കോഴിക്കോട്: നവകേരള സദസ് വൻ വിജയമെന്ന് മുഖ്യമന്ത്രിയും മന്ത്രിമാരും അവകാശപ്പെടുമ്പോൾ പരാതി പരിഹാരത്തിന് ഒച്ചിഴയും വേഗം. കോഴിക്കോട് ലഭിച്ച പരാതികളില് രണ്ട് ശതമാനത്തിനുപോലും ഇതുവരെ തീര്പ്പായിട്ടില്ല. 45,897 നിവേദനങ്ങളില് 733 എണ്ണം മാത്രമാണ് നിലവിൽ പരിഹരിക്കാനായത്. പരാതികള് ബന്ധപ്പെട്ട ഉദ്യോഗസ്ഥര്ക്ക് അയച്ചു എന്ന മറുപടികളും പരിഹരിക്കപ്പെട്ടെന്ന കണക്കില്പ്പെടുന്നുണ്ട് എന്നതിനാൽ പരിഹരിച്ചവയുടെ എണ്ണം ഇതിലും കുറയും. പെട്ടെന്ന് തീര്ക്കാവുന്ന പരാതികളില് രണ്ടാഴ്ചയ്ക്കകം പരിഹാരമാകുമെന്നും കൂടുതല് നടപടിക്രമങ്ങള് വേണ്ടവയില് നാലാഴ്ച പിടിക്കുമെന്നും സംസ്ഥാന തലത്തില് തീര്പ്പാക്കേണ്ടവയാണെങ്കില് പരമാവധി 45 ദിവസത്തിനുള്ളില് തീര്പ്പാക്കുമെന്നുമായിരുന്നു നവകേരള സദസില് പരാതിയുമായി എത്തിയവര്ക്കു നൽകിയ ഉറപ്പ്. കോഴിക്കോട് ജില്ലയിൽ ആകെ ലഭിച്ചവയില് 15,649 പരാതികള് തദ്ദേശ സ്ഥാപനങ്ങള് തീരുമാനമെടുക്കണ്ടവയാണ്. ജില്ലയിലെ ഭൂരിഭാഗം തദ്ദേശ സ്ഥാപനങ്ങളിലും അധികാരത്തില് ഭരണ മുന്നണിയാണെങ്കിലും പരിഹാരമായത് വെറും 36 എണ്ണം മാത്രം. 1637 എണ്ണം സര്ക്കാര് തലത്തില് തീരുമാനമെടുക്കേണ്ടവയാണ്. ഇവയൊന്നും പരിഹരിക്കപ്പെട്ടിട്ടില്ല.…
Read MoreCategory: Edition News
നിയമസഹായം തേടിയെത്തിയ യുവതിയെ പീഡിപ്പിച്ച കേസ്; അഡ്വ. മനുവിന്റെ മുന്കൂര് ജാമ്യാപേക്ഷ ഹൈക്കോടതി തള്ളി
കൊച്ചി: നിയമ സഹായം തേടിയെത്തിയ യുവതിയെ ക്രൂരമായി ബലാത്സംഗം ചെയ്തെന്ന കേസില് മുന് സര്ക്കാര് പ്ലീഡര് പി.ജി. മനുവിന്റെ മുന്കൂര് ജാമ്യാപേക്ഷ ഹൈക്കോടതി തള്ളി. പത്ത് ദിവസത്തിനകം അന്വേഷണ ഉദ്യോഗസ്ഥന്റെ മുമ്പാകെ ഹാജരാകണമെന്ന് കോടതി നിര്ദേശിച്ചു. മനുവിനെതിരായ ആരോപണം ഗുരുതരമാണെന്ന് കോടതി നേരത്തെ നിരീക്ഷിക്കുകയുണ്ടായി. ചോറ്റാനിക്കര പോലീസ് കേസ് എടുത്തതിന് പിന്നാലെ അഡ്വക്കറ്റ് ജനറല് പ്ലീഡർ സ്ഥാനത്തുനിന്ന് മനുവിന്റെ രാജി ആവശ്യപ്പെടുകയായിരുന്നു. ഔദ്യോഗിക പദവി ദുരുപയോഗം ചെയ്ത് യുവതിയെ ബലാത്സഗം ചെയ്തെന്ന ആരോപണം ഗൗരവമുള്ളതാണെന്ന് കണ്ടെത്തിയാണ് പി.ജി. മനുവിനോട് അഡ്വക്കറ്റ് ജനറല് രാജി ആവശ്യപ്പെട്ടത്. സര്ക്കാറിനായി നിരവധി ക്രിമിനല് കേസുകളില് ഹാജരായ വ്യക്തിയില് നിന്ന് ഒരു തരത്തിലും സംഭവിക്കാന് പാടില്ലാത്ത പ്രവൃത്തിയാണ് ഉണ്ടായതെന്നും എജി ഓഫീസ് വിലയിരുത്തി. 2018 ല് ഉണ്ടായ ലൈംഗിക അതിക്രമ കേസിലെ അതിജീവിതയാണ് പരാതിക്കാരി. ഈ കേസില് അഞ്ചു വര്ഷമായിട്ടും നടപടിയാകാതെ വന്നതോടെയാണ്…
Read Moreഅഞ്ച് കിലോ കഞ്ചാവുമായി യുവാവ് അറസ്റ്റില്; പിടിച്ചത് ന്യൂ ഇയര് ആഘോഷത്തിനായി സൂക്ഷിച്ചിരുന്ന കഞ്ചാവ്
കൊച്ചി: ന്യൂ ഇയര് ആഘോഷത്തിനായി സൂക്ഷിച്ചിരുന്ന അഞ്ചു കിലോ കഞ്ചാവുമായി യുവാവ് അറസ്റ്റില്. മട്ടാഞ്ചേരി പനയപ്പള്ളി കോര്പ്പറേഷന് കോളനിയില് താമസിക്കുന്ന മുളിമൂട്ടില് കെ. രാകേഷി(24)നെയാണ് മട്ടാഞ്ചേരി എസ്ഐ ജിന്സന് ഡൊമിനിക്കിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ഇയാളുടെ വീട്ടിലാണ് കഞ്ചാവ് സൂക്ഷിച്ചിരുന്നത് മട്ടാഞ്ചേരി പോലീസ് സ്റ്റേഷന് ഉള്പ്പെടെ വിവിധ സ്റ്റേഷനുകളില് ഇയാള്ക്കെതിരെ ലഹരിക്കേസുകളുണ്ട്. തമിഴ്നാട്ടില് നിന്നാണ് കഞ്ചാവ് കൊച്ചിയിലെത്തിച്ചതെന്നാണ് ഇയാള് പോലീസിനോട് വെളിപ്പെടുത്തിയത്. പുതുവര്ഷാഘോഷത്തിനായി എത്തിച്ചതായിരുന്നു ഇത്. കേസില് കൂടുതല് അറസ്റ്റ് ഉണ്ടാകും. പ്രതിയെ ഇന്ന് ഉച്ചയ്ക്കു ശേഷം കോടതിയില് ഹാജരാക്കും.
Read Moreനവകേരള സദസിന് നാളെ സമാപനം; ഇന്ന് 4 മണ്ഡലങ്ങളിൽ
തിരുവനന്തപുരം: തിരുവനന്തപുരം ജില്ലയിൽ തുടരുന്ന, മുഖ്യമന്ത്രിയും മന്ത്രിമാരും നടത്തുന്ന നവകേരള സദസ് ഇന്ന് നാല് മണ്ഡലങ്ങളിൽ പര്യടനം നടത്തും. അരുവിക്കര, കാട്ടാക്കട, നെയ്യാറ്റിൻകര, പാറശാല മണ്ഡലങ്ങളിലാണ് ഇന്ന് നവകേരള സദസ് എത്തുന്നത്. 122 മണ്ഡലങ്ങളിലെ പര്യടനം പൂർത്തിയാക്കിയാണ് നവ കേരള സദസ് തലസ്ഥാനത്തെത്തിയത്. നാളെയാണ് നവകേരള സദസിന് സമാപനം. കാട്ടാക്കട തൂങ്ങാംപാറ കാളിദാസ ഓഡിറ്റോറിയത്തിൽ രാവിലെ ഒമ്പതിന് പ്രഭാതയോഗം നടന്നു. തുടർന്ന് അരുവിക്കര മണ്ഡലത്തിലാണ് ആദ്യ നവകേരള സദസ്. ഉച്ചക്ക് ശേഷം കാട്ടാക്കട മണ്ഡലത്തിലെ നവകേരള സദസ് ക്രിസ്ത്യൻ കോളേജിലും നെയ്യാറ്റിൻകര മണ്ഡലത്തിലെ നവകേരള സദസ് മുനിസിപ്പൽ സ്റ്റേഡിയത്തിലും നടക്കും. പാറശാല മണ്ഡലത്തിലെ നവകേരള സദസ്സിന് കാരക്കോണം മെഡിക്കൽ കോളേജാണ് വേദി. സമാപന ദിവസമായ നാളെ നേമം, കോവളം, കഴക്കൂട്ടം, വട്ടിയൂർക്കാവ്, തിരുവനന്തപുരം എന്നീ മണ്ഡലങ്ങളിലാണ് പര്യടനം. സമാപനത്തോടനുബന്ധിച്ച് സുരക്ഷ കൂട്ടിയിട്ടുണ്ട്. നവകേരള യാത്ര കടന്നുപോകുന്ന സ്ഥലങ്ങൾ…
Read Moreകണ്ണൂർ വിമാനത്താവളത്തിൽ 64 ലക്ഷത്തിന്റെ സ്വർണവുമായി യാത്രക്കാരൻ പിടിയിൽ
മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ സ്വർണവേട്ട. 64 ലക്ഷം രൂപ വില വരുന്ന 1,045 ഗ്രാം സ്വർണവുമായാണു യാത്രക്കാരനെ കസ്റ്റംസ് ഉദ്യോഗസ്ഥർ പിടികൂടിയത്. ദോഹയിൽനിന്നും ഇൻഡിഗോ വിമാനത്തിൽ ഇന്നലെ കണ്ണൂരിലെത്തിയ മേപ്പയൂർ സ്വദേശി ഷൗക്കത്തലി (45) യിൽ നിന്നാണ് 64 ലക്ഷം രൂപ വിലവരുന്ന 1045 ഗ്രാം സ്വർണം കണ്ണൂർ കസ്റ്റംസ് പ്രിവന്റീവ് ഡിവിഷൻ ഉദ്യോഗസ്ഥർ പിടികൂടിയത്. ചെക്കിംഗ് ഇൻ പരിശോധനയിൽ സംശയം തോന്നിയതിനെ തുടർന്ന് യാത്രക്കാരനെ കസ്റ്റഡിയിലെടുത്ത് പരിശോധിച്ചപ്പോഴാണു സ്വർണം കണ്ടെത്തിയത്. സ്വർണ മിശ്രിതം നാലു കാപ്സ്യൂളുകളിലാക്കി ശരീരത്തിന്റെ രഹസ്യഭാഗത്ത് ഒളിപ്പിച്ചാണു കടത്താൻ ശ്രമിച്ചത്. 1,132 ഗ്രാം മിശ്രിത സ്വർണം പിന്നീട് വേർതിരിച്ചെടുത്തു. കസ്റ്റംസ് അസിസ്റ്റന്റ് കമ്മീഷണർ ഇ. വികാസ്, സൂപ്രണ്ടുമാരായ പി.കെ. ഹരിദാസൻ, എൻ.സി. പ്രശാന്ത്, ഹെഡ് ഹവിൽദാർ ബാലൻ കുനിയിൽ, ഡ്രൈവർ കെ.വി. സജിത്ത് എന്നിവർ പരിശോധനയിൽ പങ്കെടുത്തു.
Read Moreമധുവിധു തീരും മുൻപേ… മുടിയില്ല, നിറമില്ല, വണ്ണം കൂടുതൽ; പെൺകുട്ടി പിറന്നതോടെ….
‘എന്റെ കുഞ്ഞിനെ അവര് കൊന്നതാ സാറെ. വീട്ടില്നിന്നു സ്ത്രീധനം വാങ്ങിക്കൊണ്ടു വായെന്നു പറഞ്ഞ് അവര് എന്റെ മോൾക്കു സ്വൈര്യം കൊടുത്തിരുന്നില്ല. അവള്ക്ക് മുടിയില്ല, നിറമില്ല, വണ്ണം കൂടുതലാണെന്നൊക്കെ പറഞ്ഞ് ഭര്ത്താവും അവന്റെ അപ്പനും അമ്മയും എപ്പോഴും പരിഹസിച്ചിരുന്നു. എന്റെ കുഞ്ഞ് ഇതൊന്നും ആദ്യം ഞങ്ങളെ അറിയിച്ചില്ല. മരിക്കുന്ന ദിവസം രാവിലെ അവള് എന്നെ വിളിച്ചിരുന്നു. രണ്ടു ദിവസമായി ഭക്ഷണം കഴിച്ചിട്ടെന്നും എനിക്ക് മരിക്കാന് പേടിയാണെന്നുമൊക്കെ പറഞ്ഞു. നീ ഒന്നും നോക്കണ്ടാ… ഇങ്ങു പോരെന്ന് ഞാന് പറഞ്ഞു. അധികം വൈകാതെ അവളുടെ അമ്മായിയമ്മ വിളിച്ചിട്ട് മകള് ആശുപത്രിയിലാണെന്നു വിളിച്ചറിയിക്കുകയായിരുന്നു. ആശുപത്രിയിലേക്ക് ഓടിയെത്തിയെങ്കിലും എന്റെ കുഞ്ഞ് ഞങ്ങളെ വിട്ടുപോയിരുന്നു. എന്റെ പേരക്കുട്ടിയെയെങ്കിലും ഞങ്ങള്ക്ക് കിട്ടണേ. അല്ലെങ്കില് അതിന്റെ അവസ്ഥ എന്താകും…’ ഭര്തൃവീട്ടില് ദുരൂഹ സാഹചര്യത്തില് മരിച്ച തന്റെ മകള് ഷൈമോളെ (24)ക്കുറിച്ചോര്ത്ത് അതിരമ്പുഴയിലെ വീട്ടിലിരുന്ന് അമ്മ ഷീല ഷാജി തേങ്ങി.…
Read Moreനേരം വെളുത്തപ്പോൾ ദാ കിടക്കുന്നു കിണറ്റിൽ രണ്ട് കാട്ടാന; മണിക്കൂർ നീണ്ട പരിശ്രമത്തിനൊടുവിൽ ആനകളെ രക്ഷപ്പെടുത്തി
കോതമംഗലം: മാമലക്കണ്ടം എളംബ്ലാശ്ശേരി ആദിവാസിക്കുടിയിൽ അഞ്ചുകുടി കമ്യുണിറ്റി ഹാളിന് സമീപം ജനവാസമേഖലയിലെ കിണറ്റിൽ വീണ കാട്ടാനകളെ രക്ഷപെടുത്തി. പിടിയാനയും കുട്ടിയാനയുമാണ് കിണറ്റിൽ വീണത്. പേപ്പാറയിൽ പരേതനായ മത്തായിയുടെ ഭാര്യ പൊന്നമ്മയുടെ വീടിന് സമീപത്തുള്ള സംരക്ഷണ ഭിത്തിയില്ലാത്ത കിണറ്റിലാണ് ആനകൾ വീണത്. കാട്ടാനക്കൂട്ടത്തിന്റെ ആക്രമണത്തിൽ നേരെത്ത പൊന്നമ്മയുടെ വീട് തകർക്കപ്പെട്ടിരുന്നു. പിന്നീട് ഷെഡ് കെട്ടിയാണ് ഇവിടെ താമസിച്ച് വന്നിരുന്നത്. കുടിലും കാട്ടാനകൾ നശിപ്പതോടെ പൊന്നമ്മ മത്തായി മാസങ്ങൾക്ക് മുമ്പ് പട്ടയക്കുടിയിൽ ഇവരുടെ തറവാട് വീടിനോട് ചേർന്നുള്ള സ്ഥലത്തേക്ക് താമസം മാറിയിരുന്നു. പുലർച്ചെ രണ്ടോടെയാകാം കാട്ടാനകൾ കിണറ്റിൽ വീണതെന്നാണ് പരിസരവാസികൾ പറയുന്നത്. കിണറിന് ആഴം കുറവായിരുന്നു. നാട്ടുകാരാണ് വനം വകുപ്പ് വാച്ചറമ്മാരെയും വനപാലകരെയും വിവരം അറിയിച്ചത്. തുടർന്ന് രാവിലെ ഏഴോടെ വനം വകുപ്പ് ഉദ്യോഗസ്ഥർ സ്ഥലത്തെത്തി. 7.30 ഓടെ മണ്ണുമാന്തി യന്ത്രവും സ്ഥലത്തെത്തിച്ച് തള്ളയാനയെയും കുട്ടിയാനയയും രക്ഷിക്കാനുള്ള ശ്രമം ആരംഭിച്ചു.…
Read Moreഗ്രേഡ് എസ്ഐമാർ റോഡിലിറങ്ങി വാഹനപരിശോധന നടത്തേണ്ടെന്നു ഡിജിപി
തിരുവനന്തപുരം: ഗ്രേഡ് എസ്ഐമാർ റോഡിലിറങ്ങി വാഹന പരിശോധന നടത്തേണ്ടതില്ലെന്ന് പോലീസിന്റെ ഉത്തരവ്. ആഭ്യന്തര വകുപ്പിന്റെ നിർദേശമനുസരിച്ച് സംസ്ഥാന പോലീസ് മേധാവി ജില്ലാ പോലീസ് മേധാവികൾ മുഖേന സബ് ഡിവിഷണൽ ഓഫീസർമാർക്കും സ്റ്റേഷൻ ഹൗസ് ഓഫീസർമാർക്കുമാണ് നിർദേശം നൽകിയത്. 1988ലെ മോട്ടോർ വാഹന നിയമം 200(1)അനുസരിച്ച് പോലീസ് സബ് ഇൻസ്പെക്ടർമാർക്കും അതിനു മുകളിലുള്ള ഉദ്യോഗസ്ഥർമാർക്കുമാണ് വാഹനപരിശോധന നടത്തി പിഴ ഈടാക്കാൻ അധികാരമുള്ളൂ. ഈ നിയമം ഭേദഗതി ചെയ്ത് സ്ഥാനക്കയറ്റം വഴി എസ്ഐമാരാകുന്ന ഗ്രേഡ് എസ്ഐമാരെ കൂടി വാഹനം പരിശോധിക്കാൻ അനുവദിക്കണമെന്നാവശ്യപ്പെട്ട് പോലീസ് മേധാവി ആഭ്യന്തര വകുപ്പ് അഡീഷണൽ ചീഫ് സെക്രട്ടറിക്ക് കത്ത് നൽകിയിരുന്നു. എന്നാൽ ഇത് പുനപരിശോധിക്കാൻ കഴിയില്ലെന്നായിരുന്നു ആഭ്യന്തര വകുപ്പ് അഡീഷണൽ ചീഫ് സെക്രട്ടറിയുടെ മറുപടി.
Read Moreറെയിൽവേ ബോർഡിന്റെ ക്രിസ്മസ്-പുതുവത്സര സമ്മാനം; കന്യാകുമാരി-ബനാറസ് റൂട്ടിൽ പുതിയ ട്രെയിൻ
കൊല്ലം: റെയിൽ യാത്രികർക്ക് ക്രിസ്മസ്-പുതുവത്സര സമ്മാനമായി കന്യാകുമാരി-ബനാറസ് റൂട്ടിൽ പുതിയ ട്രെയിൻ സർവീസ് ആരംഭിക്കാൻ റെയിൽവേ ബോർഡ് തീരുമാനം. കാശി തമിഴ് സംഗമം എക്സ്പ്രസ് എന്ന് പേരിട്ടിരിക്കുന്ന ട്രെയിൻ പ്രതിവാര സർവീസാണ് നടത്തുക. കന്യാകുമാരി -ബനാറസ് റൂട്ടിൽ വ്യാഴവും തിരികെ ബനാറസ് -കന്യാകുമാരി റൂട്ടിൽ ഞായറും ആണ് സർവീസ് നടത്തുക. ബനാറസ് -കന്യാകുമാരി റൂട്ടിൽ ആദ്യ ട്രെയിൻ ( നമ്പർ 16368 ) 24 – ന് വൈകുന്നേരം 4.20 ന് പുറപ്പെട്ട് മൂന്നാം ദിവസം രാത്രി ഒമ്പതിന് കന്യാകുമാരിയിൽ എത്തും. കന്യാകുമാരി-ബനാറസ് റൂട്ടിലെ ആദ്യ ട്രെയിൻ ( നമ്പർ 16367) 28- മുതലാണ് സർവീസ് ആരംഭിക്കുക. രാത്രി 8.30 ന് കന്യാകുമാരിയിൽ നിന്ന് പുറപ്പെടുന്ന വണ്ടി മൂന്നാം ദിവസം രാത്രി 11.35 ന് ബനാറസിൽ എത്തും. ഒരു ഏസി ഫസ്റ്റ് ക്ലാസ്, രണ്ട് ഏസി ടൂടയർ,…
Read Moreവി.ഡി. സതീശൻ എന്നാൽ വെറും ഡയലോഗ് സതീശൻ; പരിഹസിച്ച് മന്ത്രി മുഹമ്മദ് റിയാസ്
തിരുവനന്തപുരം: വി.ഡി. സതീശൻ എന്നാൽ വെറും ഡയലോഗ് സതീശൻ എന്നാണെന്ന് മന്ത്രി മുഹമ്മദ് റിയാസ്. പ്രതിപക്ഷ നേതാവിന്റെ ഡയലോഗുകൾ സോഷ്യൽ മീഡിയയിൽ മ്യൂസിക് ഇട്ട് നൽകാൻ മാത്രം പറ്റുമെന്നും മന്ത്രി പരിഹസിച്ചു. നവകേരള സദസിന്റെ ശോഭ കെടുത്താനാണ് അക്രമം നടത്തുന്നത്. ഇതോടെ സദസിൽ പതിനായിരം കസേര എന്നത് ഇരുപതിനായിരമായി മാറും. സമരാനുഭവങ്ങൾ ഇല്ലാത്ത ആളാണ് പ്രതിപക്ഷ നേതാവ് . എല്ലാ മര്യാദയും പ്രതിപക്ഷ നേതാവ് ലംഘിച്ചു. സെക്രട്ടേറിയറ്റിൽ സാധാരണ കൊടിയുമായിട്ടാണ് സമരം. ഇവിടെ ആണിയടിച്ച പട്ടികയുമായാണ് വരുന്നത്. പോലീസ് വാഹനം ആക്രമിക്കുകയും സമരത്തിൽനിന്ന് പിടിച്ചുകൊണ്ടുപോകുന്നവരെ പ്രതിപക്ഷ നേതാവിന്റെ നേതൃത്വത്തിൽ പോലീസ് വാഹനത്തിൽ നിന്ന് ഇറക്കുകയും ചെയ്യുന്നു. എല്ലാ മര്യാദയും ലംഘിച്ചാണ് കാര്യങ്ങൾ നടക്കുന്നതെന്നും മന്ത്രി മുഹമ്മദ് റിയാസ് പറഞ്ഞു.
Read More