കൊച്ചി: നെടുങ്കണ്ടത്തെ രാജ്കുമാറിന്റെ കസ്റ്റഡി മരണത്തിൽ സിബിഐ അന്വേഷണം വേണമെന്ന് പി.ടി.തോമസ് എംഎൽഎ. പോലീസിനും ആശുപത്രി അധികൃതർക്കും മജിസ്ട്രേറ്റിനും വീഴ്ചകൾ സംഭവിച്ചതായി സംശയിക്കുന്നു. ഇടുക്കി മുൻ എസ്പി കെ.ബി.വേണുഗോപാലിന് എതിരെ നടപടി വേണമെന്നും പി.ടി.തോമസ് പറഞ്ഞു. പോലീസ് അതിക്രമത്തിൽ ജുഡീഷ്യൽ അന്വേഷണം വേണമെന്ന ആവശ്യം പ്രതിപക്ഷം നിയമസഭയിൽ ഉയർത്തിരുന്നു. പിന്നീടാണ് വിവിധ സര്ക്കാര് വകുപ്പുകളുടെ പങ്ക് വ്യക്തമായത്. അതിനാൽ ജുഡീഷ്യൽ അന്വേഷണം മതിയാകില്ലെന്ന് എംഎൽഎ പറഞ്ഞു.
Read MoreCategory: Kochi
പിന്നിൽ സ്വർണ കള്ളക്കടത്ത് സംഘമോ? നെടുമ്പാശേരിയിൽ 14.5 കോടി രൂപയുടെ വിദേശനാണയ വിനിമയ തട്ടിപ്പ് കണ്ടെത്തി
നെടുന്പാശേരി: കൊച്ചി രാജ്യാന്തര വിമാനത്താവളത്തിൽ എയർ കസ്റ്റംസിന്റെ ഇന്റലിജൻസ് വിഭാഗം 14.5 കോടി രൂപയുടെ വിദേശനാണയ വിനിമയ തട്ടിപ്പ് കണ്ടെത്തി. അന്താരാഷ്ട്ര ടെർമിനലിന്റെ സെക്യൂരിറ്റി ഹോൾഡിംഗ് ഏരിയായിൽ പ്രവർത്തിക്കുന്ന തോമസ് കുക്ക് എന്ന ഏജൻസിയാണ് ഈ തട്ടിപ്പ് നടത്തിയിട്ടുള്ളത്. കൊച്ചി വിമാനത്താവളത്തിൽ പിടിച്ചിട്ടുള്ള ഏറ്റവും വലിയ വിദേശ നാണയ വിനിമയ തട്ടിപ്പാണിത്. കഴിഞ്ഞ രണ്ടു വർഷത്തിനിടയ്ക്കുള്ള കണക്കുകൾ പരിശോധിച്ചപ്പോഴാണ് 9000 ഇടപാടുകളിൽക്കൂടി ഇത്രയും വലിയ തുക കൊടുത്തിട്ടുള്ളത്. എൻആർഐക്കാർക്കും വിദേശ പൗരൻമാർക്കും മാത്രം വിദേശ നാണയം മാറിക്കൊടുക്കുന്ന കൗണ്ടറിലാണ് അനധികൃത വിനിമയം നടന്നിട്ടുളളത്. ഈ ഭാഗത്ത് ഒരാൾക്ക് പരമാവധി 25,000 ഇന്ത്യൻ കറൻസിക്കുള്ള ഡോളർ മാത്രമേ നൽകാൻ നിയമം അനുവദിക്കുന്നുള്ളൂ. ഒരേ പാസ്പോർട്ടിൽ പലവട്ടം കറൻസി മാറിക്കൊടുത്തിട്ടുണ്ട്. പലരുടേയും കുടുംബാംഗങ്ങളുടെ പാസ്പോർട്ടിലും കറൻസി മാറിയിട്ടുണ്ട്. അനധികൃത വിദേശ നാണയ വിനിമയത്തിന്റെ പിന്നിൽ സ്വർണ കള്ളക്കടത്ത് സംഘമാണെന്ന നിഗമനമാണ്…
Read Moreഎന്റെ പൊന്നേ..! സ്വർണവില പുതിയ ഉയരത്തിൽ പവന് 25,800 രൂപ, ഗ്രാമിന് 3,225 രൂപയിലെത്തി വ്യാപാരം
കൊച്ചി: സ്വർണവില വീണ്ടും പുതിയ ഉയരത്തിൽ. ഗ്രാമിന് 35 രൂപ വർധിച്ച് 3,225 രൂപയിലാണു സംസ്ഥാനത്ത് ഇന്നു വ്യാപാരം പുരോഗമിക്കുന്നത്. പവന് 280 രൂപയുടെ വർധനവാണ് രേഖപ്പെടുത്തിയിട്ടുള്ളത്. ഇതോടെ ഒരു പവൻ സ്വർണത്തിന്റെ വില 25,800 രൂപയായി ഉയർന്നു. ഇന്നലെ ഗ്രാമിന് 3190 രൂപയായിരുന്നു സ്വർണവില. കഴിഞ്ഞ മാസം 25ന് ഗ്രാമിന് 3210 രൂപ രേഖപ്പെടുത്തിയതായിരുന്നു ഇതുവരെയുള്ള ഉയർന്ന വില. രാജ്യാന്തര വിപണിയിലും സ്വർണ വില ഉയരുന്നതാണ് ആഭ്യന്തര വിപണിയിലും വില വർധനവിനു കാരണം. കഴിഞ്ഞ കേന്ദ്ര ബജറ്റിൽ സ്വർണത്തിന്റെ ഇറക്കുമതി തീരുവ 10 ശതമാനത്തിൽനിന്ന് 12.5 ശതമാനമായി ഉയർത്തുമെന്ന് ധനമന്ത്രി വ്യക്തമാക്കിയിരുന്നു. ഇതിനു പിന്നാലെ സംസ്ഥാനത്ത് സ്വർണ വില പവന് 480 രൂപ വർധിക്കുകയും ചെയ്തിരുന്നു.
Read Moreലഹരി മാഫിയകളുടെ കൊലവിളി: അർജുൻ ഒടുവിലത്തെ ഇര; മരട്, കുമ്പളം പ്രദേശങ്ങൾ മാഫിയാ-ക്രിമിനൽ സംഘങ്ങളുടെ പിടിയിൽ
മരട്: ലഹരി മാഫിയകളുടെ കുടിപ്പകയുടെ ഒടുവിലത്തെ ഇരയാണ് കുമ്പളം സ്വദേശി അർജുൻ എന്ന ചെറുപ്പക്കാരൻ. മരട്, കുമ്പളം, നെട്ടൂർ പ്രദേശങ്ങൾ ഏറെ കാലമായി മയക്കുമരുന്നു മാഫിയാ-ക്രിമിനൽ സംഘങ്ങളുടെ പിടിയിലാണ്. കുമ്പളം പ്രദേശത്ത് അർജുന്റെ കൊലപാതകം ഒറ്റപ്പെട്ട സംഭവമല്ല. ലഹരി മാഫിയാ സംഘങ്ങളുടെ പതിനൊന്നാമെത്തെ ഇരയാണ് ഈ ഇരുപതുകാരൻ. ലഹരി മാഫിയകൾ ഉൾപ്പെടുന്ന കുറ്റകൃത്യങ്ങൾ സംബന്ധിച്ച പരാതിയിൽ അന്വേഷണം നടത്താൻ പോലീസ് മടി കാട്ടുന്നതാണ് പ്രദേശത്ത് പ്രശ്നങ്ങൾ വഷളാകാൻ കാരണമെന്നാണ് നാട്ടുകാർ പരാതിപ്പെടുന്നത്. അർജുനെ കൊന്നു കല്ലു കെട്ടി ചതുപ്പിൽ താഴ്ത്തിയ സംഭവത്തിൽ പരാതി ലഭിച്ചിട്ടും കാര്യമായ അന്വേഷണം തുടക്കത്തിലേ നടത്താൻ പോലീസ് വിമുഖത കാട്ടിയത് എന്തെന്ന കാര്യം ദുരൂഹമായി തുടരുന്നു. ബന്ധുക്കൾ നൽകിയ പരാതിയിൽ പോലീസ് ഒരാഴ്ച കഴിഞ്ഞിട്ടും കാര്യമായ നടപടി സ്വീകരിച്ചില്ല. ഒടുവിൽ അന്വേഷണം ആവശ്യപ്പെട്ടു ഹൈക്കോടതിയിൽ ഹർജി നൽകേണ്ടതായും വന്നു
Read Moreകക്കടാശേരി-കോതമംഗലം റോഡ് ടാറിംഗിന് നിലവാരമില്ല; അന്വേഷണം ആവശ്യപ്പെട്ട് നാട്ടുകാർ രംഗത്ത്
കോതമംഗലം: കൊച്ചി-ധനുഷ്കോടി ദേശീയപാതയിൽ നവീകരണപ്രവൃത്തികൾ നടന്ന കക്കടാശേരി മുതൽ കോതമംഗലം വരെയുള്ള റോഡ് ടാറിംഗ് അശാസ്ത്രീയവും നിലവാരക്കുറവുമെന്ന് ആക്ഷേപം. വേണ്ടത്ര ടാറും മെറ്റലും ചേർക്കാത്തതിനാൽ ദിവസങ്ങൾക്കുള്ളിൽ തന്നെ റോഡ് തകരുമെന്നാണ് ആക്ഷേപം ഉയർന്നിരിക്കുന്നത്. ആവശ്യമുള്ള ഭാഗങ്ങളിൽ ഓട നിർമിക്കാത്തതിനാൽ ശക്തമായ മഴയിൽ റോഡിലൂടെ വെള്ളമൊഴുകുന്നതു ഗതാഗതക്കുരുക്കിനു കാരണമാകുന്നു. നിർമാണഘട്ടത്തിൽതന്നെ ഇക്കാര്യങ്ങൾ ഉദ്യോഗസ്ഥരെ ധരിപ്പിച്ചിരുന്നെങ്കിലും അവർ നടപടി സ്വീകരിച്ചില്ലെന്നാണ് നാട്ടുകാർ പറയുന്നത്. കരാറുകാരന്റെ തന്നിഷ്ടപ്രകാരം നിർമാണജോലികൾ നടത്താൻ അനുവദിച്ചുവെന്നും ആക്ഷേപമുണ്ട്. റോഡിന്റെ വശത്തെ കട്ടിംഗും വാഹനങ്ങൾക്ക് ഭീഷണിയാണ്. ഒന്നര അടിവരെ താഴ്ചയുള്ള കട്ടിംഗുകളുണ്ട്. ഇരുചക്രവാഹനങ്ങൾക്കാണ് ഇതേറെ ഭീഷണി സൃഷ്ടിക്കുന്നത്. റോഡിന്റെ ടാറിംഗിനുശേഷം നിരവധി വാഹനങ്ങൾ അപകടത്തിൽപ്പെട്ടിരുന്നു. നിർമാണ പ്രവൃത്തികളെക്കുറിച്ച് അന്വേഷണം വേണമെന്നും അപാകതകൾ പരിഹരിക്കണമെന്നുമാണു ജനങ്ങളുടെ ആവശ്യം.
Read Moreഏതു നിമിഷവും തലയിൽ കല്ല് വീഴാം..! പെരുമ്പാവൂരിൽ ഭാരവാഹനങ്ങളുടെ ചീറിപ്പായൽ അപകടഭീഷണി ഉയർത്തുന്നു
പെരുമ്പാവൂർ: സുരക്ഷ മാനദണ്ഡങ്ങൾ പാലിക്കാതെ ഭാരവാഹങ്ങൾ ചീറിപ്പായുന്നത് യാത്രക്കാർക്ക് ഭീഷണിയാകുന്നു. ഇന്നലെ ഉച്ചയ്ക്ക് അമിത ഭാരവും കയറ്റി സുരക്ഷാമറകൾ ഇല്ലാതെ നഗരത്തിലൂടെ പാഞ്ഞ ടിപ്പർ യാത്രികരെ ഭയപ്പെടുത്തി. പെരുമ്പാവൂർ ഗേൾസ് സ്കൂളിന് മുന്നിലൂടെ ഉച്ചയ്ക്ക് 2.30 ഓടെയാണ് ഈ വാഹനം കടന്നു പോയത്. അപകടകരമായ രീതിയിൽ വലിയ കരിങ്കല്ലുകൾ താഴേക്ക് വീഴാറായ രീതിയിലാണ് വാഹനം സഞ്ചരിച്ചത്. പിന്നിലൂടെ പോകുന്ന വാഹനങ്ങൾക്കും യാത്രക്കാർക്കും മേലേക്ക് കരിങ്കൽ വീഴാവുന്ന രീതിയിൽ നഗരമധ്യത്തിലൂടെയാണ് ഈ വിലസൽ. ഇത് ഡ്രൈവറുടെ ശ്രദ്ധയിൽപ്പെടുത്താൻ മറ്റു യാത്രക്കാർ ശ്രമിച്ചങ്കിലും പിന്തുടരാൻ പറ്റാത്ത വിധം വേഗതയിൽ വളച്ചും തിരിച്ചും പാലക്കാട്ട് താഴം പാലം വഴി മുടിക്കൽ ഭാഗത്തേക്ക് ഈ ടിപ്പർ ലോറി പാഞ്ഞ് പോകുകയായിരുന്നു. ഇത്തരം അപകടകരമായ രീതിയിൽ വാഹത്തിൽ ലോഡ് നിറച്ചു വേണ്ട സുരക്ഷാ കവചങ്ങൾ ഇല്ലാതെ പായുന്ന വാഹങ്ങൾക്കെതിരേ നടപടി സ്വീകരിക്കണമെന്നാണ് യാത്രക്കാരുടെ ആവശ്യം.
Read More’ആന്തൂർ മോഡൽ’ കളമശേരിയിലും ? മൂന്നുനില കെട്ടിടത്തിന്റെ പ്രവർത്തനാനുമതിക്കായി വയോധികനായ സക്കീർ കയറിയിറങ്ങിയത് 12 വർഷം; മടക്കുന്നതിന്റെ കാരണം കേട്ടാൽ ഞെട്ടും
ബോബൻ ബി. കഴക്കേത്തറ കളമശേരി: ’ ആന്തൂർ മോഡൽ’ തടസവാദങ്ങളുമായി വയോധികനെ കളമശേരി നഗരസഭ ഒരു വ്യാഴവട്ടക്കാലമായി വട്ടംചുറ്റിക്കുന്നതായി പരാതി. സൗത്ത് കളമശേരി അറന്പയിൽ വീട്ടിൽ മുഹമ്മദ് സക്കീർ (78) ആണ് മൂന്ന് നില കെട്ടിടത്തിനായി കഴിഞ്ഞ 12 വർഷമായി നഗരസഭ ഓഫീസ് കയറിയിറങ്ങുന്നത്. ഭാര്യ ഫാത്തിമ്മ കാത്തൂണിന്റെ പേരിലുള്ള സ്ഥലത്ത് വാണിജ്യ ആവശ്യത്തിനായുള്ള കെട്ടിടം നിർമിക്കുന്നതിനു 2007 ജൂലൈ രണ്ടിനാണ് അപേക്ഷ നൽകിയത്. ബിഎ 310/2007 നന്പർ പ്രകാരം നിർമാണത്തിനായി പെർമിറ്റ് ലഭിക്കുകയും ചെയ്തു. നിർമാണം കഴിഞ്ഞിട്ടും കെട്ടിടത്തിന് അനുമതി നൽകാൻ മാറി മാറി വന്ന നഗരസഭാ സെക്രട്ടറിമാർ തയ്യാറായില്ലെന്നാണ് ആക്ഷേപം. റോഡിൽ നിന്ന് മൂന്ന് മീറ്റർ ഇറക്കി നിർമിച്ചപ്പോൾ 25 സെന്റീമീറ്റർ കുറഞ്ഞുവെന്നതാണ് അപാകതയായി എഞ്ചിനീയർമാർ ചൂണ്ടിക്കാണിച്ചതെന്ന് മുഹമ്മദ് സക്കീർ പറയുന്നു. കളമശേരി നഗരസഭയുടെ വാർഡ് 37 ൽ നഗരസഭയ്ക്കും സൗത്ത് കളമശേരിക്കും മധ്യേ…
Read Moreകൊച്ചിയിൽ നടക്കുന്ന റേവ് പാർട്ടികൾക്കായി മയക്കുമരുന്ന് എത്തുന്നത് ബാംഗ്ലൂരിൽ നിന്ന്; അറസ്റ്റിലായ യുവാവിന് മയക്കുമരുന്ന് ലഭിച്ചത് വിദേശിയിൽ നിന്ന്; എക്സൈസിന്റെ കണ്ടെത്തലുകൾ ഇങ്ങനെയൊക്കെ
കൊച്ചി: കൊച്ചിയിലെ സ്വകാര്യ റിസോട്ടുകൾ കേന്ദ്രീകരിച്ച് അതീവരഹസ്യമായി നടക്കുന്ന റേവ് പാർട്ടികൾക്കുവേണ്ടി മയക്കുമരുന്നുകൾ എത്തിക്കുന്ന സംഘത്തിൽ എക്സൈസ് പിടികൂടിയ പ്രധാന കണ്ണിക്ക് മയക്കുമരുന്നുകൾ ലഭിച്ചതു ബംഗ്ളൂരുവിൽ സ്ഥിരതാമസമാക്കിയ വിദേശിയിൽനിന്നെന്നു സൂചന. ആലുവ റേഞ്ച് എക്സൈസ് ഷാഡോ ടീമിന്റെ പിടിയിലായ ആലുവ ചുണങ്ങംവേലി സ്വദേശി ഒസാരി ഹൗസിൽ അബ്ദുൾ റഷീദി (34) നെ ചോദ്യം ചെയ്തതിൽനിന്നുമാണ് ഇതു സംബന്ധിച്ച വിവരങ്ങൾ അധികൃതർക്ക് ലഭിച്ചത്. അതീവ രഹസ്യമായി നടക്കുന്ന റേവ് പാർട്ടികളിൽ മയക്കുമരുന്ന് എത്തിക്കുന്ന സംഘത്തെക്കുറിച്ച് നേരത്തേ തന്നെ ആലുവ റേഞ്ച് എക്സൈസ് ഷാഡോ സംഘത്തിനു വിവരം ലഭിച്ചിരുന്നു. ഇതേത്തുടർന്നു നടന്ന അന്വേഷണത്തിലാണു മയക്കുമരുന്നുമായി അബ്ദുൾ റഷീദ് പിടിയിലാകുന്നത്. ബംഗ്ളൂരുവിൽ സ്ഥിരതാമസമാക്കിയ ഒരു വിദേശിയിൽനിന്നാണു മയക്ക് മരുന്ന് വാങ്ങി കേരളത്തിലേയ്ക്ക് എത്തിക്കുന്നതെന്ന വിവരങ്ങളുടെ അടിസ്ഥാനത്തിൽ ഇത് സംബന്ധിച്ച അന്വേഷണം നടന്ന് വരുകയാണെന്ന് അധികൃതർ അറിയിച്ചു. റേവ് പാർട്ടികളിൽ പങ്കെടുക്കാൻ എത്തുന്ന…
Read Moreപ്ലസ് വണ് അധിക സീറ്റ്: കമ്യൂണിറ്റി ക്വോട്ട പ്രവേശനത്തിന് അനുമതിയില്ല
സിജോ പൈനാടത്ത് കൊച്ചി: സംസ്ഥാനത്ത് അധികമായി അനുവദിച്ച പ്ലസ് വണ് സീറ്റുകളിൽ കമ്യൂണിറ്റി ക്വോട്ട പ്രവേശനത്തിന് അനുമതിയില്ല. കഴിഞ്ഞ 28ന് ഇറങ്ങിയ സർക്കാർ ഉത്തരവിലൂടെ പൊതുവിദ്യാഭ്യാസ വകുപ്പ് അനുവദിച്ച സീറ്റുകളിലാണ് കമ്യൂണിറ്റി ക്വോട്ട പ്രവേശനം നിഷേധിച്ചിരിക്കുന്നത്.20 ശതമാനമാണ് പ്ലസ് വണ്ണിനു കമ്യൂണിറ്റി ക്വോട്ട അനുവദിക്കേണ്ടത്. നിലവിലുണ്ടായിരുന്ന സീറ്റുകളിലും ഏകജാലക പ്രവേശന പ്രക്രിയ ആരംഭിച്ച ശേഷം ആദ്യം അനുവദിച്ച 20 ശതമാനം അധിക സീറ്റുകളിലും കമ്യൂണിറ്റി ക്വാട്ട അനുവദിച്ചിരുന്നു. സർക്കാർ, എയ്ഡഡ് സ്കൂളുകളിൽ മാത്രമാണു 10 ശതമാനം സീറ്റ് വർധന ഉണ്ടായത്. സീറ്റ് വർധനയ്ക്കനുസരിച്ച് അധിക അധ്യാപക തസ്തികകൾ അനുവദിക്കുകയോ, സ്കൂളുകളിൽ അടിസ്ഥാന സൗകര്യ വികസനത്തിനു തുക അനുവദിക്കുകയോ ചെയ്തിട്ടില്ല. നേരത്തേ അനുവദിച്ച അധ്യാപക തസ്തികകളിലെ നിയമനങ്ങൾക്ക് അംഗീകാരം നൽകാതെ സർക്കാർ എയ്ഡഡ് മാനേജ്മെന്റുകളെ ദ്രോഹിക്കുകയാണെന്ന് കാത്തലിക് ടീച്ചേഴ്സ് ഗിൽഡ് ജനറൽ സെക്രട്ടറി ജോഷി വടക്കൻ ചൂണ്ടിക്കാട്ടി. വർധിപ്പിച്ച…
Read Moreയുവാക്കളെ ആയുധം കാട്ടി ഭീഷണിപ്പെടുത്തി ബുള്ളറ്റ് തട്ടിയെടുത്ത കേസ്;പ്രതികളെ കോയമ്പത്തൂരിൽ നിന്നും തൊണ്ടി സഹിതം പൊക്കി പോലീസ്
കൊച്ചി: നഗരമധ്യത്തിൽ യുവാക്കളെ ആയുധം കാട്ടി ഭീഷണിപ്പെടുത്തി ബുള്ളറ്റ് തട്ടിയെടുത്ത കേസിൽ പോലീസ് പിടിയിലായ പ്രതിയെ റിമാൻഡ് ചെയ്തു. സെൻട്രൽ പോലീസ് അറസ്റ്റ് ചെയ്ത കേസിലെ ഒന്നാം പ്രതി പള്ളുരുത്തി തങ്ങൾനഗർ വലിയവീട് നികർത്തിപ്പറന്പിൽ അൻഷാദിനെ (28) ആണു കോടതിയിൽ ഹാജരാക്കി റിമാൻഡ് ചെയ്തത്. കേസിൽ ഒരാൾകൂടി ഇനി പിടിയിലാകാനുണ്ട്. മോഷ്ടിച്ച ബുള്ളറ്റുമായി പ്രതിയെ കോയന്പത്തൂരിൽനിന്നുമാണു പോലീസ് പിടികൂടിയത്. കഴിഞ്ഞ അഞ്ചിനായിരുന്നു കേസിനാസ്പദമായ സംഭവം. രാത്രി 11ന് മലപ്പുറം സ്വദേശിയായ യുവാവും സുഹൃത്തും കൂടി കെഎസ്ആർടിസി സ്റ്റാൻഡ് പരിസരത്തുകൂടി ബുള്ളറ്റിൽ വരവേ പ്രതിയായ അൻഷാദും കൂട്ടുപ്രതിയും ഇവരെ തടഞ്ഞുനിർത്തി വടി വാൾ ഉപയോഗിച്ച് ആക്രമിച്ചു ന്യൂ രജിസ്ട്രേഷൻ ബുള്ളറ്റ് കവർച്ചചെയ്യുകയായിരുന്നുവെന്നു പോലീസ് പറഞ്ഞു. തമിഴ്നാട്ടിലേക്കു കടന്ന ഒന്നാം പ്രതിയെ കോയന്പത്തൂർ പോലീസിന്റെ സഹായത്തോടെ അണ്ണാനഗർ ഭാഗത്തുനിന്നാണു തൊണ്ടി സഹിതം പിടികൂടിയത്. കോയന്പത്തൂരിൽനിന്നു കൊണ്ടുവന്ന പ്രതി പോലീസ് സ്റ്റേഷനിൽവച്ചു…
Read More