കോട്ടയം: നേർച്ചപ്പെട്ടികൾ മാത്രം കുത്തിത്തുറന്ന് മോഷണം നടത്തുന്ന സംഘത്തെ തേടി പോലീസ് സംഘം. ഇന്നലെ നേർച്ചപ്പെട്ടികൾ കുത്തിത്തുറന്ന് മോഷണം നടത്തുന്ന പാന്പാടി വെള്ളൂർ കുന്നേപ്പീടിക വെള്ളാപ്പള്ളി ശ്രീരാഗിനെ (18) കോട്ടയം ഈസ്റ്റ് പോലീസ് പിടികൂടിയിരുന്നു. ഇയാളെ ചോദ്യം ചെയ്തതോടെയാണ് നേർച്ചപ്പെട്ടികൾ മാത്രം തകർത്ത് മോഷണം നടത്തുന്ന സംഘം കോട്ടയവും സമീപ പ്രദേശങ്ങളും കേന്ദ്രീകരിച്ചു പ്രവർത്തിക്കുന്ന വിവരം പോലീസിന് ലഭിച്ചത്. അടുത്ത കാലത്തായി കോട്ടയം, ചങ്ങനാശേരി, കുമരകം പ്രദേശങ്ങളിൽ നിരവധി ആരാധനാലയങ്ങളുടെ നേർച്ചപ്പെട്ടികൾ കുത്തിത്തുറന്ന് മോഷണം നടന്നിരുന്നു. നാളുകൾക്കു മുന്പ് കളത്തിപ്പടി പൊൻപള്ളി സെന്റ് ജോർജ് പള്ളി, പുതുപ്പള്ളി കാരിമറ്റത്തുള്ള കപ്പേളയുടെ നേർച്ചപ്പെട്ടി എന്നിവർ മോഷണം നടത്തിയ കേസിലാണ് ശ്രീരാഗ് പിടിയിലായത്. കുമരകത്ത് എസ്എൻഡിപി ഗുരുദേവ ക്ഷേത്രത്തിന്റെ നേർച്ചപ്പെട്ടി കുത്തിതുറന്ന് മോഷണം നടത്തിയതും ഇയാളുടെ സംഘത്തിൽപ്പെട്ടയാളാണെന്ന് പോലീസ് പറഞ്ഞു. ഇയാളുടെ സംഘത്തിൽപ്പെട്ടവർക്കായി പോലീസ് അന്വേഷണം ഉൗർജിതമാക്കിയിട്ടുണ്ട്. കോട്ടയം ഈസ്റ്റ്…
Read MoreCategory: Kottayam
ഇടതും വലതും ബിജെപിയുമായി പല പക്ഷം പിടിക്കുന്ന ചർച്ചകൾ! കോഫി ഹൗസിലെ തീൻമേശയിൽ ആവി പറക്കുന്ന ചർച്ചകൾ
കോട്ടയം: ആവി പറക്കുന്ന ചൂടു കാപ്പിയും കുടിച്ച് മുന്നിലിരിക്കുന്ന പരന്ന വെളുത്ത പാത്രത്തിൽ നിന്നും ബീറ്റ് റൂട്ട് ചുവപ്പ് ഉള്ളിൽ നിറച്ച കട്ലറ്റും മസാല ദോശയും കഴിച്ച് രാഷ്ട്രീയ ചർച്ച ചൂടു പിടിപ്പിക്കുകയാണ് കോഫി ഹൗസിലെ തീൻമേശയിടം. ഇടതും വലതും ബിജെപിയുമായി പല പക്ഷം പിടിക്കുന്ന ആവി പറക്കുന്ന ചർച്ചകൾ തെരഞ്ഞെടുപ്പ് രംഗത്തെയും ചൂടുപിടിപ്പിക്കുന്നു. തർക്കങ്ങളും വാഗ്വാദങ്ങളുമുണ്ടായാലും കാപ്പിയുടെ ചൂടാറുന്നതു പോലെ അത് ഉടൻ തണുക്കും. മസാല ദേശയും നെയ്യ് റോസ്റ്റും പിഞ്ഞാണത്തിൽനിന്നു തീരുന്ന നേരം മാത്രമേയുള്ളൂ ഇവരുടെ തർക്കത്തിന്റെ ആയുസും. തെരഞ്ഞെടുപ്പ് കാലമായതിനാൽ ഇപ്പോൾ ചർച്ചകൾക്ക് ആളും കൂടി. നേരവും കൂടി. ആരു ജയിക്കും തോൽക്കും എന്നതാണ് പ്രധാന ചർച്ച. തോൽക്കാനുള്ള കാരണങ്ങൾ, ഭരണമാറ്റത്തെക്കുറിച്ചുള്ള ചർച്ചകൾ, സ്ഥാനാർഥിക്കെതിരേയുള്ള ആരോപണങ്ങൾ തുടങ്ങിയ വർത്തമാനങ്ങൾ കാടുകയറും. 1970കളുടെ അവസാനം മുതൽ കോട്ടയം ടിബി റോഡിലെ കോഫി ഹൗസ്,…
Read Moreപാർട്ടിയെ വേദനിപ്പിക്കാൻ ഉദ്ദേശിച്ചിട്ടില്ല! തല മുണ്ഡനം ചെയ്തത് വലിയ സങ്കടമായതുകൊണ്ട്; ലതിക സുഭാഷ്
കോട്ടയം: തെരഞ്ഞെടുപ്പ് കാലത്ത് പാർട്ടിയെ വേദനിപ്പിക്കാൻ ഉദ്ദേശിച്ചിട്ടില്ലെന്നും വലിയ സങ്കടമായതുകൊണ്ടാണു തല മുണ്ഡനം ചെയ്തതെന്നും മഹിള കോൺഗ്രസ് മുൻ അധ്യക്ഷ ലതിക സുഭാഷ്. ഏറ്റുമാനൂരിൽ സ്വതന്ത്രസ്ഥാനാർഥിയായി മത്സരിക്കാൻ തീരുമാനിച്ചത് കെഎസ്യുവിനെയും യൂത്ത് കോണ്ഗ്രസിനെയും പോലെ മഹിള കോണ്ഗ്രസിനും പരിഗണന നൽകാത്തതിനാലാണ്. പ്രതീക്ഷ നൽകിയതുകൊണ്ടാണ് ഏറ്റുമാനൂർ സീറ്റിൽ മഹിള കോണ്ഗ്രസ് ആവശ്യം ഉന്നയിച്ചത്. ഏറ്റുമാനൂരിൽ മത്സരിപ്പിക്കുന്നത് സംബന്ധിച്ച് മുല്ലപ്പള്ളി രാമചന്ദ്രനും പറഞ്ഞിരുന്നതായി ലതിക പറഞ്ഞു. മുതിർന്ന കോണ്ഗ്രസ് നേതാവ് എ.കെ. ആന്റണി ഇന്നലെ ലതിക സുഭാഷിനെ വിളിച്ച് അനുനയ ശ്രമങ്ങൾ നടത്തിയിരുന്നു. സ്വതന്ത്രയായി മത്സരിക്കരുതെന്നും അവസരമുണ്ടാകുമെന്നും ആന്റണി പറഞ്ഞു. ടൗണിലൂടെ പ്രകടനം നടത്തിയാണ് ലതികയും പ്രവർത്തകരും താരാ ഓഡിറ്റോറിയത്തിൽ സംഘടിപ്പിച്ച കണ്വൻഷനെത്തിയത്.
Read Moreബൈക്കിലെത്തി വീട്ടമ്മയുടെ മാല പൊട്ടിച്ച യുവാക്കളെ കുടുക്കി സിസിടിവി കാമറ; മാലപോയ ലീമ്മയ്ക്ക് പരാതിയില്ല, കാരണം ഇങ്ങനെ…
ചങ്ങനാശേരി: സ്കൂട്ടറിലെത്തി വീട്ടമ്മയുടെ മാല പൊട്ടിച്ച് രക്ഷപ്പെട്ട യുവാക്കളുടെ ചിത്രങ്ങൾ സിസിടിവി കാമറയിൽ പതിഞ്ഞു. സ്കൂട്ടറിന്റെ രജിസ്റ്റർ നന്പറും വ്യക്തമായി. പായിപ്പാട് പടിക്കലേപറന്പിൽ ലീലാമ്മ ബാലൻ (60) ന്റെ മാല പൊട്ടിച്ചാണ് രണ്ടംഗ സംഘം രക്ഷപ്പെട്ടത്. സ്വർണമല്ലാത്തതിനാൽ ലീലാമ്മ പരാതി നൽകിയില്ലെങ്കിലും യുവാക്കൾ കുടുങ്ങുമെന്ന് ഉറപ്പായി. മാലയിൽ ഉണ്ടായിരുന്ന സ്വർണ താലി താഴെ വീണതിനാൽ നഷ്ടപ്പെട്ടില്ല. പായിപ്പാട് കൊച്ചുപള്ളി ഹോമിയോ ഡിസ്പെൻസറിക്ക് സമീപമായിരുന്നു സംഭവം. വീട്ടിലെത്തിയ ലീലാമ്മ വീട്ടുകാരോടും പഞ്ചായത്ത് പ്രസിഡന്റ് കെ.ഡി. മോഹനനെ വിവരം അറിയിച്ചു. തൃക്കൊടിത്താനം പോലീസ് കേസ് എടുത്ത് അന്വേഷണം ആരംഭിച്ചു. പ്രതികളെ ഉടൻ പിടികൂടുമെന്ന് തൃക്കൊടിത്താനം പോലീസ് പറഞ്ഞു.
Read Moreസാമ്പത്തിക ഇടപാടുകൾ നടത്തുന്ന മധ്യവയസ്കനെ കാറിനുള്ളിൽ മരിച്ച നിലയിൽ കണ്ടെത്തിയ സംഭവം; പോലീസ് അന്വേഷണം ആരംഭിച്ചു
ഏറ്റുമാനൂർ: വാഹന കച്ചവടവും സാന്പത്തിക ഇടപാടുകളും നടത്തിയിരുന്നയാളെ കാറിനുള്ളിൽ മരിച്ച നിലയിൽ കണ്ടെത്തിയ സംഭവത്തിൽ പോലീസ് അന്വേഷണം ആരംഭിച്ചു. ഏറ്റുമാനൂർ ചുണ്ടുകാട്ടിൽ കരുണാകരന്റെ മകൻ സതീശ്കുമാറി (തന്പി – 54) നെയാണ് ഞായറാഴ്ച പുലർച്ചെ മരിച്ച നിലയിൽ കണ്ടെത്തിയത്.തോർത്ത കഴുത്തിൽ കെട്ടി കാറിനുള്ളിലെ പിടിയിൽ കെട്ടി തൂങ്ങി മരിച്ച നിലയിലാണ് മൃതദേഹം കണ്ടെത്തിയത്. പുലർച്ച പെട്രോളിംഗ് നടത്തിയ പോലീസ് സംഘമാണ് ഏറ്റുമാനൂർ – പട്ടിത്താനം ബൈപ്പാസ് റോഡിൽ കഐൻബി ജംഗ്ഷനു സമീപം സംശയാസപദമായ സാഹചര്യത്തിൽ കാർ കണ്ടെത്തിയത്. തുടർന്നു പരിശോധിച്ചപ്പോഴാണ് മൃതേദഹം കണ്ടത്. അത്മഹത്യയാണെന്നാണ് പോലീസിന്റെ പ്രാഥമിക നിഗമനം.
Read Moreപ്രായപൂർത്തിയാകാത്ത കാമുകിയെ പീഡിപ്പിച്ച്, നഗ്നചിത്രങ്ങൾ പകർത്തി ഭീഷണിപ്പെടുത്തൽ; കാമുകനും സുഹൃത്തും അഴിക്കുള്ളിൽ
കറുകച്ചാൽ: പ്രായപൂർത്തിയാകാത്ത കാമുകിയെ സുഹൃത്തിന്റെ വീട്ടിലെത്തിച്ചു പീഡിപ്പിച്ചു. കാര്യം കഴിഞ്ഞപ്പോൾ നഗ്ന ചിത്രങ്ങളും വീഡിയോയും സോഷ്യൽ മീഡിയയിലുടെ പുറത്തുവിടുമെന്ന് ഭീഷണി. ഒടുവിൽ കാമുകനും സുഹൃത്തും അഴിക്കുള്ളിലായി. നെടുംകുന്നം പതിക്കപ്പടി പടിഞ്ഞാറേവെങ്ങോലിക്കൽ നിധിൻ കുമാർ (19), സുഹൃത്ത് നെടുമണ്ണി തോണിപ്പാറ മടുക്കുഴിയിൽ ഷാരോണ് ജോർജ് (21) എന്നിവരാണ് അറസ്റ്റിലായത്. കഴിഞ്ഞ 16നാണ് കേസിനാസ്പദമായ സംഭവം. മീനടം സ്വദേശിനിയായ 16 കാരിയുമായി നിഥിൻ ഏറെക്കാലമായി പ്രണയത്തിലായിരുന്നു. പെണ്കുട്ടിയെ കൂട്ടി ഷാരോണിന്റെ വീട്ടിലെത്തിയ നിധിൻ അവിടെവച്ചു പെണ്കുട്ടിയെ പീഡിപ്പിക്കുകയായിരുന്നു. കുറച്ചു ദിവസങ്ങൾ കഴിഞ്ഞതോടെ നഗ്നചിത്രങ്ങളും വീഡിയോയും സോഷ്യൽ മീഡിയയിലുടെ പുറത്തുവിടുമെന്നും പറഞ്ഞ് ഇയാൾ ഭീഷണിപ്പെടുത്തുകയായിരുന്നു. പെണ്കുട്ടിയുടെ പെരുമാറ്റത്തിൽ സംശയം തോന്നിയ വീട്ടുകാർ വിവരങ്ങൾ തിരക്കിയപ്പോഴാണ് സംഭവം പുറത്തറിയുന്നത്. തുടർന്നു ഇവർ കറുകച്ചാൽ പോലീസിൽ പരാതി നല്കുകയായിരുന്നു. പോലീസ് പിടികൂടിയ പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
Read Moreവീട്ടിലെ പ്രശ്നങ്ങൾ തീർക്കാൻ 33 ലക്ഷത്തിന്റെ പ്രാർഥന; രണ്ടുവർഷമായിട്ടും പ്രശ്നം ഒഴിയാതെ വന്നതോടെ ശരിക്കും പ്രശ്നം എന്തെന്ന് വീട്ടമയ്ക്ക് മനസിലായി ; ഒരു പ്രാർഥനയ്ക്ക് 13,000 രൂപ; തട്ടിപ്പിനിരയായത് റിട്ടയേർഡ് കോളജ് അധ്യാപിക
ചങ്ങനാശേരി: പണം തന്നാൽ വീട്ടിലെ പ്രശ്നങ്ങൾ പ്രാർഥനയിലുടെ മാറ്റിത്താരമെന്ന് പറഞ്ഞു രണ്ടു വർഷത്തിനുള്ളിൽ റിട്ട. കോളജ് അധ്യാപികയുടെ കൈയ്യിൽനിന്ന് തട്ടിപ്പുകാരൻ വാങ്ങിയെടുത്തത് 33 ലക്ഷം രൂപ. രണ്ടു വർഷം കഴിഞ്ഞിട്ടും പണം നഷ്ടമാകുന്നതല്ലാതെ പ്രശ്നങ്ങൾക്കു കുറവില്ലാതെ വന്നതോടെ വീട്ടമ്മയ്ക്കു കാര്യങ്ങൾ ബോധ്യപ്പെട്ടു. ഒടുവിൽ പരാതി നല്കിയതോടെ പ്രതി പിടിയിലായി. എറണാകുളം മരട് സ്വദേശിയും ഇപ്പോൾ പാന്പാടി ആശാരിപ്പറന്പിൽ പൊന്നൻ സിറ്റിയിൽ വാടകയ്ക്ക് താമസക്കുകയും ചെയ്യുന്ന നോർബിൻ നോബി (40) ആണ് ആലപ്പുഴയിൽ നിന്ന് പോലീസ് പിടിയിലായത്. സമാനമായ രീതിയിൽ ഇയാൾ വേറെയും തട്ടിപ്പുകൾ നടത്തിയിട്ടുണ്ടോയെന്ന് പോലീസ് അന്വേഷിച്ചു വരികയാണ്. ചങ്ങനാശേരി കുരിശുംമൂട് സ്വദേശിയായ റിട്ടയേർഡ് കോളജ് അധ്യാപികയുടെ കയ്യിൽനിന്നാണ് ഇയാൾ 33 ലക്ഷം രൂപയോളം തട്ടിയെടുത്തത്. പ്രാർഥനാ ചടങ്ങുകളിൽവച്ച് വീട്ടമ്മയെ പരിചയപ്പെട്ട നോർബിൻ ഇവരുടെ വീട് സന്ദർശിക്കുകയും വീട്ടിൽ ഒരുപാട് പ്രശ്നങ്ങളുണ്ടെന്നും പ്രാർഥനയിൽ കൂടി മാറ്റിത്തരാമെന്നും പറഞ്ഞ്…
Read Moreഇനി സീറ്റ് തന്നാലും സ്വീകരിക്കില്ല; ഏറ്റുമാനൂരിൽ സ്വതന്ത്ര സ്ഥാനാർഥികൾ വിജയിച്ചിട്ടുണ്ടെന്ന ചരിത്രം ഓർമ്മിപ്പിച്ച് ലതിക സുഭാഷ്
തിരുവനന്തപുരം: താൻ വിളിച്ചപ്പോൾ ഫോൺ എടുക്കാൻ പോലും കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ കൂട്ടാക്കിയില്ലെന്ന് രാജിവച്ച മഹിള കോണ്ഗ്രസ് സംസ്ഥാന അധ്യക്ഷ ലതിക സുഭാഷ്. കോൺഗ്രസിന്റെ പ്രാഥമിക അംഗത്വം രാജി വയ്ക്കുമെന്നും കോൺഗ്രസ് ഇനി സീറ്റ് തന്നാലും സ്വീകരിക്കില്ലെന്നും ലതിക സുഭാഷ് മാധ്യമങ്ങളോടു പറഞ്ഞു. തനിക്ക് സീറ്റ് നിഷേധിച്ചത് ആരാണെന്ന് അറിയില്ലെന്നും ലതിക സുഭാഷ് പറഞ്ഞു. ഏറ്റുമാനൂർ സീറ്റ് തനിക്ക് നൽകുമെന്ന് പ്രതീക്ഷിരുന്നുവെന്ന് ലതിക സുഭാഷ് പറഞ്ഞു. ഏറ്റുമാനൂർ ലഭിച്ചില്ലെങ്കിൽ വൈപ്പിനിൽ മത്സരിക്കാനും തയ്യാറായിരുന്നു. ആരുടെ പിന്തുണയില്ലെങ്കിലും ഏറ്റുമാനൂരിൽ സ്വതന്ത്രയായി വിജയിക്കാൻ കഴിയുമെന്നും മുൻപും ഏറ്റുമാനൂരിൽ സ്വതന്ത്ര സ്ഥാനാർഥികൾ വിജയിച്ചിട്ടുണ്ടെന്നും ലതിക സുഭാഷ് പറഞ്ഞു.
Read Moreദേ വന്നു, ദാ പോയി! രാമക്കൽമേട്ടിലെ 1.38 കോടിയുടെ നിർമാണങ്ങൾ ഒരുമാസത്തിനുള്ളിൽ തകർന്നുവീണു; വൻ അഴിമതിയെന്ന് ആക്ഷേപം
നെടുങ്കണ്ടം: പ്രമുഖ വിനോദസഞ്ചാര കേന്ദ്രമായ രാമക്കൽമേട്ടിൽ 1.38 കോടി രൂപ ചെലവിട്ട് നടത്തിയ നവീകരണ പ്രവൃത്തികളിൽ വൻ അഴിമതിയെന്ന് ആക്ഷേപം. ഉദ്ഘാടനം നടത്തി ഒരുമാസത്തിനുള്ളിൽ പുതിയ നിർമിതികൾ തകർന്നുവീണു. നിലവാരമില്ലാത്ത വസ്തുക്കൾ ഉപയോഗിച്ച് പണിയിൽ കൃത്രിമം കാട്ടിയതായാണ് ആക്ഷേപം. ജില്ലയുടെ ടൂറിസം മേഖല ശക്തിപ്പെടുത്തുന്നതിന്റെ ഭാഗമായാണ് രാമക്കൽമേട്ടിലെ അടിസ്ഥാനസൗകര്യങ്ങൾ വർധിപ്പിച്ചത്. കഴിഞ്ഞ മാസമാണ് കുട്ടികളുടെ പാർക്ക് ഉൾപ്പെടെയുള്ള രണ്ടാംഘട്ട ടൂറിസം പദ്ധതി മുഖ്യമന്ത്രി പിണറായി വിജയൻ ഓണ്ലൈനായി ഉദ്ഘാടനംചെയ്തത്. വിനോദസഞ്ചാര വകുപ്പ് ഇടുക്കി ഡിടിപിസി വഴി 1.38 കോടി രൂപ ചെലവഴിച്ചാണ് നിർമാണം പൂർത്തീകരിച്ചത്. നടപ്പാത നിർമാണം, ഫെൻസിംഗ്, വാഹന പാർക്കിംഗ് ഏരിയ, ഇരിപ്പിടങ്ങൾ, സ്നാക്സ് ബാർ, പ്രതിമയ്ക്കു ചുറ്റുമുള്ള നവീകരണ ജോലികൾ, പൂന്തോട്ടവത്കരണം, സോളാർ ലൈറ്റിംഗ്, കൈവരികൾ തുടങ്ങിയവയാണ് രണ്ടാംഘട്ട പദ്ധതിയിൽ ഉൾപ്പെടുത്തിയത്. ഇതിൽ കൈവരിയുൾപ്പെടെയുള്ള ഭാഗമാണ് കഴിഞ്ഞദിവസം തകർന്നുവീണത്. ചെങ്കുത്തായ മലമുകളിലേക്ക് കയറുന്നതിന് സഹായകരമായ…
Read Moreകോട്ടയം ടൗണിൽ റോഡുപണി; ഗതാഗത നിയന്ത്രണം; ബേക്കർ ജംഗ്ഷൻ മുതൽ ചാലുകുന്ന് വരയുള്ള ജോലികളാണ് നടക്കുന്നത്
കോട്ടയം: കോട്ടയം ബേക്കർ ജംഗ്ഷൻ മുതൽ ചാലുകുന്ന് വരെ റോഡിന്റെ പുനരുദ്ധാരണ ജോലികൾ ആരംഭിച്ചു. ബേക്കർ ജംഗ്ഷൻ മുതലുള്ള റോഡ് എക്സ്കവേറ്ററിന്റെ സഹായത്തോടെ റോഡിലെ ടാറിംഗ് കുത്തിപ്പൊളിക്കുന്ന പ്രവൃത്തി ആരംഭിച്ചു. തുടർന്നു ബിഎംബിസി നിലവാരത്തിൽ റോഡ് ടാറിംഗ് നടത്തും. പുനരുദ്ധാരണ ജോലികൾ നടക്കുന്നതിനാൽ ഇന്നു മുതൽ ഇതുവഴിയുള്ള വാഹന ഗതാഗതത്തിനു തടസം നേരിടുമെന്ന് പൊതുമരാമത്ത് വകുപ്പ് റോഡ് വിഭാഗം എക്സിക്യുട്ടീവ് എൻജിനീയർ അറിയിച്ചു. ബേക്കർ ജംഗ്ഷനിൽനിന്നും കുമരകം ഭാഗത്തേക്ക് പോകേണ്ട വാഹനങ്ങൾ തിരുനക്കര മൈതാനം ചുറ്റി ക്ഷേത്രം-കാരാപ്പുഴ-തിരുവാതുക്കൽ-ഇല്ലിക്കൽ വഴി കുമരകത്തേക്ക് പോകണം. മടക്കയാത്രയും ഇതുവഴിയായിരിക്കണം. ബേക്കർ ജംഗ്ഷനിൽനിന്നും ചാലുകുന്ന് ഭാഗത്തേക്കുള്ള വാഹനങ്ങൾ തിരുനക്കര മൈതാനം ചുറ്റി കാരാപ്പുഴ-തിരുവാതുക്കൽ-പുത്തനങ്ങാടി പള്ളി-അറുത്തൂട്ടി വഴി പോകണം. ചാലുകുന്ന് ഭാഗത്തുനിന്നും കോട്ടയത്തേക്കുള്ള വാഹനങ്ങൾ അറുത്തൂട്ടി-പുത്തനങ്ങാടി-കുരിശുപള്ളി-തിരുനക്കര ക്ഷേത്രം വഴി പോകണം. ഈ വഴികളിൽ വാഹന പാർക്കിംഗ് താത്കാലികമായി നിരോധിച്ചു.മെഡിക്കൽ കോളജിൽനിന്നും ചാലുകുന്നു ഭാഗത്തേക്ക് വരുന്ന…
Read More