മലയാറ്റൂർ: മനുഷ്യകുലത്തിന്റെ പാപപരിഹാരത്തിനായി കുരിശിൽ മരിച്ച ക്രിസ്തുവിന്റെ പീഡാനുഭവ നാളുകൾ മനസിലേറ്റി മലയാറ്റൂർ കുരിശുമുടിയിലേക്കു വിശ്വാസികളുടെ തിരക്കേറുന്നു. പീഡാനുഭവത്തെ അനുസ്മരിക്കുന്ന പതിനാല് സ്ഥലങ്ങളിലും മെഴുകുതിരി കത്തിച്ച് കുരിശുമുടിയിൽ മാർതോമ്മാ ശ്ലീഹായുടെ തിരുശേഷിപ്പ് വണങ്ങി, സന്നിധിയിൽ പ്രാർഥിച്ചാണ് തീർഥാടകർ മടങ്ങുന്നത്. ക്രിസ്തുവിന്റെ കാൽകഴുകൽ ശുശ്രുഷയുടെയും അന്ത്യ അത്താഴത്തിന്റെയും അനുസ്മരണ ദിനമായ ഇന്ന് മലയാറ്റൂർ കുരിശുമുടിയിലും സെന്റ് തോമസ് പളളിയിലും(താഴത്തെ പളളി)പെസഹാ അനുസ്മരണ തിരുക്കർമങ്ങൾ നടന്നു. കുരിശുമുടിയിൽ രാവിലെ നടന്ന കാലുകഴുകൽ ശുശ്രുഷ, വിശുദ്ധ കുർബാന എന്നിവക്ക് കുരിശുമുടി സ്പിരിച്വൽ ഡയറക്ടർ ഫാ.ആന്റണി വട്ടപ്പറന്പിൽ കാർമ്മികനായി. ഫാ. ജോസഫ് കണ്ണനായ്ക്കൽ വചനസന്ദേശം നൽകി. തുടർന്ന് ആരാധനയും നടന്നു, സെന്റ് തോമസ് പളളിയിൽ(താഴത്തെ പളളി) രാവിലെ നടന്ന കാലുകഴുകൽ ശുശ്രുഷ, വിശുദ്ധ കുർബാന എന്നിവയ്ക്ക് വികാരി ഫാ. വർഗീസ് മണവാളൻ മുഖ്യകാർമ്മികത്വം വഹിച്ചു. ഫാ.പോൾസണ് പേരേപ്പാടൻ, ഫാ.സനീഷ് പെരുംഞ്ചേരിൽ എന്നിവർ സഹകാർമ്മികരായി.…
Read MoreCategory: Kochi
കൊച്ചിയിൽ ക്രൂരമർദനമേറ്റ മൂന്നുവയസുകാരന്റെ നില ഗുരുതരം; മാതാപിതാക്കൾക്കെതിരേ വധശ്രമത്തിന് കേസ്
കൊച്ചി: എറണാകുളത്ത് മൂന്നു വയസുകാരനെ ഗുരുതര പരിക്കേറ്റ് ആശുപത്രിയില് പ്രവേശിപ്പിച്ച സംഭവത്തിൽ മാതാപിതാക്കൾക്കെതിരേ വധശ്രമത്തിന് കേസെടുത്തു. ഡോക്ടര്മാരുടെ മൊഴിയുടെ അടിസ്ഥാനത്തിലാണ് കേസെടുത്തത്. അതേസമയം, കുട്ടിയുടെ നില ഗുരുതരമായി തുടരുകയാണ്. കുട്ടിക്ക് പരിക്ക് എങ്ങനെ സംഭവിച്ചുവെന്നറിയാൻ മാതാപിതാക്കളെ പോലീസ് വിശദമായി ചോദ്യം ചെയ്യും. ഇരുവരും ഇപ്പോൾ പോലീസ് നിരീക്ഷണത്തിലാണ്. ജുവനൈൽ ജസ്റ്റീസ് ആക്ട് പ്രകാരമുള്ള വകുപ്പുകളും ചുമത്തിയിട്ടുണ്ട്. ബംഗാള് സ്വദേശിയായ കുട്ടിയെയാണ് ബുധനാഴ്ച ആശുപത്രിയില് പ്രവേശിപ്പിച്ചത്. ടെറസിന്റെ മുകളില് നിന്നും വീണു പരിക്കേറ്റതാണ് എന്നാണ് കുട്ടിയുടെ മാതാപിതാക്കളുടെ വിശദീകരണം. കുട്ടിയുടെ ശരീരഭാഗങ്ങളില് പൊളളലേറ്റ പാടുകളും കാലുകളില് മുറിവേറ്റ പാടുകളുമുണ്ട്.
Read Moreപ്രചാരണം കൊഴുപ്പിക്കാൻ കുഞ്ഞുപാട്ടുകാരും; ഹൈബി ഈഡനുവേണ്ടി മകൾ ക്ലാര, ഇന്നസെന്റിനുവേണ്ടി പള്ളിക്കര സ്വദേശികളായ കുട്ടി സഹോദരങ്ങൾ
കൊച്ചി: തെരഞ്ഞെടുപ്പ് പ്രചാരണം കൊഴുക്കുന്തോറും പുതുമയാർന്ന പ്രചാരണ തന്ത്രങ്ങളുമായി സ്ഥാനാർഥികൾ. സ്ഥാനാർഥികൾക്കുവേണ്ടി കുരുന്നുകൾ ഗാനം ആലപിക്കുന്നതാണ് എറണാകുളം, ചാലക്കുടി ലോക്സഭ മണ്ഡലങ്ങളിലെ പുതിയ പ്രചാരണ തന്ത്രം. ചാലക്കുടിയിലെ എൽഡിഎഫ് സ്ഥാനാർഥി ഇന്നസെന്റിനുവേണ്ടി പള്ളിക്കരയിലെ കുട്ടി സഹോദരങ്ങളാണ് ഗാനം ആലപ്പിച്ചതെങ്കിൽ എറണാകുളത്തെ യുഡിഎഫ് സ്ഥാനാർഥി ഹൈബി ഈഡനു വേണ്ടി മകൾ ക്ലാര അന്ന ഈഡൻ തന്നെയാണ് ഗാനം ആലപിച്ചിരിക്കുന്നത്. ഹൈബി ഈഡന്റെ ഫേസ്ബുക്ക് പേജിലൂടെ പുറത്തിറങ്ങിയ “ഉള്ളം തൊടും ഹൈബി ഈഡൻ’ എന്ന ഗാനമാണ് ആറു വയസുകാരി ക്ലാര ആലപിച്ചിരിക്കുന്നത്. ഗാനത്തിന്റെ ശബ്ദവും വീഡിയോയും ചിത്രീകരിക്കാൻ ഒന്നര മണിക്കൂറിൽ താഴെ മാത്രമേ വേണ്ടിവന്നുള്ളൂ. മെജോ ജോസഫ് ചിട്ടപ്പെടുത്തിയ ഗാനം ഇതിനോടകം തന്നെ വൈറലായി. ഹൈബി ഈഡന്റെ സ്ഥാനാർഥിത്വ പ്രഖ്യാപനത്തിനു മുന്നേ ക്ലാര പാടിയ ‘പറയൂ പറയൂ തത്തമ്മേ’ എന്ന നഴ്സറി ഗാനം സോഷ്യൽ മീഡിയയിൽ തരംഗമായിരുന്നു. അറിഞ്ഞോ ഇന്നസെന്റാണെ..…
Read Moreവനിതാ വോളിബോളിവോളിന് പിന്നാലെ നാമക്കുഴിയുടെ പെണ്പെരുമ ഇനി ഫുട്ബോളിലേക്കും
പിറവം: ഒരു കാലത്ത് വനിതാ വോളിബോളിലൂടെയാണ് നാമക്കുഴിയേക്കുറിച്ചും നാമക്കുഴി സഹോദരിമാരേക്കുറിച്ചും ലോകം അറിഞ്ഞതെങ്കിൽ ഇപ്പോൾ ആ പെരുമ വീണ്ടെടുക്കാൻ കൊച്ചുമിടുക്കികളായ നാലു താരങ്ങൾ ഫുട്ബോളിലൂടെ രംഗപ്രവേശം ചെയ്തിരിക്കുകയാണ്. ഈ അവധിക്കാലത്ത് നാമക്കുഴിയിൽ ആണ്കുട്ടികളേയും പെണ്കുട്ടികളേയും ഒരുപോലെ ഫുട്ബോൾ പരിശീലിപ്പിക്കുകയാണ് നാലംഗ സംഘം. സഹോദരിമാരായ വെള്ളൂർ കൊട്ടാരത്തിൽവാര്യം ശ്രീവിദ്യ, ശ്രീദേവി, ചന്ദ്രമലയിൽ കാവ്യ മനോജ്, പൂത്താടം മാഞ്ചുവട്ടിൽ അക്ഷര അനിൽ എന്നിവരാണ് നാമക്കുഴി സ്കൂൾ ഗ്രൗണ്ടിൽ പുലർച്ചെ മുതൽ അന്പതിലധികം കുട്ടികൾക്ക് സൗജന്യമായി പരിശീലനം നൽകിവരുന്നത്. ദേശീയ മത്സരങ്ങളിൽ കേരളത്തിനുവേണ്ടി ഹോക്കി മത്സരങ്ങളിലും സംഘം പങ്കെടുത്തിട്ടുണ്ട്. ഒരേനാട്ടുകാരായ ഇവർ വെള്ളൂരിൽ നിന്നും നാമക്കുഴിയെത്തുന്നതിന് വഴിതെളിഞ്ഞത് ഇവരുടെ പരിശീലകനായിരുന്ന ജോമോൻ ജേക്കബ് വഴിയാണ്. മേവേള്ളൂരിൽ വനിത ഫുട്ബോൾ അക്കാഡമി സ്ഥാപിച്ചതിലൂടെയാണ് നാമക്കുഴി സ്വദേശിയായ ജോമോൻ ഇവരെ കണ്ടെത്തുന്നത്. കഴിഞ്ഞതവണ ഇന്റർ യൂണിവേഴ്സിറ്റി ഫുട്ബോൾ ചാന്പ്യൻഷിപ്പിൽ എംജി സർവകലാശാലയ്ക്കുവേണ്ടി അക്ഷര കളിച്ചിരുന്നു.…
Read Moreനെടുങ്ങാട് സ്കൂളിലെ മോഷണം: സിസിടിവി ദൃശ്യങ്ങൾ ശേഖരിച്ച് അന്വേഷണം തുടങ്ങി; പ്രതികളെക്കുറിച്ച് സൂചന കിട്ടിയതായി പോലീസ്
വൈപ്പിൻ: നെടുങ്ങാട് സേക്രഡ് ഫാമിലി എൽപി സ്കൂളിൽ കയറി ലാപ്ടോപ് മോഷ്ടിക്കുകയും വാട്ടർ പ്യൂരിഫയർ, മോണിറ്റർ, സിപിയു എന്നിവ നശിപ്പിക്കുകയും ചെയ്ത സംഭവത്തിൽ സിസിടിവി ദൃശ്യങ്ങൾ ശേഖരിച്ച് ഞാറക്കൽ പോലീസ് അന്വേഷണം തുടങ്ങി. പ്രതികൾ പ്രദേശവാസികളിൽ ചിലരാണെന്നാണ് സൂചന. സ്കൂളിലെ സ്മാർട്ട് ക്ലാസ് റൂമിന്റെ എസി വിൻഡോ തകർത്താണ് മോഷ്ടാക്കൾ അകത്തു കടന്നിട്ടുള്ളത്. തിങ്കളാഴ്ച രാത്രിയിലാണ് സംഭവം നടന്നതെന്നാണ് സൂചന. ഇന്നലെയാണ് മോഷണ വിവരമറിയുന്നത്. ഒരു ലക്ഷം രൂപയുടെ നഷ്ടം ഉള്ളതായി മാനേജർ ഫാ. തോമസ് തറയിൽ പോലീസിനെ അറിയിച്ചു. ഇന്നലെത്തന്നെ പോലീസ് കേസ് രജിസ്റ്റർ ചെയ്ത അന്വേഷണം ഉൗർജിതമാക്കിയതായി എസ്ഐ സംഗീത് ജോബ് അറിയിച്ചു.
Read Moreകൊച്ചിയിൽ യുവതികളെ പെട്രോളൊഴിച്ച് ആക്രമിച്ച സംഭവം; കാമുകന്റെ ആക്രമണം സിനിമാക്കഥയെ വെല്ലും വിധം; പ്രതി മനുവിന്റെ പ്രതികാരത്തിന്റെ തിരക്കഥയെക്കുറിച്ച് പോലീസ് പറയുന്നത്
കൊച്ചി: പനന്പിള്ളിനഗറിൽ സ്കൂട്ടറിൽ സഞ്ചരിച്ചിരുന്ന യുവതികളുടെ ദേഹത്ത് പെട്രോൾ ഒഴിച്ച് കൊലപ്പെടുത്താൻ ശ്രമിച്ച സംഭവത്തിൽ അന്വേഷണം നടത്തിയതു സർക്കിൾ ഇൻസ്പെക്ടർമാരുടെയും സബ് ഇൻസ്പെക്ടർമാരുടെയും നേതൃത്വത്തിൽ സയന്റിഫിക്, സൈബർ ടീമുകൾ ഉൾപ്പെട്ട 12 സംഘങ്ങൾ. കൊച്ചി നഗരത്തിലെ ഉൾപ്പെടെ നൂറോളം സ്ഥലങ്ങളിലെ സിസിടിവി കാമറകൾ പരിശോധിച്ച അധികൃതർ ഇരുന്നൂറോളംപേരെ ചോദ്യം ചെയ്യുകയും 1200 ഫോണ് വിളികൾ പരിശോധിക്കുകയും ചെയ്തു. യുവതി ജോലി നോക്കുന്നതും താമസിക്കുന്നതും ഉൾപ്പെടെയുള്ള സ്ഥലങ്ങളിലെ സിസിടിവി ദൃശ്യങ്ങളും പരിശോധനയ്ക്കു വിധേയമാക്കി. ദിവസങ്ങൾ നീണ്ടുനിന്ന പരിശോധനയുടെ ഭാഗമായി പ്രതിയെ തിരിച്ചറിയാൻ സാധിച്ചിരുന്നെങ്കിലും ഈ സമയത്തിനുള്ളിൽ വിദേശത്തേയ്ക്കു കടന്നതിനാൽ പിടികൂടാൻ കഴിഞ്ഞിരുന്നില്ല. പോലീസ് പല തവണ വിളിച്ച് നാട്ടിലെത്തണമെന്നും കീഴടങ്ങണമെന്നും ആവശ്യപ്പെട്ടെങ്കിലും ഓരോരോ കാരണങ്ങൾ പറഞ്ഞ് ഇയാൾ ഒഴിവാകുകയായിരുന്നു. പിന്നീട് വിദേശകാര്യ മന്ത്രാലയം വഴി പോലീസ് ഇടപെട്ട് കേരളത്തിലെത്തിക്കുകയും നെടുന്പാശേരി വിമാനത്താവളത്തിൽവച്ച് ഇന്നലെ രാവിലെ അറസ്റ്റ് ചെയ്യുകയുമായിരുന്നു. കഴിഞ്ഞ…
Read Moreഹൃദയ ശസ്ത്രക്രിയ; നവജാതശിശു തീവ്രപരിചരണ വിഭാഗത്തിൽ തുടരുന്നു; ശസ്ത്രക്രിയ സംബന്ധിച്ച തീരുമാനം വൈകുന്നേരത്തോടെ
കൊച്ചി: ഹൃദയ ശസ്ത്രക്രിയയ്ക്കായി കൊച്ചി അമൃത ആശുപത്രിയിൽ പ്രവേശിപ്പിച്ച നവജാത ശിശു തീവ്രപരിചരണ വിഭാഗത്തിൽ തുടരുന്നു. 24 മണിക്കൂർ സമയം നിരീക്ഷണത്തിൽ കഴിയുന്ന കുഞ്ഞിനെ ശസ്ത്രക്രിയയ്ക്കു വിധേയമാക്കുന്നതു സംബന്ധിച്ചു ഇന്നു വൈകിട്ടോടെമാത്രമേ തീരുമാനമുണ്ടാകുവെന്ന് ആശുപത്രി വൃത്തങ്ങൾ അറിയിച്ചു. കുഞ്ഞിന്റെ ഹൃദയത്തിൽ ദ്വാരവും വാൽവിനു തകരാറുമുണ്ട്. ശിശുവിന്റെ ആരോഗ്യനില ഗുരുതരമാണെന്നും 24 മണിക്കൂർ സമയം നിരീക്ഷിച്ചശേഷം മാത്രമേ ശസ്ത്രക്രിയയെക്കുറിച്ചും തുടർ ചികിത്സാനടപടികളെക്കുറിച്ചും പറയാൻ സാധിക്കുകയുള്ളുവെന്നും ആശുപത്രി വൃത്തങ്ങൾ കൂട്ടിച്ചേർത്തു. ഡോ. കൃഷ്ണകുമാറിന്റെയും ഡോ. ആർ. ബ്രിജേഷിന്റെയും നേതൃത്വത്തിലുള്ള സംഘമാണ് കുഞ്ഞിനെ നിരീക്ഷിക്കുന്നത്. പതിനഞ്ചു ദിവസംമാത്രം പ്രായമുള്ള കുഞ്ഞിനെ ഹൃദയ ശസ്ത്രക്രിയയ്ക്കായി മംഗലാപുരത്തുനിന്ന് അഞ്ചര മണിക്കൂർകൊണ്ടാണ് ഇന്നലെ വൈകിട്ടു കൊച്ചിയിലെത്തിച്ചത്. കുഞ്ഞിനെ ചികിത്സയ്ക്കായി തിരുവനന്തപുരം ശ്രീചിത്ര ആശുപത്രിയിലെത്തിക്കാനായിരുന്നു ആദ്യം തീരുമാനിച്ചിരുന്നത്. സംഭവമറിഞ്ഞ ആരോഗ്യമന്ത്രി കുഞ്ഞിനു അമൃത ആശുപത്രിയിൽ ചികിത്സാസൗകര്യം ഒരുക്കുകയായിരുന്നു ആംബുലൻസ് മിഷൻ എന്ന ദൗത്യത്തിലൂടെ പോലീസും നാട്ടുകാരും ചേർന്നു…
Read Moreമാർ ഏബ്രഹാം ഡി. മറ്റത്തിന്റെ സംസ്കാരം 24ന് സത്നയിൽ
സ്വന്തം ലേഖകൻ കൊച്ചി: ഇന്നലെ കാലം ചെയ്ത മധ്യപ്രദേശിലെ സീറോ മലബാർ രൂപത സത്നയുടെ പ്രഥമ മെത്രാൻ മാർ ഏബ്രഹാം ഡി.മറ്റത്തിന്റെ (97) സംസ്കാരകർമം 24നു രാവിലെ 9.30നു സത്ന സെന്റ് വിൻസന്റ് കത്തീഡ്രലിൽ നടക്കും. എറണാകുളം ലിസി ആശുപത്രിയിലെ മോർച്ചറിയിൽ സൂക്ഷിച്ചിട്ടുള്ള മൃതദേഹം 22ന് ഇടപ്പള്ളിയിലെ വിൻസൻഷ്യൻ ജനറലേറ്റിൽ പൊതുദർശനത്തിനു വയ്ക്കും. ഇവിടെ സംസ്കാര ശുശ്രൂഷകളുടെ ആദ്യഭാഗം നടത്തും. ചൊവ്വാഴ്ച വിമാനമാർഗം മൃതദേഹം സത്നയിലേക്കു കൊണ്ടുപോകും. വിൻസൻഷ്യൻ സന്യാസസമൂഹാംഗമായ (വി.സി) മാർ മറ്റം കൊച്ചി ഇടപ്പള്ളിയിലെ ജനറലേറ്റിൽ വിശ്രമജീവിതം നയിക്കുകയായിരുന്നു. സുവർണജൂബിലി പിന്നിട്ട സത്ന രൂപതയിൽ എട്ടു വർഷം എക്സാർക്കായും 23 വർഷം മെത്രാനായും മാർ ഏബ്രഹാം മറ്റം സേവനം ചെയ്തിട്ടുണ്ട്. പാലാ രൂപതയിലെ നരിയങ്ങാനം ഇടവകയിൽ മറ്റം ദേവസ്യ-അന്ന ദന്പതികളുടെ എട്ടു മക്കളിൽ ആറാമനായി 1922 നവംബർ 21 നാണു ജനനം. സ്കൂൾ വിദ്യാഭ്യാസത്തിനു…
Read Moreതിരക്കിലലിഞ്ഞ് അന്ന; ഡോ. വാണിക്ക് സങ്കടം; വിശ്രമമില്ലാതെ ഷീല! സ്ഥാനാർഥികളുടെ കുടുംബവിശേഷങ്ങൾ
കുടുംബനാഥൻ തെരഞ്ഞെടുപ്പിനെ നേരിടുന്പോൾ രാഷ്ട്രീയത്തിൽ സജീവമല്ലെങ്കിലും ഭാര്യയ്ക്കും മക്കൾക്കും വെറുതെയിരിക്കാനാവില്ല. പരസ്യമായും അല്ലാതെയും അവരും പ്രചാരണത്തിൽ പങ്കാളികളാകുന്നു. സ്ഥാനാർഥിയുടെ തിരക്കും ടെൻഷനും അവരും അനുഭവിക്കുന്നു. എറണാകുളം ലോക്സഭാ മണ്ഡലത്തിലെ യുഡിഎഫ്, എൽഡിഎഫ്, എൻഡിഎ സ്ഥാനാർഥികളുടെ കുടുംബങ്ങളുടെ തെരഞ്ഞെടുപ്പുകാല വിശേഷങ്ങൾ. തിരക്കിലലിഞ്ഞ് അന്നയും ഹൈബി ഈഡനെ യുഡിഎഫ് സ്ഥാനാർഥിയായി പ്രഖ്യാപിച്ചപ്പോൾ മുതൽ ഭാര്യ അന്നയും തിരക്കിലായി. പോസ്റ്റർ ഡിസൈനിംഗിലായിരുന്നു ആദ്യശ്രദ്ധ. സ്ഥിരം കണ്ടുകൊണ്ടിരിക്കുന്ന രീതിയിൽനിന്നു വ്യത്യസ്തമായി ഹൈബിയെ ജനത്തിനു മുന്നിൽ അവതരിപ്പിക്കണമെന്ന ചിന്തയിൽ പോസ്റ്ററുകൾ തയാറാക്കി. ഇതിനായി ഡ്രസ് നിശ്ചയിക്കുന്നതിൽ വരെ അന്നയുടെ ഇടപെടലുണ്ടായി. എറണാകുളത്തു യുവത്വത്തിന്റെ പോരാട്ടമാണ്. വോട്ടർമാരിലും യുവാക്കൾ ഏറെ. അതുകൊണ്ടുതന്നെ സ്ഥിരമായുള്ള വെള്ള ഡ്രസിനു പുറമെ കളർ ഡ്രസും വേണമെന്നു അന്ന നിർബന്ധം പിടിച്ചു. ഫോട്ടോയ്ക്കു പോസ് ചെയ്ത രീതിയിലും മാറ്റം വരുത്തി. പോസ്റ്റർ ഡിസൈനിംഗിനായി രാത്രി വൈകും വരെ ചെലവഴിച്ചു. പ്രചാരണരംഗത്തും അന്ന…
Read Moreചെറി ബൂമറിന് ആവശ്യക്കാരേറെ; അന്വേഷണം ശക്തമാക്കി എക്സൈസ്
കൊച്ചി: ഇടപാടുകാർക്കിടയിൽ ചെറി ബൂമർ എന്ന പേരിൽ അറിയപ്പെടുന്ന മയക്കുമരുന്നിന് ആവശ്യക്കാരേറെയെന്ന് എക്സൈസ്. സംസ്ഥാനത്തിന്റെ വിവിധയിടങ്ങളിൽ മയക്കുമരുന്ന് എത്തിച്ച് വിൽപ്പന നടത്തിയിരുന്ന ഒഡീഷ സ്വദേശി ചെറി ബൂമർ എന്ന് വിളിപ്പേരുള്ള സൂര്യസണ് സേത്ത് (27) പിടിയിലായതോടെയാണ് ഇത് സംബന്ധിച്ച കൂടുതൽ വിവരങ്ങൾ അധികൃതർക്ക് ലഭിച്ചത്. 110 ഗ്രാം ഹാഷിഷ് ഓയിലുമായാണ് ഇയാൾ എക്സൈസ് പിടിയിലായത്. ഒറീസയിലെ കട്ടക്കിൽനിന്നാണ് സംസ്ഥാനത്തേക്ക് ഇയാൾ മയക്കുമരുന്ന് എത്തിച്ചിരുന്നതെന്ന് എക്സൈസ് ഉദ്യോഗസ്ഥർ പറഞ്ഞു. കട്ടക്ക് ടൗണിലെ അലിഗർ ദാദ എന്നയാളിൽനിന്നാണ് ഇയാൾ മൊത്തമായി ഹാഷിഷ് ഓയിൽ വാങ്ങുന്നതെന്നും ഇതിന് മുന്പ് പല തവണ കേരളത്തിൽ വിവിധ ഇടങ്ങളിൽ കഞ്ചാവും ഹാഷിഷ് ഓയിലും ആവശ്യക്കാർക്ക് എത്തിച്ചു കൊടുത്തിട്ടുണ്ടെന്നും ചോദ്യം ചെയ്യലിൽ ഇയാൾ സമ്മതിച്ചതായി എക്സൈസ് സംഘം പറഞ്ഞു. ചെറി ബൂമർ എന്ന പേരിൽ വില്പന നടത്തിയിരുന്ന ഒരു ഗ്രാം ഹാഷിഷ് ഓയിലിന് 2500 രൂപവരെയാണ്…
Read More