തിരുവനന്തപുരം: സംസ്ഥാനത്ത് ഇന്ന് മുതല് അഞ്ച് ദിവസം ഒറ്റപ്പെട്ട ഇടങ്ങളില് ഇടി മിന്നലോടു കൂടിയ ശക്തമായ മഴയ്ക്ക് സാധ്യതയെന്ന് ദേശീയ കാലാവസ്ഥാ വകുപ്പ് അറിയിച്ചു. ഇന്ന് നാല് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. എറണാകുളം, ഇടുക്കി, പാലക്കാട്, മലപ്പുറം ജില്ലകളിലാണ് യെല്ലോ അലർട്ട്. നിലവില് കന്യാകുമാരി മേഖലക്ക് മുകളിലായി ചക്രവാതച്ചുഴി സ്ഥിതി ചെയ്യുന്നുണ്ട്. തെക്ക് പടിഞ്ഞാറൻ ബംഗാൾ ഉൾക്കടലിൽ തമിഴ്നാട് തീരത്തോട് ചേർന്ന് മറ്റൊരു ചക്രവാതച്ചുഴിയും സ്ഥിതി ചെയ്യുന്നു. ഇതിന്റെ ഫലമായാണ് വരുംദിവസങ്ങളിൽ മഴ പ്രതീക്ഷിക്കുന്നത്. ഇന്നു മുതല് 25 വരെയുള്ള തീയതികളിൽ ഒറ്റപ്പെട്ട ഇടങ്ങളിൽ ശക്തമായ മഴക്കും നവംബർ 22, 23 തീയതികളിൽ അതിശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
Read MoreCategory: Edition News
പരിക്കേറ്റ യുവാക്കളെ ആശുപത്രിയിലെത്തിക്കാത്ത പോലീസുകാര്ക്കെതിരേ നടപടിക്ക് ശിപാര്ശ
കട്ടപ്പന: വാഹനാപകടത്തില് പരിക്കേറ്റ് വഴിയില് കിടന്ന യുവാക്കളെ ആശുപത്രിയിലെത്തിക്കാന് വിസമ്മതിച്ച പോലീസുകാര്ക്കെതിരേ വകുപ്പുതല നടപടി വന്നേക്കും. സംഭവത്തില് കട്ടപ്പന ഡിവൈഎസ്പി വി.എ. നിഷാദ്മോന് ഇന്ന് ജില്ലാ പോലീസ് മേധാവിക്ക് റിപ്പോര്ട്ട് നല്കും. സംഭവം വിവാദമാകുകയും വലിയ പ്രതിഷേധത്തിനിടയാക്കുകയും ചെയ്തതോടെയാണ് അന്വേഷണം നടത്താന് വകുപ്പുതല നിര്ദേശമുണ്ടായത്. നെടുങ്കണ്ടം സ്റ്റേഷനിലെ പോലീസുകാരാണ് പരിക്കേറ്റ യുവാക്കളെ വാഹനത്തില് കയറ്റാതെ പോയത്. നാട്ടുകാര് യുവാക്കളെ പോലീസ് വാഹനത്തിനടുത്ത് എത്തിച്ചെങ്കിലും ഓട്ടോ വിളിച്ച് ആശുപത്രിയിലെത്തിക്കാന് പറഞ്ഞ് പോലീസുകാര് പോകുകയായിരുന്നു. ദിശ മാറിയെത്തിയ പിക് അപ് ഇടിച്ചാണ് ബൈക്ക് യാത്രികരായ രണ്ടു യുവാക്കള്ക്ക് ഗുരുതര പരിക്കേറ്റത്. കാഞ്ചിയാര് ചൂരക്കാട്ട് ജൂബിന് ബിജു(21), ഇരട്ടയാര് എരുമച്ചാടത്ത് അഖില് ആന്റണി(23) എന്നിവര്ക്കാണ് പരിക്കേറ്റത്. കഴിഞ്ഞ ദിവസം രാത്രി പത്തരയോടെ കട്ടപ്പന പള്ളിക്കവല ജംഗ്ഷനിലായിരുന്നു അപകടം. പള്ളിക്കവലയ്ക്കു സമീപത്തെ കടയില് നിന്ന് ഭക്ഷണം കഴിച്ചശേഷം ടൗണിലേക്കു വരുകയായിരുന്നു യുവാക്കള്. ഇതിനിടെയാണ്…
Read Moreനവകേരള സദസ്; പ്രതിഷേധം ശക്തമാക്കാൻ പ്രതിപക്ഷം
തിരുവനന്തപുരം: നവകേരള സദസിനെതിരേ പ്രതിഷേധം ശക്തമാക്കാൻ പ്രതിപക്ഷം. ഇന്നലെ പഴയങ്ങാടിയിൽ മുഖ്യമന്ത്രിയെ കരിങ്കൊടി കാണിച്ച യൂത്ത് കോൺഗ്രസ് പ്രവർത്തകർക്ക് മർദനമേറ്റ സംഭവത്തെ തുടർന്ന് കടുത്ത പ്രതിഷേധമാണ് യുഡിഎഫ് ഉയർത്തുന്നത്. പ്രതിപക്ഷ നേതാവ് വി.ഡി. സതീശനും യുഡിഎഫ് കൺവീനർ എം.എം. ഹസനും ഇന്ന് മാധ്യമങ്ങളെ കാണും. കൂടാതെ കെപിസിസി പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനും കണ്ണൂരേക്ക് തിരിക്കും. മർദനത്തിൽ പരുക്കേറ്റ് ചികിത്സയിൽ തുടരുന്ന പ്രവർത്തകരെ ഇവർ ആശുപത്രിയിൽ സന്ദർശിക്കും. യുഡിഎഫ് പ്രവർത്തകരെ കായികമായി നേരിട്ട് നവകേരള സദസ് സംഘടിപ്പിക്കാനാണ് നീക്കമെങ്കിൽ തിരുവനന്തപുരം വരെ മുഖ്യമന്ത്രി കരിങ്കൊടി കാണുമെന്നും ജനാധിപത്യ പ്രതിഷേധത്തിന്റെ ചൂടറിയുമെന്നും വി.ഡി. സതീശൻ കഴിഞ്ഞ ദിവസം സോഷ്യൽ മീഡിയയിൽ കുറിച്ചു. പ്രതിപക്ഷ വിദ്യാർഥി, യുവജന സംഘടനകൾ മുഖ്യമന്ത്രിക്കെതിരെ പ്രതിഷേധം തുടരാനുള്ള നിലപാടിലാണ്. നവകേരളസദസ് കണ്ണൂർ ജില്ലയിൽ കടന്നതോടെ പ്രതിഷേധവും ശക്തമാകുമെന്നുറപ്പാണ്. നവകേരള സദസ്…
Read Moreതിരുവനന്തപുരത്ത് ഓടിക്കൊണ്ടിരുന്ന കാറിന് തീപിടിച്ചു
പേരൂർക്കട: അമ്പലമുക്ക് ജംഗ്ഷന് സമീപം ഓടിക്കൊണ്ടിരുന്ന ഒമ്നി വാൻ കത്തിനശിച്ചു. ഇന്ന് രാവിലെ 8.30നാണ് സംഭവം. പേരൂർക്കടയിൽനിന്ന് അമ്പലമുക്കിലേക്ക് വരികയായിരുന്നു വാഹനം. വാനിനുള്ളിൽ ഡ്രൈവർ മാത്രമാണ് ഉണ്ടായിരുന്നത്. ബോണറ്റിന്റെ ഭാഗത്തുനിന്ന് തീയും പുകയും ഉയരുന്നത് കണ്ട ഇദ്ദേഹം ഉടൻതന്നെ വാഹനം നിർത്തി പുറത്തേക്ക് ഇറങ്ങിയോടി. വാൻ ഗ്യാസ് സിലിണ്ടർ ഘടിപ്പിച്ചതായിരുന്നുവെന്നും വാതക ചോർച്ചയാകാം അപകടത്തിന് ഇടയാക്കിയതെന്നുമാണ് ഫയർഫോഴ്സിന്റെ നിഗമനം. തിരുവനന്തപുരം ഫയർ സ്റ്റേഷൻ ഓഫീസിൽ നിന്ന് അസി. സ്റ്റേഷൻ ഓഫീസർ അനിൽകുമാറിന്റെ നേതൃത്വത്തിലുള്ള സംഘം അരമണിക്കൂറോളം പരിശ്രമിച്ചാണ് തീ കെടുത്തിയത്. ഉപയോഗിക്കാൻ സാധിക്കാത്ത വിധം വാൻ കത്തി നശിച്ചിട്ടുണ്ട്.
Read Moreവിദ്യാർഥിയുടെ മുഖത്ത് പേനയ്ക്ക് കുത്തി കെഎസ്ആർടിസി കണ്ടക്ടർ; കുടുംബത്തിന്റെ പരാതിയിൽ കേസെടുത്ത് പോലീസ്
പെരുമ്പാവൂർ: ബസിൽ സ്കൂളിലേക്കു പോകവെ, വിദ്യാർഥിയുടെ മുഖത്ത് കെഎസ്ആർടിസി കണ്ടക്ടർ പേന കൊണ്ട് കുത്തിയതായി പരാതി. പുല്ലുവഴി ജയകേരളം സ്കൂളിലെ വിദ്യാർഥിക്കാണു പരിക്കേറ്റത്. സംഭവത്തിൽ ആലുവ – മൂവാറ്റുപുഴ റൂട്ടിൽ സർവീസ് നടത്തുന്ന ബസിലെ കണ്ടക്ടർ കീഴില്ലം സ്വദേശി വിമലിനെതിരേ പോലീസ് കേസെടുത്തു. ഇന്നലെ രാവിലെ വിദ്യാർഥി സ്കൂളിലേക്കു പോകുന്നതിനിടെയായിരുന്നു സംഭവം. ലഗേജ് വയ്ക്കുന്ന ബെർത്തിൽ വിദ്യാർഥി ബാഗ് വയ്ക്കാതിരുന്നതാണ് സംഭവത്തിനു കാരണമെന്നാണ് അറിയുന്നത്. ബെർത്തിൽ സ്ഥലമില്ലാത്തതിനാലാണു ബാഗ് വയ്ക്കാതിരുന്നതെന്ന് പറയപ്പെടുന്നു. വിദ്യാർഥിയോട് അസഭ്യം പറഞ്ഞശേഷം മുഖത്ത് പേനകൊണ്ട് കുത്തിയെന്നാണു പരാതി. വിദ്യാർഥിയുടെ മാതാപിതാക്കളുടെ പരാതിയുടെ അടിസ്ഥാനത്തിലാണു പെരുമ്പാവൂർ പോലീസ് കേസെടുത്തത്.
Read Moreഅടിക്കടി വിവാദങ്ങള്; മുസ്ലിം ലീഗ് ജാഗ്രത കാണിക്കുന്നില്ലെന്ന് കോണ്ഗ്രസ് ആക്ഷേപം
കോഴിക്കോട്: കോണ്ഗ്രസ് നേതൃത്വത്തെ തുടര്ച്ചയായി പ്രതിരോധത്തിലാക്കുന്ന മുസ്ലിം ലീഗ് നടപടിക്കെതിരേ കോണ്ഗ്രസില് അസ്വാരസ്യം. നവകേരളസദസുമായി സഹകരിക്കേണ്ടെന്ന് യുഡിഎഫ് തീരുമാനിച്ചിട്ടും കാസര്ഗോഡ് നവകേരള സദസിന്റെ രണ്ടാം ദിവസത്തെ രാവിലെ നടന്ന യോഗത്തിൽ മുസ്ലിംലീഗ് നേതാവ് പങ്കെടുത്തതാണ് വിവാദമായിരിക്കുന്നത്. യുഡിഎഫ് ഒന്നാകെ നവകേരളസദസ് ബഹിഷ്കരിച്ചിരിക്കുന്ന സാഹചര്യത്തിലാണ് ഈ സംഭവം ഉണ്ടായത്. ഇതോടെ ഇനി നടക്കാനിരിക്കുന്ന നവകേരള സദസുകളില് ലീഗ് നേതൃത്വം ശക്തമായ നിലപാട് സ്വീകരിച്ചിരിക്കുകയാണ്. പാര്ട്ടി ഭാരവാഹിത്വം വഹിക്കുന്നവരോ ജനപ്രതിനിധികളോ എന്ത് സാഹചര്യത്തിലും നവകേരളസദസിന്റെ ഭാഗമാകരുതെന്നാണ് നിര്ദേശം. ഇത് ലംഘിക്കുന്നവര്ക്കെതിരേ ശക്തമായ നിലപാട് സ്വീകരിക്കുമെന്നും അറിയിച്ചിട്ടുണ്ട്. മുസ്ലിം ലീഗ് നേതാവ് എന്.എ. അബൂബക്കര് മുഖ്യമന്ത്രിക്കൊപ്പം വേദി പങ്കിട്ടതാണ് ഇപ്പോള് ലീഗിനെ പ്രതിരോധത്തിലാക്കിയത്. വ്യവസായി കൂടിയായ ഇദ്ദേഹത്തിന് മുഖ്യമന്ത്രിയുടെ തൊട്ടടുത്ത കസേരയില്ത്തന്നെയായിരുന്നു സീറ്റ്. സിപിഎം നല്കിയ കേരള ബാങ്ക് ഡയറക്ടര്പദവി മുസ്ലിം ലീഗ് സംസ്ഥാന സെക്രട്ടറി പി. അബ്ദുള്ഹമീദ് എംഎല്എ സ്വീകരിച്ചതിന്റെ…
Read Moreനാഗമ്പടത്തുകൂടി പോന്നോളൂ, “ടേക്ക് എ ബ്രേക്ക്”; നെഹ്റു സ്റ്റേഡിയത്തിനു സമീപം രാവിലെ ആറു മുതല് രാത്രി 11 വരെ
കോട്ടയം: യാത്രക്കാര്ക്കും ടൗണിലെത്തുന്നവര്ക്കും സൗകര്യപ്രദമായി നാഗമ്പടത്ത് നെഹ്റു സ്റ്റേഡിയത്തിനു സമീപമായി ടേക്ക് എ ബ്രേക്ക് പ്രവര്ത്തനം തുടങ്ങുന്നു. രാവിലെ ആറു മുതല് രാത്രി 11 വരെയാണ് ടേക്ക് എ ബ്രേക്കിന്റെ പ്രവര്ത്തനം. കെട്ടിടനിർമാണം കഴിഞ്ഞ മാര്ച്ചില് പൂര്ത്തിയായെങ്കിലും പ്രവര്ത്തനവും ഉദ്ഘാടനവും പല കാരണങ്ങളാല് വൈകുകയായിരുന്നു. ശുചിമുറികളും വിശ്രമകേന്ദ്രവുമാണ് ടേക്ക് എ ബ്രേക്കിലുള്ളത്. പൂര്ണമായും ഇന്സിനറേറ്റര് ശുചിമുറികളാണുള്ളത്. ഭിന്നശേഷി സൗഹൃദ റാംപ് സൗകര്യങ്ങളുമുണ്ട്. കഫ്റ്റീരിയ വിഭാഗവും മുലയൂട്ടുന്നതിനുള്ള കേന്ദ്രവും പ്രത്യേകമായി സജ്ജീകരച്ചിട്ടുണ്ട്. 35 ലക്ഷം രൂപയാണ് നിര്മാണ ചെലവ്. കുടുംബശ്രീക്കാണു നടത്തിപ്പ് ചുമതല. പരാതിയും അഭിപ്രായവും റേറ്റിംഗും നടത്താന് ക്യൂ ആര് കോഡ് സംവിധാനവുമുണ്ട്. നാളെ വൈകിട്ട് നാലിന് തിരുവഞ്ചൂര് രാധാകൃഷ്ണന് എംഎല്എ ടേക്ക് എ ബ്രേക്ക് ഉദ്ഘാടനം ചെയ്യും. നഗരസഭ ചെയര്പേഴ്സണ് ബിന്സി സെബാസ്റ്റ്യന് അധ്യക്ഷത വഹിക്കും.
Read Moreമറിയക്കുട്ടിക്ക് മാണി സി. കാപ്പന്റെ പിന്തുണ; ഒരു വര്ഷത്തെ പെന്ഷന്തുക കൈമാറി
കോട്ടയം: സര്ക്കാര് നല്കുന്ന ക്ഷേമപെന്ഷന് മുടങ്ങിയപ്പോള് മണ്ചട്ടിയുമായി തെരുവിലിറങ്ങി ഭിക്ഷയാചിച്ച് കേരളത്തെ ഇളക്കിമറിച്ച മറിയക്കുട്ടിക്ക് ഒരു വര്ഷത്തെ ക്ഷേമപെന്ഷന് തുക അഡ്വാന്സായി നല്കി മാണി സി. കാപ്പന് എംഎല്എ. 19,200 രൂപയാണ് എംഎല്എയുടെ നിര്ദ്ദേശപ്രകാരം കേരള ഡെമോക്രറ്റിക് പാര്ട്ടി ഇന്നലെ കൈമാറിയത്. പാര്ട്ടി സംസ്ഥാന ട്രഷറര് സിബി തോമസാണ് തുക നല്കിയത്. പറവൂരില് സംഘടിപ്പിച്ച ചടങ്ങിലാണു തുക കൈമാറിയത്.വീട്ടില് അരി വാങ്ങാന് കാശില്ല. ഒരു ചട്ടി വാങ്ങി പിറ്റേ ദിവസം ഞങ്ങള് പോയി. അറിയാവുന്ന കടകളിലൊക്കെ കയറി. വിവാദമായ ഭിക്ഷാടനത്തെക്കുറിച്ച് ചടങ്ങില് മറിയക്കുട്ടി പറഞ്ഞു. യുഡിഎഫ് നേതാവ് പി.എസ്. രഞ്ജിത്ത്, കെഡിപി ജനറല് സെക്രട്ടറിമാരായ ഏലിയാസ് മണ്ണപ്പള്ളി, പി.എസ്. പ്രകാശന്, എന്.ഒ. ജോര്ജ്, സുമി ജോസഫ്, റെനി വര്ഗീസ്, സന്ധ്യ ചാക്കോച്ചന്, ലൈബി വര്ഗീസ് സംബന്ധിച്ചു. ഓണ്ലൈനില് ചടങ്ങ് വീക്ഷിച്ച മാണി സി. കാപ്പനോട് മറിയക്കുട്ടി നന്ദി…
Read Moreചെന്നൈ- കോട്ടയം ശബരിമല സ്പെഷൽ ട്രെയിൻ അനുവദിച്ചു
കൊല്ലം: ശബരിമല തീർഥാടന വേളയിലെ തിരക്ക് പ്രമാണിച്ച് ചെന്നൈയിൽ നിന്ന് കോട്ടയത്തേയ്ക്കും തിരികെയും സ്പെഷൽ ട്രെയിൻ അനുവദിച്ചു. പ്രത്യേക ടിക്കറ്റ് നിരക്കിലായിരിക്കും ഇവ സർവീസ് നടത്തുക. ചെെന്നെയിൽ നിന്ന് നവംബർ 26, ഡിസംബർ മൂന്ന്, 10, 17, 24, 31 തീയതികളിൽ ( എല്ലാം ഞായർ ) രാത്രി 11.30 ന് പുറപ്പെടുന്ന വണ്ടി അടുത്ത ദിവസം ഉച്ചയ്ക്ക് 1.10 ന് കോട്ടയത്ത് എത്തും. തിരികെ കോട്ടയത്തുനിന്ന് നവംബർ 27, ഡിസംബർ നാല്, 11, 18, 25, ജനുവരി ഒന്ന് എന്നീ തീയതികളിൽ ( എല്ലാം തിങ്കൾ ) രാത്രി ഏഴിന് പുറപ്പെടുന്ന വണ്ടി അടുത്ത ദിവസം രാവിലെ 10.30 ന് ചെന്നൈയിൽ എത്തും. രണ്ട് ഏസി ടൂ ടയർ, ആറ് ഏസി ത്രീടയർ, നാല് ഏസി ത്രീ ടയർ എക്കണോമി, ആറ് സ്ലീപ്പർ, രണ്ട് ജനറൽ…
Read Moreപതിനാലുകാരനു ക്രൂരപീഡനം: 5 പേർക്കെതിരേ കേസ്
കൊല്ലം: പതിനാലുകാരന് ക്രൂരപീഡനമേറ്റെന്ന് പരാതി. പത്തനാപുരം മാങ്കോട് ആണ് സംഭവം. അമ്പലത്തിലേക്ക് പോയ 14കാരനെ അഞ്ച് പേർ ചേർന്ന് ആക്രമിക്കുകയായിരുന്നു. വസ്ത്രം അഴിപ്പിച്ച ശേഷം ജനനേന്ദ്രിയത്തിൽ കത്തി വച്ചതായി പരാതിയിൽ പറയുന്നു.മാങ്കോട് സ്വദേശികൾ ആയ അഞ്ചു പേരാണ് ആക്രമണം നടത്തിയത്. പ്രതികൾ മദ്യലഹരിയിൽ ആയിരുന്നുവെന്ന് പരാതിക്കാരൻ പോലീസിനോട് പറഞ്ഞു. സംഭവത്തിൽ പത്തനാപുരം പോലീസ് പോക്സോ വകുപ്പ് പ്രകാരം കേസ് എടുത്തു. അജിത്ത് (26), രാജേഷ് (31), അഖിൽ (25), അനീഷ് (25), അജിത്ത് (30) എന്നിവർക്കെതിരേയാണ് കേസ് എടുത്തിട്ടുള്ളത്. ചിലർ കസ്റ്റഡിയിലായതായും സൂചനയുണ്ട്.
Read More