കൊല്ലം: ദേശീയപാതാ വികസനം 45 മീറ്ററിൽതന്നെ സമയബന്ധിതമായി പൂർത്തിയാക്കണമെന്ന് നാഷണൽ ഹൈവ് ഡവലപ്പ്മെന്റ് ആന്റ് പ്രൊട്ടക്ഷൻ കൗൺസിൽ ഭാരവാഹികൾ ആവശ്യപ്പെട്ടു. മറ്റ് സംസ്ഥാനങ്ങളിൽ ദേശീയപാത വികസനം 60 മീറ്റർ വീതിയലാക്കാനുള്ള നാഷണൽ ഹൈവേ അതോറിറ്റിയുടെ പ്രഖ്യാപിത നയത്തിൽ നിന്ന് കേരളത്തെ ഒഴിവാക്കി സംസ്ഥാനത്തിന്റെ പ്രത്യേക സാഹചര്യം പരിഗണിച്ച് ഇത് 45 മീറ്ററായി നിജപ്പെടുത്തിയിട്ടുള്ളതാണ്. വാഹനങ്ങളുടെ ബാഹുല്യത്തിന് അനുസൃതമായി റോഡിന് വീതിയില്ലാത്തതിനാൽ അനുദിനം അപകടമരണങ്ങൾ വർധിക്കുന്നു. അപകടത്തിൽ മാരക മുറിവും അംഗവൈകല്യം സംഭവിക്കുന്നവരും അനവധിയാണ്. റോഡ് സുരക്ഷാനിയമം കർശനമായി പാലിക്കുന്നതിന് പോലും ഇതുകാരണം കഴിയുന്നില്ലെന്ന് ഭാരവാഹികൾ ചൂണ്ടിക്കാട്ടി. പലപ്പോഴും റോഡിന് വീതികൂട്ടാൻ സർവേ നടപടികൾ ആരംഭിക്കുന്പോൾ ഇതിനെതിരേ തൽപ്പര കക്ഷികൾ പ്രക്ഷോഭവുമായി രംഗത്തിറങ്ങും. ന്യൂനപക്ഷമായ ഇവരുടെ താത്പര്യങ്ങൾക്ക് വഴങ്ങി നിർമാണ പ്രവർത്തനങ്ങൾ നിർത്തിവയ്ക്കുകയാണ് പതിവ്. ഇപ്പോൾ ഇരുവശത്തുമുള്ള വസ്തുക്കൾ ഏറ്റെടുക്കുന്നതിന് അവസാന നോട്ടിഫിക്കേഷനും പുറപ്പെടുവിച്ച് കഴിഞ്ഞു. റോഡിന് ഇരുവശത്തെയും…
Read MoreCategory: Kollam
യഥാർഥ മതവിശ്വാസി ഒരിക്കലും തീവ്രവാദിയാകാൻ ശ്രമിക്കില്ലെന്ന് എൻ. കെ. പ്രേമചന്ദ്രൻ എംപി
കുണ്ടറ: യഥാർഥ മതവിശ്വാസി ഒരിക്കലും ഒരു തീവ്രവാദിയാകാൻ ശ്രമിക്കില്ലെന്നും ഭീകരവാദം യഥാർഥ മതബോധമുള്ള വിശ്വാസിക്ക് ഭൂഷണമല്ലെന്നും എൻ. കെ. പ്രേമചന്ദ്രൻ എംപി, ചന്ദനത്തോപ്പ് മാമൂട് ചൂഴുവൻചിറ മുസ്ലിം ജമാ അത്ത് ആണ്ടുനേർച്ചയോടനുബന്ധിച്ച് നടയ്ക്കാവ് നഗറിൽ നടന്ന പൊതുസമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു എംപി. തൊടിയൂർ മുഹമ്മദ് കുഞ്ഞ് മൗലവി മതവിജ്ഞാനസദസ് ഉദ്ഘാടനം ചെയ്തു. അസീസിയ മെഡിക്കൽ കോളജ് ചെയർമാൻ എം. അബ്ദുൽ അസീസ്, പെരിനാട് ഗ്രാമപഞ്ചായത്ത് പ്രസിഡന്റ് എൽ. അനിൽ, ഫാ. തങ്കച്ചൻ ചിറയത്ത്, വി. നൗഫൽ, വി. ജ്യോതിർനിവാസ് തുടങ്ങിയവർ പ്രസംഗിച്ചു. ജമാ അത്ത് പ്രസിഡന്റ് എ.എ. ലത്തീഫ് മാമൂട് അധ്യക്ഷത വഹിച്ചു. എം. നൗഷാദ് എംഎൽഎ വിദ്യാർഥികൾക്ക് സർട്ടിഫിക്കറ്റുകളും അവാർഡുകളും നൽകി. കർബല ട്രസ്റ്റ് ട്രഷറർ എം. അബ്ജുൽ സലാം ചികിത്സാ സഹായവും വസ്ത്രങ്ങളും നൽകി.
Read Moreകിഴക്കന് മേഖലയുടെ നഷ്ടപ്പെട്ട കാര്ഷിക സമൃദ്ധിയ്ക്ക് അഭിമാനമായി തരിശ് നിലത്തില് പൊന്ന് വിളയിച്ച് ഇളമ്പല് സര്വീസ് സഹകരണ ബാങ്ക്
പത്തനാപുരം: തരിശ് നിലത്തില് പൊന്ന് വിളയിച്ച് ഇളമ്പല് സര്വീസ് സഹകരണ ബാങ്ക്. കിഴക്കന് മേഖലയുടെ നഷ്ടപ്പെട്ട കാര്ഷിക സമൃദ്ധി വീണ്ടെടുക്കുക എന്ന ലക്ഷ്യത്തോടെ ഇളമ്പല് സര്വീസ് സഹകരണ ബാങ്കും വിളക്കുടി ഗ്രാമ പഞ്ചായത്തും സംയുക്തമായി ആരംഭിച്ച നെല്കൃഷിക്കാണ് നൂറ് മേനിവിളവ് ലഭിച്ചത്. ഇരുപത് വര്ഷത്തിലധികമായി തരിശു കിടന്ന കല്പാലത്തിങ്കല് ഏലായിലെ ഏഴേക്കറോളം വരുന്ന തരിശ് നിലത്തില് കഴിഞ്ഞ ഡിസംബറിലായിരുന്നു വിളവിറക്കിയത്. പ്രത്യാശ ഇനത്തില്പെട്ട വിത്താണ് വിളയിച്ചത്. നാടിനെ സാക്ഷിയാക്കി കൊയ്ത്ത് പാട്ടിന്റെ അകമ്പടിയോടെ നടന്ന വിളവെടുപ്പ് കുട്ടികള്ക്കും വേറിട്ട അനുഭവമായി മാറി. ഇളമ്പല് സര്വീസ് സഹകരണ ബാങ്ക് പ്രസിഡന്റ് കെ.തങ്കപ്പന് പിളള കൊയ്ത്തുത്സവം ഉദ്ഘാടനം ചെയ്തു. വിളക്കുടി ഗ്രാമപഞ്ചായത്ത് പ്രസിഡന്റ് സി.വിജയന്, കൃഷി ഓഫീസര് അനീസാ, ബാങ്ക് സെക്രട്ടറി പി.മണി എന്നിവര് പങ്കെടുത്തു . കൃഷി ഒരു തൊഴിലിനുമപ്പുറം നമ്മുടെ സംസ്കാരമാണെന്ന ഓര്മപ്പെടുത്തലോടായാണ് ബാങ്ക് നെല്കൃഷിയുമായി മുന്നിട്ടിറങ്ങിയതെന്നും…
Read Moreകുപ്പി വെള്ളത്തിന് ഏപ്രിൽ ഒന്നുമുതൽ ലിറ്ററിന് 12 രൂപ; സർക്കാരിന്റെ അഭ്യർഥന മാനിച്ചാണ് തീരുമാനമെന്ന് കേരള ബോട്ടിൽഡ് വാട്ടർ മാനുഫാക്ചേഴ്സ് അസോസിയേഷൻ
കൊല്ലം: വിപണയിൽ ഇപ്പോൾ 20 രൂപ വിലയുള്ള ഒരു ലിറ്റർ കുപ്പി വെള്ളത്തിലെ വില ഏപ്രിൽ ഒന്നുമുതൽ 12 രൂപയായി കുറച്ച് വിൽപ്പന നടത്തുമെന്ന് കേരള ബോട്ടിൽഡ് വാട്ടർ മാനുഫാക്ചേഴ്സ് അസോസിയേഷൻ ജില്ലാ ഭാരവാഹികൾ അറിയിച്ചു. അസോസിയേഷൻ സംസ്ഥാന നേതൃത്വം ലോക ജലദിനത്തിൽ എടുത്ത തീരുമാനമാണ് ഒന്നുമുതൽ നടപ്പിലാക്കുന്നത്. വേനൽ ആസന്നമായ സാഹചര്യത്തിൽ ധാർമികതയുടെ പേരിലും ജിഎസ്ടി വന്നതിന് ശേഷമുള്ള സർക്കാരിന്റെ അഭ്യർഥന മാനിച്ചുമാണ് തീരുമാനമെന്നും ഭാരവാഹികൾ വ്യക്തമാക്കി. ഇപ്പോൾ മിക്ക കുപ്പി വെള്ളത്തിലും എംആർപി 20 രൂപയാണ് രേഖപ്പെടുത്തിയിരിക്കുന്നതെങ്കിലും ഒന്നുമുതൽ ഉപഭോക്താക്കൾ 12 രൂപയ്ക്ക് വെള്ളം ചോദിച്ച് വാങ്ങണമെന്ന് ഭാരവാഹികളായ വി.വസന്തകുമാർ, ഷഫീർ, ഷഹീർ, ഹിലാൽ മേത്തർ, രാം കിച്ചു എന്നിവർ അഭ്യർഥിച്ചു. ഗുണമേന്മയിൽ വിട്ടുവീഴ്ചയ്ക്ക് തയാറാകായെയാണ് ഈ തീരുമാനം എടുത്തത്. സർക്കാർ-സഹകരണ മേഖലയിലുള്ള കുപ്പിവെള്ളത്തിനും വില കുറയ്ക്കുമെന്നാണ് പ്രതീക്ഷയെന്നും ഭാരവാഹികൾ വ്യക്തമാക്കി.
Read Moreഗവൺമെന്റ് ടിടിഐയുടെ ഭൂമി കൈയേറി മതില് കെട്ടാനുള്ള നീക്കം വിദ്യാര്ഥികള് തടഞ്ഞു നിർത്തിവെപ്പിച്ചു
കൊല്ലം: കന്റോണ്മെന്റ് ഗവ. ടിടിഐയുടെ ഭൂമി കൈയേറി മതില് കെട്ടാനുള്ള നീക്കം ടിടിഐ വിദ്യാര്ഥികള് തടഞ്ഞു. സംഘര്ഷത്തെ തുടര്ന്ന് ഈസ്റ്റ് പോലീസ് സ്ഥലത്തെത്തി നിര്മാണ പ്രവര്ത്തനങ്ങള് നിര്ത്തിവെപ്പിച്ചു. ഇന്നലെ രാവിലെയാണ് സംഭവം. ടിടിഐയുടെ ഒരു വശത്തെ മതില് കുറച്ചുനാളുകള്ക്ക് മുമ്പ് പൊളിഞ്ഞ് വീണിരുന്നു. ടി.ടി.ഐയുടെ മേല്നോട്ട ചുമതല ഉള്ള കൊല്ലം കോര്പറേഷനെ വിവരം അറിയിച്ചതിനെ തുടര്ന്ന് ഏതാനും ദിവസങ്ങള്ക്ക് മുമ്പ് പൊളിഞ്ഞ മതിലിന്റെ കുറച്ചുഭാഗം പുതുക്കി കെട്ടിയിരുന്നു. ശേഷിക്കുന്ന ഭാഗത്തെ മതില് നിര്മിക്കാനെത്തിയ തൊഴിലാളികള് നേരത്തെ മതില് നിന്ന ഭാഗത്ത് നിന്നും ഉള്ളിലേക്ക് കയറ്റി മതില് കെട്ടാന് തുടങ്ങിയതോടെയാണ് ടിടിഐ വിദ്യാര്ഥികള് പ്രതിഷേധവുമായി രംഗത്ത് എത്തിയത്. പൊതുവിദ്യാഭ്യാസ വകുപ്പിന്റെ ഉടമസ്ഥതയിലുള്ള ഭൂമി കൈയേറി മതില് കെട്ടാന് അനുവദിക്കില്ലെന്നും മുമ്പ് മതില് ഉണ്ടായിരുന്ന ഭാഗത്ത് തന്നെ പുതിയ മതില് നിര്മിക്കണമെന്നും വിദ്യാര്ഥികള് ആവശ്യപ്പെട്ടു. വിദ്യാര്ഥികളുടെ ആവശ്യം മാനിക്കാതെ ടി.ടിഐ…
Read Moreശക്തികുളങ്ങരയിൽ ബൈക്ക് താഴ്ചയിലേക്ക് മറിഞ്ഞ് യുവാവ് മരിച്ചു; പന്മന കണിച്ചികുളങ്ങരവീട്ടിൽ അനൂപാണ് മരിച്ചത്
കൊല്ലം: ബൈക്ക് റോഡിന്റെ താഴ്ചയിലേക്ക് മറിഞ്ഞ് യാത്രികരിൽ ഒരാൾ മരിച്ചു. അപകടത്തിൽ ഒരാൾക്ക് പരിക്കേറ്റു. പന്മന കണിച്ചികുളങ്ങരവീട്ടിൽ അനിൽ കുമാറിന്റെ മകൻ അനൂപ് (19) ആണ് മരിച്ചത്. കൂടെയുണ്ടായിരുന്ന ശക്തികുളങ്ങര സ്വദേശി മിഥുന് പരിക്കേറ്റു. ഇയാൾ കൊല്ലം ജില്ലാ ആശുപത്രിയിൽ ചികിത്സയിലാണ്. ചൊവ്വാഴ്ച രാത്രി 12.15 ന് ദേശീയപാതയിൽ ശക്തികുളങ്ങര കുരിശടിക്ക് സമീപമായിരുന്നു അപകടം. പരിക്കേറ്റ ഇരുവരേയും കൊല്ലം ജില്ലാ ആശുപത്രി യിലെത്തിച്ചെങ്കിലും അനൂപിനെ രക്ഷിക്കാനായില്ല.
Read Moreപത്തനാപുരത്ത് പേപ്പട്ടിയുടെ ആക്രമണത്തിൽ പതിനഞ്ച് പേർക്ക് പരിക്ക്; ആക്രമണത്തിൽ ഹരിയുടെ മൂക്ക് പട്ടികടിച്ചെടുത്തു
പത്തനാപുരം : മേഖലയില് പേപ്പട്ടിയാക്രമണം. അന്യസംസ്ഥാനതൊഴിലാളി അടക്കം പതിനഞ്ചോളം പേര്ക്ക് പരിക്കേറ്റു. ചരുവിള വീട്ടില് ഇക്ബാല്, പെരിങ്ങവിളവീട്ടില് ഗോപാലകൃഷ്ണപിള്ള, ദീപുഭവനില് രേവതി, കുറവപ്പാറ തെക്കേതില് രാജേന്ദ്രപിള്ള, രഞ്ചിത്ത് ഭവനില് ഹരി, കുഴിവേലില് വടക്കേതില് മാധവന്, ചരുവിള വീട്ടില് ശാരദ എന്നിവര്ക്കാണ് പരിക്കേറ്റത്. പിടവൂര് തെരിയൻ തോപ്പിൽ കുഞ്ഞുമോന്റെ ഉടമസ്ഥതയിലുള്ള പശുവിനും കടിയേറ്റു. മഞ്ചള്ളൂരിൽ നിന്നും പിടവൂരിലേക്ക് പോകും വഴി പിടവൂർ പാലത്തിൽ വച്ചാണ് അന്യസംസ്ഥാതൊഴിലാളിയ്ക്ക് കടിയേറ്റത്. ഗുരുതരമായി പരിക്കേറ്റ രാജേന്ദ്രപിള്ള, ഹരി, മാധവന്, ശാരദ എന്നിവരെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പേപ്പട്ടിയെ കണ്ട് ഓടി വീണ ഹരിയുടെ മൂക്ക് പട്ടികടിച്ചെടുത്തു. ചരുവിള വീട്ടില് ശാരദ വീണ് തലയ്ക്ക് പരിക്കേറ്റു.പുലർച്ചെ നടക്കാനിറങ്ങിയവരും പള്ളിയിൽ പോയവരും പട്ടാഴി ക്ഷേത്രത്തിൽ പോയവരുമാണ് ആക്രമണത്തിനിരയായത്. പിടവൂർ പ്ലാക്കാട് ജംഗ്ഷനിൽ നാട്ടുകാർ തന്നെ പേപ്പട്ടിയെ തല്ലിക്കൊന്നു.
Read Moreകലവറയിൽനിന്നുള്ള മണൽ വിതരണം ഉടൻ ആരംഭിക്കും; ധനകാര്യ വകുപ്പില് നിന്നുള്ള അനുമതി ലഭിച്ചതായി മന്ത്രി
കുളത്തുപ്പുഴ: മണല് കലവറ (വനശ്രീ) യില് നിന്നും മണല് വിതരണം ഉടന് ആരംഭിക്കുമെന്നും മണല് വില സംബന്ധിച്ച് നിബന്ധനകളോടെ ധനകാര്യ വകുപ്പില് നിന്നുള്ള അനുമതി ലഭിച്ചതായുംമന്ത്രി കെ രാജു പറഞ്ഞു. തന്റെ വസതിയില് വിളിച്ചുചേര്ത്ത വാര്ത്ത സമ്മേളനത്തിലാണ് മന്ത്രി ഇക്കാര്യം വ്യക്തമാക്കിയത്. മണല് വില നിശ്ചയിക്കുന്നതിനായ് വനം വകുപ്പ് സമര്പ്പിച്ച ഫയലുകളില് ധനകാര്യ വകുപ്പില് നിന്നുണ്ടായ കാലതാമസമാണ് മണല് വിതരണം വൈകിയത്. എന്നാല് കഴിഞ്ഞ ദിവസം ധനകാര്യ വകുപ്പില് നിന്നും വില സംബന്ധിച്ച അനുമതി വനം വകുപ്പിന് ലഭിച്ചു. നിബന്ധനകള് പ്രകാരം ബിപിഎല് വിഭാഗത്തില്പെട്ട സര്ക്കാര് പദ്ധതികളില് നിര്മ്മിക്കുന്ന വീടുകള്ക്ക് മാത്രമാകും മണല് ലഭിക്കുക. ബിപിഎല് വിഭാഗം ആണെങ്കിലും സര്ക്കാര് പദ്ധതിയില് ഉള്പ്പെടാത്തവര്ക്കും എ പി എല് വിഭാഗക്കാര്ക്കും ആദ്യ ഘട്ടത്തില് മണല് ലഭിക്കില്ല. നിര്ദിഷ്ട രേഖകള് സഹിതം ഓണ്ലൈനില് ആകും മണലിനു വേണ്ടിയുള്ള അപേക്ഷ സമര്പ്പിക്കുക.…
Read Moreനീണ്ടകര കണ്ണാട്ടുകുടി ക്ഷേത്രത്തിലെ കവർച്ച: നിരവധി മോഷണക്കേസിൽ പ്രതിയായ കുട്ടപ്പൻ അറസ്റ്റിൽ; പ്രതിയെക്കുറിച്ച് പോലീസ് പറയുന്നതിങ്ങനെ…
ചവറ: നീണ്ടകര കണ്ണാട്ടുകുടി ക്ഷേത്രത്തിൽ നടന്ന മോഷണത്തിൽ ഒരാൾ അറസ്റ്റിൽ .നിരവധി മോഷണ കേസുകളിൽ ശിക്ഷിക്കപ്പെട്ട ചവറ തെക്കുംഭാഗം നടുവത്തുച്ചേരി മുരിങ്ങത്തറയിൽ പരാതി കുട്ടപ്പൻ എന്നറിയപ്പെടുന്ന കുട്ടപ്പനെ ( 45 ) ആണ് ചവറ പോലീസ് അറസ്റ്റ് ചെയ്തത്. കഴിഞ്ഞ മാർച്ച് 14 ന് പുലർച്ചെയായിരുന്നു മോഷണം നടന്നത്. ശ്രീകോവിൽ തകർത്ത് 4 പവൻ സ്വർണാഭരണങ്ങൾ, കാണിക്കവഞ്ചി തകർത്ത് പണം എന്നിവ കവർന്നിരുന്നു. ക്ഷേത്രത്തിലെ സുരക്ഷാ കാമറയിൽ മോഷ്ടാവിന്റെ ദൃശ്യങ്ങൾ പതിഞ്ഞിരുന്നു.എന്നാൽ ദിവസങ്ങളോളം നടത്തിയ അന്വേഷണത്തിലാണ് മോഷ്ടാവ് ഇന്ന് രാവിലെ അറസ്റ്റിലായത്. നിരവധി ക്ഷേത്രങ്ങളിൽ മോഷണം നടത്തി അടിച്ചുപൊളിച്ച് ജീവിക്കുകയാണ് ഇയാളുടെ രീതി എന്ന് പോലീസ് പറഞ്ഞു.
Read Moreസര്ക്കാര് പുറമ്പോക്ക് ഭൂമി സബ് കളക്ടര് സ്വകാര്യ വ്യക്തി പതിച്ച് നൽകിയെന്ന ആരോപണം: ഇന്ന് കളക്ടറുടെ തെളിവെടുപ്പ്
തിരുവനന്തപുരം: സബ് കളക്ടര് ദിവ്യ എസ് അയ്യർ സര്ക്കാര് പുറന്പോക്ക് ഭൂമി സ്വകാര്യ വ്യക്തിക്ക് പതിച്ച് കൊടുത്തെന്ന ആരോപണത്തിൽ ജില്ലാ കളക്ടർ ഇന്ന് തെളിവെടുപ്പ് നടത്തും. വൈകീട്ട് നാല് മണിക്കാണ് തെളിവെടുപ്പ്. തഹസിൽദാർ ഏറ്റെടുത്ത ഭൂമി സ്വകാര്യ വ്യക്തിക്ക് വിട്ട് കൊടുക്കാൻ സഹായകമായ നിലപാട് സബ് കളക്ടര് ദിവ്യ എസ് അയ്യർ സ്വീകരിച്ചുവെന്നാണ് ആരോപണം. ഇതു സംബന്ധിച്ച് റിപ്പോര്ട്ട് സമര്പ്പിക്കാൻ റവന്യു മന്ത്രി ലാൻഡ് റവന്യു കമ്മീഷണറോട് ആവശ്യപ്പെട്ടിരുന്നെങ്കിലും കളക്ടര് ഹിയറിങ് നടത്തട്ടെ എന്ന കുറിപ്പെഴുതുക മാത്രമാണ് ചെയ്തത്.
Read More