മണിമല: ബൈക്കിലെത്തിയ യുവാവ് മാടക്കട നടത്തുന്ന മധ്യവയസ്കയുടെ സ്വര്ണമാല കവര്ന്നു. പഴയിടം പാലത്തിനു സമീപം മാടക്കടയും ലോട്ടറിക്കച്ചവടവും നടത്തുന്ന തങ്കമണിയുടെ മാലയാണ് കവര്ന്നത്. ഇന്നു രാവിലെ ഏഴിനാണു സംഭവം. ബൈക്കിലെത്തിയ 35 വയസ് തോന്നിക്കുന്ന യുവാവ് തങ്കമണിയോടു മുറുക്കാന് ആവശ്യപ്പെട്ടു. പിന്നാലെ ഒരു ലോട്ടറിയെടുത്തു. സോഡ കുടിച്ചശേഷം വീണ്ടും ഒരു മുറുക്കാന് കൂടി ആവശ്യപ്പെട്ടു. ഈസമയം രണ്ടു പവന്റെ താലിമാല പറിച്ചെടുത്ത് യുവാവ് പഴയിടം പാലം കടന്ന് മണിമല റോഡിലൂടെ കടന്നുകളയുകയായിരുന്നു. മണിമല പോലീസ് സ്ഥലത്തെത്തി അന്വേഷണം ആരംഭിച്ചു.
Read MoreCategory: Edition News
ചേറിൽ അകപ്പെട്ട മധ്യവയസ്കന് രക്ഷകനായി യുവാവ്
കോട്ടയം: പാടത്ത് ചേറിൽ അകപ്പെട്ട മധ്യവയസ്കന് രക്ഷയുടെ കരംകൊടുത്തു കരയിലെത്തിച്ച് യുവാവ്. കോതനല്ലൂർ ഓലിക്കൽ ബാബുവിനാണ് (53) കുമാരനല്ലൂർ സ്വദേശി ജെസിൻ (38) രക്ഷകനായത്. ഇന്നലെ രാത്രി 7.30ന് ആയിരുന്നു സംഭവം. കുടമാളൂർ സെന്റ്. അൽഫോൺസ് പള്ളിക്കു സമീപം പാടശേഖരത്തിൽ ചേറിൽ കുടുങ്ങിയ ബാബുവിന് ജെസിന്റെ ഇടപെടലാണ് രക്ഷയായത്. പക്ഷാഘാതം സംഭവിച്ചു കാലിനു സ്വാധീനം നഷ്ടപ്പെട്ട ബാബു ബന്ധുവീട്ടിലേക്കു പോകുംവഴി പാടത്തു വീഴുകയായിരുന്നു. ഇദ്ദേഹത്തിന്റെ നിലവിളികേട്ട് എത്തിയ ജെസിൻ നാട്ടുകാരെ കൂട്ടിയെങ്കിലും ആരും സഹായത്തിനെത്തിയില്ല. ഇതോടെ ജെസിൻ ഫയർഫോഴ്സിനെയും പോലീസിനെയും വിവരം അറിയിക്കുകയായിരുന്നു. ഫയർഫോഴ്സും പോലീസും ചേർന്നു നടത്തിയ പരിശ്രമത്തിനൊടുവിലാണ് ബാബുവിനെ പുറത്തെത്തിക്കാനായത്. വൈകിട്ട് ആറോടെ ഇയാൾ ചേറിൽ വീണതായി കരുതുന്നു. ഒന്നരമണിക്കൂറോളം ഇവിടെ കിടന്നു നിലവിളിച്ചിട്ടും ആരും രക്ഷിക്കാനെത്തിയില്ല. അനാരോഗ്യം മൂലം സംസാരിക്കാൻ ബുദ്ധിമുട്ടുള്ള ആളായിരുന്നു ബാബു. മദ്യപിച്ച് പാടത്തുവീണതാണെന്നുപറഞ്ഞാണ് നാട്ടുകാർ പിന്മാറിയത്. ബന്ധുവീട്ടിലേക്കു എത്തുന്പോൾ…
Read Moreകാപ്പ നിയമം ലംഘിച്ച പ്രതി അറസ്റ്റിൽ
ഏറ്റുമാനൂർ: കാപ്പ നിയമം ലംഘിച്ച പ്രതിയെ ഏറ്റുമാനൂർ പോലീസ് അറസ്റ്റ് ചെയ്തു. കുപ്രസിദ്ധ ഗുണ്ടയും നിരവധി ക്രിമിനല് കേസുകളിലെ പ്രതിയുമായ അതിരമ്പുഴ കോട്ടമുറി കൊച്ചുപുരക്കൽ വീട്ടിൽ ആൽബിൻ കെ. ബോബനെ(28)യാണ് അറസ്റ്റ് ചെയ്തത്. ഏറ്റുമാനൂർ, മേലുകാവ്, മരങ്ങാട്ടുപള്ളി സ്റ്റേഷനുകളിലായി കൊലപാതക ശ്രമം, കവർച്ച, അടിപിടി തുടങ്ങി നിരവധി കേസുകളിലെ പ്രതിയാണ് ഇയാൾ. ജില്ലാ പോലീസ് മേധാവി കെ. കാർത്തിക് സമർപ്പിച്ച റിപ്പോർട്ടിന്റെ അടിസ്ഥാനത്തിൽ കാപ്പ നിയമപ്രകാരം ഒരു വർഷത്തേക്ക് ജില്ലയിൽനിന്ന് ഇയാളെ നാടുകടത്തിയിരുന്നു. എന്നാൽ ഇയാൾ ഈ ഉത്തരവ് ലംഘിച്ച് ജില്ലയിലേക്ക് കടന്നതായി എസ്പിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഏറ്റുമാനൂർ പോലീസ് നടത്തിയ പരിശോധനയിലാണ് ഇയാളെ ഏറ്റുമാനൂരില്നിന്ന് പോലീസ് പിടികൂടിയത്. ഏറ്റുമാനൂർ സ്റ്റേഷൻ ഹൗസ് ഓഫീസർ പ്രസാദ് ഏബ്രഹാം വർഗീസ്, സിപിഓമാരായ സജി പി,സി, ഡെന്നി പി. ജോയ്, അനീഷ് വി.കെ, സെയ്ഫുദ്ദീൻ എന്നിവർ ചേർന്നാണ്…
Read Moreആലപ്പുഴയിൽ കിടപ്പ് രോഗിയായ അച്ഛനെ മകൻ വാക്കർ കൊണ്ട് തലക്കടിച്ചു കൊലപ്പെടുത്തി
ആലപ്പുഴ: പുന്നപ്രയിൽ കിടപ്പ് രോഗിയായ അച്ഛനെ മകൻ കൊലപ്പെടുത്തി. 65 വയസുള്ള സെബാസ്റ്റ്യനാണ് കൊല്ലപ്പെട്ടത്. മകൻ സെബിൻ ക്രിസ്റ്റിയെ (26) പുന്നപ്ര പോലീസ് അറസ്റ്റ് ചെയ്തു. പിതാവ് കട്ടിലിൽ നിന്നു വീണു മരിച്ചു എന്നാണ് സെബിൻ എല്ലാവരോടും പറഞ്ഞത്. എന്നാൽ പോലീസ് നടത്തിയ അന്വേഷണത്തിൽ മരണകാരണം അതല്ലായെന്ന് മനസിലായത്. കിടപ്പ് രോഗിയായിരുന്ന സെബാസ്റ്റ്യൻ ഒരു ദിവസം മുൻപാണ് കൊല്ലപ്പെട്ടത്. സംഭവത്തിൽ കൂടുതൽ അന്വേഷണം നടത്തിയപ്പോഴാണ് സെബാസ്റ്റ്യന്റേത് കൊലപാതകമാണെന്ന് തെളിഞ്ഞത്. പിന്നാലെ വിശദമായ ചോദ്യം ചെയ്യലിൽ താനാണ് പിതാവിനെ കൊന്നതെന്ന് സെബിൻ സമ്മതിക്കുകയായിരുന്നു. സെബിൻ മയക്കു മരുന്നിന് അടിമയാണ്. വീട്ടിൽ പതിവായി ഇയാൾ വഴക്ക് ഉണ്ടാക്കുമായിരുന്നു. വാക്കർ കൊണ്ടാണ് സെബിൻ പിതാവിനെ അടിച്ചുകൊന്നതെന്ന് പോലീസ് അന്വേഷണത്തിൽ വ്യക്തമായി
Read Moreതുമ്പുകിട്ടാൻ പഴുതില്ലെങ്കിൽ കേസൊതുക്കി പോലീസ്; സ്റ്റേഷനുകളിൽ രജിസ്റ്റർ ചെയ്യപ്പെടാതെ ആയിരക്കണക്കിനു കേസുകൾ
തൃശൂർ: സംസ്ഥാനത്തെ സിറ്റി, റൂറൽ പോലീസ് സ്റ്റേഷൻ പരിധികളിലെ മോഷണം, ക്രിമിനൽ, സൈബർ കേസുകൾ മുഴുവൻ രജിസ്റ്റർ ചെയ്യാതെ പോലീസിന്റെ നല്ലമേനി നടിപ്പ്. ജില്ലയിലെ വിവിധ പോലീസ് സ്റ്റേഷനുകളിൽ ലഭിക്കുന്ന പരാതികളിൽ തുന്പുകൾ കിട്ടാത്ത കേസുകൾ രജിസ്റ്റർ ചെയ്യാതെ തത്കാലത്തേക്ക് ഒഴിവാക്കുകയാണ്. രേഖകളിൽ പെന്റിംഗ് കേസുകൾ ഇല്ലെന്നു കാണിച്ചു മുഖം മിനുക്കാനാണു പോലീസ് ശ്രമം. പ്രതികളെ പിടികൂടാൻ സാധിക്കുന്ന കേസുകൾമാത്രം രജിസ്റ്റർ ചെയ്താൽ മതിയെന്നാണു മേലധികാരികളുടെ വാമൊഴി ഉത്തരവ്.ഇത്തരത്തിലുള്ള ആയിരക്കണക്കിനു ക്രിമിനൽകേസ് പരാതികളാണു ദിനംതോറും സംസ്ഥാനത്തെ വിവിധ പോലീസ് സ്റ്റേഷനുകളിൽ രജിസ്റ്റർ ചെയ്യപ്പെടാതിരിക്കുന്നത്. പരാതികൾ സ്വീകരിക്കാത്തതിനെതിരെ ചിലരെങ്കിലും ഉന്നത പോലീസ് മേധാവികളെ സമീപിക്കുന്നുണ്ടെങ്കിലും അവിടെയും വിവിധ കാരണങ്ങൾ പറഞ്ഞ് ഒഴിവാക്കുകയാണ്. സംസ്ഥാനം കുറ്റവിമുക്ത മേഖലയാണെന്നു വരുത്തിത്തീർക്കുകയാണു ലക്ഷ്യം. ഉന്നതാധികാരികളുടെ മോശപ്പെട്ട പ്രവണതയിൽ പോലീസുകാർക്കുതന്നെ ആക്ഷേപമുണ്ട്. ഗുണ്ടാവിളയാട്ടം, കവർച്ചകൾ, വിവിധ സൈബർ കുറ്റകൃത്യങ്ങൾ, പീഡനങ്ങൾ, ലഹരിമാഫിയകളുടെ അക്രമം തുടങ്ങിയ…
Read Moreവനിതാ പാർട്ണർക്ക് ഹോട്ടൽ ജീവനക്കാരനുമായി സൗഹൃദം; ഹോട്ടൽ ഉടമയെ കൊല്ലാൻ യുവതിയും ഭർത്താവും സുഹൃത്തിനെ പ്രേരിപ്പിച്ചു; കറുകച്ചാലിലെ കൊലയ്ക്ക് പിന്നിലെ കഥകൾ ഇങ്ങനെ…
കറുകച്ചാല്: ഹോട്ടല് ഉടമയെ കൊലപ്പെടുത്തിയ കേസില് അറസ്റ്റിലായ രണ്ടുപേര് റിമാന്ഡില്. കറുകച്ചാലില് ചട്ടിയും തവിയും എന്ന ഹോട്ടല് നടത്തിയിരുന്ന രഞ്ജിത്തിനെ കൊലപ്പെടുത്തിയ കേസില് ആലപ്പുഴ എറവുങ്കര നയനത്തില് രഞ്ജിത്ത് കുമാര് (റെജി, 43), ഇയാളുടെ ഭാര്യ സോണിയ തോമസ് (38) എന്നിവരെയാണു തൃക്കൊടിത്താനം പോലീസ് അറസ്റ്റ് ചെയ്തു കോടതിയില് ഹാജരാക്കിയത്. കഴിഞ്ഞ 15ന് കറുകച്ചാലില് പ്രവര്ത്തിച്ചിരുന്ന ചട്ടിയും തവിയും ഹോട്ടലില് രഞ്ജിത്തിനെ ജീവനക്കാരനായ ജോസ് കെ. തോമസ് കത്തികൊണ്ട് ആക്രമിക്കുകയും തുടര്ന്ന് ചികിത്സയിലിരിക്കെ ആശുപത്രിയില് രഞ്ജിത്ത് മരണപ്പെടുകയുമായിരുന്നു. സംഭവത്തിൽ ഹോട്ടല് ജീവനക്കാരനായ ജോസ് കെ. തോമസിനെ തൃക്കൊടിത്താനം പോലീസ് അറസ്റ്റ് ചെയ്തിരുന്നു. തുടര്ന്നു നടത്തിയ വിശദമായ അന്വേഷണത്തിലാണ് രഞ്ജിത് കുമാറിനെയും ഭാര്യ സോണിയ തോമസിനെയും പ്രേരണാ കുറ്റത്തിനു പോലീസ് അറസ്റ്റ് ചെയ്തത്. സോണിയ മരണപ്പെട്ട രഞ്ജിത്തുമായി ചേര്ന്നു ഹോട്ടല് നടത്തിവരികയായിരുന്നു. ഇതിനിടയില് സോണിയ ഹോട്ടല് ജീവനക്കാരനായ ജോസ്…
Read Moreസിപിഎം പ്രവർത്തകന്റെ വീട്ടിൽ റീത്ത് വച്ച കേസിൽ സിപിഎമ്മുകാർ അറസ്റ്റിൽ
ചക്കരക്കൽ: സിപിഎം പ്രവർത്തകന്റെ വീട്ടിലെ വരാന്തയിൽ റീത്ത് വച്ച സംഭവത്തിൽ പോലീസ് പിടിയിലായത് സിപിഎം പ്രവർത്തകർ. ചക്കരക്കൽ പ്രസ്ഫോറം ഭാരവാഹിയും ഗ്രാന്മ ന്യൂസ് പ്രതിനിധിയുമായ കണയന്നൂരിലെ എ.സി. ഷൈജുവിന്റെ വീട്ടിൽ റീത്ത് വച്ച കേസിലാണ് സിപിഎം ബ്രാഞ്ച് സെക്രട്ടറിയായ കണയന്നൂരിലെ ഷെരീഫ്, ഇയാളുടെ സുഹൃത്തും സിപിഎം പ്രവർത്തകനുമായ ഷിജിൽ എന്നിവരെ ചക്കരക്കൽ പോലീസ് അറസ്റ്റ് ചെയ്തത്. മൂന്നാഴ്ച മുന്പായിരുന്നു വീട്ടുവരാന്തയിൽ റീത്ത് വച്ചത്. ഷിജിലിന് വീട് നിർമാണവുമായി ബന്ധപ്പെട്ട വ്യക്തിവിരോധമുണ്ടായിരുന്നുവത്രെ. ഇതാണ് റീത്ത് വയ്ക്കലിന് കാരണമായതെന്നു കണ്ടെത്തിയാണ് പോലീസ് കഴിഞ്ഞദിവസം ഇവരെ അറസ്റ്റ് ചെയ്തത്.
Read Moreവിദേശത്തു ജോലി വാഗ്ദാനം ചെയ്ത് ലക്ഷങ്ങൾ തട്ടിയ പ്രതി അറസ്റ്റിൽ
പള്ളിക്കത്തോട്: മകള്ക്കു വിദേശത്തു ജോലി നല്കാമെന്നു പറഞ്ഞ് വീട്ടമ്മയില്നിന്ന് ലക്ഷങ്ങള് തട്ടിയ കേസില് യുവാവിനെ പോലീസ് അറസ്റ്റ് ചെയ്തു. പത്തനംതിട്ട ആനയടി പള്ളിക്കല് പുത്തന്വീട്ടില് വടക്കേതില് സെബാസ്റ്റ്യന് സിബിച്ചനെ (ചാക്കോച്ചി, 40)യാണ് പള്ളിക്കത്തോട് പോലീസ് അറസ്റ്റ് ചെയ്തത്. മകള്ക്ക് ഓസ്ട്രേലിയയില് ജോലി വാങ്ങി നല്കാമെന്ന് പറഞ്ഞ് പള്ളിക്കത്തോട് സ്വദേശിനിയായ വീട്ടമ്മയില്നിന്ന് ഇയാൾ മേയ്, ജൂണിൽ 5,90,000 രൂപ തട്ടിയെടുക്കുകയായിരുന്നു. ജോലി നല്കാതെയും പണം തിരികെ നല്കാതെയും കബളിപ്പിച്ചതിനത്തുടര്ന്ന് വീട്ടമ്മ പോലീസില് നൽകിയ പരാതിയിലാണ് ഇയാളെ പിടികൂടിയത്. എറണാകുളം രാമമംഗലം കുന്നക്കാട്ട് വാടകയ്ക്കു താമസിക്കുന്നതിനിടെയാണ് അറസ്റ്റ് ചെയ്തത്.
Read Moreബൈക്കിൽ പിൻതുടർന്ന് യുഡിഎഫ് മണ്ഡലം ചെയര്മാന്റെ കാര് തല്ലിത്തകര്ത്തു
വടകര: കോണ്ഗ്രസ് നേതാവും യുഡിഎഫ് വടകര നിയോജക മണ്ഡലം ചെയര്മാനുമായ കോട്ടയില് രാധാകൃഷ്ണനു നേരെ കൈയേറ്റം. ഇദ്ദേഹം സഞ്ചരിച്ച കാര് വടകര ദേശീയപാതയില് ബൈക്കിലില് എത്തിയസംഘം തകര്ത്തു. വെള്ളിയാഴ്ച രാത്രിയാണ് സംഭവം. നവകേരള സദസിനു മുന്കരുതലായി പോലീസ് കസ്റ്റഡിയിലെടുത്ത കോണ്ഗ്രസ്-യൂത്ത് കോണ്ഗ്രസ് നേതാക്കളുമായി വടകര പോലീസ് സ്റ്റേഷനില് നിന്നു കാറില് മടങ്ങുമ്പോഴാണ് അക്രമമുണ്ടായത്. ബൈക്കില് പിന്തുടര്ന്ന് ആക്രമിക്കുകയായിരുന്നു. കാറിന്റെ മുന്ഭാഗം ഗ്ലാസ് തകര്ന്നു. ഇതിനു പിന്നില് സിപിഎമ്മാണെന്നാണ് ആരോപണം. അക്രമത്തില് പ്രതിഷേധിച്ച് യുഡിഎഫ്-ആര്എംപിഐ നിയോജക മണ്ഡലം കമ്മിറ്റിയുടെ നേതൃത്വത്തില് ഇന്ന് വടകര എസ്പി ഓഫീസ് മാര്ച്ച് നടത്തി. തുടര്ന്ന് എസ്പി ഓഫീസിനു സമീപം പ്രതിഷേധസംഗമം നടത്തി. അക്രമം അപലപനീയം: പാറക്കല്വടകര: കോണ്ഗ്രസ് നേതാവും യുഡിഎഫ് മണ്ഡലം ചെയര്മാനുമായ കോട്ടയില് രാധാകൃഷ്ണന് നേരെയും കോണ്ഗ്രസ് പ്രവര്ത്തകര്ക്ക് നേരെയും നടന്ന അക്രമത്തെ മുസ്ലിം ലീഗ് സംസ്ഥാന സെക്രട്ടറി പാറക്കല് അബ്ദുല്ല…
Read Moreബസുകള് കൂട്ടത്തോടെ നവകേരള സദസിന്; യാത്ര ദുഷ്കരം
കോഴിക്കോട്: മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസിന് ബസുകള് കൂട്ടത്തോടെ പോകുന്നു. കോഴിക്കോട് ജില്ലയില് വിവിധ മണ്ഡലങ്ങളിലെ പരിപാടികള്ക്ക് ബസുകള് ബുക്ക് ചെയ്തിനാല് റോഡില് ബസുകളുടെ എണ്ണം കുറഞ്ഞു. ഇരുന്നൂറിലധികം ബസുകള് നവകേരള സദസിന് ബുക്ക് ചെയ്തതായി ബസുടമകള് പറയുന്നു. മോട്ടോര് വാഹന വകുപ്പിന്റെ ഒത്താശയോടെയാണ് യാത്രക്കാരെ വഴിയാധാരമാക്കുന്ന നടപടി. കൊയിലാണ്ടി മണ്ഡലത്തിലെ നവകേരള സദസ് രാവിലെ 11 മണിക്ക് കൊയിലാണ്ടി സ്പോര്ട്സ് കൗണ്സില് സ്റ്റേഡിയത്തിലാണ് നടന്നത്. മണ്ഡലത്തിന്റെ വിവിധ ഭാഗങ്ങളില് നിന്നു പരിപാടിക്ക് എത്തിച്ചേരാന് റൂട്ടില് സര്വീസ് നടത്തുന്ന ബസുകളെയാണ് ഉപയോഗപ്പെടുത്തിയത്. രാവിലെ മുതല് സര്വീസ് മുടക്കി കൊയിലാണ്ടി മേഖലയിലെ ബസുകള് മിക്കതും സദസിന് ആളെ കൊണ്ടുവരാനുള്ള തിരക്കിലായിരുന്നു. സ്ഥിരമായി യാത്ര ചെയ്യുന്നവരും കുട്ടികളുമെല്ലാം ഓഫീസുകളില് പോകേണ്ടവരുമെല്ലാം ബുദ്ധിമുട്ടി. ബാലുശ്ശേരി മണ്ഡലത്തിലെ നവ കേരള സദസ് വൈകിട്ട് മൂന്നിന് ബാലുള്ളേരി ഗവ. ബോയസ് ഹൈസ്കൂള് ഗ്രൗണ്ടിലും…
Read More