ഗ്യാ​സ് സി​ലി​ണ്ട​ർ ചോ​ർ​ന്നു, ഓഫീസുകളിൽ നിന്നും വീടുകളിൽ നിന്നും ഇറങ്ങിയോടി  ആളുകൾ;  ഭീ​തി​ വിട്ടുമാറാതെ പു​തു​ക്കാ​ട് നഗരവാസികൾ

പു​തു​ക്കാ​ട്: വാ​ഹ​ന​ത്തി​ൽ കൊ​ണ്ടു​പോ​യി​രു​ന്ന ഗ്യാ​സ് സി​ലി​ണ്ട​ർ ചോ​ർ​ന്ന​തു പ​രി​ഭ്രാ​ന്തി പ​ര​ത്തി. ഇ​ന്ന​ലെ ഉ​ച്ച​യ്ക്കു 12 മ​ണി​യോ​ടെ ദേ​ശീ​യ​പാ​ത​യി​ൽ പു​തു​ക്കാ​ട് പ​ഞ്ചാ​യ​ത്ത് ഓ​ഫീ​സി​ന് എ​തി​ർ​വ​ശ​ത്താ​ണ് സം​ഭ​വം.ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ന്‍റെ കൊ​ച്ചി​യി​ലെ പ്ലാ​ന്‍റി​ൽ​നി​ന്നു പാ​ല​ക്കാ​ട്ടേ​ക്കു പോ​യി​രു​ന്ന വാ​ഹ​ന​ത്തി​ലെ കം​പ്ര​സ്ഡ് നാ​ച്വ​റ​ൽ ഗ്യാ​സ് (സി​എ​ൻ​ജി) സി​ലി​ണ്ട​റാ​ണ് ചോ​ർ​ന്ന​ത്.

400 കി​ലോ സി​എ​ൻ​ജി​യാ​ണ് ടെ​ന്പോ​യി​ൽ ഉ​ണ്ടാ​യി​രു​ന്ന​ത്. സി​ലി​ണ്ട​റു​ക​ൾ ഘ​ടി​പ്പി​ച്ചി​രു​ന്ന വാ​ൽ​വി​ൽ ചോ​ർ​ച്ച​യു​ണ്ടാ​വു​ക​യാ​യി​രു​ന്നു.വ​ലി​യ ശ​ബ്ദ​ത്തി​ൽ ചോ​ർ​ച്ച വ​ന്ന​യു​ട​നെ സ​മീ​പ​ത്തു​ള്ള പ​ഞ്ചാ​യ​ത്ത് ഓ​ഫീ​സ്, ട്ര​ഷ​റി, ബാ​ങ്കു​ക​ൾ, ആ​ശു​പ​ത്രി എ​ന്നി​വി​ട​ങ്ങ​ളി​ലു​ള്ള​വ​ർ പു​റ​ത്തേ​ക്കി​റ​ങ്ങി ഓ​ടി​ര​ക്ഷ​പ്പെ​ട്ടു.

പാ​ട​ത്തും പ​റ​ന്പി​ലൂ​ടെ​യു​മാ​ണു ജീ​വ​ന​ക്കാ​ർ ഓ​ടി​യ​ത്. സ്ഥ​ല​ത്തെ​ത്തി​യ പു​തു​ക്കാ​ട് പോ​ലീ​സ് മ​റ്റു​ള്ള സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രെ ഒ​ഴി​പ്പി​ച്ചു.അ​ര​മ​ണി​ക്കൂ​റോ​ളം ആ​ളു​ക​ൾ ഭീ​തി​യി​ലാ​യി. ചോ​ർ​ച്ച അ​ട​യ്ക്കു​ന്ന​തു​വ​രെ ദേ​ശീ​യ​പാ​ത​യു​ടെ ഇ​രു​ഭാ​ഗ​ത്തും വാ​ഹ​ന ഗ​താ​ഗ​തം പോ​ലീ​സ് ത​ട​ഞ്ഞി​രു​ന്നു.

പു​തു​ക്കാ​ടു​നി​ന്നും ഫ​യ​ർ​ഫോ​ഴ്സ് ഉ​ദ്യോ​ഗ​സ്ഥ​ർ എ​ത്തി​യാ​ണ് ഗ്യാ​സ് സി​ലി​ണ്ട​റി​ന്‍റെ വാ​ൽ​വ് മു​റു​ക്കി ചോ​ർ​ച്ചയ​ട​ച്ച​ത്. തുടർന്നു വാ​ഹ​നം ആ​ളൊ​ഴി​ഞ്ഞ പ്ര​ദേ​ശ​ത്തേ​ക്കു മാ​റ്റി.ഫ​യ​ർ​ഫോ​ഴ്സി​ലെ സീ​നി​യ​ർ ഓ​ഫീ​സ​ർ എം. ​പ്ര​ശാ​ന്ത്, ഓ​ഫീ​സ​ർ​മാ​രാ​യ കെ.​ആ​ർ. സു​ജി​ത്, അ​ഭി​ജി​ത്, ര​ഞ്ജി​ത്ത്, പു​തു​ക്കാ​ട് സി​ഐ ഉ​ണ്ണി​കൃ​ഷ്ണ​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ചോ​ർ​ച്ച അ​ട​ച്ച​ത്.

പ​ഞ്ചാ​യ​ത്തം​ഗ​ങ്ങ​ളാ​യ സെ​ബി കൊ​ടി​യ​ൻ, സി.​സി. സോ​മ​ൻ, ബി​ജെ​പി നേ​താ​ക്ക​ളാ​യ ബേ​ബി കീ​ടാ​യി, വി​ജു ത​ച്ചം​കു​ളം എ​ന്നി​വ​രും സ്ഥ​ല​ത്തെ​ത്തി​യി​രു​ന്നു.

മു​ൾ​മു​ന​യി​ൽ അ​ര​മ​ണി​ക്കൂ​ർ, പരക്കംപാഞ്ഞ് നാട്ടുകാർ
പു​തു​ക്കാ​ട്: പു​തു​ക്കാ​ട് ടൗ​ണ്‍ അ​ക്ഷ​രാ​ർ​ത്ഥ​ത്തി​ൽ വി​റ​ച്ചു​പോ​യ നി​മി​ഷ​ങ്ങ​ളാ​യി​രു​ന്നു അ​ത്. ദേ​ശീ​യ​പാ​ത​യി​ൽ ഓ​ടി​ക്കൊ​ണ്ടി​രു​ന്ന ടെന്പോയി​ൽ​നി​ന്ന് വ​ലി​യ ശ​ബ്ദ​ത്തോ​ടെ പു​ക​രൂ​പ​ത്തി​ൽ വാ​ത​കം പു​റ​ത്തേ​ക്കൊ​ഴു​കി പ​ര​ന്ന​തോ​ടെ നാ​ട്ടു​കാ​ർ ജീ​വ​നും​കൊ​ണ്ട് പ​ര​ക്കം പാ​ഞ്ഞു.

ഓ​ഫീ​സു​ക​ളി​ൽ ജോ​ലി ചെ​യ്തി​രു​ന്ന​വ​ർ ദേ​ശീ​യ​പാ​ത​യ്ക്കു സ​മീ​പ​ത്തെ പാ​ട​ങ്ങ​ളി​ലൂ​ടെ​യും പ​റ​ന്പു​ക​ളി​ലൂ​ടെ​യും ഇ​റ​ങ്ങി​യോ​ടി.സി​ലി​ണ്ട​റു​ക​ൾ നി​റ​ഞ്ഞ വാ​ഹ​ന​ത്തി​ൽ​നി​ന്നു ചോ​രു​ന്ന വാ​ത​കം എ​ന്താ​ണെ​ന്ന് ആ​ദ്യം തി​രി​ച്ച​റി​യാ​നാ​യി​ല്ല. അ​തോ​ടെ സ്ഥ​ല​ത്തെ​ത്തി​യ പോ​ലീ​സ് സ​മീ​പ​ത്തെ കെ​ട്ടി​ട​ങ്ങ​ളി​ൽ​നി​ന്നും ആ​ളു​ക​ളെ ഒ​ഴി​പ്പി​ച്ചു.

ദേ​ശീ​യ​പാ​ത​യി​ൽ ഇ​രു​വ​ശ​ങ്ങ​ളി​ലാ​യി പോ​ലീ​സ് ഗ​താ​ഗ​തം ത​ട​ഞ്ഞു.ഫ​യ​ർ​ഫോ​ഴ്സ് എ​ത്തി​യാ​ണ് വാ​ത​കം തി​രി​ച്ച​റി​ഞ്ഞ​ത്. തു​ട​ർ​ന്ന​ു ര​ക്ഷാ​പ്ര​വ​ർ​ത്ത​നം ഏ​റ്റെ​ടു​ത്തു. അ​ര​മ​ണി​ക്കൂ​റെ​ടു​ത്തു ചോ​ർ​ച്ച​യ​ട​ച്ച​പ്പോ​ൾ എ​ങ്ങും ആ​ശ്വാ​സം.400 കി​ലോ വ​രു​ന്ന സി​എ​ൻ​ജി സി​ലി​ണ്ട​റു​ക​ളി​ൽ​നി​ന്നു​ള്ള പൈ​പ്പു​ക​ൾ ഘ​ടി​പ്പി​ച്ച ഒ​റ്റ പൈ​പ്പി​ലാ​ണ് ചോ​ർ​ച്ച​യു​ണ്ടാ​യ​ത്.

പു​റ​ത്തേ​ക്കൊ​ഴു​കി പ​ര​ന്ന പു​ക​മൂ​ലം വാ​ഹ​നം​പോ​ലും കാ​ണാ​നാ​വാ​ത്ത സ്ഥി​തി​യി​ലാ​ണ് അ​ഗ്നി​ര​ക്ഷാ​സേ​ന​യെ​ത്തി​യ​ത്. വാ​ഹ​ന​ങ്ങ​ളി​ൽ ഇ​ന്ധ​ന​മാ​യി ഉ​പ​യോ​ഗി​ക്കു​ന്ന സി​എ​ൻ‌​ജി പാ​ച​ക​വാ​ത​കം പോ​ലെ പെ​ട്ടെ​ന്നു തീ​പി​ടി​ക്കി​ല്ലെ​ങ്കി​ലും അ​ഗ്നി​ബാ​ധ​യു​ണ്ടാ​യാ​ൽ സ്ഥി​തി ഗു​രു​ത​ര​മാ​കും. പെ​ട്ടെ​ന്നു നി​യ​ന്ത്രി​ക്കാ​നും ബു​ദ്ധി​മു​ട്ടാ​ണ്.