കടുത്തുരുത്തി: ലോട്ടറിക്കട കുത്തിത്തുറന്നു പണം മോഷ്ടിച്ച കേസില് ഒരാളെ പോലീസ് അറസ്റ്റ് ചെയ്തു. ളാലം പന്ത്രണ്ടാംമൈല്, കടയം ഭാഗത്ത് ഉറുമ്പില് ബാബു (57) വിനെയാണു കടുത്തുരുത്തി പോലീസ് അറസ്റ്റ് ചെയ്തത്. ഇയാള് ഇന്നലെ പുലര്ച്ചെ കുറുപ്പന്തറ ജംഗ്ഷനില് പ്രവര്ത്തിക്കുന്ന ലോട്ടറി കടയുടെ പൂട്ടു തകര്ത്തു കടയ്ക്കുള്ളില് സൂക്ഷിച്ചിരുന്ന 4,000 രൂപ മോഷ്ടിച്ചു കടന്നുകളയുകയായിരുന്നു. വിവരമറിഞ്ഞ് പോലീസ് പുലര്ച്ചെ നടത്തിയ ശക്തമായ തിരച്ചിലില് മണിക്കൂറുകള്ക്കുള്ളില് മോഷ്ടിച്ച പണവുമായി ഇയാളെ പിടികൂടുകയായിരുന്നു. പ്രതിക്ക് കാഞ്ഞിരപ്പള്ളി, കോതമംഗലം സ്റ്റേഷനുകളില് മോഷണക്കേസുണ്ട്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
Read MoreCategory: Edition News
ഡിവൈഎഫ്ഐ നേതാവ് നിഥിൻ പുല്ലനെ കാപ്പ ചുമത്തി നാടുകടത്താൻ ഉത്തരവ്
തൃശൂര്: ചാലക്കുടിയിൽ പോലീസ് ജീപ്പ് തകർത്ത ഡിവൈഎഫ്ഐ നേതാവ് നിഥിൻ പുല്ലനെ കാപ്പ ചുമത്തി നാടുകടത്താൻ ഉത്തരവ്. ആറുമാസത്തേക്ക് നാടുകടത്താനാണ് ഡിഐജി അജിതാബീഗം ഉത്തരവിട്ടത്. ജയിൽവാസത്തിന് ശേഷം ഫെബ്രുവരി 13 നാണ് നിഥിൻ ജാമ്യത്തിലിറങ്ങിയത്. ജീപ്പ് കത്തിച്ചത് ഉൾപ്പെടെ ചാലക്കുടി പോലീസ് സ്റ്റേഷനിൽ മൂന്നും ആളൂർ സ്റ്റേഷനിൽ ഒരു കേസിലും പ്രതിയായിരുന്നു ഡിവൈഎഫ്ഐ ബ്ലോക്ക് പ്രസിഡന്റായ നിഥിൻ പുല്ലൻ. ഡിസംബർ 22 ന് ചാലക്കുടി ഐടിഐ തെരഞ്ഞെടുപ്പ് വിജയാഹ്ലാദ പ്രകടനത്തിനിടെയാണ് നിഥിൻ പോലീസ് ജീപ്പ് തടഞ്ഞുനിർത്തുകയും അടിച്ചുതകർക്കുകയും ചെയ്തത്. അന്നുതന്നെ ഇയാളെ പോലീസ് കസ്റ്റഡിയിലെടുത്തിരുന്നുവെങ്കിലും സിപിഎം പ്രവർത്തകർ ഇടപെട്ട് മോചിപ്പിച്ചു. ഇതിന് ശേഷം ഒളിവിൽ പോയ നിഥിനെ പോലീസ് അറസ്റ്റ് ചെയ്യുകയായിരുന്നു. പൊതുമുതൽ നശിപ്പിക്കൽ, വധശ്രമം ഉൾപ്പടെ ജാമ്യമില്ലാ വകുപ്പുകൾ പ്രകാരമാണ് ഇയാൾക്കെതിരേ കേസെടുത്തത്.
Read Moreലോട്ടറി ടിക്കറ്റ് വിലവര്ധന അനുവദിക്കില്ലെന്ന് തൊഴിലാളി കോണ്ഗ്രസ്
കോട്ടയം: കേരള ലോട്ടറിയുടെ വില 40ല് നിന്ന് 50 ആക്കാനുള്ള സര്ക്കാര് നീക്കത്തിനെതിരേ ശക്തമായ സമരം ആരംഭിക്കുവാന് ഓള് കേരള ലോട്ടറി ഏജന്റ് ആൻഡ് സെല്ലേഴ്സ് കോണ്ഗ്രസ് ഐഎന്ടിയുസി സംസ്ഥാന കമ്മിറ്റി യോഗം തീരുമാനിച്ചു. 30 രൂപയായിരുന്ന ടിക്കറ്റിന്റെ വില 40 ആക്കിയതും ഏറ്റവും ഉയര്ന്ന നികുതിയായ 28% ലോട്ടറിക്ക് ഏര്പ്പെടുത്തിയതും ചെറിയ സമ്മാനങ്ങളുടെ എണ്ണം കുറഞ്ഞതും മൂലം വലിയ തകര്ച്ച നേരിടുന്ന സംസ്ഥാനത്തെ മൂന്നു ലക്ഷം ലോട്ടറി വില്പ്പന തൊഴിലാളികളെ ആതമഹത്യയിലേക്കു നയിക്കുന്നതാണു സര്ക്കാര് തീരുമാനം. ഭിന്നശേഷിക്കാരും രോഗബാധിതരുമായ തൊഴിലാളികളുടെ ജീവിതമാണ് ഈ നടപടിയിലൂടെ സര്ക്കാര് തകര്ക്കുന്നത്. പ്രതിവര്ഷം പതിമൂവായിരം കോടിയിലധികം ഖജനാവിന് വരുമാനം നല്കുന്നതാണ് ലോട്ടറി വ്യവസായമെന്നും ഐഎന്ടിയുസി അറിയിച്ചു. ഏഴു മാസമായി ലോട്ടറി തൊഴിലാളികള്ക്കു പെന്ഷന് ലഭിച്ചിട്ടില്ലെന്നും ഇത്രയും വരുമാനം ഉണ്ടാക്കി നല്കുന്ന തൊഴിലാളികളോടു വലിയ ക്രൂരതയാണ് സര്ക്കാര് കാണിക്കുന്നതെന്നും യോഗം കുറ്റപ്പെടുത്തി.…
Read Moreഇടശേരി ബാറിനു മുന്നിലെ വെടിവയ്പ്; മുഖ്യപ്രതി വിനീത് വീണ്ടും പോലീസ് കസ്റ്റഡിയിൽ
കൊച്ചി: എറണാകുളം കതൃക്കടവ് ഇടശേരി ബാറിലെ മാനേജരടക്കം മൂന്നുപേരെ വെടിവച്ചു കൊല്ലാന് ശ്രമിച്ച കേസില് അറസ്റ്റിലായ മുഖ്യപ്രതി അങ്കമാലി പാറക്കടവ് പുളിയിനം കൊടുശേരി ചീരോത്തില് വിനീതി (കോമ്പാറ വിനീത് 37)നെ ചോദ്യം ചെയ്യലിന് പോലീസ് വീണ്ടും കസ്റ്റഡിയില് വാങ്ങി. ഇയാളുടെ വീട്ടില്നിന്ന് തോക്ക് കണ്ടെത്തിയ കേസിലാണ് ഇന്നലെ മുതല് പ്രതിയെ ചോദ്യം ചെയ്യുന്നത്. വെടിവയ്പ്പിനു ശേഷം വിനീതിന്റെ വീട്ടില് പോലീസ് നടത്തിയ പരിശോധനയില് വെടിവയ്ക്കാന് ഉപയോഗിച്ച തോക്കും മറ്റൊരു തോക്കും കണ്ടെടുത്തിരുന്നു. രണ്ടു തോക്കുകളിലും തിരകള് നിറച്ച നിലയിലായിരുന്നു. ഇതിനെക്കുറിച്ച് കൂടുതല് കാര്യങ്ങള് ചോദിച്ചറിയുന്നതിനാണ് പോലീസ് ഇയാളെ ചോദ്യം ചെയ്യുന്നത്. ഫെബ്രുവരി 11ന് രാത്രിയാണ് കതൃക്കടവ് ഇടശേരി ബാറിലെത്തിയ വിനീതും നാലു കൂട്ടുകാരും ചേര്ന്ന് ബാര് ജീവനക്കാരെ മര്ദിക്കുകയും തോക്ക് ഉപയോഗിച്ച് വെടിവയ്ക്കുകയും ചെയ്തത്. കേസിലെ 15 പ്രതികളും ജയില് ശിക്ഷ അനുഭവിക്കുകയാണ്.
Read Moreകുടിവെള്ളം മുട്ടിച്ചു; പാലാ ളാലം തോട്ടില് രാസവസ്തുക്കള് കലര്ത്തി മീന്പിടിത്തം
പാലാ: ളാലം തോട്ടിലെ തേറ്റാനി ചെക്കുഡാമിലും ചീമ്പനാല് ചെക്ഡാമിലും രാസവസ്തുക്കള് കലര്ത്തി മീന്പിടിച്ചതു മൂലം നാട്ടുകാരുടെ കുടിവെള്ളം മുട്ടി. മത്സ്യങ്ങള് ചത്തുപൊങ്ങി വെള്ളം മലിനമായി. നാട്ടുകാര് പരാതിപ്പെട്ടതിനെത്തുടര്ന്ന് പോലീസും ഹെല്ത്ത് വിഭാഗം ഉദ്യോഗസ്ഥരും സ്ഥലത്തെത്തി വെളളം ശേഖരിച്ച് പരിശോധനയ്ക്ക് അയച്ചു. കുളിക്കുന്നതിനും ഇതര ആവശ്യങ്ങള്ക്കുമായി ഉപയോഗിക്കുന്ന വെള്ളം വലിയ തോതില് മലിനമായതോടെ ചെക്കുഡാം തുറന്നു. ഇതോടെ സമീപത്തെ കിണറുകൾ വറ്റി. വേനല് കടുത്തതോടെ അത്യാവശ്യത്തിനുപോലും വെള്ളം കിട്ടാനില്ലാത്ത സാഹചര്യത്തില് സാമൂഹ്യവിരുദ്ധരുടെ പ്രവൃത്തി ജനങ്ങളെ ഏറെ ബുദ്ധിമുട്ടിച്ചു. തോടിന്റെ പരിസരങ്ങളില് ലഹരിസംഘങ്ങളുടെ ശല്യം രൂക്ഷമാണെന്നും നാട്ടുകാര് പറയുന്നു. തോട്ടിലേക്കു വലിച്ചെറിഞ്ഞ മദ്യക്കുപ്പികളിൽ ചവട്ടി ആളുകൾക്കു പരിക്കേൽക്കുന്ന സാഹചര്യവും നിലവിലുണ്ട്. അറവുമാലിന്യങ്ങള് ഉള്പ്പെടെയുള്ളവ നിരന്തരം റോഡിലും തോടിന്റെ കരയിലും ഉപേക്ഷിക്കുന്നതു സംബന്ധിച്ച് മുന്പും പരാതി നല്കിയിട്ടുണ്ട്. രാത്രികാലങ്ങളില് പോലീസ് പട്രോളിംഗ് ശക്തമാക്കണമെന്നും വെള്ളം മലിനമാക്കിയവര്ക്കെതിരേ നടപടി സ്വീകരിക്കണമെന്നുമാണു നാട്ടുകാരുടെ ആവശ്യം.
Read Moreകൊച്ചി വാട്ടര് മെട്രോ മൂന്നിടങ്ങളിലേക്കു കൂടി; നാല് ടെര്മിനലുകളുടെ ഉദ്ഘാടനം നാളെ
കൊച്ചി: കൊച്ചി വാട്ടര്മെട്രോ സര്വീസ് കൂടുതല് സ്ഥലങ്ങളിലേക്കും. നിര്മാണം പൂര്ത്തീകരിച്ച മുളവുകാട് നോര്ത്ത്, സൗത്ത് ചിറ്റൂര്, ഏലൂര്, ചേരാനെല്ലൂര് ടെര്മിനലുകളുടെ ഉദ്ഘാടനം നാളെ വൈകുന്നേരം 5.30ന് ഏലൂര് വാട്ടര്മെട്രോ ടെര്മിനലില് നടക്കുന്ന ചടങ്ങില് മുഖ്യമന്ത്രി പിണറായി വിജയന് ഓണ്ലൈനായി നിര്വഹിക്കും. പുതിയ നാല് ടെര്മിനലുകള്കൂടി തുറക്കുന്നതോടെ വാട്ടര്മെട്രോ സര്വീസ് നടത്തുന്ന ടെര്മിനലുകളുടെ ഒന്പത് ആകും. രണ്ട് റൂട്ടുകളിലേക്കാണ് ഉദ്ഘാടനത്തോടെ പുതിയ സര്വീസ് ആരംഭിക്കുന്നത്. ഹൈക്കോര്ട്ട് ജംഗ്ഷന് ടെര്മിനലില് നിന്ന് ബോല്ഗാട്ടി, മുളവുകാട് നോര്ത്ത് ടെര്മിനലുകള് വഴി സൗത്ത് ചിറ്റൂരിലേക്കുള്ളതാണ് ഒരു റൂട്ട്. സൗത്ത് ചിറ്റൂര് ടെര്മിനലില് നിന്ന് ഏലൂര് ടെര്മിനല് വഴി ചേരാനെല്ലൂര് ടെര്മിനല് വരെയുള്ളതാണ് മറ്റൊരു റൂട്ട്. ഇതോടെ ഒന്പത് ടെര്മിനലുകളിലായി അഞ്ചു റൂട്ടിലേക്ക് കൊച്ചി വാട്ടര് മെട്രോ വളരും. സര്വ്വീസ് ആരംഭിച്ച് പത്ത് മാസം പിന്നിട്ടപ്പോള് മൂന്ന് റൂട്ടുകളില് പതിനേഴര ലക്ഷത്തിലധികം ആളുകളാണ് കൊച്ചി…
Read Moreഹോംസ്റ്റേയുടെ മറവില് അനാശാസ്യം; കുപ്രസിദ്ധ ഗുണ്ടാ നേതാവ് ഭായ് നസീറിനെ തേടി പോലീസ്
കൊച്ചി: സ്പായുടെ മറവില് അനാശാസ്യകേന്ദ്രം നടത്തിയിരുന്ന കുപ്രസിദ്ധ ഗുണ്ടാ നേതാവ് ഭായ് നസീറിനെ തേടി പോലീസ്. ഓള്ഡ് കതൃക്കടവ് റോഡിലുള്ള ഓള്ഗാ ഹോംസ്റ്റേയെന്ന സ്ഥാപനം കഴിഞ്ഞ രണ്ടിന് എറണാകുളം നോര്ത്ത് പോലീസ് റെയ്ഡ് ചെയ്തിരുന്നു. ഇവിടെ അനാശാസ്യ പ്രവര്ത്തനങ്ങളില് ഏര്പ്പെട്ടിരുന്ന തിരുവനന്തപുരം ശ്രീകാര്യം സ്വദേശി സജിമോന് (45), മലപ്പുറം പൊന്നാനി സ്വദേശി ഫൈസല് ഹമീദ് (34), മലപ്പുറം സ്വദേശി കെ.ഷിജില് (29), പാലക്കാട് തൃക്കണ്ടേരി സ്വദേശി പി. നിഷാദ്(36), കണ്ണൂര് സ്വദേശി വിപിന്ദാസ് (36), മലപ്പുറം ചേലാമ്പ്ര സ്വദേശി നൗഫല് ഖാന് (27), തിരുവല്ല സ്വദേശി വി.കെ. വിനീത് (38), കൊല്ലം പത്തനാപുരം സ്വദേശി പി. വിനു (29) എന്നിവരാണ് അന്ന് അറസ്റ്റിലായത്. ഇവര്ക്കൊപ്പം രണ്ട് ഉത്തരേന്ത്യന് സ്വദേശിനികളും ഒരു കൊല്ലം സ്വദേശിനിയും ഉണ്ടായിരുന്നു.സ്ഥാപനം നടത്തിപ്പിനായി നസീര് മുതല് മുടക്കി എന്നു കണ്ടെത്തിയതിനെത്തുടര്ന്ന് അന്നുതന്നെ ഇയാളെ പോലീസ്…
Read Moreപേരാമ്പ്രയിലെ യുവതിയുടെ മരണം കൊലപാതകമോ?മൃതദേഹം കണ്ടത് മുട്ടോളം വെള്ളമുള്ള തോട്ടിൽ, സ്വർണാഭരണങ്ങൾ കാണുന്നില്ല
കോഴിക്കോട്: കോഴിക്കോട് പേരാമ്പ്ര നൊച്ചാട് ദുരൂഹ സാഹചര്യത്തിൽ മരിച്ച യുവതിയുടെ പോസ്റ്റ്മോർട്ടം ഇന്ന് രാവിലെ കോഴിക്കോട് മെഡിക്കല് കോളജില് നടത്തി. ഇന്നലെ രാവിലെ 11നാണ് അല്ലിയോറത്തോട്ടിൽ അർധ നഗ്നയായി വാളൂര് സ്വദേശിയായ അനുവിന്റെ(26) മൃതദേഹം കണ്ടെത്തിയത്. തിങ്കളാഴ്ച രാവിലെ എട്ടരയ്ക്ക് വാളൂരിലെ വീട്ടിൽ നിന്നിറങ്ങിയ അനുവിനെ കാണാതായിരുന്നു. കുടുംബാംഗങ്ങൾ നൽകിയ പരാതിയിൽ പേരാമ്പ്ര പോലീസ് അന്വേഷണം നടത്തുന്നതിനിടെയാണ് മൃതദേഹം കണ്ടെത്തിയത്. കാണാതാകുമ്പോൾ ദേഹത്തുണ്ടായിരുന്ന സ്വർണാഭരണങ്ങൾ മൃതദേഹത്തിൽ ഉണ്ടായിരുന്നില്ല. മുട്ടോളം മാത്രമുള്ള വെള്ളത്തിൽ മുങ്ങി മരിക്കാൻ സാധ്യതയില്ലെന്നാണ് ബന്ധുക്കളുടെയും നാട്ടുകാരുടെയും ആരോപണം. പേരാമ്പ്ര പോലീസ് അന്വേഷണമാരംഭിച്ചിട്ടുണ്ട്. ഒരു വര്ഷം മുൻപായിരുന്നു അനുവിന്റെ വിവാഹം. മൂന്ന് മാസമായി ഭര്ത്താവ് കോവിഡനന്തര രോഗങ്ങളെ തുടര്ന്ന് അവശനാണ്. ഭര്ത്താവിനെ ശുശ്രൂഷിക്കുന്നതിനിടയിൽ അമ്മയ്ക്ക് സുഖമില്ലാതെ വന്നതോടെയാണ് വാളൂരിലെ സ്വന്തം വീട്ടിലേക്ക് കഴിഞ്ഞ ദിവസം അനു എത്തിയത്. ഭര്ത്താവിനെ ആശുപത്രിയിൽ കാണിക്കേണ്ടതിനാലാണ് വീട്ടിൽനിന്ന് യുവതി പോയത്.…
Read Moreനിലമ്പൂരിലെ കാർ മോഷ്ടാവിന് പ്രായം ഇരുപത്; പതിനാലാം വയസുമുതൽ മോഷണക്കേസുകളിൽ പ്രതി; മുഹമ്മദിനെക്കുറിച്ച് പോലീസ് പറയുന്നതിങ്ങനെ
നിലമ്പൂര്: നിലമ്പൂരില് വീട്ടുമുറ്റത്ത് നിര്ത്തിയിട്ട കാര് മോഷ്ടിച്ച് കടത്തിയ കേസിലെ ഇരുപതു കാരനായ പ്രതി മോഷണം തുടങ്ങിയത് പതിനാലാം വയസിൽ. മമ്പാട് കോലത്തുംകുന്ന് തയ്യില് മുഹമ്മദ് ആദിലി(20)നെയാണ് കഴിഞ്ഞ ദിവസം കാർ മോഷണക്കേസിൽ പോലീസ് അറസ്റ്റു ചെയ്തത്. ഞായറാഴ്ച പുലർച്ചെ ഇയാൾ മോഷ്ടിച്ച കാര് വില്പ്പനയ്ക്കായി കോയമ്പത്തൂരിലേക്ക് കൊണ്ടു പോകും വഴി വാളയാറില് നിന്നാണ് നിലമ്പൂര് പോലീസ് സ്റ്റേഷനിലെ എസ്ഐമാരായ ടി. മുജീബ്, ഗിരിഷ് കുമാര് എന്നിവരുടെ നേതൃത്വത്തില് പിടികൂടിയത്. കാര് പൊളിച്ചു വില്ക്കാനാണ് കോയമ്പത്തൂരിലേക്കു കൊണ്ടുപോയതെന്നു പ്രതി മൊഴി നല്കി. 20 വയസുകാരനായ ഈ മോഷ്ടാവിന് കോഴിക്കോട് ജില്ലയിലെ പന്തീരാങ്കാവ്, കൊളത്തൂര്, മലപ്പുറം ജില്ലയിലെ കൊണ്ടോട്ടി, എറണാകുളം ടൗണ് നോര്ത്ത് സ്റ്റേഷനുകളിലായി മോഷണ കേസുകളില് പ്രതി ചേര്ക്കപ്പെട്ടിട്ടുണ്ട്. 14ാം വയസ് മുതല് മുഹമ്മദ് ആദില് മോഷണം തൊഴിലാക്കി വരുന്നയാളാണെന്ന് പോലീസ് പറഞ്ഞു. നിലമ്പൂര് പാത്തിപ്പാറയിലെ തരിയക്കോടന്…
Read Moreചൂരക്കാട് സ്ഫോടനം നടന്നിട്ട് ഒരു മാസം; നഷ്ടങ്ങൾ ആര് നികത്തും
ഷിബു ജേക്കബ്തൃപ്പൂണിത്തുറ: രാജനഗരിയെ വിറപ്പിച്ച ചൂരക്കാട് സ്ഫോടനം നടന്നിട്ട് ഇന്ന് ഒരു മാസം. അതിജീവനത്തിന്റെ വാഗ്ദാനങ്ങളും കണക്കെടുപ്പുമെല്ലാം പെരുമഴ പോലെ പിന്നാലെയുണ്ടായെങ്കിലും ചൂരക്കാട് വൈഎംഎ റോഡ് നിവാസികളുടെ ജീവിതം ഇപ്പോഴും അനിശ്ചിതാവസ്ഥയിൽ തന്നെ. ചില സന്നദ്ധ സംഘടനകളും മറ്റും ചെയ്തു കൊടുത്ത താൽക്കാലിക അറ്റകുറ്റപ്പണികൾ മാത്രമാണ് സ്ഫോടനം നാശം വിതച്ച വീടുകളിൽ ആകെക്കൂടി നടന്നത്. മറ്റു ചിലരാകട്ടെ, സ്വന്തം കൈയിലെ പണമെടുത്താണ് താൽക്കാലികമായെങ്കിലും കയറിക്കിടക്കാൻ പറ്റുന്ന വിധത്തിൽ തങ്ങളുടെ വീടുകളുടെ അറ്റകുറ്റപ്പണികൾ നടത്തിയത്. കഴിഞ്ഞ ഫെബ്രുവരി 12ന് രാവിലെ പത്തരയോടെയായിരുന്നു നാടിനെ നടുക്കിയ സ്ഫോടനം ചൂരക്കാട് ഉണ്ടായത്. പുതിയകാവ് ഭഗവതി ക്ഷേത്രത്തിലെ ഉത്സവത്തോടനുബന്ധിച്ച് വടക്കേ ചേരുവാരത്തിന്റെ താലപ്പൊലി ആഘോഷത്തിന് കത്തിക്കാനെത്തിച്ച വെടിക്കോപ്പുകൾ വൻ ശബ്ദത്തോടെ പൊട്ടിത്തെറിക്കുകയായിരുന്നു. രണ്ടു പേർ മരിക്കുകയും ഒട്ടേറെയാളുകൾക്ക് പരിക്കേൽക്കുകയും 320 ഓളം വീടുകൾക്ക് നാശനഷ്ടങ്ങളുണ്ടാവുകയും ചെയ്തിരുന്നു. ദുരന്ത ബാധിതർക്ക് സമാശ്വാസമെന്നോണം, സ്ഫോടന ദിവസം…
Read More