കറുകച്ചാൽ: കാറിനടിയിൽ ബസ് ഡ്രൈവറായ യുവാവിനെ മരിച്ച നിലയിൽ കണ്ടെത്തിയ സംഭവത്തിൽ കറുകച്ചാൽ പോലീസ് വിശദമായ അന്വേഷണം ആരംഭിച്ചു. ചന്പക്കര സ്വദേശി കൊച്ചുകണ്ടം ബംഗ്ലാംകുന്ന് വീട്ടിൽ രാഹുൽ (35)നെയാണ് ശനിയാഴ്ച പുലർച്ചെ തൊമ്മച്ചേരിക്ക് സമീപം സ്വന്തം കാറിനടിയിൽ മരിച്ച നിലയിൽ കണ്ടത്. സംഭവം കൊലപാതകമാണെന്ന സംശയത്തിന്റെ അടിസ്ഥാനത്തിലാണ് പോലീസ് അന്വേഷണം പുരോഗമിക്കുന്നത്.രാഹുലിന്റെ തലയ്ക്കുള്ളിൽ സാരമായ പരിക്കേറ്റതായി പോസ്റ്റ്മോർട്ടത്തിൽ കണ്ടെത്തിയിരുന്നു. ഇതാണ് കൊലപാതകമാണോയെന്ന സംശയത്തിനിടയാക്കിയത്. നെറ്റിയുടെ ഉൾവശത്ത് തലയോടിനോട് ചേർന്നാണ് മുറിവുള്ളത്. അതേസമയം തലയ്ക്കേറ്റ പരിക്ക് വീഴ്ചയിൽ ഉണ്ടായതാണോ അതോ മറ്റേതെങ്കിലും തരത്തിൽ ഉണ്ടായതാണോയെന്ന കാര്യം വ്യക്തമല്ല. പോസ്റ്റുമോർട്ടം റിപ്പോർട്ട് ലഭിച്ചാൽ മാത്രമേ യഥാർഥ മരണ കാരണം വ്യക്തമാകൂവെന്നാണ് പോലീസ് പറയുന്നത്.വാഹനമോടിച്ചു വരുന്നതിനിടയിൽ കേടായ കാർ നന്നാക്കുന്നതിനിടയിൽ അടിയിൽപ്പെട്ട് ഞെരുങ്ങി മരിച്ചതെന്നാണ് ആദ്യം കരുതിയിരുന്നത്. എന്നാൽ തലയിലെ പരിക്ക് കണ്ടെത്തിയതോടെയാണ് സംഭവത്തിലെ ദുരൂഹത സംശയിക്കുന്നത്. കഴിഞ്ഞ ദിവസം വിരലടയാള…
Read MoreCategory: Kottayam
ഒന്നും നോക്കിയില്ല, രാവിലെ മൈക്കുമായി ഇറങ്ങി, കയ്യടിച്ച് അയ്മനം നിവാസികൾ ‘കട്ട’യ്ക്കു നിന്നു
അയ്മനം: കോവിഡ് വ്യാപനം രൂക്ഷമായ അയ്മനം പഞ്ചായത്തിൽ ബോധവൽക്കരണ മുന്നറിയിപ്പ് മൈക്കിലൂടെ അറിയിക്കുന്നതു പഞ്ചായത്ത് വൈസ് പ്രസിഡന്റും ജൂണിയർ സൂപ്രണ്ടും. കോവിഡ് പരിശോധനയിൽ 25 ശതമാനത്തിൽ കൂടുതൽ പേർക്ക് പോസിറ്റീവായതോടെ പൊതുജനങ്ങൾ അനാവശ്യമായി കൂടിച്ചേരൽ നടത്തുന്നതിനെതിരായി കർശന നിർദ്ദേശങ്ങൾ നൽകുന്നതിനായി നടത്തിയ മൈക്ക് അനൗണ്സ്മെന്റിലാണ് അയ്മനം ഗ്രാമവാസികൾ പഞ്ചായത്ത് വൈസ് പ്രസിഡന്റ് മനോജ് കരീമഠത്തിന്റെയും ജൂനിയർ സൂപ്രണ്ട് വി.ആർ. ബിന്ദുമോന്റെയും ശബ്ദം ശ്രവിച്ചത്. പഞ്ചായത്തിലെ 20 വാർഡുകളിലും ഇവർ മൈക്ക് അനൗണ്സ്മെന്റ് നടത്തി. വിവാഹം, ഗൃഹപ്രവേശം, കുട്ടികളുടെ നൂലുകെട്ട്, ബർത്ത് ഡേ പാർട്ടികൾ, ആദ്യകുർബാന, മരണാനന്തര ചടങ്ങുകൾ ഇവയിൽ അടുത്ത ബന്ധുക്കളെ മാത്രം ഉൾപ്പെടുത്തി നടത്തണമെന്നാണ് അനൗണ്സ്മെന്റിലൂടെ നല്കുന്ന നിർദേശം.
Read Moreപ്രതികളെ കുടുക്കാൻ മാത്രമല്ല..! കോവിഡ് ആശ്വാസത്തിന് മുഖചിത്ര ചലഞ്ചുമായി പോലീസിലെ രേഖാ ചിത്രകാരൻ
എരുമേലി: പ്രതികളെ കുടുക്കാൻ മാത്രമല്ല പോലീസിലെ പ്രമുഖ രേഖാ ചിത്രകാരന്റെ തൂലിക. കോവിഡ് പ്രതിരോധത്തിനു മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് സംഭാവന നൽകുന്നവർക്ക് പാരിതോഷികമായി ചിത്രം വരയ്ക്കുകയാണ് വാക്സിൻ ചലഞ്ച് എന്ന പേരിൽ ക്രൈംബ്രാഞ്ചിൽ എഎസ്ഐ കൂടിയായ മണിമല സ്വദേശി രാജേഷ്. മുഖ്യമന്ത്രിയുടെ ദുരിതാശ്വാസ നിധിയിലേക്ക് 800 രൂപയോ അതിൽ കൂടുതലോ ഈ മാസം 22 മുതൽ നൽകിയതിന്റെ രസീത് രാജേഷ് മണിമലയ്ക്ക് അയച്ചു നൽകുന്നവർക്കാണ് അവരുടെ മുഖചിത്രം രാജേഷ് വരച്ചു നൽകുക. മുമ്പ് പ്രളയകാലത്തും സമാനമായ രീതിയിൽ മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം സംഭാവന ചെയ്തവർക്ക് രാജേഷ് മുഖചിത്രങ്ങൾ വരച്ചു നൽകിയിരുന്നു. ജിഷ വധക്കേസ് അടക്കം നിരവധി പ്രമാദമായ കേസുകളിൽ സാക്ഷികളുടെയും മറ്റുള്ളവരുടെയും വിവരങ്ങളുടെ അടിസ്ഥാനത്തിൽ രേഖാചിത്രം തയാറാക്കി നൽകി ശ്രദ്ധേയനായ രാജേഷിന് മികച്ച സാമൂഹ്യ സേവനം ചെയ്യുന്ന ഗവൺമെന്റ് ഉദ്യോഗസ്ഥനുള്ള അന്താരാഷ്ട്ര സംഘടനയായ ഇപ്കായ് സംസ്ഥാന…
Read Moreമുന്തിരിയേക്കാൾ സ്വാദ് ! ബ്രസീലിയൻ പഴമായ ‘ജബോട്ടിക്കാബ’ അജോയിയുടെ പഴവർഗ ഉദ്യാനത്തിലെ പുതിയ അതിഥി
കാഞ്ഞിരപ്പള്ളി: ബ്രസീലിയൻ പഴമായ ജബോട്ടിക്കാബ അഥവാ മരമുന്തിരിയുടെ സ്വാദ് നമ്മുടെ നാട്ടിലും. ചേനപ്പാടി മരോട്ടിച്ചുവട് തറപ്പേൽ ടി.എം. തോമസിന്റെ മകൻ അജോയി തോമസിന്റെ പഴവർഗ ഉദ്യാനത്തിലാണ് ജബോട്ടിക്കാബ പഴുത്ത് പാകമായത്. കടും പർപ്പിൾ ജബോട്ടിക്കാബ പഴങ്ങൾ നിറഞ്ഞുനിൽക്കുന്നതു കാണാൻ വളരെ മനോഹരമാണ്. പഴുക്കുന്പോൾ വയലറ്റ് നിറമാകുന്ന പഴങ്ങൾക്കു മുന്തിരിയുടെ രൂപവും രുചിയുമാണ്. മാധുര്യമേറിയ പഴങ്ങളിൽ കാർബോഹൈഡ്രേറ്റ്, പ്രോട്ടീൻ, കാത്സ്യം, വൈറ്റമിൻ സി, ഫൈബർ തുടങ്ങിയ പോഷകങ്ങൾ അടങ്ങിയിട്ടുണ്ട്. മുന്തിരിയേക്കാൾ സ്വാദാണ് ജബോട്ടിക്കാബയ്ക്കെന്ന് അജോയ് പറയുന്നു. കല്ലുപ്പാറ ഐഎച്ച്ആർഡി കോളജിലെ അധ്യാപകനായ അജോയ് പണ്ടു മുതലേ പഴവർഗ കൃഷിയിൽ താത്പരനാണ്. റംബുട്ടാൻ, ദുരിയാൻ, അബിയു, അച്ചാചെയ്റു, സാന്തോൾ, കെപ്പൽ, ഗവർണേഴ്സ് പ്ലം തുടങ്ങിയ നൂറിലധികം പഴവർഗങ്ങൾ ഇദ്ദേഹത്തിന്റെ ഉദ്യാനത്തിലുണ്ട്.
Read Moreകോട്ടയത്ത് കർശന നിയന്ത്രണം! നാലു പഞ്ചായത്തുകളിലും 35 വാര്ഡുകളിലും നിരോധനാജ്ഞ; ജില്ലയില് പൊതുവായി ഏര്പ്പെടുത്തിയ അധിക നിയന്ത്രണങ്ങള്
കോട്ടയം: കോവിഡ് വ്യാപനം രൂക്ഷമായ ജില്ലയില് കര്ശന നിയന്ത്രണങ്ങള് ഏര്പ്പെടുത്തി. നാലു പഞ്ചായത്തുകളിലും 35 തദ്ദേശ സ്വയംഭരണ സ്ഥാപന വാര്ഡുകളിലുംനിരോധനാജ്ഞ ഏർപ്പെടുത്തിയതായി കളക്ടര് എം. അഞ്ജന അറിയിച്ചു. ജില്ലാ ദുരന്ത നിവാരണ അതോറിറ്റി യോഗങ്ങളുടെ തീരുമാനപ്രകാരമാണ് നടപടി. നിയന്ത്രണങ്ങള് നടപ്പാക്കുന്നതിന് പോലീസിനെയും വിവിധ ഉദ്യോഗസ്ഥരെയും ചുമതലപ്പെടുത്തിയതായി കളക്ടര് പറഞ്ഞു. ജില്ലയില് പൊതുവായി ഏര്പ്പെടുത്തിയ അധിക നിയന്ത്രണങ്ങള് 🔹ചടങ്ങുകള്ക്കും യോഗങ്ങള്ക്കും പരമാവധി 20 പേരില് കൂടുതല് പങ്കെടുക്കാന് പാടില്ല 🔹കുടുംബ ചടങ്ങുകള് നടത്തുന്നതിന് covid19jagratha.kerala.nic.in എന്ന പോര്ട്ടലില് ഈവന്റ് രജിസ്ട്രേഷന് എന്ന ഓപ്ഷനില് രജിസ്റ്റര് ചെയ്യണം. പൊതു ചടങ്ങുകള്ക്കും യോഗങ്ങള്ക്കും തഹസില്ദാരുടെയോ അതത് സ്റ്റേഷന് ഹൗസ് ഓഫീസര്മാരുടെയോ മുന്കൂര് അനുമതി വാങ്ങണം 🔹ജിംനേഷ്യങ്ങള്, നീന്തല്കുളങ്ങള് എന്നിവ ഇനി ഒരു അറിയിപ്പുണ്ടാകുന്നതുവരെ പ്രവര്ത്തിക്കാന് പാടില്ല 🔹സമ്മര് ക്യാമ്പുകള്, ഫിസിക്കല് എജ്യുക്കേഷന് ട്രെയിനിംഗ് സെന്ററുകള് എന്നിവയും പ്രവര്ത്തിക്കാന് പാടില്ല നിരോധനാജ്ഞയും പ്രത്യേക…
Read Moreമോഷ്ടിക്കുകയോ വാടകയ്ക്കെടുക്കുകയോ ചെയ്യുന്ന വാഹനങ്ങളിൽ സുഹൃത്തുക്കൾക്കൊപ്പം കറങ്ങി നടന്ന് മാല പൊട്ടിക്കല്! ജിസ് ബിജു ആള് ചില്ലറക്കാരനല്ല
ചങ്ങനാശേരി: മോഷ്ടിച്ചതും വാടകയ്ക്കെടുത്തതുമായ കാറുകളിലും ബൈക്കുകളിലും കറങ്ങി നടന്ന് സ്ത്രീകളുടെ മാല പൊട്ടിക്കുന്ന സംഘത്തിലെ പ്രധാന പ്രതി അറസ്റ്റിലായി. നാലുകോടി മന്പള്ളി ജിസ് ബിജു (23) ആണ് അറസ്റ്റിലായത്. നാലുകോടിക്കു സമീപം റോഡിലൂടെ നടന്നുപോയ വീട്ടമ്മയുടെ മാലപറിച്ച കേസിൽ പോലീസ് അന്വേഷിച്ചതിനെത്തുടർന്ന് നാടുവിട്ട ജിസിനെ പോലീസ് സംഘം തന്ത്രപൂർവം കോയന്പത്തൂരിൽനിന്നുമാണ് പിടികൂടിയത്. തൃക്കൊടിത്താനം പോലീസ് അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയതു. ജില്ലാ പോലീസ് ചീഫ് ഡി. ശില്പ, ഡിവൈഎസ്പി വി.ജെ. ജോഫി എന്നിവർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ തൃക്കൊടിത്താനം എസ്എച്ച്ഒ എ. അജീബ് , എസ്ഐമാരായ പ്രദീപ്, അനിൽകുമാർ, എഎസ്ഐ രഞ്ജീവ് , സിപിഒമാരായ സുരേഷ്, ലാലു, അശോകൻ അജിത്ത് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കേസിനെക്കുറിച്ച് പോലീസ് പറയുന്നതിങ്ങനെ: മോഷ്ടിക്കുകയോ വാടകയ്ക്കെടുക്കുകയോ ചെയ്യുന്ന വാഹനങ്ങളിൽ സുഹൃത്തുക്കൾക്കൊപ്പം കറങ്ങി നടന്ന്…
Read Moreഅപകടം പതുങ്ങുന്ന പൂവന്തുരുത്ത് പാലം! ചെറുതും വലുതുമായ നിരവധി അപകടങ്ങൾ; കണ്ണുതുറക്കാതെ അധികൃതർ
ചിങ്ങവനം: അപകട കെണിയൊരുക്കി പൂവൻതുരുത്തിൽ പൊളിച്ചിട്ട റെയിൽവേ മേൽപാലം. ചെറുതും വലുതുമായ നിരവധി അപകടങ്ങൾ അടിക്കടി ഉണ്ടായിട്ടും അധികൃതർക്ക് അനക്കമില്ല. അപകടത്തിൽപ്പെടുന്നത് ഏറെയും ഇരുചക്ര വാഹനയാത്രക്കാരാണ്. ഏറ്റവും ഒടുവിൽ അപകടത്തിൽപ്പെട്ടത് പള്ളം സ്വദേശിയായ അജയഘോഷാണ്. കഴിഞ്ഞ തിങ്കളാഴ്ച നടന്ന അപകടത്തെത്തുടർന്ന് അജയഘോഷ് ഇപ്പോഴും ഗുരുതര പരിക്കുകളോടെ എറണാകുളത്തെ സ്വകാര്യ ആശുപത്രിയിൽ ചികിത്സയിലാണ്. പുറത്തു നിന്നെത്തുന്ന യാത്രക്കാർ പാലം പൊളിച്ചിട്ടിരിക്കുന്നത് അറിയാതെയാണ് എത്തുന്നത്. എംസി റോഡ് വഴി എത്തി മണർകാട്, പാന്പാടി, പുതുപ്പള്ളി തുടങ്ങി കെകെ റോഡിലൂടെ കിഴക്കൻ പ്രദേശങ്ങളിലേക്ക് യാത്ര ചെയ്യുന്നവർക്ക് ടൗണിൽ പ്രവേശിക്കാതെ എളുപ്പ മാർഗത്തിൽ യാത്ര ചെയ്യാവു റോഡായിരുന്നു. ബൈക്ക് മറിയുന്ന ഒച്ചയും നിലവിളിയും കേട്ട് പരിസരവാസികൾ പോലീസിനെ അറിയിക്കുകയും അവരെത്തി ആശുപത്രിയിൽ എത്തിക്കുകയുമായിരുന്നു. പാലം പൊളിച്ചിട്ടതിനൊപ്പം മുൻകൂട്ടി റോഡിൽ അപായ സൂചന നൽകുന്ന പ്രവർത്തനങ്ങൾ നടപ്പിലാക്കാത്തതും, പാലത്തിന് തൊട്ടടുത്തെത്തും മുൻപേ റോഡ് അടയാക്കാത്തതുമാണ്…
Read Moreകണ്ടെയ്ന്മെന്റ് സോണുകളിൽ ബാരിക്കേഡുകൾ സ്ഥാപിക്കും; കർശന നിയന്ത്രണം ഏർപ്പെടുത്താൻ ജില്ലാ ദുരന്ത നിവാരണ അഥോറിറ്റി
കോട്ടയം: ജില്ലയിലെ കണ്ടെയ്ൻമെന്റ് സോണുകളിൽ ബാരിക്കേഡുകൾ സ്ഥാപിക്കുന്നതിനും നിയന്ത്രണങ്ങൾ കൃത്യമായി നടപ്പാക്കാനും ജില്ലാ ദുരന്ത നിവാരണ അഥോറിറ്റി യോഗം തീരുമാനിച്ചു. നിയന്ത്രങ്ങൾ ഏർപ്പെടുത്തേണ്ട മേഖലകൾ കൃത്യമായി കണ്ടെത്തി നൽകുന്നതിന് പോലീസിനെയും ആരോഗ്യ വകുപ്പിനെയും ചുമതലപ്പെടുത്തി. ബാരിക്കേഡുകൾ സ്ഥാപിക്കുന്നതിനുവേണ്ട പിന്തുണ തദ്ദേശ സ്ഥാപനങ്ങൾ നൽകുന്നത്. കണ്ടെയ്ൻമെൻറ് സോണുകളിലെ നിയന്ത്രണങ്ങൾ ഫലപ്രദമായി നടപ്പാക്കുന്നതിന് സിവിൽ ഡിഫൻസിന്റെയും ആപ്തമിത്ര വോളണ്ടിയർമാരുടെയും സേവനം പ്രയോജനപ്പെടുത്തും. പോലീസിനാണ് ഏകോപനച്ചുമതല നൽകിയിരിക്കുന്നത്. അവശ്യ മരുന്നുകൾക്ക് ദൗർലഭ്യം വരാതിരിക്കുന്നതിന് പ്രത്യേക ജാഗ്രത നൽകുന്നുണ്ട്. മെഡിക്കൽ സ്റ്റോറുകളിലും മറ്റും പരിശോധന നടത്തുന്നതിന് ഡ്രഗ്സ് കണ്ട്രോളർക്ക് ചുമതല നൽകി. റേഷൻ കടകളുടെ പ്രവർത്തനത്തിൽ കോവിഡ് പ്രോട്ടോക്കോൾ പാലിക്കപ്പെടുന്നുണ്ടെന്ന് ഉറപ്പാക്കാൻ ജില്ലാ സപ്ലൈ ഓഫീസർക്ക് നിർദേശം നൽകി. കണ്ടെയ്ൻമെൻറ് സോണുകളിൽ ഭക്ഷ്യവിതരണത്തിന് മൊബൈൽ സംവിധാനം ഏർപ്പെടുത്തുന്നതിന് സപ്ലൈകോ, കണ്സ്യൂമർ ഫെഡ് എന്നിവയുമായി ചർച്ച നടത്താനും യോഗം തീരുമാനിച്ചു. യോഗത്തിൽ ജില്ലാ കളക്ടർ…
Read Moreവാക്സിൻ ചലഞ്ചിൽ പങ്കാളിയായി ജോസ്.കെ. മാണി; മകളുടെ വിവാഹച്ചടങ്ങുകൾക്കായി മാറ്റിവെച്ച തുകയിൽ നിന്ന് ദുരിതാശ്വാസ നിധിയിലേക്ക് പണം നൽകും
കോട്ടയം: കേരളത്തിൽ എല്ലാവർക്കും സൗജന്യമായി വാക്സിൻ എത്തിക്കുക എന്ന ദൗത്യത്തോടെയുള്ള കേരള സർക്കാർ പ്രവർത്തനത്തിന് ഐക്യദാർഢ്യം പ്രഖ്യാപിച്ചു വാക്സിൻ ചലഞ്ചിൽ പങ്കാളിയായി കേരള കോണ്ഗ്രസ് -എം ചെയർമാൻ ജോസ് കെ. മാണി. കേരളം സമാനതകളില്ലാത്ത പ്രതിസന്ധിഘട്ടത്തെ അഭിമുഖീകരിക്കുന്പോൾ എല്ലാവരും രാഷ്ട്രീയ വ്യത്യാസങ്ങൾ മറന്ന് നാടിനുവേണ്ടി ഒറ്റക്കെട്ടായി നിലകൊള്ളണമെന്നും എല്ലാ കേരള കോണ്ഗ്രസ് പ്രവർത്തകരും പൊതുജനങ്ങളും തങ്ങളാൽ കഴിയുന്ന സഹായം മുഖ്യമന്ത്രിയുടെ ദുരിദാശ്വാസ നിധിയിലേക്കു നൽകണമെന്നും ജോസ് കെ. മാണി പറഞ്ഞു. മകളുടെ വിവാഹച്ചടങ്ങുകൾക്കായി മാറ്റിവെച്ച തുകയിൽ നിന്ന് 50,000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറുമെന്നും അദ്ദേഹം അറിയിച്ചു.
Read Moreമോഷ്ടിച്ച ബൈക്കിൽ കറങ്ങി നടന്ന്സ്ത്രീകളുടെ മാല പൊട്ടിക്കൽ;ചങ്ങനാശേരിക്കാരൻ ജിസ്ബിജു പിടിയിൽ
ചങ്ങനാശേരി: മോഷ്ടിച്ച ബൈക്കിൽ കറങ്ങി നടന്ന്സ്ത്രീകളുടെ മാല പൊട്ടിക്കുന്ന സംഘത്തിലെ പ്രധാന പ്രതി അറസ്റ്റിലായി. നാലുകോടി മന്പള്ളി ജിസ് ബിജു (23) ആണ് അറസ്റ്റിലായത്. കോട്ടയം, പത്തനംതിട്ട, എറണാകുളം, തൃശൂർ ജില്ലകളിലായി ബൈക്ക് മോഷണം, മാല പിടിച്ചു പറിക്കൽ ഉൾപ്പെടെ 13 കേസുകളിലെ പ്രതിയാണ് ഇയാളെന്ന് പോലീസ് പറഞ്ഞു. വാടകയ്ക്ക് എടുത്ത കാറുകളിലും ബൈക്കുകളിലും സഞ്ചരിച്ചും ഇയാൾ മോഷണം നടത്തിയിരുന്നു.പ്രതിയെ ഇന്നു കോടതിയിൽ ഹാജരാക്കും. ഈ കേസിൽ നാലുകോടി സ്വദേശികളായ പ്രണവ്, നോബിൻ, അനൂപ്, സജിത്ത്, ജെസ്റ്റിൻ, അലൻ റോയി എന്നിവരെ കഴിഞ്ഞ ദിവസങ്ങളിൽ തൃക്കൊടിക്കാനം പോലീസ് അറസ്റ്റ് ചെയ്തിരുന്നു. ജില്ലാ പോലീസ് ചീഫ് ഡി. ശില്പ, ഡിവൈഎസ്പി വി.ജെ. ജോഫി, എസ്എച്ച്ഒ എ. അജീബ് എസ്ഐമാരായ പ്രദീപ്, അനിൽകുമാർ, എഎസ്ഐ രഞ്ജീവ് സിപിഒമാരായ സുരേഷ്, ലാലു, അശോകൻ അജിത്ത് എന്നിവർ ചേർന്നാണ് പ്രതിയെ അറസ്റ്റു ചെയ്തത്.…
Read More