കോട്ടയം: ശരീരത്തിലൂടെ ബസ് ചക്രം കയറിയിറങ്ങിയ യുവാവിനു ഗുരുതര പരിക്കേറ്റു. എരുമേലി പാത്തിക്കക്കാവ് സ്വദേശി ലിബിനാണ് ബൈക്കിൽ വരുന്നതിനിടെ ബസിലിടിച്ച് തെറിച്ചുവീണത്. അപകടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ശനിയാഴ്ച രാവിലെ എട്ടരയോടെ എരുമേലി കെഎസ്ആര്ടിസി ബസ് സ്റ്റാന്റിനടുത്താണ് അപകടം. വേഗതയിലെത്തിയ ബസ് ടിബി റോഡിലേക്ക് പ്രവേശിക്കുന്ന സമയം ലിബിൻ ബസിനെ മറികടക്കാൻ ശ്രമിക്കുകയായിരുന്നു. ബസ് വലത്തേക്ക് എടുത്തപ്പോൾ ലിബിൻ ബസിലിടിച്ചു തെറിച്ചുവീണു. റോഡിൽ വീണ ലിബിന്റെ ശരീരത്തിലുടെ ബസ് കയറിയിറങ്ങി. ഓടിയെത്തിയ നാട്ടുകാർ ലിബിനെ ആംബുലൻസിലെത്തിച്ച് കോട്ടയം കാരിത്താസ് ആശുപത്രിയിൽ വിദഗ്ധ ചികിത്സക്കായി പ്രവേശിപ്പിച്ചു. മുക്കൂട്ടുതറയിൽനിന്നു പൊൻകുന്നത്തിനു യാത്രക്കാരുമായി പോവുകയായിരുന്ന സെന്റ് ആന്റണീസ് എന്ന സ്വകാര്യ ബസാണ് അപകടമുണ്ടാക്കിയത്.
Read MoreCategory: Kottayam
എന്തേ ഞങ്ങൾക്കും ജീവിക്കേണ്ട..! 22 വർഷമായിട്ടും നിർധന കുടുംബങ്ങൾക്കു പട്ടയമില്ല; ദുരിതങ്ങൾ പങ്കുവച്ച് വൈക്കം ഇരുമ്പൂഴിക്കര കോളനി വാസികൾ
വൈക്കം: സർക്കാർ നാലു സെന്റ് സ്ഥലവും ഒറ്റമുറി വീടും അനുവദിച്ച് നൽകി 22 വർഷം പിന്നിട്ടിട്ടും നിർധന കുടുംബങ്ങൾക്കു പട്ടയം ലഭിച്ചില്ല. വൈക്കം ഉദയനാപുരം ഇരുന്പൂഴിക്കര രാജീവ് ഗാന്ധി കോളനിയിലെ 50 കുടുംബങ്ങളാണ് പട്ടയമില്ലാതെ ജീവിക്കുന്നത്. രണ്ടര ഏക്കറോളം വരുന്ന കോളനിയിൽ ഒരു കുടുംബത്തിനു നാലു സെന്റ് സ്ഥലവും വീടുമാണ് ലഭിച്ചത്. ഒരു മുറിയും അടുക്കളയുമായി കരാറുകാരൻ തട്ടിക്കൂട്ടിയുണ്ടാക്കി നൽകിയ വീടുകൾ കാലപ്പഴക്കത്താൽ ജീർണിച്ചു ചോർന്നൊലിക്കുന്ന അവസ്ഥയിലാണ്. പാസ്റ്റിക്ക് ഷീറ്റ് വിരിച്ചും പാത്രങ്ങൾ നിരത്തിയും ചോർച്ച തടയാൻ ശ്രമിച്ചാണ് കുരുന്നുകളടക്കം വീടുകളിൽ കഴിയുന്നത്. പട്ടയമില്ലാത്തതിനാൽ സർക്കാർ ആവിക്ഷ്കരിക്കുന്ന സഹായധനമോ, പദ്ധതികളുടെ ഗുണഫലമോ നിർധന കുടുംബങ്ങൾക്ക് ലഭിക്കുന്നില്ല. തികച്ചും പരിതാപകരമായ വീടുകളിൽ താമസിക്കുന്ന ഇവർക്ക് കുറ്റമറ്റ ശൗചാലയങ്ങളില്ല. കോളനിക്കു നടുവിൽ സ്ഥിതി ചെയ്യുന്ന വലിയകുളം മാലിന്യങ്ങൾ നിറഞ്ഞ് കോളനിക്കാർക്ക് ദുരിതം സമ്മാനിക്കുകയാണ്. കൂടുതൽ വീടുകളിലും രോഗികളായ വയോജനങ്ങളും കുട്ടികളുമുണ്ട്.…
Read More7 ദിവസം 20ലക്ഷം രൂപ..! ശബരിമല തീർഥാടനം ഒരാഴ്ച പിന്നിട്ടപ്പോൾ കെഎസ്ആർടിസി കോട്ടയം ഡിപ്പോയ്ക്ക് റിക്കാർഡ് കളക്ഷൻ
കോട്ടയം: ശബരിമല തീർഥാടനകാലം ആരംഭിച്ച് ഒരാഴ്ച പിന്നിടുന്പോൾ റിക്കാർഡ് വരുമാനവുമായി കോട്ടയം കെഎസ്ആർടിസി ഡിപ്പോ. കഴിഞ്ഞ വർഷം തീർഥാടനകാലം ആരംഭിച്ച ഒരാഴ്ച പിന്നിടുന്പോൾ 12 ലക്ഷം രൂപയായിരുന്നു കളക്ഷൻ ഇനത്തിൽ ഡിപ്പോയ്ക്കു ലഭിച്ചിരുന്നത്. എന്നാൽ ഇത്തവണ 20ലക്ഷത്തിനു മുകളിലാണ്് കളക്ഷൻ ലഭിച്ചിരിക്കുന്നത്. തീർഥാടനകാലം ആരംഭിച്ച ആദ്യ ദിവസങ്ങളിൽ 25 ബസുകളാണു പന്പയിലേക്കു സർവീസ് നടത്തിയിരുന്നതെങ്കിൽ പീന്നിടു കോട്ടയം ഡിപ്പോയ്ക്കു അഞ്ചു ബസുകൾ കൂടി ലഭിച്ചു. ഇപ്പോൾ ദിവസവും 30 ബസുകളാണു പന്പയിലേക്കു കോട്ടയം ഡിപ്പോയിൽ നിന്നും സർവീസ് നടത്തുന്നത്. ഇതിൽ 25 കെഎസ്ആർടിസി ബസുകളും അഞ്ചു കെയുആർടിസി നോണ് എസി ബസുകളും ഉൾപ്പെടുന്നു. ദിവസവും ഏതാണ്ട് 75ൽപ്പരം സർവീസുകളാണു കോട്ടയം ഡിപ്പോയിൽ നിന്നും പന്പയിലേക്കു നടത്തുന്നത്. ചില സമയങ്ങളിൽ തീർഥാടകരുടെ തിരക്ക് വർധിക്കുന്ന അവസരത്തിൽ മറ്റ് റൂട്ടുകളിലേക്കു സർവീസ് നടത്തുന്ന ബസും പന്പയിലേക്കു സർവീസിനു അയയ്ക്കാറുണ്ട്. ഇത്തരത്തിൽ…
Read More116 ദിവസം..! ഭാരത് ആശുപത്രിയിലെ നഴ്സുമാരുടെ സമരം ഒത്തുതീർപ്പാക്കി; തുടർനടപടികൾ ആലോചിക്കാൻ യുഎൻഎ യോഗം
കോട്ടയം: ഭാരത് ആശുപത്രിയിലെ നഴ്സുമാർ നടത്തിയ സമരം ഒത്തുതീർന്ന സാഹചര്യത്തിൽ യുഎൻഎ യോഗം ചേർന്നു തുടർനടപടികൾ ആലോചിക്കും. കരാർ പുതുക്കണമെന്നാവശ്യപ്പെട്ട് ഭാരത് ആശുപത്രിയിലെ ഒരു വിഭാഗം നഴ്സുമാർ 116 ദിവസമായി സമരം നടത്തുകയായിരുന്നു. ലേബർ കമ്മീഷണറുടെ മധ്യസ്ഥതയിൽ ആശുപത്രി മാനേജ്മെന്റും നഴ്സുമാരുടെ പ്രതിനിധികളും തമ്മിൽ നടത്തിയ ചർച്ചയിലാണ് സമരം ഒത്തുതീരാൻ ധാരണയായത്. ഇന്നു തിരുനക്കരയിലെ സമര പന്തലിൽ ചേരുന്ന യോഗത്തോടെയേ ഒൗദ്യോഗികമായി സമരം അവസാനിച്ചതായി പ്രഖ്യാപിക്കുകയുള്ളൂ. മുന്പ് പല തവണ ആശുപത്രി മാനേജ്മെന്റും നഴ്സുമാരും തമ്മിൽ ചർച്ച നടത്തിയിരുന്നെങ്കിലും സമരം ഒത്തു തീർപ്പാക്കുന്നതിൽ ധാരണയായിരുന്നില്ല. ഇതിനിടെയാണ് ഇന്നലെ വീണ്ടും ചർച്ച നടത്തിയത്. സമരം നടത്തുന്ന നഴ്സുമാർക്കു മൂന്നു മാസത്തെ ശന്പളം അനുവദിക്കാനും ഡിസംബർ 31 വരെ ജോലിയിൽ തുടരാനുമാണു ധാരണയായിരിക്കുന്നത്. ഇതിനുശേഷം നഴ്സമാർക്കു ജോലിയിൽ തുടരുന്നതിനുള്ള കാര്യങ്ങൾ തീരുമാനിക്കുന്നതിനു വേണ്ടിയാണു യുഎൻഎ യോഗം ചേരുന്നത്. ആശുപത്രി മാനേജ്മെന്റുമായി…
Read Moreപരുന്തിനെ റാഞ്ചി ഉടമ്പ്..! പരുന്ത് റോയിയെ കുടുക്കിഉടുമ്പ് വില്പന; വിലയെ പേശിയുളള തർക്കമാണ് റോയി പിടികൂടാൻ സഹായകമായതെന്ന് പോലീസ്
കുറവിലങ്ങാട്: പരുന്ത് റോയിയെന്ന നന്പുശേരി കോളനിയിൽ ജനാർദ്ദനനും സംഘവും പോലീസ് വലയിലായത് ഉടുന്പ് വിൽപ്പനയുടെ പേരിൽ നടത്തിയ വിലതർക്കത്തിൽ. റോയിയുടെ പക്കലെത്തി ഉടുന്പിന് വില പറഞ്ഞ് ഉറപ്പിച്ച സംഘത്തിലെ ഒരാളാണ് വിവരം പോലീസിന് കൈമാറി സംഘത്തെ കുരുക്കിയത്. 1500 രൂപയാണ് റോയി ഉടുന്പിന് ആവശ്യപ്പെട്ടത്. എന്നാൽ 1000 രൂപയ്ക്ക് നൽകണമെന്ന ആവശ്യം ഉടുന്പ് വാങ്ങാനെത്തിയവർ മുന്നോട്ടുവെച്ചു. ഒടുവിൽ ഉടുവിനെ കൊലപ്പെടുത്തി ശരിയാക്കി നൽകുന്നതിനുള്ള തുക ചേർത്ത് 1500 രൂപയ്ക്ക കരാർ ഉറപ്പിച്ച് മടങ്ങി. മടക്കയാത്രയിൽതന്നെ ഉടുന്പിനെ കെട്ടിയിട്ടിരിക്കുന്നതായും അനധികൃതമായി സംഘം ചേരുന്നതായും ഇവർ പോലീസിനെ ധരിപ്പിച്ചു. വിവരമറിഞ്ഞെത്തിയ പോലീസ് ലഭിച്ച വിവരങ്ങൾ ശരിയാണെന്ന് കണ്ടെത്തി റോയിയേയും ഒപ്പമുണ്ടായിരുന്ന കാഞ്ഞിരംകുളം കോളനിയിൽ ജയനേയും അറസ്റ്റ് ചെയ്തു. റോയി തന്പടിച്ചിരുന്നത് അനധികൃതമായാണെന്ന് കണ്ടെത്തിയ നാട്ടുകാരിൽ ചിലർ ജനപ്രതിനിധികളുടെ സാന്നിധ്യത്തിൽ റോയിയുടെ സങ്കേതം തകർത്തു. ഉടുന്പുമായി ബന്ധപ്പെട്ട് പോലീസിന് വിവരം നൽകിയവർ…
Read Moreഎന്റെ പുണ്യം..! 30 വർഷം മുടങ്ങാതെ ശബരിമലയിൽ സേവനം; സ്പെഷൽ ഓഫീസറായി രണ്ടാം തവണ; ഒടുവിൽ മുപ്പതു വർഷത്തെ ഔദ്യോഗി സേവനത്തിന് ഡിസംബർ 31ന് പോലീസ് സേനയിൽ നിന്ന് പടിയിറക്കം
ശബരിമല : ശബരിമല അയ്യപ്പ സ്വാമിയെ സേവിക്കാനായത് പുണ്യമായി കരുതുന്നെന്ന് ശബരിമല സ്പെഷൽ പോലീസ് ഓഫീസർ പി. കെ. മധു. തിരുവനന്തപുരം ശ്രീ പത്മനാഭ സ്വാമി ക്ഷേത്രത്തിലെ ചീഫ് സെക്യൂരിറ്റി ഓഫീസറുടെ ചുമതലയുള്ള പി. കെ. മധു ഡിസംബർ 31 നാണ് ഒൗദ്യോഗികമായി സംസ്ഥാന പോലീസ് സേനയിൽ നിന്നും വിരമിക്കുന്നത്. ഈ തീർഥാടന കാലം ആരംഭിക്കുന്നതിന് മൂന്ന് ദിവസം മുന്പ് ശബരിമല സ്പെഷൽ ഓഫീസറായി ചുമതലയേറ്റ മധു 30 ന് മലയിറങ്ങും. ഇത് രണ്ടാം തവണയാണ് ശബരിമല പോലീസ് സേനയുടെ മുഴുവൻ ചുമതലയുള്ള സ്പെഷൽ പോലീസ് ഓഫീസറാകുന്നത്. 1987 ൽ സബ് ഇൻസ്പെക്ടറായി കേരള പോലീസിൽ പ്രവേശിച്ച മധു ആ വർഷം മുതൽ മുടങ്ങാതെ ശബരിമലയിലും പന്പയിലും സേവനത്തിന് എത്തുമായിരുന്നു. ശബരിമലയിലെ ഒരോ സേവനത്തിനു ശേഷവും തിരികെ മലയിറങ്ങുന്പോൾ മനസിനും ശരീരത്തിനും പ്രത്യേക ഉണർവ്വ് ലഭിക്കുമെന്നും അദ്ദേഹം…
Read Moreഎല്ലാം പെട്ടെന്നായിരുന്നു..! മൃഗാശുപത്രി പെട്ടെന്ന് പോലീസ് സ്റ്റേഷനായി; സംഭവം അറിഞ്ഞ നെടുങ്കണ്ടംകാര് ‘പോലീസ് സ്റ്റേഷനിലേക്ക്’ ഓടി
നെടുങ്കണ്ടം: മൃഗാശുപത്രി പെട്ടെന്ന് പോലീസ് സ്റ്റേഷനായി മാറിയത് നെടുങ്കണ്ടംകാർക്ക് കൗതുകമായി. നെടുങ്കണ്ടം മൃഗാശുപത്രി കെട്ടിടത്തിന്റെ മുന്പിൽ ജനമൈത്രി പോലീസ് സ്റ്റേഷൻ തൂക്കുപാലം എന്ന ബോർഡു തൂങ്ങിയപ്പോൾ വിവരമറിയാൻ നാട്ടുകാർ ഓടിയെത്തിയതാണ്. അപ്പോൾ മാത്രമാണ് നെപ്പോളിയൻ, നന്ദിനി എന്നിവർ നായികാ – നായകൻമാരായ ചിത്രത്തിന്റെ ഷൂട്ടിംഗിന് വേണ്ടിയാണ് ഇത്തരത്തിൽ മാറ്റം വരുത്തിയതെന്നകാര്യം നാട്ടുകാർ അറിയുന്നത്. എൽ.ആർ. സുന്ദർ സംവിധാനം ചെയ്യുന്ന ഐനാ എന്ന ചിത്രത്തിന്റെ ഷൂട്ടിംഗാണ് ഇപ്പോൾ നെടുങ്കണ്ടത്തും പരിസര പ്രദേശത്തും നടക്കുന്നത്. രാമക്കൽമേട്, ബാലൻപിള്ളസിറ്റി, തൂക്കുപാലം, കല്ലാർ, നെടുങ്കണ്ടം തുടങ്ങിയിടങ്ങളിലാണ് ഷൂട്ടിംഗ്. കേരള – തമിഴ്നാട് അതിർത്തിയിലെ അയ്യപ്പനാട്ടിൽ നടക്കുന്ന സംഭവങ്ങളാണ് ഈ ചിത്രത്തിന്റെ ഇതിവൃത്തം. ബാലൻപിള്ളസിറ്റിയാണ് അയ്യപ്പനാടായി മാറ്റിയിരിക്കുന്നത്. ഹൈറേഞ്ച് മേഖലയിൽ ഷൂട്ടിംഗ് പലയിടങ്ങളിൽ മുന്പും നടന്നിട്ടുണ്ടെങ്കിലും നെടുങ്കണ്ടം ടൗണിൽ ആദ്യമായി നടക്കുന്ന ഷൂട്ടിംഗ് കാണാൻ കഴിഞ്ഞതിലുള്ള ആവേശത്തിലാണ് നാട്ടുകാർ.
Read More27 ലക്ഷം രൂപയുമായി ചങ്ങനാശേരിയിൽ യുവാവ് പോലീസ് പിടിയിൽ; കുഴൽ രൂപത്തിലുള്ള തുണിസഞ്ചിയിൽ അരയിൽ സൂക്ഷിച്ചിരുന്ന നിലയിലാണ് പണം കണ്ടെത്തിയത്
ചങ്ങനാശേരി: 27 ലക്ഷം രൂപയുമായി ചങ്ങനാശേരിയിൽ യുവാവ് പോലീസ് പിടിയിൽ. കുഴൽ പണമെന്ന് സംശയം. ചങ്ങനാശേരി മേട്ടുംപുറം കബീർ റഹ്മാൻ (42) ആണ് അറസ്റ്റിലായത്. ചങ്ങനാശേരി നഗരത്തിൽ ഫാൻസി സ്റ്റോറും മൊബൈൽ ഷോപ്പും നടത്തുന്നയാളാണ ്കബീർ. ചെന്നൈയിൽനിന്നു പണം ശേഖരിച്ച് ജയന്തി ജനതാ എക്സ്പ്രസിൽ ചങ്ങനാശേരി റെയിൽവേ സ്റ്റേഷനിൽ വന്നിറങ്ങുന്പോഴാണ് ഇയാളെ പിടികൂടിയത്. കുഴൽ രൂപത്തിലുള്ള തുണിസഞ്ചിയിൽ അരയിൽ സൂക്ഷിച്ചിരുന്ന നിലയിലാണ് പണം കണ്ടെത്തിയത്. ഇതിനു മുകളിൽ ജീൻസും ധരിച്ചിരുന്നു. പുതിയ 2000ത്തിന്റെ നോട്ടുകെട്ടുകളാണ ്പിടിച്ചെടുത്തിരിക്കുന്നത്. ചങ്ങനാശേരിയിലും കോട്ടയത്തുമുള്ള കുഴൽപ്പണം ഇടപാടുകൾക്കായി പ്രവർത്തിക്കുന്ന ഏജന്റാണ് കബീർ എന്നാണ് പോലീസിന്റെ പ്രാഥമിക നിഗമനം. ഇന്ന് രാവിലെ ഏറ്റുമാനൂർ സ്വദേശിയായ ഒരാൾക്ക് കോട്ടയം റെയിൽവേ സ്റ്റേഷനിൽവച്ച് കുറച്ച് പണം കൈമാറിയതായി സൂചനയുണ്ട്. ഒരുമാസം രണ്ടും മൂന്നും തവണ ഇയാൾ ചെന്നൈയിൽപോയി പണം ശേഖരിച്ച് മടങ്ങാറുണ്ടെന്നും പോലീസിന് വിവരം ലഭിച്ചിട്ടുണ്ട്. അനധികൃതമായി…
Read Moreകുത്താൻ മറക്കാതിരുന്നാൽ മതി..! കേരളത്തിലെ ആദ്യത്തെ ഇ -റിക്ഷ ഇലക്ട്രീക് സർവീസ് ആയാംകുടിയിൽ; മൂന്ന് മണിക്കൂർ ചാർജ് ചെയ്താൽ ഒരു ദിവസം പൂർണമായും ഉപയോഗിക്കാം; ഡ്രൈവർ ഉൾപെടെ അഞ്ച് പേർക്ക് യാത്രചെയ്യാം
ബിജു ഇത്തിത്തറ കടുത്തുരുത്തി: കേരളത്തിലെ ആദ്യത്തെ ഇ റിക്ഷ ഇലക്ട്രിക്ക് സർവ്വീസ് ആയാംകുടിയിലെ മാംഗോ മെഡോസ് അഗ്രികൾച്ചറൽ തീ പാർക്കിൽ ഓടി തുടങ്ങി. ഇലക്ട്രിക്ക് വാഹനങ്ങൾ ഉപയോഗിക്കുന്നതിലൂടെ പെട്രോളിയം ഇന്ധനങ്ങളുടെ ഉപയോഗത്തിലൂടെയുണ്ടാകുന്ന മലിനീകരണവും ആരോഗ്യപ്രശ്നങ്ങളും ഒഴിവാക്കൻ കഴിയുമെന്നത് നേട്ടമാണെന്ന് പാർക്കിന്റെ മാനേജിംഗ് ഡയറക്യർ എൻ.കെ. കുര്യൻ പറയുന്നു. ഡൽഹി, ഹരിയാന എന്നിവടങ്ങളിൽ നിന്നുമെത്തിച്ച നാല് ഇ റിക്ഷകളാണ് ഇവിടെ ഉപയഗിക്കുന്നത്. ഇതിൽ മൂന്നെണ്ണം യാത്രക്കാർക്കായും ഒന്ന് സാധനങ്ങൾ കയറ്റിയിറക്കുന്നതിനുമാണ് ഉപയോഗിക്കുന്നത്. ഇ റിക്ഷകളുടെ പ്രവർത്തനത്തിന് പ്രത്യേകം തൊഴിലാളികളുമുണ്ട്. 1.30 ലക്ഷം രൂപയാണ് ഒരെണ്ണത്തിന്റെ വില. മൂന്ന് മണിക്കൂർ ചാർജ് ചെയ്താൽ ഒരു ദിവസം പൂർണമായും ഉപയോഗിക്കാൻ കഴിയുമെന്നത് നേട്ടമാണ്. ഡ്രൈവർ ഉൾപെടെ അഞ്ച് പേർക്ക് ഇ റിക്ഷയിൽ യാത്ര ചെയ്യാൻ കഴിയും. കേരളത്തിൽ ആദ്യമായി ഇലക്ട്രിക്കൽ ഇ റിക്ഷ പ്രവർത്തിച്ചു തുടങ്ങിയത് മാംഗോ മെഡോസിലാണെന്ന് കുര്യൻ പറയുന്നു.…
Read Moreകണ്ടു തീരുമുമ്പ് മടക്കം..! കോഴിക്കോട് നിന്നും കോട്ടയം കാണാനെത്തിയ പതിനാറുകാരനെ റെയിൽവേ പോലീസ്പൊക്കി; ചോദ്യം ചെയ്യലിൽ താൻ ഇടയ്ക്കിടെ ഇങ്ങനെ യാത്രചെയ്യാറുണ്ടെന്ന് കുട്ടി
കോട്ടയം: കാസർഗോഡ് ഉപ്പളയിൽനിന്നു കോട്ടയം റെയിൽവേ സ്റ്റേഷനിലെത്തിയ പതിനാറുകാരനെ റെയിൽവേ പോലീസ് പിടികൂടി വീട്ടുകാരെ ഏൽപ്പിച്ചു. നാടുകാണാനിറങ്ങിയതാണെന്ന് ബാലൻ പോലീസിനോട് പറഞ്ഞു. തിങ്കളാഴ്ച രാവിലെ 5.45നു കോട്ടയത്തെത്തിയ മലബാർ എക്സ്പ്രസിൽ ടിക്കറ്റില്ലാതെ യാത്രചെയ്ത പതിനാറുകാരനെ ചോദ്യം ചെയ്തപ്പോഴാണു വീടുവിട്ടു പോന്നതാണെന്ന് വ്യക്തമായത്. റെയിൽവേ എസ്ഐ ബിൻസ് ജോസഫും സീനിയൽ സിവിൽ പോലീസ് ഓഫീസർ രാജ്മോഹനും ചേർന്നു കുട്ടിയെ റെയിൽവേ പോലീസ് സ്റ്റേഷനിലേക്ക് കൂട്ടിക്കൊണ്ടുവന്നു. വിവരങ്ങൾ ചോദിച്ചപ്പോൾ ഇടയ്ക്ക് ഇങ്ങനെ നാടുകാണാൻ പോകാറുണ്ടെന്നു കുട്ടി പറഞ്ഞത്. ഏഴു മക്കളിൽ ഇളയവാണ് ബാലൻ. അച്ഛന് ടിപ്പർ സ്വന്തമായുണ്ട്. ഒരു മാസം മുൻപ് യാത്ര ബാംഗ്ലൂരിലേക്കായിരുന്നു. ഇക്കുറി കോട്ടയത്തെത്തിയപ്പോൾ റെയിൽവേ പോലീസ് പിടികൂടി. പോലീസ് സ്റ്റേഷനിൽ ബാലന് ഇഡലിയും മറ്റും വാങ്ങിക്കൊടുത്ത ശേഷം വീട്ടുകാരെ വിളിച്ചറിയിച്ചു. പിറ്റേന്ന് വീട്ടുകാരെത്തി കുട്ടിയെ കൂട്ടിക്കൊണ്ടുപോയി. തിങ്കളാഴ്ച വീട്ടുകാർ വരാൻ വൈകിയപ്പോൾ കുട്ടിയെ ജുവനൈൽ ഹോമിലേക്ക്…
Read More