ചങ്ങനാശേരി: വിദേശ മാതൃകയിൽ ചങ്ങനാശേരി മാർക്കറ്റ് ഫ്രീ സോണ് മാർക്കറ്റ് ആക്കാനും ടൂറിസ്റ്റ് കേന്ദ്രമായും മാറ്റാനുമുള്ള പദ്ധതികൾ കൊണ്ടുവരുമെന്ന് നിയുക്ത എംഎൽഎ ജോബ് മൈക്കിൾ. ചങ്ങനാശേരി മർച്ചന്റ്സ് അസോസിയേക്ഷൻ വ്യാപാര ഭവനിൽ നൽകിയ സ്വീകരണ സമ്മേളനത്തിൽ സംസാരിക്കുക യായിരുന്നു ജോബ് മൈക്കിൽ. കെസി പാലം പൊക്കി ആർച്ച് പാലം നിർമിക്കും, ചങ്ങനാശേരി ബോട്ടുജട്ടി ടൂറിസം ബോട്ടുജട്ടിയായി ഉയർത്തും, കൊടുരാറ് തടസങ്ങൾ മാറ്റി വികസിപ്പിച്ച് നാട്ടകം പോർട്ടുമായി ബന്ധിപ്പിക്കും, ഗവണ്മെന്റ് ഹോസ്പിറ്റലിൽ എല്ലാ സൗകര്യങ്ങളും ഒരുക്കും, ചങ്ങനാശേരിയിലെ കുടിവെള്ള പ്രശ്നം ശാശ്വതമായി പരിഹരിക്കും തുടങ്ങിയ വിവിധ പദ്ധതികൾ നടപ്പിലാക്കമെന്നും അദ്ദേഹം പറഞ്ഞു.പ്രസിഡന്റ് ബിജു ആന്റണി കയ്യാലപ്പറന്പിൽ അധ്യക്ഷത വഹിച്ചു.
Read MoreCategory: Kottayam
സമ്പൂർണ ലോക്ഡൗൺ; നിർദേശങ്ങൾ നടപ്പാക്കാൻ പോലീസ്; അതിർത്തികളിൽ കർശന പരിശോധന
കോട്ടയം: സന്പൂർണ ലോക്ക് ഡൗണിലെ നിർദേശങ്ങൾ കർശനമായി നടപ്പാക്കാൻ പോലീസ്.ജില്ലയിലെ നിലവിലുള്ള അഞ്ചു പോലീസ് സബ്-ഡിവിഷനുകൾക്കു പുറമെ നാലു ഡിവിഷനുകൾ കുടി രൂപീകരിച്ച് ഒന്പത് ഡിവൈഎസ്പിമാരുടെ നേതൃത്വത്തിലാണ് നിയന്ത്രണം ഏർപ്പെടുത്തിയിരിക്കുന്നത്. ജില്ലയിലേക്ക് വരുന്ന പ്രധാന 12 റോഡുകളിൽ കർശനമായ വാഹന പരിശോധന ഉണ്ടായിരിക്കും. ജില്ലയ്ക്കകത്തു 95 സ്ഥലങ്ങളിൽ വാഹന പരിശോധനയും 75 വെഹിക്കിൾ പെട്രോളിംഗമുണ്ട്. ജില്ലയിലെ പ്രധാന അതിർത്തികളിൽ 24 മണിക്കൂറും വാഹന പരിശോധന നടത്തും. ജില്ലയിൽ മൊത്തം 100 ബൈക്ക് പട്രോളിംഗും ഉണ്ടായിരിക്കും. അനാവശ്യമായി പുറത്തിറങ്ങുന്നവരുടെ വാഹനം പിടിച്ചെടുക്കുകയും ലൈസൻസ് റദ്ദാക്കുകയും ചെയ്യും. കേസിലുൾപ്പെടുന്നവരുടെ പാസ്പോർട്ട് ലഭിക്കാൻ കാലതാമസം നേരിടുകയും ചെയ്യും. ജില്ലയിലാകെ1,200 പോലീസുദ്യോഗസ്ഥരെ ലോക്ക് ഡൗണ് ഡ്യൂട്ടിക്കായി നിയോഗിച്ചിട്ടുണ്ട്.കൂടാതെ എക്സൈസ്, മോട്ടോർ വെഹിക്കിൾ ഡിപ്പാർട്ട്മെന്റ്, പോലീസ് വോളന്റിയേഴ്സ് തുടങ്ങിയവരും ഡ്യൂട്ടിക്കുണ്ട്. ജില്ലാ അതിർത്തികളിൽ കർശന പരിശോധന കോട്ടയം: ഇന്ന് ലോക് ഡൗണ് തുടങ്ങുന്നതോടെ ജില്ലാ…
Read Moreകാമറയെയും കടത്തി വെട്ടി മോഷ്ടാക്കൾ; പള്ളികളിലെ മോഷണങ്ങളിൽ തുമ്പില്ലാതെ പോലീസ്
ചിങ്ങവനം: പള്ളികളിലെ നിരന്തരമായ മോഷണ സംഭവങ്ങളിൽ തുന്പില്ലാതെ പോലീസ്. ഇതിൽ ഏറ്റവും ഒടുവിലത്തേതാണ് പാക്കിൽ സെന്റ് തോമസ് യാക്കോബായ പള്ളിയിലേത്. വ്യാഴാഴ്ച പുലർച്ചെ നടന്ന മോഷണത്തിൽ പള്ളിയുടെ പിൻ വാതിൽ കുത്തിത്തുറന്ന് അകത്ത് കയറിയ മോഷ്ടാവ് നേർച്ച പെട്ടി തകർത്ത് പണം അപഹരിക്കുകയായിരുന്നു. പള്ളിക്ക് മുൻവശത്തുള്ള നേർച്ചപ്പെട്ടി തുറക്കാൻ ശ്രമിച്ചിരുന്നുവെങ്കിലും വിഫലമായി. പള്ളി പരിസരത്തുണ്ടായിരുന്ന സിസിടിവി കാമറകൾ തകർത്ത ശേഷമായിരുന്നു മോഷണം. 10,000 രൂപ നഷ്ടപ്പെട്ടതായാണു കരുതുന്നത്. ഏതാനും വർഷങ്ങൾക്കു മുന്പും ഇവിടെ മോഷ്ടാക്കൾ കയറി പണം അപഹരിച്ചിരുന്നു. ചിങ്ങവനം കേന്ദ്രീകരിച്ചു മോഷണ സംഭവങ്ങൾ നിരവധിയായിരിക്കുകയാണ്. ദിവസങ്ങൾക്ക് മുന്പാണ് കൊല്ലാട് സെന്റ് പോൾസ് പള്ളിയിൽ മോഷണം നടന്നത്. രണ്ടു നേർച്ചപ്പെട്ടിയിൽ നിന്നുമാണ് പണം അപഹരിച്ചത്. പള്ളി പരിസരത്തുണ്ടായിരുന്ന നിരവധി സിസിടിവി കാമറാകൾ തകർത്തതിന് ശേഷമായിരുന്നു ഇവിടെയും മോഷണം നടന്നത്. രണ്ടിടത്തും കാമറായിൽ മോഷ്ടാവിന്റെ ചിത്രം പതിഞ്ഞിട്ടുണ്ടെങ്കിലും അവ്യക്തമാണ്.…
Read Moreമൂന്നാറില് കഴിഞ്ഞവര്ഷം ലോക്ക്ഡൗണ് കാലത്ത് കടകളിലെത്തി വികൃതി കാട്ടിയ കാട്ടാനകള് വീണ്ടുമെത്തി; കാട്ടിക്കൂട്ടിയത് ഇങ്ങനെയൊക്കെ…
മൂന്നാർ: കഴിഞ്ഞവർഷം ലോക്ക് ഡൗണ് കാലത്ത് മൂന്നാർ ടൗണിലെ കടകളിലെത്തി വികൃതികൾ കാട്ടിയ കാട്ടാനകൾ നഗരം ലോക്ക് ഡൗണിലായതോടെ വീണ്ടുമെത്തി. മൂന്നാർ നല്ലതണ്ണി ജംഗ്ഷനു സമീപത്തുള്ള പാലത്തോടു ചേർന്നുള്ള പച്ചക്കറി കടകളാണ് കാട്ടാനകൾ ആക്രമിച്ചത്. പാപ്പുകുഞ്ഞ്. അയ്യപ്പൻ എന്നിവരുടെ കടകളിലായിരുന്നു ആക്രമണം. കടകൾക്കു കേടുപാടുകൾ വരുത്തിയ കാട്ടാനകൾ കടകളിൽ സൂക്ഷിച്ചിരുന്ന പച്ചക്കറികൾ അകത്താക്കുകയും ചെയ്തു. കഴിഞ്ഞദിവസം രാത്രി 11-ഓടെയാണ് കൊന്പനും കുട്ടിയാനയുമുൾപ്പെടെ രണ്ടാനകൾ ടൗണിലെത്തിയത്. വിവരമറിഞ്ഞതോടെ സമീപ പ്രദേശങ്ങളിലുള്ളവർ ആനയെ കാണാൻ എത്തുകയും ചെയ്തു. ആളുകളുടെ തിരക്ക് വർധിക്കുകയും ബഹളമുണ്ടാക്കുകയും ചെയ്തതോടെ ആനകൾ പെരിയവര റോഡിലെത്തി കാട്ടിലേക്ക് മടങ്ങി. പാപ്പുകുഞ്ഞിന്റെ കടയ്ക്കുനേരെ നാലാം തവണയും അയ്യപ്പന്റെ കടയ്ക്കുനേരെ രണ്ടാം തവണയുമാണ് ആക്രമണമുണ്ടാകുന്നത്. നിരന്തരം ആവശ്യം ഉന്നയിച്ചിട്ടും മൂന്നാർ മേഖലയിലെ വന്യജീവി ശല്യം പ്രതിരോധിക്കാൻ വനംവകുപ്പ് ഫലപ്രദമായ ഇടപെടൽ നടത്തുന്നില്ലെന്ന പരാതി വ്യാപകമാണ്. ജനവാസ മേഖലയിലെ കാട്ടാന ശല്യത്തിനുപുറമെ…
Read Moreലോക്ഡൗൺ; അതിഥിത്തൊഴിലാളികളുടെ ക്ഷേമത്തിനായി ക്രമീകരണം ഏർപ്പെടുത്തി ജില്ലാ ഭരണകൂടം
കോട്ടയം: ലോക്ഡൗണ് ആരംഭിക്കുന്ന സാഹചര്യത്തിൽ ജില്ലയിൽ അതിഥിത്തൊഴിലാളികളുടെ ക്ഷേമം ഉറപ്പാക്കുന്നതിനുള്ള ക്രമീകരണങ്ങളുമായി ജില്ലാ നേതൃത്വം. പായിപ്പാട് ഉൾപ്പെടെയുള്ള മേഖലകളിൽ തൊഴിലാളികളുടെ താമസം, ഭക്ഷണം, കോവിഡ് ബാധിച്ചവരുടെ സംരക്ഷണം തുടങ്ങിയവയിൽ തൊഴിലുടമകൾ പ്രത്യേക ജാഗ്രത പുലർത്തണമെന്ന് ജില്ലാ ഭരണകൂടം. ഇതു സംബന്ധിച്ചു ജില്ലാ കളക്ടർ എം. അഞ്ജന ലാൻഡ് അക്വിസിഷൻ ഡെപ്യൂട്ടി കളക്ടർ പി.എസ്. സ്വർണമ്മയെ നോഡൽ ഓഫീസറായി നിയോഗിച്ചു. തൊഴിലിടങ്ങളിൽ തന്നെ താമസിച്ച് തൊഴിൽ ചെയ്യുന്നതിനുള്ള ക്രമീകരണം, മറ്റു സ്ഥലങ്ങളിൽ പോയി ജോലി ചെയ്യേണ്ടവർക്കായി നിലവിൽ തൊഴിലുടമകൾ ഏർപ്പെടുത്തിയിട്ടുള്ള യാത്രാസൗകര്യം എന്നിവ ഒരുക്കും. തൊഴിലാളികളുടെ വിവര ശേഖരണവും അവരുടെ ആശങ്ക അകറ്റുന്നതിനായുള്ള ബോധവത്കരണ പ്രവർത്തനങ്ങളും ആരംഭിച്ചിട്ടുണ്ട്. ജില്ലാ ലേബർ ഓഫീസാണ് നടപടികൾ ഏകോപിപ്പിക്കുന്നത്. ക്യാന്പുകളിൽ ഭക്ഷ്യ കിറ്റുകൾ വിതരണം ചെയ്യുന്നതിനുവേണ്ട നടപടികൾക്കായി തൊഴിൽ, പൊതുവിതരണ വകുപ്പുകളെ ചുമതലപ്പെടുത്തി. പായിപ്പാട് കോവിഡ് ബാധിച്ച അതിഥിത്തൊഴിലാളികളെ പ്രത്യേകമായി ഒരു സ്ഥലത്ത്…
Read Moreഅപകടഭീഷണിയായി റോഡരികിലെ കുഴി; രാത്രി കാലങ്ങളിൽ കാൽ നടക്കാരും ബൈക്കുകാരും കുഴിയിൽ വീഴുന്നത് പതിവാകുന്നതായി പരാതി
ചിങ്ങവനം: ടാറിംഗ് കഴിഞ്ഞു മാസങ്ങളായിട്ടും റോഡരികിലെ അപകടകരമായ കുഴി നികത്താതെ കരാറുകാരൻ. രണ്ടര കിലോമീറ്ററോളം വരുന്ന പരുത്തുംപാറ പനച്ചിക്കാട് ക്ഷേത്രം റോഡിലാണു കാൽ നടയാത്രക്കാരെ വരെ വീഴ്ത്താൻ പാകത്തിൽ കുഴി. ആധുനീക രീതിയിൽ ടാറിംഗ് നടത്തിയ റോഡ് പഴയ നിരപ്പിൽനിന്ന് ഒരടിയോളം പൊക്കിയിരുന്നു. ടാറിംഗിനുശേഷം ഇപ്പോൾ റോഡിന്റെ വശങ്ങൾ പലയിടത്തും ഒരടിയോളം താഴ്ന്നു കിടക്കുകയാണ്. ഇതുമൂലം വാഹനങ്ങൾ സൈഡ് കൊടുക്കുന്പോഴും ഓവർ ടേക്ക് ചെയ്യുന്പോഴും കുഴിയിൽ വീഴുന്നത് നിത്യസംഭവമാകുകയാണ്. വലിയ വാഹനങ്ങൾ എതിരെ വരുന്പോൾ ഇരുചക്രവാഹന യാത്രക്കാർക്കാണു ഏറെ ബുദ്ധിമുട്ട്. രാത്രി കാലങ്ങളിൽ കാൽ നടയാത്രക്കാർ കാലുതെറ്റി കുഴിയിൽ വീഴുന്നതും പതിവാണ്. ടാറിംഗ് പൂർത്തിയായശേഷം ഇരുവശവും മണ്ണിട്ട് പൊക്കി കോണ്ക്രീറ്റ് ചെയ്യുകയാണു പതിവ്. ഈ റോഡിൽ ടാറിംഗ് കഴിഞ്ഞു മാസങ്ങളായിട്ടും കരാറുകാരൻ തിരിഞ്ഞു നോക്കിയിട്ടില്ലെന്നാണ് നാട്ടുകാരുടെ പരാതി.
Read Moreതന്നെ സഹായിച്ചവർക്ക് നന്ദി… നന്ദി… നന്ദി…! വാഗമണ്ണിൽ ഒറ്റയ്ക്കായ ജോണി പിയേർസ് അമേരിക്കയിലെത്തി; നാട്ടിലെത്തിയ ഉടനെ വാക്സിനും സ്വീകരിച്ചു
പീരുമേട്: തന്നെ സഹായിച്ചവർക്ക് നന്ദിയറിയിച്ച് ജോണി പിയേർസ്. അമേരിക്കയിലെത്തി കോവിഡ് വാക്സിൻ സ്വീകരിച്ചതിനുശേഷം താൻ സുരക്ഷിതനാണെന്നുള്ള സന്തോഷം ഫെയ്സ് ബുക്കിലൂടെയാണ് ജോണി പിയേർസ് പങ്കുവച്ചത്. കോവിഡ് രൂക്ഷമായ സാഹചര്യത്തിൽ വാഗമണ്ണിൽ ഒറ്റയ്ക്കായ ജോണിക്ക് തുണയായത് മാധ്യമങ്ങളിൽ വാർത്ത വന്നപ്പോഴാണ്. വാർത്ത ശ്രദ്ധയിൽപെട്ടതിനുശേഷം ജോണി പിയേർസിന് ആശ്വാസവും സഹായവുമായി ചെന്നെയിലെ അമേരിക്കൻ എംബസി എത്തുകയായിരുന്നു. തുടർന്നാണ് ഖത്തർ വഴിയുള്ള വിമാനത്തിൽ നാട്ടിലേക്ക് മടങ്ങുവാൻ ജോണിക്ക് അവസരം ലഭിച്ചത്. നാട്ടിലെത്തിയ ഉടനെ വാക്സിൻ സ്വീകരിക്കുവാനുള്ള അവസരവും ലഭിച്ചു. പതിനാല് മാസംമുന്പ് വിനോദസഞ്ചാരത്തിനായി കേരളത്തിൽ എത്തിയതിനുശേഷം തിരിച്ചുപോകാനാവാതെ കോടതിയുടെ പ്രത്യേക അനുമതി നേടി കേരളത്തിൽ തുടരുകയായിരുന്നു ഇദ്ദേഹം. എന്നാൽ വിദേശ പൗരനായതിനാൽ കോവിഡ് വാക്്സിൻ ലഭിക്കാതെവന്ന സാഹചര്യത്തിൽ നാട്ടിലേക്ക് മടങ്ങുവാൻ തീരുമാനിക്കുകയായിരുന്നു. ജനുവരിമുതൽ വാക്സിനായി പല ആശുപത്രികളിലും സന്ദർശിച്ച് ശ്രമിച്ചിട്ടും വാക്സിൻ ലഭ്യമായിരുന്നില്ല.
Read Moreയുവതിയെ ട്രെയിനിൽ ആക്രമിച്ച ബാബുക്കുട്ടന്റെ കോവിഡ് പരിശോധനാ ഫലം വൈകുന്നു; മറ്റ് ഗുരുതര പ്രശ്നങ്ങളില്ലെന്ന് പോലീസ്
കോട്ടയം: ട്രെയിനിൽ യുവതിയെ ആക്രമിച്ച് ആഭരണം കവർന്നശേഷം കൊലപ്പെടുത്തുവാൻ ശ്രമിച്ച കേസിലെ പ്രതിയുടെ ആർടിപിസിആർ പരിശോധന ഫലം ലഭിച്ചാൽ ഉടൻ കോടതിയിൽ ഹാജരാക്കും. കോട്ടയം മെഡിക്കൽ കോളജിൽ നിരീക്ഷണത്തിൽ കഴിയുന്ന പ്രതിയുടെ കോവിഡ് ഫലം ഉടൻ ലഭിക്കും. കായംകുളം നൂറനാട് സ്വദേശി ബാബുക്കുട്ടനാണു സംഭവുമായി ബന്ധപ്പെട്ടു പോലീസിന്റെ പിടിയിലായത്. പത്തനംതിട്ട ചിറ്റാർ പോലീസ് പിടികൂടി ചോദ്യം ചെയ്യവേ അപസ്മാരത്തിന്റെ ലക്ഷണം കാണിച്ചതിനെത്തുടർന്നാണ് കഴിഞ്ഞ ദിവസം പത്തനംതിട്ട ജനറൽ ആശുപത്രിയിലും തുടർന്നു ചൊവ്വാഴ്ച രാത്രിയിൽ വിദഗ്ധ ചികിത്സയ്ക്കായി കോട്ടയം മെഡിക്കൽ കോളജിലും പ്രവേശിപ്പിച്ചത്. മറ്റ് ഗുരുതരമായ ആരോഗ്യപ്രശ്നങ്ങൾ ഇല്ലാത്തതിനാൽ ആർടിപിസിആർ ഫലം ലഭിച്ചാൽ ഡിസ്ചാർജ് ചെയ്യും.ഇന്നലെ പ്രതിയിൽനിന്നു വിവരം ശേഖരിക്കുവാൻ റെയിൽവേ പോലീസ് എത്തിയെങ്കിലും ഇപ്പോൾ ഇതു സംബന്ധിച്ച് ഒന്നു പറയാൻ കഴിയില്ലെന്നാണ് പോലീസ് പറയുന്നത്. കഴിഞ്ഞ 28-ന് ഗുരുവായൂർ പുനലൂർ ട്രെയിനിൽ എറണാകുളം മുളന്തുരുത്തിക്കും കാഞ്ഞിരമറ്റത്തിനും ഇടയ്ക്കാണ്…
Read Moreകോവിഡ് നിയന്ത്രണത്തിൽ ഹോട്ടലുകൾ അടച്ചതോടെ ആവശ്യക്കാരില്ല; കുമരകം കരിമീനിന് വിലയിടിവ്
കുമരകം: ആവശ്യക്കാരെത്തുന്നില്ല, കരിമീനു വിലയിടിവ്. മത്സ്യത്തൊഴിലാളികൾ പ്രതിസന്ധിയിൽ. കോവിഡ് വ്യാപനത്തെത്തുടർന്ന് സർക്കാർ നിയന്ത്രണങ്ങൾ പ്രഖ്യാപിച്ച സാഹചര്യത്തിലാണ് മീൻ വിൽപ്പന പ്രതിസന്ധിയിലായിരിക്കുന്നത്. കോട്ടയം വെസ്റ്റ് ഉൾനാടൻ മത്സ്യതൊഴിലാളി വികസന ക്ഷേമ സഹകരണ സംഘത്തിലെ വിൽപ്പനശാലകളിലും ഇന്നലെ മുതൽ കരിമീനിനു വില കുറച്ചു. കരിമീനിന്റെ തൂക്കം അനുസരിച്ചു വില്പന നടത്തുന്ന നാല് വിഭാഗങ്ങളുടേയും വിലയാണ് ഗണ്യമായി കുറച്ചത്. മുന്പ് 470 രൂപയ്ക്കു വില്പന നടത്തിയിരുന്ന എ പ്ലസ്-420നും, 400നു വില്പന നടത്തിയിരുന്ന എ-350, 320 നു വില്പന നടത്തിയിരുന്ന ബി-280, 250 നു വില്പന നടത്തിയിരുന്ന സി-220 നുമാണ് ഇപ്പോൾ വില്പന നടത്തുന്നത്. ഹോട്ടലുകളിലെയും, ഷാപ്പുകളിലെയും കച്ചവടം നിലച്ചതോടെയാണു കരിമീനു വിൽപ്പന കുറഞ്ഞത്. മറ്റു പ്രദേശങ്ങളിൽനിന്നും നിരവധി ആളുകൾ മീൻ വാങ്ങാൻ കുമരകത്ത് എത്തുന്നത് പതിവായിരുന്നു. നിയന്ത്രണങ്ങൾ കർക്കശമാക്കിയതോടെ അവരുടെ വരവും നിലച്ചു. ഇതോടെ മീൻ വില കുറയ്ക്കാതെ മറ്റ്…
Read Moreഏപ്രിൽ 20 മുതൽ 23 വരെ നാലു ദിവസങ്ങളിലായി നടന്ന സർവേ! ഇരവികുളത്ത് കണ്ടെത്തിയ വരയാടിൻ കുഞ്ഞുളുടെ എണ്ണം റിക്കാർഡാണ്
തൊടുപുഴ: ഇരവികുളം ദേശീയോദ്യാനത്തിൽ നടത്തിയ സർവേയിൽ പുതുതായി 145 വരയാടിൻ കുഞ്ഞുങ്ങളെ കൂടി കണ്ടെത്തി. ഏപ്രിൽ 20 മുതൽ 23 വരെ നാലു ദിവസങ്ങളിലായി നടന്ന സർവേയിൽ ഇരവികുളം ദേശീയോദ്യാനം, ചിന്നാർ വന്യ ജീവി സങ്കേതം, ഷോല നാഷണൽ പാർക്ക് എന്നിവിടങ്ങളിൽ നിന്നാണ് ഉദ്യോഗസ്ഥർ വിവരങ്ങൾ ശേഖരിച്ചത്. കഴിഞ്ഞവർഷത്തെ കണക്കെടുപ്പിൽ 155 വരയാടുകളെയാണ് കണ്ടെത്തിയത്. ഇതു റിക്കാർഡാണ്. കോവിഡ് മൂലം വനം വകുപ്പ് ഉദ്യോഗസ്ഥർ മാത്രമാണ് ഇത്തണവയും സർവേയിൽ പങ്കെടുത്തത്. വന്യജീവി സങ്കേതത്തിന്റെ പരിധിയിൽ മാത്രമാണ് പരിശോധന നടത്തിയത്. സർവേയിൽ ഇരവികുളം ദേശീയോദ്യാനത്തിൽ 782 വരയാടുകളെ ഇതുവരെ കണ്ടെത്താനായതായി അസിസ്റ്റന്റ് വൈൽഡ് ലൈഫ് വാർഡൻ ജോബ് ജെ. നേര്യംപറന്പിൽ പറഞ്ഞു. ചിന്നാർ വന്യജീവി സങ്കേതത്തിൽ നിന്ന് 93 വരയാടുകളെയും ഷോല നാഷണൽ പാർക്കിൽ നിന്ന് 19 വരയാടുകളെയും കണ്ടെത്തി.
Read More