കൊച്ചി: പനന്പിള്ളി നഗറിൽ നടുറോഡിൽ പെണ്കുട്ടിയുടെ ദേഹത്തു ബൈക്കിലെത്തി പെട്രോളൊഴിച്ച സംഭവത്തിൽ യുവാവ് പോലീസ് കസ്റ്റഡിയിൽ. ദുബായിൽ ഓയിൽ കന്പനിയിൽ ജോലി നോക്കിവന്ന പാലക്കാട് സ്വദേശി മനു(30)വിനെയാണ് എറണാകുളം സൗത്ത് പോലീസ് കസ്റ്റഡിയിലെടുത്തത്. ഇന്ന് രാവിലെ ഇയാൾ കൊച്ചി രാജ്യാന്തര വിമാനത്താവളത്തിൽ വന്നിറങ്ങവേ പോലീസ് കസ്റ്റഡിയിൽ എടുക്കുകയായിരുന്നു. വൈകിട്ടോടെ അറസ്റ്റ് രേഖപ്പെടുത്തിയേക്കും. സംഭവത്തിൽ ഇയാളാണ് പ്രതിയെന്ന് കണ്ടെത്തിയതിനെത്തുടർന്ന് ദുബായിലെ കന്പനിയുമായി പോലീസ് ബന്ധപ്പെട്ട് ഇയാളെ മടക്കി അയക്കുകയായിരുന്നു. സിസിടിവി ദൃശ്യങ്ങളുടെ പരിശോധനകളിൽനിന്നുമാണ് ഇയാൾതന്നെയാണ് പ്രതിയെന്ന് പോലീസ് തിരിച്ചറിഞ്ഞത്. വിവാഹാഭ്യർഥനയുമായി ഇയാൾ സമീപിച്ചെങ്കിലും പെണ്കുട്ടിയുടെ പക്കൽനിന്ന് അനുകൂല പ്രതികരണം ഉണ്ടാകാത്തതാണ് ആക്രമണത്തിൽ കലാശിച്ചതെന്ന് പോലീസ് പറഞ്ഞു. കഴിഞ്ഞ മാസം 14 ന് രാത്രി 7.15 ഓടെ പനന്പിള്ളി നഗർ ഗവ. ഹയർസെക്കൻഡറി സ്കൂളിന് സമീപമായിരുന്നു സംഭവം. കൊച്ചിയിലെ സ്വകാര്യ സ്ഥാപനത്തിൽ ഏവിയേഷൻ കോഴ്സ് പഠിക്കുന്ന പെണ്കുട്ടി ക്ലാസ് കഴിഞ്ഞശേഷം…
Read MoreCategory: Kochi
മൂവാറ്റുപുഴ നഗരത്തിൽ സ്വകാര്യബസുകളുടെ മരണപ്പാച്ചിൽ; നടപടി സ്വീകരിക്കാത്തതിൽ വ്യാപക പ്രതിഷേധം
മൂവാറ്റുപുഴ: നഗരത്തിൽ സ്വകാര്യബസുകളുടെ മരണപ്പാച്ചിലും അപകടങ്ങളും വർധിച്ചിട്ടും അധികൃതർ നടപടി സ്വീകരിക്കാത്തതിൽ പ്രതിഷേധം വ്യാപകം. ബസുകൾ തമ്മിലുള്ള മത്സരയോട്ടം പതിവായതോടെ സ്ത്രീകളും കുട്ടികളും അടക്കമുള്ളവർ റോഡ് കുറുകെ കടക്കാൻ ഭയപ്പെടുകയാണ്. കഴിഞ്ഞദിവസം കച്ചേരിത്താഴത്ത് അശ്രദ്ധമായ ഡ്രൈവിംഗിനിടെ സ്വകാര്യബസ് ജില്ലാ ജഡ്ജിയുടെ കാറിലിടിച്ചിരുന്നു. കാറിന്റെ പിൻഭാഗത്തിന് കേടുപാടുകളും സംഭവിച്ചു. അശ്രദ്ധമായി ബസ് മുന്നോട്ടെടുത്തതാണ് അപകടത്തിനു കാരണമായത്. ഇതിനു പുറമെ സമയത്തെച്ചൊല്ലി ബസ് ജീവനക്കാർ തമ്മിലുള്ള വാക്കേറ്റം പലപ്പോഴും കൈയാങ്കളിയിലും കലാശിക്കാറുണ്ട്. പരസ്യമായി നിയമലംഘനം നടത്തുന്ന സ്വകാര്യബസുകൾക്കെതിരേ പോലീസ് നടപടി സ്വീകരിക്കാത്തതിൽ പ്രതിഷേധം വ്യാപകമായിട്ടുണ്ട്. മദ്യവും മയക്കുമരുന്നും ഉപയോഗിക്കുന്ന ചില ഡ്രൈവർമാരും ഇക്കൂട്ടത്തിലുണ്ടെന്ന് ആരോപണമുണ്ട്. ഏതാനും നാൾ മുൻപ് ഇത്തരം ഡ്രൈവർമാരെ മോട്ടോർ വാഹന വകുപ്പ് വാഹന പരിശോധനയ്ക്കിടെ പിടികൂടിയിരുന്നു.
Read Moreജാഗ്രതൈ…! വീട് കുത്തിത്തുറന്ന് ഉൾപ്പെടെ മോഷണം നടത്തുന്ന വൻ സംഘം കൊച്ചിയിൽ; ജാഗ്രത പാലിക്കണമെന്നു പോലീസ്
കൊച്ചി: വീട് കുത്തിത്തുറന്ന് ഉൾപ്പെടെ മോഷണം നടത്തുന്ന വൻ സംഘം കൊച്ചിയിൽ എത്തിയിട്ടുണ്ടെന്ന് പോലീസ്. ഒരു ഇടവേളയ്ക്കുശേഷം ഇത്തരക്കാരുടെ വരവ് വർധിച്ചതോടെ ജനങ്ങൾ കൂടുതൽ ജാഗ്രത പാലിക്കണമെന്നും അധികൃതർ വ്യക്തമാക്കി. കഴിഞ്ഞ ദിവസം പോലീസ് പിടിയിലായ തമിഴ്നാട് സ്വദേശിനിയിൽനിന്നുമാണു ഇതു സംബന്ധിച്ച കൂടുതൽ വിവരങ്ങൾ പോലീസിനു ലഭിച്ചതെന്നാണു വിവരം. വീട് കുത്തിത്തുറന്ന് മോഷണം നടത്തിയ സംഭവത്തിലാണു തമിഴ്നാട് സ്വദേശിനിയെ എറണാകുളം നോർത്ത് പോലീസ് പിടികൂടിയത്. പച്ചാളം കണ്ണാന്പള്ളി റോഡിൽ കിഴവന പറന്പിൽ രേണുകയുടെ വീട് കുത്തിത്തുറന്ന് അലമാരയിൽ സൂക്ഷിച്ചിരുന്ന 1200 രൂപ, ഫാൻ, കുക്കർ, തേപ്പുപെട്ടി എന്നിവ കവർന്ന കേസിൽ തമിഴ്നാട് സ്വദേശി ലക്ഷമിയാണ് (30) പിടിയിലായയത്. ഉച്ചയോടെ പുറത്തുപോയ കുടുബം വൈകിട്ട് തിരികെയെത്തുന്പോഴാണ് മോഷണവിവരം അറിയുന്നത്. പരാതി നൽകിയതിനെത്തുടർന്ന് പരിസര പ്രദേശങ്ങളിലെത്തി അന്വേഷണം നടത്തിയ പോലീസ് പച്ചാളം ഭാഗത്തുനിന്ന് ചാക്കുകെട്ടുമായി പ്രതിയെ പിടികൂടുകയായിരുന്നു. വീടിന്റെ അടുക്കള…
Read Moreപെരുന്പാവൂർ ഈസ്റ്റ് ഒക്കലിലെ പ്ലാസ്റ്റിക്ക് കമ്പനിയിൽ വീണ്ടും തീപിടിത്തം
പെരുമ്പാവൂർ: ഈസ്റ്റ് ഒക്കലിന് സമീപത്തുള്ള പ്ലാസ്റ്റിക്ക് കമ്പനിക്ക് വീണ്ടും തീപിടിച്ചു. ഗോഡൗണിലും മറ്റുമായി പടർന്നുപിടിച്ച തീ അഞ്ച് മണിക്കൂർ പരിശ്രമിച്ചാണ് ഫയർഫോഴ്സ് അണച്ചത്. ഇന്നലെ വൈകിട്ട് ആറോടെയാണു തീ പടർന്നത് കണ്ടത്. അവധി ദിവസമായിരുന്നതിനാൽ ജോലിക്ക് ആളുകൾ എത്തിയിരുന്നില്ല. പെരുമ്പാവൂർ, അങ്കമാലി എന്നിവടങ്ങളിൽ നിന്നായി നാലു യൂണിറ്റ് ഫയർഫോഴ്സ് എത്തിയാണ് തീയണച്ചത്. പഴയ പ്ലാസ്റ്റിക് ഗോഡൗണാണ്. തീപിടിത്തത്തിന്റെ കാരണം വ്യക്തമല്ല. രണ്ടു മാസം മുമ്പ് സമാന രീതിയിൽ ഇവിടം തീപിടിച്ചു ലക്ഷകണക്കിനു രൂപയുടെ നാശനഷ്ടങ്ങൾ സംഭവിച്ചിരുന്നു. അങ്കമാലി മാമ്പ്ര സ്വദേശി അൻവറിന്റെ ഉടമസ്ഥതയിലുള്ളതാണ് ഈസ്റ്റ് ഒക്കൽ ആന്റോപുരത്തുള്ള ഈ കമ്പനി. പഴയ പ്ലാസ്റ്റിക് സാധനങ്ങൾ തരംതിരിക്കുന്ന ജോലിയാണ് ഇവിടെ ചെയ്തുവന്നിരുന്നത്.
Read Moreഎക്സൈസ് ഷാഡോ സംഘത്തിന്റെ വാഹനത്തിൽ ലിഫ്റ്റ് ചോദിച്ച് കഞ്ചാവ് കടത്താൻ ശ്രമിച്ചയാൾ കുടുങ്ങി
കൊച്ചി: അപരിചിതരായ ഇരുചകവാഹന യാത്രക്കാരെ കരുവാക്കി കഞ്ചാവ് കടത്തിയിരുന്ന കേസിൽ ആലപ്പുഴ കഞ്ഞിക്കുഴി സ്വദേശി എക്സൈസ് പിടിയിൽ. തെരഞ്ഞെടുപ്പിനോടനുബന്ധിച്ച് പ്രത്യേക നിരീക്ഷണങ്ങൾക്കായി ഏർപ്പെടുത്തിയ ഷാഡോ സംഘത്തിന്റെ വാഹനത്തിന് ലിഫ്റ്റ് ചോദിച്ച് കഞ്ചാവ് കടത്താൻ ശ്രമിക്കുന്നതിനിടെയാണ് കഞ്ഞിക്കുഴി സ്വദേശിയായ മാഹിൻ(19) പിടിയിലായത്. നഗരത്തിലെ ഒരു ഹോട്ടലിൽ ജോലി ചെയ്തു വരികയായിരുന്ന മാഹിൻ ശനിയാഴ്ചകളിൽ നാട്ടിലേക്ക് പോകുന്ന സമയത്ത് കഞ്ചാവ് അവിടെയുള്ള കച്ചവടക്കാർക്ക് വിതരണം നടത്തിവരികയായിരുന്നുവെന്ന് എക്സൈസ് സംഘം വ്യക്തമാക്കി. ഒന്നേകാൽ കിലോ കഞ്ചാവാണ് ഇയാളുടെ പക്കൽ നിന്നു പിടികൂടിയത്. ഇരുചക്ര വാഹനങ്ങൾക്ക് കൈ കാണിച്ച് വാഹനങ്ങളിൽ യാത്രചെയ്യുകയും പോലീസ് പരിശോധന നടക്കുന്ന സമയത്ത് കൈവശമുള്ള കഞ്ചാവ് നിറച്ച ബാഗ് ബൈക്കിൽ തൂക്കിയിട്ട് രക്ഷപെടുകയുമായിരുന്നു ഇയാളുടെ രീതി. എന്നാൽ കഴിഞ്ഞ ദിവസം ഇയാൾ ലിഫ്റ്റ് ആവശ്യപ്പെട്ടത് ഷാഡോ സംഘത്തിന്റെ വാഹനത്തിനായിരുന്നു. വാഹനത്തിൽ കയറിയ മാഹിന്റെ പക്കൽ നിന്നു കഞ്ചാവിന്റെ രൂക്ഷഗന്ധം…
Read Moreനിശബ്ദ ജീവിതത്തില് സ്നേഹത്തിന്റെ താളമാകാന് അവര് ഒത്തുചേര്ന്നു; കൊച്ചിക്കും കേരളത്തിനും നവ്യാനുഭവം
കൊച്ചി: നിശബ്ദ ജീവിതത്തിനു സ്നേഹത്തിന്റെ ഭാഷകൊണ്ടു താളം പകരാൻ അവര് ഒത്തുചേര്ന്നു. പരാധീനതകളുടെ പങ്കുവയ്ക്കലിനൊപ്പം പരസ്പരം ഉള്ക്കൊള്ളാനുള്ള മനസിന്റെയും ഹൃദയത്തിന്റെയും ഐക്യം അവരില് പുതുപ്രതീക്ഷയുടെ വെളിച്ചമായി. എറണാകുളം പിഒസിയില് നടന്ന ബധിരരും മൂകരുമായ വിവാഹാര്ഥികളുടെ സംഗമവേദിയാണു കൊച്ചിക്കും കേരളത്തിനും നവ്യാനുഭവമായത്. വിവിഹവേദിക എന്നു പേരിട്ട വിവാഹാലോചന സംഗമത്തില് സംസ്ഥാനത്തിന്റെ വിവിധ ഭാഗങ്ങളില്നിന്നു ബധിരരും മൂകരുമായ 60 ഓളം യുവതീയുവാക്കള് പങ്കുചേര്ന്നു. സംസാരിക്കാനും കേള്ക്കാനും കഴിയാത്ത ഇവര് കൈകളുടെയും കണ്ണുകളുടെയും ചലനങ്ങളിലൂടെ പരസ്പരം പരിചയപ്പെടുകയും തങ്ങളുടെ ജീവിത സാഹചര്യങ്ങള് വിവരിക്കുകയും ചെയ്തത് വേറിട്ട അനുഭവമായി. യുവതീയുവാക്കളും അവരുടെ കുടുംബാംഗങ്ങളും പങ്കാളിയെക്കുറിച്ചുള്ള പ്രതീക്ഷകള് പങ്കുവച്ചു. ഇഷ്ട പങ്കാളിയെ കണ്ടെത്തിയാല് കുടുംബാംഗങ്ങള്ക്ക് ആലോചന തുടരാവുന്ന വിധത്തിലാണ് സംഗമം സംഘടിപ്പിച്ചിരുന്നത്. കഴിഞ്ഞ നവംബറില് നടന്ന സംഗമത്തില് പരസ്പരം പരിചയപ്പെട്ടു വിവാഹിതരായ ബധിതരും മൂകരുമായ അഭിജിത്ത്- ശീതള് ദമ്പതികളും ഇന്നലെ നടന്ന സംഗമത്തില് പങ്കെടുത്തു…
Read Moreപ്രളയത്തിൽ ബിവറേജസ് കോർപറേഷന്റെ നഷ്ടം; ജീവനക്കാരിൽനിന്ന് ഈടാക്കുന്നത് ഹൈക്കോടതി സ്റ്റേ ചെയ്തു
ആലുവ: പ്രളയത്തിൽ നശിച്ചുപോയ മദ്യശേഖരത്തിനു പകരമായി തൊഴിലാളികൾ തുക അടയ്ക്കണമെന്ന കേരള ബിവ്റജ് കോർപറേഷന്റെ സർക്കുലർ ഹൈക്കോടതി രണ്ടുമാസത്തേക്ക് സ്റ്റേ ചെയ്തു. പെരുമ്പാവൂർ ബിവ്റജ് ഔട്ട്ലറ്റിലെ 10 ജീവനക്കാർ ഹൈക്കോടതിയെ സമീപിച്ചതിനെത്തുടർന്നാണ് ഉത്തരവ്. പ്രളയത്തെത്തുടർന്ന് നശിച്ചുപോയ സ്റ്റോക്കിന് പകരം പെരുമ്പാവൂർ ബിവ്റജിലെ ജീവനക്കാർ 67,261 രൂപ വീതം അടയ്ക്കണമെന്നായിരുന്നു ഓഡിറ്റിംഗ് വിഭാഗം ആവശ്യപ്പെട്ടത്. പ്രളയം വന്നതിനെത്തുടർന്ന് തുടർച്ചയായി അഞ്ചുദിവസം മദ്യശേഖരം 20 അടി പൊക്കത്തിലുള്ള വെള്ളത്തിൽ കിടക്കുകയായിരുന്നെന്നും പ്രകൃതിക്ഷോഭംമൂലമുണ്ടായ നഷ്ടം ജീവനക്കാരിൽ നിന്നീടാക്കാനുള്ള നീക്കം അനുവദിക്കാനാകില്ലെന്നും പരാതിക്കാരനും ഐഎൻടിയുസി നേതാവുമായ ശിശുകുമാർ പറഞ്ഞു. സമാനരീതിയിൽ സംസ്ഥാനത്തെ മറ്റ് ബിവ്റജ് ഔട്ട്ലറ്റുകളിലുമുണ്ടായ പ്രളയനഷ്ടം അതാത് ജീവനക്കാരിൽ നിന്നീടാക്കാനുള്ള ശ്രമം ആരംഭിച്ചിരിക്കുകയാണെന്ന് തൊഴിലാളികൾ കുറ്റപ്പെടുത്തി. ഇൻഷ്വറൻസ് ക്ലെയിം നടപടികൾ പുരോഗമിച്ചുകൊണ്ടിരിക്കെയാണ് വിചിത്രമായ രീതിയിൽ നഷ്ട പരിഹാരം ഈടാക്കുന്നതെന്ന് ജീവനക്കാർ പറയുന്നു. പ്രളയദുരന്തം നേരിട്ട ജീവനക്കാർ ഒരു മാസത്തെ ശമ്പളം മുഖ്യമന്ത്രിയുടെ…
Read Moreപോക്സോ കോടതികളുടെ പ്രവര്ത്തനം വേഗത്തിലാക്കണമെന്ന് സോഷ്യല് ജസ്റ്റീസ് ഫോറം
മുളന്തുരുത്തി: കുട്ടികള്ക്കെതിരേയുള്ള കുറ്റകൃത്യങ്ങള് തടയുന്നതിനുള്ള പോക്സോ കോടതികളുടെ പ്രവര്ത്തനം അതിവേഗ കോടതികളിലേയ്ക്കു മാറ്റണമെന്നു സോഷ്യല് ജസ്റ്റീസ് ഫോറം സംസ്ഥാന പ്രസിഡന്റ് കെ.എം. വര്ഗീസ്. തൊടുപുഴയിലെ ഏഴുവയസുകാരനെ അതിദാരുണമായി കൊലപ്പെടുത്തുവാന് സുഹൃത്തിന് ഒത്താശ ചെയ്തു കൊടുത്ത അമ്മയെ മാപ്പു സാക്ഷിയാക്കി രക്ഷിക്കുന്നതിനുള്ള അധികാരികളുടെ ഗൂഢശ്രമം അപലപനീയമെന്നും അദേഹം അഭിപ്രായപ്പെട്ടു. മുളന്തുരുത്തി സിജി എല്പി സ്കൂള് ഹാളില് വച്ച് ഫോറം സംഘടിപ്പിച്ച “നമുക്കു പഠിക്കാം, നന്മയുടെ പാഠം’ സൗഹൃദ കൂട്ടായ്മ ഉദ്ഘാടനം ചെയ്തു സംസാരിക്കുകയായിരുന്നു അദേഹം. സംസ്ഥാന നിര്വാഹകസമിതിയംഗം യു. ഐസക് അധ്യക്ഷത വഹിച്ചു. കുഞ്ഞിളം കൈയില് സമ്മാനം മാര്ത്തോമന് കത്തീഡ്രല് വികാരി റവ. ഫാ. ഷാജി മാമ്മൂട്ടിലും പേരന്റ്സ് ഫോറം കണ്വന്ഷന് സംസ്ഥാന ജോയിന്റ് സെക്രട്ടറി വി. മര്ക്കോസും ഉദ്ഘാടനം ചെയ്തു. ജില്ലാ പ്രസിഡന്റ് പി.ജി. ബീനാകുമാരി ഗുരുവന്ദനം നടത്തി. സംസ്ഥാന നിര്വാഹകസമിതിയംഗം കെ.ആര്. ഷാജി മുഖ്യപ്രഭാഷണം നടത്തി.…
Read Moreകളമശേരിയിൽ മെട്രോ പാലത്തിന് സമീപം മാലിന്യത്തിന് തീപിടിച്ചു; ഒരു മാസത്തിനിടെ പിടിക്കുന്ന പത്താമത്തെ തീപിടുത്തം
കളമശേരി: എസ്സിഎംഎസ് കോളജിന് എതിർവശത്ത് മെട്രോ പാലത്തിന് അടിയിൽ മാലിന്യം കത്തുന്നത് പതിവാകുന്നു. ഇന്നു രാവിലെയും ഫയർഫോഴ്സെത്തി തീ കെടുത്തി. കഴിഞ്ഞ 30 ദിവസത്തിനുള്ളിൽ 10 ലധികം തവണയാണ് ഏലൂരിൽ നിന്നെത്തി ഫയർഫോഴ്സ് എത്തി തീ കെടുത്തിയത്. ഏകദേശം100 മീറ്റർ നീളത്തിൽ നിരവധി ലോഡ് മാലിന്യമാണ് ഇവിടെ കൊണ്ടുവന്ന് തള്ളിയിരിക്കുന്നത്. ക്രെയിനുകൾ, ലോറികൾ എന്നിവ നിരനിരയായി പാർക്ക് ചെയ്യുന്ന സ്ഥലമാണിത്. പലപ്പോഴും ഫയർഫോഴ്സിന്റെ തക്ക സമയത്തെ ഇടപെടലാണ് വാഹനങ്ങൾക്ക് തീപിടിക്കാതെ രക്ഷിക്കുന്നത്. ഒരു വാഹനത്തിന് തീപിടിച്ചാൽ നിരനിരയായിക്കിടക്കുന്ന മറ്റ് വാഹനങ്ങൾക്ക് തീപിടിക്കാനും സാധ്യതയുണ്ട്. തീ ആളിപ്പടർന്നാൽ മെട്രോ തൂണുകളെയും പാലത്തെയും ബാധിക്കുമെന്ന് ഫയർഫോഴ്സ് മുന്നറിയിപ്പ് നൽകുന്നു.
Read Moreബാബുപോളിന്റെ സംസ്കാരം ഞായറാഴ്ച കൊച്ചിയിൽ ; കവടിയാറിലെ വീട്ടിൽ പൊതുദർശനത്തിനു വയ്ക്കും.
തിരുവനന്തപുരം: അന്തരിച്ച എഴുത്തുകാരനും മുൻ ഐഎഎസ് ഉദ്യോഗസ്ഥനുമായ ഡോ.ഡി.ബാബുപോളിന്റെ സംസ്കാരം ഞായറാഴ്ച നടക്കും. വൈകിട്ട് നാലിന് എറണാകുളം കുറുപ്പുംപടിയിലെ സെന്റ്മേരീസ് കത്തീഡ്രലിലാണ് സംസ്കാര ചടങ്ങുകൾ നടക്കുക. ശനിയാഴ്ച ഉച്ചയ്ക്ക് 12 മുതൽ മൃതദേഹം തിരുവനന്തപുരം കവടിയാറിലുള്ള വീട്ടിൽ പൊതുദർശനത്തിനു വയ്ക്കും.
Read More