ആലുവ: തോട്ടക്കാട്ടുകര ജിസിഡിഎ കോളനിയിൽ 30 ലക്ഷം രൂപ വിലമതിക്കുന്ന വജ്രാഭരണങ്ങളും സ്വർണാഭരണങ്ങളും കവർന്ന വീട്ടിൽ മതിയായ സുരക്ഷാ ക്രമീകരണങ്ങൾ ഇല്ലാതിരുന്നത് പോലീസിന്റെ അന്വേഷണത്തെ വഴിമുട്ടിക്കുന്നു. കോടികൾ ചെലവഴിച്ച് നിർമിച്ച ആഢംബര വീട്ടിൽ ആവശ്യമായ നിരീക്ഷണ ക്യാമറകളോ സെൻസറുകളോ ഇല്ലാത്തതാണ് മോഷ്ടാക്കൾക്കു സൗകര്യമായത്. റിമോട്ട് ഉപയോഗിച്ചു തുറക്കുന്ന പുറത്തെ ഗേറ്റിനു സമീപം കോളിംഗ് ബെല്ലിനോടുചേർന്നു മാത്രമാണ് നിരീക്ഷണ കാമറയുള്ളത്. മോഷ്ടാവ് മുൻവാതിൽ തുറക്കാത്തതിനാൽ ഈ ദൃശ്യങ്ങളിൽനിന്ന് വ്യക്തമായ സൂചനകൾ ലഭിച്ചതുമില്ല. പകരം സ്വകാര്യവ്യക്തികളും റസിഡന്റ്സ് അസോസിയേഷനും സ്ഥാപിച്ച നാലു കാമറകളെയാണ് പോലീസ് പരിശോധനകൾക്കായി ആശ്രയിച്ചത്. പൂണേലി ജോർജ് മാത്യുവും കുടുംബവും വീട്ടിൽനിന്നു മാറിനിന്ന ഏഴു മണിക്കൂർ സമയത്തെ സിസി ടിവി ദൃശ്യങ്ങളാണ് പരിശോധിച്ചത്. വൈകിട്ട് 6.30 നും രാത്രി11.30 നും ഇടയിലാണ് കവച്ച നടന്നതെന്നാണ് നിഗമനം. വീടിന്റെ താഴത്തെ നിലയിലെ കിടപ്പുമുറിയിലുള്ള ഡിജിറ്റൽ ലോക്കറിൽ നിന്നാണ് 20…
Read MoreCategory: Kochi
മൂവാറ്റുപുഴ ജനറൽ ആശുപത്രി പേ വാർഡ് കം ഷോപ്പിംഗ് കോംപ്ലക്സ് സാമൂഹ്യവിരുദ്ധരുടെ താവളമാകുന്നു
മൂവാറ്റുപുഴ: കോടികൾ ചെലവഴിച്ച് പോസ്റ്റ് ഓഫീസ് ജംഗ്ഷനിൽ നിർമിച്ച ബ്ലഡ് ബാങ്ക് കം ഷോപ്പിംഗ് കോംപ്ലക്സ് സാമൂഹ്യവിരുദ്ധരുടെ താവളമാകുന്നു. അഞ്ചു നിലകളിലായി 18 വർഷം മുന്പാണ് നഗരസഭ കെട്ടിടം നിർമിച്ചത്. താഴത്തെ മൂന്നു നിലകളിൽ ഷോപ്പിംഗ് കോംപ്ലക്സും മുകളിലത്തെ രണ്ടു നിലകളിൽ ജനറൽ ആശുപത്രി പേ വാർഡും എന്ന രീതിയിലാണ് കെട്ടിടം നിർമിച്ചത്. കെട്ടിടത്തിന്റെ മുൻവശത്തെ മുറികളൊഴിച്ചാൽ മറ്റൊന്നും ഇപ്പോഴും തുറന്നു പ്രവർത്തിച്ചിട്ടില്ല. മുറി വാടകയ്ക്കെടുത്തിരുന്ന പലരും ഗോഡൗണും മറ്റുമായാണ് ഉപയോഗിക്കുന്നത്. ഇതിനുപുറമേ സാമൂഹ്യവിരുദ്ധരുടെ താവളമായി ഇവിടം മാറിയിരിക്കുകയാണ്. ഇതര സംസ്ഥാന തൊഴിലാളികളും വിദ്യാർഥികളും അടക്കമുള്ളവർ ഇവിടെയെത്തി ലഹരി ഉപയോഗിക്കുന്നത് പതിവ് കാഴ്ചയാണെന്നു സമീപത്തെ വ്യാപാരികൾ പറയുന്നു. സുരക്ഷാ ജീവനക്കാരനില്ലാത്തിനാൽ ആർക്കും എപ്പോൾ വേണമെങ്കിലും കോംപ്ലക്സിൽ പ്രവേശിക്കാമെന്ന സ്ഥിതിയാണ്. വെള്ളമില്ലെന്ന കാരണത്താൽ ടോയ്ലറ്റുകൾ അടച്ചുപൂട്ടിയിട്ട് നാളുകളേറെയായി. രണ്ടു നിലകളിലായി പ്രവർത്തിച്ചിരുന്ന പേ വാർഡും അടച്ചുപൂട്ടിയിരിക്കുകയാണ്. 25 മുറികൾ…
Read Moreആശ്വാസ കിരണം ഒരു ആശ്വാസവുമില്ല; ശയ്യാവലംബരായ രോഗികളെ പരിചരിക്കുന്നവർക്കുള്ള ധനസഹായം മുടങ്ങിയിട്ട് ഒരു വർഷം
കൊച്ചി: മാനസികവും ശാരീരികവുമായ പ്രയാസങ്ങളെ തുടർന്ന് ശയ്യാവലംബരായ രോഗികളെ പരിചരിക്കുന്നതുമൂലം പുറം ജോലികൾക്ക് പോകാൻ കഴിയാത്ത പരിചാരകർക്കായി സർക്കാർ ഏർപ്പെടുത്തിയ ആശ്വാസ കിരണം പദ്ധതി പ്രകാരമുള്ള ധനസഹായം വൈകുന്നു. ഗുണഭോക്താക്കൾക്ക് 2018 ജൂലൈ വരെയുള്ള ധനസഹായം മാത്രമാണ് ഇതുവരെ ലഭിച്ചിരിക്കുന്നത്. മുടക്കം വന്നിട്ടുള്ള മാസങ്ങളിലെ തുക ഉടൻ നൽകുമെന്ന് സാമൂഹ്യസുരക്ഷാ മിഷൻ അറിയിച്ചിരുന്നെങ്കിലും ഒരു വർഷം പിന്നിട്ടിട്ടും യാതൊരു നടപടിയും ഉണ്ടായിട്ടില്ല. ഒരു ദിവസം 20 രൂപ പ്രകാരം പ്രതിമാസം നൽകി വന്നിരുന്ന 600 രൂപാ വീതമുള്ള ധനസഹായ വിതരണമാണ് ഇപ്പോൾ നിലച്ചിരിക്കുന്നത്. 2019 ഏപ്രിൽ വരെ 113717 പേരാണ് ഈ വർഷത്തെ ഗുണഭോക്താക്കളുടെ പട്ടികയിലുള്ളത്. 2018-19 സാന്പത്തിക വർഷത്തിൽ 120301, 2017-18ൽ 102952, 2016-17ൽ 90251, 2015-16ൽ 72359, 2014-15ൽ 63544 എന്നിങ്ങനെയായിരുന്നു ഗുണഭോക്താക്കളുടെ എണ്ണം. കുടുംബ വാർഷിക വരുമാനം നഗരങ്ങളിൽ 22,375 രൂപയും പഞ്ചായത്തുകളിൽ…
Read Moreഇരിപ്പിടങ്ങളും നടപ്പാതയും തകർന്നു, വഴിവിളക്കുകളുമില്ല; മറൈൻഡ്രൈവ് നാശത്തിന്റെ വക്കിൽ
കൊച്ചി: നഗരമധ്യത്തിൽ കായൽ കാറ്റേറ്റ് സൊറ പറഞ്ഞിരിക്കാനെത്തുന്നവരുടെ പ്രധാന കേന്ദ്രമായ മറൈൻഡ്രൈവ് വിസകനമുരടിപ്പിൽ. വിദേശികൾ ഉൾപ്പെടെ നിരവധി സഞ്ചാരികൾ ദിനംപ്രതി വന്നുപോകുന്ന ഇവിടെ അല്പനേരമൊന്ന് ഇരിക്കാൻ ഇരിപ്പിടങ്ങളില്ല, നടപ്പാതകൾ പൊട്ടിപൊളിഞ്ഞ നിലങ്ങളിൽ, ഇങ്ങനെ നീളുന്നു സൗന്ദര്യവതിയായിരുന്ന മറൈൻഡ്രൈവിന്റെ ഇപ്പോഴത്തെ അവസ്ഥ. വിദേശികൾ ഉൾപ്പെടെയുള്ള സഞ്ചാരികളെ ആകർഷിക്കുന്നതിനായി മറൈൻഡ്രൈവ് കേന്ദ്രീകരിച്ച് നിരവധി പദ്ധതികൾ നടപ്പായെങ്കിലും ഇവയെല്ലാംതന്നെ തുടർപ്രവർത്തനങ്ങളില്ലാതെ നിലച്ചുപോവുകയായിരുന്നു. രാത്രിയാകുന്നതോടെ മറൈൻഡ്രൈവും മിഴയടയ്ക്കും. വഴിവിളക്കുകളില്ലാത്തതാണ് ഇവിടുത്തെ പ്രധാന പ്രശ്നങ്ങളിലൊന്ന്. ഒപ്പം കുണ്ടുംകുഴിയുമായ നടപ്പാതകളും സഞ്ചാരികളെ ഇവിടെനിന്ന് അകറ്റാൻ കാരണമാകുന്നു. മുൻ രാഷ്ട്രപതി എ.പി.ജെ. അബ്ദുൾ കലാമിന്റെ പേരിൽ അറിയപ്പെടുന്ന ഈ നടപ്പാതയിൽ ടൈലുകൾ പൊട്ടിപ്പൊളിഞ്ഞു കിടക്കാൻ തുടങ്ങിയിട്ട് ഏറെയായി. ഹൈക്കോടതി ജെട്ടി മുതൽ ഗോശ്രീ പാലം വരെയുള്ള ഭാഗങ്ങളിൽ ടൈലുകൾ ഇളകിക്കിടക്കുകയാണ്. ഇവയിൽ തട്ടിവീണ് കുട്ടികൾ അടക്കമുള്ളവർക്ക് പരിക്കേൽക്കുന്നത് നിത്യസംഭവമാണ്. വെളിച്ചമില്ലാത്തതിനാൽ പ്രദേശത്ത് സാമൂഹിക വിരുദ്ധരുടെ ശല്യവും അനുഭവപ്പെടുന്നതായി…
Read Moreകൊച്ചിൻ കോളജിൽ കെഎസ് യുവിന്റെ സമരപന്തലിൽ എത്തിയ വിദ്യാർഥിക്ക് എസ്എഫ് ഐയുടെ ക്രൂരമർദനം; പോലീസ് കേസെടുത്തു
തോപ്പുംപടി: കൊച്ചിൻ കോളജിൽ വിദ്യാർഥിയെ സംഘം ചേർന്ന് മർദിച്ചെന്ന പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിച്ചു. ഇന്നലെ ഉച്ചയോടെ കോളജിലെ നിരാഹാര പന്തലിൽവച്ച് മൂന്നാം വർഷ ബിഎസ്സി ബോട്ടണി വിദ്യാർഥിയായ കോതമംഗലം സ്വദേശി അസ്ലമിനെ മർദിച്ചെന്നാണ് കേസ്. കോളജ് യൂണിയൻ തെരഞ്ഞെടപ്പ് സമയത്ത് എസ്എഫ്ഐ നൽകിയ വാഗ്ദാനങ്ങൾ നടപ്പിലാക്കണമെന്ന് ആവശ്യപ്പെട്ട് കെഎസ്യുവിന്റെ നേതൃത്വത്തിൽ കോളജിൽ നിരാഹാര സമരം നടക്കുന്നുണ്ട്. ഈ പന്തലിൽ എത്തിയപ്പോഴാണ് എസ്എഫ്ഐക്കാർ തന്നെ മർദിച്ചതെന്ന് പനയപ്പിള്ളിയിലെ സ്വകാര്യ ആശുപത്രിയിൽ ചികിത്സയിൽ കഴിയുന്ന അസ്ലം പറയുന്നു. അസ്ലമിന്റെ കഴുത്തിനും മുതുകിനും പരിക്കുണ്ട്.
Read Moreഎല്ലാം സാമൂഹ്യവിരുദ്ധർക്കായ്..! ഭൂതത്താൻകെട്ടിൽ ടൂറിസം വകുപ്പ് ലക്ഷങ്ങൾ മുടക്കി നവീകരിച്ച കോട്ടേജുകൾ നശിക്കുന്നു; കൈയടക്കി സാമൂഹ്യവിരുദ്ധരും
കോതമംഗലം: ഭൂതത്താൻകെട്ടിൽ ടൂറിസം വകുപ്പ് നവീകരിച്ച കോട്ടേജുകൾ ഉപയോഗപ്പെടുത്താതെ നശിക്കുന്നു. പെരിയാർവാലിയുടെ ക്വാർട്ടേഴ്സുകളാണ് ടൂറിസം വകുപ്പ് ഏറ്റെടുത്ത് നവീകരിച്ച് കോട്ടേജുകളാക്കിയത്. ഭൂതത്താൻകെട്ടിലെ ടൂറിസം വികസന പദ്ധതികളുടെ ഭാഗമായി പെരിയായർവാലിയുടെ ഒന്പതു ക്വാർട്ടേഴ്സുകളാണ് ടൂറിസത്തി നു കൈമാറിയിരുന്നത്. ഉപയോഗശൂന്യമായിരുന്ന കെട്ടിടങ്ങൾ ലക്ഷങ്ങൾ മുടക്കി നവീകരിച്ചാണ് കോട്ടേജുകളാക്കി മാറ്റിയത്. എന്നാൽ ഇവ ടൂറിസ്റ്റുകൾക്കായി തുറന്നുകൊടുക്കാൻ നടപടിയുണ്ടായില്ല. വർഷങ്ങളായി അനാഥമായി കിടക്കുന്ന കോട്ടേജുകൾ സാമൂഹ്യവിരുദ്ധരുടെ താവളമാണ്. ഭൂതത്താൻകെട്ടിലെ വിവിധ പദ്ധതികൾ ഏറ്റെടുത്തവർ ഈ കെട്ടിടങ്ങൾ കൈയേറുന്നതായും പരാതിയുയർന്നിട്ടുണ്ട്. ഡാം റിസർവോയറിന്റെ തീരത്ത് സ്ഥിതി ചെയ്യുന്ന ക്വാർട്ടേഴ്സുകൾക്ക് വലിയ വിപണന സാധ്യതയുണ്ട്. എന്നിട്ടും അത് പ്രയോജനപ്പെടുത്താൻ ടൂറിസം വകുപ്പ് തയാറായിട്ടില്ല. സ്വകാര്യ റിസോർട്ടുകളും ഹോംസ്റ്റേകളും പ്രദേശത്ത് നിരവധിയുണ്ട്. ഇവയെല്ലാം സംരംഭങ്ങൾക്ക് വൻ മുതൽമുടക്ക് നടത്തുന്പോഴാണ് ലഭ്യമായ സൗകര്യംപോലും ടൂറിസം വകുപ്പ് വേണ്ടെന്നുവയ്ക്കുന്നത്. നവീകരിച്ച കോട്ടേജുകൾ വീണ്ടും വൃത്തിഹീനമായികൊണ്ടിരിക്കുകയാണ്. ഇനി ടൂറിസ്റ്റുകൾക്ക് നൽകണമെങ്കിൽ വീണ്ടും…
Read Moreചെറായിൽ വീടുകയറി ആക്രമണം; വീട്ടിലുണ്ടായിരുന്ന വളർത്ത് നായയെ തല്ലിക്കൊന്നു; മക്കളെ കൊല്ലുമെന്ന് ഭീഷണിപ്പെടുത്തി; വീട്ടമ്മയുടെ പരാതിയിൽ പോലീസ് കേസെടുത്തു
ചെറായി: ചെറായി ഗൗരീശ്വരത്തിനു കിഴക്ക് സാമൂഹ്യ വിരുദ്ധസംഘം പാതിരാത്രിയിൽ വധഭീഷണി മുഴക്കി വീട് കയറി ആക്രമിക്കുകയും വീടിന്റെ ജനൽ ചില്ല് അടിച്ച് തകർത്തശേഷം വീട്ടിലെ പോമറേനിയൻ വളർത്ത് നായയെ ഇരുന്പ് വടിക്ക് അടിച്ച് കൊലപ്പെടുത്തുകയും ചെയ്ത കേസിൽ മുനന്പം പോലീസ് കേസെടുത്തു. വീട് കയറി ആക്രമണം, മൃഗങ്ങൾക്കെതിരേയുള്ള ക്രൂരത തടയൽ നിയമം എന്നീ വകുപ്പുകൾ ചുമത്തിയാണ് ആറംഗം സംഘത്തിനെതിരേ കേസെടുത്തതെന്ന് മുനന്പം സിഐ അഷറഫ് അറിയിച്ചു. കല്ലുമഠത്തിൽ പ്രസാദിന്റെ വീടാണ് തകർത്തത്. വെള്ളിയാഴ്ച പുലർച്ചെ ഒരു മണിക്കെത്തിയ സംഘം വീട് അടിച്ച് പൊളിക്കുന്ന ശബ്ദം കേട്ടാണ് വീട്ടമ്മ ഉണർന്നത്. വാതിൽ തുറന്നപ്പോൾ രണ്ട് മക്കളെയും കൊല്ലുമെന്ന് ഭീഷണിപ്പെടുത്തി മാരാകായുധങ്ങളുമായി വാതിലുനു മുന്നിൽ നിൽക്കുന്ന അക്രമിസംഘത്തെയാണ് കണ്ടത്. മുറിയിലേക്ക് കയറിയ സംഘത്തിനു നേരെ കുതിച്ചെത്തിയ വളർത്തുനായ ഇവർക്ക് കൈയിലിരുന്ന ഇരുന്പ് വടിക്ക് അടിച്ച് ക്രൂരമായി കൊലപ്പെടുത്തുകയും ചെയ്തു. ഇളയമകനെ…
Read Moreപള്ളിക്കരയിലെ യാത്രികർക്ക് ഭീഷണിയായി ഇടുങ്ങിയ കലുങ്ക്; മുന്നറിയിപ്പു സംവിധാനങ്ങൾ ഇല്ലാത്തമൂലം വേഗതത്തിലെത്തുന്ന വാഹനങ്ങൾ അപകട്ടിൽപ്പെടുന്നത് പതിവാകുന്നു
കിഴക്കമ്പലം: പള്ളിക്കര പവർ ഗ്രിഡിനു സമീപത്തെ ഇടുങ്ങിയ കലുങ്ക് വാഹന യാത്രികർക്ക് ഭീഷണിയാകുന്നു. റോഡിന്റെ ബാക്കിയുള്ള ഭാഗത്ത് വീതിയുണ്ടെങ്കിലും കലുങ്കുള്ള ഭാഗത്തെത്തുമ്പോൾ റോഡ് ഇടുങ്ങുന്നതുമൂലം അപകടങ്ങൾ വർധിക്കുകയാണ്. രണ്ടു വലിയ വാഹനങ്ങൾക്ക് ഒരേ സമയം ഇതുവഴി കടന്നുപോകാൻ സാധിക്കില്ല. റോഡിന്റെ മറ്റു ഭാഗങ്ങളിൽ ആവശ്യത്തിനു വീതിയുണ്ടെങ്കിലും അതറിയാതെ ഈ ഭാഗത്ത് വേഗത്തിൽ ഓടിച്ചു പോകുന്നവർ അപകടത്തിൽപ്പെടുകയാണ്. പള്ളിക്കര ജംഗ്ഷനിൽ നിന്നു കാക്കനാടേക്ക് തിരിയുന്ന ജംഗ്ഷനിൽ രാവിലെയും വൈകിട്ടും ഗതാഗതക്കുരുക്ക് രൂക്ഷമാണ്. ഇടുങ്ങിയ ജംഗ്ഷനായതിനാൽ വലിയ വാഹനങ്ങൾ ഏറെ പണിപ്പെട്ടാണ് ഇതുവഴി കടന്നു പോകുന്നത്. ലോ ഫ്ലോർ ബസുകളാണ് തിരിയുവാൻ ഏറെ ബുദ്ധിമുട്ടുന്നത്. പള്ളിക്കര ജംഗ്ഷനു സമീപമുള്ള ആനാടത്ത് പാടം റോഡ് പള്ളിക്കര പവർ ഗ്രിഡിനു സമീപത്തായി എത്തിക്കാവുന്ന ബൈപ്പാസ് റോഡ് നിർമ്മിച്ചാൽ ഇവിടുത്തെ ഗതാഗതക്കുരുക്കിന് പരിഹാരമാകും. ഒരു കിലോമീറ്റർ താഴെ മാത്രം വരുന്ന ഈ റോഡിന്റെ നിർമ്മാണത്തിന്…
Read Moreകണ്ണൂരിന് പിന്നാലെ കൊച്ചിയിലും വീടുകളിൽ രക്തം; രാവിലെ ഉറക്കമുണർന്നവർ കണ്ടത് വീട്ടുമുറ്റത്ത് കട്ടപിടിച്ച രക്തക്കറ; ഭീതിവിട്ടൊഴിയാതെ നാട്ടുകാർ; സംഭവ സ്ഥലത്തുനിന്നും മൊബൈയിൽ ഫോൺകിട്ടിയതായി പോലീസ്
ആലുവ: വീടുകളുടെ സിറ്റൗട്ടിലും മുറ്റത്തും വ്യാപകമായി രക്തം കണ്ടെത്തിയതു പ്രദേശവാസികളെ ആശങ്കയിലാക്കി. കീഴ്മാട് പഞ്ചായത്തിലെ മൂന്നാം വാർഡായ കീരംകുന്നിൽ വ്യാഴാച പുലർച്ചയാണ് എട്ടു വീടുകളുടെ പരിസരത്തു രക്തം കട്ടപിടിച്ചനിലയിൽ കണ്ടത്. പഴങ്ങാടി റോഡിലും രക്തപ്പാടുകൾ കാണപ്പെട്ടു. വലിയ മൃഗത്തിന്റേതെന്ന രീതിയിൽ കാൽപാടുകളും കണ്ടെത്തിയിട്ടുണ്ട്. താഴത്തങ്ങാടി കുഞ്ഞിക്കൊച്ച്, പള്ളിക്കുഴി റസിയ അബ്ദുൽ ഖാദർ, കുഞ്ഞുമുഹമ്മദ് പൂഴിത്തറ, അഷറഫ് നടുക്കുടി, നാസർ പൂഴിത്തറ, അബ്ദുള്ള ചേരിൽ, കാസിം പുല്ലാട്ടുഞാലിൽ എന്നിവരുടെ വീടുകളിലും സിദ്ദീഖിന്റെ നിർമാണത്തിലിരിക്കുന്ന വീട്ടിലുമാണു രക്തം കണ്ടത്. എസ്ഐ അരുണിന്റെ നേതൃത്വത്തിൽ ആലുവ ഈസ്റ്റ് പോലീസ് സ്ഥലത്തെത്തി അന്വേഷണം ആരംഭിച്ചു. രക്തത്തിന്റെ സാമ്പിൾ കെമിക്കൽ റീജണൽ ലാബിലേക്ക് പരിശോധനയ്ക്ക് അയച്ചിട്ടുണ്ട്. ഏതെങ്കിലും തരത്തിൽ മുറിവേറ്റ നായയുടെ ചോരയാകാമെന്നാണു പോലീസ് നിഗമനം. അതിനിടെ സമീപത്തെ ചവറുകൂനയിൽനിന്ന് ഒരു മൊബൈൽ ഫോൺ നാട്ടുകാർ കണ്ടെത്തിയതും പോലീസ് അന്വേഷിക്കുന്നുണ്ട്. ഫോണിൽ ബുധനാഴ്ച രാത്രി…
Read Moreഗതാഗതം സുഗമമാക്കാൻ വൈപ്പിൻകരയ്ക്ക് വേണം ട്രാഫിക് പോലീസ് സേവനം
വൈപ്പിൻ: പള്ളിപ്പുറം വൈപ്പിൻ സംസ്ഥാനപാതയിൽ അത്യാധുനിക സുരക്ഷാസംവിധാനങ്ങൾ ഒരുക്കി സുരക്ഷിതപാതയാക്കി മാറ്റുന്നതിനുള്ള സർക്കാരിന്റെ ഇ-യാത്ര പദ്ധതിയിൽ ട്രാഫിക് പോലീസിന്റെ സേവനം കൂടി ഉൾപ്പെടുത്തണമെന്ന ആവശ്യം ഉയരുന്നു. പദ്ധതിയുടെ ഭാഗമായി വൈപ്പിനിൽ ട്രാഫിക് പോലീസ് സ്റ്റേഷൻ സ്ഥാപിച്ച് പ്രത്യേകം പോലീസുകാരെ നിയമിക്കണമെന്നാണ് ആവശ്യമുന്നയിക്കുന്നവർ ചൂണ്ടിക്കാണിക്കുന്നത്. ട്രാഫിക് പോലീസിന്റെ സേവനം ലഭിച്ചാൽ സംസ്ഥാന പാതയിൽ പലയിടത്തും ഗതാഗതം സുഗമമാകും. ഗതാഗത നിയമങ്ങൾ ലംഘിക്കുന്നവർക്കുള്ള പരിശോധനകൾ കൃത്യമായി നടക്കും. ഇത് അടിക്കടിയുണ്ടാകുന്ന അപകടങ്ങൾ ഒഴിവാക്കും. നിലവിൽ ക്രമസമാധാനത്തിൻറെയും കേസന്വേഷണങ്ങളുടെയും ചുമതലയുള്ള ഞാറക്കൽ, മുനന്പം പോലീസ് സ്റ്റേഷനുകൾക്കാണ് വൈപ്പിൻ സംസ്ഥാനപാതയിലെ ഗതാഗതത്തിന്റെ ചുമതല. ഇവരെ സഹായിക്കാൻ ഒരു ഹൈവേ പട്രോളിംഗ് വാഹനമുണ്ടെങ്കിലും ഇതിലെ ചുമതലക്കാർ ലോക്കൽ പോലീസ് സ്റ്റേഷനുകളിൽ നിന്നുള്ളവർ തന്നെയാണ്. ആവശ്യത്തിനു പോലീസുകാർ ഇല്ലാത്ത ഈ സ്റ്റേഷനുകളിൽ നിന്നും നാൽക്കവലകളിലും, സ്കൂളുകൾക്ക് മുന്നിലും, തിരക്കേറിയ സ്ഥലങ്ങളിലും ഗതാഗതം നിയന്ത്രിക്കാനും, വാഹന പരിശോധനക്കും…
Read More