കൊച്ചി: കരുവന്നൂര് സഹകരണബാങ്ക് തട്ടിപ്പ് കേസിലെ പ്രതികള്ക്ക് കോടികളുടെ കള്ളപ്പണം വെളുപ്പിക്കല് ഇടപാടുമായി നേരിട്ടും അല്ലാതെയും പങ്കുണ്ടെന്ന് എന്ഫോഴ്സ്മെന്റ് ഡയറക്ടറേറ്റ്(ഇഡി) ഹൈക്കോടതിയില്. പ്രതികളായ പി.ആര്. അരവിന്ദാക്ഷന്, പി. സതീഷ് കുമാര്, സി.കെ. ജില്സ് എന്നിവര്ക്ക് ജാമ്യം നല്കുന്നത് എതിര്ത്താണ് ഇഡിക്ക് വേണ്ടി അഡീഷണല് സോളിസിറ്റര് ജനറല് ലക്ഷ്മണ് സുന്ദരേശന് ഇക്കാര്യങ്ങള് ഉന്നയിച്ചത്. പ്രതികള് ചെയ്തത് രാജ്യത്തിന് എതിരായ കുറ്റകൃത്യമാണെന്നാണ് ഇഡി വ്യക്തമാക്കുന്നത്. കിരണ്, അരവിന്ദാക്ഷന്, സതീഷ് കുമാര് എന്നിവരാണ് ഈ നിയമവിരുദ്ധ നടപടികളിലെ പ്രധാന ഇടപാടുകാര്. ഇക്കാര്യങ്ങള്ക്കെല്ലാം ഇവര്ക്കെതിരേ വ്യക്തമായ തെളിവുകളുണ്ട്. കൂട്ടുപ്രതികളുടെ മൊഴിയുടെ അടിസ്ഥാനത്തിലുള്ള ഇഡി നിഗമനങ്ങള് അംഗീകരിക്കാനാവില്ലെന്ന നിലപാടാണ് പ്രതികള്ക്ക്. എന്നാല് ഇവര് പ്രതികളാകും മുമ്പ് നല്കിയതാണ് ഈ മൊഴികളെന്ന് ഇഡി ചൂണ്ടിക്കാട്ടി. പ്രതികള് 25 കോടി കൈപ്പറ്റി; പണം നിയമപരമല്ല എന്നറിഞ്ഞ് തിരിമറി നടത്തിമുഖ്യപ്രതി പി.പി. കിരണ് മുഖേന ഇടനിലക്കാരനായ സതീഷ് കുമാര്…
Read MoreCategory: Edition News
റോഡപകടങ്ങൾ കുറയ്ക്കാൻ പദ്ധതിയുമായി കെഎസ്ആർടിസി
ചാത്തന്നൂർ: റോഡ് അപകടങ്ങൾ കുറയ്ക്കുന്നതിന് സമഗ്ര കർമപദ്ധതിയുമായി കെഎസ്ആർടിസി. മോട്ടോർ വാഹന വകുപ്പിന്റെ സഹകരണത്തോടെ ഡ്രൈവർമാർക്കും കണ്ടക്ടർമാർക്കും ബോധവത്കരണ ക്ലാസുകൾ സംഘടിപ്പിക്കും. യൂണിറ്റ് തലത്തിലും സംസ്ഥാന തലത്തിലും റോഡ് സുരക്ഷ മോണിറ്ററിംഗ് സമിതികൾ രുപീകരിച്ച് പ്രവർത്തിക്കും. കെഎസ്ആർടിസി ബസുകളുമായി ബന്ധപ്പെട്ട അപകടങ്ങൾ പരമാവധി കുറയ്ക്കുകയാണ് ലക്ഷ്യം. ഡ്രൈവർ, കണ്ടക്ടർ വിഭാഗം ജീവനക്കാരുടെ സേവന നിലവാരം മെച്ചപ്പെടുത്തുന്നതിന് പദ്ധതി ആസൂത്രണം ചെയ്യും. അപകടരഹിതമായും റോഡ് സുരക്ഷയിൽ ശ്രദ്ധ ചെലുത്തുന്നതിനും ഡ്രൈവർമാരെ പ്രാപ്തരാക്കുക, ശാരീരികമായോ മാനസികമായോ അസ്വസ്ഥതകൾ ഉള്ളപ്പോൾ ബസ് ഓടിക്കാതിരിക്കുക, ബസ് ഓടിക്കുമ്പോൾ മൊബൈൽ ഉപയോഗിക്കാതിരിക്കുക, ലഹരി ഉപയോഗിച്ചു കൊണ്ട് ബസ് ഓടിക്കാതിരിക്കുക തുടങ്ങി നല്ലൊരു ഡ്രൈവിംഗ് സംസ്കാരം രൂപപ്പെടുത്തി എടുക്കാനാണ് ശ്രമം. ബ്രീത്ത് അനലൈസർ പരിശോധന ആരംഭിച്ച് നാലാഴ്ചകൊണ്ട് കെഎസ്ആർടിസിയുമായി ബന്ധപ്പെട്ട അപകടങ്ങളുടെ നിരക്ക് 16 ശതമാനം കുറഞ്ഞെന്ന് കെഎസ്ആർടിസി വിലയിരുത്തുന്നു. യൂണിറ്റ് തലത്തിലുള്ള റോഡ് സുരക്ഷമോണിറ്ററിംഗ്…
Read Moreതലസ്ഥാനത്ത് ലഹരിമാഫിയയുടെ വിളയാട്ടം പാസ്റ്ററടക്കം നിരവധിപ്പേർക്കു വെട്ടേറ്റു; അക്രമം രാത്രി നാലു മണിക്കൂറോളം നീണ്ടു
വെള്ളറട: ലഹരി മാഫിയ നടത്തിയ വ്യാപക ആക്രമണത്തിൽ പാസ്റ്റർ ഉൾപ്പെടെ നിരവധിപ്പേർക്ക് പരിക്കേറ്റു. വീടുകളും വാഹനങ്ങളും തകർത്തു. കണ്ണന്നൂരില് യുപി സ്കൂളിന് സമീപത്ത് ഇന്നലെ രാത്രിയാണ് കഞ്ചാവ് മാഫിയുടെ അഴിഞ്ഞാട്ടം നടന്നത്. അക്രമി സംഘം കണ്ണില് കണ്ടവരെയെല്ലാം വെട്ടുകയായിരുന്നു. നിരവധി വീടുകള്ക്ക് കേടുപാട് സംഭവിച്ചു. മൂന്നു ബൈക്കുകള് കവര്ന്നു. അക്രമികളില് ഒരാള് പിടിയിലായിട്ടുണ്ട്. ഇന്നലെ രാത്രി എട്ടിന് തുടങ്ങിയ ആക്രമണം രാത്രി 12 വരെ നീണ്ടു. കണ്ണന്നൂര് ഹെവന് ക്വാര്ട്ടേഴ്സില് ജയകുമാറിന്റെ വീടിനു മുന്നിലിരുന്ന സ്കൂട്ടർ അക്രമികൾ തകര്ത്തു. വീടിന്റെ കതകും ജനല് പാളികളും തകര്ത്തു. അതുവഴി പോവുകയായിരുന്ന പാസ്റ്റര് അരുണിനെ വെട്ടിപ്പരിക്കേല്പിച്ചു. അരുണിനെ ആശുപത്രിയില് പ്രവേശിപ്പിച്ചു. അമ്പൂരി കണ്സ്യൂമര്ഫെഡ് ജീവനക്കാരി സരിത, ഭര്ത്താവ് രതീഷ് എന്നിവരെയും ആക്രമിച്ചു പരിക്കേല്പ്പിച്ചു. അവരെയും ആശുപത്രിയില് പ്രവേശിപ്പിച്ചു. കണ്ണന്നൂര് റോഡ് വഴി രാത്രിയില് പോയ കാല്നട യാത്രക്കാരെ അടക്കം കണ്ണില്…
Read Moreരണ്ട് വർഷത്തിനിടെ തുറവൂർ താലൂക്ക് ആശുപത്രിയിൽ പിറന്നത് അഞ്ഞൂറ് കുട്ടികൾ; കേക്ക് മുറിച്ച് ആഘോഷിച്ച് എംഎൽഎയും ജീവനക്കാരും
തുറവൂർ: തുറവൂർ താലൂക്ക് ആശുപത്രിയിൽ പ്രസവത്തിലൂടെ ജന്മം നൽകിയ കുഞ്ഞുങ്ങളുടെ എണ്ണം അഞ്ഞൂറിലേക്ക് കടന്നു. ആസാം സ്വദേശിയായ ജ്യോതി സൈഖിയ ആണ് കഴിഞ്ഞദിവസം തുറവൂർ താലൂക്ക് ആശുപത്രിയിൽ ഒരു പെൺകുഞ്ഞിന് ജന്മം നൽകിയതിലൂടെ പ്രസവം 500 തികച്ചത്. 2022 മാർച്ച് 19നാണ് തുറവൂർ താലൂക്ക് ആശുപത്രിയിൽ ഗൈനക്കോളജി വിഭാഗം പ്രവർത്തനം ആരംഭിച്ചത്.നിലവിൽ ആലപ്പുഴ ജില്ലയിൽ മെഡിക്കൽ കോളജ്, കടപ്പുറം വനിതാ ശിശു ആശുപത്രി എന്നിവ കഴിഞ്ഞാൽ ഏറ്റവും കൂടുതൽ പ്രസവം നടക്കുന്നത് തുറവൂർ താലൂക്ക് ആശുപത്രിയിലാണ് അത്യാധുനിക സൗകര്യങ്ങളോടുകൂടിയ ലേബർ റൂം ഓപ്പറേഷൻ തിയറ്റർ എന്നിവ ഇവിടത്തെ സവിശേഷതകളാണ്. കൂടാതെ പ്രസവാനന്തരം ഡിസ്ചാർജ് ചെയ്യുന്ന അമ്മയെയും കുഞ്ഞിനെയും സൗജന്യമായി വീട്ടിലെത്തിക്കുന്ന മാതൃയാനം പദ്ധതിയും 2023 ജൂലൈ മുതൽ ഇവിടെ നിലവിലുണ്ട്. ഡോ. രാധിക ഡി.എസ്, ഡോ. മിനി ഏബ്രഹാം, ഡോ. നീന ചന്ദ്രൻ, ഡോ. സിയാ…
Read Moreഅമ്മേ അച്ഛാ ഞാൻ സിനിമയിൽ അഭിനയിക്കാൻ പോകുന്നു; 5 വർഷം കഴിഞ്ഞ് ടിവിയിൽ കാണാം; കത്തെഴുതിവച്ച് 14കാരൻ വീട്ടിൽ നിന്നിറങ്ങിപ്പോയി
പത്തതനംതിട്ട: മല്ലപ്പള്ളിയിൽ 14 വയസുകാരനെ കാണാതായെന്ന് പരാതി. മഞ്ഞത്താന സ്വദേശി അഭിലാഷിന്റെ മകൻ ആദിത്യനെയാണ് കാണാതായത്. ഇന്നലെ മുതലാണ് വിദ്യാർഥിയെ കാണാതായത്. ട്യൂഷന് പോകുന്നു എന്ന് പറഞ്ഞ് വീട്ടിൽ നിന്ന് ഇറങ്ങിയ കുട്ടി പിന്നീട് തിരികെ എത്തിയില്ല. സിനിമയിൽ അഭിനയിക്കാൻ പോകുന്നെന്നും അഞ്ച് വർഷം കഴിഞ്ഞ് ടിവിയിൽ കാണാമെന്നും കുറപ്പെഴുതിവെച്ച ശേഷമാണ് വീട്ടിൽ നിന്നും ആദിത്യ പോയത്. കുട്ടിയുടെ സൈക്കിൾ മല്ലപ്പള്ളി ബസ്സ്റ്റാൻഡിന് സമീപത്തു നിന്നും കണ്ടെടുത്തു. ആദിത്യയുടെ കത്ത്…‘പ്രിയപ്പെട്ട അമ്മേ അച്ഛാ ഞാൻ പോകുന്നു. എന്റെ സിനിമയിലേക്ക് എനിക്ക് കഥ എഴുതി പണം ഉണ്ടാക്കി നിങ്ങൾക്ക് 100000 രൂപ തരാം. പക്ഷേ എനിക്ക് ഒരു സാവകാശം വേണം. ഒരു വർഷം. എനിക്ക് ഇച്ചിരെ പൈസ വേണം. ഞാൻ ഇവിടെ ജോലി ചെയ്ത് ഉണ്ടാക്കണം. എനിക്ക് ജീവിച്ച് കാണിക്കണം. നിങ്ങൾക്ക് എന്നെ കാണണം എങ്കിൽ ഒരു 5…
Read Moreസ്വത്ത് വിറ്റ്കിട്ടിയ പണമെല്ലാം കൈക്കലാക്കി; അമ്മയെ ആറു മക്കളും കൈവിട്ടു; ചെല്ലമ്മാൾ ഇനി കരുണാലയത്തിന്റെ തണലിൽ
ചെങ്ങന്നൂര്: ആറു മക്കളും കൈയൊഴിഞ്ഞതോടെ പുലിയൂര് കൊച്ചുകുന്നുംപുറത്ത് വീട്ടില് ചെല്ലമ്മാള് എന്ന തൊണ്ണൂറുകാരിക്ക് ഇനി ആശ്രയം കിടങ്ങന്നൂരിലെ കരുണാലയം അമ്മവീട്. ചെങ്ങന്നൂർ ആര്ഡിഒ ഓഫീസിലെത്തുമ്പോള് രണ്ടാമത്തെ മകന് എത്തി തന്നെ ഏറ്റെടുക്കുമെന്നായിരുന്നു ഈ അമ്മയുടെ പ്രതീക്ഷ. എന്നാല് ആരും വന്നില്ല. എഴുപത്തിനാലുകാരനായ മൂത്തമകന്റെ കൂടെയായിരുന്നു ഇതുവരെയും. ചെല്ലമ്മാളുടെ ആറുമക്കളിൽ അഞ്ചുപേരും ആണുങ്ങളാണ്. ആര്ഡിഒയുടെ സാന്നിധ്യത്തില് ഫെബ്രുവരിയില് നടന്ന അനുരഞ്ജന യോഗത്തിന്റെ തീരുമാനപ്രകാരം ഓരോ മക്കളും രണ്ടുമാസം വീതം അമ്മയെ നോക്കണമെന്നാണ്. എന്നാല്, രണ്ടാമത്തെ മകൻ അതിന് തയാറായില്ല. മറ്റുമക്കളെ വിളിച്ചെങ്കിലും അവരും ഒഴിഞ്ഞുമാറി. അതോടെയാണ് ചെല്ലമ്മാളെ കരുണാലയത്തിലേക്ക് അയയ്ക്കാന് നിര്ബന്ധിതമായത്. ചെല്ലമ്മാളുടെ ഭര്ത്താവ് നാണപ്പന് ആശാന് നാലുപതിറ്റാണ്ട് മുമ്പെ മരിച്ചു. ആകെയുണ്ടായിരുന്നത് വാഴൂരില് മൂന്ന് സെന്റ് സ്ഥലമായിരുന്നു. 15 വര്ഷം മുമ്പ് അത് വിറ്റ് തുക മക്കൾക്ക് വീതിച്ചുനല്കിയിരുന്നു.കേള്വിശക്തി പൂര്ണമായും നഷ്ടപ്പെട്ട ചെല്ലമ്മാളിന് കാഴ്ചയ്ക്കും പ്രശ്നങ്ങളുണ്ട്. നടക്കാനും…
Read Moreതോട്ടിൽ കുളിക്കാനിറങ്ങിയ വിദ്യാര്ഥിക്ക് നീര്നായയുടെ കടിയേറ്റു; വണ്ടാനം മെഡിക്കൽ കോളജിൽ ചികിത്സതേടി വിനായകൻ
എടത്വ: നദിയില് കുളിക്കുന്നതിനിടെ വിദ്യാര്ഥിക്ക് നീര്നായയുടെ കടിയേറ്റു. തലവടി പഞ്ചായത്ത് 11 -ാം വാര്ഡില് കൊത്തപ്പള്ളി പ്രമോദ്-രേഷ്മ ദമ്പതികളുടെ മകന് വിനായകനാണ് (9) നീര്നായയുടെ കടിയേറ്റത്. തലവടി മരങ്ങാട്ടുമഠം കടവില് മാതാവിനും സഹോദരന് വിഘ്നേശ്വരനും ഒപ്പം കുളിക്കാനിറങ്ങിയപ്പോഴാണ് സംഭവം. വിനായകിന്റെ കാലിലും ഏണിനുമാണ് നീര്നായ കടിച്ചത്. വിനായക് വണ്ടാനം മെഡിക്കല് കോളജ് ആശുപത്രിയില് ചികിത്സതേടി. കഴിഞ്ഞവര്ഷം നിരവധി ആളുകള്ക്കു നീര്നായയുടെ ആക്രമണത്തില് പരിക്കേറ്റിരുന്നു.
Read Moreചുട്ടുപഴുത്ത് കുമരകം; പതിവുതെറ്റിക്കാതെ വേനലവധിക്ക് വിരുന്നെത്തുന്ന അതിഥിക്കിളികള് പിണങ്ങിപ്പോയി
കോട്ടയം: പറന്നുയരാന് പറ്റാത്ത വിധം കഠിനമായചൂട് കുമരകത്തെ ദേശക്കിളികള്ക്കും ദേശാടനക്കിളികള്ക്കും താങ്ങാനാവുന്നില്ല. വേനലവധിക്കു പതിവുതെറ്റിക്കാതെ വിരുന്നു വരാറുള്ള അതിഥിപ്പക്ഷികള് ഒരാഴ്ചപോലും കുമരകം ആസ്വദിക്കാതെ തിരികെപ്പറന്നു. സൈബിരിയന് കൊക്ക് മുതല് വാള്ക്കൊക്കന് വരെ പല നിറത്തിലും വലിപ്പത്തിലുമുള്ള പക്ഷികള് കായലോരത്തെ മരങ്ങളിലും പക്ഷിസങ്കേതത്തിലുമൊക്കെ വേനലില് വന്ന് കാലവര്ഷപ്പെയ്ത്തോടെ മടങ്ങിയിരുന്നു. മാമ്പഴത്തിന്റെയും ചക്കപ്പഴത്തിന്റെയും രുചിസമൃദ്ധി ഇക്കൊല്ലം ഇല്ലാതെ പോയതും കിളികള് പല വഴി പോകാന് കാരണമായി. മരപ്പൊത്തുകളിലും ചില്ലകളിലും തെങ്ങോലത്തലപ്പുകളിലും കൂടൊരുക്കി വിരിയാന് കരുതിവച്ച മുട്ടകള് ഉണങ്ങിവറ്റിപ്പോയതും കിളിക്കൊഞ്ചല് മായാന് കാരണമായി. വേമ്പനാട്ട് കായലിലും ചുറ്റുവട്ടത്തെ തോടുകളിലും പുഴയോരപ്പൊത്തുകളിലും അടയിരിക്കാറുള്ള നീര്ക്കാക്കകള്ക്കും മേടച്ചൂട് താങ്ങാനാവുന്നില്ല. തോടുകളിലെ ചൂടുവെള്ളത്തില് മുങ്ങിക്കുളിക്കാന് പറ്റാതായതോടെ കിളികള് മരമുകളിലും തെങ്ങിന്തലപ്പുകളിലും മാനം നോക്കി മഴ കാത്തിരിപ്പാണ്. കൂമനും പരുന്തും മരംകൊത്തിയും മാടത്തയും മൈനയും തത്തയുമൊക്കെ തണുപ്പുതേടി കുറ്റിക്കാടുകളില് ഒളിച്ചിരിക്കുന്നു. ഇന്നലെ കുമരകത്തെ പകല്താപം 38 ഡിഗ്രിയായിരുന്നു.…
Read Moreഏഷ്യാ യൂണിവേഴ്സിറ്റി റാങ്കിംഗ്; എം ജി യൂണിവേഴ്സിറ്റി മൂന്നാം സ്ഥാനത്ത്
കോട്ടയം: ബ്രിട്ടനിലെ ടൈംസ് ഹയർ എജ്യുക്കേഷന്റെ ഈ വർഷത്തെ ഏഷ്യാ യൂണിവേഴ്സിറ്റി റാങ്കിംഗിൽ എംജി സർവകലാശാല മൂന്നാം സ്ഥാനത്ത്. കഴിഞ്ഞ വർഷത്തെ റാങ്കിംഗിൽ നാലാം സ്ഥാനത്തായിരുന്നു. ബംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസും തമിഴ്നാട്ടിലെ അണ്ണാ സർവകലാശാലയുമാണ് റാങ്കിംഗിൽ ഇന്ത്യയിൽ നിന്ന് ഒന്നും രണ്ടും സ്ഥാനങ്ങളിൽ. ഏഷ്യൻ രാജ്യങ്ങളിലെ സർവകലാശാലകളുടെ പട്ടികയിൽ ചൈനയിലെ സിൻഹുവ, പീക്കിംഗ് സർവകലാശാലകൾ തുടർച്ചയായി അഞ്ചാം തവണയും യഥാക്രമം ഒന്നും രണ്ടും സ്ഥാനങ്ങൾ നിലനിർത്തി. ഈ പട്ടികയിൽ എംജി 134-ാം സ്ഥാനത്താണ്. എംജി ഉൾപ്പെടെ അഞ്ച് ഇന്ത്യൻ സർവകലാശാലകളാണ് ഏഷ്യൻ റാങ്കിംഗിൽ ആദ്യ 150ൽ ഉൾപ്പെട്ടിട്ടുള്ളത്.
Read Moreവീണുകിട്ടിയ പഴ്സ് പോലീസിൽ ഏൽപ്പിച്ച; ആറാം ക്ലാസുകാരൻ ആസിഫിന് അഭിനന്ദന പ്രവാഹം
മംഗലംഡാം: വഴിയിൽ നിന്നും കിട്ടിയ പണമടങ്ങുന്ന പഴ്സ് പോലീസ് സ്റ്റേഷനിൽ ഏൽപ്പിച്ച് കുട്ടികൾക്ക് മാതൃകയായ ആസിഫിനെ അഭിനന്ദിക്കുകയാണ് കൂട്ടുകാരും നാട്ടുകാരും സ്കൂൾ അധികാരികളുമെല്ലാം. രാവിലെ മദ്രസ കഴിഞ്ഞ് വീട്ടിലേക്ക് പോകുന്ന വഴിക്കാണ് റോഡിൽ പഴ്സ് കിടക്കുന്നത് ആസിഫിന്റെ ശ്രദ്ധയിൽപെട്ടത്. തുറന്നു നോക്കിയപ്പോൾ നിറയെ പണവും വിലപ്പെട്ട കുറെ രേഖകളും. പിന്നെ ആസിഫ് മറ്റൊന്നും ചിന്തിച്ചില്ല. ഓടിപ്പോയി അടുത്തു തന്നെയുള്ള പോലീസ് സ്റ്റേഷനിൽ പഴ്സ് ഏൽപ്പിച്ചു. വീട്ടിലെത്തി കാര്യങ്ങൾ പറഞ്ഞു. പിന്നെ വൈകിയില്ല. പോലീസ് സ്റ്റേഷനിൽ നിന്നും വിവരമറിയിച്ചതിനെ തുടർന്ന് ഉടമയെത്തി. ആസിഫിനെ സ്റ്റേഷനിൽ വിളിച്ചുവരുത്തി പോലീസുകാരുടെ സാന്നിധ്യത്തിൽ പഴ്സ് ആസിഫ് തന്നെ ഉടമക്ക് കൈമാറി. ഉടമയുടെ വക സ്റ്റേഷനിൽ മധുരവിതരണവും നടത്തി. ആസിഫിന്റെ സത്യസന്ധത നാട്ടിലും വാർത്തയായി. ലൂർദ് മാതാ ഹയർസെക്കൻഡറി സ്കൂളിലെ ആറാം ക്ലാസ് വിദ്യാർഥിയാണ് ആസിഫ്. സ്കൂൾ ഹെഡ്മിസ്ട്രസ് സിസ്റ്റർ ജോസി ടോമിന്റെ നേതൃത്വത്തിൽ…
Read More