തൃശൂർ: കോണ്ഗ്രസ് വിട്ട് ബിജെപിയിലേക്ക് വന്ന പത്മജ വേണുഗോപാൽ തൃശൂരിൽ ലോക്സഭ തെരഞ്ഞെടുപ്പു പ്രചരണവുമായി ക്യാന്പു ചെയ്യുന്നത് ബിജെപിക്ക് തിരിച്ചടിയാകുമെന്ന ആശങ്ക ഉയർത്തി ബിജെപിക്കകത്ത് ഒരു വിഭാഗം. കരുണാകരന്റെ തട്ടകമായ തൃശൂരിൽ പത്മജക്കെതിരെ ജനരോഷം ശക്തമാണെന്നും അതുകൊണ്ടുതന്നെ പത്മജ സുരേഷ്ഗോപിക്കു വേണ്ടി തൃശൂരിൽ പ്രചരണത്തിനിറങ്ങിയാൽ അത് സുരേഷ്ഗോപിക്ക് വോട്ടു കുറയുന്നതിന് കാരണമാകുമെന്ന് കരുതുന്നവർ ബിജെപിക്കുള്ളിലുണ്ട്.ഇത് നേതൃത്വത്തെ അവർ അറിയിച്ചു കഴിഞ്ഞിട്ടുണ്ട്. പത്മജ പ്രചരണത്തിനിറങ്ങിയാൽ സുരേഷ്ഗോപിക്ക് വോട്ടുകുറയുമെന്ന് കോണ്ഗ്രസ് നേതാക്കൾ തന്നെ പറഞ്ഞിരുന്നു. ഇതിനു തൊട്ടുപിന്നാലെയാണ് ബിജെപിക്കാരും ഇതേ വാദം ഉന്നയിക്കുന്നത്. എന്നാൽ പത്മജ വേണുഗോപാലിന് തൃശൂരിൽ ഇപ്പോഴും പിടിപാടുണ്ടെന്നും അവർക്ക് സ്വാധീനമുള്ള കോണ്ഗ്രസ് ബെൽറ്റുകളിലെ വോട്ടുകൾ സുരേഷ്ഗോപിക്ക് അനുകൂലമാക്കി മാറ്റാൻ പത്മജയെ തൃശൂരിൽ പ്രചരണത്തിന് ഉപയോഗിക്കണമെന്ന വാദവും ബിജെപിക്കകത്തുണ്ട്. മുരളീധരനോടും പത്മജയോടും അടുപ്പമുള്ള കോണ്ഗ്രസ് പ്രവർത്തകരുടെ വോട്ടുകൾ സുരേഷ്ഗോപിക്ക് ഉറപ്പാക്കാൻ പത്മജയെ ഉപയോഗപ്പെടുത്തണമെന്ന തന്ത്രമാണ് ബിജെപി മുന്നോട്ടുവയ്ക്കുന്നത്.…
Read MoreCategory: Edition News
മോന്സന് മാവുങ്കലിന്റെ വാടകവീട്ടില് മോഷണം; പരാതിയില് കഴമ്പുണ്ടോയെന്ന് പോലീസ് അന്വേഷണം
കൊച്ചി: പുരാവസ്തു സാമ്പത്തിക തട്ടിപ്പ് കേസില് റിമാന്ഡില് കഴിയുന്ന മോന്സന് മാവുങ്കലിന്റെ വാടക വീട്ടില് മോഷണം നടന്നെന്ന പരാതിയില് കഴമ്പുണ്ടോയെന്ന് പോലീസ് അന്വേഷിക്കുന്നു. കേസുമായി ബന്ധപ്പെട്ട് ക്രൈംബ്രാഞ്ചിന്റെ കസ്റ്റഡിയിലുണ്ടായിരുന്ന കലൂരിലെ വീട്ടില് ഈ മാസം എട്ടിന് ഗേറ്റ് പൊളിച്ചു ചിലര് അതിക്രമിച്ചു കടന്നു കയറിയെന്നും മോഷണം നടത്തിയെന്നുമാണ് മോന്സന്റെ മകന് മാനസ് വക്കീല് മുഖേന ഇന്നലെ എറണാകുളം നോര്ത്ത് പോലീസില് പരാതി നല്കിയിരിക്കുന്നത്. വീടിനുള്ളില് വിലപിടിപ്പുള്ള ഒട്ടേറെ വസ്തുക്കള് സൂക്ഷിച്ചിട്ടുള്ളതായും ആളുകള് അതിക്രമിച്ചു കയറിയ വിവരം അയല്വാസിയാണ് തന്നെ അറിയിച്ചതെന്നുമാണ് പരാതിയിലുള്ളത്. അതേസമയം ഈ വീടിന്റെ ഉടമ മോഷണം സംബന്ധിച്ച് ഇതുവരെ പരാതിയൊന്നും നല്കിയിട്ടില്ലെന്നു പോലീസ് പറഞ്ഞു. വീട്ടുടമയ്ക്ക് വര്ഷങ്ങളായി മോന്സന് വാടക നല്കിയിട്ടില്ലെന്നും മോന്സന് അവിടെനിന്ന് മാറണമെന്നുള്ള കോടതി വിധി കഴിഞ്ഞ ദിവസം വീട്ടുടമയ്ക്ക് ലഭിച്ചുവെന്നും പോലീസ് പറയുന്നു. ഇക്കാരണങ്ങളാല് പരാതി വിശ്വാസ്യയോഗ്യമാണോയെന്ന് പോലീസ് അന്വേഷിച്ചുവരുകയാണ്.
Read Moreമ്ലാവ് റോഡിന് കുറുകേ ചാടി ഓട്ടോറിക്ഷ മറിഞ്ഞു; രോഗിയുമായി പോയ ഡ്രൈവർക്ക് ദാരുണാന്ത്യം
കോതമംഗലം: ഓട്ടോറിക്ഷയിൽ മ്ലാവ് ഇടിച്ച് മറിഞ്ഞ് ഡ്രൈവർ മാമലക്കണ്ടം സ്വദേശിക്ക് ദാരുണാന്ത്യം. ഓട്ടോയിലെ യാത്രക്കാരായ മൂന്ന് പേർ നിസാര പരിക്കുകളോടെ രക്ഷപ്പെട്ടു. മാമലക്കണ്ടം എളംബ്ലാശേരി പറമ്പിൽ പി.എൻ. വിജിൽ (41) ആണ് മരിച്ചത്. കീരംപാറ പഞ്ചായത്തിലെ പുന്നേക്കാട് തട്ടേക്കാട് റോഡിൽ കളപ്പാറയിൽ ഇന്നലെ രാത്രി 10 ഓടെയാണ് അപകടം. റോഡരികിൽനിന്നും അപ്രതീക്ഷിതമായി ഓട്ടോറിക്ഷയുടെ മുന്നിലേക്ക് എടുത്തുചാടിയ മ്ലാവ് ഓട്ടോയിൽ ഇടിച്ചതിനെ തുടർന്ന് നിയന്ത്രണംവിട്ട വാഹനം റോഡിൽ മറിയുകയായിരുന്നു. വാഹനത്തിനടയിൽപ്പെട്ട വിജിലിനെ വാഹനം ഉയർത്തിയാണ് പുറത്തെടുത്തത്. മാമലക്കണ്ടം സ്വദേശികളായ കണ്ണപ്പൻ ആലക്കൻ, ജോമോൻ തോമസ്, വി.ഡി. പ്രസാദ് എന്നിവരാണ് വിജിലിനൊപ്പം ഓട്ടോയിൽ ഉണ്ടായിരുന്നത്. ഇവർ മൂവരും നിസാര പരിക്കുകളോടെ രക്ഷപ്പെട്ടു. കണ്ണപ്പൻ ആലക്കന്റെ കൈ മുറിഞ്ഞതിനെ തുടർന്ന് വിജിലിന്റെ ഓട്ടോറിക്ഷയിൽ കോതമംഗലം താലൂക്ക് ആശുപത്രിയിലേക്ക് പോകും വഴിയാണ് അപകടം. ഉടൻ തന്നെ വിജിലിനെ കൂടെയുണ്ടായിരുന്ന മൂന്ന് പേരും വിവരം…
Read Moreഹൈറേഞ്ചില് 5 കുരിശുപള്ളികള് ആക്രമിച്ചു; അക്രമികൾ ബൈക്കിലെത്തിയ രണ്ടംഗസംഘമെന്നു സൂചന
ഇടുക്കി: ഹൈറേഞ്ച് മേഖലയിലെ വിവിധ കുരിശുപള്ളികള്ക്കുനേരേ സമൂഹിക വിരുദ്ധരുടെ ആക്രമണം. അഞ്ച് കുരിശു പള്ളികളുടെ രൂപക്കൂടുകളുടെ ചില്ലുകള് കല്ലെറിഞ്ഞ് തകര്ത്തു. പുളിയന്മല സെന്റ് ആന്റണീസ് പള്ളിയുടെ അമല മനോഹരി കപ്പേള, കട്ടപ്പന സെന്റ് മേരീസ് ഓര്ത്തഡോക്സ് കുരിശുപള്ളി, കമ്പംമെട്ട് മൂങ്കിപ്പള്ളം, ഇരുപതേക്കര്, കൊച്ചറ ഓര്ത്തഡോക്സ് കുരിശുപള്ളികള് എന്നിവയാണ് അക്രമികള് എറിഞ്ഞു തകര്ത്തത്. പോലീസ് സ്ഥലത്തെത്തി അന്വേഷണം ആരംഭിച്ചു. ഇന്നു പുലര്ച്ചെ പള്ളികളില് പ്രാര്ഥനയ്ക്കെത്തിയവരാണ് സംഭവം ആദ്യം അറിഞ്ഞത്. പുളിയന്മല കമ്പനിപ്പടിയില് പുലര്ച്ചെ ഒന്നരയോടെ ബൈക്കിലെത്തിയ രണ്ടംഗ സംഘം ചില്ല് എറിഞ്ഞു തകര്ത്തതിന്റെ സൂചന പോലീസിനു ലഭിച്ചിട്ടുണ്ട്. നാലടി വീതിയും ആറടി ഉയരവുമുള്ള വാതിലിന്റെ ഗ്ലാസാണ് തകര്ന്നത്. പുളിയന്മല പള്ളിക്ക് സമീപമുള്ള ഗ്രോട്ടോയുടെ തൂണിനും കേടുപാടുണ്ടായി. സംഭവത്തില് കേസെടുത്ത പോലീസ് സിസിടിവി ദൃശ്യങ്ങള് അടക്കമുള്ള വിവരങ്ങള് ശേഖരിച്ച് വിശദമായ അന്വേഷണം ആരംഭിച്ചു. സംഭവം മേഖലയിലെ സമാധാനാന്തരീക്ഷം തകര്ക്കാനുള്ള ശ്രമത്തിന്റെ…
Read Moreമോഹന വാഗ്ദാനങ്ങൾ നൽകി കറക്കിയെടുത്തു; ഓണ്ലൈന് വഴി ലക്ഷങ്ങള് തട്ടി; ഒരാള് അറസ്റ്റിൽ
കുറവിലങ്ങാട്: ഓണ്ലൈന് വഴി ഏറ്റുമാനൂര് സ്വദേശിയില്നിന്നു ലക്ഷങ്ങള് തട്ടിയ കേസില് ഒരാൾ അറസ്റ്റിൽ. മലപ്പുറം താനൂര് താഹ ബീച്ച് ഭാഗത്ത് കോളിക്കനകത്ത് ബഷീര് (48) ആണ് അറസ്റ്റിലായത്. ഇയാളും സുഹൃത്തും ഏറ്റുമാനൂര് സ്വദേശിയായ യുവാവിനോട് ഓണ്ലൈന് മാധ്യമം മുഖേന വീട്ടിലിരുന്ന് കമ്മീഷന് വ്യവസ്ഥയില് ജോലി ചെയ്ത് പണം സമ്പാദിക്കാമെന്നു പറഞ്ഞു വിശ്വസിപ്പിച്ച് ഇയാളില്നിന്നു പലതവണകളായി 1,75,800 രൂപ തട്ടിയെടുക്കുകയായിരുന്നു. വിദേശ കാർ കമ്പനിയുടെ വ്യാജ ഓണ്ലൈന് ലിങ്ക് നിര്മിച്ചാണ് പണം തട്ടിയത്. കമ്പനിയുടെ കാര് വില്പന നടത്തുമ്പോള് കിട്ടുന്ന കമ്മീഷന് ലഭിക്കണമെങ്കില് അതിന്റെ കമ്മീഷനായി കുറച്ചു പണം വേറൊരു അക്കൗണ്ടില് നിക്ഷേപിക്കണമെന്ന് പറഞ്ഞ് പലതവണകളായി പണം തട്ടിയെടുക്കുകയായിരുന്നു. ഇയാളെ റിമാൻഡ് ചെയ്തു. മുഖ്യപ്രതിക്കു വേണ്ടി തെരച്ചില് ശക്തമാക്കിയിട്ടുണ്ടെന്നു പോലീസ് പറഞ്ഞു.
Read Moreനാട്ടുമത്സ്യങ്ങളുടെ ലഭ്യത കുറയുന്നു; ഉള്നാടന് മത്സ്യത്തൊഴിലാളികള് പ്രതിസന്ധിയില്
കടത്തുരുത്തി: തോടുകളിലും പുഴകളിലും നാട്ടുമത്സ്യങ്ങളുടെ ലഭ്യത കുറയുന്നു, ഉള്നാടന് മത്സ്യത്തൊഴിലാളികള് പ്രതിസന്ധിയില്. അപ്പര്കുട്ടനാടന് മേഖലയിലെ പാടശേഖരങ്ങളിലും ചെറുതോടുകളിലും മത്സ്യങ്ങളുടെ ലഭ്യത കുറഞ്ഞതോടെ ഒരു പകല് മുഴുവന് പണിയെടുത്താലും കാര്യമായ നേട്ടമില്ലാത്ത അവസ്ഥയാണ് പലപ്പോഴമെന്നു ഉള്നാടന് മത്സ്യതൊഴിലാളികള് പറയുന്നു. മുന്കാലങ്ങളില് ദിവസം 20 മുതല് 25 കിലോ വരെ മത്സ്യം കിട്ടിയിരുന്നു. മത്സ്യസമ്പത്ത് ഗണ്യമായി കുറയുന്ന വേനല്ക്കാലത്ത് പലപ്പോഴും വീടുകള് പട്ടിണിയിലാണ്. തോടുകളില്നിന്നു കാരി, വരാല്, വാള, കൂരി, പരല്, പള്ളത്തി, മണല്വാള, ആറ്റുചെമ്പല്ലി, മഞ്ഞക്കൂരി എന്നിങ്ങനെയുള്ള മീനുകളാണ് ലഭിച്ചിരുന്നത്. ഇത്തരം നാട്ടുമത്സ്യങ്ങള് മാര്ക്കറ്റില് എത്തിച്ചാല് മറ്റു മത്സ്യങ്ങളേക്കാള് ആവശ്യക്കാരുണ്ടായിരുന്നു. അതുകൊണ്ടുതന്നെ ഇവയ്ക്ക് ഉയര്ന്ന വിലയും ലഭിച്ചിരുന്നു. കരിമീനിന് കിലോഗ്രാമിന് 300 മുതല് 500 വരെയാണ് വലുപ്പത്തിനനുസരിച്ച് വില. മഞ്ഞക്കൂരി – 300, വരാല് – 500 മുതല് 600 വരെ, കാരി-400, വാള-200 മുതല് 400 വരെ,…
Read Moreപ്രോസിക്യൂഷൻ പരാജയം; പിറന്നാള് ദിവസം മകളെ പീഡിപ്പിച്ചെന്ന കേസിൽ പിതാവിനെ വെറുതെവിട്ട് കോടതി
ആലപ്പുഴ: പ്രായപൂര്ത്തിയാകാത്ത മകളെ പിറന്നാള് ദിവസം രാത്രി പിതാവ് പീഡിപ്പിച്ചെന്ന കേസില് പിതാവിനെ കോടതി വെറുതെവിട്ടു. കൊല്ലം ജില്ലയില് ആര്യന്കാവ് ചക്കാലയ്ക്കല് സോജന് എന്ന ജോണിനെയാണ് കുറ്റക്കാരനല്ലെന്നുകണ്ടു ആലപ്പുഴ പോക്സോ കോടതി വെറുതെവിട്ടത്. നാലാം ക്ലാസ് വിദ്യാര്ഥിനിയെ പിറന്നാള് ദിവസം പിതാവ് ഉപദ്രവിച്ചെന്നാണ് കേസ്. കുട്ടി അടുത്തദിവസം സ്കൂളില് വിവരം പറഞ്ഞതിനെതുടര്ന്ന് സ്കൂള് അധികാരികളാണ് പോലീസിനെ വിവരം അറിയിച്ചത്. പ്രതിക്കെതിരേയുള്ള കുറ്റം തെളിയിക്കുന്നതിന് പ്രോസിക്യൂഷന് സാധിച്ചില്ല എന്ന പ്രതിഭാഗം വാദം അംഗീകരിച്ചാണ് കോടതി പിതാവിനെ വെറുതെവിട്ടത്. കേരള ലീഗല് സര്വീസ് അഥോറിറ്റി നടപ്പാക്കിയ സൗജന്യ നിയമസഹായ സംരംഭമായ ഡിഫെന്സ് കൗണ്സില് സിസ്റ്റംവഴിയാണ് പ്രതി കോടതിയില് കേസ് നടത്തിയത്. പ്രതിക്കുവേണ്ടി ആലപ്പുഴ ജില്ലാ ചീഫ് ലീഗല് എയ്ഡ് ഡിഫെന്സ് കൗണ്സില് അഡ്വ. പി.പി. ബൈജു ഹാജരായി.
Read Moreആലപ്പുഴയിൽ എൽഡിഎഫ് ജയം ആവർത്തിക്കും; അതിനാൽ കോൺഗ്രസിന് രാജ്യസഭയിലെ സീറ്റ് നഷ്ടമാകില്ലെന്ന് എം.വി. ഗോവിന്ദൻ
ആലപ്പുഴ: ലോക്സഭാ തെരഞ്ഞെടുപ്പിൽ ആലപ്പുഴയിൽ ജയം ആവർത്തിക്കുമെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. ആലപ്പുഴയിൽ യുഡിഎഫ് സ്ഥാനാർഥി കെ.സി. വേണുഗോപാൽ ജയിക്കില്ല. അതിനാൽ കോൺഗ്രസിന് രാജ്യസഭയിലെ സീറ്റ് നഷ്ടമാകുമെന്ന സാഹചര്യവും ഉണ്ടാകില്ലെന്നും അദ്ദേഹം പറഞ്ഞു. കഴിഞ്ഞ തവണ കൊടുങ്കാറ്റിലും എൽഡിഎഫിനൊപ്പം ഉറച്ചുനിന്ന മണ്ഡലമാണ് ആലപ്പുഴയെന്നും അദ്ദേഹം കൂട്ടിച്ചേർത്തു. കഴിഞ്ഞ ലോക്സഭാ തെരഞ്ഞെടുപ്പിൽ കേരളത്തിൽ എൽഡിഎഫ് വിജയിച്ച ഏകമണ്ഡലമാണ് ആലപ്പുഴ. സിറ്റിംഗ് എംപി എ.എം. ആരിഫാണ് ഇത്തവണയും മത്സരരംഗത്ത്.
Read More“എന്നെ സംഘിയാക്കുന്നവർക്കു മറുപടി നൽകാൻ മലയാളത്തിൽ നല്ല വാക്കുകളുണ്ട്; ഹിന്ദുമതം ബിജെപിയുടെ കുത്തകയാണോയെന്ന് പി.ജെ.കുര്യൻ
തിരുവനന്തപുരം: താൻ ബിജെപിയിൽ ചേരുമെന്നുള്ള സോഷ്യൽ മീഡിയ പ്രചരണത്തിനെതിരേ കടുത്ത പ്രതികരണവുമായി മുതിർന്ന കോൺഗ്രസ് നേതാവ് പി.ജെ. കുര്യൻ. “എന്നെ സംഘിയാക്കുന്നവർക്കു മറുപടി നൽകാൻ മലയാളത്തിൽ നല്ല വാക്കുകളുണ്ട്, പക്ഷെ പറയുന്നില്ല’- പി.ജെ.കുര്യൻ പ്രതികരിച്ചു. “ഞാൻ തികഞ്ഞ മതേതരവാദിയാണ്. ഹിന്ദുമതത്തിന്റെ ആശയങ്ങളെ ബഹുമാനിക്കുന്ന ആളുമാണ്. എന്നാൽ ഹിന്ദുമതം ബിജെപിയുടെ കുത്തകയാണോ’-കുര്യൻ ചോദിക്കുന്നു. പത്മജയുടെ ബിജെപി പ്രവേശനത്തെയും കുര്യൻ വിമർശിച്ചു. പത്മജയ്ക്ക് ലോകസഭയിലേക്കും നിയമസഭയിലേക്കും പാർട്ടി സീറ്റുകൾ നൽകി, അവർ പരാജയപ്പെട്ടതിന് എന്തു ചെയ്യാൻ കഴിയും. പത്മജ അവസരവാദിയാകാൻ പാടില്ലായിരുന്നുവെന്നും കുര്യൻ പറഞ്ഞു. ലോക്സഭ തെരഞ്ഞെടുപ്പിൽ യുഡിഎഫിന് 20 സീറ്റും ലഭിക്കും. ബിജെപിക്ക് സീറ്റ് കിട്ടുമെന്ന് താൻ കരുതുന്നില്ല. മുരളി വന്നതോടെ തൃശൂരിൽ ബിജെപിയുടെ സാധ്യത പോയിയെന്നും പി.ജെ. കുര്യൻ പറഞ്ഞു.
Read Moreപത്മജ ബിജെപിയിലെത്താൻ കാരണം കെ.സി. വേണുഗോപാൽ’; വിങ്ങുന്ന മനസുമായാണ് അവർ ബിജെപിയിലെത്തിയതെന്ന് ശോഭാ സുരേന്ദ്രൻ
തിരുവനന്തപുരം: പത്മജ വേണുഗോപാൽ ബിജെപിയിൽ ചേരാൻ കാരണം കെ.സി.വേണുഗോപാലെന്ന് ബിജെപി നേതാവും ആലപ്പുഴയിലെ ബിജെപി സ്ഥാനാർഥിയുമായ ശോഭാ സുരേന്ദ്രൻ. കെ.സി. വേണുഗോപാൽ മര്യാദയ്ക്കായിരുന്നെങ്കിൽ പത്മജ കോൺഗ്രസിൽ തുടരുമായിരുന്നുവെന്നും കോൺഗ്രസിലെ അവഗണന കാരണം മനസു വിങ്ങിയാണ് പത്മജ ബിജെപിയിലെത്തിയതെന്നും ശോഭ പറഞ്ഞു. ബിജെപിയില് പോയതിന്റെ പേരില് എത്ര ചീത്ത പറഞ്ഞാലും അപമാനിച്ചാലും വിഷമം ഇല്ലെന്നും ഇതിലും വലുതാണ് കോണ്ഗ്രസിലുള്ളപ്പോള് അനുഭവിച്ചതെന്നും പത്മജ കഴിഞ്ഞ ദിവസം ഫേസ്ബുക്കിൽ കുറിച്ചിരുന്നു. തന്റെ തോൽവിക്ക് കാരണക്കാരനായി നേതാവിനെ മണ്ഡലം ഭാരവാഹിയായി നിയമിച്ചുവെന്നും കോൺഗ്രസ് വിട്ടുപോകാൻ കാരണം നേതാക്കളാണെന്നും ബിജെപിയിൽ ചേർന്ന സമയത്ത് പത്മജ വ്യക്തമാക്കിയിരുന്നു.
Read More