തൃശൂർ: ദേശീയപാത ചെന്ത്രാപ്പിന്നിയിൽ വീണ്ടും വാഹനാപകടം. ശബരിമല തീർഥാടകർ സഞ്ചരിച്ചിരുന്ന ബസും കാറും തമ്മിൽ കൂട്ടിയിടിച്ചു. ഇന്നു രാവിലെ എട്ടോടെ ചെന്ത്രാപ്പിന്നി കനറാ ബാങ്കിന് മുൻവശത്താണ് അപകടം. ശബരിമല തീർത്ഥാടകർ സഞ്ചരിച്ചിരുന്ന ബസിലേക്ക് എതിർവശത്ത് നിന്നും വന്നിരുന്ന കാർ ഇടിച്ചു കയറുകയായിരുന്നുവെന്ന് ദൃക്സാക്ഷികൾ പറയുന്നു. തൃപ്രയാർ പെരിങ്ങോട്ടുകര സ്വദേശികൾ സഞ്ചരിച്ചിരുന്ന കാറാണ് അപകടത്തിൽപ്പെട്ടത്. അപകടത്തിൽ കാർ തകർന്നുവെങ്കിലും യാത്രക്കാർക്ക് ആർക്കും സാരമായ പരിക്കുകളില്ല. ഇവരെ ആശുപത്രിയിലേക്ക് മാറ്റി. അപകടത്തെ തുടർന്ന് ഏറെ നേരം വാഹനഗതാഗതം തടസപ്പെട്ടു. ഹൈവേ പോലീസ് സ്ഥലത്തെത്തിയാണ് അപകടത്തിൽപ്പെട്ട വാഹനങ്ങൾ നീക്കി ഗതാഗതം സാധാരണ നിലയിലാക്കിയത്.
Read MoreCategory: Edition News
തളിപ്പറമ്പിൽ ഭാര്യയുമായി ഒളിച്ചോടിയ കാമുകനെ ഭര്ത്താവും സംഘവും മർദിച്ചു
തളിപ്പറമ്പ്: തളിപ്പറമ്പ് കോട്ടക്കുന്നിൽ യുവാവിന് മർദനമേറ്റു. ഭാര്യയുമായി ഒളിച്ചോടിയ കാമുകനെയാണ് ഭര്ത്താവും സംഘവും അടിച്ച് പരിക്കേല്പ്പിച്ചത്. തളിപ്പറമ്പ് ഹിദായത്ത് നഗറിലെ കെ.ടി. ഹൗസിലെ കെ.ടി. മന്സൂറിനാണ് (34) മര്ദനമേറ്റത്. ഇക്കഴിഞ്ഞ ശനിയാഴ്ച ഉച്ചകഴിഞ്ഞ് മൂന്നോടെയായിരുന്നു സംഭവം. നവാസ്, മമ്മദ്, സഫീര്, ആഷിഖ്, നിജാസ് എന്നിവരും മറ്റൊരാളും ചേര്ന്ന് കോട്ടക്കുന്നിൽ ക്രിക്കറ്റ് സ്റ്റംപും ബിയര്കുപ്പികളും കൊണ്ട് മര്ദിച്ചതായാണ് പരാതി. കൈവിരല് പിറകോട്ട് വളച്ച് ഒടിക്കുകയും ചെയ്തു. നവാസിന്റെ ഭാര്യ മന്സൂറിന്റെ കൂടെ ഒളിച്ചോടിപ്പോയതാണ് കാരണമെന്ന് പോലീസിന് നല്കിയ പരാതിയില് പറയുന്നു.
Read Moreശബരിമലയില് മണ്ഡലകാലം; ഇന്ന് നട തുറക്കും; വിപുലമായ സൗകര്യങ്ങള് സജ്ജമാക്കി കെഎസ്ആര്ടിസി
പത്തനംതിട്ട: മണ്ഡല മഹോത്സവത്തിനു തുടക്കം കുറിച്ച് ഇന്ന് വൈകിട്ട് ശബരിമല ശ്രീധര്മശാസ്താ ക്ഷേത്ര നട തുറക്കും. വൈകിട്ട് അഞ്ചിന് തന്ത്രി കണ്ഠരര് മഹേഷ് മോഹനരുടെ സാന്നിധ്യത്തില് മേള്ശാന്തി കെ. ജയരാമന് നമ്പൂതിരി നട തുറന്ന് ദീപം തെളിക്കും. പുതിയ ശബരിമല, മാളികപ്പുറം മേല്ശാന്തിമാരുടെ അഭിഷേക ചടങ്ങുകള് നാളെ രാത്രി സന്നിധാനത്തു നടക്കും. ശബരിമല ക്ഷേത്രം മേല്ശാന്തിയായി മഹേഷ് നമ്പൂതിരിയും മാളികപ്പുറം മേല്ശാന്തിയായി പി.ജി. മുരളി നമ്പൂതിരിയുമാണ് ചുമതലയേല്ക്കുന്നത്. നിലവിലെ ശബരിമല, മാളികപ്പുറം മേല്ശാന്തിമാര് ഒരുവര്ഷത്തെ പൂജകള് പൂര്ത്തിയാക്കി നാളെ രാത്രി മലയിറങ്ങും. പുറപ്പെടാ ശാന്തിമാരെന്ന നിലയില് കഴിഞ്ഞ ഒരുവര്ഷമായി ഇരുവരും ശബരിമലയില് താമസിച്ചു പൂജകള് നടത്തിവരികയായിരുന്നു. മണ്ഡല വ്രതാരംഭമായ വൃശ്ചികപ്പുലരിയില് പുതിയ മേല്ശാന്തിമാരായിരിക്കും നട തുറക്കുക. ഡിസംബര് 27നാണ് മണ്ഡല പൂജ. അന്നു രാത്രി പത്തിന് നട അടയ്ക്കും. മകരവിളക്ക് മഹോത്സവത്തിനായി ഡിസംബര് 30ന് വൈകിട്ടു നട…
Read Moreമുഖ്യമന്ത്രി വരും വേദിയൊരുക്കണം; തിരുനക്കര ബസ് സ്റ്റാന്റ് കെട്ടിടം പൊളിക്കൽ വേഗത്തിലാക്കി
കോട്ടയം: മുഖ്യമന്ത്രിയുടെ നവകേരള സദസിനു വേദിയൊരുക്കാൻ തിരുനക്കര പഴയ ബസ് സ്റ്റാന്ഡ് കെട്ടിടം പൊളിക്കുന്ന ജോലികൾ വേഗത്തിലാക്കി. 28നു മുന്പു കെട്ടിടം മുഴുവൻ പൊളിച്ചു തറ നിരപ്പാക്കി നൽകാൻ കർശന നിർദേശം നൽകിയിരിക്കുകയാണ് ജില്ലാ ഭരണകൂടം. അടുത്ത മാസം 13ന് തിരുനക്കര മൈതാനത്ത് നവകേരള സദസ് നടത്താനായിരുന്നു നേരത്തെയുള്ള തീരുമാനം. എന്നാൽ 500 പേർക്ക് ഇരിപ്പിടം ഒരുക്കണമെന്ന സർക്കാർ നിർദേശം വന്നതോടെ വേദി മാറ്റുകയായിരുന്നു. ഇതോടെ പഴയ ബസ്റ്റാൻഡിനുള്ളിൽ പരിപാടി നടത്താൻ തീരുമാനമായി. ഇതിനായാണ് പൊളിക്കൽ വേഗത്തിലാക്കിയത്.ഇനിയും ഒന്നര മാസം കൂടിയുണ്ടെങ്കിലേ കെട്ടിടം പൂർണമായും പൊളിച്ച് നീക്കാൻ സാധിക്കുവെന്നാണ് കരാറുകാർ പറയുന്നത്. എന്നാൽ മുഖ്യമന്ത്രിക്ക് വേദിയൊരുക്കാൻ പൊളിക്കൽ ഉടനടി പൂർത്തിയാക്കണമെന്നാണ് ജില്ലാ ഭരണകൂടത്തിന്റെ കർശന നിർദേശം. പൊടിപടലം ഉയർന്ന് യാത്രക്കാർക്ക് ബുദ്ധിമുട്ടായതോടെ പൊളിക്കൽ താത്കാലികമായി നിർത്തിവച്ചിരിക്കുകയായിരുന്നു. കഴിഞ്ഞ ദിവസം മുതൽ വീണ്ടും പൊളിക്കൽ ആരംഭിച്ചിട്ടുണ്ട്. എംസി റോഡിനോട്…
Read Moreവാട്സ് ആപ്പ്തട്ടിപ്പ്; പാലായിലെ വ്യാപാര സ്ഥാപനത്തിൽനിന്ന് 35 ലക്ഷം തട്ടിയ യുപി സ്വദേശികള് അറസ്റ്റില്
പാലാ: വ്യാപാരസ്ഥാപനത്തില്നിന്ന് 35 ലക്ഷം രൂപ തട്ടിയെടുത്ത കേസില് ഉത്തര്പ്രദേശ് സ്വദേശികളായ അഞ്ചുപേര് പോലീസിന്റെ പിടിയിലായി. യുപി ഔറാദത്ത് സന്ത്കബിര് നഗര് സ്വദേശികളായ സങ്കം (19), ദീപക് (23), അമര്നാഥ് (19), അമിത് (21), അതീഷ് (20) എന്നിവരാണ് പ്രത്യേക അന്വേഷണ സംഘത്തിന്റെ പിടിയിലായത്. ജനുവരി 31ന് പാലായിലെ വ്യാപാര സ്ഥാപനത്തില്നിന്ന് ഇവര് ഓണ്ലൈനിലൂടെ പണം തട്ടിയെടുക്കുകയായിരുന്നു. സ്ഥാപനത്തിലെ എംഡിയുടെ വാട്സാപ്പ് മുഖചിത്രം ഉപയോഗിച്ചായിരുന്നു തട്ടിപ്പ്. എംഡിയുടെ വ്യാജ ഡിപി നിർമിച്ചശേഷം വാട്സാപ്പിലൂടെ മാനേജരുടെ ഫോണിലേക്ക് വിളിച്ചു. താന് കോണ്ഫറന്സില് ആണെന്നും ബിസിനസ് ആവശ്യത്തിനായി താന് പറയുന്ന അക്കൗണ്ടുകളിലേക്ക് ഉടന് പണം അയക്കണമെന്നും കോണ്ഫറന്സില് ആയതിനാല് തിരികെ വിളിക്കരുതെന്നും പറഞ്ഞു. തട്ടിപ്പുകാരാണെന്ന് മനസിലാകാതെ മാനേജർ സ്ഥാപനത്തില്നിന്ന് 35 ലക്ഷം രൂപ വിവിധ അക്കൗണ്ടുകളിലേക്ക് ട്രാൻസ്ഫർ ചെയ്തു. പിന്നീടാണ് നടന്നത് തട്ടിപ്പാണെന്ന് മനസിലായത്. ഇതോടെ സ്ഥാപന ഉടമ പാലാ…
Read Moreബേപ്പൂരിലെ ലക്ഷദ്വീപ് ഓഫീസുകള് മാറ്റാന് നീക്കം; മംഗലാപുരത്തേക്കെന്ന് സൂചന
കോഴിക്കോട്: ബേപ്പൂര് തുറമുഖത്തെ ലക്ഷദ്വീപ് കാര്യാലയത്തിന്റെ ഓഫീസുകള് മാറ്റുന്നതിനു നീക്കം തകൃതിയായി. മംഗലാപുരത്തേക്ക് ഓഫീസുകള് മാറ്റാനാണ് നീക്കം നടത്തുന്നത്. ബേപ്പൂര് തുറമുഖം വഴിയുള്ള കയറ്റിറക്കുകൂലി വളരെ കൂടുതലാണെന്ന വാദത്തിന്റെ പേരിലാണ് ഓഫീസുകള് മാറ്റാനുള്ള നീക്കത്തിനു വേഗം വച്ചത്. രണ്ടു വര്ഷം മുമ്പ് ഇത്തരമൊരു നീക്കം നടന്നിരുന്നുവെങ്കിലും പിന്നീടത് ഉപേക്ഷിക്കുകയായിരുന്നു. ഇപ്പോള് കവരത്തിയില് പൊതുമരാമത്ത് വകുപ്പിനു കീഴില് നടപ്പാക്കുന്ന പദ്ധതികള്ക്കുള്ള ടൈല്സ് ഇറക്കുന്നതിന്റെ കൂലിനിരക്കുമായി ബന്ധപ്പെട്ട തര്ക്കമാണ് പുതിയ നീക്കത്തിനു കാരണം. ബേപ്പുരിനേക്കാള് കയറ്റിറക്കുകൂലി കുറവ് മംഗലാപരുത്താണെന്ന് ദ്വീപ് ഭരണകൂടം പറയുന്നു.ലക്ഷദ്വീപില് നിര്മാണ പ്രവൃത്തിക്കുള്ള സാധനങ്ങളെല്ലാം കൊണ്ടുപോകുന്നത് ബേപ്പൂരിലും കൊച്ചിയിലും നിന്നാണ്. ലക്ഷദ്വീപ് പോര്ട്ട് ഓഫീസ്, വൈദ്യുതി ഓഫീസ്, പോലീസ് ഔട്ട്പോസ്റ്റ് എന്നിവയാണ് ബേപ്പൂര് തുറമുഖത്ത് പ്രവര്ത്തിക്കുന്ന ദ്വീപ് ഓഫീസുകള്. ബേപ്പുര് പോര്ട്ട് യാര്ഡില് പ്രവര്ത്തിച്ചിരുന്ന ലക്ഷദ്വീപിന്റെ പൊതുമരാമത്ത് വിഭാഗം ഓഫീസ് രണ്ടുവര്ഷം മുമ്പ് അടച്ചുപൂട്ടിയിരുന്നു. ഡീസല് കയറ്റുമതി…
Read Moreഭർത്താവിനെ മർദിക്കുന്നതു തടയാനെത്തിയ വീട്ടമ്മയെ ആക്രമിച്ച് നഗ്നയാക്കി; ഞെട്ടിക്കുന്ന സംഭവം കണ്ണൂരിൽ
പെരിങ്ങോം (കണ്ണൂർ): വീട്ടില് അതിക്രമിച്ച് കയറി ഭര്ത്താവിനെ മര്ദിക്കുകയും തന്റെ വസ്ത്രങ്ങൾ വലിച്ചുകീറി നഗ്നയാക്കുകയും ചെയ്തതായി 39കാരിയായ വീട്ടമ്മയുടെ പരാതി. സംഭവത്തിൽ തണ്ടനാട്ടുപൊയിലിലെ മനു, പെരിന്തട്ടയിലെ ചാക്കോ എന്നിവര്ക്കെതിരേ പെരിങ്ങോം പോലീസ് കേസ് എടുത്തു. 13ന് രാത്രി ഏഴിനാണ് പരാതിക്കാസ്പദമായ സംഭവം. വീട്ടില് അതിക്രമിച്ച് കയറിയ പ്രതികള് ഭര്ത്താവിനെ മര്ദിക്കുന്നത് കണ്ട് തടയാനെത്തിയപ്പോള് അടിച്ച് പരിക്കേല്പ്പിക്കുകയും ധരിച്ചിരുന്ന വസ്ത്രങ്ങൾ വലിച്ചു കീറുകയുമായിരുന്നു. ഭര്ത്താവിന്റെ വീട്ടുകാര് മുമ്പ് പ്രതികളുടെ പേരില് കേസ് കൊടുത്തതിന്റെ വിരോധമാണ് അക്രമത്തിനു കാരണമെന്നും പരാതിയിലുണ്ട്.
Read Moreകണ്ടല സഹകരണ ബാങ്ക് തട്ടിപ്പ്; ഭാസുരാംഗനും മകന് അഖില്ജിത്തും ഇഡിക്കു മുന്നില്
കൊച്ചി: കണ്ടല സഹകരണ ബാങ്ക് കള്ളപ്പണ കേസില് മുന് പ്രസിഡന്റ് എന്. ഭാസുരാംഗന്, മകന് അഖില്ജിത്ത് എന്നിവരെ ഇന്ന് ഇഡി വീണ്ടും ചോദ്യം ചെയ്യും. രാവിലെ 10.30 ന് കൊച്ചിയിലെ ഇഡി ഓഫീസില് ഹാജരാകാനാണ് നിര്ദേശം. ബാങ്കുമായി ബന്ധപ്പെട്ട് നടന്ന ലോണ് ഇടപാടുകളുടെ രേഖകള് സഹിതം ഹാജരാകാനാണ് നിര്ദേശം. കഴിഞ്ഞ ദിവസം എട്ടു മണിക്കൂര് ഭാസുരാംഗനെ ഇഡി ചോദ്യം ചെയ്ത് വിട്ടയക്കുകയായിരുന്നു. ഭാസുരാംഗന് പ്രസിഡന്റായിരുന്ന കണ്ടല ബാങ്കില് 101 കോടി രൂപയുടെ ക്രമക്കേട് നടന്ന സംഭവത്തിലാണ് ഇഡി അന്വേഷണം. കേസുമായി ബന്ധപ്പെട്ട് നേരത്തെ തിരുവനന്തപുരത്തെ ബാങ്കിലും ഭാസുരാംഗന്റെ വീട്ടിലും ഇഡി പരിശോധന നടത്തി രേഖകള് കസ്റ്റഡിയില് എടുത്തിരുന്നു. കണ്ടലയില് പിടിമുറുക്കുകയാണ് എന്ഫോഴ്സ്മെന്റ് ഡയറക്ടറേറ്റ്. ഭാസുരാംഗന്റെ മകന് അഖില്ജിത്തിന്റെ നിക്ഷേപം, ചുരുങ്ങിയ കാലയളവിലുണ്ടായ സാമ്പത്തിക സ്രോതസ്, ബിസിനസ് വളര്ച്ച എന്നിവ സംബന്ധിച്ച രേഖകളും കഴിഞ്ഞ ദിവസം ഇഡി ശേഖരിച്ചിരുന്നു.…
Read Moreനവകേരള സദസ്: കേരളത്തിൽ നടക്കുന്നത് മുഖ്യമന്ത്രിയും മന്ത്രിമാരും നടത്തുന്ന ധൂർത്തെന്ന് എൻ.കെ. പ്രേമചന്ദ്രൻ
തിരുവനന്തപുരം: കേരളത്തിൽ നടക്കുന്നത് മുഖ്യമന്ത്രിയും മന്ത്രിമാരും നടത്തുന്ന ധൂർത്താണെന്ന് എൻ.കെ. പ്രേമചന്ദ്രൻ എംപി. നവകേരള സദസിന് ആഡംബര ബസിനായി ഒരു കോടി അഞ്ചുലക്ഷം രൂപ അനുവദിച്ചതിനോട് പ്രതികരിക്കുകയായിരുന്നു അദ്ദേഹം. കേരളീയത്തിന്റെ തുടർച്ചയായാണ് നവകേരളസദസ് എന്നാണ് സർക്കാർ പറയുന്നത്. അടുത്ത ലോക്സഭ തെരഞ്ഞെടുപ്പ് ലക്ഷ്യം വച്ച് ഖജനാവിലെ പണം ഉപയോഗിച്ച് നടത്തുന്ന പാർട്ടിപ്രവർത്തനമാണ് ഇപ്പോൾ നടക്കുന്നതെന്ന് അദ്ദേഹം രാഷ്ട്രദീപികയോട് പറഞ്ഞു. ജനങ്ങളിൽ നിന്നും പരാതി കേൾക്കാനായി ആഡംബര ബസിന്റെ ആവശ്യം മന്ത്രിമാർക്കില്ല. സംസ്ഥാന ഖജനാവ് മുഖ്യമന്ത്രിയും മന്ത്രിമാരും കൊള്ളയടിക്കുകയാണ്. അഴിമതിയും ധൂർത്തും പാഴ്ചെലവുകളും ആഡംബരവും സുഖലോലുപതയുമാണ് ഈ സർക്കാരിന്റെ മുഖമുദ്രയെന്നും അദ്ദേഹം ആരോപിച്ചു. നവകേരള സദസ്സിന്റെ സംഘാടകസമിതി പോലും ബൂത്ത് തലത്തിലാണ് രൂപീകരിച്ചിരിക്കുന്നത്. ഇത് പാർലമെന്റ് തെരഞ്ഞെടുപ്പിന് മുന്നോടിയായുള്ള പാർട്ടി പ്രവർത്തനം പൊതുപണം ഉപയോഗിച്ച് നടത്തുകയാണ്. നവകേരള സദസിനുള്ള പണപ്പിരിവിന് ഉദ്യോഗസ്ഥർക്ക് ടാർജറ്റ് നൽകി നിർബന്ധപൂർവം പിരിവെടുപ്പിക്കുകയാണെന്നും അദ്ദേഹം…
Read Moreആൾക്കൂട്ട ആക്രമണത്തിനിടെ ബസ് ഡ്രൈവർ ട്രെയിൻ തട്ടി മരിച്ച സംഭവം; 4 പേർ അറസ്റ്റിൽ
ന്യൂമാഹി: ദേശീയ പാതയിൽ പുന്നോൽ പ്പെട്ടിപ്പാലത്തിന് സമീപം കാൽനട യാത്രക്കാരനെ ബസിടിച്ചതിനെ തുടർന്ന് ആൾക്കൂട്ട ആക്രമണത്തിൽ നിന്നും രക്ഷപ്പെട്ട് ഓടുന്നതിനിടെ ബസ് ഡ്രൈവർ ട്രെയിനിടിച്ച് മരിച്ചതുമായി ബന്ധപ്പെട്ട് സ്ത്രീയടക്കം നാലു പേർ അറസ്റ്റിൽ. ബസ് കാൽനടയാത്രികനെ ഇടിച്ചതിനെ തുടർന്നുണ്ടായ സംഘർഷത്തിൽ ഓടി രക്ഷപ്പെടുന്നതിനിടെ ട്രെയിൻ തട്ടി മരിച്ച ബസ് ഡ്രൈവർ ജിജിത്ത്, കണ്ടക്ടർ ബിജീഷ് എന്നിവരെ മർദിച്ചവരാണ് അറസ്റ്റിലായത്. അപകടം നടന്ന പെട്ടിപ്പാലത്തിനു സമീപത്തെ കോളനിയിലെ റഹ്മത്ത് (44), കെ.വി.ഷജീർ (21), വെങ്കടേഷ് (22), കെ.അപൂർവൻ (25) എന്നിവരാണ് അറസ്റ്റിലായത്. കണ്ടക്ടർ ബിജീഷിന്റെ പരാതിയിലാണ് നടപടി.കഴിഞ്ഞ ശനിയാഴ്ച്ച വൈകുന്നേരമാണ് വടകര ഭാഗത്ത് നിന് തലശേരിയിലേക്ക് പോകുകയായിരുന്ന ശ്രീ ഭഗവതി ബസ് തട്ടി കോളനിയിലെ മുനീറിന് പരിക്കേറ്റതിനെ തുടർന്നുണ്ടായ അക്രമത്തിനിടെയായിരുന്നു ഡ്രൈവർ മനേക്കരയിലെ ജിജിത്ത് ട്രെയിൻ തട്ടി മരിച്ചത്.
Read More