കൊല്ലം: കന്യാകുമാരിയില്നിന്ന് പാലക്കാട് വഴി ദിബ്രുഗഢിലേക്ക് രണ്ട് സൂപ്പര് ഫാസ്റ്റ് സ്പെഷല് ട്രെയിനുകളുമായി ഇന്ത്യന് റെയില്വേ. യാത്രക്കാരുടെ തിരക്ക് കണക്കിലെടുത്താണ് സ്പെഷല് ട്രെയിനുകള് പ്രഖ്യാപിച്ചിരിക്കുന്നത്. 57 സ്റ്റോപ്പുകളുള്ള ട്രെയിനിന് കേരളത്തില് എട്ട് സ്റ്റോപ്പുകളുണ്ട്. ട്രെയിനുകളുടെ ടിക്കറ്റ് ബുക്കിംഗ് കഴിഞ്ഞ ദിവസം ആരംഭിച്ചു.ട്രെയിന് നമ്പര് 06103 കന്യാകുമാരി ദിബ്രുഗഢ് വീക്കലി സൂപ്പര് ഫാസ്റ്റ് സ്പെഷല് ട്രെയിന് മാര്ച്ച് ഒന്ന്, 15, 29 തീയതികളില് സര്വീസ് നടത്തും. വെള്ളിയാഴ്ചകളില് വൈകുന്നേരം 5.25ന് കന്യാകുമാരിയില്നിന്ന് പുറപ്പെടുന്ന ട്രെയിന് നാലാംദിവസം രാത്രി 08.50ന് ദിബ്രുഗഢില് എത്തുന്ന രീതിയിലാണ് സര്വീസ് ക്രമീകരിച്ചിരിക്കുന്നത്. തിരിച്ച് 06104 ദിബ്രുഗഢ് -കന്യാകുമാരി ട്രെയിന് മാര്ച്ച് ആറ്, 20, ഏപ്രില് മൂന്ന് തീയതികളിലാണ് യാത്ര ആരംഭിക്കുക. ബുധനാഴ്ച രാത്രി 7.55ന് ദിബ്രുഗഢില് നിന്ന് പുറപ്പെടുന്ന ട്രെയിന് നാലാംദിവസം രാത്രി 9.55ന് കന്യാകുമാരിയില് എത്തും റെയിൽവേ ജനറൽ മാനേജരുടെ സന്ദർശനത്തിൽ മാറ്റംകൊല്ലം:…
Read MoreCategory: Edition News
പത്തനംതിട്ട ജില്ലാ പഞ്ചായത്ത് പ്രസിഡന്റ് ഓമല്ലൂര് ശങ്കരന് രാജിനല്കി, അധ്യക്ഷ സ്ഥാനം ഇനി സിപിഐയ്ക്ക്
പത്തനംതിട്ട: ജില്ലാ പഞ്ചായത്ത് പ്രസിഡന്റ് ഓമല്ലൂര് ശങ്കരന് സ്ഥാനം രാജിവച്ചു. എല്ഡിഎഫ് ധാരണ പ്രകാരമുള്ള രാജി ശങ്കരന് ഇന്ന് ജില്ലാ പഞ്ചായത്ത് സെക്രട്ടറിക്കു കൈമാറി. ഇന്നലെ ചേര്ന്ന ജില്ലാ പഞ്ചായത്ത് യോഗത്തിലും ഓമല്ലൂര് ശങ്കരന് രാജി നല്കുന്ന തീരുമാനം അറിയിച്ചിരുന്നു. സിപിഐയ്ക്കാണ് ഇനി ജില്ലാ പഞ്ചായത്ത് അധ്യക്ഷ സ്ഥാനം. എല്ഡിഎഫ് ധാരണ പ്രകാരം കഴിഞ്ഞ ഡിസംബര് അവസാനം ഓമല്ലൂര് ശങ്കരന് രാജിവയ്ക്കേണ്ടതായിരുന്നു. സിപിഐ അധ്യക്ഷ സ്ഥാനം ആവശ്യപ്പെട്ട് രംഗത്തുവന്നെങ്കിലും രാജി വൈകിപ്പിച്ചതിനു പിന്നില് സിപിഎമ്മിലെയും സിപിഐയിലെയും ഒരുവിഭാഗത്തിന്റെ സമ്മര്ദമുണ്ടായിരുന്നു. എല്ഡിഎഫ് ജില്ലാ കമ്മിറ്റി കൂടി ധാരണ നടപ്പാക്കണമെന്ന നിര്ദേശം നല്കി. തുടര്ന്ന് സിപിഎം ജില്ലാ സെക്രട്ടേറിയറ്റും ശങ്കരന് രാജിവയ്ക്കണമെന്ന് നിര്ദേശിച്ചു. വീണ്ടും രാജി വൈകുന്നതിനെതിരേ സിപിഐ ശക്തമായ പ്രതികരണവും നടത്തി. സിപിഐയ്ക്ക് ഒരുവര്ഷത്തേക്കാണ് പ്രസിഡന്റ് സ്ഥാനം ലഭിക്കേണ്ടത്. അവസാന ഒരുവര്ഷം കേരള കോണ്ഗ്രസ് എമ്മിനാണ് പ്രസിഡന്റ് സ്ഥാനം…
Read Moreമാരകായുധങ്ങളുമായെത്തി കാർ കത്തിച്ച സംഭവം; മൂന്നുപേർക്കെതിരേ കേസ്
പയ്യന്നൂര്: മൂന്നംഗസംഘം അര്ധരാത്രിയില് മാരകായുധങ്ങളുമായി എത്തി കാര് കത്തിച്ച സംഭവത്തില് പയ്യന്നൂര് പോലീസ് കേസെടുത്തു. കൊല്ലം പത്തനാപുരം ആവണീശ്വരത്തെ ആര്. രതീഷ് കുമാറിന്റെ പരാതിയിൽ കാങ്കോല് പപ്പാരട്ടയിലെ ശിഹാബ്, സൈഫാലി, മനു എന്നിവര്ക്കെതിരേയാണ് പയ്യന്നൂര് പോലീസ് കേസെടുത്തത്. ഇന്നലെ പുലര്ച്ചെ പന്ത്രണ്ടരയ്ക്ക് പെരളം കൂവേരിയിലെ പരാതിക്കാരന് താമസിക്കുന്ന ഓര്ക്കിഡ് ഫര്ണിച്ചര് കമ്പനിയുടെ ഓഫീസ് മുറ്റത്തു നിര്ത്തിയിട്ടിരുന്ന കാറാണ് കത്തിച്ചത്. മാരകായുധങ്ങളുമായെത്തിയ സംഘത്തിന്റെ ദൃശ്യങ്ങള് നിരീക്ഷണ കാമറയില് പതിഞ്ഞിരുന്നു. അതിക്രമിച്ച് കയറിയ പ്രതികള് പരാതിക്കാരനെ കൊല്ലുമെന്ന് ഭീഷണിപ്പെടുത്തിയ ശേഷം കാറിനു തീയിടുകയായിരുന്നുവെന്നാണു പരാതി. അക്രമങ്ങള്ക്കു നേതൃത്വം കൊടുത്ത ശിഹാബിന്റെ കൂടെ കഴിഞ്ഞിരുന്ന യുവതി പരാതിക്കാരന്റെ കൂടെ താമസിക്കുന്നതിലുള്ള വിരോധമാണ് വധഭീഷണിക്കും അക്രമത്തിനും കാരണമെന്നു പരാതിയിൽ പറുന്നുണ്ട് . കാർ കത്തിച്ചതിനെത്തുടർന്ന് ആറ് ലക്ഷം രൂപയുടെ നഷ്ടം സംഭവിച്ചതായി പരാതിയിൽ വ്യക്തമാക്കുന്നു.
Read Moreഫോൺ പിടിച്ചു വാങ്ങിവച്ചശേഷം അമ്മാവൻ ഉപദേശിച്ചു; റിട്ട. എസ്ഐയെ വെട്ടിക്കൊന്ന് സഹോദരിയുടെ മകന്
ഇടുക്കി: തമിഴ്നാട് പോലീസില്നിന്നു വിരമിച്ച റിട്ട. എസ്ഐയെ മറയൂരില് വെട്ടിക്കൊ ലപ്പെടുത്തിയ കേസിൽ പ്രതി പിടിയില്. കോട്ടക്കുളം ഇന്ദിരാഭവനത്തില് പി. ലക്ഷ്മണന് (66) ആണ് ഇന്നലെ വൈകുന്നേരം ഏഴോടെ വെട്ടേറ്റ് മരിച്ചത്. സംഭവത്തില് ലക്ഷ്മണിന്റെ സഹോദരിയുടെ മകന് അരുണ് (23) ആണ് പിടിയിലായത്. സംഭവത്തിനു ശേഷം ഒളിവില് പോയ അരുണിനെ ഇന്നു രാവിലെയാണ് മറയൂര് പോലീസ് പിടികൂടിയത്. ലക്ഷ്മണിന്റെ വീടിന്റെ മുന് ഭാഗത്തുള്ള മറയൂര് -കാന്തല്ലൂര് റോഡിലാണ് കൊലപാതകം നടന്നത്. കാന്തല്ലൂരില്നിന്നാണ് ഇന്നലെ വൈകുന്നേരം അരുണ് ഇവിടെയെത്തിയത്. ഇരുവരും റോഡരികില് സംസാരിച്ചു നില്ക്കുന്നതിനിടെ പെട്ടെന്ന് അരുണ് കാറിലുണ്ടായിരുന്ന വാക്കത്തിയെടുത്ത് ലക്ഷ്മണനെ വെട്ടുകയായിരുന്നു. ഉടന് തന്നെ സമീപവാസികളും മകനും ചേര്ന്ന് ലക്ഷ്മണനെ മറയൂരിലെ സ്വകാര്യ ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു. അക്രമത്തിനു ശേഷം കത്തി വീശി ഭീകരാന്തരീക്ഷം സൃഷ്ടിച്ച ശേഷം പ്രതി മറയൂര് ഗവ. ഹൈസ്കൂളിന്റെ പിന്ഭാഗത്തേക്ക് ഓടിരക്ഷപ്പെടുകയായിരുന്നു.…
Read Moreബത്തേരിയില് സര്വകക്ഷി യോഗം തുടങ്ങി; യുഡിഎഫ് ബഹിഷ്കരിച്ചു
കല്പ്പറ്റ: കാട്ടാനയുടെ ആക്രമണത്തില് ഒരാഴചയ്ക്കിടെ രണ്ടുപേര് കൊല്ലപ്പെട്ട സംഭവത്തിൽ ബത്തേരിയില് സര്ക്കാര് വിളിച്ചുചേര്ത്ത സര്വകക്ഷിയോഗം പ്രതിപക്ഷം ബഹിഷ്കരിച്ചു. മന്ത്രിമാരുടെ സംഘമല്ല മുഖ്യമന്ത്രിയാണ് വരേണ്ടതെന്ന് ടി. സിദ്ദീഖ് എംഎല്എയും ഐ.സി. ബാലകൃഷ്ണൻ എംഎല്എയും യോഗത്തില് പറഞ്ഞു. വനം മന്ത്രിക്കു ഒറ്റയ്ക്കുവരാന് പേടിച്ച് മറ്റുരണ്ടുമന്ത്രിമാരുടെ എസ്കോര്ട്ടോടു കൂടിയാണ് മന്ത്രി ശശീന്ദ്രന് എത്തിയതെന്ന് പ്രതിപക്ഷം കുറ്റപ്പെടുത്തി. ചര്ച്ചയല്ല നടപടിയാണ് വേണ്ടതെന്ന് അവര് പറഞ്ഞു. ചര്ച്ച നടത്തി കബളിപ്പിക്കാനാണ് ശ്രമം. ശശീന്ദ്രന് വയനാട്ടില് എത്താത്തതില് കടുത്ത പ്രതിഷേധം അവതരിപ്പിച്ചാണ് പ്രതിപക്ഷ നേതാക്കള് യോഗത്തില് നിന്ന് ഇറങ്ങിപ്പോന്നത്. ബത്തേരിയില് ആരംഭിച്ച സര്വകക്ഷി യോഗത്തില് റവന്യൂ മന്ത്രി കെ. രാജന്, തദ്ദേശ വകുപ്പു മന്ത്രി എം.ബി. രാജേഷ്, വനം മന്ത്രി എ.കെ. ശശീന്ദ്രന് എന്നിവരാണ് പങ്കെടുക്കുന്നത്. മരിച്ചവരുടെ കുടുംബത്തിനു പ്രഖ്യാപിച്ച ധനസഹായം വര്ധിപ്പിക്കുന്ന കാര്യത്തിലും വന്യമൃഗശല്യം തടയുന്നതിനുള്ള പാക്കേജിന്റെ കാര്യത്തിലും ഇന്ന് പ്രഖ്യാപനം ഉണ്ടാകുെമന്നാണ് സുചന.…
Read Moreകണ്ണൂരിൽ ഫർണിച്ചർ നിർമാണശാലയിൽ വൻ തീപിടിത്തം; ലക്ഷങ്ങളുടെ നഷ്ടം
തളിപ്പറമ്പ്: കുറുമാത്തൂർ കാക്കാഞ്ചാലിൽ ഫർണിച്ചർ നിർമാണ ശാലയിലുണ്ടായ തീപിടിത്തത്തിൽ ലക്ഷങ്ങളുടെ നഷ്ടം. തളിപ്പറമ്പ് ഞാറ്റുവയല് സ്വദേശിയായ പണിക്കരകത്ത് മുഹമ്മദ്ഷാഫിയുടെ ഉടമസ്ഥതിയിലുള്ള റെഡ് വുഡ് ഫർണിച്ചർ എന്ന സ്ഥാപനത്തിലാണ് തീപിടിത്തമുണ്ടായത്. ഇന്നു പുലർച്ചെ 4.45 ഓടെയായിരുന്നു സംഭവം. തീ ഉയരുന്നത് കണ്ട പ്രദേശവാസികൾ ഉടൻ തളിപ്പറന്പ് അഗ്നിശമന സേനയെ അറിയിക്കുകയായിരുന്നു. സ്റ്റേഷന് ഓഫീസര് പ്രേമരാജന് കക്കാടിയുടെ നേതൃത്വത്തിലെത്തിയ രണ്ട് യൂണിറ്റുകള് രണ്ടേകാല് മണിക്കൂറോളം പ്രയത്നിച്ചാണ് തീയണച്ചത്. നിർമാണം പൂർത്തിയാക്കിയ ഫർണിച്ചറുകൾ സൂക്ഷിച്ച ഗോഡൗണിലേക്ക് തീ പടരുന്നത് തടയാനായതിനാലാണ് വലിയ നഷ്ടം ഒഴിവായത്. തീപിടിത്തമുണ്ടായ നിർമാണശാലയിലെ യന്ത്രങ്ങളും മരത്തടികളും മേൽക്കൂരയും പൂർണമായും കത്തി നശിച്ചു. പത്ത് ലക്ഷത്തോളം രൂപയുടെ നഷ്ടമുണ്ടായതായാണ് പ്രാഥമികനിഗമനം. ഷോര്ട്ട് സര്ക്യൂട്ടാണ് തീപിടിത്തതിന് കാരണമെന്നാണ് സൂചന.
Read More‘സമരാഗ്നി’ യാത്രയുടെ എറണാകുളം പര്യടനം ഇന്ന് അവസാനിക്കും
കൊച്ചി: കേന്ദ്രസംസ്ഥാന സര്ക്കാരുകള്ക്ക് എതിരേ കെപിസിസി പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനും നയിക്കുന്ന സമരാഗ്നി ജനകീയ പ്രക്ഷോഭ യാത്രയുടെ എറണാകുളം ജില്ലയിലെ പര്യടനം ഇന്ന് അവസാനിക്കും. മൂവാറ്റുപുഴയിലെ സമ്മേളനത്തോടെയാണ് സമാപനം. ജില്ലയിലെ വിവിധ മേഖലകളില് നിന്നുള്ള പ്രതിനിധികളുമായി നേതാക്കള് ഇന്ന് കൂടിക്കാഴ്ച നടത്തും. രണ്ടു ദിവസങ്ങളിലായാണ് എറണാകുളത്ത് പരിപാടികള് സംഘടിപ്പിച്ചിരിക്കുന്നത്. പ്രക്ഷോഭ യാത്രയുടെ ആദ്യദിനം ആലുവയിലും മറൈന് ഡ്രൈവിലുമായി രണ്ട് പൊതുസമ്മേളനങ്ങള് നടന്നു. കോണ്ഗ്രസിന്റെ മുതിര്ന്ന നേതാക്കള് ഉള്പ്പെടെ നിരവധിപേര് സമ്മേളനത്തില് പങ്കെടുക്കുകയുണ്ടായി.
Read Moreസമൂഹത്തിലെ സൗഹൃദ അന്തരീക്ഷം തകരാതെ നോക്കേണ്ടതു യുവാക്കളെന്ന് മുഖ്യമന്ത്രി
തിരുവനന്തപുരം: നാട് നേരിടുന്ന പ്രശ്നങ്ങൾ അതിജീവിക്കണമെന്നും ഇതിന് യുവാക്കൾ മുന്നിട്ടിറങ്ങണമെന്നും മുഖ്യമന്ത്രി പിണറായി വിജയൻ അഭിപ്രായപ്പെട്ടു. യുവജനങ്ങൾ സമൂഹത്തിന്റെ പ്രധാനഭാഗമാണ്. സമൂഹത്തിലെ സൗഹൃദ അന്തരീക്ഷം തകരാതെ നോക്കണം. അത് തകർന്നാൽ ഒന്നും നേടാനാകില്ലെന്നും അദ്ദേഹം പറഞ്ഞു. കവടിയാർ ഉദയ്പാലസ് കണ്വെൻഷൻ സെന്ററിൽ യുവാക്കളുമായി നടത്തുന്ന മുഖാമുഖം പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാവിലെ ഒൻപതര മുതൽ ഉച്ചയ്ക്ക് ഒരു മണിവരെയാണ് മുഖാമുഖം. സാംസ്കാരിക മന്ത്രി സജി ചെറിയാൻ അധ്യക്ഷത വഹിച്ചു. മന്ത്രിമാരായ വി. അബ്ദു റഹ്മാൻ, വി. ശിവൻകുട്ടി, ജി.ആർ. അനിൽ എന്നിവർ പങ്കെടുത്തു. അക്കാദമിക്, കലാകായിക സാംസ്കാരിക മേഖലയിലെ പ്രമുഖർ ഉൾപ്പെടെ ക്ഷണിക്കപ്പെട്ട രണ്ടായിരം പേരാണ് പരിപാടിയിൽ പങ്കെടുക്കുന്നത്. നവകേരള നിർമിതിക്കായുള്ള അഭിപ്രായം ശേഖരിക്കാനാണ് മുഖാമുഖം പരിപാടി സംഘടിപ്പിച്ചിരിക്കുന്നത്.
Read Moreഹൈറിച്ച് തട്ടിപ്പ്; പ്രതികളെ ഇഡി ചോദ്യം ചെയ്യുന്നു
കൊച്ചി: ഹൈറിച്ച് സാമ്പത്തിക തട്ടിപ്പ് കേസ്: പ്രതി പ്രതാപന്, ഭാര്യ ശ്രീന, സ്വര്ണക്കടത്തുകേസിലെ പ്രതി വിജേഷ് പിള്ള എന്നിവരെ എന്ഫോഴ്സ്മെന്റ് ഡയറക്ടറേറ്റ് (ഇഡി) ചോദ്യം ചെയ്യുന്നു. ഹൈറിച്ച് കമ്പനി ഉടമകളായ കെ ഡി പ്രതാപന്, ശ്രീന എന്നിവര് ഇന്ന് രാവിലെ കൊച്ചിയിലെ ഇഡി ഓഫീസില് ചോദ്യം ചെയ്യലിന് ഹാജരായി. ഇന്നലെ ഇഡിക്കു മുന്നില് ഹാജരായ ഇരുവരെയും രാത്രി വൈകിയും ഇഡി ചോദ്യം ചെയ്തിരുന്നു. തൃശൂരിലെ വീട്ടില് ഇഡി റെയ്ഡിനെത്തുന്ന വിവരം അറിഞ്ഞത് മുതല് ഒളിവിലായിരുന്നു. പ്രതികളുടെ സാമ്പത്തിക ഇടപാടുകള് ഉള്പ്പെടെ വളരെ വിശദമായി അന്വേഷണ സംഘം പരിശോധിക്കുന്നുണ്ട്. ക്രിപ്റ്റോ കറന്സി വഴി സമാഹരിച്ച പണം പ്രതികള് വിദേശത്തേക്ക് കടത്തിയതായും സൂചനയുണ്ട്. കേസില് വിജേഷ് പിള്ളയേയും ഇഡി ഇന്ന് ചോദ്യം ചെയ്യും. ചോദ്യം ചെയ്യലിന് ഇന്ന് ഹാജരാകാന് ഇഡി ഇയാള്ക്ക് നിര്ദേശം നല്കിയിട്ടുണ്ട്. ഒടിടി ഇടപാടുകളെക്കുറിച്ച് അറിയാനാണ് ചോദ്യം ചെയ്യല്.…
Read Moreഇടശേരി ബാറിനു മുന്നിലെ വെടിവയ്പ്; പോലീസിന്റെ ഉറക്കം കെടുത്തിയ മുഖ്യപ്രതി കോമ്പാറ വിനീത് പിടിയിൽ
കൊച്ചി: എറണാകുളം കതൃക്കടവില് ഇടശേരി ബാറിലെ മാനേജരടക്കം മൂന്നുപേരെ വെടിവെച്ചു കൊല്ലാന് ശ്രമിച്ച കേസിലെ മുഖ്യപ്രതി പാറക്കടവ് സ്വദേശി കോമ്പാറ വിനീത് എന്ന വിനീത് പോലീസ് കസ്റ്റഡിയില്. കഴിഞ്ഞ ഒന്നര ആഴ്ചയായി പോലീസിന്റെ ഉറക്കം കെടുത്തിയ പ്രതിയെ ഇന്നു പുലര്ച്ചെ എറണാകുളം ജില്ലയിലെ തന്നെ ഒളി സങ്കേതത്തില് നിന്നാണ് എറണാകുളം നോര്ത്ത് പോലീസ് കസ്റ്റഡിയില് എടുത്തത്. കൂടുതല് വിവരങ്ങള് പോലീസ് വെളിപ്പെടുത്തിയിട്ടില്ല. ഇയാളെ വിശദമായി ചോദ്യം ചെയ്തുവരുന്നു. വെടിവയ്ക്കുന്നതിനായി വിനീത് ഉപയോഗിച്ച 7.62 എംഎം റിവോള്വര് ആരുടേതാണ്, അതിന് ലൈസന്സ് ഉണ്ടോ, മറ്റെന്തെങ്കിലും ക്വട്ടേഷന്റെ ഭാഗമായാണോ സംഘം കൊച്ചി നഗരത്തില് എത്തിയത്, സംഘത്തില് കൂടുതല് പേര് ഉള്പ്പെട്ടിട്ടുണ്ടോ എന്നീ വിവരങ്ങളാണ് പോലീസ് മുഖ്യമായും പ്രതിയില്നിന്ന് തേടുന്നത്. ഉച്ചയോടെ പ്രതിയെ നോര്ത്ത് പോലീസ് സ്റ്റേഷനില് എത്തിക്കും. അതിനു ശേഷം അറസ്റ്റ് രേഖപ്പെടുത്തും. വിനീതിനെതിരേ വധശ്രമത്തിന് രണ്ടു കേസുകള് നിലവിലുണ്ട്.…
Read More