കാസര്ഗോഡ്: മെംബര്മാരുടെ പേരില് ഇല്ലാത്ത സ്വര്ണം പണയം വച്ച് സഹകരണസംഘം സൊസൈറ്റി സെക്രട്ടറിയായ സിപിഎം നേതാവ് തട്ടിയത് 4,75,99,907 കോടി രൂപ. സിപിഎം നിയന്ത്രണത്തില് മുള്ളേരിയയില് സ്ഥിതിചെയ്യുന്ന കാറഡുക്ക അഗ്രികള്ച്ചറിസ്റ്റ് വെല്ഫെയര് കോ-ഓപ്പറേറ്റീവ് സൊസൈറ്റിയിലാണ് വന് തട്ടിപ്പ് അരങ്ങേറിയത്. സംഭവത്തില് സൊസൈറ്റി സെക്രട്ടറിയം സിപിഎം മുള്ളേരിയ ലോക്കല് കമ്മിറ്റിയംഗവുമായ കാറഡുക്ക കര്മംതൊടിയിലെ കെ.രതീശനെതിരേ ജാമ്യമില്ലാവകുപ്പ് ചുമത്തി ആദൂര് പോലീസ് കേസെടുത്തു. ഇയാള് ഒളിവിലാണ്. കേസ് ഉടന് ജില്ലാ ക്രൈംബ്രാഞ്ചിന് കൈമാറും. സൊസൈറ്റി പ്രസിഡന്റ് ബെള്ളൂര് കിന്നിങ്കാറിലെ കെ.സൂപ്പി നല്കിയ പരാതിയിലാണ് കേസെടുത്തത്. ഈവര്ഷം ജനുവരി മുതല് നാലുമാസം കൊണ്ടാണ് ഇത്രയും വലിയ തുക തട്ടിയെടുത്തത്. സഹകരണവകുപ്പിന്റെ പരിശോധനയിലാണ് ക്രമക്കേട് കണ്ടെത്തിയത്. കാറഡുക്ക, ബെള്ളൂര് പഞ്ചായത്തുകള് കേന്ദ്രീകരിച്ച് 10 വര്ഷം മുമ്പാണ് ഈ സഹകരണസംഘം പ്രവര്ത്തനം ആരംഭിച്ചത്. തുക തിരിച്ചുപിടിക്കാനായില്ലെങ്കില് ഈ സ്ഥാപനത്തിന്റെ നിലനില്പുതന്നെ അപകടത്തിലാകുമെന്നതിനാല് ഇടപാടുകാര് ആശങ്കയിലാണ്.
Read MoreCategory: Edition News
വാട്ടർ തീം പാർക്കിൽ യുവതിയെ കയറിപ്പിടിച്ച പ്രഫസർ അറസ്റ്റിൽ
തളിപ്പറമ്പ്: വിസ്മയ വാട്ടർ തീം പാർക്കിൽ 22 കാരിയെ കയറിപ്പിടിച്ച കേന്ദ്രസർവകലാശാല ഇംഗ്ലീഷ് വിഭാഗം പ്രഫസർ അറസ്റ്റിൽ. പഴയങ്ങാടി മാടായി എരിപുരത്തെ ഇഫ്തിക്കർ അഹമ്മദാ (51) ണ് പിടിയിലായത്. ഇന്നലെ ഉച്ചകഴിഞ്ഞ് മൂന്നോടെയാണ് സംഭവം. പ്രഫസർ കുടുംബസമേതമാണ് വിസ്മയ പാർക്കിൽ ഉല്ലാസത്തിനെത്തിയത്. മലപ്പുറം സ്വദേശിനിയായ യുവതിയും കുടുംബസമേതമാണ് വന്നത്. വേവ് പൂളിൽ വച്ച് ഇഫ്തിക്കർ അഹമ്മദ് യുവതിയെ കയറിപ്പിടിക്കുകയായിരുന്നു. ഇവർ ബഹളം വച്ചതോടെ പാർക്ക് അധികൃതർ പോലീസിനെ വിവരം അറിയിച്ചു. സ്ത്രീകൾക്കെതിരേയുള്ള അതിക്രമം തടയൽ നിയമപ്രകാരമാണ് കേസ്. കോടതിയിൽ ഹാജരാക്കിയ ഇയാളെ രണ്ടാഴ്ചത്തേക്ക് റിമാൻഡ് ചെയ്തു.
Read Moreഹരിഹരന്റെ വീടിനുനേരേ ബോംബേറ്: പ്രതികളെക്കുറിച്ച് പോലീസിനു സൂചന; വാഹനങ്ങള് തിരിച്ചറിഞ്ഞു
കോഴിക്കോട്: ആര്എംപി നേതാവ് കെ.എസ്. ഹരിഹരന്റെ വീടിനുനേരേ ബോംബെറിഞ്ഞ സംഭവത്തില് അ്രകമികള് സഞ്ചരിച്ച വാഹനങ്ങള് പോലീസ് തിരിച്ചറിഞ്ഞു. പ്രതികളെക്കുറിച്ച് പോലീസിനു സൂചന ലഭിച്ചിട്ടുണ്ട്. ചുവന്ന കാറിലും ഇരുചക്ര വാഹനങ്ങളിലുമാണ് അക്രമികള് എത്തിയത്. ഇതുമായി ബന്ധപ്പെട്ട് രണ്ടു കേസുകള് രജിസ്റ്റര് ചെയ്തിട്ടുണ്ട്. ഏതാനും പേരെ പോലീസ് ചോദ്യം ചെയ്തതായാണ് സൂചന. കഴിഞ്ഞ ദിവസം രാത്രി എട്ടരയ്ക്കാണ് മലപ്പുറം തേഞ്ഞിപ്പലം ഒലിപ്രം കടവിനടുത്ത ഹരിഹരന്റെ വീട്ടിലേക്ക് ബോംബേറുണ്ടായത്.ബൈക്കിലെത്തിയ രണ്ടുപേര് സ്ഫോടക വസ്തു എറിയുകയായിരുന്നു. ഗേറ്റിനു മുകളിലാണ് സ്ഫോടകവസ്തു വീണ് പൊട്ടിയത്. അപ്പോള് ഹരിഹരനും കുടുംബവും ഭാര്യാ സഹോദരനും രാഷ്ട്രീയ നിരീക്ഷകനുമായ ഡോ. ആസാദും വീട്ടിലുണ്ടായിരുന്നു. ആർക്കും പരിക്കേറ്റില്ല. ഇന്നു രാവിലെ ബോംബ് സ്ക്വാഡ് സ്ഥലത്തെത്തി പരിശോധന നടത്തി. എറിഞ്ഞത് നാടന് ബോംബാണെന്നാണ് പ്രാഥമിക നിഗമനം. സംഭവ സ്ഥലത്തുനിന്ന് ബോംബിന്റെ അവശിഷ്ടങ്ങള് പോലീസ് ശേഖരിച്ച് വിശദമായ പരിശോധനയ്ക്ക് അയച്ചിട്ടുണ്ട്. വടകരയില് നിന്നുള്ള…
Read Moreകേരളം വെന്ത് ഉരുകുമ്പോള് ചൂടറിയാതെ സലിൻ വയലത്തലയുടെ വീട്
കോന്നി: ചുട്ടുപൊള്ളുന്ന അന്തരീക്ഷത്തിലും ഈ വീട്ടിൽ ചൂട് അറിയില്ല. കോന്നി മങ്ങാരം വയലത്തല വീട്ടിൽ സലിലിനും കുടുംബത്തിനുമാണ് പ്രകൃതി ഒരുക്കിയ കവചം ആശ്വാസം ഏകിയത്. കേരളം വെന്ത് ഉരുകുമ്പോള് ഈ വീടും പരിസരവും തികച്ചും പ്രകൃതിയുടെ തണലിലാണ്. പ്രകൃതിയോട് ഇടപഴകിയ അന്തരീക്ഷമാണ് വലയത്തല വീടിനുള്ളത്. പ്രകൃതി സംരക്ഷണത്തിന് വേണ്ടി ഉഴിഞ്ഞുവച്ച ജീവിതമാണ് ഈ വീട്ടുടമ സലിൽ വയലത്തലയുടേത്. കോന്നി മങ്ങാരം മാർക്കറ്റ് റോഡിലാണ് വീട് സ്ഥിതി ചെയ്യുന്നത്.അന്പതിലേറെ വർഷങ്ങളുടെ പഴക്കമുള്ള വൻ വൃക്ഷങ്ങൾ ഉൾപ്പെടെ സലിലിന്റെ വീട്ടു പരിസരത്തുണ്ട്. 50ലധികം വൃക്ഷങ്ങളും കാട്ടുവള്ളികളും പടർന്നു കിടക്കുന്ന അടിക്കാടുകളും വീടിനു കുളിർമയേകുന്നു. വൃക്ഷങ്ങൾക്കു ചുവട്ടിലെ കരീലക്കൂട്ടങ്ങളും വൃക്ഷങ്ങളിൽ കൂടു കുട്ടിയിരിക്കുന്ന പക്ഷിക്കൂട്ടങ്ങളുമെല്ലാം ചേരുന്പോൾ ഒരു വന സൗന്ദര്യം ഈ വീടിനുണ്ട്. കാടിന്റെ മണവും ചീവിടിന്റെ ഒച്ചയുമെല്ലാം ചേർന്ന ഒരു അന്തരീക്ഷത്തിലാണ് സലിലിന്റെ വീട്. സഹകരണ മേഖലയിൽനിന്നും വിരമിച്ച സലിലിനും…
Read Moreഇരട്ടയാറില് പോക്സോ കേസ് അതിജീവിത മരിച്ച നിലയില്; കൊലപാതകമെന്ന് സംശയം
ഇടുക്കി: ഇരട്ടയാറിലെ പോക്സോ കേസ് അതിജീവിതയെ ദുരൂഹസാഹചര്യത്തിൽ മരിച്ച നിലയിൽ കണ്ടെത്തി. കഴുത്തിൽ ബെൽറ്റിട്ട് മുറുക്കിയ നിലയിലാണ് മൃതദേഹം കണ്ടെത്തിയത്. ചൊവ്വ രാവിലെ 11 മണിയോടെയാണ് അതിജീവിതയെ വീട്ടിനുള്ളിൽ മരിച്ച നിലയിൽ കണ്ടെത്തിയത്. പെൺകുട്ടിയുടെ അമ്മയാണ് ആദ്യം മൃതദേഹം കണ്ടത്. തുടർന്ന് പോലീസിൽ അറിയിക്കുകയായിരുന്നു. പോലീസ് സ്ഥലത്തെത്തി തുടർ നടപടികൾ സ്വീകരിച്ചു. സംഭവം കൊലപാതകമെന്നു സംശയിക്കുന്നതായി പൊലീസ് അറിയിച്ചു.
Read Moreമോഷണക്കേസ് വിധിയെത്തിയപ്പോൾ മോഴ ബിനു കുടുംബത്തോടൊപ്പം നാടുവിട്ടു; ഒളിവിൽ കഴിഞ്ഞത് 14 വർഷം
വെണ്മണി: ബൈക്ക് യാത്രികനെ തടഞ്ഞുനിർത്തി മാരകായുധങ്ങൾ കാട്ടി ഭീഷണിപ്പെടുത്തി കവർച്ച നടത്തിയ കേസിൽ കോടതി ശിക്ഷിച്ചതറിഞ്ഞ് ഒളിവിൽ പോയ പ്രതി 14 വർഷത്തിനുശേഷം കോയമ്പത്തൂരിൽ പിടിയിൽ. ചെങ്ങന്നൂർ പാണ്ടനാട് കീഴ്വ ൻമഴി കണ്ടത്തിൽപറമ്പിൽ വീട്ടിൽ മനോജി(മോഴ ബിനു-48) നെയാണ് വെണ്മണി പോലീസ് പിടികൂടിയത്. 2007ൽ വെണ്മണി ചമ്മത്തുമുക്ക് രക്ഷാസൈന്യം പള്ളിക്കു സമീപമായിരുന്നു കേസിനാസ്പദമായ സംഭവം നടന്നത്. ബൈക്കിൽ യാത്ര ചെയ്യുകയായിരുന്ന നൂറനാട് പാലമേൽ മുതുകാട്ടുകര റെജി കോട്ടേജിൽ ആർ.ടി. വർഗീസിനെ മാർച്ച് 31 ന് ബൈക്ക് തടഞ്ഞുനിർത്തി വടിവാൾ കാട്ടി ഭീഷണിപ്പെടുത്തുകയും ഇയാളിൽനിന്നു പണവും മൊബൈൽഫോണും ഒരുപവൻ തൂക്കം വരുന്ന സ്വർണമോതിരം ഉൾപ്പെടെ കവർച്ച നടത്തുകയുമായിരുന്നു. കേസിൽ നാലു പ്രതികൾ അറസ്റ്റിലായി. കോടതി കുറ്റക്കാരായി കണ്ട് ശിക്ഷ വിധിച്ചതിനെ തുടർന്ന് ഒന്നാം പ്രതിയായ മനോജ് കുടുംബത്തോടൊപ്പം ഒളിവിൽ പോകുകയായിരുന്നു.കഴിഞ്ഞദിവസം വെണ്മണി പോലീസ് നടത്തിയ അന്വേഷണത്തിൽ ഒളിവിൽ കഴിഞ്ഞിരുന്ന…
Read Moreവിവാഹപാർട്ടി സഞ്ചരിച്ചിരുന്ന ബസിലേക്ക് ട്രെയിൻ ഇടിച്ചുകയറി; 35 ജീവൻ പൊലിഞ്ഞ ചേപ്പാട് ട്രെയിൻ ദുരന്തത്തിനിന്ന് 28 വയസ്
ഹരിപ്പാട്: 35 പേരുടെ ജീവൻ അപഹരിച്ച ചേപ്പാട് ട്രെയിൻ ദുരന്തത്തിന് ഇന്ന് 28 വർഷം പിന്നിടുകയാണ്. കാൽനൂറ്റാണ്ട് പിന്നിട്ട ദുരന്തം നാട്ടുകാരുടെ മനസിൽ ഏൽപ്പിച്ച മുറിവുകൾ ഇനിയും ഉണങ്ങിയിട്ടില്ല. ദേശീയപാതയിൽനിന്നു ഏവൂർ ശ്രീകൃഷ്ണസ്വാമി ക്ഷേത്രത്തിനു സമീപത്തേക്കുള്ള റോഡിലെ കാവൽക്കാർ ഇല്ലാത്ത ലെവൽ ക്രോസിലായിരുന്നു ചേപ്പാട് ദുരന്തം. വിവാഹപാർട്ടി സഞ്ചരിച്ചിരുന്ന ബസ് ട്രെയിൻ തട്ടിത്തെറിപ്പിച്ചപ്പോൾ ഉറക്കെ കരയാൻ പോലുമുള്ള അവസരം ലഭിക്കാതെ 35 പേർ പിടഞ്ഞുമരിക്കുകയായിരുന്നു. 1996 മേയ് 14ന് ഉച്ചയ്ക്ക് 1.22നായിരുന്നു അപകടം. ചേപ്പാട് ദുരന്തത്തിൽ വേർപിരിഞ്ഞ പലരുടെയും ഉറ്റവർ ഇപ്പോഴും കഷ്ടപ്പാടുകളും പ്രയാസങ്ങളും അനുഭവിക്കുന്നുണ്ട്. ദുരന്തസ്ഥലത്തുനിന്നു ജീവിതത്തിലേക്കു തിരിച്ചുവന്ന ഏവൂർ ഇടയ്ക്കാട്ട് മുരളീധരൻ നായർ, ശാന്താ മന്ദിരത്തിൽ സുനിൽ കുമാർ, ഏവൂർ വടക്ക് സതീഷ് ഭവനത്തിൽ രാജലക്ഷ്മിയും ജീവിച്ചിരിക്കുന്നതിൽ ചിലർ മാത്രം. ദുരന്തം മൂലം ചേപ്പാട് മുടേത്തറയിൽ നാരായണൻ നായർക്ക് നഷ്ടമായത് ഭാര്യയും മൂന്ന് ആൺമക്കളും…
Read Moreആശുപത്രിയിലും ഗാന്ധിഭവനിലും സന്നദ്ധസേവനം ചെയ്യട്ടെ; കാറിൽ അഭ്യാസപ്രകടനം നടത്തിയതിന് പിടിയിലായവർക്ക് എട്ടുദിവസത്തെ പരിശീലനം
കായംകുളം: തിരക്കേറിയ റോഡിൽ ഓടുന്ന കാറിൽ അഭ്യാസപ്രകടനം നടത്തിയതിനു പിടിയിലായ യുവാക്കൾക്ക് എട്ടുദിവസത്തെ കർശന പരിശീലനത്തിന് ജില്ലാ ആർടിഒ എ. കെ. ദിലു മാതൃകാപരമായി ശിക്ഷിച്ചു. കേരള മോട്ടോർ വാഹനവകുപ്പിന്റെ ഐഡിടിആർ സെന്റർ ആയ ഡ്രൈവർ ട്രെയിനിംഗ് റീസേർച്ച് ഇൻസ്റ്റിട്യൂട്ടിലാണ് ഇവർക്ക് പരിശീലനം. റോഡ് സുരക്ഷ, വാഹനം ഓടിക്കുമ്പോൾ പാലിക്കേണ്ട മര്യാദ, കാൽനട യാത്രക്കാരോടും മറ്റും കാണിക്കേണ്ട അനുകമ്പ, കരുതൽ, പ്രതിപക്ഷബഹുമാനത്തോടെ നിരത്തുകളിൽ വാഹനം ഓടിക്കാനുള്ള അറിവ്എ ന്നിവ ലക്ഷ്യമിട്ടാണ് പരിശീലനം. അഭ്യാസപ്രകടനം നടത്തിയവരിൽ ഒരാൾ18 വയസ് പൂർത്തിയാകാത്ത ആളും ബാക്കിയുള്ളവർ 20 വയസിൽ താഴെയുള്ളവരുമാണ്. 18 വയസിൽ താഴെയുള്ള ആളെ പരിശീലനത്തിൽനിന്ന് ഒഴിവാക്കി. പരിശീലനം പൂർത്തിയായി വരുമ്പോൾ മാത്രമേ കസ്റ്റഡിയിൽ ഉള്ള വാഹനം വിട്ട് നൽകു. വാഹനം ഓടിച്ച ഓച്ചിറ സ്വദേശി മർഫിൻ അബ്ദുൽ റഹീം എന്നയാളുടെ ലൈസൻസ് സസ്പെൻഡ് ചെയ്യും. കഴിഞ്ഞ ദിവസമാണ് കായംകുളം…
Read Moreതുടര്ച്ചയായി വൈദ്യുതി മുടങ്ങി; അർധരാത്രി കെഎസ്ഇബി ഓഫീസ് ഉപരോധിച്ചു
കടുത്തുരുത്തി: തുടര്ച്ചയായ വൈദ്യുതി മുടങ്ങുന്നതില് പ്രതിഷേധിച്ചു പഞ്ചായത്തംഗവും നാട്ടുകാരും അര്ധരാത്രിയില് കെഎസ്ഇബി ഓഫീസിനു മുന്നില് കുത്തിയിരിപ്പ് സമരം നടത്തി. കല്ലറ പഞ്ചായത്തംഗം അരവിന്ദ് ശങ്കറിന്റെ നേതൃത്വത്തിലാണു നാട്ടുകാര് നീണ്ടൂര് കെഎസ്ഇബി ഓഫീസില് കഴിഞ്ഞദിവസം രാത്രി ഒന്നോടെ പ്രതിഷേധവുമായെത്തിയത്. കല്ലറ പഞ്ചായത്തിലെ കളമ്പുകാട്, എക്കമ്മ, എസ്ബിഐ ജംഗ്ഷന്, നീരൊഴുക്കില് ഭാഗം, വെല്ഫയര് സ്കൂള് തുടങ്ങിയ സ്ഥലങ്ങളില് കഴിഞ്ഞ കുറെ ആഴ്ച്ചകളായി യാതൊരു അറിയിപ്പും കൂടാതെ തുടര്ച്ചയായി വൈദ്യുതി മുടങ്ങുന്ന സ്ഥിതിവിശേഷമുണ്ടായിരുന്നു. ഇതുമൂലം രോഗികളും പ്രായമായവരും കുട്ടികളും വല്ലാതെ ബുദ്ധിമുട്ടിയിരുന്നു. വൈദ്യുതി ലഭ്യമാകുന്ന സമയങ്ങളില് വോള്ട്ടേജ് ക്ഷാമവും ഈ പ്രദേസങ്ങളില് രൂക്ഷമാണ്. കുറഞ്ഞ വോള്ട്ടേജ് കാരണം നിരവധി വീടുകളിലെ ഫാന്, മിക്സി, ലൈറ്റുകള് എന്നിവയടക്കമുള്ള ഇലക്ട്രിക് സാധങ്ങള് തകരാറിലായിരുന്നു. പലതവണ നീണ്ടൂര് കെഎസ്ഇബി ഓഫീസില് പരാതിപ്പെട്ടിട്ടും നടപടിയില്ലാതെ വന്നതോടെയാണു നാട്ടുകാര് കെഎസ്ഇബി ഓഫീസലേക്ക് സമരവുമായെത്തിയത്. സാങ്കേതിക തകരാറാണു വൈദ്യുതി മുടക്കത്തിനു…
Read Moreഅതിഥിയായെത്തി പിന്നെ വീട്ടുകാരിയായി… തോമസ് എവിടെ പോയാലും ബൈക്കിൽ കൂടെ തത്തമ്മയും
ചാലക്കുടി: സ്കൂട്ടറിൽ യാത്രെ യ്യുന്ന തോമസിന്റെ തോളിലിരിക്കുന്ന തത്തമ്മ നാട്ടുകാർക്ക് കൗതുക കാഴ്ചയാണ്. പോട്ട ആശ്രമം റോഡിൽ താമസിക്കുന്ന മേനാച്ചേരി തോമസ് എവിടെ സ്കൂട്ടറിൽ പോകുമ്പോഴും തോളിൽ തത്തയുണ്ടാകും വീട്ടിൽ നിന്നും പുറത്തേക്ക് പോകാൻ സ്കൂട്ടർ സ്റ്റാർട്ടാകുന്ന ശബ്ദം കേട്ടാൽ മതി തത്ത പറന്ന് തോമസിന്റെ തോളിലെത്തും പിന്നെ തോമസിനോടപ്പം യാത്രയാണ്. കടകളിൽ കയറി സാധനങൾ വാങ്ങുനോടും തത്ത തോമസിനോടപ്പം ഉണ്ടാകും. എതാനും മാസങ്ങൾക്ക് മുൻ പാണ് തത്ത വീട്ടിലേക്ക് പറന്നു വന്നത്. തത്തക്ക് ഭക്ഷണം നൽകി സ്വീകരിച്ചു. പിന്നെ തത്തമ്മ വീട്ടിലും പറമ്പിലും പാറിപറന്നു നടന്നു. ക്രമേണ വീട്ടുകാരുടെ കുടുംബാഗത്തെ പോലെയായി. കൂട്ടിലടക്കാതെ തന്നെ തത്ത വീട്ടിൽ സ്വാതന്ത്യത്തോടെ പറന്നു നടന്നു ഭക്ഷണം കഴിക്കാൻ തോന്നുമ്പോൾ അടുക്കളയിലേക്ക് എത്തും.അതിഥിയായി എത്തിയ തത്ത ഒടുവിൽ വീട്ടുകാരിയായി മാറി..
Read More