കോട്ടയം: ജില്ലയിൽ കോണ്ഗ്രസ് സ്ഥാനാർഥികൾ ആരൊക്കെയെന്നു വ്യക്തം. പ്രഖ്യാപനം വരാത്തതിനാൽ പ്രചാരണം തുടങ്ങാൻ വയ്യാത്ത സ്ഥിതിയാണ് സ്ഥാനാർഥികളും അണികളും. ജില്ലയിൽ കോണ്ഗ്രസ് മത്സരിക്കുന്ന പുതുപ്പള്ളി, കോട്ടയം, വൈക്കം, കാഞ്ഞിരപ്പള്ളി, പൂഞ്ഞാർ മണ്ഡലങ്ങളിലാണു പ്രഖ്യാപനം വൈകുന്ന സാഹചര്യത്തിൽ പാർട്ടിയും മുന്നണിയും ആശങ്കയിലായിരിക്കുന്നത്. കാഞ്ഞിരപ്പള്ളിയിൽ ആര്?പൂഞ്ഞാറിൽ ടോമി കല്ലാനിയും വൈക്കത്ത് പി.ആർ. സോനയും എന്നതിൽ തർക്കമില്ല. അവസാനനിമിഷം കാഞ്ഞിരപ്പള്ളിയിൽ ജോസഫ് വാഴയ്ക്കനെ തൃക്കാക്കരയിലേക്കു മാറ്റുന്നതും ആലോചനയുണ്ടായി. അങ്ങനെയെങ്കിൽ കാഞ്ഞിരപ്പള്ളിയിൽ കെ.സി. ജോസഫോ ലതികാ സുഭാഷോ എന്നതിൽ അവ്യക്തതയുണ്ട്. പൂഞ്ഞാറിലും വൈക്കത്തും സ്ഥാനാർഥികൾ പ്രചാരണത്തിന് ഒരുങ്ങിക്കഴിഞ്ഞു. തിരുവഞ്ചൂർ തുടങ്ങികോട്ടയത്ത് തിരുവഞ്ചൂർ രാധാകൃഷ്ണൻ പ്രചാരണത്തിലാണ്. ഉമ്മൻ ചാണ്ടി ഡൽഹിയിലായതിനാൽ പുതുപ്പള്ളിയിലും പ്രവർത്തനം സജീവമായിട്ടില്ല. പാലായിൽ മാണി സി. കാപ്പൻ കുടുംബയോഗങ്ങൾ പൂർത്തിയാക്കി അടുത്തയാഴ്ച പര്യടനവും വാർഡ് കണ്വൻഷനുകളും തുടങ്ങും. തർക്കം തുടരുന്നുകേരള കോണ്ഗ്രസ് ജോസഫ് സ്ഥാനാർഥികളെയും പ്രഖ്യാപിച്ചിട്ടില്ല. കടുത്തുരുത്തിയിൽ മോൻസ് ജോസഫ് മാത്രമാണു തർക്കമില്ലാത്തത്.…
Read MoreCategory: Kottayam
ജോസഫ് വിഭാഗം സ്ഥാനാർഥികളായി; ചങ്ങനാശേരിയിൽ വി.ജെ. ലാലി, തൃക്കരിപ്പൂരിൽ കെ.എം. മാണിയുടെ മരുമകൻ
കോട്ടയം: കേരളാ കോൺഗ്രസ് ജോസഫ് വിഭാഗം മത്സരിക്കുന്ന പത്ത് സീറ്റിലെ സ്ഥാനാർഥികളെ പ്രഖ്യാപിച്ചു. ചങ്ങനാശേരിയിൽ വി.ജെ. ലാലിയും തിരുവല്ലയിൽ കുഞ്ഞുകോശി പോളും സ്ഥാനാർഥികളാകും.തൃക്കരിപ്പൂരിൽ കെ.എം. മാണിയുടെ മകളുടെ ഭർത്താവ് എം.പി. ജോസഫാണ് മത്സരിക്കുന്നത്. തൊടുപുഴയിൽ പി.ജെ ജോസഫ്, ഇടുക്കിയില് ഫ്രാന്സിസ് ജോര്ജ്, കടുത്തുരുത്തിയില് മോന്സ് ജോസഫ്, ഇരിങ്ങാലക്കുടയില് തോമസ് ഉണ്ണിയാടൻ, ഏറ്റുമാനൂരില് പ്രിന്സ് ലൂക്കോസ്, കോതമംഗലത്ത് ഷിബു തെക്കുംപുറം, കുട്ടനാടില് ജേക്കബ് എബ്രഹാം എന്നിവരാണ് സ്ഥാനാർഥിത്വം ഉറ്റപ്പിച്ച മറ്റുള്ളവർ. നാലിടങ്ങളിൽ കേരളാ കോൺഗ്രസ്-എം ജോസ്- ജോസഫ് വിഭാഗങ്ങളുടെ നേരിട്ടുള്ള മത്സരത്തിനാണ് വഴിയൊരുങ്ങിയിരിക്കുന്നത്. തൊടുപുഴ, കടുത്തുരുത്തി, ഇടുക്കി, ചങ്ങനാശേരി എന്നിവിടങ്ങളിലാണ് ഇരു പാർട്ടികളും നേരിട്ട് ഏറ്റുമുട്ടുന്നത്.
Read More“ഞങ്ങളുടെ കുഞ്ഞൂഞ്ഞിനെ വിട്ടുതരില്ല’; ഉമ്മൻ ചാണ്ടിയുടെ വീടിനു മുകളിൽ കയറി പ്രതിഷേധം
കോട്ടയം: പുതുപ്പള്ളിയിൽ ഉമ്മൻ ചാണ്ടിയുടെ വീടിനു മുന്നിൽ കോൺഗ്രസ് പ്രവർത്തകരുടെ വൈകാരിക പ്രകടനം. ഉമ്മൻ ചാണ്ടിയെ നേമത്തേക്ക് വിട്ടു നൽകില്ലെന്നും പുതുപ്പള്ളിയിൽ തന്നെ മത്സരിക്കണമെന്നുമാണ് ഇവരുടെ ആവശ്യം. പ്രവർത്തകരിൽ ചിലർ ഉമ്മൻ ചാണ്ടിയുടെ ഫോട്ടോയുമായി വീടിനു മുകളിൽ കയറിയും പ്രതിഷേധിക്കുകയാണ്. അതേസമയം, ഉമ്മൻ ചാണ്ടി പുതുപ്പള്ളി വിട്ട് എങ്ങോട്ടും പോകില്ലെന്ന് കോൺഗ്രസ് നേതാവ് കെ.സി. ജോസഫ് പറഞ്ഞു.
Read Moreഉമ്മൻ ചാണ്ടി നേമത്തോ? പുതുപ്പള്ളിയിൽ ആശങ്ക; 50000 എന്ന റിക്കാർഡ് ഭൂരിപക്ഷത്തിനുള്ള പ്രവർത്തനം തുടങ്ങിയിട്ട് നാളുകളായെന്ന് പ്രവർത്തകർ; യൂത്ത് കോൺഗ്രസുകാർ പറയുന്നതിങ്ങനെ…
കോട്ടയം: ഉമ്മൻ ചാണ്ടിയുടെ സ്ഥാനാർഥിത്വം നേമത്തു പരിഗണിക്കുന്നതോടെ പുതുപ്പള്ളിയിലെ കോണ്ഗ്രസ് പ്രവർത്തകർ ആശങ്കയിൽ. പുതുപ്പള്ളിയിൽ നിന്നു നിയമ സഭ പ്രവേശനത്തിന്റെ 50 വർഷം പൂർത്തിയാക്കിയ ഉമ്മൻ ചാണ്ടിയുടെ ജൂബിലി ആഘോഷം മാസങ്ങൾക്കു മുന്പാണ് മണ്ഡലത്തിൽ നടന്നത്. ഇത്തവണ 50000 റിക്കാർഡ് ഭൂരിപക്ഷം എന്ന ലക്ഷ്യത്തോടെ ഉമ്മൻ ചാണ്ടിയെ വിജയപ്പിക്കുന്നതിനായി കഴിഞ്ഞ കുറേ നാളുകളായി പുതുപ്പള്ളി മണ്ഡലത്തിലെ യുഡിഎഫ് പ്രവർത്തകർ പദ്ധതി ആവിഷ്കരിച്ചുള്ള പ്രവർത്തനത്തിലായിരുന്നു. ഇതിനിടിയിലാണ് കോണ്ഗ്രസ് പ്രവർത്തകരെ ആശങ്കയിലാക്കി ഉമ്മൻ ചാണ്ടി നേമത്തു മത്സരിക്കുമെന്ന അഭ്യൂഹം പരന്നത്. ഉമ്മൻ ചാണ്ടിക്കു പകരം പുതുപ്പള്ളിയിൽ മകൻ ചാണ്ടി ഉമ്മൻ മത്സരിക്കുമെന്നും വാർത്ത പരന്നിരുന്നു. എന്നാൽ നിയമസഭാ തരഞ്ഞെടുപ്പിൽ നേമം നിയോജക മണ്ഡലത്തിൽ മുൻ മുഖ്യമന്ത്രി ഉമ്മൻ ചാണ്ടി മത്സരിക്കുമെന്ന പ്രചാരണം ദുഷ്ടലാക്കോടെ ഉള്ളതാണെന്ന് കോട്ടയം യൂത്ത് കോണ്ഗ്രസ് നേതാക്കൾ പറഞ്ഞു. സംസ്ഥാനത്ത് എവിടെ മത്സരിച്ചാലും വിജയസാധ്യതയുള്ള നേതാവാണ് ഉമ്മൻചാണ്ടി.…
Read Moreസ്ഥാനാർഥികൾക്കൊപ്പം വിപണിയും റെഡി! കൊടി മുതൽ ഇലക്ഷനുവേണ്ട എല്ലാ സാമഗ്രികളുമായി വ്യാപാര സ്ഥാപനങ്ങൾ
കോട്ടയം: നിരത്തുകളിൽ വിവിധ വർണങ്ങളിലുള്ള കൊടികൾ നിരന്നു തുടങ്ങി. കോണ്ഗ്രസിന്റെ ത്രിവർണ കൊടിയും സിപിഎമ്മിന്റെ ചെങ്കൊടിയും ബിജെപിയുടെ കാവിക്കൊടിയും ആൾക്കൂട്ട നടുവിൽ പാറിപ്പറക്കുകയാണ്. ഇതിനൊപ്പം ചെറുതും വലുതുമായ രാഷ്്ട്രീയ പാർട്ടികളുടെയും സമുദായ സംഘടനകളുടെയും കൊടികളും വരും ദിവസങ്ങളിൽ സാന്നിധ്യമാകും. കൊടികളുടെ വിൽപന്ന കാലം കൂടിയാണിത്. കൊടികൾ മാത്രമല്ല, പാർട്ടി ചിഹ്നങ്ങൾ, തോരണങ്ങൾ, തൊപ്പികൾ, ടീഷർട്ടുകൾ തുടങ്ങി തെരഞ്ഞെടുപ്പു പ്രചാരണത്തിനാവശ്യമായ എല്ലാ സാമഗ്രികളുടെയും വിൽപന ആരംഭിച്ചു കഴിഞ്ഞു. ത്രിവർണത്തിലുള്ള കൈപ്പത്തിയും അരിവാളിൽ വിരിയുന്ന ചുവപ്പും താമരയുമെല്ലാം വിൽപന ശാലകളിലെത്തി. മൂന്നു പാർട്ടികളുടെയും കൊടിയുടെ നിറത്തിലുള്ള ടീ ഷർട്ടുകളും തൊപ്പികൾ, ചിഹനങ്ങൾ, കുട, തോരണം, ബലൂണ്, റിബണ്, തൊപ്പി, തലപ്പാവ്, പേക്കറ്റ് ബാഡജ്, സ്വീകരണ മാല, മുഖംമൂടി, ഷാൾ എന്നിവയ്ക്കു പുറമേ സ്ഥാനാർഥിയുടെ ഫോട്ടോയും ചിഹ്നവും പതിച്ച മാസ്കിനും ഡിമാൻഡുണ്ട്. 30 ഇഞ്ച് വലിപ്പമുള്ള വലിയ കൊടികൾക്ക് 30 രൂപ…
Read Moreപ്രതിഷേധം പ്രാദേശിക തലത്തിൽ മാത്രം; കുറ്റ്യാടിയില് കേരളാ കോണ്ഗ്രസ് തന്നെ മത്സരിക്കുമെന്ന് ജോസ്.കെ.മാണി
കോട്ടയം: എല്ഡിഎഫിനായി കേരളാ കോണ്ഗ്രസ്-എം തന്നെ കുറ്റ്യാടിയില് മത്സരിക്കുമെന്ന് പാർട്ടി ചെയർമാൻ ജോസ്.കെ.മാണി. സീറ്റ് സംബന്ധിച്ച് സിപിഎം സംസ്ഥാന-ജില്ലാ നേതൃത്വങ്ങളുമായി ധാരണയിലെത്തിയിരുന്നെന്നും അദ്ദേഹം പറഞ്ഞു. മണ്ഡലത്തിലുണ്ടായ പ്രതിഷേധം പ്രാദേശികതലത്തില് മാത്രമാണ്. പ്രശ്നങ്ങള് ഉടന് പരിഹരിക്കുമെന്നാണ് പ്രതീക്ഷ. വിജയ സാധ്യതയുള്ള സ്ഥാനാർഥിയെ ആണ് മണ്ഡലത്തില് മത്സരിപ്പിക്കുകയെന്നും ജോസ്.കെ.മാണി കൂട്ടിച്ചേർത്തു. കുറ്റ്യാടിയില് മത്സരിച്ചാല് സിപിഐഎമ്മിന് വേണ്ടി ജീവന് കളഞ്ഞു നില്ക്കാന് തയാറാകുമെന്ന് കുറ്റ്യാടിയിലെ കേരളാ കോണ്ഗ്രസ് സ്ഥാനാർഥി മുഹമ്മദ് ഇഖ്ബാൽ പ്രതികരിച്ചു. താന് പത്ത് വര്ഷമായി പ്രവര്ത്തിക്കുന്ന പേരാമ്പ്ര സീറ്റ് ചോദിക്കാത്തത് മന്ത്രി ടി.പി രാമകൃഷ്ണന് ബുദ്ധിമുട്ട് ഉണ്ടാകാതിരിക്കാനാണെന്നും അദ്ദേഹം പറഞ്ഞു.
Read Moreസിന്ധുമോൾ മികച്ച സ്ഥാനാർഥി;പുറത്താക്കാന് ലോക്കല് കമ്മിറ്റിക്ക് സാധിക്കില്ല; ഉഴവൂർ പ്രാദേശിക നേതൃത്വത്തെ തള്ളി വാസവൻ
കോട്ടയം: പിറവത്തെ കേരള കോൺഗ്രസ്-എം സ്ഥാനാർഥി സിന്ധുമോൾ ജേക്കബിനെ പാർട്ടിയുടെ പ്രാഥമിക അംഗത്വത്തിൽ നിന്ന് പുറത്താക്കിയ സിപിഎം ഉഴവൂർ ലോക്കൽ കമ്മിറ്റിയുടെ നടപടിയെ തള്ളി ജില്ലാ നേതൃത്വം. പുറത്താക്കാന് ലോക്കല് കമ്മിറ്റിക്ക് സാധിക്കില്ല. സംഘടനാരീതിപ്രകാരം ജില്ലാ കമ്മിറ്റിക്കാണ് അധികാരം. ലോക്കൽ കമ്മിറ്റിയുടെ നടപടി പാർട്ടി പരിശോധിക്കുമെന്നും ജില്ലാ സെക്രട്ടറി വി.എൻ. വാസവൻ പറഞ്ഞു. സിന്ധുമോൾ സിപിഎം അംഗമായിരുന്നു. എന്നാൽ നിലവിൽ സിപിഎം അംഗത്വമുണ്ടോയെന്നത് തെരഞ്ഞെടുപ്പിനുശേഷം പരിശോധിക്കും. ജനകീയമുഖമുള്ള മികച്ച സ്ഥാനാർഥിയാണ് സിന്ധുമോളെന്നും വാസവൻ പറഞ്ഞു.
Read Moreവൈദികൻ ചമഞ്ഞു തട്ടിപ്പ്! അനക്കമില്ലാതെ പോലീസ്; വിദേശ മലയാളികളില്നിന്നടക്കം തട്ടിയെടുത്തത് ലക്ഷക്കണക്കിനു രൂപ
ചിങ്ങവനം: വൈദികൻ ചമഞ്ഞു സാന്പത്തിക തട്ടിപ്പു നടത്തിയ സംഭവത്തിൽ പോലീസിനു അലംഭാവം എന്നു ആക്ഷേപം. വിദേശ മലയാളികളിൽനിന്നടക്കം ലക്ഷക്കണക്കിനു രൂപ തട്ടിയെടുത്ത യുവാവിനെതിരേ പരാതിയുമായി പ്രവാസി മലയാളിയടക്കം രംഗത്തു വന്നെങ്കിലും പോലീസ് സ്റ്റേഷൻ പരിധിയുടെ പേരിലാണ് പോലീസ് ഉദ്യോഗസ്ഥർ അലംഭാവം കാട്ടുന്നത്. വിയന്നയിൽ താമസിക്കുന്ന സജി ജേക്കബ് എന്ന പ്രവാസി മലയാളി കോട്ടയം പോലീസ് ചീഫിന് ഇതു സംബന്ധിച്ചു പരാതി നൽകിയതാണ്. തുടർന്നു വാകത്താനം പോലീസാണ് സംഭവം അന്വേഷിച്ചിരുന്നത്. തട്ടിപ്പു നടത്തിയ ആൾ ചിങ്ങവനം സ്വദേശിയെന്നു അന്വേഷണത്തിൽ അറിഞ്ഞതോടെ വാകത്താനം പോലീസ് ചിങ്ങവനം പോലീസിനു കേസ് കൈമാറുകയായിരുന്നു. എന്നാൽ, കേസ് സംബന്ധമായ വിവരം ചിങ്ങവനം പോലീസ് സ്റ്റേഷനിൽ ലഭിച്ചിട്ടില്ലെന്നും അതിനു രണ്ട്, മൂന്നു ദിവസം വേണ്ടിവരുമെന്നാണ് ചിങ്ങവനം പോലീസിന്റെ ഭാഷ്യം. ഉന്നത ഉദ്യോഗസ്ഥർക്കടക്കം പരാതി നൽകിയിട്ടും ഇതുവരെ യാതൊരു നടപടിയും എടുത്തിട്ടില്ലെന്നും ചിങ്ങവനം സ്വദേശിയായ പ്രതിക്കെതിരേ ഇതുവരെ…
Read Moreവേനൽ കനത്തു; ആനക്കുളത്തെ ആനക്കുളിക്കും ചന്തമേറി! കാടിറങ്ങിവരുന്ന ആനകളെ കാത്ത് സഞ്ചാരികൾ മറുകരയിൽ
അടിമാലി: വേനൽ കനത്തതോടെ ആനക്കുളത്തെ ആനക്കുളിക്കും ചന്തമേറി. കാടിനെയും നാടിനെയും തമ്മിൽ വേർതിരിക്കുന്ന പുഴയിലിറങ്ങി ആനകൾ ദാഹമകറ്റാൻ തുടങ്ങിയിട്ട് കാലങ്ങളായി. കാടിറങ്ങിവരുന്ന ആനകളെ കാത്ത് ധാരാളം സഞ്ചാരികൾ മറുകരയിൽ ഇരിപ്പുറപ്പിക്കാറുണ്ട്. വേനൽ കടുത്തതോടെ നീരാട്ടിനായി കൂട്ടമായെത്തുന്ന ആനകൾ മണിക്കൂറുകളോളം പുഴയിലും സമീപത്തുമായി ചെലവഴിക്കും. ചൂടേറിയാൽ പകൽസമയത്തും ആനകൾ പുഴയിലേക്കെത്തിതുടങ്ങും. ദിവസവും സഞ്ചാരികൾ ധാരാളമായി ആനക്കുളത്തെത്തി കാട്ടാനകളെ കണ്ട് മടങ്ങുന്നുണ്ട്. രാത്രിയിലാണ് ആനക്കുളം കൂടുതൽ സജീവമാകുന്നത്. പുഴയുടെ ഒത്ത നടുവിൽനിന്നും ചെറുകുമിളകൾ ഉയരുന്നുണ്ട്. ഈ ഭാഗത്തെ വെള്ളം ആനകൾക്കേറെ പ്രിയങ്കരമാണെന്നാണ് പ്രദേശവാസികൾ പറയുന്നത്. കാട്ടാനകളുടെ ചന്തത്തിനപ്പുറം കാടിന്റെ വന്യതയും പച്ചവിരിച്ച ആനക്കുളത്തിന്റെ ഗ്രാമീണതയുമെല്ലാം ആകർഷണീയമാണ്. കാട്ടാനകളും ആനകളെ കാണാനെത്തുന്ന സഞ്ചാരികളുമാണ് ആനക്കുളത്തിന്റെ സായാഹ്നങ്ങളെ സജീവമാക്കുന്നത്.
Read Moreകോട്ടയത്ത് കാഹളം മുഴങ്ങി, ഇനി അങ്കപ്പുറപ്പാട്; യുദ്ധ ഭൂമിയിലേക്ക് നോക്കി ജനങ്ങളും
കോട്ടയം: കാഹളം മുഴങ്ങിക്കഴിഞ്ഞു. യുദ്ധ ഭൂമിയിൽ പോരാട്ടത്തിനായി ആവനാഴിയിലെ മുഴുവൻ അസ്ത്രങ്ങളുമായി പോരാളികളും തയാർ. ഇനിയാണ് ആവേശം സൃഷ്ടിക്കുന്ന നാളുകൾ. വീണ്ടും ഒരു തെരഞ്ഞെടുപ്പ് യുദ്ധാന്തരീഷം സൃഷ്ടിക്കാനൊരുങ്ങുന്പോൾ ജില്ലയിൽ മൂന്നു പാർട്ടികളും സജ്ജമായിരിക്കുന്നു. ചിലർ വെടിക്കോപ്പുകളും ആയുധങ്ങളും ശേഖരിക്കുന്പോൾ മറ്റു ചിലർ കളത്തിലിറങ്ങിക്കഴിഞ്ഞു.പുതിയ സൈന്യങ്ങളുമായി സഖ്യം ചേർന്ന് പ്രബല ശക്തിയായി മാറാനാണ് ഓരോ ചേരിയും ശ്രമിക്കുന്നത്. പുതിയ ചില യുവരാജാക്കന്മാർ വന്നപ്പോൾ തലമൂത്ത സൈനാധിപന്മാരെ ഒതുക്കി നിർത്തിയതിനും കോട്ടയം അംഗരാജ്യം സാക്ഷിയായി. വരും നാളുകളിൽ വാർത്തകളും വിവാദങ്ങളും വാക്ധോരണികളും നിറം പിടിപ്പിച്ച കഥകളുമായി എത്തുന്ന യുദ്ധ ഭൂമികയിലേക്കാണ് ജനങ്ങളും ഉറ്റു നോക്കുന്നത്.ഉമ്മൻ ചാണ്ടിയുടെ നേതൃത്വത്തിലുള്ള യുഡിഎഫ് സൈന്യം പൂർണമായും കളത്തിലിറങ്ങിയിട്ടില്ല. ചങ്ങനാശേരി, ഏറ്റുമാനൂർ, കാഞ്ഞിരപ്പള്ളി, പൂഞ്ഞാർ തുടങ്ങിയ നാട്ടുരാജ്യങ്ങളിലെ മത്സരത്തിനിറക്കേണ്ട സൈനാധിപ·ാരുടെ കാര്യത്തിൽ തീരുമാനമായിട്ടില്ല. തർക്കങ്ങളും സന്ധിസംഭാഷങ്ങളും തുടരുകയാണ്. പുതുപ്പള്ളി, കോട്ടയം, കടുത്തുരുത്തി, പാലാ മണ്ഡലങ്ങളിൽ പ്രചാരണം…
Read More