കൊച്ചി: സിഎംആര്എല് എക്സാലോജിക് കരാറില് എസ്എഫ്ഐഒ അന്വേഷണം ആവശ്യപ്പെട്ടുള്ള ഹര്ജി ഹൈക്കോടതി ഇന്ന് പരിഗണിക്കും. ബിജെപി നേതാവ് ഷോണ് ജോര്ജ് നല്കിയ ഹര്ജിയാണ് ഹൈക്കോടതിയുടെ പരിഗണനയിലുള്ളത്. ഹര്ജിയില് എസ്എഫ്ഐഒ അന്വഷണം സംബന്ധിച്ച് കേന്ദ്ര സര്ക്കാര് ഇന്ന് റിപ്പോര്ട്ട് നല്കിയേക്കും. എസ്എഫ്ഐഒ അന്വേഷണം തടയണമെന്ന് ആവശ്യപ്പെട്ട് കെഎസ്ഐഡിസി നല്കിയ ഹര്ജിയും ഹൈക്കോടതി ഇന്ന് പരിഗണിക്കും. ഹര്ജിയില് കേന്ദ്ര കോര്പ്പറേറ്റ് കാര്യ മന്ത്രാലയം ഇന്ന് മറുപടി നല്കിയേക്കും. ബുക്ക് ഓഫ് അക്കൗണ്ട്സ് നല്കുന്ന കാര്യത്തില് കെഎസ്ഐഡിസിയും വിശദീകരണം നല്കിയേക്കും. കെഎസ്ഐഡിസിക്കെതിരേ അന്വേഷണം തുടരാമെന്നാണ് ഹൈക്കോടതി നേരത്തെ വ്യക്തമാക്കിയത്. എസ്എഫ്ഐഒ അന്വേഷണത്തിന് ഉത്തരവിട്ട കേന്ദ്ര കമ്പനികാര്യ മന്ത്രാലയത്തിന്റെ ഉത്തരവ് ഏകപക്ഷീയമാണെന്നാണ് കെഎസ്ഐഡിസിയുടെ ആരോപണം.
Read MoreCategory: Edition News
കിഫ്ബി മസാലബോണ്ട് കേസ്; ഇഡി സമന്സ് ചോദ്യം ചെയ്തുള്ള ഹര്ജികള് കോടതിയിൽ
കൊച്ചി: കിഫ്ബി മസാലബോണ്ടിലെ ഫെമ നിയമലംഘനം അന്വേഷിക്കുന്ന ഇഡിയുടെ സമന്സ് ചോദ്യം ചെയ്തുള്ള ഹര്ജികള് ഹൈക്കോടതി ഇന്ന് പരിഗണിക്കും. ഹര്ജിയില് ഹൈക്കോടതി ഡോ. ടി.എം. തോമസ് ഐസകിന്റെയും കിഫ്ബിയുടെയും വാദം കേള്ക്കും. ജസ്റ്റിസ് ടി.ആര്. രവി അധ്യക്ഷനായ സിംഗിള് ബെഞ്ചാണ് ഹര്ജിയില് വാദം കേള്ക്കുന്നത്. സുപ്രീംകോടതിയിലെ മുതിര്ന്ന അഭിഭാഷകരായ ജയദീപ് ഗുപ്ത, അരവിന്ദ് പി ദത്താര് എന്നിവരാണ് കിഫ്ബിക്കും തോമസ് ഐസകിനും വേണ്ടി ഹാജരാകുന്നത്. തീരുമാനമെടുക്കുന്നത് കിഫ്ബി തന്നെയാണെന്നും വൈസ് ചെയര്മാന് എന്ന നിലയില് ധനമന്ത്രിക്ക് പങ്കില്ലെന്നുമാണ് കിഫ്ബി നല്കിയ സത്യവാങ്മൂലം. നേരത്തെ അഞ്ച് തവണ സമന്സ് നല്കിയിട്ടും ഡോ. ടി.എം. തോമസ് ഐസക് ഹാജരായിരുന്നില്ല. കേസ് അന്വേഷിക്കാന് ഇഡിക്ക് അധികാരമില്ലെന്നും തെളിവുണ്ടാക്കാനാണ് അന്വേഷണമെന്നുമാണ് ഹര്ജിക്കാരുടെ വാദം. അഡീഷണല് സോളിസിറ്റര് ജനറല് എസ്.വി. രാജു ഇഡിക്ക് വേണ്ടി ഹാജരാകും.
Read Moreതിരുവനന്തപുരത്ത് ടിടിഇയെ ആക്രമിച്ച സംഭവം; കേസെടുത്ത് പോലീസ്
കൊച്ചി: തിരുവനന്തപുരത്ത് ഇന്നലെ ടിടിഇയെ ആക്രമിച്ച സംഭവത്തില് എറണാകുളം റെയില്വേ പോലീസ് കേസെടുത്തു. അന്പത്തഞ്ചു വയസു തോന്നിക്കുന്ന ഭിക്ഷാടകനാണ് പ്രതിയെന്ന സംശയത്തിലാണ് പോലീസ്. ഇന്നലെ തിരുവനന്തപരത്തേക്കുള്ള ജനശതാബ്ദി എക്സ്പ്രസിലെ ടിടിഇ ആയ എറണാകുളം പൂക്കാട്ടുപടിയില് താമസിക്കുന്ന കൊരട്ടി സ്വദേശിയായ ടിടിഇ ജയ്സണ് തോമസാണ് അജ്ഞാതന്റെ അക്രമണത്തിന് ഇരയായത്. 55 വയസുള്ള ഭിക്ഷാടകനാണ് ജയ്സണെ ആക്രമിച്ചതെന്നു പോലീസിനു വിവരം ലഭിച്ചിട്ടുണ്ട്. എറണാകുളം-തിരുവനന്തപുരം ട്രെയിനുകളില് ഇയാള് ഭിക്ഷാടനം നടത്താറുണ്ടെന്ന വിവരത്തിന്റെ അടിസ്ഥാനത്തില് ഇയാളെ കണ്ടെത്തുന്നതിനായി സിസിടിവി കേന്ദ്രീകരിച്ച് റെയില്വേ പോലീസ് അന്വേഷണം ആരംഭിച്ചു. ജനശതാബ്ദി എക്സ്പ്രസിലേക്ക് ടിക്കറ്റില്ലാതെ കയറാനുള്ള ശ്രമം തടഞ്ഞതിനെ തുടര്ന്നാണ് പ്രതി ജയ്സന്റെ മുഖത്തടിക്കുകയായിരുന്നു. കേറ്ററിങ് തൊഴിലാളിയെ തള്ളിയിട്ട് തിരുവനന്തപുരം സ്റ്റേഷനില് മറഞ്ഞ അക്രമിയെ കണ്ടെത്താനായി ദീര്ഘനേരം തെരച്ചില് നടത്തിയെങ്കിലും ഫലമുണ്ടായില്ല. അക്രമിയുടെ അടിയേറ്റുണ്ടായ പരുക്കുകളുമായി ജോലി തുടര്ന്ന ജെയ്സന് എറണാകുളത്തെത്തി ചികില്സ തേടുകയായിരുന്നു. എറണാകുളം നോര്ത്ത്…
Read Moreപാതിരാമണലിൽ സാമൂഹിക വിരുദ്ധശല്യം: ദ്വീപിൽ നടപ്പാക്കുന്ന ടൂറിസം പദ്ധതികൾ അട്ടിമറിക്കാൻ നീക്കമെന്ന് നാട്ടുകാർ
മുഹമ്മ: പാതിരാമണൽ ദ്വീപിൽ സാമൂഹികവിരുദ്ധരുടെ അഴിഞ്ഞാട്ടം. ദ്വീപിലെത്തുന്നവർക്ക് ബോട്ടിൽ നിന്ന് ഇറങ്ങാൻ ഉപയോഗിച്ചിരിന്ന റാമ്പ് ഇളക്കിയെടുത്ത് കായലിൽ എറിഞ്ഞു. നിർമാണപ്രവർത്തനങ്ങൾക്ക് ഉപയോഗിക്കുന്ന ഉപകരണങ്ങൾ സൂക്ഷിക്കുന്ന മുറി കുത്തിത്തുറന്ന് സാധനങ്ങൾ മോഷ്ടിച്ചു. 50 കരിക്ക്, കുപ്പിവെള്ളം എന്നിവയും കവർന്നു. സോളാർ പാനൽ ഉദ്ഘാടനവേദിയിൽ സ്ഥാപിച്ചിരുന്ന ഫ്ലക്സ് ബോർഡ് നശിപ്പിച്ചു. കുട്ടികൾക്കായി സ്ഥാപിച്ച ഊഞ്ഞാലുകൾ കഴിഞ്ഞദിവസം നശിപ്പിച്ചിരുന്നു. ദ്വീപിൽ നടപ്പാക്കുന്ന ടൂറിസം വികസന പദ്ധതി അട്ടിമറിക്കാനുള്ള ഗൂഢനീക്കമാണ് നടക്കുന്നതെന്ന് നാട്ടുകാർ ആരോപിച്ചു. മുഹമ്മ പോലീസ് സ്ഥലത്തെത്തി അന്വേഷണം ആരംഭിച്ചു. അടിസ്ഥാന സൗകര്യങ്ങൾ കുറവാണെങ്കിലും ദ്വീപിൽ ടൂറിസ്റ്റുകളുടെ വലിയ തിരക്കാണ്. അവധി ദിവസങ്ങൾ ആഘോഷിക്കാൻ ആയിരക്കണക്കിന് ആൾക്കാർ എത്തുന്നു.കുട്ടികളുടെ പാർക്കിന്റെ പൂർത്തികരണത്തോടെ ടൂറിസ്റ്റുകളുടെ എണ്ണത്തിൽ വൻ വർധന ഉണ്ടാകുമെന്നാണ് പ്രതീക്ഷിക്കുന്നത്. കുട്ടികളുടെ പാർക്കിന്റെ നിർമാണവസ്തുക്കളും സോളാർ പാനലുകളും കായിപ്പുറത്ത് സൂക്ഷിച്ചിരിക്കയാണ്. ദ്വീപിൽ സെക്യൂരിറ്റിയെ നിയോഗിച്ച ശേഷമെ ഇവ ദ്വീപിൽ എത്തിക്കുകയുള്ളൂ. ദ്വീപിന്റെ…
Read Moreഹോംസ്റ്റേ ജീവനക്കാരി ഹസീറയുടെ കൊലപാതകം: സാഹാ അലി കോട്ടയം റെയിൽവേ സ്റ്റേഷനിൽ പിടിയിൽ
ആലപ്പുഴ: വൈശ്യംഭാഗം ഹോംസ്റ്റേയിലെ കൊലപാതകക്കേസിലെ പ്രതി അറസ്റ്റിലായി. ഹോംസ്റ്റേയിൽ ഹെൽപ്പറായി ജോലിചെയ്തിരുന്ന ആസാം സ്വദേശിനി ഹസീറ ഖാത്തൂൻ (43) എന്ന സ്ത്രീയെ കൊലപ്പെടുത്തിയതാണ് കേസ്. ഹോംസ്റ്റേയിൽ അതിക്രമിച്ചുകയറി അവിടെ ജോലിചെയ്തിരുന്ന ഹസീറ ഖാത്തൂൻ എന്ന സ്ത്രീയുടെ ആഭരണങ്ങൾ പിടിച്ചുപറിച്ച ശേഷം കൊലപ്പെടുത്തി കടന്നുകളഞ്ഞ കേസിലെ പ്രതിയാണ് അറസ്റ്റിലായത്. നാഗോൺ ജില്ലയിൽ കഷാരി പി.ഒയിൽ ബാരുൺഗുരി വില്ലേജിൽ അമീറുദ്ദീൻ മകൻ 38 വയസുള്ള സാഹാ അലിയാണ് കോട്ടയം റെയിൽവേ സ്റ്റേഷനിൽനിന്നു പിടിയിലായത്. അമ്പലപ്പുഴ ഡെപ്യുട്ടി പോലീസ് സൂപ്രണ്ട് കെ.ജി. അനീഷ്കുമാറിന്റെ നേതൃത്വത്തിൽ നെടുമുടി, പുളിങ്കുന്ന് ഐഎസ്എച്ചഒമാരായ വി. വിനുകുമാർ, യേശുദാസ്, സബ് ഇൻസ്പെക്ടർമാരായ അനിൽകുമാർ, സാധുലാൽ, സുധി വി.പി, അസി. സബ് ഇൻസ്പെക്ടർമാരായ ജലജാകുമാരി, ബിന്ദുപണിക്കർ തുടങ്ങിയവരുടെ നേതൃത്വത്തിലുള്ള ടീമാണ് പ്രതിയെ അറസ്റ്റ് ചെയ്തത്.
Read Moreഉത്സവത്തിനിടെ നടന്ന കത്തികുത്തില് രണ്ട് പേർ കൊല്ലപ്പെട്ട സംഭവം; നിര്ണായക തെളിവായി കത്തികള് കണ്ടെടുത്തു
ഇരിങ്ങാലക്കുട: മൂര്ക്കനാട് ഉത്സവത്തിനിടെ നടന്ന കത്തികുത്തില് രണ്ടാള് കൊല്ലപ്പെട്ട സംഭവത്തില് നിര്ണായക തെളിവുകളായി കത്തികള് കിട്ടി. രണ്ടു കത്തികള് സംഭവസ്ഥലത്തുനിന്നുമാണ് പോലീസും ഫോറന്സിക് ഉദ്യോഗസ്ഥരും കണ്ടെടുത്തത്. കൊലപാതകം ആസൂത്രിതമാണെന്ന് വ്യക്തമായി. സംഭവത്തില് ആറു പേരാണ് ഇതുവരെ അറസ്റ്റിലായിരിക്കുന്നത്. മറ്റു നാലുപേരും പോലീസിന്റെ കസ്റ്റഡിയിലുണ്ട്. ഇവരുടെ അറസ്റ്റ് ഇന്നോ നാളെയോ രേഖപ്പെടുത്തും. മുഖ്യ പ്രതികളും സഹോദരങ്ങളുമായ രണ്ടു പേർ ഇപ്പോഴും ഒളിവിലാണ്. നിരവധി കേസുകളിലെ പ്രതികളാണ് ഇവരെന്ന് പോലീസ് പറയുന്നത്. ഇവരോടൊപ്പം മുമ്പ് പലകേസുകളിലും പ്രതികളായിട്ടുള്ളവരും മൂര്ക്കനാട് കൊലപാതകത്തില് പോലീസ് അറസ്റ്റ് ചെയ്തിട്ടുണ്ട്. ഇവര്ക്കു വേണ്ടി അന്വേഷണം ഊര്ജിതമാക്കിയിട്ടുണ്ട്. ഇവരുടെ മൊബൈല് ഫോണുകള് നാട്ടില് തന്നെ ഉപേക്ഷിച്ചാണ് ഇരുവരും ഒളിവില് പോയിരിക്കുന്നത്. സമീപത്തെ സിസിടിവി ദൃശ്യങ്ങളില് പതിഞ്ഞ എല്ലാവരെയും പോലീസ് ചോദ്യ ചെയ്യുന്നുണ്ട്. മാത്രവുമല്ല, അറസ്റ്റിലായ പ്രതികളുടെ ഫോണ്കോളുകളും പോലീസ് പരിശോധിക്കുന്നുണ്ട്. വെള്ളാങ്ങല്ലൂര് വടക്കുംകര വില്ലേജ് അമ്മാട്ടുകുളം സ്വദേശി…
Read Moreതിരുവനന്തപുരം വിമാനത്താവളത്തില് 3.75 കോടിയുടെ സ്വര്ണവും 70 ലക്ഷത്തിന്റെ സിഗരറ്റും പിടികൂടി
വലിയതുറ: തിരുവനന്തപുരം രാജ്യാന്തര വിമാനത്താവളത്തില് എയര് കസ്റ്റംസ് ഇന്റലിജന്സ് അധികൃതര് നടത്തിയ പരിശോധനയില് വിവിധ രാജ്യങ്ങളില് നിന്നും എത്തിയ യാത്രക്കാരില് നിന്നും അനധികൃതമായി കൊണ്ട് വന്ന 5.85 കിലോ സ്വര്ണം പിടികൂടി. ഇതിന് പൊതു വിപണിയില് 3.75 കോടി രൂപ കണക്കാക്കുന്നു. അധികൃതര് മാര്ച്ച് മാസത്തില് പിടികൂടിയ മൊത്തം സ്വര്ണത്തിന്റെ കണക്കാണിത്. സ്വര്ണത്തിന് പുറമെ 31 ന് അധികൃതര് നടത്തിയ പരിശോധനയില് വിദേശത്തു നിന്നും എത്തിയ മൂന്ന് യാത്രക്കാരില് നിന്നുമായി സിഗരറ്റുകളുടെ 84,900 സ്റ്റിക്കുകളാണ് പിടിച്ചെടുത്തത്. ഇതിന് പൊതു വിപണിയില് 21 ലക്ഷം രൂപ വലമതിക്കുന്നു. കസ്റ്റംസ് അധികൃതര് മാര്ച്ച് മാസത്തില് മൊത്തം 70 ലക്ഷം രൂപയുടെ സിഗരറ്റാണ് യാത്രക്കാരില് നിന്നും പിടിച്ചെടുത്തത്.
Read Moreതിരുവനന്തപുരത്ത് ടിടിഇക്കുനേരേ ഭിക്ഷക്കാരന്റെ ആക്രമണം; കണ്ണിനു പരിക്കേറ്റു
തിരുവനന്തപുരം: തിരുവനന്തപുരത്ത് ടിടിഇക്കുനേരേ ഭിക്ഷാടകന്റെ ആക്രമണം. ടിടിഇയെ ആക്രമിച്ചശേഷം ഭിക്ഷാടകൻ രക്ഷപ്പെട്ടു. തിരുവനന്തപുരം തന്പാനൂർ റെയിൽവേ സ്റ്റേഷനിൽനിന്നു യാത്ര തിരിച്ച തിരുവനന്തപുരം-കണ്ണൂർ ജനശതാബ്ദി എക്സ്പ്രസ് ട്രെയിനിലായിരുന്നു സംഭവം. ടിടിഇ ജയ്സണ് തോമസിന് നേരേയാണ് ആക്രമണമുണ്ടായത്. ടിക്കറ്റ് ചോദിച്ചതാണ് ആക്രമണത്തിന് കാരണമെന്ന് ജയ്സണ് പറഞ്ഞു. ആദ്യം മുഖത്ത് തുപ്പുകയും പിന്നീട് മുഖത്തടിക്കുകയും ചെയ്തെന്ന് ജയ്സണ് പറഞ്ഞു. മർദ്ദനത്തിൽ ടിടിഇയുടെ കണ്ണിന് പരിക്കേറ്റു. ട്രെയിനിലുണ്ടായിരുന്ന കാറ്ററിംഗ് തൊഴിലാളികളെയും യാത്രക്കാരെയും തള്ളിമാറ്റിയശേഷം അക്രമി രക്ഷപ്പെടുകയായിരുന്നുവെന്ന് ജയ്സണ് പറഞ്ഞു. റെയിൽവേ പോലീസിലും ആർപിഎഫിലും പരാതി നൽകിയതിനെ തുടർന്ന് പോലീസ് അന്വേഷണം ആരംഭിച്ചു. തിരുവനന്തപുരം റെയിൽവേ സ്റ്റേഷനിൽനിന്നു ട്രെയിൻ പുറപ്പെട്ട ഉടനെയായിരുന്നു ആക്രമണവും അക്രമിയുടെ രക്ഷപ്പെടലും ഉണ്ടായത്. സിസിടിവി കാമറ ദൃശ്യങ്ങൾ കേന്ദ്രീകരിച്ച് അക്രമിയെ കണ്ടെത്താനുള്ള അന്വേഷണം ആരംഭിച്ചതായി പോലീസ് പറഞ്ഞു. കഴിഞ്ഞ ദിവസം തൃശൂരിൽ ടിക്കറ്റ് പരിശോധനക്കിടെ ടിടിഇ വിനോദിനെ ഇതരസംസ്ഥാന തൊഴിലാളി…
Read Moreഎസ്ഡിപിഐ പിന്തുണ; വ്യക്തികളുടെ വോട്ട് സ്വീകരിക്കും പാര്ട്ടി വോട്ട് വേണ്ടെന്നു പറയും
കോഴിക്കോട്: ലോക്സഭാ തെരഞ്ഞെടുപ്പില് എസ്ഡിപിഐയുടെ പിന്തുണക്കാര്യത്തിൽ യുഡിഎഫ് ഇന്നു നയം വ്യക്തമാക്കും. വ്യക്തികളുടെ വോട്ടുകള് സ്വീകരിക്കാനും എന്നാല് പാര്ട്ടിയുടെ വോട്ടുകള് വേണ്ടെന്നുവയ്ക്കാനുമാണ് തീരുമാനമെന്നാണു സൂചന. ഇന്ന് കെപിസിസി പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനും േചര്ന്നു തിരുവനന്തപുരത്ത് തീരുമാനം പ്രഖ്യാപിക്കും. ഏകപക്ഷീയമായി എസ്ഡിപിഐ പ്രഖ്യാപിച്ച പിന്തുണ യുഡിഎഫിനെ വെട്ടിലാക്കിയിരുന്നു. ദേശീയതലത്തില് ബിജെപി ഇതു കോണ്ഗ്രസിനെ തിരിച്ചടിക്കാനുള്ള ആയുധമാക്കിയ സാഹചര്യത്തിലാണു പിന്തുണ ഉപേക്ഷിക്കാനുള്ള തീരുമാനത്തിലേക്ക് യുഡിഎഫ് നീങ്ങുന്നത്. വോട്ടിനുവേണ്ടി മുസ് ലിം തീവ്രവാദികളുമായി കോണ്ഗ്രസ് സഖ്യം ചേരുകയാണെന്ന് ദേശീയ തലത്തില് ബിജെപി ഉയര്ത്തിക്കാട്ടിയിരുന്നു. ഇതു കോണ്ഗ്രസ് സ്ഥാനാര്ഥികളുടെ വിജയത്തെ പ്രതികൂലമായി ബാധിക്കുമെന്ന നിഗമനത്തിന്റെ അടിസ്ഥാനത്തിലാണ് പെട്ടെന്നുള്ള തീരുമാനത്തിലേക്ക് യുഡിഎഫ് നീങ്ങുന്നത്.കോണ്ഗ്രസുമായോ, യുഡിഎഫുമായോ ചര്ച്ച നടത്താതെയാണ് എസ്ഡിപിഐ പിന്തുണ പ്രഖ്യാപിച്ചതെന്ന് കോണ്ഗ്രസ് നേതാക്കള് പറയുന്നു. എന്നാല് മുസ് ലിംലീഗിന്റെ നേതാക്കളുമായി എസ്ഡിപിഐ നേതാക്കള് ചര്ച്ച നടത്തിയശേഷമാണു പിന്തുണ…
Read Moreതൃശൂർ, തിരുവനന്തപുരം സീറ്റുകളിൽ സിപിഎം-ബിജെപി ഡീലെന്ന് കെ. മുരളീധരൻ
തൃശൂർ: കരുവന്നൂരിലെ ഇഡി അന്വേഷണത്തിൽ സിപിഎം പുറത്തുകാട്ടുന്ന ഭയം അവർക്ക് ഉള്ളിൽ ഇല്ലെന്ന് തൃശൂർ ലോക്സഭാ മണ്ഡലം യുഡിഎഫ് സ്ഥാനാർഥി കെ. മുരളീധരൻ. ഇഡി അന്വേഷണത്തിൽ സിപിഎമ്മും ബിജെപിയുമായി ഡീൽ നടന്നു കഴിഞ്ഞുവെന്നും അതുകൊണ്ടുതന്നെ സിപിഎമ്മിന് ഇപ്പോഴത്തെ ഇഡി അന്വേഷണത്തിൽ പേടിയില്ലെന്നും ആരും ഭയപ്പെടേണ്ടതില്ലെന്ന് പിണറായി വിജയൻ തൃശൂർ സിപിഎം ഓഫീസിലെത്തി പറഞ്ഞത് ഇതിന്റെ വ്യക്തമായ തെളിവാണെന്നും മുരളി പറഞ്ഞു. നാമനിർദേശ പത്രിക സമർപ്പിക്കാൻ പോകും മുന്പ് പൂങ്കുന്നം മുരളീ മന്ദിരത്തിലെത്തി കെ. കരുണാകരന്റെയും കല്യാണിക്കുട്ടിയമ്മയുടെയും സ്മൃതിപണ്ഡപത്തിൽ പ്രാർത്ഥിച്ചശേഷം മാധ്യമപ്രവർത്തകരോട് സംസാരിക്കുകയായിരുന്നു മുരളി. കരുവന്നൂർ കേസിൽ ഇതുവരെയും പ്രധാനപ്പെട്ട നടപടികളിലേക്ക് ഒന്നുംതന്നെ കടക്കാതിരുന്ന ഇഡി ഇപ്പോൾ അന്വേഷണം ഊർജ്ജിതമാക്കിയത് ഡീലിന്റെ ഭാഗമാണെന്ന് മുരളി ആവർത്തിച്ചു. കരുവന്നൂരിൽ ഒരിക്കലും ഇഡി വലിയ നടപടികളിലേക്ക് കടക്കില്ലെന്ന് മുരളി തറപ്പിച്ചു പറഞ്ഞു. കേരളത്തിൽനിന്ന് രണ്ടു സീറ്റ് എന്ന ലക്ഷ്യമിട്ടാണ് ഈ ഡീലെന്നും…
Read More