: പാണക്കാട് സയ്യിദ് അബ്ബാസലി ശിഹാബ് തങ്ങൾ
പെരുമ്പടവ്: എരുവാട്ടി സിഎച്ച് സൗധം ഉൽഘാടനവും ദമ്മാം കണ്ണൂർ ജില്ലാ കെഎംസിസിയും ശിഹാബ് തങ്ങൾ റിലീഫ് സെല്ലും സംയുക്തമായി നിർമിച്ച ബൈതുറഹ്മ സമർപ്പണവുമായി ബന്ധപ്പെട്ടു മൂന്നു ദിവസങ്ങളിലായി നടന്ന വിപുലമായ പരിപാടി സമാപിച്ചു. കെ.എം. ഷാജി എംഎൽഎ സി.എച്ച്.സൗധം ഉദ്ഘാടനം ചെയ്തു. പൊതു സമ്മേളനം പാണക്കാട് അബ്ബാസലി ശിഹാബ് തങ്ങൾ ഉദ്ഘാടന കർമവും ബൈത്തുറഹ്മ താക്കോൽദാനവും നടത്തി. വി.കെ. അബ്ദുൽ ഖാദർ മൗലവി 12 ാം വയസിൽ ഖുർആൻ മനപാഠമാക്കിയ ഹാഫിസ് ശാഹിദിന് ഉപഹാരം നൽകി. അബ്ദുൽ കരീംചേലേരി, ഇബ്രാഹിംകുട്ടി തിരുവട്ടൂർ, ഇസ്മയിൽ വയനാട്, അബുൽ അസീസ് കെ, അബൂബക്കർ മൗലവി, ഇസ്മയിൽ മാസ്റ്റർ, അലി മംഗര, ലത്തീഫ് ഹാജി, ഉനൈസ്എരുവാട്ടി, ഒ.പി.നജ്മുദ്ധീൻ, എ.എം.റഷീദ് എന്നിവർ പ്രസംഗിച്ചു.
Read Moreദേശീയ സ്വാതന്ത്ര്യസമര പോരാട്ടങ്ങളുടെ ഭാഗമായ പയ്യന്നൂരിലെ പഴയ പോലീസ് സ്റ്റേഷന് സംരക്ഷിത സ്മാരകമാകുന്നു
പയ്യന്നൂര്: ദേശീയ സ്വാതന്ത്ര്യസമര പോരാട്ടങ്ങളുടെ ഭാഗമായി പയ്യന്നൂരില് നടന്ന സമരങ്ങളുടെ ചരിത്ര സ്മാരകമായ പയ്യന്നൂര് പഴയ പോലീസ് സ്റ്റേഷന് കെട്ടിടം സംരക്ഷിത ചരിത്ര സ്മാരകമാക്കുന്നതിന്റെ ഭാഗമായുള്ള നിര്മാണ പ്രവർത്തികള് പൂര്ത്തിയായി. മന്ത്രി രാമചന്ദ്രന് കടന്നപ്പള്ളി കഴിഞ്ഞ ഒക്ടോബര് 21ന് പ്രവൃത്തി ഉദ്ഘാടനം നിര്വഹിച്ചതോടെ പുനരുദ്ധാരണ പ്രവർത്തികളാരംഭിച്ച ചരിത്ര പൈതൃക മന്ദിരം അടുത്തു തന്നെ നാടിനു സമര്പ്പിക്കും. 90 ലക്ഷം രൂപ ചെലവിലാണു പൗരാണിക കെട്ടിടങ്ങളുടെ ശാസ്ത്രീയ സംരക്ഷണ മാനദണ്ഡങ്ങള് അനുസരിച്ചുള്ള പ്രവർത്തികള് നടത്തിയത്. 1910 ല് ഇന്ഡോ-യൂറോപ്യന് ശൈലയി ല് നിര്മിച്ച ഈ കെട്ടിടം തകര്ച്ചയിലേക്കു കൂപ്പുകുത്തിയപ്പോള് പൊളിച്ചു നീക്കാന് ശ്രമങ്ങള് നടന്നിരുന്നതാണ്. എന്നാല് ദേശസ്നേഹികളുടെ ശക്തമായ എതിര്പ്പിനെ തുടര്ന്നാണ് ഈ ശ്രമം ഒഴിവാക്കേണ്ടിവന്നത്. ഒടുവില് ഈ കെട്ടിടം സംരക്ഷിക്കുന്നതിനുള്ള നടപടികളുമായി പുരാവസ്തുവകുപ്പ് മന്ത്രി മുന്നോട്ടുവന്നതിനെ തുടര്ന്നാണു പയ്യന്നൂരിന്റെ ദീര്ഘകാലമായുള്ള ആവശ്യത്തിനു വഴിതെളിഞ്ഞത്. മാര്ച്ച് അവസാനത്തോടെ പുനരുദ്ധാരണ…
Read More