നാദാപുരം:മേഖലയില് അടിക്കടി സ്ഫോടനങ്ങളും മറ്റും അരങ്ങേറുമ്പോള് ജാഗ്രത പുലര്ത്തുന്ന പോലീസിനെ വെട്ടിലാക്കി വ്യാജ ബോംബ്.വളയം സ്റ്റേഷന് പരിധിയിലെ കുറുവന്തേരി കല്ലിക്കണ്ടി പള്ളിക്കുസമീപം റോഡിലാണ് പോലീസിനെയും,ബോംബ് സ്ക്വാഡിനെയും വെട്ടിലാക്കി നാടന് ബോംബിന്റെ രൂപത്തിലുള്ള കളി ബോംബ് കണ്ടെത്തിയത്. ഞായറാഴ്ച രാവിലെ എട്ടരയോടെയാണ് ചാക്ക് നൂല് കൊണ്ട് പൊതിഞ്ഞ പൊതിച്ച തേങ്ങാ വലുപ്പമുള്ള നാടന് ബോംബെന്ന് തോന്നിപ്പിക്കുന്ന വസ്തു റോഡരികിലെ കുറ്റി ചെടികള്ക്കിടയില് കണ്ടത്.വളയം പോലീസും ബോംബ് സ്ക്വാഡ് അധികൃതരുമെത്തി കസ്റ്റഡിയിലെടുത്ത ബോംബുകള് ക്വാറിയിലെത്തിച്ച് പരിശോധിച്ചപ്പോഴാണ് പോലീസ് വെട്ടിലായത്. ചാക്ക് നൂല്, കടലാസ് എന്നിവ കൊണ്ട് പൊതിഞ്ഞ ശേഷം ഉള്ളില് കരിങ്കല് ചീളുകള് നിറച്ച നിലയിലായിരുന്നു വ്യാജ നാടന് ബോംബുകള്. കല്ലാച്ചി തെരുവന് പറമ്പിലെ വിവിധ അക്രമ സംഭവങ്ങളുടെ പശ്ചാത്തലത്തില് മേഖലയില് പോലീസ് രാപ്പകല് ഭേദമന്യേ ജാഗ്രത പുലര്ത്തുമ്പോഴാണ് പോലീസിന് ഇരട്ടിപ്പണിയായി ചിലര് ഇത്തരം പ്രവൃത്തികള് നടത്തുന്നത്.
Read MoreCategory: Kozhikode
വില്പ്പനയ്ക്കായി സ്കൂട്ടറില് കടത്തുകയായിരുന്ന വിദേശമദ്യവുമായി യുവാവ് അറസ്റ്റില്
നാദാപുരം: വില്പ്പനയ്ക്കായി സ്ക്കൂട്ടറില് കടത്തുകയായിരുന്ന വിദേശ മദ്യ ശേഖരവുമായി യുവാവ് എക്സൈസ് പിടിയിലായി. വളയം ചെറുമോത്ത് സ്വദേശി ചപ്പാരിച്ചം കണ്ടി വീട്ടില് ബാബു (48)നെയാണ് നാദാപുരം എക്സൈസ് പ്രിവന്റിവ് ഓഫീസര് തറോല് രാമചന്ദ്രന്റെ നേതൃത്വത്തിലുള്ള സംഘം പിടികൂടിയത്. ശനിയാഴ്ച്ച രാത്രി പത്തോടെവാഹന പരിശോധനയില് തൊട്ടില് പാലം പെട്രോള് പമ്പ് പരിസരത്താണ് ബാബു പിടിയിലായത്.ഇയാള് സഞ്ചരിച്ചിരുന്ന കെഎല് 18 പി 2386 നമ്പര് സ്കൂട്ടറും എക്സൈസ് സംഘം കസ്റ്റഡിയിലെടുത്തു. സ്കൂട്ടറിന്റെ ഡിക്കിയില് ഒളിപ്പിച്ചുവച്ച നിലയിലായിരുന്നു 500 എം എല്ലിന്റെ 28 കുപ്പി വിദേശ മദ്യം. വളയം ടൗണിലും പരിസര പ്രദേശങ്ങളിലും ഇയാള് വിദേശ മദ്യവില്പ്പന നടത്തിവരുന്നതായി അധികൃതര് പറഞ്ഞു.സിഇഒമാരായ കെ.ഷിരാജ്, പ്രമോദ് പുളിക്കൂല്, ഷിജില് കുമാര് എന്നിവരും സംഘത്തിലുണ്ടായിരുന്നു.
Read Moreജെസ്നയെ മലപ്പുറത്ത് കണ്ടെന്ന സംശയം; ടൂറിസം കേന്ദ്രത്തിലെ സിസിടിവിയുടെ ഹാർഡ് ഡിസ്ക് ഹൈടെക് സെൽ പരിശോധിക്കും
മലപ്പുറം: പത്തനംതിട്ടയിൽനിന്നു കാണാതായ ജെസ്നയെ മലപ്പുറം കോട്ടക്കുന്നിൽ കണ്ടതായ സംശയത്തെത്തുടർന്നു ടൂറിസം കേന്ദ്രത്തിലെ സിസിടിവി ദൃശ്യങ്ങൾ വീണ്ടെടുക്കാനായി ഹാർഡ് ഡിസ്ക് തിരുവനന്തപുരം ഹൈടെക് സെല്ലിനു കൈമാറും. പാർക്കിൽ കണ്ട പെണ്കുട്ടി ജെസ്നയല്ലെന്ന് അന്വേഷണസംഘം സ്ഥിരീകരിക്കുന്നുണ്ടെങ്കിലും വിശദമായ പരിശോധനക്കാണ് ഹാർഡ് ഡിസ്ക് കസ്റ്റഡിയിൽ എടുത്തത്. 15 ദിവസം കഴിയുന്തോറും പാർക്കിലെ സിസിടിവി ഹാർഡ് ഡിസ്ക് ചിത്രങ്ങൾ തനിയേ നഷ്ടപ്പെടും. ഇതുതിരിച്ചുപിടിക്കാനാണ് സൈബർ ഹൈടെക് സെല്ലിനെ ഏൽപ്പിക്കുന്നത്. കഴിഞ്ഞദിവസം മലപ്പുറത്തെത്തിയ അന്വേഷണസംഘം പാർക്ക് മാനേജർ, സുരക്ഷാജീവനക്കാരൻ, സമീപവാസികൾ എന്നിവരിൽ നിന്നു വിശദമായ മൊഴിയെടുത്തിരുന്നു. ചുരുണ്ട മുടിയുള്ള പെണ്കുട്ടിയേയും സുഹൃത്തുക്കളേയും മേയ് മൂന്നിന് പാർക്കിൽ കണ്ടിരുന്നെന്നും എന്നാൽ അത് ഫോട്ടോയിൽ കാണുന്ന ജസ്നയല്ലെന്നുമാണ് ഇവർ പോലീസിനോട് പറഞ്ഞത്. എന്നാൽ സിസിടിവി ദൃശ്യങ്ങൾ കൂടുതൽ പരിശോധിക്കാനാണ് പോലീസിന്റെ ശ്രമം.സംശയം തുടരുന്ന സാഹചര്യത്തിൽ പാർക്കിലെ സിസിടിവി ഹാർഡ് ഡിസ്ക് അന്വേഷണ സംഘം ഏറ്റെടുക്കുകയും ചെയ്തു.…
Read Moreകാറും ലോറിയും കൂട്ടിയിടിച്ച് ഒരു കുടുംബത്തിലെ അഞ്ചു പേര്ക്ക് പരിക്ക്; കോടഞ്ചേരി കണ്ണോത്ത് സ്വദേശികളാണ് അപകടത്തിൽപ്പെട്ടത്
മുക്കം: മുക്കം മുത്തേരിയില് കാറും ലോറിയും കൂട്ടിയിടിച്ച് ഒരു കുടുംബത്തിലെ അഞ്ച് പേര്ക്ക് പരിക്ക്. ഇന്ന് രാവിലെ എഴോടെ സ്ഥിരം അപകട മേഖലയായ മുത്തേരി അങ്ങാടിക്ക് സമീപത്തെ ഇറക്കത്തിലാണ് അപകടം. ആലുവയിലേക്ക് പോവുകയായിരുന്ന കോടഞ്ചേരി കണ്ണോത്ത് സ്വദേശികളായ മണ്ണാനിയില് മേരി, തോമസ്, ഷാജി, ജോസ്, ബേബി എന്നിവര്ക്കാണ് പരിക്കേറ്റത്. ഗുരുതരമായി പരിക്കേറ്റ ജോസിനെ കോഴിക്കോട് മെഡിക്കല് കോളജിലും മറ്റുള്ളവരെ ഓമശേരിയിലെ സ്വകാര്യ ആശുപത്രിയിലും പ്രവേശിപ്പിച്ചു.ഓമശേരി ഭാഗത്ത് നിന്ന് വന്ന കാറില് മുക്കം ഭാഗത്ത് നിന്ന് വന്ന ലോറി ഇടിക്കുകയായിരുന്നു. ഇടിയുടെ ആഘാതത്തില് ലോറി വട്ടം തിരിഞ്ഞ് റോഡില് എതിര്ദിശയിലേക്ക് മാറിയതായി ദൃക്സാക്ഷികള് പറഞ്ഞു. മുത്തേരിയില് വാഹന അപകടങ്ങള് പതിവാണ്. കഴിഞ്ഞ ആഴ്ച മലയമ്മ സ്വദേശി ഇവിടെ അപകടത്തില്പ്പെട്ട് മരിച്ചിരുന്നു. അഞ്ച് വര്ഷത്തിനിടെ അഞ്ചിലധികം ആളുകള് മരണപ്പെടുകയും പത്തോളം പേര്ക്ക് ഗുരുതരമായി പരിക്കേല്ക്കുകയും ചെയ്തിട്ടുണ്ട്.
Read Moreമേയറേ എന്തെങ്കിലുമൊന്ന് ചെയ്യുമോ…തെരുവുനായ ശല്യത്തിൽ വലഞ് ബിഎസ്എൻഎൽ ജീവനക്കാർ; കഴിഞ്ഞ ദിവസം രണ്ട് ജീവനക്കാർക്ക് പരിക്കേറ്റു; നായശല്യം ഒഴിവാക്കാൻ മേയർക്ക് ഹർജി നൽകി ജീവനക്കാർ
കോഴിക്കോട്: തെരുവുനായ്കളെ പേടിക്കാതെ എന്നാണ് ഞങ്ങൾക്ക് ജോലിക്ക് വരാൻ സാധിക്കുക? തെരുവുനായകളുടെ കടിയേൽക്കാതെ ജോലിക്ക് ഹാജരാകാൻ വേണ്ടി മേയർക്ക് എന്തെങ്കിലും ചെയ്യാൻ കഴിയുമോ? ചോദിക്കുന്നത് ആനിഹാൾ റോഡിന് സമീപത്തെ ബിഎസ്എൻഎൽ ഓഫീസ് ജീവനക്കാരാണ്. ആനിഹാൾ റോഡിലും പരിസര പ്രദേശങ്ങളിലും തെരുവുനായ ശല്യം രൂക്ഷമായതോടെ പ്രദേശവാസികൾ വലിയ ഭീഷണിയാണ് നേരിടുന്നത്. കഴിഞ്ഞ ദിവസങ്ങളിൽ ബിഎസ്എൻഎൽ ഓഫീസിലെ രണ്ടു ജീവനക്കാർക്കാണ് തെരുവുനായയുടെ ആക്രമണത്തിൽ പരിക്കേറ്റത്. നായശല്യം സഹിക്കാൻ കഴിയാത്ത അവസ്ഥയിലെത്തിയപ്പോഴാണ് ബിഎസ്എൻഎൽ ജീവനക്കാർ മേയർക്ക് പരാതി നൽകാൻ തീരുമാനിച്ചത്. തെരുവുനായ ശല്യത്തിൽ നിന്ന് തങ്ങളെ മോചിപ്പിക്കണമെന്ന് ആവശ്യപ്പെട്ടാണ് മേയർക്ക് ജീവനക്കാർ ഹർജി നൽകിയത്. വയനാട് കോഴിക്കോട് ജില്ലകളിലെ ടെലികോം റവന്യൂ സംബന്ധമായ പ്രശ്നപരിഹാരത്തിന് നിരവധി പേർ എത്തുന്ന ഓഫീസാണ് ആനിഹാൾ റോഡിലെ ബിഎസ്എൻഎൽ ഓഫീസ്. കൂടാതെ കസ്റ്റമർകെയർ സർവീസും ടെലിഫോൺ എക്സ്ചേഞ്ചും ഇവിടെ പ്രവർത്തിക്കുന്നതിനാൽ ദിവസവും നിരവധി പേരാണ് ഇവിടെ…
Read More“കുട നിവര്ത്തി ബൈക്കില് പോകരുത്’; മഴക്കാലത്ത് അപകടങ്ങള് കുറയ്ക്കാന് സോഷ്യല് മീഡിയയിൽ പോലീസ് പ്രചാരണം
കോഴിക്കോട്: മഴക്കാലത്ത് റോഡുകളെല്ലാം അപകടക്കെണികളൊരുക്കി കാത്തിരിക്കുമ്പോഴും പരസ്യമായ നിയമലംഘനങ്ങള് കൂടുന്നു. മോട്ടോര് വാഹനവകുപ്പും ട്രാഫിക് പോലീസും അപകടങ്ങള് കുറയ്ക്കാന് കിണഞ്ഞു പരിശ്രമിച്ചിട്ടും കാര്യമായ ഫലം ഉണ്ടാകാത്ത സാഹചര്യത്തില് സോഷ്യല് മീഡിയവഴി ബോധവല്ക്കരണം നടത്തുകയാണ് സിറ്റി ട്രാഫികോ പോലീസ് . മഴയത്ത് ബൈക്കില് കുടചൂടി മാതാപിതാക്കളും കൊച്ചുകുട്ടിയും സഞ്ചരിക്കുന്ന ചിത്രമാണ് ട്രാഫിക് പോലീസ് ബോധവല്കരണത്തിന്റെ ഭാഗമായി പ്രചരിപ്പിക്കുന്നത്. “പ്രിയതമയുടെയും കുട്ടിയുടെയും ജീവന് പണയപ്പെടുത്തി കുട നിവര്ത്തിയുള്ള യാത്ര എങ്ങോട്ട്, ഇവരെ എങ്ങിനെ ബോധവത്ക്കരിക്കും’ എന്ന ചോദ്യം ഉള്പ്പെടെയാണ് ചിത്രം പോസ്റ്റ് ചെയ്തിരിക്കുന്നത്. ഒറ്റക്കാഴ്ചയില് തന്നെ വരാനിരിക്കുന്ന വലിയ അപകടം മനസിലാക്കിതരുന്ന ചിത്രം ഇതിനകം നിരവധി പേര് ഷെയര് ചെയ്തുകഴിഞ്ഞു. ട്രാഫിക് അസി. കമ്മീഷണർമാരായ പി.കെ.രാജുവും എം.സി.ദേവസ്യയുമാണ് ഈ പ്രചാരണത്തിനു പിന്നിൽ. മഴക്കോട്ടുകള് ഉപയോഗിക്കാതെ കുട നിവര്ത്തി ബൈക്കില് പോകുന്നത് പതിവുകാഴ്ചയായതോടെയാണ് ചിത്രം. നിസാരമായ കാറ്റുണ്ടായാല്പോലും ഈ യാത്ര…
Read Moreമാതൃകറോഡ് വികസനത്തിന്റെ ഭാഗമായി സ്ഥാപിച്ച നഗരത്തിലെ വേസ്റ്റ്ബിന്നുകള് കാണാതാകുന്നു; പിന്നില് മോഷ്ടാക്കളെന്ന് സംശയം
കോഴിക്കോട്: മാതൃകറോഡ് വികസനത്തിന്റെ ഭാഗമായി വിദേശമാതൃകയില് ഡിവൈഡറുകള്ക്കു മുകളില് സ്ഥാപിച്ച ആന്റിഗ്ലയര് നശിപ്പിച്ചതിനു തൊട്ടുപിന്നാലെ ബസ്റ്റോപ്പുകളില് സ്ഥാപിച്ച വേസ്റ്റ്ബിന്നുകളും അപ്രത്യക്ഷമാകുന്നു. മാതൃകറോഡ് വികസനത്തിന്റെ ഭാഗമായി സ്ഥാപിച്ച ബസ്സ്റ്റോപ്പുകളിലെ വേസ്റ്റ്ബിന്നുകളാണ് കാണാതാകുന്നത്. കോഴിക്കോട് നഗരത്തിലെ എരഞ്ഞിപ്പാലം -അരിയിടത്തുപാലം ബൈപ്പാസ് റോഡിലെ രണ്ടു ബസ്റ്റോപ്പുകളില് സ്ഥാപിച്ച വേസ്റ്റ്ബിന്നുകളാണ് കാണാതായത്. കരുണ സ്പീച്ച് ആന്ഡ് ഹിയറിംഗ് ഹയര്സെക്കന്ഡറി സ്കൂളിനു മുന്നിലെ ബസ് സ്റ്റോപ്പിലെ വേസ്റ്റ്ബിന് കഴിഞ്ഞ ദിവസമാണ് മോഷണം പോയത്. വേസ്റ്റ്ബിന് ഇല്ലാതായതോടെ മാലിന്യങ്ങള് ബസ് കാത്തിരിപ്പു കേന്ദ്രത്തിനു സമീപത്ത് വലിച്ചെറിയപ്പെട്ട നിലയിലാണുള്ളത്. ഫൂട്പാത്തിലും മറ്റും മാലിന്യങ്ങള് വലിച്ചെറിയുന്നതോടെ ഇതുവഴി നടന്നുപോകാന്പോലും പറ്റാത്ത അവസ്ഥയാണുള്ളത്. സരോവരം പാലത്തിനു സമീപത്തും ഇത്തരത്തില് ബസ്സ്റ്റോപ്പില് സ്ഥാപിച്ച വേസ്റ്റ്ബിന് കാണാതായിട്ടുണ്ട്. ഇവിടെയും മാലിന്യങ്ങള് പരന്നുകിടക്കുകയാണ്. വേസ്റ്റ്ബിന്നുകള് കാണാതാകുന്നത് സംബന്ധിച്ചു പോലീസിനും ഇതുവരെയും വിവരങ്ങള് ലഭിച്ചിട്ടില്ല. രാത്രി പട്രോളിംഗും മറ്റും കര്ശനമായി തുടരുന്നതിനിടെയാണ് ഇവ മോഷണം പോകുന്നതെന്നതും…
Read Moreനോമ്പ് നോറ്റതിന് പിതാവ് നൽകിയ തുക നിരാലംബർക്ക്: അഭിമാനമായി റിച്ചു മോൻ
മുക്കം: റിസ്വിൻ (റിച്ചുമോൻ)എന്ന ഏഴാം ക്ലാസുകാരൻ ഇക്കഴിഞ്ഞ റംസാൻ മാസത്തിൽ മുഴുവൻ നോമ്പും നോറ്റാൽ ഒരു ഗിയർ സൈക്കിൾ വാങ്ങിത്തരുമോയെന്ന് ചോദിച്ചപ്പോൾ പെരുന്നാൾ കഴിഞ്ഞ് സൈക്കിൾ വാങ്ങി നൽകാമെന്ന് ഉപ്പ അബ്ദുൽ ഗഫൂർ ഉറപ്പ് നൽകി . അതിനിടയ്ക്കാണ് മലയോര മേഖലയിൽ ശക്തമായ ഉരുൾപൊട്ടലും വെള്ളപൊക്കവുമുണ്ടാവുന്നത്. ഈ സന്ദർഭത്തിൽ മുക്കം മണാശേരിയിലെ നിരാലംബരും പരസഹായമില്ലാതെ പ്രാഥമിക കൃത്യം പോലും ചെയ്യാൻ സാധിക്കാതെ അപൂർവ രോഗം ബാധിച്ച് ചികിത്സയിൽ കഴിയുന്ന കപ്പടച്ചാലിൽ ചന്ദ്രന്റേയും സഹോദരങ്ങളുടേയും പരിചരണത്തിനായി ഗഫൂറും മകനും അവിടെ എത്തുന്നത്. സ്ഥിരമായി ഇവരെ പരിചരിച്ചിരുന്ന എന്റെ മുക്കം സന്നദ്ധ സേനയിൽ പെട്ടവർ ഉരുൾപൊട്ടൽ ദുരിതാശ്വാസ പ്രവർത്തനത്തിൽ ഏർപ്പെട്ടപ്പോൾ ഈ സദ് പ്രവൃത്തി ഗഫൂർ ഏറ്റെടുക്കുകയായിരുന്നു. സഹായത്തിന് മകനേയും കൂട്ടി. ചന്ദ്രനെ പരിചരിക്കാൻ രണ്ടുപേർ നിർബന്ധമാണ്. അത് കൊണ്ടാണ് ഗഫൂർ മകൻ റിച്ചുമോനെ കൂട്ടിയത്. ചന്ദ്രന്റെ കുടുംബത്തിന്റെ ഈ…
Read Moreജെസ്നയുടെ തിരോധാനം: കോട്ടക്കുന്ന് പാർക്കിൽ വീണ്ടും പോലീസ് സംഘമെത്തി
മലപ്പുറം: മുക്കൂട്ടുതറ കൊല്ലമുളയിൽനിന്നു കാണാതായ ജെസ്ന മരിയ ജയിംസിനു വേണ്ടിയുള്ള അന്വേഷണം വീണ്ടും മലപ്പുറത്തേക്ക്. പത്തനംതിട്ട വെച്ചൂചിറ പോലീസ് മലപ്പുറം കോട്ടക്കുന്ന് ടൂറിസം പാർക്കിൽ വീണ്ടുമെത്തി. മേയ് മൂന്നിലെ സിസിടിവി ദൃശ്യങ്ങൾ വീണ്ടെടുക്കാൻ ശ്രമിക്കും. പാർക്കിനോടു ചേർന്നുള്ള കടകളിലെ സിസിടിവി ദൃശ്യങ്ങളും പരിശോധിക്കുമെന്നും പോലീസ് പറഞ്ഞു. മേയ് മൂന്നിന് മലപ്പുറം കോട്ടക്കുന്ന് ടൂറിസം പാർക്കിൽ ജെസ്നയെന്നു സംശയിക്കുന്നയാളും മറ്റൊരു പെണ്കുട്ടിയും എത്തിയെന്ന വിവരത്തെത്തുടർന്നു അന്വേഷണസംഘം വെള്ളിയാഴ്ച മലപ്പുറത്തെത്തിയിരുന്നു. ജസ്നയാണെന്ന് സംശയിക്കുന്ന ഒരു ഫോട്ടോ സംഘത്തിന് ലഭിച്ചിരുന്നു. എന്നാൽ, പിന്നീട് ഈ ഫോട്ടോയിൽ ജെസ്നയല്ലെന്നു സ്ഥിരീകരിച്ചു. സിസിടിവി ദൃശ്യങ്ങളിൽ ഒന്നും ജെസ്നയെന്നു കരുതുന്ന പെണ്കുട്ടിയെ കാണാനില്ലെന്നും പാർക്ക് മാനേജരും വെളിപ്പെടുത്തിയിരുന്നു.
Read Moreമഴ കനത്തതോടെ വടകര സിവിൽ സ്റ്റേഷനിലെ കൃഷി ഓഫീസ് ചോർന്നൊലിക്കുന്നു; വെള്ളം കയറിയതോടെ ഓഫീസ് പ്രവർത്തനം താറുമാറായി
വടകര: മഴ കനത്തതോടെ സിവിൽ സ്റ്റേഷനിലെ ഓഫീസുകൾ ചോർന്നൊലിക്കുന്നു. മൂന്നാം നിലയിലെ കൃഷിഭവൻ, വിത്ത് തേങ്ങ സംഭരണ ഓഫീസ്, സ്റ്റാറ്റിസ്റ്റിക്സ് ഓഫീസ്, കൃഷിവകുപ്പ് ടെക്നിക്കൽ അസി.ഡയറക്ടർ ഓഫീസ് എന്നിവിടങ്ങളിലാണ് കോണ്ക്രീറ്റ് ചോർന്ന് വെള്ളം കയറിയത്. മൂന്നാം നിലയിൽ ചോർച്ച തടയുന്നതിന് ഷീറ്റ് സ്ഥാപിക്കാൻ സണ്ഷേഡ് അടർത്തിമാറ്റിയതാണ് ഓഫീസിനുള്ളിലേക്ക് വെള്ളം കയറാൻ ഇടയാക്കിയത്. കെട്ടിടത്തിന് മുകളിൽ നിന്നു പുറത്തേക്ക് വെള്ളം പോകാനുള്ള പൈപ്പുകൾ പൊട്ടിയതും പ്രശ്നമായി. ഓഫീസിലാകെ വെള്ളം കയറിയതോടെ ജീവനക്കാർ ബുദ്ധിമുട്ടുകയാണ്. ഓഫീസുകളിലെ നെറ്റ് വർക്ക് സംവിധാനം പാടെ നിലച്ചിരിക്കുകയാണ്. ചുമരുകളിൽ കൂടി വെള്ളം ഒലിച്ചിറക്കുന്നത് വൈദ്യുതി മൂലമുണ്ടാകുന്ന അപകടത്തിന് കാരണമായേക്കുമെന്ന ആശങ്കയിലാണ് ജീവനക്കാർ. തഹസിൽദാർ പൊതുമരാമത്ത് അധികൃതർക്ക് പരാതി നൽകിയെങ്കിലും പരിഹാരമൊന്നും ആയിട്ടില്ല.
Read More