കോഴിക്കോട്: മലപ്പുറം എടവണ്ണപ്പാറയില് പതിനേഴുകാരിയായ പ്ലസ് വണ് വിദ്യാര്ഥിനിയെ പുഴയില് മരിച്ചനിലയില് കണ്ടെത്തിയ സംഭവത്തില് കരാട്ടെ അധ്യാപകന് അറസ്റ്റില്. വാഴക്കാട് പോലീസാണ് കരാട്ടെ അധ്യാപകനായ സിദ്ദീഖ് അലിയെ ഇന്നു രാവിലെ അറസ്റ്റ് ചെയ്തത്. പ്രതിയെ ചോദ്യം ചെയ്തു വകിയാണ്. ഇയാള്ക്കെതിരേ നേരത്തെയും കേസ് നിലവിലുണ്ടെന്ന് പോലീസ് പറഞ്ഞു. ചൊവ്വാഴ്ച വൈകിട്ട് ആറരയോടെയാണ് പെണ്കുട്ടിയെ കാണാതായത്. രാത്രി എട്ടുമണിയോടെ ചാലിയാറില് അധികം വെള്ളമില്ലാത്ത ഭാഗത്ത് കമിഴ്ന്നു കിടക്കുന്ന നിലയില് കണ്ടെത്തുകയായിരുന്നു. ഒരു ചെരിപ്പ് മാത്രമാണ് മൃതദേഹത്തില് നിന്നു കണ്ടെത്തിയത്. സ്കൂളിലെ കൗണ്സിലിംഗില് പീഡനവിവരം പെണ്കുട്ടി വെളിപ്പെടുത്തിയിരുന്നു. സ്കൂള് അധികൃതര് കോഴിക്കോട് ശിശുക്ഷേമ അധികൃതരെ വിവരമറിയിച്ചു. തുടര്ന്ന് പരാതി വാഴക്കാട് പോലീസിന് കൈമാറി. പെണ്കുട്ടി സംസാരിക്കാന് കഴിയുന്ന സ്ഥിതിയിലല്ലാഞ്ഞതിനാല് മൊഴിയെടുക്കല് മാറ്റി. ഊര്ക്കടവിലെ ഇയാളുടെ വീട്ടില്വച്ചുള്ള കരാട്ടെ പരിശീലനത്തില് വിവിധ ബാച്ചുകളിലായി മുപ്പതോളം കുട്ടികളുണ്ട്. പത്താം ക്ലാസില് മികച്ച മാര്ക്കോടെ…
Read MoreCategory: Edition News
താമരവിരിയിക്കാൻ പത്തനംതിട്ടയിൽ ആര്; കച്ചകെട്ടി പിസി, കുമ്മനവും ശ്രീധരൻപിള്ളയും ബിജെപി പരിഗണനയിൽ
തിരുവനന്തപുരം: പത്തനംതിട്ടയിൽ ബിജെപി സ്ഥാനാർഥിയായി മത്സരിക്കാൻ പി.സി.ജോർജ് കച്ചമുറുക്കുന്നതിനിടെ ബിജെപി ഗോവ ഗവർണർ പി.എസ്. ശ്രീധരൻപിള്ളയെയും പത്തനംതിട്ടയിൽ പരിഗണിക്കുന്നതായി റിപ്പോർട്ടുകൾ. പത്തനംതിട്ടയിൽ താൻതന്നെ മത്സരിക്കുമെന്ന് നേരത്തെ പി.സി.ജോർജ് പറഞ്ഞിരുന്നു. മത്സരിച്ചാൽ താൻതന്നെ ജയിക്കുമെന്നും തോമസ് ഐസക് മൂന്നാം സ്ഥാനത്തേക്കു പോകുമെന്നുമാണ് പി.സി.ജോർജ് നേരത്തെ പറഞ്ഞിരുന്നത്. അതേസമയം ബിജെപി സംസ്ഥാനഘടകത്തിന് പത്തനംതിട്ടയിൽ കുമ്മനം രാജശേഖരനെ മത്സരിപ്പിക്കാനാണ് താൽപ്പര്യമെന്നുമുള്ള റിപ്പോർട്ടുകൾ പുറത്തുവന്നിരുന്നു. അതിനു പിന്നാലെയാണ് പി.എസ്.ശ്രീധരൻ പിള്ളയുടെ പേരും പരിഗണിക്കുന്നതായുള്ള റിപ്പോർട്ടുകൾ വരുന്നത്. പത്തനംതിട്ടയിൽ ക്രിസ്ത്യൻ വിഭാഗത്തിൽനിന്നുള്ള സ്ഥാനാർഥിയെ നിർത്താനുള്ള നീക്കത്തിലാണ് ദേശീയ നേതൃത്വം. 2019ൽ ബിജെപി സ്ഥാനാർഥിയായി മത്സരിച്ച കെ സുരേന്ദ്രൻ പത്തനംതിട്ടയിൽ 2,97,396 വോട്ടുകൾ നേടിയിരുന്നു. പത്തനംതിട്ട ബിജെപിയുടെ സുരക്ഷിത മണ്ഡലമാണെന്നും പി.സി. ജോർജ് പറഞ്ഞിരുന്നു. ഗോവ ഗവർണർ പദവി ഒഴിയാൻ ശ്രീധരൻപിള്ള സന്നദ്ധത അറിയിച്ചിതായും സൂചനയുണ്ട്. ഒക്ടോബറിൽ ശ്രീധരൻപിള്ളയുടെ കാലാവധി അവസാനിക്കും. കൊല്ലത്തും പത്തനംതിട്ടയിലും ശോഭ…
Read Moreഅമ്മയും കുഞ്ഞും വീട്ടിലെ പ്രസവത്തിനിടെ മരിച്ച സംഭവം: ഭര്ത്താവ് റിമാൻഡിൽ
നേമം: അമ്മയും കുഞ്ഞും വീട്ടിലെ പ്രസവത്തിനിടെ മരിച്ച സംഭവത്തില് ഭര്ത്താവ് നയാസി (47) നെ കോടതി റിമാൻഡ് ചെയ്തു. വെള്ളായണി പഴയ കാരയ്ക്കാമണ്ഡപം തിരുമംഗലം ലൈനില് വാടകയ്ക്ക് താമസിക്കുന്ന പാലക്കാട് തിരുമിറ്റക്കോട് അറങ്ങോട്ട് എഴുമങ്ങാട് പുത്തന് പീടികയില് കുഞ്ഞി മരയ്ക്കാര് -ഫാത്തിമ ബീവി ദമ്പതികളുടെ മകള് ഷമീറ (36)യും നവജാത ശിശുവുമാണ് കഴിഞ്ഞ ദിവസം മരിച്ചത്. സംഭവത്തെ തുടര്ന്ന് ഭര്ത്താവ് നയാസിനെ നേമം പോലീസ് കസ്റ്റഡിയിലെടുത്തിരുന്നു. മനഃപ്പൂര്വമല്ലാത്ത നരഹത്യ, ഗര്ഭസ്ഥ ശിശു മരിക്കാനിടയായ സാഹചര്യം സൃഷ്ടിക്കുക തുടങ്ങിയ വകുപ്പുകള് അനുസരിച്ചാണ് പോലീസ് കേസെടുത്തത്. ചൊവ്വാഴ്ച ഉച്ച കഴിഞ്ഞ് ഷമീറയ്ക്ക് പ്രസവ വേദനയുണ്ടായത്. തുടര്ന്ന് അമിത രക്തസ്രാവമുണ്ടായി ഷമീറ ബോധരഹിതയായി. തുടര്ന്ന് ഭര്ത്താവും ബന്ധുക്കളും ചേര്ന്ന് ആംബുലന്സ് വിളിച്ച് കിള്ളിപ്പാലത്തെ സ്വകാര്യ ആശുപത്രിയിലെത്തിച്ചെങ്കിലും ഷമീറയും കുഞ്ഞും മരണപ്പെട്ടിരുന്നതായി ആശുപത്രി അധികൃതര് അറിയിക്കുകയായിരുന്നു. സംഭവ സമയത്ത് നയാസിന്റെ ബന്ധുക്കളായ ചിലരും…
Read Moreമംഗളൂരു-തിരുവനന്തപുരം എക്സ്പ്രസിന് പരവൂരിൽ സ്റ്റോപ്പ്; ബംഗളൂരു-കൊച്ചുവേളി പൊങ്കാല സ്പെഷൽ
കൊല്ലം: മംഗളൂരു സെന്ട്രലില്നിന്നു തിരിച്ച് തിരുവനന്തപുരം സെന്ട്രലില് എത്തിചേരുന്ന ട്രെയിന് നമ്പര് 16348 ന് പരവൂരില് സ്റ്റോപ്പ് അനുവദിച്ചതായി എന്.കെ. പ്രേമചന്ദ്രന് എംപി അറിയിച്ചു. ട്രെയിന് ഓടുന്നതിന് അഞ്ച് മിനിട്ട് അധിക സമയവും അനുവദിച്ചിട്ടുണ്ട്. ഈ എക്സ്പ്രസിന് പരവൂര് സ്റ്റോപ്പ് അനുവദിക്കണമെന്ന നിരന്തരമായ ആവശ്യത്തെ തുടര്ന്നാണ് സ്റ്റോപ്പ് അനുവദിച്ച് റെയില്വേ ബോര്ഡ് ഉത്തരവായത്. നേരത്തേ ഈ ട്രെയിനിന് പരവൂരിൽ സ്റ്റോപ്പ് ഉണ്ടായിരുന്നു. കോവിഡ് കാലത്ത് രാജ്യത്താകമാനം ട്രെയിൻ സർവീസുകൾ നിർത്തിവച്ച ശേഷം പുനഃസ്ഥാപിച്ചപ്പോഴാണ് സ്റ്റോപ്പ് ഒഴിവാക്കിയത്. തുടർന്ന് സ്റ്റോപ്പ് വീണ്ടും ലഭിക്കുന്നതിനായി യാത്രക്കാരുടെ സംഘടനകൾ പ്രക്ഷോഭരംഗത്തായിരുന്നു. ട്രെയിന് നമ്പർ 16366 നാഗര്കോവില് -കോട്ടയം പാസഞ്ചറിന് പെരിനാട്ടും ഇരവിപുരത്തും, ട്രെയിന് നമ്പർ 16629/16630 മലബാര് എക്സ്പ്രസിന് മയ്യനാട്ടും, ട്രെയിന് നമ്പർ 16791/16792 തിരുനെല്വേലി പാലക്കാട് പാലരുവി എക്സ്പ്രസിന് ആര്യങ്കാവിലും, ട്രെയിന് നമ്പർ 16101/16102 ചെന്നൈ എഗ്മോര് കൊല്ലം എക്സ്പ്രസിന്…
Read Moreയുഎഇയിൽ കണ്ണൂർ സ്വദേശിയുടെ നാടുകടത്തൽ റദ്ദാക്കി; കമ്പനിയുടമ നൽകിയത് കള്ളക്കേസ്
കണ്ണൂർ: ജോർദാൻ സ്വദേശിയായ തൊഴിലുടമ നൽകിയ കേസിൽ കണ്ണാടിപ്പറമ്പ് മാലോട്ട് സ്വദേശിയായ യുവാവിന് യുഎഇയിൽ കീഴ്ക്കോടതി വിധിച്ച ജയിൽ ശിക്ഷയും ലക്ഷങ്ങളുടെ നഷ്ടപരിഹാരവും നാടുകടത്തൽ ശിക്ഷയും അപ്പീൽക്കോടതി റദ്ദാക്കി യുവാവിനെ കുറ്റവിമുക്തനാക്കി. ദിനിൽ ദിനേശ് എന്ന യുവാവിനെയാണ് യുഎഇ അപ്പീൽക്കോടതി കുറ്റക്കാരനല്ലെന്ന് കണ്ട് വെറുതെ വിട്ടത്. ദുബായിയിലെ ഓട്ടോമേഷൻ കന്പനിയിൽ ജീവനക്കാരനായ യുവാവിന്റെ മേലുദ്യോഗസ്ഥൻ നടത്തിയ ക്രമക്കേടിൽ യുവാവും പങ്കാളിയാണെന്ന് കാണിച്ച് നൽകിയ പരാതിയിലായിരുന്നു കീഴ്ക്കോടതി ശിക്ഷിച്ചത്. ഇതിനെതിരെയായിരുന്നു അപ്പീൽ കോടതിയിൽ ഹർജി നൽകിയത്. ക്രമക്കേട് നടത്തിയ മേലുദ്യോഗസ്ഥൻ സ്ഥാപനത്തിൽനിന്ന് രാജിവച്ച് നാട്ടിലേക്ക് പോയിരുന്നു. ഇയാൾ നടത്തിയ ക്രമക്കേട് അറിയാതെ ദിനിൽ പിന്നീട് ഇയാളോട് ജോലി സംബന്ധമായ സംശയ നിവാരണത്തിന് ബന്ധപ്പെട്ടിരുന്നു. ഇതിനായി രാജിവച്ചു പോയ മേലുദ്യോഗസ്ഥൻ കന്പനിയുടെ പാസ് വേഡ് യുവാവിൽനിന്നും കൈക്കലാക്കി ദുരുപയോഗം ചെയ്തെന്നും രണ്ടു പേരും ചേർന്ന് വഞ്ചിച്ചെന്നുമായിരുന്നു ഉടമ നൽകിയ പരാതി.…
Read Moreകൃഷിയിടങ്ങളിലിറങ്ങിയ കാട്ടുപന്നികളെ വെടിവച്ചു കൊന്നു; ഷൂട്ടർമാരെ നിയോഗിച്ച പഞ്ചായത്തിനെ അഭിനന്ദിച്ച് കർഷകർ
മല്ലപ്പള്ളി: മല്ലപ്പള്ളിയിലും കല്ലൂപ്പാറയിലും കൃഷിയിടങ്ങളിലിറങ്ങിയ കാട്ടുപന്നികളെ വെടിവച്ചു കൊന്നു.കല്ലൂപ്പാറ പഞ്ചായത്ത് പതിമൂന്നാം വാർഡ് പ്ലാക്കോട്ട് പി.അലക്സാണ്ടറുടെ പുരയിടത്തിൽ ഇറങ്ങിയ രണ്ട് കാട്ടുപന്നികളെ പഞ്ചായത്ത് നിയോഗിച്ച ഷൂട്ടർമാരായ ജോസ് പ്രകാശ്, ജോജോ മാത്യു, സിനീത് കരുണാകരൻ എന്നിവർ അടങ്ങുന്ന സംഘം വെടിവച്ചു കൊന്നു. 75 കിലോ വീതം തൂക്കംവരുന്ന പന്നികളെ പഞ്ചായത്ത് വൈസ് പ്രസിഡന്റ് ചെറിയാൻ മണ്ണഞ്ചേരിയുടെ നേതൃത്വത്തിൽ ശാസ്ത്രീയമായി മറവുചെയ്തു. പ്രദേശത്ത് കാട്ടുപന്നികളുടെ ശല്യം രൂക്ഷമായിരുന്നു. നാട്ടുകാർ നിരന്തരം ആവശ്യപ്പെട്ടതിനെത്തുടർന്നാണ് ഷൂട്ടർമാരുടെ സംഘം എത്തിയത്. ഇവർ എത്തി സമീപത്തെ കാടുകളിൽ തെരച്ചിൽ നടത്തിയാണ് പന്നികളെ വെടിവച്ചു കൊന്നത്. ഒരാഴ്ച മുമ്പ് ഐക്കരപ്പടിക്കു സമീപം സ്കൂട്ടർ യാത്രക്കാരന് പന്നിയുടെ ആക്രമണത്തിൽ ഗുരുതര പരിക്കേറ്റിരുന്നു. മല്ലപ്പള്ളി പഞ്ചായത്ത് എട്ടാം വാർഡിലും കൃഷിയിടത്തിലിറങ്ങിയ കാട്ടുപന്നിയെ വെടിവച്ചു കൊന്നു. പന്നിശല്യം രൂക്ഷമായ സാഹചര്യത്തിൽ പഞ്ചായത്ത് മെംബർ സുരേഷ് വൈക്കത്തുശേരിയുടെയും കർഷകരുടെയും നേതൃത്വത്തിൽ സംയുക്തമായി…
Read Moreരോഗനിര്ണയം തെറ്റി; രോഗിക്ക് ആശുപത്രിയും ഡോക്ടറും മൂന്നു ലക്ഷം രൂപ നഷ്ടപരിഹാരം നല്കണം
കോട്ടയം: തെറ്റായ രോഗനിര്ണയത്തിലൂടെ ചികിത്സാ പിഴവു മൂലം ആരോഗ്യസ്ഥിതി മോശമായി എന്ന പരാതിയില് മൂന്നുലക്ഷം രൂപ നഷ്ടപരിഹാരം നല്കാന് വൈക്കം ചെമ്മനാംകരിയിലുള്ള ഇന്ഡോ-അമേരിക്കന് ആശുപത്രിയോടും ചികിത്സകനായ ന്യൂറോളജിസ്റ്റ് ഡോ. കെ. പരമേശ്വരനോടും ഉത്തരവിട്ട് ജില്ലാ ഉപഭോക്തൃ തര്ക്കപരിഹാര കമ്മീഷന്. തൊടുപുഴ കോടിക്കുളം സ്വദേശി എന്.കെ. സുകുമാരന്റെ പരാതിയിലാണ് ഉത്തരവ്. കഴുത്തുവേദനയെത്തുടര്ന്ന് 2016ലാണ് വൈക്കം ചെമ്മനാംകരിയിലുള്ള ഇന്ഡോ അമേരിക്ക ആശുപത്രിയെ സുകുമാരന് സമീപിച്ചത്. എംആര്ഐ. പരിശോധനയുടെ അടിസ്ഥാനത്തില് ടിബി രോഗമാണെന്നു നിര്ണയിച്ച ഡോ. കെ പരമേശ്വരന് സ്റ്റെപ്റ്റോമൈസിന് 1000 എം.ജി. എന്ന മരുന്നാണ് നിര്ദേശിച്ചത്. ദിവസങ്ങള്ക്കകം ആരോഗ്യസ്ഥിതി മോശമായ പരാതിക്കാരന് വീണ്ടും ഡോക്ടറെ സമീപിച്ചപ്പോള് ഈ മരുന്നിനു പകരം മറ്റൊരു മരുന്നു നിര്ദേശിച്ചു. തുടര്ന്നു പരാതിക്കാരന് കോട്ടയം മെഡിക്കല് കോളേജിനെ സമീപിക്കുകയും അവിടെ വീണ്ടും നടത്തിയ എംആര്ഐ പരിശോധനയില് നട്ടെല്ലില് അസ്ഥിരോഗം മാത്രമേ ബാധിച്ചിട്ടുള്ളൂ എന്നും മറ്റ് അസുഖങ്ങളൊന്നും…
Read Moreഅതിരപ്പിള്ളി പ്ലാന്റേഷനില് പതിനഞ്ചാം ബ്ലോക്കില് കാട്ടാന ആക്രമണം: തൊഴിലാളിക്കു പരിക്ക്
കാലടി: അതിരപ്പിള്ളി പ്ലാന്റേഷനില് പതിനഞ്ചാം ബ്ലോക്കില് കാട്ടാന ആക്രമണത്തില് തൊഴിലാളിക്കു പരിക്ക്. പാണ്ടുപാറ പുതുശേരി ബിജുവിനാണു പരിക്കേറ്റത്. തോട്ടത്തില് നിലയുറപ്പിച്ചിരുന്ന കാട്ടാനക്കൂട്ടത്തില് നിന്ന് ഒരു കൊമ്പന് ഓടിച്ചപ്പോള് തോട്ടിലേക്കു വീണാണ് ബിജുവിനു പരിക്കേറ്റത്. കൈയ്ക്കും വാരിയെല്ലിനും പരിക്കേറ്റ ഇദേഹത്തെ അങ്കമാലിയിലെ സ്വകാര്യ ആശുപത്രിയില് പ്രവേശിപ്പിച്ചു. രാവിലെ ടാപ്പിംഗിനായി പോകുന്നതിനിടെയാണ് ബിജുവിനു പരിക്കേറ്റത്. ഐഎന്ടിയുസി ഡിവിഷന് സെക്രട്ടറിയാണ്.
Read Moreകളക്ടറുടെ ഉറപ്പില് ഊരിയ ഫ്യൂസ് കെഎസ്ഇബി തിരിച്ചു കുത്തി; എറണാകുളം കളക്ടറേറ്റില് വൈദ്യുതി ബന്ധം പുനഃസ്ഥാപിച്ചു
കാക്കനാട്: കളക്ടറേറ്റ് കെട്ടിടത്തില് വൈദ്യുതി കുടിശിക അടയ്ക്കാത്തതിനെ തുടര്ന്ന് വിശ്ചേദിച്ച വൈദ്യുതി ബന്ധം പുനസ്ഥാപിച്ചു. മാര്ച്ച് 31 ന് മുന്പായി കുടിശിഖ മുഴുവന് തീര്ത്തുകൊള്ളാമെന്ന കളക്ടര് എന്.എസ്.കെ. ഉമേഷിന്റെ ഉറപ്പിന്റെ അടിസ്ഥാനത്തിലാണ് ഇന്ന് രാവിലെ കെഎസ്ഇബി ഉദ്യോഗസ്ഥരെത്തി ഫ്യൂസ് കുത്തിയത്. ഇന്നലെ കുടിശിക നല്കാനുള്ള തീവ്ര ശ്രമങ്ങള് ഉണ്ടായെങ്കിലും വിജയിക്കാതെ വന്നതോടെ ഒരു പകല് മുഴുവന് കളക്ടറേറ്റില് വെളിച്ചവും കാറ്റുമില്ലാതെ ജീവനക്കാര് ദുരിതത്തിലായിരുന്നു.30 ലേറെ ഓഫീസുകള് പ്രവര്ത്തിക്കുന്ന ഇവിടെ ഇന്നലെ രണ്ട് ഓഫീസുകള് കൂടി കുടിശിക നല്കി. ഇതോടെ നാല് ഓഫീസുകളുടെ കുടിശിക തീര്ത്തിട്ടുണ്ട്. ശേഷിക്കുന്നത് മാര്ച്ച് 31 ന് മുന്പായി തീര്ക്കാമെന്നാണ് കളക്ടര് കെഎസ്ഇബി ഉന്നത ഉദ്യേഗസ്ഥര്ക്ക് നല്കിയ ഉറപ്പ്. കെഎസ്ഇബി ഫ്യൂസ് ഊരിയതുമായി ബന്ധപ്പെട്ട് കോണ്ഗ്രസ് അനുകൂല സംഘടനകള് സര്ക്കാരിനെതിരെ ഇന്ന് പ്രതിഷേധസമരം സംഘടിപ്പിച്ചിട്ടുണ്ട്. ജില്ലാ കളക്ടറുടെ പേരിലുള്ള 13 കണക്ഷനുകളില് നിന്നാണ് സിവില്…
Read Moreകുട്ടിയെ കാണാതായ സംഭവം; പ്രതിയെ കണ്ടെത്താനാകാതെ പോലീസ്; കുട്ടി ഒറ്റയ്ക്കു നടന്നു പോകില്ലെന്നു ബന്ധുക്കൾ
തിരുവനന്തപുരം: ചാക്കയിൽനിന്നു കാണാതായ രണ്ട് വയസുകാരിയെ കണ്ടെത്തി ദിവസങ്ങൾ പിന്നിട്ടിട്ടും പ്രതികളെക്കുറിച്ച് വ്യക്തമായ വിവരം കിട്ടാതെ പോലീസ്. നിരവധി സിസിടിവി കാമറ ദൃശ്യങ്ങൾ പരിശോധിച്ചിട്ടും നിർണായക വിവരങ്ങൾ പോലീസിന് ഇതുവരെ ലഭിച്ചിട്ടില്ല. കഴിഞ്ഞ ദിവസം രാത്രിയിലാണ് കൊച്ചുവേളി റെയിൽവേ സ്റ്റേഷന് സമീപത്തെ പൊന്തക്കാടിനോട് ചേർന്നുള്ള ഓടയിൽനിന്നു ക്ഷീണിതയായ കുട്ടിയെ പോലീസ് കണ്ടെത്തിയത്. കുട്ടിയെ ആരെങ്കിലും തട്ടിക്കൊണ്ടുപോയശേഷം പോലീസ് അന്വേഷണം ഊർജിതമാക്കിയപ്പോൾ ഉപേക്ഷിച്ചതോ അല്ലെങ്കിൽ കുട്ടി ഒറ്റയ്ക്ക് നടന്ന് പൊന്തക്കാട്ടിനരികിലേക്ക് പോയതോ ആകാമെന്നാണ് പോലീസിന്റെ നിഗമനം. എന്നാൽ കുട്ടി ഒറ്റയ്ക്ക് നടന്ന് പോകില്ലെന്നാണ് കുട്ടിയുടെ പിതാവും ബന്ധുക്കളും പറയുന്നത്. കുട്ടി റെയിൽവെ ട്രാക്കിനടുത്തേക്ക് സ്വയം പോയിട്ടില്ലെന്നും കിടക്കുന്ന സ്ഥലത്തുനിന്നു മറ്റൊരിടത്തേക്കും തന്റെ കുട്ടികൾ പോകില്ലെന്നുമാണ് പിതാവ് മാധ്യമപ്രവർത്തകരോട് പറഞ്ഞത്. തങ്ങളുടെ കൂട്ടത്തിലുള്ള ആരും കുട്ടിയെ തട്ടിക്കൊണ്ട് പോകില്ലെന്നും മാതാപിതാക്കളും ബന്ധുക്കളും പറയുന്നു. തങ്ങൾക്ക് ആരെയും സംശയമില്ലെന്നും ഇവർ പറയുന്നു.…
Read More