കരുനാഗപ്പള്ളി: വൻ കവർച്ചാസംഘത്തിലെ നാലുപേരെ കരുനാഗപ്പള്ളി പോലീസ് പിടികൂടി. ആദിനാട് സ്വദേശികളായ സച്ചുമോൻ (26), ആനന്ദ് (18), മരുതൂർകുളങ്ങര സ്വദേശി രാഹുൽ (20) , എന്നിവരെ കൂടാതെ പ്രായപൂർത്തിയാകാത്ത ഒരാളുമാണ് പിടിയിലായത്. കരുനാഗപ്പള്ളി എസിപി ശിവപ്രസാദ്, സിഐ ഗോപകുമാർ, എസ്ഐ ശിവകുമാർ എന്നിവരുടെ നേതൃത്വത്തിലുള്ള സംഘമാണ് സംഘത്തെ പിടികൂടിയത്. മോഷ്ടിച്ച ബൈക്കുകളിലാണ് ഇവർ മോഷണം നടത്തിവന്നത്. അത്തരത്തിലുള്ള രണ്ട് ബൈക്കുകളും കണ്ടെടുത്തു. കൂടാതെ ലാപ് ടോപ്പ്, മൊബൈൽഫോണുകൾ, കവർച്ചയ്ക്കുള്ള ഉപകരണങ്ങളും കണ്ടെടുത്തിട്ടുണ്ട്. കരുനാഗപ്പള്ളി പുള്ളിമാൻ ജംഗ്ഷനിലെ എടിഎമ്മിൽ കവർച്ചാശ്രമവും നടത്തിയിരുന്നു. കരുനാഗപ്പള്ളി, ചവറ, ഓച്ചിറ എന്നിവിടങ്ങളിലെ നിരവധികടകളുടെ പൂട്ടുപൊളിച്ച് മോഷണം നടത്തിയിരുന്നതായും പിടിയിലായവർ പോലീസിനോട് പറഞ്ഞു. ഇവരെ വിശദമായി ചോദ്യം ചെയ്തുവരികയാണ്.
Read MoreCategory: Kollam
വിദ്യാർഥിനിയെ മരിച്ച നിലയിൽ കണ്ടെത്തിയതിന് പിന്നിൽ മൊബൈൽ ഉപയോഗം; സഹോദരി വഴക്കുപറഞ്ഞതിൽ മനംനൊന്താണ് കുട്ടി മരിച്ചതെന്ന് പോലീസ്
കരുനാഗപ്പള്ളി: വിദ്യാർഥിനിയെ വീട്ടിനുള്ളിൽ തൂങ്ങി മരിച്ച നിലയിൽ കണ്ടെത്തി . തഴവ കടത്തൂർ തോട്ടുകര വീട്ടിൽ ഉണ്ണിയും ഭാര്യയും വാടകയ്ക്ക് താമസിച്ചിരുന്ന വീട്ടിൽ ഉണ്ണിയുടെ ഭാര്യ സഹോദരി ലിജി (17) യെയാണ് ശനിയാഴ്ച രാവിലെ തൂങ്ങി മരിച്ച നിലയിൽ കണ്ടെത്തിയത്. കരുനാഗപ്പളളി ഗവ. ഹയർ സെക്കൻഡറി സ്കൂളിലെ പ്ലസ് ടു വിദ്യാർഥിനിയാണ്. തേവലക്കര സ്വദേശിനിയാണ്. മരിച്ച ലിജി സഹോദരിയോടെപ്പമാണ് താമസിച്ചു വരുന്നത്. മൊബൈൽ ഫോൺ ഉപയോഗിക്കുന്നതിന് സഹോദരി വഴക്കപറഞ്ഞതാണ് ആത്മഹത്യയ്ക്ക് കാരണമായതെന്ന് പോലീസ് പറഞ്ഞു. തിരുവനന്തപുരം മെഡിക്കൽ കോളജാശുപത്രിയിൽ പോസ്റ്റ്മോർട്ടം നടത്തി. കരുനാഗപ്പള്ളി പോലിസ് കേസെടുത്തു.
Read Moreകാൻസർ രോഗിയുമായി പോയ ഓട്ടോ തടഞ്ഞ് നിർത്തി കുടുംബത്തിന് നേരെ ക്രൂരമർദനം; മർദനത്തിൽ മകളുടെ മുൻവശത്തെ പല്ലുകൾക്ക് ഇളക്കം; മൂവരും ആശുപത്രിയിൽ ചികിത്സ തേടി
കരുനാഗപ്പള്ളി: ആശുപത്രിയിൽ പരിശോധന കഴിഞ്ഞ് വീട്ടിലേക്ക് ഓട്ടോറിക്ഷയിൽ മടങ്ങിയ കാൻസർ രോഗിയ്ക്കും പതിനൊന്ന് വയസുള്ള മകൾക്കും, ഭർത്താവിനും ഗുണ്ടാ അക്രമത്തിൽ പരിക്ക് .കഴിഞ്ഞ ദിവസം ഉച്ചയ്ക്ക് 12 ഓടെ ചികിത്സ കഴിഞ്ഞു വരവെ രണ്ടു ബെക്കിൽ നാലുപേർ ഇവർ സഞ്ചരിച്ചിരുന്ന ഓട്ടോ കടന്നു പോകുവാൻ ഇടം നൽകാതെ വാഹനം തടഞ്ഞു നിർത്തി ഇവരെ മർദ്ദിയ്ക്കുകയായിരുന്നുവെന്ന് വീട്ടമ്മയും കുടുംബവും പറഞ്ഞു. കുലശേഖരപുരം ആദിനാട് തെക്ക് കയ്യാലത്ത് സുരേഷ് (42), ഭാര്യ മായ(33), മകൾ ദേവിക സുരേഷ് (11) എന്നിവർക്കാണ് അക്രമത്തിൽ പരിക്കേറ്റത്. ആക്രമണത്തിൽ അടിയേറ്റ ദേവികയുടെ പല്ല് അടർന്ന നിലയിലാണ്.ഇവർ താലൂക്ക് ആശുപത്രിയിൽ ചികിത്സ തേടി. കുലശേഖരപുരം കൊച്ചാലുംമൂട് സ്വദേശിയായ അടുത്തിടെ മറ്റൊരു കേസിൽ ശിക്ഷ കഴിഞ്ഞിറങ്ങിയയാളുടെ നേതൃത്വത്തിലുള്ള നാലംഗ സംഘമാണ് ആക്രമിച്ചതെന്ന് കുടുംബം കരുനാഗപ്പള്ളി പോലീസിൽ നൽകിയ പരാതിയിൽ പറയുന്നു.
Read Moreവേദിയിൽ ഇപ്പോൾ എന്താ ഇവിടെ ആൾക്കൂട്ടം..! കലോത്സവത്തിനിടെ കുഴഞ്ഞുവീണ് മത്സരാർഥി ; മണിക്കൂറുകൾ കഴിഞ്ഞ് ആംബുലൻസ് എത്തിയപ്പോഴേക്കും കുട്ടി എഴുന്നേറ്റ് ചോദിച്ചു…
കൊല്ലം: മത്സരം കഴിഞ്ഞ് കുഴഞ്ഞുവീണ പെൺകുട്ടിക്ക് ഉടൻ രക്ഷയായത് രക്ഷിതാക്കൾക്കൊപ്പമെത്തിയ ബന്ധുക്കൾ. മെഡിക്കൽ സംഘം ഉടൻ എത്തണമെന്ന് തൊണ്ട കീറി മൈക്കിലൂടെ അറിയിപ്പ് വന്നെങ്കിലും സംഘമെത്തിയില്ല. അതുവരെ മൈതാനത്ത് ഉണ്ടായിരുന്ന ആംബുലൻസ് പത്ത് മിനിട്ട് മുന്പ് അവിടെ നിന്നും പോവുകയും ചെയ്തു. പിന്നീട് ആംബുലൻസ് വിളിച്ച് വരുത്തിയപ്പോഴേക്കും കുഴഞ്ഞുവീണ പെൺകുട്ടി എഴുന്നേറ്റിരുന്നു ചുറ്റും കൂടിനിന്നവരോട് ചോദിച്ചു.- ഇവിടെ എന്താ ഒരു ആൾകൂട്ടം, എന്താ പ്രശ്നം?
Read Moreകാക്കിക്കുള്ളിലെ കലിയടങ്ങുന്നില്ല..! വിദ്യാർഥികൾ തമ്മിലുള്ള മർദനത്തിൽ എഎസ്ഐയുടെ മകന് പരുക്ക്; വിദ്യാർഥികളെ പോലീസ് സ്റ്റേഷനിൽ വിളിച്ചുവരുത്തിഎഎസ്ഐയെയുടെ ക്രൂരമർദനം പരിക്കേറ്റ വിദ്യാർഥികൾ ചികിത്സയിൽ
കായംകുളം: സ്കൂൾ വിദ്യാർഥികളെ പോലീസ് സ്റ്റേഷനിൽ വിളിച്ചുവരുത്തി മർദിച്ചുവെന്ന പരാതിയിൽ കായംകുളം എഎസ്ഐക്കെതിരേ നടപടി. അന്വേഷണ വിധേയമായി എഎസ്ഐ സിയാദിനെ ആലപ്പുഴ എആർ ക്യാന്പിലേക്ക് സ്ഥലംമാറ്റി. സംഭവത്തിൽ കായംകുളം ഡിവൈഎസ്പി അനിൽദാസിനോട് ജില്ലാ പോലീസ് മേധാവി റിപ്പോർട്ട് ആവശ്യപ്പെട്ടിരുന്നു. ഡിവൈഎസ്പിയുടെ റിപ്പോർട്ടിന്റെ അടിസ്ഥാനത്തിലാണ് ജില്ലാ പോലീസ് മേധാവി നടപടി സ്വീകരിച്ചത്. മർദ്ദനമേറ്റ വിദ്യാർഥികളെ കായംകുളം താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്. കഴിഞ്ഞ ദിവസമാണ് സംഭവം. എംഎസ്എംഎച്ച്എസ് സ്കൂളിലെ വിദ്യാർഥികൾ തമ്മിൽ സംഘർഷമുണ്ടായിരുന്നു. സംഘർഷത്തിൽ എഎസ്ഐയുടെ മകന് മർദ്ദനമേറ്റുവെന്നാണ് റിപ്പോർട്ട്. ഇതേതുടർന്ന് എഎസ്ഐ ചില വിദ്യാർഥികളെ സ്റ്റേഷനിൽ വിളിച്ചുവരുത്തിയ ശേഷം മർദ്ദിച്ചുവെന്നാണ് പരാതി. സംഭവത്തിൽ പ്രതിഷേധിച്ച് വിദ്യാർഥികൾ രാവിലെ കായംകുളം സ്റ്റേഷനിലേക്ക് മാർച്ച് നടത്തിയിരുന്നു. ഇതിന് പിന്നാലെയാണ് ഡിവൈഎസ്പിയുടെ റിപ്പോർട്ടിന്റെ അടിസ്ഥാനത്തിൽ നടപടിയുണ്ടായത്. എഎസ്ഐക്ക് പിന്നാലെ സ്റ്റേഷനിലെ ചില പോലീസുകാർക്കെതിരെയും ആരോപണമുണ്ട്. ഇവർക്കെതിരേ വകുപ്പുതല നടപടിക്ക് ജില്ലാ പോലീസ് മേധാവി…
Read Moreചുഴലിക്കാറ്റിൽപ്പെട്ട് ഇതര സംസ്ഥാനങ്ങളിൽ എത്തിയ മലയാളികളെ തിരികെയെത്തിക്കാൻ പ്രത്യേക സംഘം: മന്ത്രി
കൊല്ലം: ചുഴലിക്കൊടുങ്കാറ്റിൽപെട്ട് ഇതര സംസ്ഥാനങ്ങളിലെത്തിയ മലയാളികളെ തിരികെ നാട്ടിലെത്തിക്കാൻ പ്രത്യേക സംഘത്തെ നിയോഗിച്ചതായി മന്ത്രി ജെ. മേഴ്സിക്കുട്ടിയമ്മ അറിയിച്ചു. ഗുജറാത്ത്, കർണാടക, ലക്ഷദ്വീപ്, മഹാരാഷ്ട്ര , ഗോവ എന്നിവിടങ്ങളിലാണ് രക്ഷപെട്ടവരുള്ളത്. ആശുപത്രികളിൽ കഴിയുന്നവർക്ക് ആവശ്യമായ സഹായമാണ് ആദ്യം നൽകുക. പിന്നീട് അവരുടെ വിശദാംശങ്ങൾ, ബോട്ടുകൾക്കുണ്ട ായ നാശനഷ്ടം, സാന്പത്തിക നഷ്ടം എന്നിവ സംബന്ധിച്ച വിവര ശേഖരണം നടത്തും. ഗുജറാത്തിൽ തീരവികസന കോർപറേഷൻ എം. ഡി. ഡോ. കെ. അന്പാടി (9846310773), മഹാരാഷ്ട്രയിൽ നിഫാം ഡയറക്ടർ ഡോ. ദിനേശ് (9400497160,8547870160), കർണാടക, ഗോവ എന്നിവടങ്ങളിൽ ഫിഷറീസ് ജോയിന്റ് ഡയറക്ടർ കെ. കെ. സതീഷ്കുമാർ (9446033895,9496007024), ലക്ഷദ്വീപിൽ ഫിഷറീസ് ഡെപ്യൂട്ടി ഡയറക്ടർ എം. എസ്. സാജു. (9496007030) എന്നിവരെയാണ് നിയോഗിച്ചത്. ഗുജറാത്തിലെ വെരാവൽ, മഹാരാഷ്ട്രയിലെ സിന്ധുദുർഗ്, രത്നഗിരി, കർണാടകയിലെ മാൾപ്പെ, കാർവാർ, വാസ്കോ പോർട്ട് എന്നിവയ്ക്കൊപ്പം മറ്റു തുറമുഖങ്ങളിലും സംഘത്തിന്റെ…
Read Moreഎന്നോട് ഇങ്ങനെ വേണ്ടായിരുന്നു..! വീട്ടുകാർ തമ്മിലുള്ള വഴിതർക്കം; അയൽ വാസിയായ യുവതിക്ക് വെട്ടേറ്റു; യുവതിയുടെ പരാതിയിൽ പോലീസ് കേസെടുത്തു
ചവറ: വീട്ടുകാർ തമ്മിലുള്ള വഴിത്തർക്കത്തിൽ യുവതിക്ക് വെട്ടുകത്തി കൊണ്ടുള്ള അക്രമത്തിൽ പരിക്കേറ്റു. തേവലക്കര കോയിവിള കൊരണ്ടിപ്പള്ളിൽ ആന്റണിയുടെ ഭാര്യ രജനി (27) ക്കാണ് കൈക്ക് പരിക്കേറ്റത്. കഴിഞ്ഞ ദിവസം ഉച്ചകഴിഞ്ഞ് 3.30നായിരുന്നു സംഭവം. അയൽവാസിയുടെ കൈയ്യിൽ നിന്നും വിലക്ക് വാങ്ങിയ വസ്തുവിൽ താമസിക്കുകയാണ് പരിക്കേറ്റ യുവതി. യുവതിയുടെ പരാതിയിൽ തെക്കുംഭാഗം പോലീസ് കേസെടുത്തു.
Read Moreചരിത്രത്തെ കാവി പുതപ്പിച്ചും ചരിത്രസത്യങ്ങളെ തമസ്കരിച്ചും അസത്യങ്ങളുടെ ചരിത്രം രചിക്കാൻ കേന്ദ്ര ഭരണശ്രമം: കെ പ്രകാശ് ബാബു
പത്തനാപുരം: ചരിത്രത്തെ കാവി പുതപ്പിച്ചും ചരിത്രസത്യങ്ങളെ തമസ്കരിച്ചും അസത്യങ്ങളുടെ ചരിത്രം രചിക്കാൻ ബി ജെ പി സർക്കാർ ശ്രമം നടത്തുന്നതായി സി പി ഐ സംസ്ഥാന അസിസ്റ്റന്റ് സെക്രട്ടറി കെ പ്രകാശ് ബാബു അഭിപ്രായപ്പെട്ടു. സി പി ഐ പത്തനാപുരം മണ്ഡലം സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു പ്രകാശ് ബാബു. ഇന്ത്യയുടെ മതേതരത്വത്തെ തകർക്കാനും കോർപറേറ്റ് ശക്തികളുടെ ദല്ലാളാകാനുമാണ് കേന്ദ്ര സർക്കാർ ശ്രമിക്കുന്നത്. കേന്ദ്ര ഭരണം കർഷകന്റെയും തൊഴിലാളികളുടെയും സാധാരണക്കാരുടെയും ജീവിതം കൂടുതൽ ദുരിതത്തിലാക്കിയതായും പ്രകാശ് ബാബു പറഞ്ഞു. മന്ത്രി കെ രാജു, നേതാക്കളായ കെ ആർ ചന്ദ്രമോഹൻ, എൻ അനിരുദ്ധൻ, എച്ച് രാജീവൻ, എസ് വേണുഗോപാൽ, എം ജിയാസുദീൻ, ബി രാജേഷ്, എസ് എം ഷെരീഫ് തുടങ്ങിയവർ പ്രസംഗിച്ചു.
Read Moreനാല് വയസുകാരിയെ പ്രകൃതി വിരുദ്ധ പീഡനത്തിനിരയാക്കി; ജാമ്യത്തിൽ ഇറങ്ങി മുങ്ങിയ പ്രതി 14 വർഷങ്ങൾക്ക് ശേഷം പിടിയിൽ
കൊട്ടാരക്കര: ആനക്കോട്ടൂരിൽ നാല് വയസുകാരിയെ പ്രകൃതി വിരുദ്ധ പീഡനത്തിനിരയാക്കിയ കേസിൽ പോലീസ് പിടികൂടി റിമാൻഡ് ചെയ്ത് കോടതിയിൽ നിന്നും ജാമ്യത്തിൽ ഇറങ്ങി മുങ്ങിയ പ്രതിയെ 14 വർഷങ്ങൾക്ക് ശേഷം പോലീസ് പിടികൂടി. ആനക്കോട്ടുർ സ്വദേശി സനൽ (33) നെ ആണ് കൊല്ലം റൂറൽ പോലീസ് മേധാവി ബി അശോകന്റെ നേതൃത്വത്തിലുള്ള ഷാഡോ പോലീസ് സംഘം പിടി കൂടിയത്. 2003 ജൂലൈ യിലാണ് കേസിനാസ്പദമായ സംഭവം നടക്കുന്നത് . റിമാൻഡ് ചെയ്ത പ്രതി ജാമ്യത്തിൽ ഇറങ്ങി മുങ്ങുകയായിരുന്നു. കർണാടകത്തിലും സമീപ ജില്ലകളിൽ തൊഴിലെടുത്ത് ഒളിച്ചു കഴിയുകയായിരുന്നു. സനൽ നിരവധി അബ്കാരി കേസുകളിലും പ്രതിയാണ്. ഡി വൈ എസ് പി ജെ ജേക്കബിന്റെ നേതൃത്യത്തിൽ എസ് ഐ സി കെ മനോജ്, ഷാഡോ പോലീസ് എസ് ഐ എസ് ബിനോജ്, ഷാഡോ പോലീസ് ടീം അംഗങ്ങളായ ശിവശങ്കരപിള്ള, എ.സി.ഷാജഹാൻ, ആഷിർ…
Read Moreചെന്നായ്ക്കളുടെ ആക്രമണത്തിൽ നിന്ന് പ്രാണരക്ഷാർഥം രക്ഷപ്പെട്ട് വീണതാകട്ടെ നാട്ടിലെ കിണറ്റിലും; ഒടുക്കം വനപാലകരെത്തി കേഴമാനെ രക്ഷപ്പെടുത്തി
പത്തനാപുരം: കിണറ്റിൽ വീണ കേഴമാൻ കുഞ്ഞിനെ വനപാലകർ രക്ഷപ്പെടുത്തി. ഒന്നര വയസ് ചെന്ന കേഴക്കുഞ്ഞിനെ കഴിഞ്ഞദിവസം രാവിലെ കിണറ്റിൽ വീണ നിലയില് കണ്ടെത്തുകയായിരുന്നു. പാടം റ്റി എസ് ഹൗസിൽ ദിലീപിന്റെ വീട്ടുമുറ്റത്തെ കൈവരി ഇല്ലാത്ത കിണറ്റിലാണ് കേഴമാന്കുഞ്ഞിനെ കണ്ടെത്തിയത്. വനത്തിൽ ചെന്നായ്ക്കളുടെ കടിയേറ്റ് ജനവാസ പ്രദേശത്ത് ചാടിയ കേഴ നായ്ക്കൾ ഉപദ്രവിക്കാൻ ശ്രമിക്കവെ പ്രാണരക്ഷാർഥം ഓടവെ കിണറ്റിൽ വീഴുകയായിരുന്നു. വീട്ടുകാർ വിവരം അറിയിച്ചതിനെ തുടർന്ന് വനപാലകർ കിണറ്റിൽ ഇറങ്ങി കേഴയെ രക്ഷപ്പെടുത്തി. തുടർന്ന് പാടം വനപ്രദേശത്തെ ഇരുതോട് ഭാഗത്ത് കൊണ്ട് പോയി കേഴയെ വനത്തിലേയ്ക്ക് തുറന്ന് വിട്ടു. പാടം സ്റ്റേഷനിലെ ഫോറസ്റ്റ് ഓഫീസർ എൻ പ്രദീപ്, ദിലീപ്, അനിൽ, ആർ ജയപ്രകാശ് എന്നിവരാണ് കേഴയെ രക്ഷപ്പെടുത്തിയത്.
Read More