കൊച്ചി: നിർമാണത്തിലെ ക്രമക്കേടുകളെത്തുടർന്ന് അടച്ചിട്ട് അറ്റകുറ്റപ്പണി നടത്തുന്ന പാലാരിവട്ടം മേൽപ്പാലത്തിൽ ഇ. ശ്രീധരന്റെ നേതൃത്വത്തിലുള്ള വിദഗ്ധസംഘം പരിശോധന നടത്തി. രാവിലെ എട്ടോടെ ആരംഭിച്ച പരിശോധന ഒന്നര മണിക്കൂർ നീണ്ടു. ചെന്നൈ ഐഐടി വിദഗ്ധൻ ഡോ. പി. അളകസുന്ദരമൂർത്തിയും സംഘത്തോടൊപ്പമുണ്ടായിരുന്നു. പാലത്തിന്റെ ഘടനയും നിർമാണ രീതികളും ഉൾപ്പെടെ സംഘം വിശദമായി വിലയിരുത്തി. പാലത്തിന്റെ അടിഭാഗത്തുനിന്നാണ് ആദ്യം പരിശോധന ആരംഭിച്ചത്. ഇതിനുശേഷം മുകൾഭാഗം സന്ദർശിച്ചു. തുടർന്ന് വിദഗ്ധസംഘം വിവിധ ഉദ്യോഗസ്ഥരുമായി കൂടിക്കാഴ്ചയും നടത്തി. പരിശോധനകൾ സംബന്ധിച്ച റിപ്പോർട്ട് എന്ന് സമർപ്പിക്കുമെന്ന് സംഘം വ്യക്തമാക്കിയിട്ടില്ല. ഈ റിപ്പോർട്ടിന്റെ അടിസ്ഥാനത്തിലായിരിക്കും പാലം പൂർണമായി പൊളിച്ചുമാറ്റണോ അറ്റകുറ്റപ്പണിയിലൂടെ ഗതാഗതയോഗ്യമാക്കാൻ സാധിക്കുമോ എന്ന കാര്യത്തിൽ സർക്കാർ അന്തിമതീരുമാനം എടുക്കുക. 13ന് തിരുവനന്തപുരത്ത് നടന്ന യോഗത്തിലാണു പാലം ശ്രീധരന്റെ നേതൃത്വത്തിലുള്ള വിദഗ്ധസംഘത്തെകൊണ്ടു പരിശോധിപ്പിക്കാൻ സർക്കാർ തീരുമാനിച്ചത്. പാലം നിർമാണത്തിൽ സിമന്റ് വേണ്ടത്ര അളവിൽ ഉപയോഗിച്ചില്ലെന്ന ആക്ഷേപം ശക്തമായിരുന്നു.…
Read MoreCategory: Kochi
ഓസിനുകിട്ടിയപ്പോൾ ഓവറായി; വിമാനത്തിൽ ബഹളം വെച്ച യാത്രക്കാരന് എയർപോർട്ടിലെത്തിയപ്പോൾ കിട്ടിയത് എട്ടിന്റെ പണി
കൊച്ചി: വിമാനത്തിൽ മദ്യപിച്ചു ബഹളം വച്ച യാത്രക്കാരനെ സുരക്ഷാ ഉദ്യോഗസ്ഥർ പിടികൂടി പോലീസിനു കൈമാറി. ജിദ്ദയിൽനിന്നു കൊച്ചിയിലേക്കു വന്ന എയർ ഇന്ത്യ വിമാനത്തിലെ യാത്രക്കാരനെയാണ് നെടുന്പാശേരി പോലീസിനു കൈമാറിയത്. തിങ്കളാഴ്ച രാത്രിയായിരുന്നു സംഭവം. മദ്യപിച്ച ശേഷം വിമാനത്തിൽ സഹയാത്രികർക്കു ശല്യമാകുന്ന നിലയിൽ ഇയാൾ കാരണമൊന്നുമില്ലാതെ ബഹളം വയ്ക്കുകയായിരുന്നു. വിമാന ജീവനക്കാർ ശാന്തനാകാൻ അഭ്യർഥിച്ചെങ്കിലും വഴങ്ങിയില്ല. ഇതേതുടർന്ന് വിമാനം നെടുന്പാശേരിയിൽ ഇറങ്ങിയപ്പോൾ സുരക്ഷാ ഉദ്യോഗസ്ഥർ കുഴപ്പക്കാരനെ പിടികൂടി പോലീസിനു കൈമാറുകയായിരുന്നു. ലഹരി ഇറങ്ങിയശേഷം ഇയാളെ പോലീസ് താക്കീതു ചെയ്തു വിട്ടയച്ചു.
Read Moreകടൽക്ഷോഭം: ചെല്ലാനത്ത് പ്രതിഷേധം ആളിക്കത്തുന്നു ;പഞ്ചായത്ത് ഓഫീസ് താഴിട്ടു പൂട്ടി
പള്ളുരുത്തി: കടൽക്ഷോഭം രൂക്ഷമായ ചെല്ലാനത്ത് ജനങ്ങളുടെ പ്രതിഷേധം ആളിക്കത്തുന്നു. ഇന്ന് രാവിലെ തീരസംരക്ഷ സമിതിയുടെ നേതൃത്വത്തിൽ സംഘടിച്ചെത്തിയ ആളുകൾ പഞ്ചായത്ത് ഓഫീസ് താഴിട്ടുപൂട്ടി. പ്രതിഷേധക്കാർ പഞ്ചായത്ത് ഓഫീസിനു മുമ്പിൽ കുത്തിയിരിക്കുകയാണ്. കടൽകയറ്റം രൂക്ഷമായിട്ടും അതു തടയുന്നതിനായി പഞ്ചായത്ത് യാതൊരു നടപടിയും സ്വീകരിച്ചില്ലെന്ന് പ്രതിഷേധക്കാർ പറഞ്ഞു. കടൽക്ഷോഭം രൂക്ഷമായ പ്രദേശം സന്ദർശിക്കുവാൻ എംഎൽഎ ഉൾപ്പെടെയുള്ള ജനപ്രതിനിധികൾ എത്തിയില്ലെന്നും ആക്ഷേപമുണ്ട്. കാലവർഷം എത്തുന്നതിനു മുൻപേ പൂർത്തിയാക്കുമെന്ന് പറഞ്ഞ ജിയോ ട്യൂബ് നിർമാണം എങ്ങുമെത്തിയില്ല. കടലിനെ പ്രതിരോധിക്കുന്നതിനു സാധാരണ ചെയ്യാറുള്ള പ്രതിരോധ പ്രവർത്തനങ്ങളും പഞ്ചായത്ത് നടത്തിയിരുന്നില്ല. ഏതാനും ചാക്കുകളിൽ മണൽ നിറച്ചു നിരത്തിയെങ്കിലും അവയെല്ലാം ആദ്യ കടൽകയറ്റത്തിൽ ഒലിച്ചു പോയിരുന്നു. കഴിഞ്ഞ ദിവസങ്ങളിൽ ഓഖി ചുഴലിക്കാറ്റിനു സമാനമായ രീതിയിലാണ് കടൽ കരയിലേക്ക് ഇരച്ചുകയറിയത്. മറുവക്കാട്, വേളാങ്കണ്ണി, ആലുങ്കൽ എന്നിവിടങ്ങളിലാണ് കയറ്റം രൂക്ഷമായി അനുഭവപ്പെട്ടത്. ഈ പ്രദേശത്ത് വെള്ളം റോഡിലേക്ക് വരെ ഒഴുകിയെത്തി.…
Read Moreഎടവനക്കാട്ടെ വീടുകളുടെ മതിലിൽ കണ്ട അടയാളങ്ങൾ; അന്വേഷിച്ച് ആളെ കണ്ടെത്തിയപ്പോൾ പ്രതി പറഞ്ഞതിങ്ങനെ…
ചെറായി: എടവനക്കാട് മേഖലയിലെ എട്ടോളം വീടുകളുടെ മതിലുകളിൽ കണ്ട പെയിന്റ് അടയാളം പാൽക്കാരൻ വീട് മാറിപ്പോകാതിരിക്കാൻ വരച്ചതെന്ന് ഞാറക്കൽ പോലീസ് അറിയിച്ചു. നേരത്തെ ഈ മേഖലയിൽ പാൽ വിതരണം നടത്തിയിരുന്നത് സ്വകാര്യ പാൽ ഡയറിയിലെ ജീവനക്കാരനായ തമിഴ് യുവാവായിരുന്നു. ഇയാളുടെ അഭാവത്തിൽ ഡയറി ഉടമ ഉത്തരേന്ത്യക്കാരനായ ഒരു യുവാവിനെ പാൽ വിതരണം ഏൽപ്പിച്ചു. എന്നാൽ പുതുതായി വന്നതിനാൽ ഇയാൾക്ക് വീടുകൾ തിരിച്ചറിയാതെ വന്നത് മൂലം പതിവുകാരല്ലാത്തവരുടെ വീടുകളിലും പാൽ വിതരണം നടത്തി. ഇതോടെ പാൽകിട്ടാതെ പതിവുകാർ പരാതിയുമായി രംഗത്തെത്തിയപ്പോഴാണ് പാൽ വാങ്ങുന്ന വീടുകളുടെ മതിലിൽ ചുവപ്പും കറുപ്പും പെയിന്റ് കൊണ്ട് അടയാളമിട്ടതത്രേ. എന്നാൽ ഇതറിയാതിരുന്ന വീട്ടുകാർ തങ്ങളുടെ മതിലിൽ ചുവപ്പ് പെയിന്റ് മാർക്ക് കണ്ട് അന്പരന്നു. പലവീടുകളുടെയും മതിലിൽ ഈ അടയാളം കണ്ടതോടെ നാട്ടുകാർ ആശങ്കാകുലരായി. വാച്ചാക്കൽ പടിഞ്ഞാറോട്ടുള്ള പോക്കറ്റ് റോഡിലും ഇവിടെ നിന്നും വലത്തോട്ടേക്കുള്ള രണ്ടാമത്തെ…
Read Moreസർക്കാരിന് തിരിച്ചടി; ഖാദർ കമ്മിറ്റി റിപ്പോർട്ട് ഹൈക്കോടതി സ്റ്റേ ചെയ്തു; ദേശീയ വിദ്യാഭ്യാസ നയത്തിന് വിരുദ്ധമാണെന്ന ഹർജിയിലാണ് നടപടി
കൊച്ചി: ഹയർസെക്കൻഡറി ഏകീകരണം ശിപാർശ ചെയ്യുന്ന ഖാദർ കമ്മിറ്റി റിപ്പോർട്ട് നടപ്പാക്കാനുള്ള സർക്കാർ നീക്കത്തിന് തിരിച്ചടി. റിപ്പോർട്ടിന്റെ അടിസ്ഥാനത്തിലെ തുടർനടപടികൾ ഹൈക്കോടതി സ്റ്റേ ചെയ്തു. രണ്ടുമാസത്തേക്കാണ് സ്റ്റേ ചെയ്തുകൊണ്ടുള്ള കോടതിയുടെ നടപടി. ലയനം ദേശീയ വിദ്യാഭ്യാസ നയത്തിന് വിരുദ്ധമാണെന്നും ഹയര് സെക്കന്ഡറി സ്കൂളുകളിലെ അധ്യാപകരുടെ അവകാശങ്ങള് ഇല്ലാതാക്കുന്ന നടപടിയാണെന്നും ആരോപിച്ച് നൽകിയ ഹർജിയിലാണ് കോടതിയുടെ ഉത്തരവ്. യോഗ്യത ഇല്ലാത്തവർക്കു ഹയർ സെക്കൻഡറി സ്കൂളുകളിൽ പഠിപ്പിക്കാനും പ്രിൻസിപ്പലാകാനും അവസരമൊരുക്കുന്ന നടപടിക്കാണു ഖാദർ കമ്മിറ്റി റിപ്പോർട്ട് മനസിരുത്താതെ നടപ്പാക്കുന്നതിലൂടെ സർക്കാർ വഴിയൊരുക്കിയിരിക്കതെന്നാണ് ഹർജിക്കാർ വ്യക്തമാക്കുന്നത്. ഒന്നാം ക്ലാസ് മുതൽ 12-ാം ക്ലാസ് വരെ ഒരു ഡയറക്ടറേറ്റിനു കീഴിലാക്കണമെന്നാണ് കമ്മിറ്റിയുടെ ശിപാർശ. ഹൈസ്കൂൾ, ഹയർസെക്കൻഡറി, വൊക്കേഷണൽ ഹയർസെക്കൻഡറി പരീക്ഷകൾ പൊതുവായ ഒരു പരീക്ഷാ കമ്മീഷണറുടെ കീഴിലാക്കാനുമായിരുന്നു തീരുമാനം.
Read Moreലഹരികള്ക്കിടയില് അവന്റെ പേര് ടിക് ടോക്; അവിഹിതത്തിന് പോകുന്നവര്ക്കിടയില് ഒരേയൊരു പേരെയുള്ളൂ ‘ലൗ ടാബ്’! രാസലഹരി മരുന്ന് പിടികൂടിയ സംഭവത്തില് പുറത്തുവരുന്നത് ഞെട്ടിക്കുന്ന വിവരങ്ങള്
കൊച്ചി: അന്താരാഷ്ട്ര വിപണിയിൽ ലക്ഷങ്ങൾ വിലവരുന്ന വീര്യംകൂടിയ രാസലഹരി മരുന്നുമായി യുവാവ് പിടിയിലായ സംഭവത്തിൽ തുടർ അന്വേഷണം നടത്താനൊരുങ്ങി പോലീസ്. എൽഎസ്ഡി സ്റ്റാന്പുകളും എക്സ്റ്റസി ഗുളികകളുമായി ആലപ്പുഴ തിരുവന്പാടി സ്വദേശി ബിനോ വർഗീസിനെ (31) ഷാഡോസംഘം പിടികൂടിയ സംഭവത്തിലാണു തുടർ അന്വേഷണം നടത്തുക. ടിക് ടോക്, ലൗ ടാബ് എന്നീ പേരുകളിൽ അറിയപ്പെടുന്ന എക്സ്റ്റസി ഗുളികകളാണ് ഇയാളിൽനിന്നു പിടികൂടിയത്. മധ്യകേരളത്തിൽ ആദ്യമായാണ് എക്സ്റ്റസി ഗുളികകൾ പിടികൂടുന്നത്. ആദ്യ മണിക്കൂറുകളിൽ ലൈംഗിക ഉത്തേജനം വർധിപ്പിക്കുന്നതിനാലാണ് ’ലൗ ടാബ്’ എന്ന പേര് വരാൻ കാരണം. ഇത്തരം 24 ഗുളികകളാണ് ബിനോയുടെ പക്കൽനിന്നു പിടികൂടിയത്. എൽഎസ്ഡി സ്റ്റാന്പ് ഒന്നിന് 6,000 രൂപ വിലയ്ക്കും എക്സ്റ്റസി ഗുളിക ഒന്നിന് 5,000 രൂപ വിലയ്ക്കുമാണ് ഇയാൾ വിറ്റിരുന്നത്. ഗോവ, ബംഗളൂരു എന്നിവിടങ്ങളിൽനിന്ന് കേരളത്തിലേക്കു മയക്കുമരുന്നു കടത്തുന്ന സംഘത്തിലെ കണ്ണിയാണ് ഇയാളെന്നു പോലീസ് പറഞ്ഞു. എൻജിനിയറിംഗ്…
Read Moreസിപിഎമ്മിന്റെ വളർച്ച പടവലങ്ങ പോലെ..! കോണ്ഗ്രസിനെ പ്രതിരോധിക്കാൻ സിപിഎമ്മുകാരെ സ്വാഗതം ചെയ്ത് ശ്രീധരൻപിള്ള
കൊച്ചി: കേരളത്തിൽ ബിജെപിയുടെ വളർച്ച സിപിഎം കേന്ദ്ര കമ്മിറ്റിക്കു ബോധ്യപ്പെട്ടെന്നു ബിജെപി സംസ്ഥാന പ്രസിഡന്റ് പി.എസ്. ശ്രീധരൻപിള്ള. ബംഗാളിൽ സിപിഎമ്മിന്റെ വളർച്ച പടവലങ്ങ പോലെയാണ്. കേരളത്തിലും ഈ സ്ഥിതി വരുമെന്നും കൊച്ചിയിൽ പാർട്ടി സംസ്ഥാന കോർ കമ്മിറ്റി യോഗത്തിനു ശേഷം നടത്തിയ പത്രസമ്മേളനത്തിൽ ശ്രീധരൻപിള്ള പറഞ്ഞു. സിപിഎം കേന്ദ്രകമ്മിറ്റിയുടെ തെരഞ്ഞെടുപ്പു റിപ്പോർട്ടിൽ ബിജെപിയുടെ വളർച്ച സമ്മതിക്കുന്നുണ്ട്. തെരഞ്ഞെടുപ്പിനുശേഷം നിലംപരിശായ അവസ്ഥയിലെത്തിയിട്ടും ബിജെപിക്കു തടയിടാനാണു സിപിഎം ശ്രമിക്കുന്നത്. കോണ്ഗ്രസിനെ പ്രതിരോധിക്കാൻ സിപിഎമ്മുകാർ ബിജെപിയിലേക്കു വരുന്നതാണു നല്ലതെന്നും ശ്രീധരൻപിള്ള പറഞ്ഞു.
Read Moreഭിന്നശേഷിക്കാരിയായ സ്ത്രീയെ വിവാഹവാഗ്ദാനം നല്കി പീഡിപ്പിച്ച് മുങ്ങി; വിവാഹിതനായ പ്രതി അലപ്പുഴയില് മറ്റൊരു യുവതിയുമായി താമസം; ഒടുവില്…
കളമശേരി: ഭിന്നശേഷിക്കാരിയായ സ്ത്രീയെ വിവാഹവാഗ്ദാനം നൽകി പീഡിപ്പിച്ച് ഒളിവിൽ പോയ പ്രതിയെ ആലപ്പുഴയിൽനിന്ന് കളമശേരി പോലീസ് പിടികൂടി. കളമശേരി വട്ടേക്കുന്നം പട്ടാളം നാസർ റോഡിൽ സിദ്ദിഖ് (47) ആണ് പിടിയിലായത്. വ്യാഴാഴ്ച രാത്രിയാണ് ആലപ്പുഴയിൽ നിന്ന് ഇയാളെ പിടികൂടിയത്. ശ്രവണ പരിമിതിയുള്ള സ്ത്രീയെ പീഡിപ്പിച്ചതായി പോലീസിൽ പരാതി ലഭിച്ചതിനെത്തുടർന്ന് ഇയാൾ ഒളിവിൽ പോവുകയായിരുന്നു. രണ്ടു മാസം മുമ്പാണ് സംഭവം നടന്നത്. പ്രതി രണ്ടു പ്രാവശ്യം മുൻകൂർ ജാമ്യത്തിനു ശ്രമിച്ചങ്കിലും കോടതി തള്ളിയിരുന്നു. വിവാഹിതനായ പ്രതി ആലപ്പുഴയിൽ മറ്റൊരു സ്ത്രീയോടൊപ്പം ഒളിച്ചു താമസിക്കുന്നതായാണ് പോലീസ് കണ്ടെത്തിയത്. കളമശേരി പോലീസിനു ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പ്രതിയെ ആലപ്പുഴയിൽ നിന്ന് അറസ്റ്റുചെയ്തത്. പ്രതിയെ കോടതിയിൽ ഹാജരാക്കി.
Read Moreഅൽപ്രോസോളം! ആലുവയിൽ ബ്യൂട്ടി പാർലറിന്റെ മറവിൽ മയക്ക് മരുന്ന് കടത്ത്; രണ്ട് കോടി രൂപയുടെ മയക്ക് മരുന്നുമായി യുവാവ് പിടിയിൽ
കൊച്ചി: നിശാപാർട്ടികൾക്കുവേണ്ടി സംസ്ഥാനത്തിന്റെ വിവിധ ഭാഗങ്ങളിൽ ലഹരിമരുന്ന് എത്തിച്ച് കൊടുക്കുന്ന മാഫിയ സംഘത്തിലെ പ്രധാന കണ്ണി അതിമാരകമായ ലഹരിമരുന്നുകളുമായി എക്സൈസ് സംഘത്തിന്റെ പിടിയിൽ. കോട്ടയം ഈരാറ്റുപേട്ട പള്ളിത്താഴ വീട്ടിൽ കുരുവി അഷ്റു എന്ന് വിളിക്കുന്ന സക്കീറിനെ (33) ആണ് ആലുവ റേഞ്ച് എക്സൈസ് ഇൻസ്പെക്ടർ ടി.കെ. ഗോപിയുടെ നേതൃത്വത്തിലുള്ള ഷാഡോ സംഘം പിടികൂടിയത്. രണ്ട് കിലോ ഗ്രാം ഹാഷിഷ് ഓയിൽ, 95 എണ്ണം അൽപ്രാസോളം മയക്ക് മരുന്ന് ഗുളികകൾ, 35 എണ്ണം നൈട്രോസെപാം മയക്ക് മരുന്ന് ഗുളികകൾ എന്നിവ ഇയാളിൽനിന്നും കണ്ടെടുത്തു. ഗ്രീൻ ലേബൽ വിഭാഗത്തിൽപ്പെടുന്ന ഏറ്റവും മുന്തിയ ഇനം ഹാഷിഷ് ഓയിലാണ് ഇയാളിൽനിന്ന് പിടിച്ചെടുത്തത്. തൃശൂരിൽനിന്ന് മയക്ക് മരുന്നുകളുമായി ഇയാൾ ആലുവ ഭാഗത്തേയ്ക്കു വരുന്നുണ്ടെന്ന രഹസ്യ വിവരം ലഭിച്ചതിന്റെ അടിസ്ഥാനത്തിൽ ഷാഡോ ടീം ഇയാളെ നിരീക്ഷിച്ച് വരികെ ആലുവ കുട്ടമശേരിക്കടുത്തുവച്ച് ഇയാളുടെ കാർ എക്സൈസ് ഷാഡോ…
Read Moreമുഹമ്മദ് ഹനീഷ് കൊച്ചി മെട്രോയുടെ പടിയിറങ്ങുമ്പോൾ അഭ്യൂഹങ്ങളും ആശങ്കയും ബാക്കി
കൊച്ചി: കൊച്ചി മെട്രോയുടെ അതിവേഗ വളർച്ചയ്ക്കു ചുരുങ്ങിയ കാലംകൊണ്ട് ഊർജം പകർന്ന എ.പി.എം. മുഹമ്മദ് ഹനീഷ് കെഎംആർഎലിന്റെ പടിയിറങ്ങുന്പോൾ ഒട്ടേറെ അഭ്യൂഹങ്ങളും ആശങ്കകളും ബാക്കിയാകുകയാണ്. പാലാരിവട്ടം മേൽപ്പാല അഴിമതി സംബന്ധിച്ച് ആരോപണങ്ങൾ കൊടുന്പിരികൊള്ളുന്ന സാഹചര്യത്തിലാണ് മാറ്റമെന്നതും ശ്രദ്ധേയം. കെഎംആർഎലിന്റെ മാനേജിംഗ് ഡയറക്ടർ സ്ഥാനത്തുനിന്നുള്ള മുഹമ്മദ് ഹനീഷിന്റെ മാറ്റം തികച്ചും അപ്രതീക്ഷിതമാണ്. തൊട്ടുപിന്നാലെ പേട്ട-തൃപ്പൂണിത്തുറ മെട്രോ പാതയ്ക്ക് 356 കോടിയുടെ സാന്പത്തികാനുമതിയും മന്ത്രിസഭ നൽകി. കെഎംആർഎൽ സ്വന്തം നിലയ്ക്കു നിർമാണം നടത്തുന്ന പേട്ട-എസ്എൻ ജംഗ്ഷൻ പാതയ്ക്ക് സാന്പത്തികാനുമതി ലഭിച്ച സാഹചര്യത്തിൽ മെട്രോയുടെ നിർമാണവേഗതയെ ഹനീഷിന്റെ മാറ്റത്തോടെ എങ്ങനെ ബാധിക്കുമെന്ന ആശങ്കയുമുണ്ട്. ഒന്നാംഘട്ടത്തെ അവസാന റീച്ചിലെ മഹാരാജാസ് മുതൽ തൈക്കൂടം വരെയുള്ള പാതയിൽ ഓഗസ്റ്റിൽ സർവീസ് ആരംഭിക്കാനുള്ള ഒരുക്കങ്ങൾ പൂർത്തിയായിക്കൊണ്ടിരിക്കുന്പോൾ എംഡിയുടെ അപ്രതീക്ഷതമായ മാറ്റം പാലാരിവട്ടം മേൽപ്പാലവുമായുണ്ടായ ആരോപണങ്ങളുമായി കൂട്ടിവായിക്കേണ്ടിവരും. മുഹമ്മദ് ഹനീഷ് റോഡ്സ് ആൻഡ് ബ്രിഡ്ജസ് ഡെവലപ്മെന്റ് കോർപറേഷൻ…
Read More